رواية ملكتني طفلة الحلقة الخامسة - الكاتبة سرو

رواية ملكتني طفلة الحلقة الخامسة - الكاتبة سرو

لقراءة باقي روايات الكاتبة سرو : اضغط هنا 

رواية ملكتني طفلة الحلقة الخامسة - الكاتبة سرو

نُرشح لك هذه الموسيقى لتسمعها وأنت تقرأ رواية ملكتني طفلة الجزء الخامس 5 للكاتبة سرو 

رواية ملكتني طفلة الفصل الخامس 5 كاملة مكتوبة بقلم الكاتبة سرو

لقراءة الحلقة الرابعة من رواية ملكتني طفلة : اضغط هنا

اصيل: مصدووم من اسلوب عمتيي وكييف تكلم ف رؤى قعدت ساكت نبي نسمع باقي الكلام 🔥

سميه: خيييرك سكتيي باهي ولا لا???!!

رؤى: 🥺مش عاارفه خيرك من لمااا حكيتلك على امس انقلبتي عليييه وتاني منقدرش نزعل من بابا اصيللل لان هو ديماا يقليي نبكيك ولا نضحك الناس عليك مستحييل ندير شي ضد مصلحتك وهلبااا حجات حلوه يقلي فاهااا...... مستحيل نرضى باللي قلتيه انتي مستحييل 🥺💔

اصيل: 💔

سميه: ضغطت سنونها ع بعض وردت عليها...... رؤى اااااا انتي مش عيييله ره كبرتي ومفروض وعيييتي اصيللل مش بوووك افهميي ولا عمره حيعتبرك بنته وبلسانه صارحككك ومن اليوم ممممممنووع تدخلي داره هو وخوك ولاد دار بروحهم وانتي دار بروحك تسمعي فياااا ?!!!!!

رؤى: فعلاا حست الروح اللي فيهااا روح طفله قاعده مقتنعه بحياة طفولتهااا وتعلقهااا ب اصيل لدرجه حتى عارفه ان هو ولد عمهاا مقدرتش تنسى وقت تناديله بابا اصيل 💔

...... سكتت معش ردت ..... وخرت وقعمزت على عتبة الصاله وشافت للارض 😔

سميه: بسرعه تغيرت ملامحهااا وجعهااا حالة بنتهاا جتهااا وكلمتهااا بصوت حنين ..... رؤى ني خايفه عليك بس هياا بنتي عندك مدرسه عطلتي ☹️

رؤى: ب عتاب ......🥺🥺الدار بس معش نخشها ولا حتى المدرسه معش تبيه يرفعني?!!!!!

اصيل: وهنيي عذرتهااا مرت عمي .... وعرفت ان النقاش اللي صار بيني وبين رؤى وصل ل عمتي يمكن لان رؤى كانت مشوشه ومش فاهمه بالظبط ف مشت حكت ل امهااا وهكي عرفت نظرتي ناحية رؤى وان هي مش مجرد شي بسيط وانمااا اكترررر مش عارف شن حيصير بعدين ونهاية الموضوع وين ?!!!

شويه وناديت عليهاا ...... عمتييي! !!!

سميه: خلت رؤى تجهز فروحها ومشتله ..... نعم اصيل! !!!

اصيل: وسيم وين!!!

سميه: وسيم مشي للمدرسه اليوم صحابه طالعين بكري شويه ورؤى بندزها تمشي مع ازهار منبيش نتعبك انت كيف مروح تبي ترتاح 🔥

اصيل: لا لااا ني بخييير وتاني عندي حصص بنعطيها مفيش مشكله هي احتجتي شي رني عليااا ...... وطلعت لقيت رؤى تلبس ف سبيدروهاا

رؤى: مش قادره تشوف ل اصيل ☹️ .... كملت ني

سميه: فنصت ف رؤى والتفتت ل اصيل..... توا فات فيااا مقايله بتمشي مع ازهاار خليهاا اصيل
↔

رؤى: صوله ارتاااح انت اليوم وتو نقول للابله صالحه تاخد حصتك لان عندنا اختبار💔

اصيل: مبيتش نرد خليت رؤى طلعت وطلعت وراها 🔥

سميه: كانت عارفه ان اصيللل ح يوصلهاا هو بس سكت احترام ليها 🕊️

رؤى: قعدت سااكته وحتى لحقهاا اصيل مكلماتاش وركبت

اصيل: نشوفلهااا وخلاص 💔.... ولعت السيارة وطلعناا

👑روايـات الكـاتبـة سـرو👑

بعد ربع ساعه 🔥

رؤى: طول الطريق ساكته

اصيل: وقفت قدام المدرسه وشفتلها .... قوليلي خيرك رورو! ????

رؤى: مخيرنيش 😥

اصيل: قريتي كويس!!!

رؤى: اي الحمدلله 😔

اصيل: به علاش مضايقه اول مره متهدرزيش! !!!زعلانه مني!!!

رؤى: لااا اصلا منقدرش نزعل منك بس مخاطري ف شي 💔

اصيل: به علاش بكري لما روحت مجيتيش طوول وراي ?!!!!

رؤى: 🌚🙂خيرك مالا من اللي كلماتك ف الدار ?!!!

اصيل: ههههه قصدي علاش مش من البدايه!!!!!

رؤى: كنت خايفه نضايقك بس بعدين تشجعت 😁

اصيل: مركز ف ملامحهاا ..... رورووو مش عليااا تفوتيها!!

رؤى: نبي نقلك "!

اصيل: نسمع فيك!!

رؤى: مامااا اللي رفضتتت بس عاندهاا وجيتك بدون متشوفني ☹️..... ونزلت من السياره قبل ميرد عليهاا

اصيل: وااضح عليهااا الحزن واني شي ف داخلي فرحان وواثق ان رؤى متعلقه بيااا وتحبني بس مش عارفه نوع شعورهاا ... ضروري ندير شي يفرحهااا 🥺💔 ..... مقدرتش نلحق عليها نكلمهااا

ف نهاية الدوام 🔥

اصيل: حتى فالحصص رؤى مشافتليش رغم كل شويه نكسر عيني عليهااا 💔.... طبعاا روحت بعد حصصي للحوش شويه مبيتش نكلم عمتي بكل خليت روحي عادي وهي عاديه وبوي كلمته طلع ماشي لجدي يطمن عليه وعلى حناي والحوش مفيه حد غير عمتي هذا علاش مبيتش نقعد خفت نتناقشوا .....ف طلعت 🔥

رؤى: طالعه وتفكر ف كلام امهاااا مش قادره تتجاهله وحاسه باحساس غريب ☹️..... شافت اصيل يستنى ف الباب مشتله ومبتسمه مجامله

اصيل: هياا رورو 🙂

رؤى: طلعت وركبت السياره بصمت

اصيل: اتجهت عكس طريق حوشناا ..... جاوبتي ?!!!

رؤى: اي الحمدلله بسسس قلييي وين ماشيين?!!!!!!

اصيل: قلدت ابتسامتها.... تو تعرفي 😌👋

رؤى: 🌚 بهه...... قعدت تشوف للطريق شويه لين وقف سياره قدام محلات ملابس .... شافتله ب استفهام!?????..... علاش وقفت هني ????

اصيل: ههههه انزلي 😁😁

رؤى: 🌚

بعد دقائق 🔥

رؤى: تدور هي واصيل ف محل ملابس نسائيه وتساير فيه ..... اصيل شوف هذه محلاهااا 😍

اصيل: شفت للبسه وتفحصتها 😂وتخايلتها لابستهااا حسيتها مستوره .... حبيتيهاا خودي مقاسك هي ☺️

رؤى: بناخدهاا???

اصيل: لا لا بتشريها 🙄😂

رؤى: مبردك 😂

اصيل: وماشيه مع سروالك هذا تواا ادخلي قيسيهاا نظمي امورك

رؤى: عارفه حتطلع عليااا حلوه بسلامتي 😌👋

اصيل: مش احلا مني شوفيني كيف طالع 😂تحسابي انتي بس تحبي الموضه!!!! اصلا الشباب احلا من البنات ضروري تقتنعي 😌👋

رؤى: 😑 هه تو تشووف كيف حتطلع عليااا

اصيل: خليتهاا مشت لحجره القياس وني تفاهمت مع بتع المحل ونظمت اموري عاساس منبيش رورو تغيرهااا تقعد لابستهاا

رؤى: نحت الزي ولبستهاا ف مكانه طلعت ع سروالها والسبيدرو كملت وفتحت الباب..... اصيل تعالى

اصيل: كسرتلها عيني🔥🔥...... ميه ميه اطلعي هي ... دفعتله الراجل

رؤى: استناته يجيها كلماته بصوت واطي.... خيرككك استنى نرد الاولات 🙄حشمتنااا

اصيل: قاعده تدوي متغيرتيش??? هيااا اطلعي والزي حطيه شنته ☺️

رؤى: تلبكتت ومستغربه فيه .... انت لشن تخطط تبي امي تقتلنييي??!!!!!

اصيل: رورو انتي واثقه فياا ولاه?!!!!

رؤى: سارحه فيه ..... اي 😐

اصيل: تماام هيااا

رؤى: وطلعت معاه

بعد ربع ساعه 🔥

اصيل: وصلنااا 😂😂

رؤى: تشوف للسور بتع المنتزه ...... هههههه تحكي جديااات انتتت! !!!! هذا مش عاساس للعائلات ?!!!

اصيل: بعفويه بدون مانحس..... وانتي عيلتي شن المشكله 🔥

رؤى: شن قلت!!!!

اصيل: خيرك 🙄 تو بتديري روحك متعرفينيش احني من نفس العيله 😂

رؤى: غريب انت 🤨 شكله السرر فالستايل هذا اللي لابسه 😂😂باهي اللي متلبسش هكي فالمدرسه راهوو عاجنه البنات اللي بيتشقلعو عليك

اصيل: هههههه مش هكي بس المدرسه لازم لبس رسمي هذا احترام فهمتي!!!

رؤى: اي 🙂 .... حلوه المفاجأة لازم نفشو طاقه سلبيه كلهااا ونضحكووا لييييين نتعبووو لان بعد منروحوا بناكلو طريحه متبله 😥😂

اصيل: ههههه عادي المهم تاكليها معاي 😂😂😂🤣

رؤى: بجديااات???? 😑😑😑

اصيل: حللوو شايفك غيرتي جوو انزلي رورو

رؤى: تم .... ونزلت

اصيل: نزلت حتى ني وقفلت السياره وجيتهااا ..... 😎

رؤى: شويه وحست اصيل شدلهاا يدهاا توترت..... ءء

اصيل: حسيتهاا انحرجت .... ههههه خيرك متبيش ندخلووا هياا

رؤى: ارتاحت ..... اي تمام احلا اصيل 😁

اصيل: حسيت بفرحه وقت حاولت ننسيهاا حزنهااا ...... هههه مش قلتلك ني حلو 😂الاعتراف بالحق فظيله.... نسينه قصه بابا ?!! 😂

رؤى: بعفويه......اسكتت تقول جايه مع صاحبي 🤭

اصيل: 😍حليلي

رؤى: 😐مني 😂😌👋

اصيل: هههههه

👑روايـات الكـاتبـة سـرو👑

بعد دقائق 🔥

اصيل: كنااا نتمشوا ونتفرجوا ع النااس والصغار اللي يلعبوا ب الالعاب مخليناش مكان مشفناشي 😂

رؤى: شافاته سارح جت خايلاته بيدهاا قدام عيونه ..... هيييه ف شن تفكررر .... ههههه شن رايك نلعب حتى ني 😃

اصيل: نعم!!!!!!!!!!

رؤى: وشن فاها 😐

اصيل: 🙄هادو للصغاار متنسيش روحت ف الثانوي

رؤى: نطير العين 😂

اصيل: مش قصه عين تو تلقيهم منزلينك ع فيس 😎😂تخيلي ويكتبو عليك كائن فضائي يهجم لكي يخرب الالعااب ويمنع الصغار المساكين من فرحتهم 😂😂😂تخيلي بس

رؤى: خفه الدم كان مجتش من ربييي زايدددده 🤨

اصيل: ليك الكلام 😌👋

رؤى: اشرتله ع الراجل اللي يبيع ف اقنعه كرتونيه بتع المهرجانات .....به تعالى 👈👈غااادييي اوووو 😍

اصيل: شفت للمكان اللي اشرت عليه ..... جعتي بسرعه ?!!!! 🙂

رؤى: تييي لاااا ناشر ع اللي جنبه 😑

اصيل: ههههههههه تبي منهم?!!!!!!

رؤى: وحتى انت بنلبسك منهم ☺️

اصيل: علاش!!!!

رؤى: بش ميركز فيك حددد وناخدو راحتناا 😂

اصيل: 🙂لااا

رؤى: ورااسك اصيل كان تحبني 😂😂نبي نصورو لابسينهم شوف في بتع ولاد وفي بتع بنات 😋

اصيل: وانتي تحبيني بش نحبك!!!!!

رؤى: بعفويه دون ما تحس..... اي اكيد 😎

اصيل: 😍🔥

رؤى: جبدت يده .... هيا ولا سيب يدي 😌👋

اصيل: 🤦‍♂️🤦‍♂️🤦‍♂️

رؤى: خدت اصيل معاهااا للطاوله وختارت واحد ليها وواحد ليه ..... شوف محلاه يطلع عليك 😂

اصيل: نهاااري تقول يتع مشعوذين يحفظنا ربي انشاءالله ..... 🤨

رؤى: لصقت ف اصيل وكلماته بهمس.... حشمتنا قدام البرانيه

😐👋😌😂🤦‍♂️

اصيل: عليك لسااان 😐

رؤى: انت مضطر تسايرني لان المشواار ع خاطري 😌👋

اصيل: وعد اخر مره نديرها 😑

رؤى: باستفزاز......ههههه صدقتك بابا 😂🤭

اصيل: فنصت فيها..... اسسسس فضحتينااا 🤨

رؤى: تضحك من قلبها ...... ههههههه محلاك وانت متوتر يا جمالو 😌👋😂

اصيل: منحكيلكمش كيف الانظار علينااا 🤦‍♂️🤦‍♂️🤦‍♂️هبلتني بروحي فرحت بالقناع قلت بش ميعرفناا حدد شريناهم ولبسناهم وكملنااا مشوارنااا

رؤى: 🧡💛💚💙💜🖤❤️

اصيل: 👀ملاحظتيش هبالك حسك مش عاقله 🙂

رؤى: به ملاحظه غر تعالى خودلي بطاطا وفشار 🍿واميه

اصيل: تعالي نتغدو مره وحده هي

رؤى: هادو مليهمش علاقه بالغدي 🙃

اصيل: قعدت نتنااقش ني وياااهااا اخرها فهمتني واقتنعتتت

👑روايـات الكـاتبـة سـرو👑

بعد دقائق 🔥

اصيل: مقعمزين عالطاوله نتغذوو شريت من المطعم المنتزه ..... كلهم مركزيين عاللي ملبستهولي ضحكتيهم عليااااا

رؤى: وشن فاهاا شوف محلاك طرف ع قولت بنات الثانويه 😎

اصيل: شن قلتي!!!! 🤨من امتى الفاظك هكي عيب تعاكسيني 😂👋😌

رؤى: عاساس دمك خفيف 🤦‍♂️

اصيل: هه شوووفيهااا البنت هذيكا تاشر علينا وتضحك 🙄

رؤى: عادي نكسبوو اجرر غيرنالهم جوهم 😁 لعلهااا الف حسنه 😎

اصيل: واك مقدرتش نشد روحي هبال 😂.....شن صايرلك انتيي امااا حسنااات وربييي نخلي راسك فالطاسه كان متسكتي 🤨حسنات قالتتت 🙄يا قعادك ليااا وخلاص تو يقولو مطرشقه🙃

رؤى: فنصت فيه...... تشوف فيا هكي?!!!!!🙄

سميه: مقعمزه وشاذه هاتفهااا ومتوتره

وسيم: دخل عليها..... يااام مشفتيش الفلاش الاحمر بتع الكمبيوتر وين حطيته?!!!!

سميه: شن بتدير بيه كمل قرايا قبللل 🤨

وسيم: خير نطيتي فياا سالت بس 😓

سميه: وسيم خوووك نتصل بييه ميردششش واختك لتواااا مروحتش! !!!! ... تسال فيا خيرني

وسيم: معاها اصيل شن بيصيرلها باللهي وني نقول خيره حوشنااا هدوء 🙄

سميه: وقتك!!??????

وسيم: به قلتي ل بوي?!!!

سميه: بوك توا كيف مروح قاعدد يدوش نستنى فيه يطلع قلي هاتف رؤى هني!!!!

وسيم: هههههه طبيعي هني خيرك مدرستهم ممنوع هواتف

سميه: به

وسيم: به قوليلي شفتيه?!"""

سميه: شوفه ف دار وين بيطير باللهي

وسيم: 😐كان متكون البقره هذيكا واخداته بسسس

سميه: اني اللي بنتفاهمم معاااهااا تو نوريهااا اعصابييي اللي خلتهم ف شيشه 🔥😡

وسيم: مشي وخلاهااا

👑روايـات الكـاتبـة سـرو👑

بعد ساعه 🔥

اصيل: اول مكملنااا طلعنااا للسياره لان وقتت على رؤى عندها واجبات اول مركبت خديت هاتفي فتحته لقيت مكالمات من عمتيي وبوي ورسائل اشكال الوان يسالوا علينااا ..... حطيت هاتف ع وذني بنرد عليهم ......

رؤى: تساوي ف روحها 😂بش بتصور وتطلع احلا منه

علي: مقعمز ف الصاله قمز شاف الهاتف ...... تيييي وينك يا راااجللل ?!!!!!

اصيل: كلمته بهدوء..... متخافوش علينااا خيركم رؤى معاي

علي: اكييده تسوق منبيش نشغلك نستنووو فيكم نتفاهموا فالحوش

اصيل: تماام يا بوي مروحين هي 🔥....وسكر

سميه: شن قلك ?!!!

علي: جايين

سميه: تنهدت

رؤى: استناته يسكر ..... شن صار 😐

اصيل: ابتسمتلهااا ... شي 😂

رؤى:ههههه وقف السياره خل ناخدوو صوره بمنظرك هذا 😂

اصيل: فتحت كاميره هاتفي ......تعالي هي 🙃

👑روايـات الكـاتبـة سـرو👑

مع العصر 🔥

اصيل: روحنا قبل العصر بشويه 😂واقف ني ورؤى ف السور وخايفين خطوه قدام وخطوه ورا اخرها جبدتها من يدها وطقيت الباب .....

سميه: كانت ف عتبه الصاله تستنى اول محست بييهم جت تجري تفتح ..... ونخلعتت من وجووههم 😱😰بسممم الله الرحمن الرحيييم

اصيل: 🤦‍♂️القناع نسيت منحيتاس ورؤى حتى هي...... سلامتك خييرك مرعوبه 👀

وسيم: شافهم ..... اييييوه 🤦‍♂️

سميه: بعصبيه...... وين كنت انت وياااها 😡😡😡!!!????

رؤى: من الخوف قعدت ورا اصيل 💔

اصيل: مشينااا للمنتزه غيرناا جو 👀بس

علي: مستغرب فالمظر ..... تعالى جايييي 🤦‍♂️باللهي عليييك متفاهمين غيرتو جوو لكن هي صغيره ونقولو عادي بس انت شن اللي حاطه على وجهك يا حشمتي 😐😂

سميه: تكسر ف عينهاا على رؤى ونااار شاعله فيهااا 🔥..... اصيللل نسيت اختك عندهااا قرايا??????? كيف تدير هكييي 😡

وسيم: ياااام توا هذاا اللي صار خيركم كبرتووهاااا تفسدولهم ف جوهم كانو منسجميننن وهي مره بعد وين يعني 🙂لكن تو نتفاهمو ع الخيانه به 🙃

سميه: كيف جت بتتكلم قاطعها علي....

علي: صح سميه اهديي ينااري قداش ليهاا رؤى مطلعتش غيرت جوهااا تفسديش عليهاا تعالي بابا 🤗

رؤى: مشت حضناته..... ❤️❤️❤️

علي: باس راسهاا .... حني خفنا بس لان اصيل ميردش باقي عارفه يرد باله منك ☺️

سميه: رؤى جرييي لدارك صلي واقري 🤨🤨تو نفضالككك سكتت ع خاطر علي لكن تو نتصرف معاك...... خلتهاا مشت ومشت للكوجينه 🔥

وسيم: اصيل مدخليييش فيك اني دافعت علييك ضروري تمشيها معاي شوطين كوره هياااا 😁

اصيل: هههههه قدررر يا برووو تدلل اسبقني جايك.....ومشي

علي: بهمس..... اصيل اقعدلي هنييي 🤨

اصيل:قمت القناع نحيته ..... نعم! !!

علي: سايرررتتت بش متصيرش مشاااكللل ..... كيف تاخدهااا معاك من المدرسه هكي بدون علمناااا!!!!

اصيل: عاددي ماهووو اصلا كل يوم ني اللي نروح بيهااا شن اللي تغير اليوم ولا لازم تعطوها ثلاثه ابعاد ?????

علي: مقلتلكش لااا قلتلك علاش مقلتلناش خليتنا خايفين !

اصيل: يا بوووي مفروض متخافوش عليها وهي معاي وتاني عارف روحي غلطتت واسف سامحني معش ندييرها ☺️.... ماشي نرتاح متبي شي! !!

علي: سلامتك وليدي ❤️

اصيل: سلمك غالي والله....... ومشيت وخليته بيمشي لعمتي ف الكوجينه احسن ما فيهااا بوي يفهم فيااا وواثق من تربيته ليااا شي هذا يكفيني 🔥

رؤى: مش مصدقه ان امهااا فوتتها ع خير واحلا بابا علي 😂😂😂😂

👑روايـات الكـاتبـة سـرو👑

مع الساعه 12:00 فالليل 🔥

اصيل: مقعمز نلعب اني ووسيم ف بلستيشن زي موعدته طبعاا بعد كمل قرايته وكل شي ❤️

رؤى: ف دارهااا تخطط من الكساد.... طلعت ومشت ل دار اصيل ووسيم ...... بسسست

وسيم:رد عليها..... شن تبييي!!!!!

رؤى: نبي ندخل 😐

وسيم: برييي تمرقدي ف دارك 🤨

اصيل: خيرك وسيم شوفها شن تبي 🤨

رؤى: دارت روحها زعلت.... به يا وسييم تو تشوف حق فيااا قلت نشاورهم بش نحسبهم معاي ف نسكافا لكن به خزييي 🥺💔🙄

اصيل: متحملتش نضت فتحت الباب ..... اممم خير

رؤى: كسرت عينهاا شافت بلستيشن والع ..... تلعب معاه 🙂

اصيل: يس 😌👋

رؤى: خاين 🥺🥺.... انتم خوت وتلعبو مع بعض وني بروحي ☹️☹️💔وانتم لا احساس ولا ضمييير

اصيل: 🙁روريتي اصلا من يومك انتي ووسيم متتفاهمووش متدوريش ني سمعتك قلتي نسكافا نضت نجري 😍بتديريهالي نتي ??

رؤى: اي اايي ساهله 😁

اصيل: نستني فيك هيي 🥰

رؤى: مشت للكوجينه

👑روايـات الكـاتبـة سـرو👑

وسيم: اقعدد سايرها 😐

اصيل: اختك هذه يناري بروحها مفروض تلعبهااا معانااا

وسيم: يومهااا جيت بنصاحبهااا تجاهلتنيي 🙄رديتهالهااا

اصيل: 🤦‍♂️

رؤى: طلعت طواسي الكاغط وسخنت الحليب طبعا نسكافا جاهزه ف ثلاجه وتتهااا ف سفره وكل شي تمام خلتها ع رخاماا وخدت طواسي فاضيات وحطت ف سفره الثانيه تبي تمرعشهم 😂.... وهي ماشيتلهم جت قدام عينهاا شبشب الكعب بتع امهاا لبساته ومشتلهم

وسيم: اول مشافهاا كلمها...... وينننن جايه بشبشبك!!!!!!!!

اصيل: 🤦‍♂️🤦‍♂️

رؤى: دارت روحها بتدخل وعاساس تعثرت بش تطيح الطواسي ع بلستيشن .....

اصيل: قمزتلهااا ...... انتبهييييي 😱

وسيم: غباااااااره وووواااك مشي فاهااا بلستيشن..... شويه وشافوهم الطواسي فاضيات .....

رؤى: مش قادره نوصفلكم اللقطات ...... 😂😂😂😂😂😂😂وااااااععععععع 🙄🙄🙄خايف عالبلستيشن مش علياااا ولاه????

اصيل: حي على الهبال 🤦‍♂️🤨

رؤى:ههههههههههههههه😂

اصيل: نضت سكرتلها فمهاا....... هه وييين تبي تنوضيهممم فضحتينا بضحكتك ???? 🤦‍♂️

رؤى: نحتله يده...... وه مش قادره كان تشووفو وجووهكم كيف وله لونهم هافت تقول صبيت عليكم وراكينه 😂😂

وسيم: نتي ليك ويننن مخديتيش تهزيبه من امي تو تشووفي 🤨🤨.... المصايب تجري ف دمك

اصيل: 🤦‍♂️قصدك جريتي بينا مفيش نسكافا 🥺

رؤى: لا لا درتلكم ماشيه نجيبهااا 😂😂😂😂😂😂😂ياربيي نيي مقالبيي ناجحه كانهااا دجاجه حامل راهو جابت من خلعتي 😂🤦‍♂️🤦‍♂️🤦‍♂️🤦‍♂️

اصيل: 🤦‍♂️اووووو

وسيم: 🤨🤨

اصيل: وسيم ❤️استناني هني شويه ونجيك

وسيم: وين!!!

اصيل: شويه بس بنرد ع هاتف .... وطلع

وسيم: تسطح ع سرير ينعس

👑روايـات الكـاتبـة سـرو👑

رؤى: واقفه جنب الرخامه شويه حست حد وراهاا .... 🔥

اصيل: للدرجه هذه قاعده تغااري! !!!!!??

رؤى: التفتتله .... 😂اسكت متفكرنيش فيكم

اصيل: جاها بخطوات بطيئه...... ردي عليااا عارفك ع خاطر متبيش نلعب مع وسيم درتي مقلب هذااا حركااتك بتع زمان قاعد حافظهاا 🔥

رؤى: توتررت ..... ههه عادي اصلااا المهم هيااا صقعت كان بتحصل طاسه 🤭

اصيل: رورو بسرعه استاحشتيني ??!!!! ساعات بس مشفتينيش!

رؤى: رجعت شاافت نفس نظرات اصيل بتع موقف يوومهااا ..... رجعت تخوفني ☹️☹️💔💔

👑روايـات الكـاتبـة سـرو👑

اصيل: بحنيه..... لااا بلعكس بس رورو ني نبي نعرف كل شي تحسي فييه تجاهيي عارف كل شي فيك ملخبط بس عارفك تحبيني زي ما نحبك واكتررر ❤️صح!!!!!

رؤى: رمشت عيونها وبعفويه..... اي الصراحه ني ..... قاطعهاا صوت خطوات وسيم

اصيل: طلعت هاتفي من جيبي درت روحي نتكلم 🤦‍♂️🤦‍♂️☹️خساااره مشششس وقتتتتك بكلللللل بس رورو وعددد منخليكش تضيعي مني وحنخليك تعترفيلي بس عمتي 💔......

رؤى: وسيم هاك السفره ..... ومشت تجري لدارهااا وسكرت الباب 🤦‍♂️

اصيل: 💔خساره

وسيم: نعستتتت واللهي ل طلع فيها فايده هالبقره المطرشقه اشرب اشرب 😂😐

اصيل: هههه عيب مفروض تشكرهااا 😂🤨

👑روايـات الكـاتبـة سـرو👑

تسريع بسيط 🔥

صباح يوم الجمعه 🔥

اصيل: ناايض مخلوووع شايف حلمه شييينه قعدت نستغفررر نضت غسلت وجهي وصليت صبح وطلعت لقيت عمتي مقعمزه فالصاله ...... صباح الخير

سميه: صباح النور

اصيل: شكله مفيش حد نايض

سميه: نحطلك الفطور

اصيل: عادي هي 😐

سميه: جابتله فطوره وقعدت معااه ومتوتره تبي تفتح موضوع ..... اصيلي! !!

اصيل: نعم ☺️

سميه: انت معتبرني زي امك الله يرحمها ولاه ???!!!

اصيل: اي ربي يحفظك علاش شن المناسبه ??!!! 🙃🙃

سميه: وليدي انت عارف قداش عمرك توا?!!!

اصيل: قريب ندخل ع 30 علاش!!??

سميه: مع انك تبان اصغر من هكييي ❤️كبرت بسرعه اصيلي ربي يحفظك .....غزالي مش حاس ان لازم تفكر ف روحك وتدير عيله! !!? مشاءالله متخرج وتخدم والحوش استأجر مابين جهزت شقتك مفيشش بنت نخطبهالك!!!???

اصيل: وقفتلي ف رقبتي الماكله انحرجت شويه وتضايقتتت.......بصوت هادي...... عمتي مزال بكري عليااا وعارفك متقصريش 💔

سميه: به امتى نبو نفرحو بييك ☹️

اصيل: ناكل ونهدرز...... عمتي منبيش نستعجل وكل شي فوقته حلوو ❤️❤️.....

سميه: سكتت

اصيل: كملت كيف بننوض التفتلهاا...... اي حق فكرتينيي غريبه مرنش جرس رؤى مناضتش!!!!????

سميه: بمجامله 🙁..... رؤى دزيتها لحوش اهليي انت عارف بوي مريض وهي تدير بالها عليه عارفتها تسمع فالكلام واصلا استاحشوهاا وكل مره يسالوني عليهاا خل تغير جوها🔥

اصيل: خديت نفس طبعاا حقهاا تمشي لجدها بس اول مره شي هذا يصير بدون علمي استغربت !!!!.....وامتى تروح 💔

سميه: توترت.....مش عارفه

اصيل: نبي علاش مقلتيليش وقت طلعتتت ?!!!!!!!

سميه: اني وبوك نعرفووا يكفي

اصيل: سيبت اللي ف يدي ..... مع من مشت?!!!

سميه: دزيتهااا مع خالتهاا لان حتى هي ماشيه للخمس 😐

اصيل: تعصبتت.....عمتييي شوفيلي جااي

سميه: اصيللل 🤨🤨🤨

اصيل: نبي شن مشكلتك معااي!??????

سميه: تلبكت....... خيرك اماا مشكله!?????

اصيل: كنتي من البدايه جيتي قلتيهااا ف وجهي بنتي معش تشووفهاااا ومعش تكلمها ومعش تجي شورهااا علاااش تجرووو بيااا ?!!!!! تحسابوني عيللل منفهمش?!!!!.........يتبع

لقراءة الحلقة السادسه من رواية ملكتني طفلة : اضغط هنا  

تعديل المقال