رواية بنات الداخلي الحلقة الخامسة 5 - فاطمة العبيدي
 |
| رواية بنات الداخلي الحلقة الخامسة 5 - فاطمة العبيدي |
💡بنات الداخلي
💡الحلقه الخامسه (٥)
💡للكاتبه فاطمه العبيدي ✏📃
ايمن:-صمي فمممكك خلاص مااتديرليش فيها شريفه وحركات
خلود:-ي حقييييييير افتتتح وقعدت خلود تخبط فالباب..
ايمن:-.........
خلود:-لاالاااااااااااااا نزلني نزلني يرحم والديك
أيمن:-اسسس مانبيش نسمع كلمه بتديريلي فيها جو اول مره نطلع مع شاب وحركات كلكن كيف بعضكن
خلود:-قعدت تخبط في الباب يلي كان مأمن السياره كلها عشان خلود ماتحاولش تهرب .....تسمع في كلام ايمن وقلبها متقطع من جوا ع ثقتها يلي مش في محلها يوم عطتها للأيمن وتسترجع في كلام نجاح يلي خلاها تندم اكثر واكثر حطت ايديها ع وجها وتمت تبكي ورفعت وجها فوق تطلب من ربي فرصه وحده بس انه ينجيها منه.......وفي عز خيبتها شافت سقف السياره من فوق مفتوح كان مردود ......خلود كانت تفكر انها تحاول تطلع منه بس الشارع كان فاضي مافيه حد فكرت انها تسكت توا لحد مايجي في طريق رئيسيه وتطلع.....ولا الخيار الثاني انها تعزق نفسها وتموت احسن من انه حد يوسخها.....
ايمن:-شاف خلود كيف ساكته فكرها انها استسلمت....
كيف صار ايووووه هك تعجبيني مسكها من حنكها وبرمها شوره ...حبيبي عارفك متحشمه بس يمشي الجو...
خلود:-دفت يده وردت تشوف فالطريق وكلها امل انه يصير من يلي تفكر فيه......
_______
الساعه ١:٤٥
نجاح مقعمزه على المقاعد في مدخل الجامعه وتشوف لساعتها ...خلود مازالت ماجت وربع ساعه ع جيه الباص
شافت باقي البنات جيات باتجاهها وتفكر شن تقوللهن لما يسألنها عليها
مروه:-خيرات كيف صار خلود وين
سلوى":-صاح وين ماشفتهاش
نجاح:-شويه توا تجي
ابتهال:-رني عليها الباص قريب يجي ......
نجاح:-حاولت ترن اخرى ع خلود تلفونها مقفل ....زادت خافت اخرى...
ابتهال:-اهوا جا هيا ي بنات
مروه:-وخلود
سلوى:-صاح شن انقولو
ابتهال: نجاح بحتي فيا هنا خلود وين
نجاح:-قعدت تبكي والله نصحتها مابتش تسمعني
مروه:-حي عليك وين عدت
سلوى:-قصدك طلعت من الجامعه
نجاح:-ع اساس صاحبها بيشوفها فالسياره خمس دقايق طولت
ابتهال:-حي عليها الغبيه صدقت .....
مروه:-ي بنات عمو زكريا يراجي
سلوى:-وخلود يلي مش عارفين اراضيهاوين
ابتهال:-بنات روحن انتن انا توا نراجيها
نجاح:-حتى انا
ابتهال:-لالا هكي يشكوا فينا توا نروحوا في باص الساعه ٤ ...
مروه:-صاح هيا ي بنات
سلوى:-نجاح امسحي دموعك ويلي تسألك علي خلود قولي عندها ماده محملتها من ٢ لل٤ خلنه متفقين عالشي هذا...
وعدن البنات ركبن فالباص وقعدت ابتهال تستنى في خلود
__________بنات الداخلي للروائيه فاطمه العبيدي
في السياره🔥
خلود:-وصلنا لتقاطع طرق والمكان ازدحم وسرعة السياره خفت فالزحمه قعدت نسحب في رجليا بشويش من الكندره مانبيش ينتبهلي
ايمن:-مره يشوفلي مره يشوف للطريق
خطمت جنبنا سياره مزينه متاع عرسان فكره نشغله فيها نين نسحب فوق
خلود:-حبيبي شوف السياره الله تجنن زينتها
ايمن:-شافلي بدهاء العقبالنا....ورد يشوف للسياره اها سمحه تقريبا عيت ....هاظوما حالتهم رتش و....
خلود:-في وقتها نطيت من كرسي وطلعت راسي ...ياهوووووو ياناس ساعدووووووني يرحم بيكم
ايمن:-ي كلبببببه ي .......ي بنت لل....... نا تغفليني
خلود:-ايمن قعد يكر في بس ماعدلتش استمريت وقعدوا الرجاله ينزلو من سيارتهم ايمن قعد ماسكني ويسوق بسرعه يحاول يجتاز.....ماقدرتش نفك روحي منه ......جت عيني في عين واحد كان ورانا بالسياره كنت نترجى فيه بعيوني يرحم بيكم ياناس عدوني اختكم و.........وحاجه تخش فيا في كراعي من قوه الالم عيطت عيطه ...ااااااااااااه .....واستسلمت نزلت لوطه سكر السقف وقعد يسوق بهوس ....وصوت رجاله تعيط
وقف ي ولد الحرام....وقف ي ..........
اخر شي شفته وجه هو يهزب فيا ويدف فيا بيده
وكراعي غرق الدنيا دم وغمني بحاجه سوده ماقدرتش من الالم حتى اني ندافع ع روحي وعرفت انها نهايتي لحد معش شفت شي.......
_________
انا:-فتحت باب الغرفه ......وجوه البنات كانن شاحبات عكس من قبل يخشن يدورن شن ياكلن ابتهال وخلود مش معاهن
نعيمه:-وين الباقي
مروه:-شافت للسلوى كانها طالبه منها تحكي
سلوى:-توا يجن الساعه ٤
انا:-بنات كنكن شن صاير معاكن كنهن وجوهكن هك
نجاح:-وتمد كراعها وتقعد تبكي كله مني مفروض منعتها
سلوى:-قعمزت جنبها اسكتي اسكتي بعدين انتي منعتيها هي مابتش تسمع ليش تلومي قي روحك
مروه:-اصلا من منظره شلتوت معقوله نصدق واحد حثاله كيف هك....
نعيمه:-فهمنا شن فيه ....خلود وين وابتهال
انا:-- خلود هربت مع حد
مروه:-ظحك عليها الحقير ع اساس فالسياره جرى بيها
انا:-حطيت يدي ع فمي هييييييي.....
نعيمه:-حي علينا شن انديروا
سلوى:-بنات سكتن توا وكيف مااتفقنا انه عندهن لعند الساعه ٤
سمر:-كنت مقعمزه ع سريري ونسمع فالبنات يحكن علي خلود....معقوله الحب يوصل بالانسان انه يخاطر حتى عشان سمعته....خذيت عصاي ومشيت باتجاهن ....
سمر":-بنات خلاص ادعن انه ربي يستر عليها وادعنلها
نجاح:-ان شاء الله يارب
انا:-انحطلكن حاجه تاكلنها
سلوى:-والله مافي نيه في حاجه
مروه:-تعرفن ي بنات مصير خلود مرتبط بمصيرنا كلنا
انا:-ليش
مروه:-هلنا كان يسمعوا بالقصه حيفكروا انا كلنا هك .....
سمر:-بنات التمسنلها العذر
سلوى:-اي عذر ي سمر هي انسانه بالغه ماكنتش اتدير هك
سمر:-ربي يستر عليها
__________
خلود💡
فتحت عيوني ع ريحة عطر قويه بكل وصوت سيارات ووجوه ناس مانعرفهمش ....رديت غمضت عيوني من جديد............
خلود:-نطيت كإني طايحه من الهاويه وعيت وانا نلهث خشيت في حاله انهيار لقيت روحي ع سرير فكرت انه حياتي انتهيت وانه خلاص يلي يبيه مني خذاه..........شريط حياتي كله جا قدامي ...باتي وامي وخوتي كيف بنقابلهم......انهرت بكاء ويخشن عليا وحدات يجارن فالغرفه شفت جنبي ورديت بحتت فيهن
الممرضه:-ماتخافش انتي كان مغمى عليك بس عندك هبوط والجرح يلي في كراعك خيطناه لك
خلود":-انا وين
الممرضه:-فالمستشفى جابوك هنا مغمى عليك.....
وخش الدكتور قعد يقيسلي فالظغط ...خايفه نسألهم وننصدم بالواقع من جابني وشن صارلي .......
الدكتور:-شوي هبوط وركبنالك تغذيه وتقدري تطلعي
خلود:-بس.....
ويخش شاب لابس تيشرت ابيض وطاقيه سوده وملامح وجه هاديه وغامضه......
الشاب:-خلاص ي دكتور نقدروا نطلعوا
الدكتور:-وقع ع اوراق الخروج
الشاب:-تم ....
طلع الدكتور ووراه الممرضه .....خذا كرسي وقرب مني وانا كنت مش مستوعبه شن صاير
الشاب:-ماتخافيش انا يلي ساعدتك لما كنت تعيطي ونبهت الدوريه ع انهم يوقفوها السياره
خلود:-بس انا كيف.....
الشاب:-الشاب يلي خاطفك مسكوه وقاعدين يحققوا معاه
خلود:-مسكت في ايديه ع غفله وانا نترجا فيه ...يرحم بيك مانبيش شوشره هلي كان يسمعوا بالشي هذا يبطلوني انا من الداخلي
الشاب:-لا ماتخافيش انتي مش فالقصه .....
خلود:-تنفست الصعداء....وخطر عليا الجامعه....نطيت نين كراعي نغزني ...حي عليا الساعه كم
الشاب:-٣:٥٠
خلود:-الحافله توا تجي يرحم بيك ولا يفصلوني
الشاب:-ماعليك خلاص توا نوصلك نا
خلود:-لالالا .....حننفصل بس وصلني للجامعه نمشي فالباص
الشاب:-تم
_________
ابتهال💫
في وقتها مازال عشر دقايق ويرد الباص من جديد والبنات طلعن كلهن مافيش في يدي غير الدعاء....مرن الدقايق بسرعه وجا الباص وطلعن البنات والجامعه فضت .....البنات يعيطنلي عشان نركب بس وخلود......
مشيت بخطوات ثقيله ونتمني نشوفها خاشه من الباب......
وصلت للباص وفتحت الباب وقعمزت عالكرسي وبنسكر الباب
العم زكريا:-خلود وين ماروحتش معاي امبدري
ابتهال:-خلود م........
خلود:-فتحت الباب وانا قلبي بيوقف من الجري حتى الالم ماحسيتش في كراعي ....اه ي عمو زكريا نسيت مذكراتي عالمقاعد بس.....وقعمزت عالكرسي يلي جنب ابتهال
العم زكريا:-وباه ...
ابتهال:-عيوني قريب دمعن لما شفتها
خلود:-شفت كيف ابتهال خايفه عليا شديت ع يدها زيين
ابتهال:-الحمد لله
خلود:-الحمد لله ونا شاده والدمعه من عيوني...
_______
نجاح💫
صبيت من عالصلايه وانا ندعي لربي تكون بخير طق الباب طلعت نجري ووراي البنات فتحت لقيتها ابتهال
نجاح:-ابتهال خلود وين
سلوى:-نجاح ردي
وتطلع خلود من وراها ونقعدوا متضبطين بعضنا ساعه ونحنا نبكوا ومش قادرين نوقفوا لحد ماخششتنا نعيمه كلنا للحجره عشان مايفطننش باقي البنات
نجاح:-دار فيك حاجه الحقير لمسك
خلود:-وهي تهز في راسها بالنفي ...لالا
سلوى:-كيف هربتي منه
خلود:-............
......
مروه:-الحمد لله ربي فكك منا
ابتهال:-هذا درس من ربي وفرصه جديده لك مش اي حد نثق فيه
مروه:-حقير استغل طيبتك....كنه كراعك
خلود:-لما تميت انصرخ ظربني عليه نين معش فطنت للروحي الا وانا فالمستشفى ....وانهارت وقعدت تبكي
انا:-خلاص ي خلود خلاص ي بنات الحمد لله انه ماصارلك شي وكويسه
سمر:-حمد لله علي سلامتك ربي نجاك منه
نعيمه:-خشن صلن لعند ماانديرلكن حاجه تاكلنها هي كلهن ماكلنش يراجن فيكن
انا:-انعدي نجيب اميه معدنيه من لوطه وتوا نجي.....
لبست جاكتي ووشاحي وطلعت الممرات كان فاضيات عشان اغلبيتهن يرقدن فالوقت هذا ......
كنت نمشي فالممر ونا نلقى نقاطي دم استغربت مع انه يلي ينظفن مايسهنش عالممرات باستمرار ينظفن كل مانمشي خطوه الدم يكثر كان يودي للدروج الدور يلي فوقنا قعدت نتبع في اثار الدم قلت مرات وحده طايحه حرام انعدي نسأل .....رقيت مع الدروج وتلاقيت مع نسرين نازله من فوق
انا:-نسرين
نسرين:- كنك مستغربه
انا:-لاشي بس تسكني فوق
نسرين:-كنت نسكن
انا:-شن قصه الدم هذا
نسرين:- وحده ماتت
انا:-هيييييي شن تحكي انتي عارفه فيش تخرفي
نسرين:-ماتخافيش يموت الانسان مره وحده اما الباقي ثقوب ونزلت تجري مع الدروج..
انا:-وصلت في ممر البنات يلي طربقت فيهن بمبمه المره يلي فاتت وخايفه وانا نشوف للساس يلي مقابلني مكتوب عليه بالدم
ا✏🔥انا ايضا ساغادر كما غادرت صديقتي السنة التي مضت لذلك كل عام وانتم من دوني... .........
ونلتفت ع يميني ونلقى........
انا:-😨😱
يتبع 🔥🔥🔥🔥🔥