رواية العروس الجاريه الحلقة الأولى - لينة المنفي
 |
| رواية العروس الجاريه الحلقة الأولى - لينة المنفي |
لقراءة وتحميل رواية العروس الجاريه pdf : اضغط هنا
رواية العروس الجارية الحلقة الأولى 1 كاملة مكتوبة
كنت راقده حسيت بحد كان قريب مني لدرجة اني شعرت بيه فتحت عيوني ببطئ القيته قدام وجهي حسيت بالخوف وعدم الأمان😣💔
انا"بصوت مليان خوف": اءءء شنن في ؟!
مالك"بنظره حاده": تعرفيني مانحبش اللي يتأخر في النوم !!
انا"بصوت هادي": مش قصدي كنت ... قبل مانكمل كلامي قص عليا
مالك: اشششش ح نحاسبك لكن مش توا ..
خذا الجاكيت امتعه وطلع وانا قاعده نرعش من كلمة احسابك بعدين 😔💔
صبيت توضيت وصلية وبديت نلم في الحوسه والدخان اللي ع الأرض بعد كملت بشوي سمعت صوت الباب يطق
زدت خفت زعما رد من جديد😣...
انا"بخوف": من ع الباب😫....سمعت صوت غريب عليا بس مألوف اطمنت لما عرفت انه مش مالك !... قربت من الباب وانا محتاره نحل ولا لا بعد شوي وبتهور فتحت الباب ..
انصدمت لما شفت اختي😳
انا"بدون تفكير": شنو جابك هنا 😡...مش سادك اللي درتيه فيا
مروه"تبكي بحرقه": والله ماقصدي يصيرلك هكي مش قاصده سامحيني بالله عليك😭
انا"بغضب": حياتي جحيم بفضلك لا اختي ولا نعرفك انسيني فاهمههه... صكرت الباب بقوه ونسمع فيها اطق ع الباب الحقد اللي في قلبي اتجاها اكبر من اي شي ثاني بسببها حياتي انقلبت نار 🔥😭... بعد شوي معش سمعت صوت الباب عرفتها مشت 💔...
مسحت دموعي ورديت نلم من جديد ونشغل في روحي مانبيش نتذكر اللي صاير فيا
لحضه نعرفكم عليا ✨
اسمي نورهان عمري 21 متزوجه مالك ليا شهر شخصيتي مش ضعيفه ولا نسمع الكلام من اي حد بس اختي كسرتني ومعاها اهلي لدرجة معش عندي ثقه في ظلي عايشه في ارهاب من شخصية مالك القاسيه لارحمه ولاشفقه ومع هذا كله نحس فيه اهون من اني نرد نعيش مع الناس اللي عطتني بساهل !!... تبو تعرفو قصتي تابعو مع لينا
بنسبه لشخصية مالك لعند الأن مش واضحه بنسبه ليا يمشي الصبح بدري يروح في ليل دايخ ومعاه السم اللي يشرب فيه 🙂.. وبنسبه الأهله مانشوفش فيهم شفتهم مرتين بس وبعدها انقطعت اخبارهم .. هو صح عصبي ونحس فيه مش طبيعي بس عمره مامد يده عليا غضبه كله عباره عن كلام يجرح ويوجع اكثر من الضرب !!
المهم نكملكم القصه
فات الوقت وجت ساعه 1 فليل حسيت روحي ناعسه خشيت رقدت وفي عقلي احسن مالك مش ح يجي اليله نقدر نرقد وانا متريحه !.... خشيت الدار النوم وبعد شوي سمعت صوت باب الشقه انفتح😣
مالك"بصوت عالي": وينككككك تعالي ..تعالي
انا"بأنفعال": اوووو واخيراً جيت
مالك"بغضب": مزالتي ماشفتيش وجهي الأخر راه😡
انا"بهزوه": شن تقدر اديرلي وانت تشوف فيا اثنين من السم امتعك🙂
مالك"بعصبيه": قتلك احسابك بعدين ومش ناسيك انا ح تشوفي شنو نقدر اندير انا ... بدا يقرب مني وانا نرجع للخلف لعند ماحاوطني معش قدرت نتحرك حط يده ع شعري وشدني بالقوه
انا"بوجع":شعرييي اطلقني 😭😡
مالك"بضحكه غريبه": احكي اللي صار احكي الحقيقه
انا"بتوتر":اي حقيقه شنو تحكي😣
مالك"بعصبيه": الفلوس وين انتِ بس اللي تعرفي مكانهن طلعي امهن توا😡
انا"بستغراب": شنو عرفني بيك وين حطهن😠.... بعد من عليا كذا
مالك"يهمس بصوت خفيف": وكان مابعدتش!
قعدت نشوف لعيونه شوي وفجآه سحبت السكين اللي كانت في جيبه وحطيتها ع رقبته
مالك"باعد خطوه للخلف": عندك جرأه اديريها ؟!.
انا"بصوت عالي": ليششش ادير فيا هكي ..حسابك مش معاي انت تحاسب في شخص الغلط
مالك: لا انت الشخص الصح وهذي مجرد بدايه 😏
جيت نبي نحكي رن هاتف مالك بانن عليه علامات الذعر والعصبيه طلع من الدار عشان بيرد ..ماقومتش فضولي وطلعت وراه
...... يتبع 🔥
شنو علاقة مروه بتدمير حياة نورهان ؟!
وشنو سبب معاملة مالك القاسيه النورهان ؟!
وشنو يقصد مالك لما قال هذي مجرد البدايه ؟!
والمثل اللي يقول الفضول قتل القطه زعما صح نورهان الشنو بيوصلها فضولها والسانها الطويل ؟!
تبو تعرفو الحكايه تابعو امعي للنهايه نوع الروايا "اكشن كوميديا ورومانسيا"