رواية خيبة قاتله الحلقة السابعة 7 للقراءة والتحميل pdf - أروى طاهر المسلاتي
لقراءة باقي روايات اروى طاهر المسلاتي : اضغط هنا
فصول رواية خيبه قاتلة بقلم بنووتة الشيخ
اضغط على اسم الفصل المراد قراءته
- رواية خيبة قاتله الحلقة الأولى لـ أروى طاهر المسلاتي (بنووتة الشيخ)
- رواية خيبة قاتله الحلقة الثانية لـ أروى طاهر المسلاتي (بنووتة الشيخ)
- رواية خيبة قاتله الحلقة الثالثة لـ أروى طاهر المسلاتي (بنووتة الشيخ)
- رواية خيبة قاتله الحلقة الرابعة لـ أروى طاهر المسلاتي (بنووتة الشيخ)
- رواية خيبة قاتله الحلقة الخامسة لـ أروى طاهر المسلاتي (بنووتة الشيخ)
- رواية خيبة قاتله الحلقة السادسة لـ أروى طاهر المسلاتي (بنووتة الشيخ)
- رواية خيبة قاتله الحلقة السابعة لـ أروى طاهر المسلاتي (بنووتة الشيخ)
- رواية خيبة قاتله الحلقة الثامنة لـ أروى طاهر المسلاتي (بنووتة الشيخ)
- رواية خيبة قاتله الحلقة التاسعة لـ أروى طاهر المسلاتي (بنووتة الشيخ)
- رواية خيبة قاتله الحلقة العاشرة لـ أروى طاهر المسلاتي (بنووتة الشيخ)
- رواية خيبة قاتله الحلقة الأولى لـ أروى طاهر المسلاتي (بنووتة الشيخ)
- رواية خيبة قاتله الحلقة الثانية لـ أروى طاهر المسلاتي (بنووتة الشيخ)
- رواية خيبة قاتله الحلقة الثالثة لـ أروى طاهر المسلاتي (بنووتة الشيخ)
- رواية خيبة قاتله الحلقة الرابعة لـ أروى طاهر المسلاتي (بنووتة الشيخ)
- رواية خيبة قاتله الحلقة الخامسة لـ أروى طاهر المسلاتي (بنووتة الشيخ)
- رواية خيبة قاتله الحلقة السادسة لـ أروى طاهر المسلاتي (بنووتة الشيخ)
- رواية خيبة قاتله الحلقة السابعة لـ أروى طاهر المسلاتي (بنووتة الشيخ)
- رواية خيبة قاتله الحلقة الثامنة لـ أروى طاهر المسلاتي (بنووتة الشيخ)
- رواية خيبة قاتله الحلقة التاسعة لـ أروى طاهر المسلاتي (بنووتة الشيخ)
- رواية خيبة قاتله الحلقة العاشرة لـ أروى طاهر المسلاتي (بنووتة الشيخ)
 |
| رواية خيبة قاتله الحلقة السابعة 7 للقراءة والتحميل pdf - أروى طاهر المسلاتي |
تحميل رواية خيبه قاتله الحلقة السابعة pdf وقراءتها كاملة مكتوبة
لقراءة الحلقة السابقة من الرواية : اضغط هنا
-
لقراءة وتحميل رواية خيبه قاتلة الحلقة السابعة pdf : اضغط هنا
-
طق طق طق ...الباب نطق في 3ابواب في وقت واحد
حنين:مسحت دموعها وناضت فتحت الباب عشان تنصدم بي مازن واقف قدامها .
مازن:ساكت
حنين:تماسكت نفسها...تبي شي مازن؟
مازن:كان متوقع يشوف عيونها منفوخه هكي💔
كان متوقع انها مدمرررره تبكي محروقه وهما كلهم لوطه جوهم مليح وامورهم تمام
حنين:عاودت كلامها....تبي شي مازن؟
مازن:اي
حنين:تحاول تفتح عيونها بسيف من كثر ما منفخاف ...شنو
مازن:نبيك تطلقي !
حنين:عقدت حواجبها وتسحاب روحها تتخيل يلي سمعاته قبل شوي !!
_____________________
طق طق طق
مروه:فؤاد؟😨شن ادير هني ؟؟
فؤاد:بلع ريقه بدون ما يتكلم ..كانو عيونه بس يلمعو
مروه:طلعت من باب شقتها شافت يمين يسار ملقتش حد ...تكلم شن صاير ؟
اليوم دخولك شنو ادير هنايا؟
فؤاد:متكلمش !...اكتفي انه يحضنها وبس
مروه:لفت يديها عليه بحنان ...فؤاد خيرك؟
فؤاد:زاد حضنها بقوه ❤️...مش متقبل وحده تانيه
من يوم فتحت عيوني على الدنيا وانتي بس مرتي
مروه:زاد قلبا انجرح اكتر 💔...بعدت من عليه فؤاد
عيب يلي قاعد يصير مخلي مرتك بروحها فوق
مهما كان اليوم دخولكم غلط تخليها وتنزل في الوقت هاذا
فؤاد:عيونه كانو حمرررر ...خش وسكر الباب
مش رح نركب منقدرش
مروه:لالالا فؤاد عيب يقولو انا نادينك اركب لي عروستك غل.....
فؤاد:حط صبعه على فمها....مروه انا تاعب تاااعب من داخل خليني معاك
مروه:مسحت دموعها ...لكن !
فؤاد:لا لكن ولا شي خلاص ....خش لي غرفة نومه نحى جاكيته الرسمي ورقد على السرير بتعب
مروه:ربعت يديها وتكت على الباب تشوفله
فؤاد:مد يده بمعنى تعالي ❤️
مروه:قربت منه لين مسكت في يدها
فؤاد:جبدها بقوه لين جت في حضنه❤️...متكتريش معاي دوه بالله عليك ولا تسأليني على شي خليني راقد اليوم بس وانتي جنبي منبي شي
مروه:خذت نفس عميق وهيا عارفه انه تاعب ...سكرت عيونها وكملت الليله زي ما يبي راجلها ...هدوء وقراب من بعض بس❤️
_______________________
لجين:كانت بروحها في الحوش وتوقعت ان امها روحت !
فتحت الباب ولقت وسيم قدامها💔
لجين:وسيم؟!
وسيم:اي وسيم ...شني مفيش تفضل يا خطيبي ولا كيف
لجين:اءء ام ان لا بس مفيش حد داخل
وسيم:اهااا تمام عادي
لجين:نزلت راسها
وسيم:مسألتينيش علاش جاي؟
لجين:قامت عيونها وكانت نضراتها تكفي توضحله انها مش فاهمه سبب الزياره المفاجآه هاذي
وسيم:عارف اني مقصر معاك الفتره يلي فاتت لهيت هلبا في الخدمه
ومعش فضيت لي شي حتى مكالماتك مقدرتش نرد عليها ديمه تتصلي بيا وقت التصوير
لجين:تحكي بي ارتباك...لا عادي ولايهمك كنت عارفه انك مشغول والف حاجه في راسك
وسيم:ابتسملها....كأن طولنا هلبا امتى بنعرسو يابنت
لجين:كيف!
وسيم:ضحك ع جنب...العرس ياهمي جيت بنختار يوم انا وياك بعدين نقول لي اهلي
لجين:سكتت!...حست ان شعور الفرحه خلاص اختفى 💔
صار برود !!معش فيه لهفه لي عرسها زي قبل!!
وسيم:ها شن رايك ؟
لجين:اءء اي اي م.....
ترن ترن ترن
وسيم:شاف لي رقمه بتوتر وسكر الخط ...ها وين كنا؟!
لجين:انا ح.....
ترن ترن ترن
وسيم:اففف هاذا معش يبي يكمل
لجين:في اللحضه هاذي جتها الشجاعه وخطفت تالفون وسيم من يده وفتحت الخط
البنت:وسيم ويييينك ها ؟وينك ؟؟
مشي للقناة قالو طلعت مش متفقين نتلاقو اليوم في شقة حمزه؟؟خيرك بديت هكي بعد ما تعبت وسكرت مواضيعي كلها اليوم بديت ادير هكي وتتسهوك؟
ردددد متقعدش سااااكت ...
لجين:تعبو عيونها دموع والتالفون على وذنها وعيونها على وسيم يلي حاول يخطف التالفون منها لكن منعاته
البنت:اوكي تمام خليك هكي ساكت ومش مهتم وفي الليل ابدا زمزكلي وراس حبيبي البسي الاحمر اليوم به؟؟؟يلا سلام ....وسكرت الخط
لجين:نزلت التالفون من على وذنها وسكرت عيونها لحضات 💔
طاحو منها دموع سخااااان💔💔💔
وسيم:لجين انتي فاهمه غلط استني نشرحلك بهدوء تمام؟!
لجين:نحت الذبله حطتها فوق التالفون ...مسكت يده حطتله فيها التالفون وسكرت الباب بدون متحكي ولا كلمه !!💔
وسيم:طق مره واثنين وعشره على الباب لكن لجين مضعفتش !
__________________________
فيه
احمد:كملي
ساره:خذتني عيله !
تتكون من اب وان و3شباب صغار
الام كان خاطرها في بنت محصلتش ومعش تقدر تجيب قررت تتبنى بنت وكنت انا من نصيبها
عشت معاهم في حوشهم في عز دلالي ❤️
كنت مرتاحه ويلي نطلبه نلقاه
لين جي يوم تغير فيه كل شي !
احمد:كيف يعني؟شنو يلي تغير ؟؟؟
ساره:توفو الاب والام بي حادث ..وقعدت بروحي مع خوتي الشباب
قعدت بروحي انقهرت على امي وبوي الف مره 💔
صح هما مش اهلي الحقيقيين لكن مخلونيش نحس بي الشي هاذا !
احمد:كملي
ساره:ولا شي !
كملت عيشتي مع خوتي ...انا نسيت انهم مش خوتي لكن هما منسوش
احمد:بنبرة استغراب...كيف؟
ساره:اضطريت نعيش مع واحد منهم وكانو ال3متزوجين .
شفت الويل منه ومن مرته وعلى اي شي كان يقولي انتي بنت حرام !
واخدينك من دار الرعايه ومن ها الكلام
تحملت وسكتت بس في شي خلاني خلاص معش نقدر نقعد دقيقه
احمد:يلي هوا؟
ساره:هه مش ضروري انسى 😅
احمد:لالالا فهميني!!
ساره:وانت علاش مهتم هكي ؟!
احمد:نبي نعرف باقي القصه متحكيليش نصها وتخلي الباقي
ساره:سكتت
احمد:شنو يلي خلاك متقدريش تقعدي دقيقه؟
ساره:سكتت شويه بعدين نطقت....التحرش !
احمد:😨
ساره:اي زي ماسمعت...في النهايه هوا خوي على الورق بس !
احمد:وكيف تصرفتي !
ساره:في شاب كبير في العمر اسمه خالد ولد جيرانه ساعدني هلبا وهوا اقترح عليا فكرة الهروب واني نخلي ليبيا كلها ونطلع لان كان عارف كويس الشي يلي نمر بيه الفتره هذيكا !
نضملي اوراقي هوا وحجزلي في كل شي وساعدني لين وصلت
احمد:والمقابل؟
ساره:مكانش في مقابل ...لان كان فاهم كويس بي معناتي وهوا انسان يخاف ربي هلبا ❤️
احمد:سكت!
ساره:اي ...وهاذا كل يلي صار معاي اختصرت هلبا قصص ومأساة وعطيتك من الاخر
احمد:مصدوم....اءءء م مش عارف شنو نقولك انا !
ساره:ولا شي عادي ...كنت متوقعه لو جي يوم حكيت قصتي اكيد رح تكون تعابير وجه الشخص زيك انت توا
احمد:يعني مش حاكيا لي حد قبلي؟
ساره:هزت راسها بمعنى لا ....وتوا لازم نروح عطلت هلبا على ضحى
احمد:استنى مروح معاك
ساره:ابتسمت....جاري منقدرش نقولك لا
احمد:ضحكلها ❤️
طلعو الزوز مع بعض من القهوا وكملو مشي طول الطريق وهما يهدرزو ويحكو على كل شي وفهمت من احمد قصته ❤️
انه كان يخدم مع النضام السابق وفي ناس تلاحق فيه حتى في تونس ومفيش منها قصة داعش ولا شي!
خدتهم الهدرزه لين وصلو قدام شققهم❤️
احمد:محسيتش بي الوقت معاك
ساره:ولا انا☺️
احمد:حاس بروحي ارتحت لما حكيتلك قصتي مش عارف علاش😅
ساره:ضحكت وهيا تحكي في خاطرها انها حست بي نفس الشي ...دوم راحتك ان شاء الله
احمد:ساره
ساره:اها ؟
احمد:متنقطعيش عليا هدرزي عليا ديمه
ساره:عقدت حواجبها بي استغراب
احمد:يعني حني ليبيين وغربه وهكي 😅😅
ساره:ههههه اي اكيد ولد بلادي ❤️
احمد:خذي نفس عميق ...يالله نتلاقو
ساره:نتلاقو❤️....وخشت شقتها
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
مازن:نبيك تطلقي !
حنين:عقدت حواجبها وتسحاب روحها تتخيل يلي سمعاته قبل شوي !!
مازن:اي نبيك تطلقي حنين انتي مكانك مش هنايا
حنين:تتكلم بتعب ....انت شن تحكي ؟؟؟
مازن:نحكي الشي الصح ويلي لااااازم يصير
بري شوفي وجهك كيف تاعب وعيونك المتورمه على خاطر واحد ميستحقش واحد كلب بدلك بي وحده رخيصه
حنين:حطت يدها على راسها ...فجآه ضربها صداع من يلي سمعاته
مازن:اطلقي حنين
حنين:وانت منو عشان تحكي هكى؟
مازن:سكت شويه كأنه فاق الشي يلي يدير فيه غلط!
حنين:كملت كلامها...منو انت باش تنصحني نطلق من راجلي ؟؟
مازن:خذي نفس...ولا حد انا ولا حد انا مجرد شخص عاش تفاصيل مأساتك وشاف حياتك والجحيم يلي عايشه فيه وحاول هلبا مرات ينقذك في مرات نجحت فيها ومرات فشلت!
حنين:سكتت تشوفله ينضره زي هاذي🥺
مازن:نزل عيونها وهوا مرتبك ومشوش...اسف اسف اعتبري نفسك مسمعتي شي ....ونزل بسررعه
________________
منى:لابسه الڤيلو وتلود في شقتها يلي مكانتش مفرشه كلها والاثاث ناقص...من اول يوم خديتيه مني ياكلبه!!
حتى يوم دخوله متبيشي يكون معاي؟؟؟
بسيطه بسيطه ياحقيره الايام جايه وتو نوريك ...وقعمزت تمسح في مكياجها وهيا تغللللي
_____________________
ايمن:قام طرحة عروسته....اووف اووف شن ها الجمال 🔥
نوره:ضحكت...متبالغش عاد☺️
ايمن:حقيقه مش مبالغه وربي وين ماشيه بيها الحلاوه هاذي كلها يابنت وين وين
نوره:خلاص عااااد خجلتني🙈
ايمن:تنهد....انتي عارفه ان مع مرتي الاولى (حنين)مفيش يوم حسيتني اني متزوج؟
نوره:يارورحي🥺🥺اي حكتلي اختك ريم انها مش مهتمه بنفسها ولا مدوراتك...حطت يدها على قميصه بدلع ....لكن اطمن من اليوم رح نخليك تحس انك اسعد واحد متزوج في الدنيا هاذي كلها ياعمري
ايمن:وي وي وي دبت انا ...تي وين كنتي يابنت بسسس وووووين كنتي فهميني
نوره:موجوده بس انت مسكر عيونك😂🙈
ايمن:تعالي نبيك في كلمتين تعالي😉
نوره:🙈
______________________
ثاني يوم⛅️⛅️
طقققققققققطقطق
مروه:ناضت من نومها بفزع مخلوعه من الباب يلي قريب يتقللع ...شافت لي فؤاد كان راقد ❤️
غطاته وطلعت
فتحت الباب وقلبها بييطيح من الخوف
مروه:اءء ص صباح الخير عمتي
حليمه:من وين بيجي الخير هاااا؟؟من وين فهميني وانتي شديتي الراجل على مرته من اول يوم مسكين
وينه ولدي ويننننه
مروه:ماسكه اعصابها ....ولدك داخل ياعمتي راقد
حليمه:طبعا بيرقد ياروحي عليه اشبح شنو موكلتيه امس باش ميدخلش على عروسته متخليش الحقد والحسد يعمي عيونك يلي اديري فيه حرام وحراااتاام هلبا زياده
مروه:نزلت عيونها ...انا مخديتاش ولا قتله شي
هوا كان تاعب شويه امس وجي ارتاح بس
حلميه:سكتت وأنبها ضميرها لانها تفجرت في مروه هكى مهما صار محدش ينكر ان مروه نموذج للكنه المثاليه❤️
حليمه:ربي يستر وخلاص...نوضيه يفطر مع مرته فوق تراجي فيه
مروه:حاضر ان شاء الله
نزلت حليمه ومروه قاعده تحاول تتمالك اعصابها
___________________
حنين:قررت انها معش بتنزل ابدا !
لكن لما طلعت الشمس وخش للمطبخ بتاكل اي شي ملقتش ولا حاجه .
اضطرت تلبس وتنزل بسيف
وصال:شافتها من بعيد جتها تجري ...صباح الخير حبيبتي وينك وينك
حنين:قاعده...وفتحت الثلاجه
وصال:شغلتيني عليك طول ايام العرس مسكره عليك الشقه ومريناكش والله انشغلت عليك وتكدرت
حنين:تشوف لي حنة وصال...هه لا واضح عليك
وصال:ها شن صار معاك؟
حنين:بدت تاكل...في شنو؟
وصال:بتطلقي؟؟
حنين:بنطلق وين نمشي؟!
وصال:حوش اهلك وين يعني
↔
حنين:اضحكي انتي ...بوي تشمت فيا وقالي هاذا يلي تبيه
امي ساكته تصبر فيا وخلاص ..لو نموت خوتي وبوي مستحيييل يخلوني نطلق
وصال:اطلقي فوتي ايام العده واتزوجي طوول
حنين:شربت اميه...انتي مريضه؟؟؟
وصال:علاش لاااا؟؟
انتي ياحنين حماره متعرفيش تستغلي الفرص لو انا مكانك نقعد ورا مازن لين نجيبه لي الطريق ونطلق من راجلي ونتزوج ونعيش طز القلب يلي تقلب
حنين:بطلي ادخلي لي عقلي افكار زي هاذي
وصاب:ياريتك تشوفي حالته امس !
حنين:اذكرت لما وقف قدامها❤️
لما طلب منها تطلق وعيونه كانت فيهم لمعه غريبه !
واضح خوفه واهتمامه بيها ...قاطع التخيلات الحلوه هاذي صوت زغروطه
ربيعه:روروروروروروري
حنين:طلعت من المطبخ وقفت قدام الباب وشافت راجلها نازل مع العروسه الجديده فرحانين ويسلم على امه وخواته
خذت بعضها وجت راكبه تلاقت مع مازن يلي من اول ماشافلها مقدرش ينزل عيونها
رجعت بسرعها لي حوشها قبل ما تضعف للافكار يلي تحكي فيها وصال !
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
لجين:طول الطريق وانا ماشيه لي خدمتي كنت مصدومه !!
مصدومه من نفسي كيف منزلتش ولا دمعه بعد ما فسخت!
كيف خبرت امي وبوي بكل برود اني فسخت بدون ما نبكي ....خبرتهم وخشي رقدت عادي جدا
زعمى زي ما يحكو الناس؟؟كترت الوجع يخليك معش تحس ؟
زعمى كلامهم صح؟؟
نزلت للمشغل صبحت على الكل وبديت نخدم لين جي وقت الفطور ❤️
زي العاده قاطع روتيني معاد يلي مبهدلني ضحك كل يوم ❤️
يحكيلي في كل اسراره ومشاكله يلي متكملش
معاد:صبحخييييييييير
لجين:صباح الورد
معاذ:حط كيسه على مكينت الخياطه طلع منها زوز بريوش وفروبي وكريب ....ياسرك خدمه وانتي ضهرك بيولي زي قبة الجامع من كثر ما اتبصي ع المكينه ...مدي يدك كولي
لجين:االمره هيا بدات مش رح نقول لا لاني جعانه مووووت
معاد:كولي كولي باش يبدا بينا عيش وملح 😂
لجين:بدت ناكل وكل مره يجبدو في سيره
معاد:حاس ان في شي
لجين:زي شنو
معاد:الله اعلم احساس ان صايره معاك حاجه
لجين:فسخت امس
معاد:الله😨
لجين:والله...وكملت تاكل
معاد:وهكي بكل برود ؟...فسخت امس ؟
لجين:شنو تبيني ندير يعني ؟
معاد:لا بصراحه اكيد مديري شي
لجين:هزت بكتافها وكملت ماكله ❤️
معاد:بدي ياكل....هوا الخاسر
صح انتي بقره تاكلي هلبا ومنكديه ونفاخه لكن اكيد هوا الخاسر
لجين:مصح وجهك😂😂😂...كملت لجين تحكيله على مواقف وتضحك وهوا كان هايم في ضحكتها❤️
فرحان بي خبر فسخها وفرحان ان جوها تمام❤️
___________________________
مروه:معليشي حبيبي على خاطري منبيش مشاكل مع امك ارجوك
فؤاد:خليني شويه
مروه:خلاص عاد سكرت راسك وفطرت معاي هيا اركب دير دوره
فؤاد:سكت شويه...انتي عارفه قداش نحبك ولا؟
مروه:اي
فؤاد:مستحيل نتغير عليك عارفه ولا؟
مروه:اي عارفه❤️
فؤاد:به تمام شوي ونجيك مش معطل!
مروه:ابتسمت وهزت راسها بمعنى تمام ...
طلع فؤاد من شقة مروه واتجه لدور يلي بعده
اما مروه اول ما سكرت الباب نهارت بي البكي لانها تتعب من التمثيل ان كل شي عادي ومفيش شي صاير 💔
_______________________
في القهوه:-
ساره:كيف!!
احمد:شنو كيف تعودت عليك يابنت نبي هكي كل يوم نهدرزو ونفطرو مع بعض لاااازم
ساره:انت احلامك واسعه ع فكره ...وخذت رشفه من القهوا
احمد:وعلاش ؟تو بتقنعيني انك مش مرتاحه معاي يعني ؟!تي انتي فلتي الشكاره كلها😂😂
ساره:نزلت كوب القهوا وهيا تضحك
احمد:المهم ...بنعزمك
ساره:على شنو
احمد:عيد ميلادي بكرا مدايره على البحر ...في شوية ناس ليبيين موجودين هنايا عزمتهم نبيك تجي
ساره:اااه عيد ميلادك❤️كل عام وانت بخير وبطول عمرك☺️
احمد:سلمك❤️...بس لااازم تجي ولو تبي جيبي معاك النفاخه
ساره:ع منو تحكى؟
احمد:صاحبتك المصريه وووه مكثر دوتها
ساره:ههههههه
احمد:سكت وهوا يتأمل فيها❤️
_____________________
منى:لابسه روبها الابيض وحاطه مكياج خفيف❤️
ومجهزه نفسها في احسن حال
ماشيه جايه على الممر تراجي في الباب يشرين وقريب تهبل من الانتضار...نقزت من مكانها لما سمعت الشريانه اخيرا ...مشت بسرعه فتحت الباب
منى:صباح العسل
فؤاد:صباح النور....وخش
منى:سكرت الباب ولحقاته....الفطور جاهز درتلك سفره واتيه مش ناقصها ولا شي
فؤاد:صحيتي فطرت ...اءء انا بنجهز نفسي عندي خدمه
منى:ملامح وجها تغيرت....خدمه من اول يوم زواج!؟
فؤاد:شي مهم ميتأجلش ...وخش لغرفته يبدل في حوايجه ومنى قعمزت تغلللي زي العاده
_______________________
لجين:خشت لي مكتب الادراه في المصنع لان الايام يلي فاتو خذت منهم مقص ولازم ترجعه
خشت بهدوء حطت المقص ولما جت بتطلع حست ان في حد بيخش المكتب ...في اللحضات هاذي خافت حد يشوفها يتهمها بسرقه
خشت بسرعه للخزانه وكانت كبيره وبالها فيه شويه فتحات...سكرت على نفسها وقعدت تراقب
حسام:خششش خش وفهمتي المهزله يلي تصير
لجين:حطت يدها على فمها وتحكي بشويه...هاذا معاد حي عليه شنو دار
معاد:يتكلم بي برود....مدرت شي انا معش فهمتك خدمت وووه قعمزت في الحوش ووه
لجين:استغربت ...كيف معاد يحكي مع مدير المصنع بطريقه هاذي؟
حسام:بتخدم اخدم في شركه محترمه يا بهيييم مش في مصنع خياطه شنو تبي الناس يقولو عليا ولده لابس حوايج الله اعلم من وين جايبهم ويشتغل عامل معفن
لجين:زادت الصدمه.....معاد؟معاد؟يلي طول الوقت معاه يكون يكون ....مستحيل!!!
هوا ولد صاحب المصنع والشركات!؟😨😨😨
______________________
مازن:ضحك.....تي لوح ياراجل والله معندي نيه
فايز:فاد لنم بروحي غادي وانت مهناش امتى بتروح ياصاحبي
مازن:قريب معش نطول م.....سكت مازن لما يمع عياط
فايز:هاذا شنو😨...الصوت جاي من فوق
مازن:فهم ان زي العاده ايمن يضرب في حنين ...فوتهم مدخلناش
فايز:المهم ....كلمت الجماعه متع.......
زاد صوت العياط ومازن معش قدر يتحمل خذي السلاح وركب بسرعه
وفايز صاحبه معش عرف شنو يدير يقعد واقف ولا يلحقه
طق طق طق
ايمن:تجاهل الباب وكمل ضرب وحنين تحاول ادافع على نفسها بس مش قادره من الضرب وتنزف
مازن:يتكلم بهدوء...الصبر يارب الصبر ...خبط يده ع الباب ...الزززززززززح
وضرب القفل بي طلقه وخش
كان مازن يغلي واول ما شاف ايمن قدامه طاح فيه ضرب بي ضهر السلاح ومعش قدر يوقف من كثر الغل يلي في قلبه لين اغمى عليه
حنين:كان الدم في كل مكان 💔اول مره نشوف دم بي الكميه هاذي مات؟؟...يتبع