رواية ملكتني طفلة الحلقة الثالثة - الكاتبة سرو

رواية ملكتني طفلة الحلقة الثالثة - الكاتبة سرو

لقراءة باقي روايات الكاتبة سرو : اضغط هنا 

رواية ملكتني طفلة الحلقة الثالثة - الكاتبة سرو

نُرشح لك هذه الموسيقى لتسمعها وأنت تقرأ رواية ملكتني طفلة الجزء الثالث 3 للكاتبة سرو 

رواية ملكتني طفلة الفصل الثالث 3 كاملة مكتوبة بقلم الكاتبة سرو

لقراءة الحلقة الثانية من رواية ملكتني طفلة : اضغط هنا 

ثاني يوم فالقهوه 🔥

أصيل: من امبارح واني مضاايق حسيت اعصابي رجعت بااارده زي زماان قبل متدخل رؤى على حياتي حتى الصبح رؤى مكلمتهااش بكلل ...... 💔💔

صقر: مقعمز مع اصيل ومستغرب فيه..... اصيييل وين سارح القهوة صقعت 🤨!

اصيل: شفتله بهدوء..... الصراحه صقر انت زي خوي واكتررر وقداش نحس براحه لما نفضفلك قداش حبيت الصدفه اللي جمعتني بيك فالجامعه ولتواا قاعد متواصل معاك نبيي نستشيرك ف موضوع 🙁

صقر: اكييدد يا اصيلل مفيش مشكله بكللل 🔥وانشاءالله منقصرش معااك

رؤى: مسكره على روحهاا الدار ومستغربه علاش اصيل مكلمهااش وحتى فالسياره ميردش عليهااا حست ب فراغ 💔حتى امتحانها بتع غدوه مقدرتش تقراا من التفكيرر 🙁

اصيل: اكييده تتفكر بنت عمي اللي قلتلك عليهااا زمان! !

صقر: اي نتفكرر مشاءالله توا اكييد كبرت 🔥بس شن فيه!!!

اصيل: مش عارف كيف نبدااا 💔

صقر: خود راحتك

اصيل: حكيتله الموقف بتع امس.......مش عارف ليش بديت نضايق من ابسط شي وخصوص عفويتهاااا امس عاساس نتبردوا على بعض اخرتهااا جرحتني وقت قالت كبير حسيت سهم وضربني ف قلبيي كل يووم نظرتي ليهااا تعبذبني انيي منقدرش نخون ثقه اهلي بس قلبي يقول عكس الشي ليش حاس علاقتي بيها اكتر من هكي 💔 عارفك مش فاهم شي بس المهم حكيت لان لو كتمت اكتر من هكي بنتفجررررر 🔥

صقر: حاس بكل كلمه يحكي فيهاا اصيل وكلل احاسيسه وتوقعاته تصير شويه شويه وجزء كبير من واقعه .... اي 💔

اصيل: شن اي وفوووقهاا قالت في احسننن مني يعني احتمال كبيير تصير معاها قصه فالثانويه اعجاب ولا حب وني مستحيييل نتحملللل شن حيكون موقفي!!! اني لاازم نبعد من عليهااا لان حنتعب وطريقي وطريقهااا مستحيل يجتمعوا ف مسار واحد 😔

صقر: مش عارف شن نقلك بس اصيل هي قاعده ف مرحله مراهقه يعني صغيره بالشويه عليك معاهااا وني متأكد ان مش قصدهااا اللي صار وتاني لييش انت متضايق يعني مش عاساس اختك وبنتك وانت اللي ربيتهاا متقليش تحبها 😳😳😳!???? قلي!!!

اصيل: سكتت 😔

صقر: بصوت خفيف......مش قصدي ندخل ف خصوصياتك بس رديت بدون منجاملك لان طلبت استشارتي 🤦‍♂️

اصيل: لا لاا عادي اصلا اني اللي حكيتلك مش انت اللي بديت الموضوع

صقر: به جااوب بصراحه ....

اصيل: كيف جيت بنرد عليه هاتفي رن .....

شويه صقري نرد على بوي 🤙

صقر: تمام هي

اصيل: رديت..... ايوااا

علي: متوتر...... اصيل وين انت????

اصيل: فالقهوه اني وصقر علاش????

علي: سميه بوهاا تاعب واني وياها ضروري نطلعوا للخمس تعالى بسرعه 💔

اصيل: خفتت......تم مسافة الطرييق هي

علي: نستنو فيك .....وسكر الخط
↔

👑روايـات الكاتبـة سرو👑

اصيل: صقر ضروري نروح للحوش صارلي موضوع ضروري تو نرن عليك بعدين فالليل انشاءالله 🔥

صقر: لا ي بروو متدور شيي خود راحتك 😂نتلاقوا معناهاا ونقعمزك على كرسي الاعتراف 😂💔

اصيل: 😂ههههه نتلاقو ...... وطلعت بسرعه

سميه: تبكي وتساوي ف شنتتها هي وعلي ...... 💔😢

علي: كيف دخل للدار لقاهاا تساوي ..... سميه متضايقيش باذن الله بخير 💔

سميه: انشاءالله ☹️

علي: شويه اول ميوصل اصيل نطلعوا انشاءالله اني واتي

وسيم: جاهم..... قولولي خييره جدي وعلاش متبوش تاخدونا معاكم ?!!

سميه: شافتله ب كسرة...... مريض شويه متخافوش انشاءالله ع خير بس منقدرش ناخدكم عندكم امتحانات نصفيه منبيكمش تضيعوهاا 💔

بعد ربع ساعه 🔥

علي: يكلم ف اصيل..... اول ما نطلعوا تمشي انت ورؤى ووسيم لحوش عمتك تمام ??!

رؤى: نطت..... لاااا نبي نمشي معاااكم بابا باللهي علييك 🥺🥺🥺💔

علي: اشر ل اصيل

اصيل: التفتتلهاا ..... رورو مفيش مشيي نسيتي امتحان غدوا????

رؤى: وقفت قدام اصيل وملامحها حزينه .... ورااسك اصيلل خليني نمشي 🥺قوللهم ياجلوهولي ☹️

سميه: مخاطرهاش تتكلم بكلل 💔

وسيم: مقعمز يسمع وساكت

ااصيل: كلمتها بهدوء.... رورو اليوم اقعدي معاي وغدوا انشاءالله بعد الامتحان نلحقوهم تمام?????

رؤى: اقتنعت 🙁.... به تمام

وسيم: خلاص اني بنقعد مع عمتي 🙂

علي: كلكم بتمشوا معناها???

رؤى: لا

علي: انفعل..... ايااااه دوختوووني باللهي اصيل تفاهم معاهم امانتك ره هي هنينا ومتشغلش بالنااا عطلناا مفروض طلعناا ..... هياا سميه اطلعي للسياره 🔥

اصيل: متدور شي يا بوي اول متوصلوا رنو علينا طمنونا

علي: انشاءالله

سميه: كيف جايه بتطلع التفتت ل اصيل.... هنيني ورد بالك ع روحك وع خوتك ❤️

اصيل: كوني هانيه عمتي متوصيش حريص وانشاءالله تمشوا وترجعوا بالسلامه

علي: طلع هو وسميه 🔥

👑روايـات الكاتبـة سرو👑

تسريع بسيط🔥

اصيل: بعد ما طلعوو وسيم شذ يمشي لعمتي قال تقريني متقريني ورؤى قالت شي منطلعش من حوشناا وطبعااا رايي ني ديمااا مأيد رؤى اتصلت بعمتي بعتت راجلها ياخد وسيم ورؤى قعدت معاي 🤷‍♀️

رؤى: قاعده فالدار تقرا واصيل فالمربوعه لان ميبيش يزعجهاا 🔥

مع الساعه 9:00 فالليل🔥

اصيل: قلت اكييده كملت مشيت نشوفهااا

رؤى: كملت وسكرت كتاباتهااا وخدت تكسد على روحهااا 😂وطفت الضي

اصيل: فتحت الباب وشعلت الضي...... رؤى رقدتي???!!!

رؤى:ناضت زي الغوله ...... 🌚🌚🌚🌚😂لا

اصيل: انخلعتت ...... ووو 😳😳😳هذاااا شننننن اللي على وجهك خزييي قريب متتت نحساب الدار مسكونه ربي يبعدهم عليااا وعليك

رؤى: ناضت تربعت ع سريرها ..... واخيراا سمعت صوتك يا حلو يعني مش متضايق مني غر كنت صايم عالكلام 😂

اصيل: بدينا دوه زائده 🤦‍♂️..... غر قوليلي الهبال هذا شننننن ??"!!!!

رؤى: هذا اللي حاطاته يقولوله black ماسك نديرو فيه حني البنات 😂للبشره فهمت عليا???

اصيل: 🙂ليش خيره وجهك!!!!!

رؤى: 🤨

اصيل: قصدي نحسك مزلتي ع تلبيز هذاااا وجهك مش محتاج.

رؤى: لاني مهتمه بيه 🌚

اصيل: به بري اغسليه خير منجيب شيخ يقرااا عليك مش طبيعيه رااك قريب قتلتيني مره تانيه لمااا بتهبلي اهبلي ف الصاله ولا ملحق الكوجينه مش هني ف داري 🤨

رؤى: خييرك متنساش حتى هي داري 🙂شيخ قلتلي???? عاساس دمك خفيف 😌👋

اصيل: معش عرفت نضحك ولا نتعصب منظرهاا مينوصفش ومع صوتها كيف تتكلم .......😑😑😑😂

رؤى: بصوت واطي..... عقبال المكياج 😴

اصيل: جبدتها من يدها ووقفتها قدامي .... شن قلتي????عارفتني منحبش جو هذاا اعتبرتك سبيتيني 🤨

رؤى: قعدت تشوف ل عيونه ..... لا حشاك اصيل نبصرر ني ☹️

اصيل: به شن قلتي! !!!

رؤى: قلت عقبال المكياج 🙂

اصيل: على ذكره وربييي 3 مراتتت تحصلي تديريه حتى من وراي فالمدرسه لماااا نبطلك منها .... لا لا مش نبطلك عارفك بديتي كارهه القرايا وجت منك يا جامع 😂🌚لكن وربي نغير معااااك وتشوفي التحديث الجديد وقولي قال اصيل تمام! !!!!

رؤى: حسك تستفزز فياااا درتني مش بتع قرايا وفووقهااا تهدد فيااا بصفتك منووو!!!! مش عارفه ليش بسرعه تعصبتت شن فيهااا يعني في هلبا بنات يديرو فيه فالثانويه انت زودتهاااا 😑

اصيل: بصوت حنون.... لاا ني لا نستفز فيك ولا حتى نهدد فيك ولا شي بس يقولو بكيني ولا تضحك الناس عليااا يعني وقت نتعصب عليك ل مصلحتك وتاني شن دخلك ف البنات التانيات مش عاساس بنتي رؤى تحب نوادر وديما متبي حد زيهااا علاش اليوم تبي تكوني زيهم ???? مرات هماا خوتهم عندهم عادي اختهم يشوفهااا مليون واحد فالشارع بالمنظر هذا بس اني مستحيل نرضى وتاني انتي قنينه وحلوه حتى بلا الجو هذااا ❤️🔥

رؤى: واطت عيونها...... بجديات اصيل!???? ☹️

اصيل: قدرت نقنعهااا ع حسب تفكيرهااا الحمدلله يارب قاعد لتواا فاهم كلل شي عليك ...... اي ❤️

رؤى: قعدت ع سرير...... عارفه 😌👋

اصيل: حي عليااا من غرورها 🤦‍♂️...... به نوووضي نحيه اللي حاطاته تقول حد صاب عليك زيت سياره محروق 😌👋

رؤى: 🙂🌚

اصيل: خيرك تشوفيلي هكي ?!!!

رؤى: ناضت نحاته وغسلت وجهها وتوضت بش تصلي ..... وطلعت 🔥

اصيل: شفتها تنشف ف وجهها ويداها .... رورو بنقلك?!!!

رؤى: نعم!!!

اصيل: شكلك متبيش تديري عشي???!!!!!

رؤى: شني ?!!! 🤨

اصيل: مشاءالله كبرتي مفروض تعرفي صح ولاه??!!!!

رؤى: شكلك قالق مني وتبي تفتك مني ب اي طريقه 😤

اصيل: نضتلها.... اييياه بكللل ع فكره قلتلك ع العشي مقلتلكش بري حاربي فالجبهه عفكره مفيهاش جو 😴نووضي بنموت ديري حتى تست وخلطي عصير لوز 🌚

رؤى: 😌👋مش انت بابا????

اصيل: ويعني 🙂

رؤى: مفروض علمتني صح???

اصيل: مش شوري الموضوع هذا شور امك 😌👋

رؤى: بعفويه.....بس اني متعلقه بيك اكتر منهااا 🙁

اصيل: 😳😍رورو شن قلتي تواا! ???

رؤى: 🙂شي

اصيل: نوضي معاي هياا

رؤى: خل نصلي قبل 🤭

اصيل: واني بنمشي بنتكلم ف الهاتف مابين كملتي ودخلتي للكوجينه جهزتي الحجات حسستيني بتديري عصبان 🌚 كلها على حكه طن بتفتحيها وبتصبي هزيسه وتحطيهم ف التست وتحطي فالمكينه ع فكره مش صاعبه 😴 وبالنسبه للعصير مكتوب ع الشيشه طريقه تخليط وعلى ما اضن كان مش غالط طاسه مركزه صبي فوقها 4طواسي ميه وصحه وهنا عقولت طباخين 🙂 .... تو باللهي عليك مش يصير مني 🌚😂

رؤى: مشاءالله واللهي 🤨

اصيل: جوي تمام ....... بش تدعيلي ف صلاتك متنسيش 😁❤️

بعد نص ساعه 🔥

اصيل: عالهاتف..... ههههههه سمعت حتى ني

صقر: افتح يا راجل ع القناة اللي حكيتلك علاهاا فاها افلام اطلع طول 🔥

اصيل: تو نشووفهاا 😁😁

صقر: مباش يجبدله سيره موضوع الصبح يستنى لين يفتح موضوع .... اي

رؤى: دارت سفره ودارت العصير زي ما قاللها اصيل 🙂

اصيل: سكرت المكالمة من صقر ومشيت ل رؤى لقيتهااا مجهزه السفره مزال المكينه نشغلهااا بس ..... شاطره 🌚😂طلع اللي كنتي ملبزه بيه وجهك فيه طاقه اجابيه 😁

رؤى: سيبت شيشه العصير ..... اول شي اسمه ماسك 🌚وتاني شي وربي حاسه روحي مش عارفه كيف 💔

اصيل: قربتلها.... خير رورو شن صار?!!!

رؤى: خلوقها متضايقه.... شكلي بنمرض

اصيل: شكيت ف موضوعها بس مبيتش نضايقها.....بعيييد السووو تعالي اقعدي مرات من الجوع

رؤى: لااا نبي نكملل اللي درته 😅هياا وريني كيف نستعملهاا

اصيل: شغلتيها فالضي سخنت???

رؤى: اي

اصيل: تماام ... خديت حطيت فيها التست وسكرتهاا.... خلاص رورو اول متشتغل هذه افتحيهاا ونحيها ب موس ردي بالك تنحرقي وردي بالك من الضي 😊

رؤى: به .... شويه ونجيي 💔

اصيل: نستنى فيك

رؤى: مشت للدار

اصيل: خديت بندير كاكاو قلت مرات تبي حاجه سخونه .... اف مفروض خليتها تمشي مع وسيم عالاقل عمتي تدير بالها علاها احسن مني انشاءالله ميصير شي لين يروح بوي 💔

رؤى: غيرت ملابسهااا وجت ..... حييي قريب نسيتهاااا شن تديير اصيل???!

اصيل: درت كاكاو تشربي ولاه!!??

رؤى: فرحت.... اكييد 😂😍كنت بنديره

اصيل: انتي بتديريه???🌚

رؤى: هههههه خلاص اصيل معترفه ان انييي منعرف شيي وانت احسن مني بس محلااك قريت افكاري ❤️

اصيل: فرحت ل ابتسامتها .... مفيش مشكله اقعدي هي

رؤى: لا انت اقعد وني نجيب السفره تمام 🙈

اصيل: راحتك غر ردي بالك من روحك

رؤى: 👋😌اوك

👑روايـات الكاتبـة سرو👑

بعد دقائق 🔥

اصيل: مقعمز نتعشى معاها ونهدرزوا والامور كويسه ...... نحسابك حسيتي ب خوف لانك مقريتيش كويس هكي تعودت عليك 😂🤦‍♂️

رؤى: ههههه 😑

اصيل: جاوبي 😴

رؤى: قريت وكملتت 😌👋

اصيل: به خيرك احكيلي!

رؤى: ماما وبابا علي مصدقوا مشوا وخلوناا مش عاساس بيتصلوو???!!!! ☹️

اصيل: كلموني بكري 😁

رؤى: نطت.... وعلاش مقلتليش ها??!!! 🤨

اصيل: مش عندك هاتف!!!!

رؤى: اني خفت نزعجهم والاتصال للضروره

اصيل: اي

رؤى: شربت شويه من الفنجال بتع الكاكاو...... وحتى عمتيي مقالتش حتى اصيل قاعد برووحه خل نبعتله عشااه 😑خليها مني اني مفروض فكرت فيك

اصيل: نبي نغير جوها ..... ماهو اكييد ارتاحت لان في مرا معايا فالحوش بتعشيني متحسابنيش اني اللي بنعشيهاا 😌👋

رؤى: شافتله بنظره حاده..... تي حتى من باب المعروف بش نقولوا مشاءالله مهتمه 🤨

اصيل: الصراحه كلمتني ورفضت 😁

رؤى: كيف ??!!!!

اصيل: قالتلي تعالى انت ورؤى تعشوا عندناا قلتلهااا عندها امتحان منبيش نشغلهااا قالتلي نبعتلك عشي قلتلهاا نمشوهاا الليل كيف ما تمشي متتعبيش روحك 😴😴❤️

رؤى: بجديات كلماتك???

اصيل: ناكل...يس 😌👋توا قوليلي علاش مبيتيش تمشي مع وسيم وقررتي تقعدي معاي?????

رؤى: منحبش نبات ف مكان خاطي حوشنااا 🙂

اصيل: متأكده هذا السبب! !!

رؤى: بمجامله....اي😌👋

اصيل: خلاص يعني لو اني طلعت وخليتك بروحك مش حيصير شي! !!!!

رؤى: حيصير

اصيل: شن!!!!

رؤى: وقتها انشاءالله بنحط زبادي على وجهي ونطفي الضي ونرقد 😑😑😑..... اصيل متبداش تقيس ف غلاك منحبش هكي ني ☺️

اصيل: ههههههه خبيره الصحه والجمال بس الكلام هذا على غيري عارفك مستحيل تقدري تقعدي بدون متشوفيني 😁

رؤى: بعفويه.... الصراحه اي 🙂مننكرش بس كذلك حتى ني نعرفك متقدرش بلاي صح! !!

اصيل: حاولت نغير الموضوع...... رورو اني كملت ضمي السفره وارقدي وراك مدرسه الصبح تمام???

رؤى: تمام 💔

اصيل: ارقدي ف دارك اليوم

رؤى: هههه خيرك ماهو اصلا داري ودارك وحده "!

اصيل: لا لا الدار اللي تعاركتي انتي واهلك لان متبيش تقعدي فيهاا

رؤى: علاش ☹️☹️

اصيل: حاولت نوضحلها بطريقه غير مباشره.......رؤى انتي تواا كبيره ومفروض تستقلي وتاخدي راحتك بش متضايقيش عندك خصوصياات فهمتي عليااا! !???

رؤى: اصيل 🥺 اليوم لا انت عارف مفيش حد فالحوش واني نوعيتي نخاف وعد اول ميروحوا اهلناا نمشيلها ☹️

اصيل: قربت لعندهاا وحطيت يدي ع راسهاا وكلمتهاا بصوت واطي ..... رؤى امك اتصلت وقالتلي خليهااا ف دارها 💔

رؤى: تضايقت..... قصدي خيرهااا علاش شن اللي تغيرر??!!! .... خدت نفس..... به تمااام ☹️

اصيل: هي تصبحي على خير روريتي ❤️

رؤى: وانت من اهله 😥

اصيل: قعدت مركز فيهااا هي تضايقت يعني فعلا قاعده متعلقه بيااا ومتقدرش ع فراقي 💔لكن مستحيل نقلك عاللي ف قلبي لان منبيش نخون عمتي هي معتبرتني ولدهااا وانتي اختي بس ف عيوني اني حتقعدي بنت عمي وحياتي كلها😔

👑روايـات الكاتبـة سرو👑

ثاني يوم الصبح 🔥

اصيل: قاعد جنب رؤى وهي ترعشش من اول مناضت وهي حراره ..... كيف يصيرررر 💔

رؤى: ترعش ......شفتتت والله ماكذبت عليك تعرف صقعانه بنموووت نبي بطاطين الدولاب كلهم وانشاءالله ندفى 🌚

اصيل: حاط يدي ع خدهاا نار 🔥..... تعرفي الصراحه نحسابك مدايرتهااا سيناريو بش متمشيش للمدرسه 🙂

رؤى: لافه روحها فالبطانيه.....واني حلفتلك 3مرات ان صقعااااانه 😭

اصيل: خايف عليها.... ناخدك للدكتور ?!!!

رؤى: تي مش حنقدر جمدتتت

اصيل: 🤦‍♂️

رؤى: نبي ماماا مش عاساس بنمشولهم بعد الامتحان 💔

اصيل: امتحانك اجلته كلمت الاخصائيه بتع فصلكم وقلتلهاا عندنا ضرف

رؤى: حتى انت???"!!

اصيل: كيف حنمشي ونخليك هبلتي?!!!!

رؤى: ووسيم من بيرفعه للمدرسه????

اصيل: راجل عمتي 🙂.... شويه نحطلك كمادات ميه زهر 😴

رؤى: لااااا مصقعات 💔منبي شي

اصيل: مش حاسه انك تدوي هلباا!!?????

رؤى: شاقت اصيل يحط ف ميه الزهر ف كلينكس ..... 😥

اصيل: خليتها متسطحه وحطيتهم ..... تم 👋😌

رؤى: ااااه ااش تييي ثلجج جبتهااا من القطب ولا شن ?!!!

اصيل: انتم البنات فيكم حاجه غريبه ديما تعطوا فالشي اكتر من حقه هكي دلعكم??!!!! اهدي احسنلللك كلهااا كمادات اول مره مصقعه بس بسرعه تسخن🤦‍♂️😑😑

رؤى: انت موهبتك تستفزني مندلعش اني وتاني عاساس انتم الشباب طبيعيين ومفيكم شي غريب 🤨

اصيل: 🤭🤭🤭🙄مقبوله منك رغم صغر سنك

رؤى: 👋😌🙄

👑روايـات الكاتبـة سرو👑

بعد دقائق 🔥

اصيل: نكلم ف عمتي ع هاتف..... اي الحمدلله ❤️

سميه: اي قلبي هذا وين ارتاح جاته بسيطه

اصيل: انشاءالله هذا حد السوو وبوي شن اخباره?

سميه: يسلم علييكم اهو كيف طالع شويه وبيجي ☺️قلي رورو ووسومي شن يديرو 🙈

اصيل: وسيم عند عمتي ورؤى قاعد اني وياها فالحوش 🔥

سميه: تلبكت..... استنى استني مش مفروض تكونو فالمدرسه????

اصيل: الصراحه رؤى ناضت مريضه شويه عندها حراره

سميه: في اكياس فالثلاجه خود الكيسه الحمرا هذيكا بتع الحراره ديرها ف ميه وخليها تشربهاا 💔 .... علاش مبتش تمشي مع وسيم???

اصيل: تو نعطيك تكلميهااا المهم عميمه سامحيني عطلتك ☺️

سميه: هههه لا اصولي اني اللي لازم نقلك هكي لان من يومهااا رؤى مسؤوليتك 💔وتعباتك هلبااا

اصيل: ههههههه عندك حقق تعبتنييي هبالهاا بكللل ولساانهاا اطول من طريق السريع 🌚😂بس وربي مرتااح معاهااا هي كل شي بالنسبه ليااا متخافيش عليهااا

سميه: فرحت ورجعت توترت من اخر كلام قاله .... خدت نفس وكلماته بهدوء.... اصيل?

اصيل: نعم!?

سميه: رد بالك من وخيتك منوصيش

اصيل: عمتي متوصيش حريص 💔..... خودي كلميهاا

رؤى: توتوت .... به لساني اطول من طريق السريع 😑😑

اصيل: ههههه تبي تكلمك ..... وعطيتهولها

رؤى: خدت الهاتف .... صباح الخير ماما ❤️

سميه: صباح الورد رورو شن اخبارك ?!

رؤى: الحمدلله ❤️وانتم ?!!! وجدي ☹️

سميه: الحمدلله كويسين واموره كويسه احتمال غدوه فالليل نروحوا كان مصار شي ☺️

رؤى: انشاءالله

سميه: رورو بنقلك!!!

رؤى: ايوا

سميه: ردي بالك على روحك تسمعي فيااا ??!!! امس رقدتي ف دارك زي ما وصيت!??

رؤى: خيرك ماما متعصبه اي رقدت فاها 🙄

سميه: حبيبتي ني خايفه عليك بس تعرفي الام كيف تحس

رؤى: علاش خايفه وبابا اصيل معاي يناري تعبته بيني وبينك عاجبني الجو نهبللل كان منكلماش ولا ميكلمني دقيقتين ورا بعض وهو متحملني 😂🌚

سميه: سايرتها ب مجامله..... ربي يحفظك حبيبتي ❤️ المهم متخلينيش مشغوله عليك اللي متقدريش تديريه قدامي متديريشي من ورااي لانه غلط تمام ??!!

رؤى: مامااا شن صاير معااك علاش تخوفي فيااا وحق ربي مفيش داعي للخوف اموري كويسه مش عارفه ليش مش مرتاحه لكلامك لو في شي قوليلي! !!!!!

سميه: انسي غلاي والله غر تخلطت عليااا المواضيع

رؤى: سلميلي على بابا علي ❤️

سميه: يوصل وانتي متنسيش تاخدي دوااك ☺️

رؤى: انشاءالله ...... هدرزو شويه وسكرو

اصيل: تصرفات عمتي مش مفهومه من شن خايفه??!!

👑روايـات الكاتبـة سرو👑

تسرييع بش نوصلل للاحداث 🔥

اصيل: فاااتت الايام بدون تفاصيل لانها كلهااا نفس الرووتين وقرت رؤى ونجحت ودخلت سنه ثانيه وحتى وسومي نجح ❤️طبعاا كالعاده قاعد نفس طبعي معاهاا 🔥

يوم السبت 🔥

رؤى: دخلت على اصيل وهو مشغول يدير ف كشف الدرجات مبتش تكلمه قعدت عالسرير جنبه وواضح عليهااا التفكير 😴

اصيل: مبيتش نكلمهااا لين قعدت عارفهاا تخطط ل شي معين بس ربي يعلم 😑

رؤى: تشوفله بنظرات بريئه 🌚

اصيل: رفعتلها حاجبي وشفتلها بعين وحده .... نعم رورو شن تبي 😴?!!

رؤى: وشن عرفك ان جيت نبي شي معين! !!!

اصيل: تربيتي طبيعي نعرفك هي تفضلي😁

رؤى: مدتله يديها ال2 ...... اختار وحده

اصيل: مستغرب.... علاش ?!!!

رؤى: صراحه وتحدي 😌👋

اصيل: سايرتها..... عطيني اليمين 🥰

رؤى: صراحه خل نسالك 😑

اصيل: كنتي سالتي طووول بلا جو اليدين شن سؤالك????

رؤى: اصيل اني معنديش غيرك ناخد راحتي معاه فالهدرزه لاني واثقه تفهم فيااا وبير اسراري منبيكش تفهمني غلط وسايرني بالجو ☺️

اصيل: ادخلي ف الموضوع😌👋😂

رؤى: قول بصراحه من تحب انت?!!!!!!

اصيل: بعفويه مني .... انتي 🔥

رؤى: هذه عاررفه خييرك اصيل مش قصدي هكي 🌚😂

اصيل: مالا شن??!!!

رؤى: منقصدش علياا لان عارفتك تحبني لان بنتك واختك لا لا نقصد غيري 😁

اصيل: كيف غيرك هو اصلا عمري ما فكرت ف غيرك وتاني حتى لو صار مستحيل نلقى مجال من غيرتك اللي قريب قتلت وسيم من صغره 🤭🙄

رؤى: متديرش روحك مش فاهم يعني زي بوك يحب ماما تزوجهاا وعمي يحب عمتي تزوجهااا فهمت عليا اكيد 😑

اصيل: شفتلها باستفزاز.....اي نحبك انتي 👋😌😂

رؤى: استغفر الله العظيييم مش تقلي عييب اني بنت عمك واختك وبنتك وفوقها وحده من الطالبات اللي تدرسناا نقصد حبيبه معقوله معندكش متبيش تتزوج يعني ??!!!!!😂🌚

اصيل: من امتى تفتحي ف مواضيع زي هذه 🤨🤨🤨?!!!! بروحك قلتي عيب

رؤى: وعدتني تسايرني واني وانت عادي نهدرزوا ف كل شي هكي تقلي ان نحكيلك كل شي 🙁

اصيل: به 🙄

رؤى: جاوبتي هياااا

اصيل: اني فاهم عليك بس حبيت نستمتع ب برادتك 😂اي نحب وحده متعاوديش 😁

رؤى: بجدياااات?!!! 🤭

اصيل: اي

رؤى: من هيي قليي 😁

اصيل: وشن دخلك بش تعرفيها 🌚

رؤى: تضايقت...... مبردك معش نبي نعرفهااا

اصيل: توا قوليلي ليش سالتي السؤال هذا 😑?

رؤى: نبي نعرف شن تحس الناس اللي تحب وكيف يعرفوه حب مش شي اخررر 😂

اصيل: الامر مشكووك فييه على شن تخططي ??!!!!

رؤى: بعفويه منها......متفهمنيش غلط بس انت حتشرحلي احسن من ماما لان هي عارفتها بتنط فياا وتفهمني غلط لكن انت تفهمني كويس من عيوني ❤️

اصيل: 😍🔥

رؤى: واطت عيونها.... عادي نقدر نسال غيرك لو تضايقت

اصيل: لا رورو نشرحلك عادي 🔥🔥الحب مش كلمه بس صح هي من حرفين بس ليها 2000 معنى ❤️

رؤى: سرحت ف اصيل ولمعه عيونه ولهفته بش يفهمهااا 🔥❤️

اصيل: *‌‎اللي يُحبك ميقساش عليك ،وميهملكش ، ولا حتى يمل منك ، ومستحيل يكذب عليك ،واهم شي ميتغيرش مهما عاش ظروف ، ولا يغيب ولا يخادع ،ولا يهْرب وميقعدش يتصنع اعذار بش يقنعك ره اللي يحبك مهما فات الوقت بدونك ح يحنّ، ويشتاق، ويتألم، ويصنع المستحيل بش يوصل فيك ويطمن عليك ،مزال هلبااا معاني ❤️

رؤى: 🥺☹️❤️❤️اي

اصيل: قعدت نشوفلهااا ونحكيلهااا ف كل لحظاتي معاها من لما دخلت حياتي 🔥

وكيف تعرفي روحك تحبي شخص معين لمااا يتكلم وتركزي ع كلامه وتنسي اللي معاه وتفرحي لفرحته وتزعلي لزعله ووقت يمرض تسهري بش تواسيه ووقت يصيرله موضوع تقعدي تفكري اكتررر منه وتخافي عليه ووقت يخيروك تسمعي هم الناس ولا همه هو حتختاريه بدون متفكري ❤️.... انشاءالله وصلاتك الفكره 💔

رؤى: بعفويه...... ههههه حلووو طلعت رومانسي نيالهااا اللي بتكون نصيبك بس دوختنيي كيف لما يمرض نسهر بش نواسيه واني قلللييييل نشوفه 🙂🙂🙂

اصيل: وهني الصدمه 😳..... ككككيف مننن تقصدييي رؤى!!!!!!

رؤى: تربعت عالسرير ...... اللي نحبه اني بالعكس مش زي متحكي نفرح لما نشوفه لااا نبدااا منطيقش حد يكلمه غيري 😌👋😥🙂🙂غيوره بسلامتي 🌚😁

اصيل: نضت مصدووم مش قادرر نوصف اللي ني فيه جيت قابلتهاا ..... منوووو اللي تحكييي علييييه 😡?!!

رؤى: خافت من ملامح اصيل اللي تغيرت ..... خخخ خيرك شن صااار! !!!! 😳☹️

اصيل: شذيتها من مرفقهاا بقوه وجبدتهاا ...... منووو اللي قصدتيييه تكلميي!??🤨

رؤى: متوتره.....🥺😰نبصررر خييرك سيبني ☹️

اصيل: مش نوعيتك عااارفككك متبصرييش مش قلتي اني الوحيد اللي نفهمك من عيونك ?!!!! قووووليي من هواااا اللي تحبيه ?!! 🤨

👑روايـات الكاتبـة سرو👑

رؤى: صدقنيي هو ميعرفش والله عمري مكلمته ع حجات زي هذه صدقنيي ميعرفش هو اني كله نبي نعرف شن نحس 😭...ااااه يدي وجعتنيي🥺

🕊️_‏من الطبيعي جداً إن الشخص اللي يحبك يتضايق من أتفه الأسباب اللي تعملها لأنّه شايفك ف كفّة وباقي الناس ف كفّة تانية هذا مش تملك ونكد هذا حب 🙁❤️🕊️

اصيل: حتى لو ميعرفششش نبي اسمه من هوااااا ?!!!! 😡

رؤى: معتز اللي يقرا معاي 😞

اصيل: ....... يتبع

❤️🎼اعطووا الروايه حقهاا ف التفاعلل حتى الحلقات تعتبر طويله وتنفتح للكـل ❤️اهم شي رايكم وتعليقاتكم وانشاءالله كل يوم حلقـة 🙈محلا تعليقاتكم ❤️🤲طبعا لقيت الوقت هذا انسب وقت لان ضي كيف جي وفرق ساعه ع امس بحبحو هي تستاهلوا اكتر من هكي 😚وديرو تاقات لصحباتكم خل يقروا معاكم 🙂😂....#سرو

رايكم والتوقعات ❤️🙋‍♀️

لقراءة الحلقة الرابعة من رواية ملكتني طفلة بقلم سرو : اضغط هنا 

تعديل المقال