رواية انتحال طفلة - بنوتة الشيخ
رواية انتحال طفلة هي رواية ليبيه جديدة للكاتبة أروى طاهر المسلاتي (بنوتة الشيخ)
التي تعتبر الروائيه الليبيه الأشهر في الوطن العربي
بل إنها قد تكون الروائية الأشهر على الإطلاق في الوطن العربي
بالنسبة لنا في مدونة يوتوبيا .. نرى إن روايات بنوتة الشيخ هي الروايات الأقوى
في الوطن العربي
وتُقدم مجموعة من أفضل الأفكار الهادفة في الوطن العربي على الإطلاق.
شاهد هذا الفيديو عن الرواية (مهم جدًا)
شاهد هذا الفيديو عن الرواية (مهم جدًا)
 |
| رواية انتحال طفلة - بنوتة الشيخ |
عن رواية انتحال طفلة
رواية انتحال طفلة على الرغم من إنها لازالت جديدة
إلا أن البحث عن الرواية مهول جدًا وهذا بالطبع بسبب أن كاتبة الرواية هي أروى طاهر المسلاتي
(بنوتة الشيخ)
التي تحتل قائمة الأكثر بحثًا في جوجل وكل مُحركات البحث بمجرد صدورها
لأن الجميع يثق في قلم أروى طاهر المسلاتي
لأنها بالفعل تُقدم فنًا هادفًا وممتًا في نفس الوقت
ولا يوجد غيرها يُقدم فنًا يستحق الإحترام بشكل مجاني غير بنوتة الشيخ
وها هي آخر إبدعاتها (رواية انتحال طفلة)
كالعادة جلبنا لكم رابط قراءتها
لقراءة رواية انتحال طفلة لبنوتة الشيخ : اضغط هنا
تقيم رواية انتحال طفلة
رواية انتحال طفلة رواية من الروايات التي يُمكنك أن تُبحر فيها كما أردت
ولكنك عندما تُريد أن تخرج من حالة الرواية
ستواجه صعوبة كبيرة ستشعر بأنك أصبحت جُزءًا من الأحداث
ستشعر وكأنك دخلت في عالم الر واية واصبحت سجينًا فيه لا تستطيع الخروج أبدًا
ولهذا هي رواية جيدة
بالنسبة لنا في مدونة يوتوبيا أعطينا الرواية تقيم 10 من 10 درجات
فما هو تقيمك أنت للرواية؟
الحلقة الأولى من رواية انتحال طفلة (مقدمة)
سراج:اللحضه هاذي كل شي وقف!!صوت السلاح يلي معبي الدنيا برا والباب يلي حطمته برجلي والسلاح يلي رافعه بيديا
والقوات الخاصه يلي مطوقه المكان وقطرات الدم المتناثره مستحيل هاذا كله عشان الكائن يلي نشوف فيه قدامي!!!
______________
قبل اسبوع واحد:-
مقعمز في السياره لابس بدلة الشرطه كااامله مع نضرات ع الاسود الداكن نفس لون لحيته 🔥
سراج:خذي نفس عميق وهوا يلبس في القوانطي ويفكر ...وراي شغل طويل لازم يكمل ونرجع مدينتي
نحى النضرات وحط يديه علي عيونه ...حاس بي التعب والارهاق بعد يلي صار بس لازم نركز !
رجع لبس نضراته ونزل بي ثقه اول ما درست السياره ..وكان المركز كله في انتضاره عشان يستقبلوه ...نزل سراج من السياره وسلم عليهم واحد واحد وكانت في عيون معبيه حب تراقب فيه من بعيد❤️
سراج:ابتسم الشرطيه هناء...كيف حالك
هناء:قلبها دق ونضرات عيونها فضحوها سلمت عليه بي يد ترجف...الحمد الله بخير
سراج:انتي كويسه؟
هناء:كان رح يغمى عليها من صوته ووقفته وحتى هيبته❤️...اي اي تمام بخير
ناصر:تفضل ع الاجتماع كلنا جاهزين
سراج:كان تااااعب لدرجه لا توصف بس مرفضش ان يخش للاجتماع من اول يوم يوصل فيه
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
كانت قاعة الاجتماع كبيرررره وفيها اهم الشخصيات في البلاد
ومن ضمنهم سراج يعتبر اكبر ضابط في فريق مكافحة المخدرات....قعمز سراج ونحى النضرات وهوا يحاول بقد جهده يركز
اما هناء كانت ذاااايبه في عيونه وطول الوقت مرتبكه ومتوتره لانها ليها سنين مشفاتاش بس مع هاذا مراحش من بالها
سراج:مركز علي الضابط يلي يشرح علي العمليه ويسمع بهدوء
الضابط:علاش اجتمعنا هنايا اليوم؟لان خلاص تاجر المخدرات المعروف ...امين السيد خذي راحته اكتر من اللازم واليوم7سنين مفيش حد قادر يمسك عليه زله رغم ان الدنيا كلها عارفين كمية قذارته واجرامه
اليوم اجتمعنا عشان نحطوله حد ..اخيرا حصلنا شوي معلومات علي اخر عملية تسليم بضاعه وبما انه العمليه بي كميات كبيره لازم يكون موجود وهاذا الشي المطلوب نشدوه متلبس
سراج:مربع يديه وقارن حواجبه يشوف لي صورة امين .
الضابط:امين السيد عند بنت تعتبر صغيره عمرها مايقارب 16او17السنه طبعا هاذي بنته الوحيده ومرته متوفيه !
البنت هاذي زي بوها تساعد فيه في هلباااا حجات وتستغل في سنها وانها بنت عشان تقوم بي اعمال فضيعه ويقال انها تملك بيوت لي الدعاره
سراج:شيت
الضابط :وكل الشكر والاحترام لي الضابط المعروف بي اخلاصه في عمله سراج الهادي وهوا رح يكون المسؤل الاول ع القضيه هاذي مع مساعدين ليه
سراج:حط يده علي صدره ..بمعنى شكرا ..
__________________
كمل الاجتماع وطلعو يلي كانو في القاعه كلهم وبدت القضيه هاذي حديث الساعه
هناء:حجزتلك في فندق قريب من هنايا حتى الشناطي بعتهم من اول ما وصلت
سراج:صحيتي
هناء:اءء اء انا يعني لان الايام هاذي طوارئ خذيت دوام كامل وقت تبي حاجه كلمني
سراج:ان شاء الله
اوس:ضرب سراج علي كتفه ببصاره..مرحبا ايها القوي الغامض والمثير لدهشه 😂
سراج:قام حاجبه وشاف لي هناء
هناء:هاذا اوس ...متدرب جديد هنايا صاير عندنا نقص جابولنا كم واحد من الدفعه الجديده
اوس:لاكن عندي خبره طويله في المجال هاذا بذات التحقيق اقسم بالله حافض كونان حلقه حلقه ونقدر ندير اي شي تبيه
سراج:ولع دخانه وشاف لي هناء....ابعتولي الاوراق كلها علي فاكس الفندق
هناء:حاضر
سراج:شاف لي اوس من فوق لعند لوطه ومشي
________________
فاتو يومين بس على سراج...وكان مركز في القضيه بي كل شي عنده ومكرس وقته كلها ليها !
مراقبه تامه علي امين السيد وهناء كانت معاه لحضه بلحضه !...لغاية مجاهم بلاغ
طق طق طق
سراج:ادخل
ناصر:سراج في شي مهم امين طلع قبل 15الدقيقه هوا وسواق ليه فقط
سراج:وقف...وين؟
ناصر:كوخ في مزارع الورد علي بعد 3كيلو من الطريق
سراج:لاكن موعد العمليه الاثنين مش اليوم
اوس:بالك صارت فجاه ومحبوش يقولو لحد 😅
هناء:خبطاته علي رجله وفنصت فيه
سراج:جهز الدعم وتواصل مع القوات الخاصه توقعو ان في عدد كبير يستنى فيه بسرعه
ناصر:تمام ...
نقلبت الدنيا في لحضات بسيطه والمركز كله قعد علي رجل وحده ...طلعو دوريات كبيره مسلحه وجاهزه لي اي شي بقيادة سراج والضابط ناصر واول ما وصلو حاوطو المكان بي حرص شديد واستعدو لي اي احتمال يصير
سراج:عد بيده بدون صوت ..1 2 3وكسر الباب برجله وخش هوا و5معاه فتشو الكوخ ع امل يحصلو اي شي
اما برا صار فيه طلق نار بين اثنين حراس و القوات الخاصه يلي جايين مع سراج !...
سراج:اللحضه هاذي كل شي وقف!!صوت السلاح يلي معبي الدنيا برا والباب يلي حطمته برجلي والسلاح يلي رافعه بيديا
والقوات الخاصه يلي مطوقه المكان وقطرات الدم المتناثره مستحيل هاذا كله عشان الكائن يلي نشوف فيه قدامي!!!
كانت خايفه هلبا ومنزله راسها بين رجليها ....قمت يدي بمعنى محدش يضرب او يدير شي غلط ...
قامت راسها وكانو خدودها حمررر شعرها متناثر علي وجها ولمعت عيونها كأن بيبي صغير خايف لدرجة مش قادر ياخذ نفس!
سراج:في لحضه رجع نضرته الاولى بدون شفقه ...منو انتي ؟
البنت:نزلو دموعها وتحاول تتكلم بصوت واااطي طلع منها ..م ما م منار
سراج:...يتبع
الحلقة الثانية من رواية انتحال طفلة 2
سراج:في لحضه رجع نضرته الاولى بدون شفقه ...منو انتي ؟
البنت:نزلو دموعها وتحاول تتكلم بصوت واااطي طلع منها ..م ما م منار
سراج:شاف لي ناصر بنضرات استغراب كأنه يبي يتأكد من حاجه
ناصر :اي هيا بنته
سراج:قاعد موجه السلاح وبصوت عااالي ...فتشو المكاااااان
اوس:ماسك مقروضه....لقد فتشنا ووجدنا ولم نجد شي غير هذه المقروضه وهيا بنتها حلوا
سراج:شبحله بنضرة رعب ...سيب يلي في يدك وعاودو فتشو الحوش
اوس:فتشنا والله مفي حاجه في اناناس فوق الطاوله م...
سراج:بصوت عالي...تحرررررررك
اوس:حاضر سيدي ...وطلع يجري
ناصر:نزل سلاحه....واضح ان مفي حد مخلي بنته هنايا برا في زوز حرس
سراج:يشوف لي منار بنضرات تخوف ...خذوها
ناصر:انصدم...وين😨
سراج:رجع سلاحه لي خصره...خذوها للمركز لين نشوف موضوعها
ناصر:قرب عليه وبصوت هادي ...مفيش تهمه باش يتم اعتقالها س....
سراج:قاطعه....مش كيف متخرج ره!!!قلت خذوها
ناصر:ساكت ويشوف لي سراج
سراج:علي مسؤليتي طلعو البنت
ناصر:اشر بيده ع البنت وجو زوز من الشرطه قاموها ومنار تشوف لي سراج بنضرات كأنها تحاول تخليه يشفق عليها ويساعدها بس كانت نضرات سراج جاااااااامده
اوس:لقد اننا لم نجد شي لا سلاح ولا ذخيره ولا انسانات ولا اشخاصاً ايضا
سراج:تقدر تدوي ليبي انت مش في فيلم الرساله ...وركز في شغلك احسن مايصير شي تاني
اوس:حاضر سيدي 👨🏻✈️
___________________
هناء:كانت واقفه في المركز توقع في شوية ورق
ندى:ياهلا بي حامية العداله
هناء:ابتسمت ....اهلا اهلا بي احلا محاميه في الدنيا
ندى:تسلميلي ....اءء سمعت ان الضابط سراج وصل من يومين فاتو !
هناء:اي ليش؟
ندى:هاذا سؤال بالله عليك🤤جمااااله وشخصيته
ان شاء الله القضيه تعطل لين نزبطه😂❤️
هناء:شعلت فيها نار الغيره...اطمني حبيبتي جاي مركز في شغله بس معنداش ع الجو هاذا
ندى:الباين انك حاولتي وفشلتي😉
هناء:لا حاولت ولا شي قتلك الواقع اناااا
ندى:به خيرك حارقه دمك ..المهم وينه هوا
هناء:جاهم بلاغ مش ح يروحو توا هني عمرك
ندى:ابتسمت وقامت حاجبها...في كل مره جماله يزيد ياربي شنو الكائن هاذااااا😍
هناء:تلفتت وتشوف سراج نازل من السياره ويحكي مع ناصر ..كان منضر يخلي اي وحده تسرح فيه بدون متحس🤤❤️
سراج:خش للمركز ونضرات علي عيونه ...خش بدون اهتمام لحد كأنه راسه مشغول بي الف حاجه
ندى:بصوت هادي...سراج
سراج:كمل طريقه بدون ما ينتبه
ناصر:هناء زوز قهوا واميه ع السريع
هناء:وين ؟
ناصر:يحكي بي استعجال ...ع غرفة التحقيق بسرعه
هناء:تمام
ندى:بديتي تخدمي قهوادجيه هنو😂
هناء:عارفاتك محروقه من اللقطه يلي دارها سراج عادي تعيشي وتاكلي غيرها 😂😂...ومشت
اوس:نافخ كتافه...معاك حضرةالشرطي تفضلي يامواطنه ؟بالك عندك مشكله حني نسهرو الليالي لاجل الراحه وتقعدي مرتاحه وتاكلي التفاحه 😅
ندى:😒لا شكرا نخدم هنايا
اوس:سبحان الله حسيت من بمعة عيونك ان شخصيتك قويه والمكان هاذا ليك
ندى:تساير فيه...امممم
اوس:شن رايك ناخذو ارقام بعض يعني نحنا زملاء عمل وهكي فهمتي
ندى:قداش ليك تخدم هنايا؟
اوس:يومين و5ساعات
ندى:بصوت واطي ...حسيت والله الناس يلي بدو يجيبو فيهم كلهم طقه🤦🏻♀️
اوس:شنو ؟!
ندى:سلامتك وخر من قدامي ترا ...وطلعت
اوس:افف ديمه معنديش حض في البنات 😒💔
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
في مدينه تاااااانيه :-
حواء:كلمك سراج اليوم ؟
صبريه:اي كلمني كويسه اموره الحمد الله
حواء:اها💔اتصلت مردش عليا
صبريه:اكيد خدمه لان حتى انا مطولش معاي
حواء:اي ممكن💔
صبريه:مقعمزه تنقي في العدس ولاهيا
اما حواء سرحت شويه ...لا امتى بنقعد علي الحال هاذا بس تعبت وربي تعبت مني يلي يتحمل شخص هكي !!ياااارب فرجها عليا
_______________
سراج:خش غرفة التحقيق بنضره كلها جديه لوح السلاح ع الطاوله وقعمز ....
منار:ساكته
سراج:ولع دخانه ....شايف دموعك نشفو ومعش ترعشي!
منار:اي لاني تأكدت انكم شرطه
سراج:نفخ الدخان وقام حاجبه...كيف !
منار:توقعت تكونو مافيا لان المواضيع هاذي صايره هلبا معاي قبل بس مدامني وصلت المركز تأكدت انكم جيها امنيه وانتم متخوفوش عادي يعني 💁🏻♀️
سراج:ضحك بهزوه....والله!
منار:شربت الميه ...اي والحكايه مش رح اطول زي العاده امتى بنرجع الحوش؟
سراج:استفزه اسلوبها ....لا مفيش رجعه اليوم
منار:واضح انك جديد هنايا ومتعرفش بابا منو
سراج:عرفته وميشرفنيش الشي هاذا
منار:لان صقع عليك مثلا!!
سراج:خبط ع الطاوله وعيط بطريقه خلى منار تنقز في مكانها من الخلعه ....سكرررررري فمك وادوي كويس ناسيه نفسك مع منووو تحكي
منار:😣😣....
ناصر:اشرله بيده...اهدا سراج
منار:وانت ليش جايبني هنايا ؟شن دخلي هااااا؟؟
سراج:بوك وين؟وليش حطك في الكوخ؟كل المعلومات بتطلع قدامي توا
منار:لا انت جديات احلامك عاليه هلباااا
سراج:ناض من مكانه وقرب عليها هلباااا...فمه قريب بس عيونه مش عليها كان يشوف قدامه....رح تحكي كل شي تعرفيه وإلا رح نخليك تندمي علي كل حرف حكيتيه توا حطي في بالك اني مش زي اي حد هنايا ودين محمد لو اضطر الامر نقتلك في لحضة غضب نديرها
منار:بلعت ريقها وشافتله كيف مقرب عليها هلبا ❤️
سراج:كانت نضراته حاااده وواضح الجديه في عيونه 🔥
طق طق طق
سراج:يشوف لي عيون منار وقارن حواجبه...ادخل
اوس:حضرة اللواء عز الدين طالب يشوفك توا
سراج:في تحقيق توا مش فاضي
اوس:بلغني نقاطعك لان الامر مهم !
سراج:شاف لي ناصر...البنت هاذي برا غرفة التحقيق متطلعش ومحدش يدخلها شي مهما كان
ناصر:هز براسه
سراج:طلع بعد ما شافلها بنضره تقتل !!
_________________
هناء:وين كنت؟
اوس:اء مع الضابط سراج وناصر في التحقيق مع الفرخه يلي جابوها ...حسيتهم بدو يعتمدو عليا حاجه مشكله اقسم بالله
هناء:😂والله؟سراج يعتمد عليك!!
اوس:اي هيا مش بي الرتب ره...انا هكي ربي عطاني موهبة وهيبه تخلي المجرم يخاااف طول ويعترف بي كل شي
هناء:حاطه يدها علي فمها وتحاول متضحكش
اوس:حتى المركز يلي كنت فيه قبل مايحولوني كل شي كان علي راسي تعرفي كل يوم جايب رئيس مافيا من ودانه يخافو هلبااا هكي يرعشو هكي
هناء:😂😂😂😂
اوس:شنو يضحك فيك
هناء:التالفون يرن نكملو بعدين 😂...الو السلام عليكم
_____________
اللواء:لاكن التصرف هاذا غللللللط غلط كبير ياسيادة الضابط المحترم
سراج:منزل عيونه ومتكنطي
اللواء:اي مزبوط بنت اكبر تاجر مخدرات لاكن الشي هاذا ميسمحش انك تعتقلها بدون اي تهمه انت عارف الشي هاذا رح يجيب مشاكل وهلبااا
سراج:باش نشدوه ونحققو يلي مقدرتوش اديروه سنين ..مش شرط يكون كل شي قانوني
اللواء:سرااااج مم...
ترن ترن ترن
اللواء:الو ...نعم سيدي ...اي؟...تمام تمام سيدي
وسكر الخط
سراج:واقف يستنى فيه يكمل
اللواء:ضحكو علينا للمره الالف
سراج:كيف!
اللواء:العمليه كملت اليوم الصبح شلمو المخدرات واستلمو الفلوس ..غيرو المكان وحني راقدين علي ودانا
سراج:خذي نفس عميق...اسمحلي نشتغل ع كيفي توا
اللواء:مقعمز وخيبة الامل علي وجها...كيف!
سراج:بنته عندنا وهيا يلي رح تجيبه خليني نرتب الامور وانا المسؤل ع القضيه زي قبل
اللواء:سكت شويه وبعد تفكير تكلم...خلي معاك الضابط ناصر وحاول تباعد علي الشبهات سراج نعرفك ذكي خليك زي ما انت
سراج:ضرب التحيه...حاضر سيدي ...وطلع
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
منار:حاطه يدها علي قلبها❤️...يارب عطيني القوه
ناصر:نصيحه مني حاولي تتجاوبي مع الضابط يلي كان هنايا
انتي واضح عليك صغيره وهوا مش سهل !رح تتعبي معاه هلبااا
منار:خلي نعرف انا شنو درت عشان تجيبوني هنايا بعدين نقرر نتجاوب معاكم او لا !
ناصر:بيتكلم لاكن سكت...مش مسموح ليا تحكي معاك يجي الضابط ويصير خير !
سراج:هناء
هناء:قلبها رف ❤️...عيونها
سراج:بجفاف...نبي شقة قريب من هنايا مش مهم حتى لو كان الاجار يومي اهم شي تكون مفروشه وجاهزه بي كل شي
هناء:ليش سيبت الفندق؟علي حساب الدوله ره !يعني لو مش عاجبك نشوفلك غيره
سراج:انتي ديري يلي نقولك عليه بس
هناء:شافت لي عيونه وكانت ذايبه...حاضر
ندى:اهلا سراج
سراج:اهلين
ندى:ليك وحشه وين الغيبه ؟من اخر مره جيت فيها معش دورتنا حتى ناشبناك ع الفيس شي شي
سراج:شبحلها من فوق لعند لوطه وطلع
هناء:🙂😂😂
ندى:اءءء و واضح انه تاعب هلبا مش مركز
هناء:اي هلبا تعرفي 😂
________________
ناصر:شن صار؟
سراج:خذي سلاحه ...تقعد البنت هنايا لين تكلمك هناء وذعدين تاخذوها ع الشقه يلي توصفهولكم
ناصر:بصوت واطي ...علي شنو تفاهمتو؟
سراج:شاف لي منار...تفاهمنا ان يخليني نشتغل براحتي وعلي كيفي
منار:دخلت شعرها وساوت الوشاح....ياويلك 😈
اذكر انك فتحت علي روحك باب جهنم 🔥
سراج:حط يديه علي الطاوله...وانا شيطان وجهنم مش غريبه عليا !
منار:ساكته وقارنه حواجبها هيا متعودتش هكي !...تعودت ان الكل يخاف منها او بي الاصح يخاف من بوها وتطلع من اي مشكله عادي جدا !
والكل يحترمها بس سراج كان مستفز مش خايف منها والله اعلم لشنو مخطط
سراج:طبطب علي كتف ناصر منور اليوم مقصرتش
ناصر:ابتسمله بشكر
سراج:جي بيطلع لاكن وقفه صوت منار
منار:من حقي نفهممم شقة شنو تحكي عليها وشنو تبي ادير فياااا
سراج:بدون ما يتلفت ...متستعجليش دورك جاي
وطلع
منار:لوحت الكرسي يلي قدامها بغضب وقعمزت
_________________
سراج:انت
اوس:يزمط بي السيف...نن نعم سيدي
سراج:وقت الغدي مش توا معش تاكل شي وقت الخدمه
اوس:حاضر
سراج:مني انت بزبط وكم ليك بادي؟
اوس:انا اوس جمعه جمعه جمعه محمد قريت فنون واعلام وفشلت بعدين خشيت اقتصاد وفشلت بعدين خشيت تقنيه وفشلت بعدين...
سراج:لخص
اوس:المهم الحمد الله تخرجت وللاسف بوي توفى قبل ما يفرح بفشلي واول يوم خدمه هنايا اول يوم جيت فيه انت وكلفوني نكون مساعد ليك وتستفيد من ذكائي المتواضع ونتحدو الاشرار ونواجهو الاخطار
سراج:عدل وقفتك
اوس:وقف كويس
سراج:انت هنايافي مركز شرطه وفي مهمه كبيره مش في سبايستون ادوى باهي ومعش تكتر دواا واي شي مطلوب منك تنفذه صح
اوس:حاضر سيدي
ترن ترن ترن
سراج:بعد من علي اوس ورد ع تالفونه ...اها؟
حواء:اهلين سراج
سراج:اهلين
حواء:اءء
سراج:شنو
حواء:صوت سراج الرجولي والقوى خلاها تزيد ترتبك اكتر...ولا شي اتصلت بنسألك علي حالك وامتى مروح
سراج:ولع دخانه...عندي هلبا خدمه معش ادوريني الايام هاذي لو محتاجه شي ابعتيلي رساله ويوصلك لعندك
حواء:مش محتاجه غير سلامتك
سراج:تصبحي ع خير
حواء:تلاقي الخير 💔
________________
هناء:طالعه من المركز وادور في مفتاح سيارتها ولما قامت راسها شاف سراج قدامها بزبط ❤️
سراج:شن صار معاك؟
هناء:حصلتلك شقه في الدور تاني جاهزه لسكن كلمت ناصر ورفع البنت غادي
سراج:شكرا
هناء:تشوفله بعيون يلمعو...خليها بدون رسميات هاذا واجبي
سراج:ربي يعاونك
هناء:هزت براسها وقعدت تراقب فيه لين رجع للمركز...تنهدت بي حب وركبت سيارتها❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
منار:تلود في الشقه بتهبلللل مش فاهمه شي!!
كل الرواشن عاليات هلبا ومتقدرش تنقز !!
طبيعي محدش يعرف انها هنايا لان طلعوها في سيارة اسعاف عشان محدش يشوفها ...قعدت تتفحص في الشقه كانت كامله ومفيش لا تالفون ولا كمبيوتر مفيش اي شي ممكن يخليها تتواصل مع بوها ....استسلمت وقعدت ساعه مقعمزه ع الصالون تفكر شنو بيصير فيها!!؟
لين سمعت الباب انفتح وصوت خطوات خشت لشقه ...وقفت وتراجي تبي تشوف منو يلي جي ؟
سراج:خش بعد ما سكر الباب ونحى جاكيته
منار:والله؟؟؟؟
سراج:لوح المسدس ع الصالون والكلبشات ويشوفلها كأنه ناويه علي شي ...يتبع
رواية انتحال طفلة الحلقة الثالثة 3 بنوتة الشيخ
سراج:خش بعد ما سكر الباب ونحى جاكيته
منار:والله؟؟؟؟
سراج:لوح المسدس ع الصالون والكلبشات ويشوفلها كأنه ناويه علي شي ..
منار:قامت عيونها بعد ما كانو مركزات ع الكلبشات وتفكر في كم حاجه...شنو موقعي من الاعراب جايبني هنايا
سراج:ينحي في الكدار ....تحقيق بس من نوع تاني
منار:في داخلها ....شن بيدير فيا هاذا😨
سراج:خش للمطبخ ومنار وقفت علي البار
منار:شن قصدك؟بنقعد هنايا انا؟يعني واضحه انها شقتك وحسب معرفتي الشي هاذا مش قانوني يعني انا كأني مخطوفه!
سراج:يشرب ويشوفلها بعيونه....طفله انتي شن تعرفي علي القانون
منار:لا نعرف كل شي مش كان سني صغير خلاص
سراج:يفصل فيها بعيونه
منار:بلعت ريقها بصعوبه....خيرك تشوفلي هكي
سراج:تقدري تقولي ان هاذا قانوني الجديد يسمحلي نجيب اي حد هنايا ونحقق معاه بطريقه يلي تعجبني
منار:وبعد التحقيق؟؟؟هاذا كان حصلت حاجه😏
سراج:بعد ما نحصل منك كل شي يصير خير ...وطلع من المطبخ
منار:تمشي وراه....خير شنو تعالا فهمتي لامتى بنقعد هنايا ؟اليوم نروح ولا لعند بكرا
سراج:ضحك بسخريه...بكرا؟ احلامك عاليه زي متقولي
منار:شن قصدك😨
سراج:تلفت ...الشقه هاذي مش رح تطلعي منها لين ينجاب بوك ميت ولا حي
منار:شافتله بتحدي ...في احلامك
سراج:ابتسم علي جنب ..تو نشوفو وخش لغرفة النوم
منار:وقفت علي الباب...وين ماشي !!!
سراج:راسي يوجع فيا بنرقد بكرا نحقق معاك اطلعي وسكري الباب
منار:تحكي جديات انت؟تعامل فيا كأن شخص يخدم عندك انت عارف بنت منو يلي خاطفهاااا؟
كلها يومين ومستحيل تقعد عايش
سراج:وقف قدامها ويشوفلها بنضرات خلتها تتوتر
منار:شنو
سراج:سكر في وجها الباب ورجع لي السرير
منار:😳😳ولا خايف ولا معدل ولا مدور😠
______________
هناء:راقده ع سريرها وتذكر لي سراج ..صوته كلامه وقفته نضرته كل شي فيه ..حست هناء ان علاقتها بدت اقوى من قبل بي سراج يعني بدي يعتمد عليها في كل شي وكثر الكلام بينهم
هويدا:رقدت جنبها...اختي العزيزه عيونها قلوب قلوب شنو القصه
هناء:حضنت المخده...يجنن ياهويدا يجنن🤤شكله صوته كل شي فيه محلاااه
هويدا:وعطاك وجه ولا ؟؟؟....
هناء:نوعا ما ..باهي حسيته الايام هاذي مش زي قبل
هويدا:امممم ردي بالك ياهنو مرات مكبد في وحده او شي
هناء:اححححح مستحيل 🤤...ياريتك تشوفيه بس نهائياً مش متع بنات يا هويدا طرررف شخصيه كل شي
هويدا:لوحت عليها المخده...به تمرقدي سلم بنتي هي
هناء:حسوده 😂😂😂😂
_________________
منار:طلعت في الصاله طاحت عينها على بطاقة سراج ..فتحتها وقعدت تقرا في اسمه ومواليده والمدينه متعه وين ...شبحت لي صورته فتره تتأمل فيه نفس النضره مش متغيره ...ردتها في مكانها وشافت علي جنب جت عيونها علي سلاح سراج
مشتله بسرعه مسكاته في يدها ...اخيرا يعني تقدر ترفعه في وجه سراج ويخاف شويه ...خذت السلاح ورجعت لغرفة النوم
طقطقققق طق
منار:يا حضرة الضابط افتتتح
طققق طق طق
منار:افتتتتح نبيك ...سراااااج افتح
طقطق طق طق
منار:بتفتح ولا ن......
سراج:فتح الباب وقام حاجبه ....اها🤨
منار:ارتبكت لاكن استجمعت قوتها وقامت السلاح....جيب التالفوني واتصل بي الرقم يلي بنعطيهولك توا
سراج:يشوفلها بنضرات استفزاز.
منار:تحررررك خير ما نضربك رصاصه وسط عيونك !منوليش ره!!
سراج:ابتسم ع جنب...اضربيها
منار:يديها يرجفو...متستفزنيش
سراج:مسك يدها وقرب المسدس علي قلبه...اضربي
منار:بدت ترعش ومش قادره تشوفله في عيونها
سراج:عيط عليها...اضررررررربي قتلك
منار:بدون شعور من كتر الخوف ضربت بي المسدس وسكرت عيونها 🔥🔥🔥
سراج:...
منار:فتحت عيونها بشويه شافت سراج مربع يديه ويشوفلها ...المسدس مفيشي رصاص صح؟😰
سراج:خذي منها المسدس ...تحركي ارقدي في الدار التانيه وبكرا يصير خير واللقطات العبيطه هاذي معش تعاوديها
منار:نبي ندير مكالمه
سراج:حط يده علي كتفها ودفها بشويه لين طلعت من الدار وسكر الباب
منار:حطت يديها علي وجها...الموقف زباااله😣
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ثاني يوم:-🌤🌤
صبريه:خيرك مش علي بعضك اليوم؟
حواء؛لا شي كويسه
صبريه:عقلك مشغول بي سراج عارفه
حواء:اي والله خدمته تخوف يا عمتي
صبريه:وهوا قدها ان شاء الله كلها سبوع ولا 10ايام ويرجع زي قبل
حواء:ان شاء الله يارب
صبريه:مش ناسيه موضوعك متخافيش كله في البال..نستنى فيه يروح وبعدين يصير خير
حواء:ابتسمت ..عارفاتك متقصريش❤️
__________________
منار:فتحت عيونها لقت روحها راقده علي الكنبه ..سهرت طول الليل والنوم مجاهاش إلا الفجر !..ساوت جاكيت الصوف يلي كانت لابساته وطلعت من الغرفه ..
منار:قعدت تتفرج مش مصدقه يلي تشوف فيه ...
كان سراج مجهز طاولة الفطور وواقف ع الغاز يطيب منضره كيوت😂❤️
منار:ضابط ولا شيف حضرتك؟
سراج:بدون مايشوفلها ...صباح النور
منار:قعمزت علي الكرسي ...نبي نروح
سراج:نزل القلايه من ع الغاز وحطها ع الطاوله ...مزال احني قاعدين في البدايه
منار:شوف جديات لعند اليوم واخذه الموضوع بهزوه انا منعرفش علاش بابا طول ...شن رايك نديرو صفقه انا وياك تمام!!
عارفه ان مكانتك كبيره وضابط وبلا بلا بلا لو سلمتني لي بابا مستحيل يخليك يعني م.......
سراج:كملي فطورك وراك يوم تحقيق طووووويل
منار:يعني مش موافق؟🤦🏻♀️
سراج:كمل ماكلته بدون ميرد عليها
منار:خذت نفس عميق وقعدت تتفرج عليه وساكته
______________
هناء:اوس اوس
اوس:صباح الخير
هناء:صباح الورد...بنسألك سراج جي اليوم؟
اوس:اليوم لا مخلي الشغل كله علي راسي والله ضغط عليا للوح
هناء:هههه ..به ربي يعاونك
اوس:يقلب في الملفات يلي قدامه...مشغول بي الفرخه يلي رفعها لشقه صراحه حسب رئيي وخبرتي غلط الموضوع هاذا
هناء:كيف😰
اوس:قام عيونه...شنو كيف !...رفع البنت لشقه ع اساس بيحقق معاها يعني مستحيل يكون نفس تحقيق المركز هنايا
هناء:شن قصدك؟
اوس:يعني اكيد بيديرلها كم حاجه تخليها تعترف بسيف عليها..وإلا علاش مخلهاش في المركز ؟
هناء:اءءء لاء لاء ...مستحيل سراج مش هكي
خذاها لشقه عشان يتجنب الملاحقات بس لان طبيعي بوها مش رح يسكت
اوس:سكر الملف...اي تو نشوفو هوا من اول يوم مجاش تقول عريس😂😂😂😂
هناء:ضحكت بسيف...لا انت متعرفاش سراج
ناصر:اووووس اوووس
اوس:العداله تنادي الى اللقاء.
هناء:اشرتله بيدها لاكن دماغها موقفش تفكير !
___________________
سراج:كمل فطوره بدون اهتمام لي منار لو انها كلت او مكلتش ...خذي طاولة الاكل قامها حطها في الصاله سكر الضي كله وخلى الضي المطفي مفتوح
منار:تتفرج وحايره شنو يدير
سراج:حط زوز كراسي...تعالي قعمزي قدامي
منار:قدمت وقعمزت علي الكرسي
سراج:مسك يدها ركب فيها الكلبشات وعلقه في يده هوا
منار:😨😨شنو هكي ؟
سراج:ولع الدخان...ونفخ
منار:ساكته
سراج:خايفه؟
منار:لا طبعا علاش بنخاف
سراج:بوك كم متزوج مره؟
منار:مره وحده ..ماما بس شن السؤال العبيط هاذا🙄
سراج:منو يده اليمين؟
منار:هه لا طبعا مش رح نقول ع اساس تحقق 😂....اااااااااه
سراج:جبد الكليبشه بيده لين وجعتها ...شنو اسمه؟
منار:حاسه ان يدها بتنقطع من كثر ما جابدها والحديد ضاغط عليها ..تشوف لي يده ومصدومه كيف ميحسش
سراج:زاد جبد يدها...اسمه؟
منار:اسمه خليفه خليفه ملقب بي السفاح
سراج:ابتسم بنصر ورخي يدها...كويس شاطره شاطره
منار:عيونها يلمعو من الدموع...ع اساس راجل يعني😥
سراج:طلع طرف تاني دخان ..بتحكيلي شن صار يوم لقيناك للكوخ وشن جيبك غادي ؟
منار:مدخلكش ... م د خ ل ك ش
سراج:امممم مدخليش
منار:ركزت في الصاله كيف ضلااام كأن سراج مستعد يدير اي شي عشان ياخذ كل المعلومات
يلي يبيها
سراج:هي شنو ؟
منار:الكوخ انا عايشه فيه من الاول وكانت حياتنا طبيعيه انتم يلي هجمتو عليا وخربتو كل شي جبتني هنايا ومش مدايره اي شي
سراج:متهمه بي الخدمه مع بوك امين السيد !...ومسؤله علي اكتر من دار دعاره
منار:ساكته
سراج:يشوفلها بنضرات استفزاز...هيا يامنار السيد
منار:سراج م...
سراج:الضاااااابط الضاااابط سراج
منار:سكرت عيونها ثواني ...ياضابط افتح يلي في يدي
سراج:متأمرينيش بشي !
منار:ساكته ّ
سراج:فتح الملف يلي قدامه ...ابدي هي وحده وحده
منار:في حد قبلي قالك انك حقير؟
سراج:مشط لحيته بيده...منار!للمره الالف متستفزينيش
منار:يلي مطمني ان رح نشوفك تتغوط وتترجاني قدام بابا عشان نسامحك
سراج:لوح الدخان ع الارض...كملي
منار:مش رح نكمل
سراج:دمه يغلي بدون ميحس علي روحه ضربها كف وجبدها من يدها يلي مكلبشه ....حقارتك ووساختك يلي تخدمي بيها مع بوك مش عندي ودين محمد نقتلك وندفنك هنايا ومفيش حد معبرك ولا رح يلقوك
منار:قامت راسها وبعدت شعرها من علي عيونها وكان خدها احمررررر
سراج:خبط ع الطاوله ...كممممممملي اسم يلي يخدمو مع بوك وبوك توا وين
منار:بدت تحكي وعيونها في الارض مقامتهمش
اما سراج يكتب في الكلام يلي تحكي فيه بدون اي اهتمام ليها
_________________
طق طق طق
سراج:فتح الكلبشات وناض يفتح الباب انا منار قاعده تشوف للارض
سراج:فتح الباب ..اهلين
هناء:خذت نفس...اهلين بيك اءء كلمني ناصر قالي وانتي مروحه اخطمي علي سراج وعطيه الغدي
سراج:منوره
هناء:كان الفضول بيقتلها وتشوف شن صاير داخل الشقه ..تبي شي تاني ؟
سراج:لا صحيتي
هناء:اءءه اءء ت تمام ...ليش مجيتش اليوم؟
سراج:مزال لين نجمع معلوماتي كلها بعدين ساهل
هناء:اهاا تمام
سراج:نتلاقو
هناء:اوكي سلام
سراج:سلام ...وسكر الباب
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
هناء:طالعه وتحكي مع روحها ...مش مرتاحه للموضوع يلي قاعد يصير !...ياربي قلبي قابضني 💔اففف😣
ترن ترن ترن
منار:ساكته متبيش حتى تقيم عيونها فيه
سراج:تغدي لان لازمك هلباااا قوه باش تقاومي
منار:قامت عيونها 😠🥺
ترن ترن ارن
سراج:سكر عليها الخط
ترن ترن ترن
سراج:نعم؟
حواء:سراج الحق عليااا ...يتبع
رواية انتحال طفلة الحلقة الرابعة 4 - بنوتة الشيخ
ترن ترن ترن
منار:ساكته متبيش حتى تقيم عيونها فيه
سراج:تغدي لان لازمك هلباااا قوه باش تقاومي
منار:قامت عيونها 😠🥺
ترن ترن ارن
سراج:سكر عليها الخط
ترن ترن ترن
سراج:نعم؟
حواء:سراج الحق عليااا بالله عليك
سراج:شنو فيه؟
حواء:عاصم حرارته مرتفعه هلبا معش عرفت شنو ندير😭
سراج:تحولت ملامح وجها لخوف..سكري انتي تو نكلم حد
حواء:ونبي يسرعه قريب نموت الحراره مبتش تنزل من العصر
سراج:سكر الخط ورجع يتصل
اما منار كانت ساكته واسمع بس!...فهمت من خلال الكلام ان ولد سراج هوا يلي مريض
_______________
ناصر:واقف قدام المركز يحكي بي اللاسلكي لفتت نضره بنت نزلت من تاكسي تبكي وخشت للمركز
لما سافها حس بشعور غريب كأن يعرفها ليه سنين❤️لدرجة خش وراها وقعد سارح فيها
اوس؛ماتخافيش اختي خليني بس نفهم شنو تقرلي وكيف نقدر نساعدك
غزلان:تقول في كلام مش مفهوم وسط صوت بكاها المتعثر
اوس:واك ويك واك ويك تي اهذي خليني نفهم خيرك ونكتب
ناصر:اوس خليني نشوف الانسه
اوس:كان فهمت حاجه نألفلك كتاب اكل لي رمضان ناس غريبه😒
ناصر:قعمز علي المكتب وسارح فيها بجد البنت لفتتله نضره هلباااا❤️❤️..تفضلي
غزلان:تمسح في دموعها بيديها والكحل سايل منهم
ناصر:مدلها كلينكس
غزلان:ليا 6ايام من مركز لمركز ندور مقدرش حد يساعدني
ناصر:ليش شنو مشكلتك ؟
غزلان:نبي نرفع قضية خلع ...نبي نطلق معش متحمله😭💔
ناصر:وليش محد قدر يساعدك؟
غزلان:مسحت عيونها...زوجى يكون شخص معروف شويه والايام هاذي رافض يطلقني ..انا عندي هلبا ادله سوء معامله وضرب وحتى تهديد بي القتل عندي فيديوهات تثبت الشي هاذا وانا لو قعدت معاه رح نموت اقسم بالله
ناصر:فتح المذكره...اسم زوجك لو سمحتي
غزلان:اكرم ...اكرم النجار
ناصر:وقف الكتابه وشبحلها ..لان راجلها يكون راجل اعمال كبير هلبا ومستحيل حد يحط راسه من راس واحد زيه
غزلان:شافت صدمة ناصر كيف...بالله عليك😭بالله عليك متتراجعش زي ما هلبا دارو سألتك باللنموت لو قعدت معاه بالله عليك انا بعيده علي اهلي وبابا راجل كبير في العمر ميتحملش
ناصر:قعد مرمز لحضات في عيونها
غزلان:بصوت واااطي...بالله عليك
ناصر:خذي نفس عميق وكمل كتابة المحضر كأنه مقدرش يتحمل دموعها
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
سراج:ماشي جاي في الصاله وكل شويه يتصل يطمن لين جاه اتصال ريحه وقاله ان عاصم بخير❤️
اما منار كانت مقعمزه ع الكرسي ويدها مكلبشه في رجل الطاوله
سراج:جبد الكرسي وقعمز...نكملو موضوعنا
منار:تشوفله بحقد ومردتش
سراج:شاف لي خدها كيف احممممر من اثر الكف💔صح هيا مذنبها شي لاكن كلامها استفزه مفيش حد استرجى يحكي معاه بطريقه هاذي قبل!
منار:منزله عيونها وتحاول تفك يدها بعنف
سراج:بطلي مش رح تقدري تفكيها
منار:نزل من يدها شوي دم وقعدت تتألم بصوت واطي
سراج:مسك البيرو ..اسم الناس يلي يتعامل معاهم بوك شنو
منار:فلان وعلان ...فقدت اعصابها وبدت تجيد في يدها وتعيط عليه لين يدها زادت نجرحت اكتر
سراج:متكي ع الكرسي بطريقه استفزازيه وحتى بعد ساف يدها تنزل معدلش
منار:حطت يدها ع الطاوله ونزلت راسها تبكي بشويه
سراج:اسم الاشخاص يلي يتعامل معاهم بوك
منار؛ساكته
سراج:قاعد ندوي بهدوء يابنت ونحقق بشويه
منار:قامت راسها عيل لانك كانك راجل كله اديره بي القانون
سراج:مسكها من شعرها وكانت انفاسه ناااار واعصابه متشنجه🔥...عطيني الاسااااااامي وسكري فمك
منار:ابراهيم عيسى ومحمد امجد ...وسكرت عيونها نزلت دمعي من خدها ع الطاوله
سراج:بعد من عليها وكتب الاسماء...يكفي هكي اليوم
منار:رجعت راسها ع الطاوله تبكي ...اما سراجناض من جنبها يحكي بي التالفون وخلاها مكلبشه في الطاوله بدون اهتمام ليها
________________
ناصر:تمام هاذي كل المعلومات؟
غزلان؛اي ولو احتجت اي شي تاني انا جاهزه
ناصر:تمام
غزلان:بجد شكرا على كل شي بجد ربي يحميك لي اهلك ويكون معاك ومستحيل ننساك في الدعاء في كل صلاة
ناصر:نسي كل شي لما شاف نضرة الفرح في عيونها
حس بنفسه كأنه دار شي كبير وحلو ❤️ابتسملها وهوا ناسي المعركه يلي رح يخش فيها واحتمال رح تجي كلها علي راسه هوا
غزلان:كتبت رقمها في ورقه...هاذا رقمي الخاص في حالة تبي شي او صار شي كلمني
ناصر:هز براسه..تمام
غزلان:طلعت من المركز وهيا مرتاح
اما ناصر رجع شعره للخلف بحركة توتر وخذي نفس عمممميق
_______________
حواء:الحمد الله توا احسن بي هلبا
سراج:وصلك الدواء؟
حواء:اي وصل
سراج:تمام لو في شي خبريني تصبحى ع خير
حواء:سراج
سراج:اها؟
حواء:اءء اء
سراج:شنو؟
حواء:دير بالك ع نفسك
سراج:تم
حولء:سلام💔
سراج:سلامات ...وسكر الخط ..حط تالفونه ع المكتبه وتلفت شاف منار راقده علي الطاوله وشعرها ودموعها مختلطات في بعض علي وجها
خذي المفتاح وفتح الكليبشه يلي في يدها قامها بيديه الاثنين وواضح انها كانت راقده نوم عميق بسبب البكي والليله يلي قبلها مرقدتش
حطها ع الفراش وجاب صندوق الاسعافات ..مسك يدها وقعد ينضف فيها بي المطر يتفرج علي يدها قداش صغيره ...زعمى جديات التهم يلي سمعها عليها كلها مدايرتها؟!
شاف لي ملامح وجها وااضح انها صغيره واضح ان سنها مفاتش ال18كان في شي داخل سراج متأكد ان البنت هاذي مدخلها في شي ومذنبها شي غير ان بوها اكبر تاجر مخدرات...لاكن حس الضباط عنده مخلاشي يتعاطف معاها ويحاول يتكلم معاها في شي غير التحقيق ....حط مطهر ولصقه علي جروح يدها وجاب بطانيه غطاها ...
___________________
ناصر:يسوق في السياره وكانت في مطر قووويه طول الطريق سارح يفكر في القضيه يلي رح يخش فيها ويكون المسؤل عليها 🔥يتراجع في داخله لاكن كل مايذكر دموع غزلان وكيف تترجى فيه يرجع يصمم يفتحها القضيه هاذي وينهيها ....رغم ان ميعرفهاش غزلان وولا مره شافها لاكن كان في شعور غريب ومختلط داخله ❤️
سراج:مقعمز ع الطاوله عاطي منار بضهر ...يكتب بخط يده وكل شويه يشوف لروشن ويتأمل في المطر (سراج مكانش زي اي بطل من رواياتي ورح تنصدمو في النهايه ❤️)سراج رغم خدمته يلي محتاجه الف عقل عشان يستمر عنده مليون حاجه في راسه ومسؤليات هلبا علي صغر سنه !...بس برغم من هاذا كله ملامحه ديمه حدي وكأن مفي شي يتعبه في الدنيا هاذي 🔥...ياترى شن هما المسؤليات يلي حكيت عليهم؟!
وهل نهايته زي كل قصه من قصصي؟؟....سكر المذكره وهوا حاس ان جمع معلومات كويس كل يلي عليه يعطي اسماء ويجبوله ملفات عليهم واكيد رح يسهل القبض علي اب منار بعدين !
__________________
هناء:نحت الطاقيه متع الشرطه يلي لابستها فوق الحجات وقعدت ادلك في راسها بتعب
النقيب هشام:خيرك مروحتيش لعند توا؟
هناء:هاا🙄...اليوم توكه كامله خذيت مكان اوس روح بكري عنده ضرف
هشام:ومنو بيروح بيك الدنيا ليل ومطر صعب تسوقي في وضع هكي
هناء:اي خوي جايني في الطريق
هشام:قعد يتململ في مكانه كأنه ناويه علي شي او فيه كلام في فمه....اي وين سراج ليه مده مش باين؟
هناء:مش فاضي مريض شويه
هشام:البنت يلي جابها هنايا وين توا؟
هناء:وليش تسأل ؟
هشام:نخدم هنايا ومن حقي نعرف !
هناء:مفي شي تعرفه البنت رجعت وين مالقوها وسراج واخذ برده ورح يداوم الايام الجايه ....يالله عن اذنك ...طلعت هناء وخلت هشام يشوفلها بغضب من بعيد لين ركبت السياره
روحت هناء وكانت فرحانه انها رح تسمع صوت سراج او بي الاصح لقت سبله عشان تكلمه !
سراج:لوح طرف الدخان ...وكانت عيونه ذاااابله رد علي التالفون بصوت يمكن يخوف اي حد ميعرفاش
سراج:ايوا
هناء:حطت يدها علي قلبها...اهلين سراج ان شاء الله مش راقد بس!
سراج:لالا
هناء:اتصلت نحذرك ...النقيب هشام حاطك في راسه من الصبح يسأل عليك في المركز ممكن في حد وصله ان البنت عندك او شي
سراج:تمام تمام
هناء:اءء اسفه ع تدخلي بس!!...البنت بخير؟
سراج:شاف لي منار كيف غارقه في نومها...اي كويسه كلها يومين تانيات وتنتهي القصه ...نبعتلك ملف اليوم حوليه لي سيادة اللواء
هناء:حاضر من عيوني...اءء نقصد حاضر
سراج:يالله سلام
هناء:سلام...سكرت الخط وطاحت ع السرير ذايبه 🤤❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
منار:كانت فاتحه عين وحده تقصقص وتحاول اسوف سراج شنو يدير !!
سراج:قام سرواله لعند الركبه في الرجل اليسار وكانت ملفوفه بي شاش ابيض وفيها شوي دم ...نحا الشاش وقعد ينضف فيها بدون اي علامه على وجها لا ألم ولا شي!!
منار:داخلها..هاذا امتى نصاب؟!
سراج:نزل سرواله بعدين وقف علي مراية المكتبه ينحى في بطم سوريته لين نحاها ومنار تتفرج بغين وحده عشان مينتبهش
سراج:نحى سوريته وكان فيه لصقه علي كتفه ..دار نفس الشي نضف الجرح ورجع لبس سوريته
منار؛خيره هاذا مضروب من كل مكان !!
سراج:قرب من منار ومنار قلبها وقف خافت ان يدير فيها شي 🔞
سراج:خذي نفس وحط يده علي كتفها ..يابنت يابننت
منار:دارت روحها ميته بنوم 😂
سراج:مسح وجها ولحيته بيده وقامها ❤️...اتجه بيها دار النوم ومنار قريب تحط مصارينها من الخوف 😂
منار:داخلها...ماشي لدار النوم 😨كنت عارفه الحقير بيدير حاجه حيوان...اوووه اهدي منار انتي راقده انتي راقده لو مسنى ننقلب بعدين
سراج:وقف قدام السرير وقعد يشوف لي وجها وقرب منها
منار:نفسه قريب 😨لالا مدير شي 🙈😰
سراج:عارفك نايضه وتراقبي فيا...حطها ع السرير ..تغطي بروحك يكفي جبتك لعند هنايا
منار:قلبها طاح بس رغم هاذا مبتش تفتح عيونها
سراج:طلع وسكر الباب وراه
منار:اوووو قلبي بيطلع 🤦🏻♀️🤦🏻♀️
_________________
ثاني يوم:-
ناصر:صباح الخير
هناء:صباح النور اهلين
ناصر:اءءهناء بنسألك المحاميه يلي تتردد هلبا هنايا معش جت اليومين هاذم؟
هناء:تقصد ندى؟
ناصر:يمكن اي
هناء:منعرفش بس اميد رح تجي الايام هاذي تبيها في شي انت؟
ناصر:اي ياريت اول ماتشوفيها تبلغيها ان نبيها
هناء:حاضر م....
اوس:بصوت عالي ....ههه تسحاب روحك بتهرب من المحقق المفتش الشرطي اوس في احلااامك ...خذوووووه
هناء:😂😂😂هاذا منو يلي جايبه من وذنه
اوس:واحد خانب زوز تفاحات وهارب ...بالله واحد قهوه شغل العداله متعب
هناء:🤦🏻♀️😂
ناصر:😂😂ضحك وخش للمكتب
سراج:خاش من باب المركز والعيون كلها عليه بعد اختفاء يومين كاملات..هيئته بي البدله لحيته نضرته الجديه يلي في عيونه كل شي كان يجنن ❤️🔥
هناء:طلعو الحروف بسيف منها...اه اه اهلين
سراج:نحى نضراته...بيك في اسعاف؟
هناء:اي داخل ليش؟
سراج:شاف لي جنبه كانت فيه بقعة دم علي سوريته ...ولا شي بسيطه ...ومشي
هناء:سرحت...هاذا شنو يلي قاعد يصير معاه؟الاسبوع يلي فات يده وكتفه وتوا جنبه ...شنو يلي قاعد يصير ؟
________________
منار:فتحت عيونها ببطئ وناضت من علي السرير شافت سفرة فطور واتيه جنبها ..ناضت تحاول تفتح الباب بس كان مسكر بي المفتاح ..قعدت تشوف لي يدها كيف مربوطه بي شاش ...بني ادم غريب هوا يلي سبب هاذا وهوا يلي عالجني
وقفت قدام المرايا ...ليا قريب 3ايام بنفس الحوايج مدوشتش اففف ياربي امتى بنطلع بس حتى ميجيش بوي ياخذني عادي المهم نطلع زهقت وانا مش متعوده هكي 😣...خشت للحمام خذت دوش سخون ❤️لبست بالطو الحمام وغسلت حوايجها وعصرتهم كويس وطلعت حطتهم علي الدفايه يلي كانت موجوده في الدار
منار:يسكر في دماغه عليا ويملل فيا ناسي بنت منو اخخخخ وربي الخبث متعي قاعده مشغلته معاك ياسيادة الضابط انت
اللواء:صراحه هاااايل هكي الخدمه ولا بلاش بجد المعلومات يل جبتها امس لو حققنا مليون سنه محدش يقدر يطلعهم
سراج:حط يده علي صدره وهز براسه ..بمعنى شكرا
هشام:يشوفله بحسد....ومصادر المعلومات هاذي من وين؟نقصد انها موثوقه ولا غير دوا وخلاص
ناصر:يتكلم بي برود...ضابط كبير ومعروف زي سراج ميحيبش حاجه مضروبه ياحضرة النقيب ويخدم بي نيه واخلاص مش رتبه ع الفاضى!
سراج:ابتسم بي استفزاز لي هشام
هشام:طلع متكنطي من الغرفه
ناصر:قرب علي سراج..ديما حاضرين في الدعم
سراج:خبطه علي كتفه...نزبطك متقصرش
ناصر:نبيك في شي برا..بعد اذنك سيدي
اللواء:يقلب في الملفات فرحان...برو برو
__________________
اوس:وين الحلو هايم؟
هناء:سارحه ..في حجات غريبه قاعده تصير
اوس:ياكل في موزه...تبيني نجيبلك معلومات
هناء:ياريت
اوس:جدول مواعيدي معبي حاليا
هناء:مبردك😒
اوس:يتفرج علي سراج وناصر كيف واقفين يحكو ...كأن الايام هاذي هما صحاب بزياده
هناء:اي حسيت
اوس:خلاص كان عندك حاجه تبي تستفسري عليها بخصوص الحب اسألى ناصر
هناء:اي حب شن تحكي انت 😨
اوس:هه حناي تقول فوتيها ع يلي ترحي قريب تطلعي في الشارع ترقصي دي الهنود لما تشوفيه خاش
هناء:توترت..بعد من وجهي اوس
اوس:ياكل..بري ياحنا اهربي اهربي
ناصر:انت شن رايك في الموضوع؟
سراج:في النهايه هيا بنت ومعندها حد ..ولو انا مكانك مش رح نخلي الموضوع
ناصر:حتى انا هكي قلت
سراج:في النهايه القانون رح ياخذ مجراه مهما كان الشخص عندك منصب وانا معاك مدور شي
ناصر:اصلي وربي
سراج:شد الهمه ...ولبس نضراته
ناصر:وين؟
سراج:مروح عندي كم حاجه بنديرها
ناصر:ربي معاك
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
سراج:طول الطريق امه تتصل لين وصل الشقه ..نزل من السياره ورد عليها ...الو
صبريه:اهلين والله
سراج:راكب في الدروج..اهلين بيك كيف الحال
صبريه:بخير وينك متردش من الصبح
سراج:فتح باب الشقه وخش...خدمه هاذا وين روحت
صبريه:اسمع يا سراج عندي معاك موضوع طويل عريض ونبيك تروح
سراج:لوح المسدس والبطاقة ع الطاوله واتجه غرفة النوم بياخذ حوايجه ناسي منار 🤦🏻♀️
صبريه:تسمع فيا؟؟
سراج:حاضر تو نهدرزو ...وفتح باب الدار😨😂..يتبع
صبريه:اسمع يا سراج عندي معاك موضوع طويل عريض ونبيك تروح
سراج:لوح المسدس والبطاقة ع الطاوله واتجه غرفة النوم بياخذ حوايجه ناسي منار 🤦🏻♀️
صبريه:تسمع فيا؟؟
سراج:حاضر تو نهدرزو ...وفتح باب الدار😨😂
منار:كانت لابسه سروالها بس مش لابسه شي من فوق غير صدريه واول ما سراج فتح الباب عيطت وحطت يديها علي صدرها من الخلعه😂
سراج:طاح التالفون من يده من الصدمه وسكر الباب بسرعه
منار:تتنفس بسرعه ...اوووه خلعني الواطي 🥵
صبريه:الووو الووو سراج
سراج:قام التالفون من علي الارض..اها معاك
صبريه:شنو الاصوات الغريبه هاذي؟
سراج:ولا شي تلفزيون ...المهم انا مزال مطول هنايا القضيه عطلت و....
صبريه:لا ياسراج ياسرك اعذار قلت ترووح عندي الف حاجه لازم نتفاهمو فيها ونتحاسبو
سراج:سكر عيونه لحضات وفتحهم...تمام حاضر تو نحاول
صبريه:تعالا الخميس وبعدين كان بترجع لخدمتك باهي
سراج:قاعد يحكي بصبر...تمام الخميس
صبريه:بسلامه
سراج:سلامات ...وسكر الخط !
قعمز علي الكرسي متوتر من الموقف يلي صار 😂
________________
ناصر:واقف ع المرايا ينشف في وجها بي الفوطه
طق طق طق
ناصر:تفضل
سميره:غريبه اليوم مروح بكرى😊
ناصر:اي كملت روحت طول معندي علاش قاعد
سميره:نحطلك تتغدى؟
ناصر:لا صحيتي تغديت مع الشباب في الخدمه بنرقد بس تاعب هلبا
سميره:امم به ارتاح لاكن بنحكي معاك في مرضوع قبل
ناصر:قعمز علي السرير...اها يا امى احكي وانتي ديما بي مواضيعك
سميره:امس مشيت انا واختك لي المول يلي فتحوه جديد
ناصر:به؟
سميره:لقيتلك خلقت بنت تبارك الله عليها عيون كباااار ومسحوبات
ناصر:سرح....اذكر لي عيون غزلان
سميره:وهذاك الفم مرسوم رسم الله يبارك
ناصر:يذكر لي فم غزلان وكيف كانت تحكي
سميره:الخلاصه ان البنت جميله مشاء البه لدرجة خذيت رقمها وقلت نديرولها زياره
ناصر:خذي نفس عميق...علاش بديريلها زياره يا امي؟
سميره:شن رايك تمشي معاي وتشوفها عجباتك اللهم بارك معجباتكش بعدين
ناصر:امى قتلك الف مره ها الموضوع فوتيه ومعش تفتحيه
سميره:علاش به فهمني بس ضابط قد الدنيا حوشه واتي ورافض الزواج علاااش حتى ملام الناس يكتر علينا
ناصر:امى جديات تاعب وراسي يوجع فيا ياريت تخليني نرتاح وتو نهدرزو في الموضوع
سميره:وقفت..زي العاده بتاخذني علي قد عقلي وتتسكر القصه ربي يهديك وخلاص...ولعت من الدار
ناصر:حط راسه ع المخده بتعب ورقد
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
منار:طلعت من الدار بخطوات متحشمه وببطئ وعيونها ادور علي سراج وين لين وصلت الصاله وشافت سراج واقف يصلي
منار:قعدت في مكانها ساكته وتتفرج عليه كيف يصلي كان منضر حلو ومش شايفاته في حوشهم قبل !!كان بوها كل همه يجمع فلوس ويكبر علاقاته مع الناس بس !!..معمراش مهتم بي الجانب الديني ولا علمها عليه حاجه اصلا!
سراج:السلام عليكم ورحمة الله ..السلام عليكم ورحمة الله ...وقف سراج يطبق في الصلايه ومنار واقفه وراه
منار:تحاول تبرر موقفها...لانكم مش اصحاب اوصول ومخلييني هنايا بدون لا حوايج ولا شي غسلت حوايجي واستنيتهم ينشفو
سراج:اشر براسه علي الصالون
منار:شنو؟
سراج:بعيون ذابله عاود اشرلها علي الصالون لين فهمت وقعمزت
منار:شنو به؟امتى بيكمل هاذا كله!
سراج:جاب كوب نسكافي وقعمز مقابلها ...
منار:به حسبتني ع الاقل☹️
سراج:حط قدام منار ورقه وقلم
منار:شنو هاذا!
سراج:اكتبيلي اسماء كل الناس يلي تشتغلي معاهم
منار:بلعت ريقها...ونبي؟
سراج:خذي رشفه من النسكافي ...بسرعه عندنا هلبا شغل اليوم
منار:مسكت القلم وهيا مش عارفه شنو تكتب وتحكي داخلها...كيف بيصدق اني منخدم مع حد ونمثل عليه باش يخاف مني 😭😣😣
سراج:عيونه في التالفون...منشوفش في القم يتحرك!!
منار:اءء انت انت يكفي الاسماء يلي خذيتها امس والمعامله الزفته متعك شوف يدي كيف مش قادره نحركها لعند اليوم
سراج:قرب عليها بنضره تجنن...لو قعدت الورقه فاضيه حتى يدك التانيه مش رح تقدري تحركيها
منار:لوحت القلم ع الورقه ....مش مجبوره نكتب شي ويديك انت رح ينقصو اول ما يجي بوي
سراج:شاف للقلم كيف طاح من الطاوله وبحركه سريعه مسك يدها من المرفق ...كلامي منبيش نعاوده يافرخه قلت تكتبي يعني تكككككتبي معنديش وقت نقعد نساير فيك انا
منار:خافت من صوته العالي ونضرته يلي تخوف وكيف كان قريب هلبا عليها كأنه بيقتلها
منار:حطت يدها علي لحية سراج ودفاته ...خلاص يكفي زهقت من يلي قاعد يصير علي اساس انكم شرطه وكلام فارغ مفيش ولا حاجه قانونيه درتها معاي تمد يدك علي بنت مكملتش سن ال18وتحقق معاها وانت معندكش ولا دليل ضدها
سراج:بيتكلم بس قاطعه صوت الباب وكان يدق بقوه مش طبيعيه
طققققققق ططققققق
سراج:نفض يدها بقوه وناض من مكانه بيفتح الباب
شويه وحس بيد تجبد فيه
منار:بالله عليك لا
سراج:قعد يشوفلها مش فاهم شي كانت ترعش وقريب تبكي ...بعدي من عليا ومعش تمسيني ودفها
منار:متفتحش الباب متخليهمش ياخذوني
سراج:شبحلها بنضره تخوف وفتح الباب ...خير؟
اوس:شن رايك في الطقه ..وغمزله
واضح هكي انها طقة واحد شرطي مهتم بي خدمته
سراج:لخص؟
اوس:سلمني ناصر توا قالي ارفع العشاء لي سراج يعني زملاء حني فهمت منلقوش الا بعضنا في الاخر
سراج:خذي الشكاره منه وسكر الباب
اوس:قعد مصدوم ...عادي مش ضروري يقول شكرا اصلا هكي اسلوب الشرطه 😌كل يوم نتعلم حاجه ع الحساب هاذا رح نترقه بسرعه 🔥ونبدا ضابط ولا نقيب ونحكم ونطلق اول حاجه بنديرها بنحبس خالتي نوريه كلتني في حق الجمعيه 150صامتيني في كبدي لعند توا ..وبنحبس بنتها حتى هيا مخليتني نكحل في جسمها والمشكله جسمها كله ترهلات يعني دنوب ع الفاضي ...وبنحبس اسعد الاحول قبل سنتين سبني ومن تاني من تاني تو نزيد نشوف ونكتبهم في القائمه ...ونزل من الدروج
__________________
الساعه 9في الليل:-
هناء:راقده علي سريرها وفاتحه نت تراقب في سراج فاتح او لا عشان تطمن عليه ❤️لاكن فجآه وصلتها رساله
هشام:السلام عليكم حضرة الشرطيه
هناء:اففف هاذا شنو يبي ...اهلين هشام
هشام:شن اخبارك
هناء:بخير تمام
هشام:انتي عارفه ان الكذب مفروض ميكون عند الدكتور ولا المدرس وبذات ميكونش عند الشرطي !
هناء:اممم وليش الفلفسه هاذي خش في الموضوع طول
هشام:لما سألتك علي بنت تاجر المخدرات ليش كذبتي؟
هناء:البنت منعلمش بيها وين والموضوع هاذا لا انت ولا انا لينا علاقه فيه القضيه سلموها من اول يوم لي الضابط سراج هوا المسؤل عليها ولو عندك سؤال برا لي اللواء بكرا
هشام:انا مفي شي في نيتي غير الخوف ع البنت ...مهما كان هيا بنت في النهايه وسراج راجل غلط يقعدو الاثنين في شقه وحده بدون محرم ليها!
يعني مفروض تتوقعو ان يصير شي غلط بينهم والبنت صغيره مش رح تقدر ادافعه علي روحها او تمنع سراج انه يدير شي !
هناء:فتحت عيونها بصدمه😳...لا مستحيل سراج مش هكي
هشام :وصل لي الشي يلي يبيه وتأكد ان البنت عند سراج ...اي وحتى انا مش هكي لاكن الغريزه هاذي موجوده عند كل راجل مهما كان كويس
هناء:تصبح علي خير هشام
هشام:ابتسم بنصر وعرف انه قدر يأثر عليها...وانتي من اهل الخير 😏
_________________
سراج:حط العشاء ع الطاوله وجاب كلينكس
منار:كانت جعانه هلبا لان من الفطور مكلتش شي ..ناضت بسرعه قعمزت علي الكرسي
سراج:حط يده علي جنبه وفي شوية علامات الم علي وجها
منار:انت كويس؟🙄
سراج:مردش عليها وقعمز
منار:بدت تاكل وتحكي معاه...للعلم بابا رح يسافر الخميس
سراج:قام راسه بسرعه وقارن حواجبه
منار:ومتعبش روحك وتسكر المطارات لان رح يسافر بطريقة ثانيه ...يعني ح يجي ياخذني قبل الخميس
سراج:ماسك كوب المشروب يحرك فيه بحركه دائريه ويفكر
منار:انا حكيتلك عشان تروح لي اهلك لان واضح ان عندك بيبي وحرام يقعد يتيم بابا مستحيل يرحمك
سراج:ابتسم علي جنب ...مرات انتي يلي تصبحي يتيمه
منار:محلاها ضحكتك😨..حطت يدها علي فمها🤭
سراج:ناض من علي الطاوله كأنه ماسمع شي ونحى التيشرت. وقف قدام المرايا ...خذي الكحول وقعد ينضف في الجروح متاعه ومنار تاكل وساكته
ترن ترن ترن
سراج:ايوا
هناء:اهلين سراج كيف الحال
سراج:تمام بخير
هناء:ماشيه جايه في وسط الدار بتوتر...اءء نبي نبي نحكيلك شي لو فاضي تسمعني
سراج:شنو احكي
منار:تتفرج عليه من بعيد كيف مش لابس شي من فوق رغم ان عنده 3اصابات لاكن يجنن🤤🤤
___________________
ناصر:مقعمز جنب امه يتعشى شرين تالفونه...الو
غزلان:اهلين حضرة الضابط
ناصر:بسرعه ما قلبه اذكر الصوت❤️تلخبط راسه ولسانه ارتبط..ايوا ؟
غزلان:اسفه علي اتصالي الوقت المتأخر هاذا انا عزلان لو تذكرني
ناصر:اي اي اكيد
غزلان : كنت نبي نعرف هل غضوا لازم نجي للمركز او لا؟
ناصر:احم اءء اء ا اي اي لازم
غزلان:اهااا اوكى تمام علي الساعه كم نجي؟
ناصر:نفس الموعد الاول يلي جيتي فيه
غزلان:تمام بي اذن الله سلام
ناصر:سلام...سكر الخط وحط يده علي راسه ...مفيش داعي انها تجى علاش قلت هكي🤦🏻♂️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
منار:قامت البقايا متع العشي للمطبخ وسراج مستغرب من تصرفها الهادي !!
سراج:قرر ان اليوم يخليها علي راحتها بس تاني يوم رح يضغط عليها ويبدو في المداهمه قبل ميسافر بوها وتكمل القصه هاذي كلها !!
منار:حاولت تخلي سراج يحكي ويتعاطف معاها لاكن معطهاش وجه ابدا ورقد علي الصالون بدون اهتمام ليها وبدون ميحكي معاها كلمه !
الساعه3في الليل :-
منار؛نزلت من علي السرير بشويه ..لبست جاكيت الصوف متاعها وقامت شعرها وحطت الوشاح ..طلعت بخطوات هاديه هلبا وقفت علي باب الممر ومطلعتش لين تأكدت ان سراج راقد بجديات ..دورت بعيونها المفتاح لين شفاته كان في الصالون جنب سراج !
منار:اففف شنو بيجيبه😣....قربت شوي شوي وقلبها بيطيح منها حتى النفس تحاول يكون صوته واطي ...قربت يدها وحطتها علي المفتاح وقماته بشويه باش ميديرش صوت ...اخيراااا. قالتها بصوت واطي وعطاته بضهر ماشيه لي الباب لاكن بسرعه ما حست بيد سراج جبدتها
منار:ضرباته برجلها علي جنبه مكان الضربه طلقها سراج وهوا يتألم
منار:حاولت تهرب وتوصل للباب لاكن كانت قوة سراج اكتر مسكها من رقبتها وخذي منها المفتاح
منار:حاولت تضربه برجلها عشان يستلم ويخليها لاكن سراج كان عنيف معاها وهواريلي مد يده عليها وضربها كفوف لين قعدت طايحه ع الارض وفاشله
سراج:ماسك جنبه يتألم ومنار حطت يديها علي وجهت تبكي
سراج:وقف بصعوبه مكان الاصابه توجع فيه ومسكها من رقبتها...لللللليش تبي تهربي وانتي عارفه ان رح ترجعي لي بوك في النهايه وين تبي تمشي تكلممممممممي
منار:...يتبع