رواية ليلة ساخنة الحلقة الخامسة - عمرو علي

الفصل الخامس

( زينب )

تلت سنين مروا علينا من بعد الحادثه قدرت اجمع نفسي من تاني وارجع لحياتي من تاني بس مش قادره انساه

احمد مكانش مجرد منقذ دخل حياتي وانقذها من جوه مستنقع الرزيله

احمد كان بالنسبالي زي الملاك الموكل بالمطر قدر في كام يوم يزرع قلبي المليان بالزرع الشيطاني لورد ويحوله من صحرا لبستان اخضر

بس زي ما حواء خرجت من الجنه بفضل وسوسه ابليس

انا خرجت من جنتي بوسوسه ياسر

رغم الادله اللي كانت معايا واللي كنت اقدر بيها اسجن ابوه إلا اني خوفت .. ماهو مفيش حرب من غير خساير

لو كنت كسبت جوله كنت هخسر التانيه

فكرت في مكسب بعيد لاني مش هخسر اكتر ما خسرت

فاكره جدا من تلت سنين لما ياسر السباعي جالي البيت وفتح الباب ودخل

اتفاجئت لما لقيته قاعد في الصالون وحاطط رجل علي رجل وبيبتسملي

زينب بفزع :. انت دخلت هنا ازاي ؟

ياسر بابتسامه :. هههههههههه سؤال غبي جدا من بنت مستوى تفكيرها اكبر من سنها انا معايا مفاتيح الكون كله يا زينب تحبي اجيبلك مفتاح باب اوضه ملكة انجلترا طب تحبي اقولك رئيس الجمهوريه دخل الحمام كام مره النهارده?

زينب باضطراب :. ايه خلاص هتقتلني ؟ تفتكر احمد هيسامحك لو قتلتني ؟

طب تفتكر انت بعد ما اموت هتفضل في منصبك تبقي اتجننت ...انا اه هخسر حياتي اللي اساسا ملهاش لازمه بس انت هتخسر كل حاجه خصوصا وانت في السجن مش بعيد تتهان مانتا خيرك سابق وجمايلك كتير مش هقولك هيحصلك ايه فالسجن اظن انك كبير كفايه وعارف هيحصلك ايه ...

ياسر بنظره حاده :. العرض اللي عندي مستحيل ترفضيه يا زينب بدايه جديده بشخصيه محترمه

زينب بتعجب :. مش فاهمه يعني ايه ؟

ياسر بابتسامه:. باسبور جديد بإسم جديد بكينونه جديده يا زينب من النهارده هيكون اسمك اسماء الشاذلي

وكمان هستخرجلك شهاده جامعيه وفيزا لاي بلد تحبي تسافريها

زينب بتفكير :. واحمد تفتكر هسيبه بعد ما عمل كل شئ عشاني انت ناسي انتي مراته

ياسر بابتسامه صفرا :. متنسيش ان احمد اتجوزك بس عشان يعوضك عن اللي حصلك لكن كده كده عمره ما هيكون جوزك جوازك من احمد جواز صوري مش شرعي مجرد ما تطلقوا تخلص الحكايه

زينب بتفكير :. وايه اللي يخليني اوافقك علي الكلام ده وانا خلاص حياتي ابتدت تبتسملي

ياسر باصرار :. ماهو رصيدك في البنك يكون في مبلغ محترم وتكونلك حياه جديده هتوافقي وفوق الفلوس هقدملك البنتين اللي تسببوا في ضياع مستقبلك زمان تعملي فيهم اللي انتي عايزاه انشالله حتي تولعي فيهم

زينب بغباء:. بس هختفي ازاي انا مش فاهمه

ياسر :. انا هخدمك خدمتين يا في نظير خدمتين شادي اخوكي الداخليه مرقباه ومستنين يوقعوه انا هساعده وهعمل معاه نفس اللي عملته معاكي

هقدملك البنتين وتتصرفي معاهم زي مانتي عايزه في مقابل انك تسيبي احمد طبعا بانك هتبقي ميته

وانك تديني اي ورق يخصني

زينب:. ناقص خدمه تالته

ياسر :. ايه هي ؟

زينب :. اللي هتعمله معايا تعمله مع اسراء صحبتي وبالنسبه للبنتين انا عرفت هنعمل معاهم ايه بالنسبه للمستندات اطمن طول مانت بعيد عني هكون بعيد عنك بس لازم تكون معايا لاني مش هثق فيك

ياسر :. والخاين؟

زينب :. الموت ولي بيه

..

..

ووافقت علي الصفقه واللي مكانش يعرفه ياسر ان الشقه بتاعتي فيها كاميرات مراقبه وكل كلامنا اتسجل صوت وصوره حضرت كل المستندات وحطيتها في ظرف وبعتها لسجده مع زينب لاني كنت واثقه جدا انها انضف شخصيه قابلتها في حياتي .....

..

...

.....

......

( اسراء )

قريت زمان حديث للرسول بيقول ''عمر امتي ما بين الستين والسبعين ''

ناس كتير فسروها بان الطبيعي البشر بيموتوا في العمر ده رغم ان في ناس كتير بيموتوا بعد السن ده وبيوصلوا ل100سنه

فكرت كتير في صحه الحديث ده

لحد ما عرفت الحقيقه ان الانسان مجرد أله زي الحاسب الالي له عمر افتراضي وبعدها يبتدي الجهاز يهنج ويبوظ

سهل جدا الجهاز يدخله فيرس قبل عمره الافتراضي ما ينتهي والجهاز يتحرق ويموت

وده الوتر اللي لعبت عليه مع مازن .....

انا البنت السهله الساذجه اللي حولها حبيبها لبنت ليل لما اخد منها كل حاجه وسابها وشاف غيرها

اه غلطت لما سلمت نفسي بس مكانش ليا اللي يوجهني للصح والغلط

وكان لازم اخد حقي من اللي اذاني خصوصا بعد عرفت انه عنده استعداد يتجوزني بس عشان يرضي صحبتي

صحبتي اللي اكتشفت متاخر جدا اد ايه هي طيبه وضحت بحبها ليه عشاني ...

متعرفوش اد ايه حسيت بكسره وقهر لما شوفته بيبيع ويشتري فيا بس وقتها كنت مدبراله خطه هتوقعه في شر اعماله

( فلاش باك )

زينب :. عايزه اوريكي حاجه ضروري وتقوليلي رأيك

اسراء :. حاجه ايه يا زينب ؟

طلعت زينب سي دي وحطته في اللاب توب بتاعها وشوفت اللي حصل بينها وبين ياسر السباعي

اسراء بذهول :. وهتتصرفي ازاي هتغيري حياتك وتبدائي من جديد انتي وشادي ؟

زينب :. لا هنغير حياتنا انا وانتي وشادي يا اسراء هنبدء من جديد بهويه جديده

اسراء :. طب واحمد هتعملي معاه ايه ؟

زينب :. انا مستاهلش احمد يا اسراء حرام عليا اظلمه عارفه الواد ده محتاج حد زي سجده يبدائوا حياتهم سوا لانهم هما الاتنين انضف من بعض

اسراء :. انا كمان مستخسراها في مازن ولو اتدخلت وحاولت امنعهم هتفتكرني غيرانه منها

زينب :. انا عندي خطه تخلص كل ده وكمان زي ما هجيب حقي من اللي اذوني هنتقملك من مازن

اسراء :. ايه هتقتليه هو كمان ؟

زينب :. لا هنجننه اللي عرفته عن مازن من احمد انه بيستخدم مهدئات بسبب حادثه قديمه حصلتله

احنا هنلعب علي الوتر ده ونعيد ادامه نفس الاحداث

اسراء :. وهيحصل ايه بعدها

زينب :. مخه هينفجر يا اسراء .....

.

.

(ولنا عوده)

لما سألوني زمان ايه اكتر شئ ممكن يوصلك للجنون قولتلهم المعرفه اني افهم الدنيا علي حقيقتها اني اوصل لقمه النضج ماهو الفرق بين قمه العقل والجنون شعره لا تري بالعين المجرده

مبدائيا حابب أعرف عن نفسي انا الدكتور ادم الخولي

طبيب نفسي اتنقلت لمستشفي النيل للصحه النفسيه بالمعادي

دراستي كانت بكاليفورنيا وقدرت اخد الدكتوراه بعد بحث جديد عملته واني اقدر التكيف مع مرضي الامراض التقيله زي البارانويا والفصام الحاد ومعالجتهم بدون عقاقير

الحياه عموما مهيئه للمرض النفسي في الافلام المصريه

بنشوف البطل مثلا خسر فلوسه فاتجنن

بنته او زوجته ماتت فاتجنن

لكن الحقيقه غير كده ... المريض النفسي بيتعرض لتراكمات مأساويه عقله مبيقدرش يستوعبها لحد ما ينفجر والدماغ تتحول من مركز كوني للتكفير بتكون مجرد علبه عضميه فاضيه تماما

اتفقت مع مدير المستشفي انه يجمعلي مجموعه من المرضي ونجمعهم سوا في اوضه واحده وكل واحد فيهم يحاول يتكلم ويخرج اللي جواه وهكون انا معاهم وابتدي احكيلهم حكايتي وكإني واحد منهم مش مجرد دكتور معالج

بصراحه مدير المستشفي رحب جدا بالموضوع

وطلع من مكتبه تلت تقارير لتلت حالات

اخدت التقارير وابتديت افصحها في مكتبي

التقرير الاول كان مكتوب عليه اسم المريض وسبب دخوله

1 / مازن رشدي ..كلبه تربيه رياضيه .... خلل في خلايا المخ ادت الي حاله من الشيزوفينيا

2 / يوسف مراد .. عاطل عن العمل .. مصاب بالبارانويا

3 / عمر العادلي .... مريض بهلاوس سمعيه وبصريه

درست الحاله الاول عرفت ان مازن شاب رياضي بيحب الحياه ارمل شاف زوجته بتتحرق ادام عينه بعد كتب كتابهم بوقت قصير واللي دخله المصحه صديق ليه اسمه احمد

الحاله التانيه بعد البحث عرفت ان يوسف وحيد ابوه وامه والاتنين ماتوا وهو صغير ملوش غير ولاد عمه وعلاقتهم شبه مقطوعه ومحدش بيزوره

الحاله التالته بعد البحث عرفت انه كان متجوز اتنين عنده بنت من الاولي وملوش ولاد من مراته التانيه

دخل المصحه بعد ما شاف مراته التانيه مع راجل في سريره

قعدت اسبوع بحاول اجمع الخيوط اللي ممكن المسها في كل حاله عشان اقدر اساعدهم

لحد ما قدرت اوصل لحكاياتهم كامله واللي استغربتهم ان التلت حالات لهم صله قرابه رغم ان محدش فيهم قابل التاني ولا مره ...........

.

( ادم الخولي )

(دوله الحشاشين)

‏

درست التقارير الصحيه للتلت حالات اللي عندي وفعلا ابتدينا اول جلسه بعد ما طلبت من مدير المستشفي اني اجتمع بيهم في عنبر واحد لمده يومين وكإني واحد منهم

ابتديت اشوف ردود افعالهم ووجودي بس للفحص من عن قرب من غير تدخل مني ف حالاتهم

فمريض البارانويا بيكون دايما في حاله ارتياب وشك وخوف من اللي حواليه زي يوسف مراد اللي دايما بيفضل يبصلنا وكأنه منتظر حد فينا يحاول يإذيه

مازن كان مثال حي للشيزوفيرينا الصمت المفاجئ والهمس بمواضيع مع اشخاص مع اشخاص مش موجوده اغلب الوقت كنت بسمعه بيتكلم مع بنت اسمها سجده كنت بركز جدا معاه بس مكنتش بقدر اوصل للي بيقوله

عمر العادلي كان اخطرهم علي نفسه وعلينا لانه كان دايما بيتحرك في العنبر ويقرب من كل شخص شويه ويفضل يبصله بحذر ويمشي ولإنه مصاب بالهلاوس فانا متاكد انه كان بيعتقد اننا بنشتمه او بنهدده فبيكتفي بالنظره ويرجع مكانه ....

كنت قلقان جدا من تطبيق نظريتي فالمستشفي لانها جديده من نوعها في مصر خصوصا ان كل الاطباء بيلجأووا للعقاقير الطبيه للعلاج انا بقي قررت ارجع لعصر الايوبيين وانفذ معاهم طريقه ( assasine )

‏ او اسلوب الحسن بن الصباح مرشد حركه الاسماعيليه

‏الحسن بن الصباح كان بيستخدم اسلوب فريد من نوعه الحقيقه لجذب اتباع للدين الباطني

كان حديقه كبيره بيسموها جنه الصباحي

كانوا بياخدوا التابع الجديد وبيخلوه يشرب حشيش واول ما ينام يدخلوه الجنه في حاله انبهار من الجنه اللي فيها مالا عين رأت !

ويسيبوه في الجنه وقت كبير لحد ما يضطروا البنات اللي بتقوم بدور الحوريات انهم يشربوه حشيش وخمور فينام تاني ويصحي يلاقي نفسه رجع مكانه فيقابل الحسن بن الصباح فيأمره انه ينفذ رغباته عشان يرجعه للجنه من تاني !!

بس طبعا مقدرش اخرج المريض من كبوه المرض بإني اشربه حشيش لكن استخدنت نبته اشد تكوين من الحشيش وملهاش اثر جانبي الماده دي اسمها "اسكريول"

بتتلف في سجاير وبتكون ممزوجه بسم العقرب اللي غالبا ريحة احتراقه بتسبب فقدان للذاكره يوم واحد

وده بالظبط اللي قررت انفذه اضطريت اقفل جميع منافذ العنبر وكنت محضر سجاير كتير من المخدر اللي جيبته من بره وابتديت اشرب وابتدت حواسي كلها تتخدر

اول واحد تفاعل معايا كان مازن لقيته قرب مني واتكلم لاول مره

مازن:. انت بتشرب ايه ؟

ادم بثقل :. دي حاجه جديده زي الحشيش بس اقوي وافضل

مازن:. هتخليني انسي ؟;

ادم :. تنسي ايه بالظبط

مازن :. انسي اني مازن انسي اللي راحوا واللي باعوا انسي اللي غدروا واللي خانوا السجاير دي هتنسيني ?

ادم :. جرب وهتشوف تأثيرها

مازن :. طب انت دخلت بيها هنا ازاي رغم ان المستشفي صعب تعدي بيها بأي حاجه

ادم :. كنت في عنبر تاني غير ده واخويا جابهالي من بره

قاطع كلامنا عمر وبصوت عالي قال :. انتوا بتتفقوا عليا عايزين تولعوا ف الاوضه عشان اموت

مازن :. محدش هيموت الريحه دي قادره تخلينا نعيش

واخيرا اتدخل يوسف وقال :. من اول ما دخلت وانا شاكك فيك انت مش مريض زينا شكلك ميدلش علي كده نظراتك لينا كلها تفحص زي ما يكون عايز بتدرس احوالنا

ادم :. ووصلت لايه يا يوسف

التلاته في صوت واحد :. انك دكتور مش مريض حابب ترجعلنا تاني للاماكن اللي هربنا منها بس هتفشل وجودنا هنا ملهوش رجوع ........

ادم :. ومين فينا سليم من غير هموم وتراكمان قادره تفجر وتشل تفكيره انا لحد ما جيت مصر كنت حاصل علي الدكتوراه في جامعه كاليفورنيا بس من وقت ما وصلت وكل شئ بيحصلي

مازن :. يعني ايه علاج بطريقه الهجوم

ادم :. كلنا ضحايا كلنا مظلومين كلنا اتخدنا فينا اللي اتسرق وفينا اللي اتهان انا بقي وانتم معايا هنحقق العداله

البرنامج هدفه مواجهه المظلوم بالظالم وارجاع حقه

لما ضاع الحق واختفي العدل انتشر الجنون

القانون في مصر لا يحمي المغفلين اه بس احنا دلوقتي هنخلي المغفلين ولاول مره يصنعوا القانون القاتل يقتل السارق يتقطع ايده اللي حرق قلبك هنحرق قلبه ....

ارتعش مازن وبص الناحيه التاني فعرفت اني حركت جواه ذكري من ذكرياته ..

ادم :. انا عارف انت فكرت في ايه يا مازن عارف وقاصد كل كلمه قولتها ... بس انت متعرفش ايه وصلك لحالتك دي ...التقرير بتاعك بتقول انك وقعت في صدمه عقلك مقدرش يستوعبها وهي موت مراتك بس انا لما بحثت في الموضوع عرفت انها مماتتش يا مازن جايز كلامي يكونلك صدمه كبيره انت زيي اتلعب عليك وانا هساعدك تاخد حقك وهتساعدني اجيب حقي

يوسف :. وياتري هتجيبلي حقي ؟

ادم :. انا عارف تفاصيل بسيطه عن حياتكم وللسبب ده هنعمل حلقه سوا كل واحد فينا هيبتدي يحكي حكايه ويراعي انه يفتكر كل تفصيله ولو صغيره عشان نقدر نساعد بعض اتفقنا

التلاته في صوت واحد :. اتفقنا

(سجده)

زمان قالوا يا ما الحبس مظاليم بس للاسف محددوش اني حبس فيهم

حبس الجواز ولا حبس وكبت افكار ولا حبس جوه شرنقه عذاب الضمير ولا ايه ولا ايه مش عارفه الصراحه

لما اتجوزت احمد كنت فاكره ان خلاص الدنيا ابتسمتلي تخيلت البيت هيكون حته من الجنه

احمد في الخطوبه كان مثال حي للراجل المثالي يمكن عشان كنا صغيرين ! مش عارفه الحقيقه

كل اللي عارفه اني كنت في حلم جميل ومكنتش عايزه اصحي منه

زي لما بننام وبنحلم اننا ادام بحيره جميله تخطف القلب قبل العين وفجاه يخرج من البحيره تمساح ويجري ورانا ويتبدل الحلم لكابوس مرعب ...

بعد الجواز قضيت اجمل شهر عسل ممكن بنت تعيشه

وكأني ملكه متوجه ومحموله ع عرش من استبرق

رجلي مكانتش بتلمس الارض

كنت بنام في حضنه وبصحي علي حضنه حتي الاكل مكانش بيخليني اعمل شئ فيه

كان بيأكلني بايده كأني بنته ومر شهر وكل شئ فجأه اتبدل من جميل لقبيح

في يوم لقيته لقيته راجع من بره وكان شكله متعصب جدا

احمد :. ليه كدبتي عليا يا سجده ؟

سجده بقلق :. مش فاهمه كدبت عليك في ايه

احمد :. هههههههه لا بجد مش عارفه كدبتي في ايه تصدقي انتي طيبه اوي زي ما تخيلتك حمل وديع والله

سجده :. ابه الالغاز دي ما تفهمني يا احمد تقصد ايه

احمد :. الظرف في قلب هدومك في الدولاب بتاع مين

سجده بتلعثم :. ظرف ايه مش فاهمه حاجه

احمد :. هتستعبطي كتير يا سجده بعد ما كشفت حقيقتكم انا مكنتش اتصور ان ممكن يكون في وياخه بالشكل ده

انا شوفت السي دي بتاع الاتفاق اللي وقريت جواب زينب

يعني كل ده محصلش معقول مماتوش ؟

اتجوزتيني ليه يا سجده ... ايه كنتي بتحبيني حبتيني فجاه كده

سجده :. اللي حصل مكانش ليا ذنب فيه يا احمد اسراء في اليوم اللي مازن كتب كتابه عليها سلمتني الظرف ومقرأتهوش غير لما حصل اللي حصل ..

بعدها انت اتقدمتلي وفعلا دي كانت رغبه زينب

احمد :. خبيتي عليا ليه الظرف مقولتيش الحقيقه ليه يا سجده

سجده :. عشان متكرهش ابوك اكتر ده اولا انا مش وحشه زي مانتا شايف لو انا وحشه كنت قدمت الظرف كله للنيابه ومكنس هيفرق معايا حاجه

احمد :. انتي متخيله انكم ضيعتوا مستقبل مازن ؟

مهما كان غلط مع اسراء ولا مع غيرها تفتكري مكانش يستاهل فرصه مكانش يستاهل نساعده

للاسف انتوا حفرتوا بير ورميتوه فيه وانا انا صديقه اللي المفروض اقف جنبه ساعدتكم وردمت عليه

سجده :. انا معملتش حاجه لمازن يا احمد انا ساعدته لما جوزته لاسراء ساعدته يصلح غلطه

احمد :. تعرفي اني اقدر احبسك دلوقتي يا سجده تعرفي اني اقدر اعاملك بابشع معامله ممكن تتخيليها؟

سجده بخوف :. انت اتجننت يا احمد تحبسني !! وبعدين هتحبسني ليه عشان خبيت الحقيقه ؟

حط ايده في جيبه وطلع شريط فيه كبسولات اسمه ( vampalin) بصلي بنظره حقد

احمد :. العقار ده بيعمل ايه عندك في دولابك وجيبتيه منين يا سجده

سجده :. ده مهدئ بتاع ماما بتاخده من فتره للتانيه وانا مخبياه منها لانه ادمان

احمد :. هههههههههه اه ادمان مانا عارف معذوره اوي وساذجه او فكراني ساذج

انا كنت عند مازن في المستشفي وقابلت المدير بتاعها

عرفت من التحاليل بتاعته انهم لقوا ماده غريبه في دمه

طلعت كبسوله من العقار ده عرفت انه هو نفس الماده اللي كانت في دمه قدرتي تسيطري عليه ازاي وتشربيهاله يا سجده

سجده :. معرفش حاجه يا احمد عن الموضوع ده

احمد :. وتفسيرك ايه بإني الماده ده موجوده في دمي

قرب مني ومسكني في رقبتي كان هيموتني في ايده فضلت اكح جامد ساب ايده وهو بيبرقلي وقالي :. هتنطقي ولا تحبي تموتي ؟

سجده :. هنطق هنطق بس سيبني الموضوع بدء من بعد ما مازن خطبني يا احمد

كنا في السينيما سوا بنتفرج علي فيلم اسمه ستوكهولم

الفيلم ده كان بيتكلم ع مدينه في السويد اسمها استوكهولم

عرفت منه ان في عصابه سطوا علي بنك كريديتبانكين سنه 1973 وخطفوا الموظفين بس وقت القبض علي المجرمين ابتدي المخطوفين يتعاطفوا مع المجرمين وقاموا بالدفاع عنهم

احمد :. وده ايه علاقته بيا انا ومازن

سجده :. العقار ده جابتهولي زينب وقالتلي انه باباك اداهولها وانهم بيستخدموه في استجواب المتهمين

بيدخلوهم ف حجز ملوش منافذ وبينشروا الغاز اللي ف بالعقار ده لوقت معين عشان يقدروا يتحكموا في المتهمين ويعرفوا منهم كل حاجه

الماده دي مش جديده ولا حاجه دي كانت بيستخدمها الالمان ف الاستجواب ايام الحرب العالميه

احمد بنفاذ صبر :. برضه مفهمتش ايه علاقتي بالموضوع

سجده :. حاضر هقولك مازن كان لازم يختفي من حياتنا

اخر كلام بيني وبينه كان عايزني اروحله بيته كان عايز يستغلني زي ما استغل اسراء لما حكيت لاسراء قالتلي اننا هندفعه التمن في اليوم اللي جالي فيه عسان يقابل اسراء قعدته في الصالون لوحده لمده ربع ساعه وكنت نشرت الغاز

فابتدي يحكي عن حياته القديمه مع نفسه وعرفنا كل التفاصيل اللي مستخبيه بالمللي رغم ان زينب كانت عرفت منك حاجات كتيي عن ماضيه بس العقار خلانا نقدر نتحكم في عقله من بعيد من غير حتي ما نقرب منه

.

.

.

. ياتري ايه خطه الانتقام اللي هيتبعها ادم

وايه رد فعل احمد بعد كلام سجده ده اللي هنعرفه في الفصول الجايه من 👇👇