رواية بنات الداخلي الحلقة الحادية عشر 11 - فاطمة العبيدي
 |
| رواية بنات الداخلي الحلقة الحادية عشر 11 - فاطمة العبيدي |
لقراءة وتحميل رواية بنات الداخلي كاملة pdf : اضغط هنا
رواية بنات الداخلي الحلقة الحادية عشر 11 كاملة مكتوبة للكاتبة فاطمة العبيدي
بنات الداخلي
الحلقه الحاديه عشر(١١)
للكاتبه فاطمه العبيدي
الوليه:-هنا حيكون شغلك.....نتمنى منك انك تكوني متفاهمه لانك يلي جن قبلك واجد بس ماطولنش
ابتهال:-في داخلي كيف ؟
مشت بيا في ممر طويل وتحكيلي علي تعليمات وطبيعة الشغل هنا والراتب......
فتحت الباب يلي كان في نهايه الممر ....كانت عباره عن غرفه واضح انها بناتيه بس كانت كئيبه كان فيها أرفف عليهن قصص وطاوله محطوط عليها دفاتر وألوان وألواح للرسم ومرايه كانت مظلمه انتقلت بنظري للسرير يلي كان مركون في زاويه الغرفه وانا نلقى بنبيه ...قربت وانا نشوفها بجسمها الصغير وراسها الكبير 💔.....وكانن عيونها بارزات ....وفم صغير وشعرها الكثيف.....ع وهله خفت ورديت خطوه
الوليه(الأبله نهال):-ماتخافيش ي بنتي صغيره راه مازالت مليكه
ابتهال:-لا ي عمتي مش قصدي بس هذه هي....؛؟
أبله نهال:-اها هذه وعد ...بس هي من الولاده هك مريضه ....
ابتهال:-ربي يشفيها ....تفهم علي
أبله نهال:-عطتني نظره عتاب من خلالها كإنها بتهزبني لالا تفهم اها ...تفهم ....وياريت تهتمي بيها حمزه قريب يجي وتوا يفهمك وياريت ماتطلعيش من الغرفه نين يجيك ٥ دقايق وحيجي.
ابتهال:-هزيت راسي بمعني حاضر
طلعت الوليه وخلتني بروحي مع البنيه ......حطيت شنطتي ع الطاولت ومشيت بإتجاها رغم خوفي فالبدايه بس مش عارفه ليش قلبي ومشاعري خذني ع اني نقرب منها ....قعمزت علي حافه السرير وقعدت نتأمل فيها.....
مرت ثواني بعدها تحركت.....وفتحت عيونها....
وعد:-بطول تأمل.....ماما
ابتهال:-فتحت عيونها البارزات وسألتني بدهشه ماما
وعد:-ماما ....ماما......وقربت مني وارتمت في حظني
ابتهال:-جسمي انتفظ مع كلمتها ماما......؟قعدت ماسكه في رقبتي زين بجسمها الضعيف.....
وعد:-ماما جيتي.....ماما
ابتهال:-اها ...
وبعدها قعدت ع صدري ....لاإراديا لقيت روحي ضامتها لصدري .....وقعدت نمسح ع شعرها
حمزه💢🎶
خشيت للفيله علي عجله كنت متأكد انها حتجي......
ابله نهال:-اه ي وليدي جيت ...
حمزه:-قرب من امه وحب علي راسها اها يمي... جت؟
ابله نهال:-جت وقاعده لها نهار فوق ...ان شاء الله غير ماتذلش كيف اللخرات ...بس ي وليدي لاحظت انها ....
حمزه:-لالا يمي ان شاء الله لا ....لاحظتي شنو
ابله نهال :-ي وليدي عارف شن نقصد تشبهلها
حمزه:-لالا يمي تهايلك.....خلاص نا بنرقى نشوفها ونجي
ابله نهال:-خلاص شوفها وفهمها
حمزه:-حاضر...
رقيت مع الدروج نجري واتجهت في اتجاه دار وعد وكنت نسمع في صوت جاي من الدار كل ماانقرب نسمعه بوضوح .....🎶
يلا اتنام يلا نام....لااذبحلك طير الحمام....
نام ي حمام لا اتصدق.....رفرف عالغالي ت ينام....
حمزه:-وانا نفتح الباب ونشوف وعد بين احضانها ....لي سنين ماشفت وعد مستسلمه للنوم في حضن حد غريب.....
ابتهال:-التفتت وراي وانا نشوف استاذ حمزه يشوفلي بنظره غريبه....حطيتها ع سريرها وصبيت في خجل ...اهلين ي استاذ معلش ماانتبهتش بس شكلها كانت نعسانه و....
حمزه:-انتبه لروحه....لالا توا كيف جيت اصلا اهلين كيف حالك
ابتهال:-بخير الحمد لله
حمزه:-جاب كرسي وقعمز عليه قعمزي ي ابتهال .....
ابتهال:-قعمزت علي حاشيه السرير وشابكه ايديا في بعضهن...
حمزه:-طبعا هذه بنتي وعد وزي مانك شايفتيها....
ابتهال:-ربي يخليها لك...
حمزه:-ان شاء الله...وعد مفروض تقرا بس نا خايف عليها كيف ماتشوفي في وضعها انتي....نتمنى منك انك تهتمي بيها انا مش طالب منك شي غير تديري بالك عليها امي كبيره فالعمر ووعد توا حملها زاد ونا عندي شغل فالصبح فماعنديش خيار اخرى
ابتهال:-كيف ام وعد وين...
حمزه:- عطاني نظره قسمني من خلالها نصين.....وتجاهل سؤالي وصبا في عجله.....تمام وتقدري تبدي معاها من بكره والراتب حيكون.......ولو مش كافي نزيد
ابتهال:-انصدمت معقوله.....عشان اهتمامي هذا كله بطفله......لالا تمام ي استاذ
حمزه:-عطاني بظهره وتوا تقدري تمشي.....وبكره نبدوا
ابتهال:-خذيت شنطتي وطلعت من الدار ونا كلي اسأله نزلت لوطه وسلمت عالوليه وطلعت خذيت تاكسي ورديت للجامعه الحوش كان قصر مش حوش بس كان فيه غموض معبي المكان....ووحشه...
_____________بنات الداخلي للروائيه فاطمه العبيدي 🎶
في الجامعه💛
انا:-بعد ماحطيت سمر في محاضرتها مشيت للمحاضرتي بس كالعاده حصلت مقعد لاوره مشكلتي مانفهمش لما نقعد فالااخير.... حسيت المنهج تضخم ومش مستوعبه .....الدكتور يشرح ونا نحاول نركز نحس في دماغي بيطلع من جمجمتي من ثقل المعلومات....قعدت نطقطق بالبنينه في توتر.......
وفجأه .....تطيح عليا ورقه.....
إلتفتت ماعرفتهاش من من.....
فتحتها ولقيت:-بشويه عالبنينه راك تكسريها
انا:-؟؟؟؟؟كورتها وعزقتها....
وتجيني وحده اخره....؛:-كنك معصبه...
انا:-تعقددددت عالاخر ...التفتت كالعاده عرم وجوه وماعرفتهاش من من....
قدمت كرسي بس تجاهلت كم ورقه....
_______
سمر💫
جابتني سمر للقاعتي والدكتور مازال ماجا وصت عليا بنت من قسمي تعرفت عليها من المره يلي فاتت.....قعدت معاها لحد مايجي الدكتور ....استنينا وسمعت انه الدكتور غيروه ....خشينا وراه حطتني البنت في كرسي فالمقدمه عشان نسمع ....وعدت....
المحاضره كانت الضمائر وبدا يتفرع فالشرح.....
وبدا يشرح على الverb to be....
..كنت افضل ميزه في نحسن فالاستماع والواضح من الدكتور انه متعجرف نقدر نلتمس الشي هذا من نبره صوته الحاده والعنجهيه يلي فيها.....وكيف عرف ع نفسه بغرور وكيف حكى ع بطولاته وسفرياته
الدكتور:....انتي لما نبي ننفى الجمله شن اندير.....
والقاعه كلها ساكته......
الدكتور:-نحكي معاك نا كنك ماتردي.....
......؟؟؟؟؟؟
البنت:-استاذ سمر ما.....
الدكتور:-من طلب منك انتي تحكي
البنت:-بنقولك بس....
الدكتور:-لما نسأل طالب مانبيش حد يتدخل....
نحكي معاك كنك انعميتي...
سمر:-عرفت من كلام البنت يقصدني انا.....معلش ي دكتور تقصد انا...
الدكتور:-لا نا..... عميه انتي......نسأل فيك جاوبي تمحلقي فيا لك ساعه نا في عالم وانتي في عالم
سمر:-....تمالكت دموعي يلي قعدن عالقات ومانبيش نبكي قدامه.....اها عمياء
الدكتور:-....تردي؟؟؟؟اطلعي بره
سمر:-لما نبي ننفي نظيف not بعد الverb to be.......
بس يلي مانقدرش ننفيه اني فعلا انا عمياء.......
صبيت ونا دموعي تنهمر غصبا عني ومش قادره نتوازن نحس فالقاعه فراغ ومش عارفه وين مكاني صبيت وقعدت نرتطم فالادراج يلي قدامي.....
الدكتور:-في حاله صدمه ......ومش عارف انه كلامي صح ولالا......
قعدت نتلمس والقاعه كلها ساكته حسيت روحي نسبح فالفراغ لحد ماجتني بنت مسكت ف يدي
البنت:-سمر سمر خلاص اسكتي ...معلش ي استاذ بنطلعو من المحاضره
الدكتور:-وهو سخفه منظر سمر وعرفها انها فعلا عمياء وماعرفش كيف يعتذر وبالاحرى كبريائه ماسمحلش.....
تفضلن اطلعن...
سمر:-طلعت من المحاضره وطلبت من البنت تحطني فالمكتبه ....ماعنديش خيار....
حطتني وعدت بس هالمره مش حنتحرك سد المره يلي فاتت التزمت الصمت وقعمزت.....
مروان 💫
جيت للجامعه مخنوق ومش عارف كيف نتصرف شن اندير كنت ندور في وجها بين الوجوه بس مش قاعده مش عارف عليش ندور بس....وفي من......قعدت نبرم واستسلمت لقلبي اني نمشي للمكتبه ع امل نلقاها فيها.....
مشيت واول ماخشيت جت عيني عليها هي بكل شي فيها بس مش عارف اذاكانت هي ولالا.....
قربت منها بس هالمره قعمزت مقابلها......كانت تشوفلي ونا قلبي يدق بسرعه قعدنا ساكتين مافيش حد فينا حكى.....
جيت بنحكي...
مروان:-.......
جت وحده قاطعتني سمر هذه ميه كان بتشربي
سمر:-بارك الله فيك تسلمي.....
خذت البنت يد سمر وحطت فيها الشيشه.....
كانت تحكي مع البنت وتشوفلي....
مروان:-قلبي قعد يدق يدق وعرقت نحاول نبعد الفكره يلي جت ف راسي.... بس مش قادر صبيت قدامها و.رفعت يدي وشيرت قدامها ....بس ماانتبهتليش...
سمر:-شميت بريحه قويه كانت ريحته بس استطردتها ممكن من كثر ماانحبه كل شي قعد عالق في مخيلتي والمكان يذكرني بيه......وفجأه ...
مروان:-سمر
سمر:-مروان......
مروان:-سمر سمر تسمعي فيا
سمر:-مسك يدي قعد يدف فيا
مروان:-سمر تشوفي فيا يرحم بيك قولي اها يرحم بيك قولي كذبه قولي نشوف فيك سمر نا اانحبك حسي بيا ...قوليلي
سمر:-نسمع ف كلام مروان يلي نزل عليا كيف الصاعقه ومش قادره نتفوه بحرف.....دموعي قعدن ينهمرن غصبا عني.......
مروان:-ردي عليا ردي عليا قوليلي ....
سمر:-اها اها عميااااء عمياء تريحت عمياء مانشوفش يعني مالياش فايده انا قالك اني مانصلحش بشي.....وقمره اختي .....اختي يلي فكرتها انا......حبها ي مروان الا انا مانصلحش بيك....
مروان:-شن تحكي انتي فيش تحكي نا انحبك انتي ...انتي البنت يلي حبيتها .....
.
سمر:-مروان اطلع وخليني بروحي خليني بروحي لو سمحت.......
مروان:-وهو مش مستوعب كل يلي قاعد يصير...
مع خشت قمره اختي جت تجري لما شافاتي حاطه يدي ع وذني ونعيط .....
قمره:-حطيت شنطتي عالطاوله وجيت نجري للسمر يلي كانت في حاله ولقيت نفس الشاب واقف عليها....
طلع الشاب يجري وخذيت سمره ف حظني واستسلمت للبكاء بس ماتفوهتش بولا كلمه....
خذيتها وطلعنا للكافيتيريا ع امل تهدى وتحكيلي...
____بنات الداخلي للروائيه فاطمه العبيدي 💥💛
سلوىومروه🎶
مقعمزات عالمقاعد بعد ماانتهيت محاضرتهن ...
سلوى:-حاطه كراع ع كراع وتهز...
مروه:-كنك تهزي وترتيني
سلوى:-نحس ف حياتي ممله مافيهاش اكشن بكل
مروه:-شن تبي انتي
سلوى:-مش عارفه دراه كبد
مروه:-تبي يشوفك اسامه بيش يعجنك ويخليك فلم رعب مش اكشن ع mbc 2
سلوى:-تافهه علي يحكيلك....
مروه:-اصلا انتي حتى لما تنعجبي بواحد يطلع مش طبيعي كلهم مرضى يلي تبيهم
سلوى:-الله غالب
مروه:-والله ماعندي م انديرلك ....
مع جية ابتهال🎶
ابتهال:-خيرات بنات شنجو كملتن محاضرات
سلوى:-اها تهايالي البنات معش عندهم خلاص
ابتهال:-اها نجيب شيتاتي ونرد عليكن.....
اهي نعيمه جت.....
مروه:-هاك جيبيلي معاك شيت ال.....
ابتهال:-تمام
نعيمه:-شن جوكن
مروه؛-تمام.....
سلوى:-رنن علي سمر وقمره وينهن
نعيمه:-شفتهن فالكفتيريا.....اهنا جن
انا:-ماسكه في يدي قمره وجينا التمينا مع البنات وقعت نهدز معاهن .....
مع جيه نجاح وخلود طايحات ع بعضهن من الظحك...
سلوى:-كنكن وانتن ديما ميتات ظحك
خلود:-ياناعليا ووووك
نجاح:-ي حنه مقعمزين لابينا لا علينا فالمحاضراه تخش علينا وحده هاده من بره والدكتور يشرح....
خلود:-قالتله حيوان.....
قتلك الدكتور قعد وجه الوان
سلوى:-طاح سعدها
انا:-تحكي من جدك
نجاح:-ماهو حتى نحنا فهمناها هك😂😂😂
قاللها الدكتور شنو ....قالتله قسم حيوان...قاللها اولا اسمه علم الحيوان ثانيا اطلعي بره.....
انا:-😂😂😂😂
مروه:-تستاهلها😂😂😂
نعيمه:-باهي يلي مافصلها بكل
انا:-ياناعليا نبي الحمام ...
ابتهال:-عمو زكريا مطول راه تعالي نمشوا للحمام قسم ...نظاف
انا:-تمام ونسيني
ابتهال :-هي.....
مريت جنب منى وغاده ....اول ماشفتهن جسمي نفظ قالتلي ابتهال فوتيهن.....ماكإنكش تشوفي فيهن بكل....مريت قدامهن بسرعه....
مع تخطيمه مجموعه شباب......عليا نا وابتهال
الشاب:-ناعلي نا من العيون السماح
الشاب ٢:-عيونك سود وقتالات ارحمني والبس نظارات....
انا:-وجهي قعد ساخن
ويلي نخطم عليه يقعد يعاكس
نين انحرجت......
وصلنا للحمام قالتلي ابتهال نستناك بره الحمامات فاضيات...
خشيت عالسريع وطلعت قعدت نعدل في وشاحي عالمرايا....
مع خشت منى وغاده شفتهن في انعكاس المرايه يلي قدامي.....
منى:-خيرات ي قمره كيف نسيتينا
انا:-بعدم مبالات الحمد لله لا ماشفتكنش وخذيت شنطتي وجيت بنطلع....
منى:-قمره والله ماقصدي حاجه اخر مره والله تبنا وغلطه جت.....بس انتي والله غاليه عليا واجد اسالي غاده
غاده:-صاح والله
منى:-ديما نمدح فيك بعدين كلنا بشر ونغلطو
انا:-حسيت بيهن صاح تابن.....ان الله غفور رحيم.....
انا من ناحيتي مافي شي
منى:-ان شاء الله بس ديما واجعتني ديما طامسه روحك....
انا:-كيف
غاده:-وحق ربي الشباب قريب يهبلو عليك
انا:-نا مش متاعت وجيج
منى:-مش هكي تبيلك شوي اهتمام تقعدي تهبلي والله نا عشان غاليه عليا بس ننصح فيك......وتبي اي شي مايهمك شي
انا:-معلش بنطلع ابتهال تستنى فيا
منى:-تمام نتلاقو ي قلبي
انا:-طلعت للابتهال وعديت شور البنات ولقيناهن يستنن فينا وركبنا فالباص......
قعمزت ف جنب الروشن ونفكر في كلام منى......
صح انا جميله عليش نطمس في روحي ومتقيده في سمر ....مفروض نفكر حتى في روحي....
لالا .....حتى مكياج مانحط ...عادي خفيف مافيها شي..!!!
سلوى:-زعما نحكي للمروه علي الشاب يلي دزلي توا تظحك عليا .....صاح هو متاع وجيج بس قالي يحبني صاح...
ابتهال:-شن قصه مراة حمزه .....شكلها ميته مسكينه البنيه وجعتني.....شن نقول للبنات علي شغلي...
نعيمه:-حاطه السماعات في يدها وتبرم فيهن......
الله الله .....كيف تغيرت زعما حتى هذه تكذب عليها كيف ماكذبت علي من تكون ...؟اكيده حبيبته ....بس كيف وهو عارفها تقرا معاي فالقسم......
سمر:-آه ي مروان💔💔.....مالقيت تحب الا انا ...
ليش مش من الاول ماتلاقيت مع قمره....
ليش ماحبيتها قبل ما تشوفني
انا:-............كنت شارده بالافكاري .....
والدنيا مالت بيا لقدام وكتباتي تناثرن ......
نشوف فالبنات يعيطن .........وسمر شاده فيا زين...
ورتطمت بالقوه.....فالكرسي ومعش شفت شي...
يتبع💥