رواية بنات الداخلي الحلقة التاسعة 9 - فاطمة العبيدي
 |
| رواية بنات الداخلي الحلقة التاسعة 9 - فاطمة العبيدي |
لقراءة باقي حلقات الرواية : اضغط هنا
رواية بنات الداخلي الحلقة التاسعة كاملة مكتوبة للكاتبة فاطمة العبيدي
قمره__
رقيت مع الدروج نجري كانن الممرات فاضيات وبنمشي في اتجاه الحجره متاعتنا ......وكإنه حد ينادي في......
....:-قمرررره قمررره
التفتت مافيش حد رديت شفت قدامي ونا نلقى ..
........:-ماتفهميش انتي.
واختفيت عن الوعي💥...
....
....
......:-قمره قمره تسمعي في
.......:-قمره تشوفي فيا
قمره:-فتحت عيوني ونشوف فالظي كيف قوي وليد مصبي علي راسي وسالمه بجنبي تعيطلي........وبنات حجرتي
نطيت ......
سالمه:-شن تحسي في روحك توا
قمره:-بعدم استيعاب ....كني
سالمه:-شكلك مش واكله شي دختي
ابتهال:-ارهاق عليك اليوم
خلود:-طلعت من الحجره وجايبه كبايه فيها ميه وسكر ومدتهالي......
قمره:-حطيت يدي ع راسي ونحاول نذكر ....كاني انخبطت بشي ع راسي....ممكن من قوه الطيح ونا لابسه مساكه عظه
نجاح:-شن تحسي قي روحك
قمره"-الحمدلله معلش شغلتكن عاد
البنات:'لا والله......
وليد:-هي ي قمره بيش نوصلو بدري
قمره:-هي وقعدت نسقم في وشاحي مع السلامه ي بنات..
وطلعنا ولقينا سمر مشغوله فالسياره...
سمر:-كنكم طولتوا
وليد:-قمره داخت
سمر:-هيييبييي كنك اكيده هبوط كويسه توا
قمره:-الحمدلله كويسه
سمر:-ي ناعليا مجرد ماطولتوا حسيت بشي صاير معاكم
وليد:-باهي يلي فطنلها البنات
سمر:-وين دختي
قمر:-بس كيف....!
سمر:-وين
قمره:-اه..........قدام حجرتنا........
وليد يسوق فالسياره ونفكر كيف وصلت لقدام حجرتنا كنت دوبني خاشه للممر....اشش عليك تفكير كلا انا اكيد البنات شالني....
سمر:-
آه......كنت متكيه براسي عالروشن نتأمل فالفراغ سبحان الله حتى لماانعميت مازلت نحب نقعد جنب الروشن نتأمل فالفراغ....هه........
مروان💔.....قمره تستاهله اكثر مني صاح.....نا مالياش فايده هو يحبها واضح انا غير غلط فيا بس ...هو عارف اني اختها غير نا وهمت نفسي بس اصحي اصحي ي سمر مايبيكش كنك انتي بيحب وحده عمياء بالعقل يعني.....
وقطع حبل افكارنا وليد.....
وليد:-اه شنو جو الداخلي معاكن
قمره:-الحمد لله
سمر:-كويس
وليد:-كنكن تقولن فيها بملل....البنات يلي معاكن شن جوهن
قمره:-الحق كلهن كويسات مانكذبوا عليهن.....
سمر:-الحمد لله بنات ناس كلهن
وليد:-اهم حاجه الرفقه فالداخلي الا وكان هذا التفاحه المخمجه تخرب عالللخره....
وقعدنا نهدرزوا طول الطريق......
______بنات الداخلي للروائيه فاطمه العبيدي 💫
وصلنا للمزرعه بعد مشقه من الطريق وخشينا لقيناهم كلهم يستنو فينا باتي حاط كرسي مع عمي قاسم فالفرندا ويستنوا....خش وليد بسكواتنا فالحاجر ونحنا وراه....
باتي اول ماشافنا صبا...
باتي:-مرحبا مرحبا الحمد لله عالسلامه
نا وسمر قربنا منا وقعدنا نحبوا علي راسه وطلعت امي من المطبخ هي ومرات عمي والبنات حتى هنا يسلمن ....كنت مرايفه علي امي مجرد ماشفتها طحت ف حظنها..
امي:-تظبط فينا نا وسمر زين وتشم فينا .....اه ي بنيات شن درتن تاكلن كويس كيف حال قرايتكن وشخبار البنات يلي معاكن
نحنا:-الحمد لله
باتي:-خلاص ي سالمه ....خلي البنات يتريحن توا تشبعي منهن
امي:-خلاص خشن بدلن وتعالن ....المغرب قريب يأذن...
انا:-خشيت للحوش ونحس في روحي متكسره مانشوفش فالطريق ومعاي سمر حتى هي .....
خشيت للحمام ادوشت وطلعت للسمر خشت بعدي وقعدت نمشط في شعري ...مع خشت بنات عمي
ساره:-شن جو الداخلي غادي جو سمح
خديجه:-غم غادي
انا:-لا والله ماتحسيش بالكساد ....بنات يغيرن فالجو ماتمليش
خديجه:-شخبار الطب شن جوه
انا:-تمام مازلنا فالبدايه
ساره:-واعر ....
انا:-يبي قرايه اول بأول
خديجه:-تعرفي نحكي للامي قلتلها قمره متعوده تسكر علي روحها وهي تقرا مش عارفه شن دايره
انا"-فالبدايه صاح ماتأقلمتش بس توا عادي......تميت نطلع من الحجره
خديجه:- الطب واعر يابال تبي تقري سمر حتى هي
سمر💫
طلعت من الحمام ...حوشنا حافظته نقدر نتحرك فيه بحريه بدون مانخبط في شي كل شي في مكانه خذيت المنشف متاعي ومشيت شور دارنا حطيت يدي عالباب وبنفتح...ونسمع....
خديجه:-
الطب واعر يابال تبي تقري سمر حتى هي....
انا:-اها حتى هي منهجها واعر ومعش بديت
خديجه"-ربي يساعدك مسؤوليه
انا:-ان شاء الله وانتي شن جو الشهاده
خديجه:-كبدي درهت منها ليا سنتين نعاود فيها المشكله المنهج حافظته
انا:-غير عوينه مش عارفه والله ....ربي يوفقك
خديجه:-ان شاء الله
سمر:-.....فتحت الباب وخشيت💔....مشيت بإتجاه سريري كنت تعبانه نفسيا وجسديا كنت نبي نرقد بيش ننهي اليوم هذا
خديجه:-سموره شن جو القرايا
سمر:-تمام والله...انتي شن جوك
خديجه:-ماشي اهو
وخشت علينا امي 🔊
امي:-ي بنات تعالن هيا ساعدني
انا:-هيا آني جيت....
خديجه:-هي ي ساره هي نطلعو ...
مشيت صليت المغرب وطلعت للامي قعدنا نوتوا فالعشاء مع اها مافيش حاجه هذه ماديرتها.....رز بالخلطه وعصبان وبطاطا وسلطات غير الحاجات يلي معقبتهن لنا نحنا وغادي......
قعدنا نحطوا فالسفر وكلمت سمر وطلعنا نا وياها وقعدنا نتعشوا
امي:-سموره ذوقي هذا سمك يومتها جابه وليد عارفته غالي عليك
سمر:-سلم ايديك
امي:-كولي كنك رايحه ناقصه
انا:-هههه امي راه لنا اسبوع بس
وليد:-يعيط من السفره يلي جنبنا شي كل وجبه ازعما البنات فيش ايديرن كلن ولالا وتعقب تراجي فيكن
تهاني:-ربي يخليها لكن عاد ايش اتدير قلب الام
انا:-إن شاء الله يارب
سمر:ان شاء الله
وتعشينا وقعدنا نغسلوا فالحوسه .......وامي وعميمه تهاني مقعمزات علي عداله الشاهي يهدرزن...
انا:-خلاص هي نخشوا
خديجه:-نخش للحمام توا نجي
انا:-تمام
_________بنات الداخلي للروائيه فاطمه العبيدي 💫💫
خديجه:-خشت جوا تغسل في ايديها فالحمام يلي جوا دار وليد كانت جنب الحمام ....تبي تخش للحمام شافت دار وليد مردوده ويحكي بصوت حاد
وليد:-والله ماعندي بيش اصبري عليا توا مش تلفونك جديد مازال عليش بتغيريه
..........:-..........
وليد:-توا يعني بتبعيها انتي .
......:-........
وليد:-بنفهم ليش المقارنة كل حد وامكانياته فكيني من المقارنات
......:-.......
وليد:-اووووووه شن ننحت الساس نا
وقفل الخط....
خديجه:-فتحت باب الدار علي وليد يلي كان مقعمز علي س سريره ويمشي في شعره بين صوابعه بعصبيه......
وليد:-التفت لما شافها وقال بعصبيه....نعم كنك انتي اللخرى
خديجه:-ماكني شي عليش تهزب
وليد:-مانهزبش
خديجه:-هذا كله علشان تلفون
وليد:-مش قصه تلفون بس مانبيهش تتعود و....فطن الروحه هو ويحكي....وانتي شن دراك؟
خديجه:-خشت للدار وقعمزت جنب وليد عالكرسي
(طبعا خديجه ملامحها حلوات جسمها دبدوبه وبيضاء وعيونها سود ورموشها كثيفات وسود زين وشعرها اسود طويل وفيها شامه قريب من فمها)........ماكنتش نصنت بس لفت انتباهي صوتك عالي
وليد:-شوي مواضيع
خديجه:-.....بنقولك حاجه فهمها معش تدير مقارنات يعني كل حد ومقدريته بعدين هي عارفه انك عمرك ماقصرت معاها
وليد:-المشكله كل مره نفس النقاش
خديجه:-بصراحه مفهمتهاش كنها ماديه هي ....مفروض تقدر شوي وتصبر عشان عالأقل تكون روحك وكان قعدت هك مش حتدير شي
وليد:-بكل المشكله توا تلفون وبعدها عندها مناسبه معش فضت
خديجه:-حلوه لما تجي منك مش منها مافيهاش جو هكي
وليد💫
كان يشوف بإنتباه للخديجه وعقليتها وكيف تحكي كإنها وليه كبيره واسلوبها .....
خديجه:-ان شاء الله خير بنصبي نشوف للبنات وصبت خديجه سيبت وليد غارق ف تفكيره وفي قراره وعقله وين كان لما خطب وحده تفكيرها مادي كيف هك.
.._______بنات الداخلي للروائيه فاطمه العبيدي..💫
عدوا عيت عمي قاسم بعد ماهدرزنا واجد وضمينا الحوسه وكل حد خش للدار ....
انا:-خشيت للدار لقيت سمر معاطيتني بظهرها وراقده استغربت بس قلت ممكن باطله وارق....
فكيت شعري ومشيت شور دولابي طلعت توته اخرى عشان توتي انبلت اميه ومشيت للحمام بنغيرها.....
سكرت الحمام وقعدت نغيره حسيت راسي يسطر فيا ونا نلمس بيدي ونشوف ونلقى يدي دم .....دم من شنوا....قربت عالمرايه يلي في باب الحمام ونبي نشوف ماعرفتش بس ممكن من قو الطيحه غيرت لبستي وخشيت رقدت....
حلمت 💫
كإني فالداخلي كنت نرقى من عند الدروج كإني خشيت لدار البنات يلي فوقنا يلي ماتت منها وحده شفت زينب جيتها نجري .....زينب زينب انتي حيه نحسابك متي
كانت تحكي مع صحباتها بس مايشوفنش فيا قعدت نعيطلهن بنات ي بنات مسكت يد زينب بس يدي تلاشت كإني مش موجوده......قعمزت بعد يأست ونا نعيطلهن نبيهن يشوفني ..........
شفت وحده راقده ف نهايه الدار قربت منها ورفعت البطانيه علي وجها كانت نسرين........
انا:-نسرين نسرين نوظي شن جيبك هنا
قعدت نوعي فيها مابتش
زينب:-ي بنات صبن صبن الدفايه تبي تطربق
البنت ٢:-فكيها
البنت ٣:-فكيها شنو اطلعن ي بنات تكت فيها النار
زينب:-ونسرين
والدار شاطت فيها النار.........حجرتها كانت صغيره ومافيهاش منفس
البنت ٤:-نسرين شنو اطلعي ي زينب متزرطه جوا
زينب:- تعيط للمشرفات جتها نجيه تجري
نجيه:-اطلعن اطلعن توا يجو الامن
زينب؛:-نسرين جوا.....راقده
نجيه:-اهم حاجه انتن توا اطلعن ......توا يطلعوها
نزلن بنات الحجر كلهن والامن معش جا والدار انحرقت
انا:-ي هوووووو ياناس في حد جوا ......
وطلعت عليا نسرين من وسط النار وجها متشوه وشعرها محروق
نسرين:-.....قمره وحطت يدها ع كتفي .....سيبني وعدن عارفه ليش ......عشان فقيره فقيره ي قمره وماعنديش حد يديها تمن نار .......وكرتني معاها جوا...
انا:-لااااال لااااااا مانبيش نموت لااااااا
يتبع💥