رواية حماتي عقربة كاملة بقلم أماني خالد

رواية حماتي عقربة كاملة بقلم أماني خالد للقراءة و تحميل pdf 

لقراءة المزيد من روايات أماني خالد : اضغط هنا

رواية حماتي عقربة كاملة بقلم أماني خالد 

فصول رواية حماتي عقربة للكاتبة أماني خالد

لقراءة رواية حماتي عقربة الجزء الأول 1 بقلم أماني خالد : اضغط هنا 

لقراءة رواية حماتي عقربة الجزء الثاني 2 بقلم أماني خالد : اضغط هنا 

لقراءة رواية حماتي عقربة الجزء الثالث 3 بقلم أماني خالد : اضغط هنا 

لقراءة رواية حماتي عقربة الجزء الرابع 4 بقلم أماني خالد : اضغط هنا 

لقراءة رواية حماتي عقربة الجزء الخامس 5 بقلم أماني خالد : اضغط هنا 

لقراءة رواية حماتي عقربة الجزء السادس 6 بقلم أماني خالد : اضغط هنا 

لقراءة رواية حماتي عقربة الجزء السابع 7 بقلم أماني خالد : اضغط هنا 

لقراءة رواية حماتي عقربة الجزء الثامن 8 بقلم أماني خالد : اضغط هنا 

لقراءة رواية حماتي عقربة الجزء التاسع 9 بقلم أماني خالد : اضغط هنا 

لقراءة رواية حماتي عقربة الجزء العاشر 10 بقلم أماني خالد : اضغط هنا 

لقراءة رواية حماتي عقربة الجزء الحادي عشر 11 بقلم أماني خالد : اضغط هنا

رواية حماتي عقربة الجزء الأول بقلم أماني خالد 

لتحميل رواية حماتي عقربة pdf : اضغط هنا 

هند بنت رقيقه وهاديه امها ماتت وهي صغيره وابوها متجوز

وطبعا مش محتاجة اقولكو علي معامله مرات الاب

اتجوزت هند وهي عندها 18سنه (بعد م خلصت دبلوم )

هند كانت فاكره انها خلاص ارتاحت من مرات ابوها ومتعرفش انها وقعت في حاجة اسخم

محمد : جوز هند بكري امه وساكن في الشقه الا فوق امه عندو اخت بنت مدلعه علي الاخر متجوزه وقعدت خمس سنين عبال م خلفت عندها بنت اسمها ليان

بعد جواز هند ومحمد حياتهم كانت هاديه جدا بغض النظر عن مديقات حمات هند ليها

فاتت سنه والتانيه ومحمد بدا يزن علي هند يروحو للدكتور ويعرفو سبب التاأخير هند كانت فاهمة وعارفه كويس ان دي فكره حماتها وقالت معلش حقها بردو مهو ابنها الوحيد

الدكتور قال لمحمد ان هند مش بتخلف وفرصتها قليله جدا محمد زعل بس اتمسك بهند وقال مش مهم لما رجع محمد وامه سالته

حمات هند: هاا ي محمد الدكتور قالك اي

محمد : مش عارف يقول اي وسكت

حمات هند :متنطق قالك اي الدكتور

محمد : قال ان هند فرصتها ف الحمل ضعيفه جدا

حمات هند: انا كان قلبي حاسس ان البت دي ارض بور

محمد : قدر ربنا ي امي هنعمل اي

حمات هند : هنعمل كتير ي حبيبي هتجوز طبعا

محمد : اتجوز ع هند لي ي امي هند بنت اصول عمرها م زعلتني

حمات هند :. وبنت الاصول دي ارض بور مبتطرحش اي اصولها هتقولك ي بابا وتشيل اسمك

محمد : سكت ومتكلمش

حمات هند : انتا رااايح فين

محمد : طالع ي ماما عاوزا اي

حمات هند: طاااااالع فين ي عين امك لا ي حبيبي انتا هتبات هنا معايا مفيش طلوع مش كفايه انها مبتخلفش كمان هتطلعلها

محمد : يوووه ي امي وهي زنبها اي يعني مبتخلفش وكمان اسيبها لوحدها هو دا العدل ي ناس

حمات هند : بتعلي صوتك ع امك عشان مراتك اهئ اهئ اهئ خلاص ي خبتي ف ابني البكري ياااااااني بيزعق لامه عشان مرااااتو

محمد : ي امي انا مقصدش والله حقك عليا ي حبيبتي

حمات هند : يعني هتبات معايا

محمد : حااضر

حمات هند : ي هننننننننننننننننند انتي ي زفته الطين ي هنننننننننننننتد

طلعت هند مش شقتها الا فوق شقه حماتها : ايوه ي ماما

حمات هند : تعالي يختي اغسلي المواعين واعمليلنا لقمتين ناكلهم

هند : حاضر ي ماما

حمات هند : بصوت واطي مو يشطح ضلوعك

سمعتها هند وسكتت

دخلت هند المطبخ غسلت المواعين وعملت الاكل

انا حضرت الاكل ي ماما تعالو عشان ناكل

حمات هند : لهو انتي هتاااكلي يختي انا قولت هيطلع عندك دم وتعيطي وتزعلي انك مبتخلفيش ي ارض بور بت معندكيش دم

قامت مريم من ع الاكل

دخلت اوضتها وقفلت الباب وفضلت تعيط

يااااارب انا زنبي اي اني اتحرمت من الخلفه يعني انا عرفت وسكت ومحسيستش حد بوجعي وقولت مش هبقي مبخلفش ونكديه كمان مستكتره عليا استحمل الوجع

محمد : لي كدا ي امي بس

حمات هند : بقولك ااااي انا البت دي مش طيقاها اصلااا ويانا ي هي ي محمد

محمد: يعني اي ي امي

حمات هند : يعني ي تتجوز عليها ف ظرف يومين ياما تنسي ان ليك ام

محمد : لا لا هتجوز خلاص نقي عروسه وانا هتجوزها ع طول

وفعلا بعد يومين اتجوز محمد اتجوز بنت اصغر من هند بسنه

واتجوزها ف نفس الشقه

هند : ساكته مبتتكلمش ولا بتشتكي

محمد : متزعليش مني ي هند مكانش ينفع اقول لامي لاء

هند : هو انا عاتبتك ي محمد دا حتي انا الا فرشالك اوضنا بنفسي عشان العروسه الجديده مبروك ي محمد

محمد : سكت ومبقاش عارف يرد عليها بس شدها لحضنه عشان حس انه ظلمها

لكن كبرياء هند الا محمد كسره هو وامه منعها

هند : زقتو وقالتلو جرا اي ي عريس مش عيب عليك تسيب مراتك العروسه الجديده جوه وتحضن القديمة روح روح مبروك عليك متبوظش ليلتك دي ليله العمر

وضحكت بمراره يوووه نسيت انها مش اول مره معلش انشاء الله تبسط وتبسطت الست الوالده بجوازه الجديده الا هتجبلك ولي العهد ومتشغلش بالك بيا انا جوا ف الاوضه التانيه مش هسمعكو اصل هكون مشغوله اااااه مشغوله هكون بحسبن عليك وعلي امك الا كسرت نفسي ومقالتليش كلمة حلو من يوم م دخلت البيت دا

محمد : هند انا بح

هند :هشششششششش متكلمش عن الحب ي محمد عشان انتا متعرفوش

وسابتو مشيت

محمد ادايق بس دخل لعروسته وقضو ليله زي اي اتنين متجوزين ونسيين اليتيمة الا ملهاش ضهر ولا سند حتي جوزها رمها اول م عرف انها مش هتخلف

هند : لنفسها ابويا ومصدق رماني وامي ماتت وسابتني وجوزي حتي محاولش نروح عند دكتور تاني ولا جرب اخد علاج لااا دا يومين واتجوز يارب خدني وريحني من قهره قلبي دي وف عز وجعها وغيرتها علي جوزها سمعت جوزها بالصدفه مع ضرتها

محمد : هههههههههه تعالي هنا بس هقولك علي حاجة متخافيش

العروسه : هههههههه بس ي محمد بقي بتكسف

ناااااااااار وغيره وغضب وقهرة كسره قلب و كسره نفس

مش كفايا احساسي بالنقص اني مبخلفش كمان احساسي اني كنت بالنسباله مجرد وحدا بيقضي معاها وقت وخلاص

وتذكرت ليله زواجهما

محمد : اتفضلي ي عروسه

هند: دخلت وبصه ف الارض

محمد : تعاااالي وشدها لاوضه النوم

هند : احممم

محمد : هو الفستان دا رباط ولا سوسته

هند:.سوسته

محمد : طب م تيجي افكهولك ونختصر الوقت

هند : لا لا هفكو لوحدي

محمد : طلاق تلاته م يحصل وهفكو دلوقتي حالااا😉😉

هند : مكسوفه ووشها احمر

محمد : هند

هند : نعم

محمد : متخافيش مني

هند: ....

محمد : نزع فستانها باكملها حين فتح سوستهه

هند : اتكسفت جريت 😳😳😳

محمد : تعالي هنا ي بت متخافيش انا جوزك

ندهت هند لمحمد

محمد لو سمحت هات البرنص

محمد: حلو البرنص وسهل بردو

هند : بتقول اي

محمد: لا مبقولش ي حبيبتي خدي اهوو

خرجت هند من الحمام ولابسه برنص

محمد قرب منها وبيفتح البرنص

شهقت هند : بتعمل اي

محمد : هو الا بعمل اي هو انا جايبك افرجك ع الشقه وبغدر بيكي انتي مراتي علي فكره

هند : مش قصدي استنا ام البس اسدال ونصلي الاول

صلي محمد وهند

محمد بيقلعها الاسدال

هند ساكته ووشها ف الارض

لقت نفسها ف الهو ومحمد شايلها وحطها علي السرير

وبدأ في تقبيل شفتيه

رواية حماتي عقربة الجزء الثاني بقلم أماني خالد 

حماتي العقربه 😩البارت الثاني

نزلت هند من عند محمد جوزها ومشاعرها متلخبطه

غضب وغيره وحصره

ياااااا ي محمد للدرجادي بايعني للدرجادي مش فارق معاك وجودي خااالص اهم حاجة عندك رغبتك وبس كنت بالنسبالك مجرد جسم حلو وبس ودموعها عماله تنزل بغزاره

محمد لبس بسرعه ونزل ورا هند بس قابلته الحربايه علي السلم

حمات هند: نهارك امك اسود نازل لي

محمد : هااااا ااه نازل عشااااان عشان اااا

حمات هند : متهتهش انتا نازل ورا زفته الطين الا متتسماش صح

محمد : ي امي مهي مراتي بردو مهما حصل مراتي

حمات هند: ولااا ي محمد بلا مراتك بلا هباب هي كلمة وحدا تتطلع فوق لمراتك ومشوفكش برا باب شقتك لمده اسبوع

محمد: طب وهند

حمات هند : مالها سخاامة بتفكر فيها لي دلوقت

محمد: متجيش عليها ي امي دي يتيمة

حمات هند : شهقه يتيمه وهو انا فتحها سبيل ولا دار ايتام ليها ربنا يتولها ي عين امك يلا اطلع لمراتك انتا عريس

محمد : طالع

حمات هند : عاوزاك ترفع راسي ي واد هااا ههههههههه

محمد: عيب عليكي دنا جاااااامد اووووي هههههههههه

حمات هند: طب اطلع ي حبيبي اطلع واتمتع كدا وعاوزا عيل يوءوء ف البيت

محمد: تسع شهور بالظبط وهتلاقي الواد ف ايدك

هند كانت سامعه كل حاجة وساكته

هند: حسبي الله ونعم الوكيل فيك ي محمد ولا لااا لااا اتجوزت عليا لكن مش قادره ادعي عليك لسه بحبك وقلبي متعلق بيك وعلي اد حبي ليك غيرانه عليك والغيره قتلتني 💔💔

حمات هند : تعليلي ي زفته الطيييييين

هند : نعم ي ماما

حمات هند : سم الكلمة سم منك متقولليش ي ماما تاني انا مش امك امك ماتت ارتاحت منك وانا ربنا بلاني بيكي

هند : واقولك اي طيب

حمات هند : قوليلي ي حاجة قولي اي حاجة بس ماما لاااء انتي سااااااامعه

هند : حاضر ي حاجة

حمات هند: انجري علي المطبخ يلا اعملي حمام تلت تجواز حمام ودكر بط ورز بالخلطه ومكرونه بشاميل والحلو ام علي

هند : حاضر

دخلت هند المطبخ

وهي بتعمل الاكل

بط وحمام ورز ومكرونه وانا يوم فرحي شرطت ع مرات ابويا يجيبولي الاكل وهي اخدته وطلعت جوزين حمام لابنها منك لله ي فوزيه (حمات هند)

حسبي الله ونعم الوكيل فيكي ربنا يبتليكي من جنس عملك ويكسر قلبك زي م كسرتي قلبي اديها يارب علي اد م عملت معايا وكل الا ناويه تعمله

بعد ساعه

حمات هند : انتي ي بومه

هند: نعم ي حاجة

حمات. هند : خلصتي الاكل

هند : علي النار

دخلت حمات هند الحمام وطلعت كلور وصابون ومنظيفات ورمتهم لهند في الصاله

حمات هند: اغسلي السجاد وسخ

هند : دنا لسه غسلا من اسبوع ي حاجة

حمات هند : منتي اصلك معفنه متعرفيش النضافه

اغسلي السجاد دا دلوقتي وتطلعي تنشري ع السطح قدامك نص ساعه تكوني خلصتي عشان الاكل ميتحرقش

هند: انا كدا مش هلحق

حمات هند : عندك حق فعلا اغسلي السجاد وابقي بصي ع الاكل كل شويه ولما يستوي طلعي لجوزك وعروسته

هند : حاضر

طلعت هند السجاد وبدات تغسل

حمات هند : اي الوساخة دي اغسلي تاني

هند : دي رابع مره اغسلو مهو نضيف اهوو

حمات هند: متناقشنيش انتي هنا تغسلي وتنضيفي وبس

هند : حاضر

هند بتغسل السجاد لسادس مره وفجاءه لقت جردل ميه سقعه وهما ف عز الشتا نازل فوق دماغها

هند : لي كدا ي حاجة انتي بترشي السجاده ولا بتغرقيني دا الجو تلج

حمات هند : انا الحق عليا قولت اهو تنضفي مع السجاد

هند : تشكري ي حاجة

حمات هند : اخلصي يلا طلعي الاكل لجوزك

قامت هند بهدومها المبلوله ف غز التلج وطلعت الاكل لمحمد

فتح محمد الباب

هند : اتفضل

محمد : تسلم ايدك ي حبيبتي

هند : تأمر بحاجة تانيه

محمد : ءامر انتي بتكلميني كدا لي ي هند

هند : اكلم حضرتك ازاي يعني

محمد : ف اي ي هند

هند : هيكون ف اي م الدنيا واردي اهي مثلا جوزي باعني اول م عرف اني ممكن مخلفش ومحاولش حتي يخليني اتعالج لاء راح اتجوز بعدها بيومين يوووووووووووووومين بس يوووومين حتي مستناش واتجوزها ف شقتي ع حجتي ف اوضه نوووووومي ع سريري هو هووو انا زعلانه لي زعلانه علي اوضه نومي وشقتي وسريري مهي خدت جوزي خدت جوزي كلو ولا امك الا مقالتليش كلمة عدله من يوم م شافتني وبتزلني وتهني ولا كاني عدوتها امك الا سابتني انام ف نفس الشقه الا انتا متجوز فيها عشان تحصر قلبي هزعل ع شويه عفش ف داهيه الشقه والعفش وانتاااااا كمان ف داهيه ف داااهيه انتا وامك ي محمد منكوووووو لله منكو لله حسبي الله ونعم الوكيل فيكووووووووو

محمد اتعصب جدا لكن عذرها هي ف الاخر ست وظلمها جامد

حمات هند سمعت كلام هند

هند دخلت الاوضه التانيه وفضلت تعيط جااامد وقلبها محروق من كل الا حصل

طلعت حمات هند

حمات هند: سكتلها وسبتها تغلط ف امك وتدعي عليك وع امك اااااااه ااااه مهي شيفاك مش راجل مهي عندها حق الراجل الا بجد مراته متعليش صوتها عليه ولا تطاول ع امه

لكن انتا مش راجل خليها تركب وتدلدل وبكرا التانيه كمان هتركبك ومراتاتك هيسوقوك ي خصاره تربيتي فيك

محمد حس انو بيغلي من كلام امه ومش طايق نفسه

حمات هند : انتااااااا لسه واااااقف ي خيبتي فيك ي بني يخيبتيييييييي

محمد : دخل علي هند الاوضه ورزع الباب وراه

هند : وقفت و بصت لمحمد بجراءه مصطنعه

محمد : ضربها قلم جااااااامد ع وشها بس هند فضلت ثابته ضربها ع خدها التاني جااااامد وسك شعرها جااااامد وشدها انااااااااا ي بنت الكااااالب تعلي صوتك عليا انااااااا تشتمي امي ي بنت ال ...........................محدش هيلحقك مني ي هند

وفضل يضرب فيها وراح مطلع الحذام بتاعه وضربها بالحذام وهند ساكته مبتنطقش وجسمها كلو دم وازرق

خرج محمد وساب هند ف الاوضه

تاني يوم حمات هند استنت هند تنزل منزلتش سابتها في قهرتها تالت يوم جي حمات هند ادايقت اووووي وفضلت تنادي ع هند وهند مرضتش

محمد حتي مكلفش نفسه يخش يسال عليها

طلعت حمات هند خبطت

فتح محمد

حمات هند : زفته الطين فيييييين

محمد : معرفش مخرجتش من يوميها وانا مبصتش عليها

حمات هند : بنت الكلب انا هخش اجيبها من شعرها

فتحت حمات هند الباب لقت هند زي م هي من ساعه العلقه

دخلت بكل جبروت شدتها من شعرها وهي مرميه في الارض

بترفع راسها لقت جسمها بارد ومزرق وشفايفها زرقه كانها ميته

حمات هند : محممممممممد الحق هند ماتت

محمد : بخضه اااااي هند هند حبيبتي ي هندددددد

شالها محمد بيجري عشان يوديها المستشفي

حمات هند : استني انتا رايح فين

محمد : بزعيق هاخد مراتي مراااااتي بتمووووت

حمات هند: انتا اهبل يلااا عاوز توديها لمستشفي عشان يقولو مين عمل فيها كداااا ويسجنوك

محمد : ميسجنوني ولا اولع منا استااااهل انا الا عملت فيهااااا كداااااا

وجري علي المستشفي

وفضل يصرخ حد يلحقني بسرعه

جي دكتور هاتها بسرعه

الدكتور بعد م عملها اشعه وتحاليل

مين الحيووووووان الا عمل فيها كداااااا

محمد : ساكت

الدكتور : انتا جوزها

محمد : ايوه

الدكتور : نتا الا عملت فيها كداا

محمد: هي عامله اي بس اهم حاجة

الدكتور: لا حاجة بسيطه خالص المدام حامل ف شهرين ونزل ومضروبه وعندها كدمات وكسور ف جسمها دا غير ضعفها دي بقالها كام يوم ف الحاله دي دي المفروض كانت ماتت اصلا دي عايشه بمعجزه

محمد : حاااااااامل حامل ازاي

الدكتور : هو دا الا هامك انا هعمل محضر حالا

رواية حماتي عقربة الجزء الثالث بقلم أماني خالد 

بعد م محمد عرف ان هند كانت حامل وسقطت بسبب شغل البيت الزايد عليها والعلقه الا ضربهالها كان في صدمة جامده لكن (عمر) الدكتور عمل محضر وجت الشرطه اخدت محمد

راحت جري فوزيه لبنها

فوزيه : بصريخ ابني ابني اتسجن يلااااااهوي ي ندي ي نديييييي

ندي(العروسه الجديده): ايوه ي حاجة

فوزيه: جوزك اتسجن بسبب الا متتسماش البسي بسرعه عشان نروحله

ندي: اروح فين اروح قسم هو انتو جايبني عشان تمرمطوني ف اقسام لا ي حاجة انا مش وش كدا

فوزيه : يعني اي يعني هتسيبي جوزك ف السجن لوحدو

ندي: شهقه امال اتسجن معا ولا الف ف الاقسام عليه وبعدين دا حتي فال وحش عليا انا لسه عروسه جديده

فوزيه : لبست وجريت ع ابنها

ندي : اي العيله الزباله دي قال عاوزاني اروح اقسام قال ودخلت اوضتها وطلعت الاكل وكلت واتفرجت علي التلفزيون

فوزيه وصلت القسم عند محمد ومعاها المحامي

وسالت هليه لاقيته جوا عند وكيل النيابه دخل المحامي

بعد نص ساعه خرج محمد والمحامي

فوزيه : جريت علي ابنها ي حبيبي يابني واخدينك ع فين

المحامي : هيتعرض بكرا ع النائب العام متخافيش هطلعو منها ف طريقه وحدا

فوزيه بلهفه اي هي

المحامي: يقول ان مراتو كانت ع علاقه بواحد وهو عرف الا بينهم وحب يربيها وساعتها هيطلع منها زي الشعره من العجينه

فوزيه : دون تردد ايوه موافقه اعمل كداااا بسرعه انا قلبي واكلني علي ابني اوووي

_____________________

عند هند في المستشفي

هند نايمة ودكتور عمر قاعد جنبها ومركز ف ملامحها

عمر: اي القمر دا ملامحك بريئه اوووي كانك طفله نايمه مين الحمار الا يعمل كدا ف ملاك زيك

فتحت هند عنيها

الدكتور : حمدالله ع سلامتك ي ملاك

هند : بصوت ضعيف ومبحوح

انا فين. ومين جابني هنا

عمر: انتي هنا ف المستشفي والا جابك هو الا عمل فيكي كدا جوزك وانا بقي اسمي عمر الدكتور بتاعك

هند افتكرت كل الا حصل وقسوه محمد وتعذيبه ليها

ودخلت ف نوبه بكاء شديده

عمر: لا لا متعيطيش

ممكن تحكيلي كل حاجة

هند : ولو حكيت يعني ف حاجة هتتغير وشقهاتها بتعلي

عمر: ممكن تهدي وتحكيلي مالك

هند : قصت عليه حكايتها باكملها منذ ماتت امها مرورا بمعامله زوجه ابيها وزواجها من محمد ومعامله امه وزواجه عليها ومعامله حماتها وضرب محمد

هند: لحد م حسيت ان الدنيا سودا ومش حسا بضرب وصحيت لقيتني هنا

عمر: وقد دمعت عيناه يااااااا كل دا استحملتي ي هند

هند : لازم استحمل هو انا ليا غيرهم هروح فين ولا لمين مانا ابويا ومراته راموني ومليش حد ف الدنيا غير محمد

عمر: انتي طيبه اووووي ي هند

هند : ربنا يخليك ي دكتور هو محمد فين

هنا جأها الرد ولكن من فوزيه

فوزيه : صحيتي ي سنيوره اخيرا يختي سيبي الدلع دا للابيخلفو مش للازيك

عمر: انتي ي ست انتي عاوزا منها اي

فوزيه: لحقتي ي بت علقتي الدكتور كمان

عمر: احترمي نفسك ي ست انتي بدل م اقسم بالله اخليهم يرموكي برا

وع فكره مدام هند محتاجة الراحة دي لسه مسقطه مش ارض بور

فوزيه : اااااااااي مسقطه ازاااااااي دي مبتخلفش

عمر بنرفزه : لاء بتخلف ي حاجة بتخلف والجنين نزل

صدمة حلت ع فوزيها وخلتها وقعت من طولها

عمر : ف داهيه

هند : ممكن تشيلها وتكشف عليها

عمر : انتي بعد دا كلو بتحني عليها

هند : معلش دي زي امي بردو

هند صحيح مبتحبش فوزيه ولا بتقبلها من عمايلها لكن قلبها ميطاوعهاش تسيبها كدا مهما كانت ست كبيره

عمر : لنفسه ملاك والله ملاك وبنت اصول

______________________

المحامي : انتا هتقول انها كانت بعلاقه بشاب وانتا كشفتها وضربتها عشان تطلع منها

محمد : عاوزني ادمر سمعت مراتي عشان اخرج دا يستحيييل ابداااا

حمات هند: لا ممكن عشان ابنك يتربي بين ابوه وامه ولا عاوزه يجي مليلاقيش ابوه

محمد : ابني مين

فوزيه: ابنك وابن ندي ندي حااااامل

محمد : بس احنا مبقالناش غير اسبوع بس

فوزيه : اااا اه اه مهو بيبان ف تحليل الدم

محمد : بجد ي امي اخيرااا هبقي اب

المحامي : هااااا اتفقنا

محمد : سكت شويه وقاله اتفقنا

__________________________

عند هند ف المستشفي

عمر راح يطمن ع هند

عمر:صباح الخير

هند : صباح النور ي دكتور

عمر: الجميل اخباره اي دلوقت

هند : الحمدلله هو انا مبتحركش ي دكتور

عمر : عشان اتعرضتي لاذاء جااامد وكمان سقطتي كانو تؤام ع فكره

هند : الحمدلله مجوش ع الدنيا وعنيها رغرغت بالدموع

كانو هيتمرمطو هما وامهم اكتر

عمر : انتي مستحملا ي هند

هند: تاني ي دكتور م قولتلك مليش غيرهم

عمر : انتي ممكن تطلقي وتشتغلي وتصرفي ع نفسك

هند: انا ي دكتور متعلمتش هشتغل اي مين هيرضي يشغل واحدا جاهله عنده

______________________

اتعرضت قضيه محمد وفعلا قال المحامي ومحمد ان هند كانت ع علاقه بواحد وجوزها كشفها وضربها

وطلع محمد من السجن

فوزيه: ندي ندي

ندي: ي نعم ف اي

فوزيه : يختي مالك شده حيلك عليا لي دنا جيالك بمصلحة

ندي: هو انتي يجي منك مصالحك قولي ارغي

فوزيه : انا قولت لمحمد انك حامل

ندي: انتي بتخرفي ي وليه انتي حامل ازاي انتي عاوزا توديني ف داهيه ولا اي

فوزيه: يختي اسمعي كلامي وهتكسبي

ندي : ام نشوف اخرتها اي معاكي ي وليه انتي

بس ام يقولي نروح لدكتور هعمل اي

فوزيه : لااااا دي سيبها عليها انا هبعتك لدكتور تبعي هيظبط الدنياااا

كده عدي اسبوع وهند ف المستشفي قبل خروج هند

عمر راح لهند متنرفز : هوووووو داااا الا بتدافعي عنه هو امه قالو ف النيابه انك ع علاقه بواحد عشان هو يطلع براءه انتي اي ي شيخة لسه فابله ع نفسك انك تعيشي مع واحد اتجوز عليكي وطلعك خاينه ف نظر الدنيا عشان يطلع براءه

هند : بهدوء محمد قال عليا كدا قال اني خنته

عمر: وهو قد فقد اعصابه ااااااه قال عليكي كدا وخدي الكبيره بقي الاستاذ خرج بقالو يومين ومجاش سال عليكي ولا حد سال هتخرجي امتي حتي هتروحيله بردو

هند :دكتور عمر ممكن اطلب منك طلب

عمر : اتفضلي

هند : عاوزا شغل ومكان اعيش فيه

عمر : دلوقتي صعب

هند : اتنهدت وسكتت يبقي مقداميش غير محمد وامه

عمر: لا طبعا انا بقولك صعب عشان انتي لسه تعبانه مينفعش تشتغلي تقوليلي تروحي لمحمد

هند : لا معلش شوفلي بس شغل وانا هبقي كويسه

عمر : حاضر

بعد بكرا هكتبلك خروج اكون ظبطلك شغلانه كويسه ومكان بس مش تطلبي الطلاق الاول

هند : ومين قال اني عاوزا اطلق

عمر: نعم😳😳😳😳

البارت خلص ي بنوتات وياريت تفااااااعل حلو ي حبايي

رواية حماتي عقربة الجزء الرابع بقلم أماني خالد 

هند: ايوه ي دكتور انا مش عاوزا اطلق دلوقت انا هعيش لوحدي لحد م ربنا يرجعلي حقي واطلق

عمر: وانتي حقك هيرجعلك ازاي بقي اان شاء الله

هند : متستعجلش ي دكتور

عمر: الا يريحك ي هند عن ازنك

هند : فضلت طول الليل تحسبن علي محمد وفوزيه وندي وصلت الفجر ودعت عليهم ونامت

تاني يوم

________________&_&____

خبط. جاااااااااامد علي باب فوزيه

فوزيه : يووه متستني يالي بتخبط ف اي

نورا : بعياط ووشها. وارم ومتبهدله مااااامااااا وبتحضن امها

فوزيه : يلااااهوي مالك ي. قلب. امك ماااالك مين عمل فيكي كدا.

نورا : 😭😭😭😭😭 ابراهيم ابراهيم ي ماما ضربني وخد بنتي. مني وقالي انو هيطلقني ويتجوز

فوزيه : لييي فكرك ملكيش اهل يقفولو ولا اي

تعالي ي قلب امك وانا هربيهولك بيمد ايدو ع بنتي انا دنا اقطعهالو هو اتجنن ولا اي

فوزيه بصت ع جروح بنتها

نورا: ااااااه ي ماما براحة مش قادره😭😭

فوزيه : والله لجبلك حقك مهو جوزك دا مش راجل عشان بيمد ايده علي مراته

محمد : وحس انه قليل ع الا عمله مع هند

طب منا لما سكت لمراتي قولتيلي اضربها عشان ابقي راجل ي اما

فوزيه : ااااا االا لا دي حاجة ودي حاجة انتا لازم تروح لجوز اختك ومسكتلوش لازم تاخد حق اختك الا ضربها

محمد: بص لنفسه بخزي وهو انا هروح الوم جوز اختي ع الا انا عملتو مع مراتي

فوزيه : مراتي مراتي طلقها وريحنا بقي

ندي: ايوه صح طلقها ي محمد انا مش عاوزا اعيش مع ضره

محمد: انتي تخرصي خاااالص

ندي: اهئ اهئ طبعا م كلو من كلام امك الا بتقويك عليا وانا لسه عروسه

فوزيه اتعصبت وقبل م ترد كان ضرب ندي ع وشها

ندي عملت انها بيغم عليها ومسكت بطنها

محمد خاف ع ابنه ليخصره وراح ورا ندي جري عشان يصالحها

فوزيه : بت ي نورا بكرا هروح لجوزك انا امسح بكرامته الاسفلت بس صحيح هو عمل كدا لي

نورا : اااااا هاااا لا ي ماما معرفش وعيطت بيفتري عليا يماما

تاني يوم الصبح

راحت فوزيه عند ابراهيم الا شغال مهندس مدني

فوزيه : ابراااااهيم

ابراهيم : ي نعم جايه لي

فوزيه : لا دانتا هبت منك ع الاخر بتعاملني كدااا فين ايام زمان كنت ناقص تبوس رجلي

ابراهيم : زماااااان ايام م كنت مغفل وبيضحك عليا كنت بحترمك واقول واخد وحدا محترمة من بيت محترم لكن البيت طلع وسخ زي الا خارجة منه بالظبط

فوزيه : ضربت ابراهيم ع وشه بالقلم جامد وسط الناس

ابراهيم : بعصبيه وصوت عاااااالي مش هرد عليكي عشان انتي ست كبيره لكن وحياات امي ي فوزيه لوقف حال بنتك لا هتبقي مطلقه ولا متجوزا وبنتها مش هتشوفها عشان متطلعش زيها وهتجوز وهزلكو ي عيله زباله انا الا غلطان مستنضفتش من الاول روحي ربي بنتك وتعالي اتكلمي دانتي وليه بجحة

فوزيه ماشيه بتغلي

قصدو اي بالكلام الا قاله دا ع بنتي ماشي ي ابراهيم

______________________

ام عند هند ف المستشفي

هند اتحسنت كتير جدا وبقي عندها عزيمة تبدا من جديد

عمر: لا اتحسنا كتيييير جدا اي الهمة دي كلها

هند : قررت ابدا من جديد انا هطلق لكن هخلي هو الا يطلقني

عمر: مش فاهمك

هند: زي م حضرتك شوفت حماتي ست شرانيه لما هتعرف اني سيبت البيت م هتصدق تخليني اطلق وتزن ع محمد ومحمد ماشي بمشوره امه وهيطلقني

عمر: حاسس ف كلامك بقوه مشوفتهاش فيكي من ساعه م شوفتك ولا ف الا حكيتهولي.

هند: القوه ي دكتور مش بالدراع انا قوتي ربنا هو المنتقم الجبار وحسبي الله ونعم الوكيل دي بمليون انتقام انا هقعد واتفرج ربنا هياخدلي حقي ازاي دنيا واخره

عمر: عال عال دحنا بقينا شعره كمان

هند : ولا شعره ولا حاجة الدنيا ياما بتعلم ي دكتور

مشي عمر وهو فرحان مش لان هند هتطلق لا عشان بتحاول تتغلب ع الا هي فيه

عمر: الو مينا حبيبي ازيك

مينا : تمام ي برنس اخبارك

عمر: بخير ي حبيبي بس كنت عاوزك ف خدمة

مينا : ءامر

عمر: عاوز شغل لبنت صغيره عشرين سنه ويمون مرتبه حلو كدا ومش عاوز حد يدايقها

مينا : هي غمزت ولا اي

عمر: بس ي لمض الموضوع مش زي م انتا فاهم دا موضوع هحكيهولك لما اشوفك

مينا : تمام كدا كدا ف شغلانه قدامي ف مطعم ف مدينه نصر وهوصي عليها محدش يدايقها ومرتبها 3الاف

عمر: كويس اوي

مينا : خليها تيجي بكرا وهدربها ع الشغل

عمر : دا تمام اوي

وخلصو المكالمة

عمر راح لهند عشان يبلغها

عمر خبط ع الباب

هند : ادخل

عمر: انا لقيتلك شغل ف مصر الجديده عند مدينه نصر كدا ب 3 الاف ف الشهر دا غير التبس والحوافز

هند : بجد ي دكتور عمر انا متشكره جدااااا

__________________&&_

تاني يوم جي

وهند صحيت بدري وحضرت حجاتها عشان تمشي

عمر بيخبط

هتد : اتفضل

عمر : ياا انتي لبستي دنا قولت انك لسه نايمه قولت اجي اصحيكي

هند : لا ي دكتور دنا مصدقت همشي بقالي عشر تيام متحركتش او اكتر

عمر: تمام ي هند انا هاخد الشنطه دي وهستناكي تحت ف العربيه بتاعتي عشان اوديكي ارفعي راسي

هند: باذن الله ي استاذ عمر هكون عند حسن ظنك

نزل عمر ونزلت هند ذات الملابس البسيطه جدا

تقريبا هدومها لونها بهتان ومبهدله

ركبت هند مع عمر وطول الطريق هند بتفكر ف الا حصلها وبتحمد ربنا انه وقفلها واحد زي دكتور عمر ف حياتها لولا كان زمانها راجعه ع بيت محمد للاهانه تاني

وصل عمر وهند ع محل .... الا لي فروع ف كل حته

عمر بصي احنا وصلتا خلاص بس مستني مينا صاحبي شغال هنا منجير

هند : شغال اي😅

عمر: مدير الفرع

هند: ااااااه معلش ي دكتور عمر انا مش بعرف انجليزي

عمر : عادي بكرا تتعلمي ي هند انتي شاطره وهتتعلمي بسرعه

هند: ربنا يخليك ي دكتور عمر

عمر : اهو مينا جي اهو

سلم عمر ومينا ع بعض جاااامد جدا

عمر: دي ي سيدي هند الا قولتلك هتشتغل هنا

مينا :اممممممم وانتي معاكي اي ي هند

هند: بحرج لا انا معايه اعداديه بس حضرتك

عمر بص لمينا بمعني متحرجهاش اكتر من كدااا

مينا : تمام ي هند تعالي معايا اعرفك ع الشغل وزمايلك

هند دخلت واتعرفت عليهم وبدا واحد اسمو محسن يدربها

___________________

ام عند فوزيه الا معرفتش تنام طول الليل من كلام ابراهيم ليها

الصبح طلع وفوزيه قامت حضرت فطار لبنتها ودخلت تصيحها لقتها بتكلم حد وبتضحك بمياصه

واول م حست بفوزيه قفلت وعملت نفسها مبتكلمش حد

فوزيه : بشك كنتي بتكلمي مين ي نورا

نورا :هااااالا ي ماما مبكلمش حد خالص

فوزيه : طب قومي حضرت الفطار قومي كلي يلا

نورا : مقولتليش ي ماما ابراهيم قالك اي

فوزيه : هو انتي متاكده ان ابراهيم قلب عليكي منه لنفسه كدا بس مش مقتنعه يعني ان ابراهيم الا كان خاتم ف صباعك يعمل كدا ي نورا

نورا : وانا يعني هعمل اي ي ماما لا هو لوحدو

رواية حماتي عقربة الجزء الخامس للكاتبة أماني خالد 

بعد م ابتدت هند ف التدريب علي الشغل خلص اليوم وعمر بيتابعها ومسبهاش ثانيه

مينا : جرا اي ي سي رميو مالك حته بت زي دي تتوهك كدا

عمر: بعصبيه

جرا اي انتا ي مينا مالها هند بتكلم عليها لي كدا اصلا والله مش زنبها انها فقيره رغم فقرها الا انها انضف مليون مره من كل الا اعرفهم وحدا مكانها كانت عملت اي حاجة غلط ولا حتي خدت حقها من جوزها وحماتها لكن دي انسانه نضيفه حتي حقها فوضت امرها لربنا فيه

مينا: خلاص ي عم مقصدش ازعلك متتحمقش اووي كدا

عمر: مينا هتخلي بالك منها ولا اخدها وامشي

مينا : ي عم انا مبكرهاش بس متنفعكش ي عمر انتا ناسي انتا بن مين مش معني انك بتصمم تشتغل ف مستشفيات الحكومة وتتكفل بالحالات انك تنسي انتا مين انتا ابوك اكبر جراح ف البلد كلها

عمر : مينا افل الموضوع دا دلوقت انا مش ناقص

مينا: ماشي ي صحبي

انتهي يوم عمل هند

عمر: هاااا ي هند الشغل حلو عجبك

هند : الحمدلله ي دكتور عمر

عمر: مش هتبطلي دكتور دي

هند: بص ي دكتور حضرتك مهما عاملتني كويس هفضل انا هند الغلبانه وحضرتك دكتور عمر الناس مقمات ي دكتور بردو

عمر: لي بتفكري كدا ي هند

هند : مش انا ي دكتور الا بفكر الناس كلها بتفكر كدا

_______________________

فوزيه قاعده بتغلي من شكها ف بنتها

وقررت تتصنت ع بنتها وتعرف بتكلم مين

اتسحبت فوزيه براحة ووقفت ورا باب اوضه نورا

نورا : هيهيهيهيهيهيهيهيهيهي ي قليل الادب

المتصل: ...............

نورا : لاء بقي مش هقابلك تاني كفايه عليك كدااا

المتصل.......................

نورا: هيهيهيهي حالتك صعبه اوووووي

المتصل: ............

نورا: م كفايا بقي اخر مره جوزي عرف وسايبني عند امي

المتصل: .......

نورا: لا طبعا مقولتش حاجة لحد

فوزيه لنفسها: ي بنت الكلاب ي فاجره

ومشيت منغير م تكلم نورا

اما عند محمد

محمد : وحشتيني اوي ي هند نفسي اروح اشوفك ربنا يسامحك ي امي انتي الا منعاني منها

ندي بدلع: محمد😉

محمد: نعم

ندي: عاوزا فلوس

محمد: فلوس اي ي ندي هتجيبي اي خروج ومبنخرجش وانتي لسه عروسه عندك هدوم ومكياجات وكل حاجة عاوزا فلوس لي

ندي: اصل لازم نروح للدكتور ي محمد واتابع ابني ولا عاوزو يموت زي بن هند

محمد : خاف اول م فكر انه هيخصر ابنه لتاني مره

محمد : هنروح ي هند هنروح

ندي : هنننننننننند مين ي محمد اااااااه انتا معايا هنا وقلبك مع ست هند

محمد: ذله لسان ي ندي

ندي: اااااه مهو الا ف قلبك طلع ع لسانك

محمد : مخلاص بقي ي هند هو زن وخلاص

محمد ف اول م اتجوز ندي كان مبسوط وحاسس نفسه عريس وعايش حياته بعد كدا بدا شعوره بالندم والحصره يكبر

مر يوم والتاني والتالت واسبوع

محمد: ماما

فوزيه: اي ي حبيبي

محمد: اروح بقي اجيب هند حرام ي اما دي مرميه ف مستشفي لوحدها

فوزيه: تصدق صعبت عليا ااااه ياااااني ع قلبي الطيب دا خلاص روح جيبها وادفعلها مصريف المستشفي بس تخصمها من اكلها وشربها لحد م تسدهم وانا هدورلها ع شغلانه كدا ف وحدا ست هانم اد الدنيا محتاجة حد يغسلها ويكنس ويعملها الاكل هبقي اوديلها هند وتاخد ارشين اهو نستنفع بيها

محمد: لا بقي كدا حرام حرااااام

فوزيه : حرمت عليك عشتك ي محمد جراااااااا اي هو انا باجي عليها دي قويه ومبعرفش اخد منها حق ولا باطل

محمد: هند اخر وحدا يتقال عليها كدا وانتي عارفه

فوزيه : طب ي حيله امك اهي عندك روحلها

وبالفعل راح محمد عند هند المستشفي وعرف من التمريض ان هند مشيت من اسبوع

محمد ادايق اوي وحس انه ضيعها خلاص

اما هند ف قفلت صفحة محمد وفوزيه من حياتها خالص وقررت تبدا من جديد

وفضل الوضع كما هو عليه لمده اربع شهور

هند بقت متمرسه جدا ف شغلها راتبها بتقسمه نصين نص تدفع بيه ايجار اوضه ع السطوح ومواصلاتها والباقي تاكل بيه والنص التاني مقسما ربعين ربع بتشيلو للزمن والربع التاني بدفعه لدار ايتام ع اول الشارع

طبعا لقله الفلوس جدا هند مكانتش بتاكل تقريبا غير وجبه واحده وخست اكتر وتعبها زاد

عمر كان بيطمن ع هند كل مده لانه دايما كانت بتصده وقالت انها مش من مستواه لحد م عمر طلب منها انه يكلمها كل فتره عشان يطمن عليها

ف يوم هند كانت ف الشغل و طلبت من مينا تاخد شفتين

مينا: اوكي ي هند بس دا غلط ع صحتك عمر موصيني عليكي جدا

هند: متقلقش ي مستر انا كويسه هنسي اي حاجة بالشغل

مينا: هند انتي عارفه ان شيفت كلو شباب وهتتعرضي لمدايقات

هند: سيبها ع الله ي مستر

مينا : تمام ي هند خدي شفتين وهديكي راحة تنامي ساعتين

هند : كتر الف خيرك ي مستر

مينا: هند لو محتاجة فلوس انا موجود وممكن اديهملك مش لازم تشتغلي شيفتين

هند: هو حضرتك فاكر انا بعمل كدا عشان الفلوس

مينا: اما هتهلكي نفسك لي مع ان مستغرب ازاي 3الاف مش مكفينك لوحدك

هند: دي فلوس صحاب نصيبهم ي مستر عن ازنك

مينا استغرب هند جدا وقرر يقول لعمر الا بيخاف ع هند كأنه ابوها

هند فعلا واصلت الشيفتين حتي منغير راحة وجي التيم الجديد الا كلو ولاد وبدات هند تعاني من مدايقاتهم ونظراتهم ليها

مصطفي : هند نزلي الاوردر لطربيزه 73 ف الصاله الا تحت

خدت هند الاوردر ونزلت

هند : اتفضل ي فندم اوردر حضرتك

هنا تفاجاءت

ابراهيم

ابراهيم : ازيك ي هند انتي بتعملي اي هنا

هند : سكتت شويه وقالتلو هقولك بس متقولش لمحمد ولا نورا ولا طبعا حماتي

ابراهيم : هقولهم ازاي هو انا بشوفهم

هند: ازاي ي ابراهيم انتا منعت نورا تروح لحماتي ولا اي

ابراهيم : هو انتي ي بنتي مش عايشه معاهم ولا اي

هند : لا

ابراهيم : نعم بجد

هند : ايوه

وقصت له هند كل م حدث

ابراهيم : اعوذ بالله منها حماتي دي وليه عقربه

هند : بس انتا ازاي متعرفش ي ابراهيم

ابراهيم: ي بنتي انا خلاص سبت نورا

هند: طلقتها

ابراهيم : لا سيبتها بس وخدت البنت معايا

هند : حرام عليك ي ابراهيم دا مهما كانت امها

قص عليها ابراهيم ان نورا تتحدث مع الشباب علي النت و علاقتها الرخيصه معهم

هند : سرحت

ابراهيم : انا عارف انتي بتفكري ف اي وعندك حق زنب ناس بتخلصه ناس والا عملتو معاكي حماتي وابنها طلع عليهم ف بنتهم

اطلقي ي هند انتي تستاهلي عيشه احسن من دي

هنا جاءها رد من الخلف

اااااااه طبعا ي هند اسمعي بنصيحة الاستاذ الا بقالك ساعه سايبه شغلك وبتحكي معااااااا

هند : دكتور عمر دا دااا دا ابراهيم

ابراهيم : هو دا الدكتور الا ساعدك ي هند

عمر: ماشاء الله كمان لحقتي حكيتيلو عني

ف الوقت دا كان محمد بيفكر ودموعه كهطول المطر الغذير علي ما فعله ف هند وكيف خسرها للابد ❤❤❤❤❤❤❤❤البارت خلص ي بنات واتمني البارت يكون عجبكو حبيباتي هخلي النوفيلا عشر بارتات ونبقي قسمنا الدنيا نصين

رواية حماتي عقربة الجزء السادس كامل مكتوب والتحميل pdf بقلم أماني خالد 

حماتي عقربه ❤🙊البارت السادس

ابراهيم : ف اي ي دكتور عمر انتا بتكلمها كدا لي
عمر: وانتا مين عشان تسالني اصلا اكلمها زي منا عاوز
ابراهيم : لي اشترتها عشان تتحكم فيها كدااا
عمر: وانتا ماااااالك
هنا جيه مينا لما عرف ان صوتهم عالي ودا هيأثر ع سمعه المكان
مينا : عمر اهدي لو سمحت محصلش حاجة
عمر: لا حصل حصل ي مينا البيه واقف عمال يسبل للهانم وهي عاااااااااااادي
هند بكسره: هي دي فكرتك ي دكتور عمر عني اني اعمل كدا ليك حق منا استاهل ع العموم كتر الف خيرك ي دكتور ع الا عملتو معايا وكفايه لحد كدا
وراحت غيرت لبس الشغل ولبست هدومها ومشيت
ومشي وراها ابراهيم
ابراهيم: هنننند استني ي هند
هند: نعم ي بشمهندس
ابراهيم : انا انا اااسف ان كل دا حصل بسببي ي هند بس انتي كنتي وحشاني جدا
هند بصتله بصدمة
ابراهيم : قصدي اننا كنا قرايب وزي بعض ضحايا حماتنا العقربه
هند ضحكت غصب عنها
ابراهيم : بتوهان ضحكتك حلوه اوي
هند : ..... 😲😳😳
ابراهيم حط ايدو ورا دماغو من الاحراج وقال ف نفسه : ينهار اسوح اي الا انا بقولو دااا البت هتافش
هند: انا همشي بقي عاوز حاجة ي بشمهندس
ابراهيم: طب انتي ساكنه فين
هند: وهو يصح بردو ي بشمهندس وحدا بعيد عن جوزها تقول لراجل ف حكم المطلق ساكنه فين
ابراهيم : لا لا والله م اقصد ي هند
هند : عن ازن حضرتك
ومشيت هند
_______________
عند عمر ف مكتب مينا
مينا: انا متخيلتش انك ف سنك دا هتعمل كدا انتا اي اتهبلت ي عمر بتتخانق مع الراجل عشان هند
عمر: واتخانق مع الدنيا كلها عشانها ي مينا حتي انتا كمان ممكن اتخانق معاك عشانها
مينا: للدرجادي ي صحبي عاوز تخصرني عشان وحدا
عمر: وعينه لمعت بالدموع مش اي وحدا ي مينا دي مختلفه دي ميكس طيبه وبراءه وحنيه وجدعنه واحترام حاجة كدا مختلفه
مينا : مبتحبهاش ي عمر
عمر: لا بحبهاااا بحبها اووي اووي ي مينا
مينا وانا بقولك مبتحبهاش انتا متعاطف مع حالتها
عمر : هو انتا قلبي ي اخي عشان تحكم بحبها ولا لاء
مينا: لا ي عمر انا مش قلبك انا صحبك الا حافظك وفاهمك اكتر من نفسك والظروف الا مريت بيها مع مرات ابوك هي الا خلتك تحن لهند
عمر: مينااااااااا السيره دي لو فتحتها تاااااني اعتبر اني معرفكش
مينا: خايف من المواجهه لي ي عمر
عمر : اسكت
مينا : لا مش هسكت الا لما تفوق لنفسك
عمر ولكم مينا علي وجهه بشده وذهب
مينا: ودا اكبر دليل انك مش بتحبها ي عمر
________________________


عند العقربه
فوزيه: قومي ي ندي اطفي ع الاكل
ندي: لي وانتي اتشليني
فوزيه : احترمي نفسك ي بت انا سكتلك كتير
ندي : مسكتيش من جمال عيوني ي حبيبتي انتي سكتي عشان انا الكارت الا تحرقي بيه هند
فوزيه : وهند غارت اتلمي بقي بدل م خليكي تحصليها
ندي : مبقاش الا انتي ي كركوبه الا هتهديديني
فوزيه : كركوبه ي قليله الربايه وحدفتها بالشبشب
دوي صرااااخ ف المنزل نزل ع اثره محمد
محمد : ف اي
ندي: اااااااااه بطني بطني ي محمد امك عاوزا تسقطني عاوزا تعمل فيا الا عملتو مع هند منك لله لي كدا مش عاوزا تشوفي حفيدك لي
محمد: بص لامه بزعل وقهره
ندي: اااه براحة ي محمد شيلني مش قادره امشي
شال محمد ندي ومشي
فوزيه : ي بنت الكهينه كلت بعقل الواد حلاوه وهي ولا حامل ولا نيله
ندي : بعياط مصطنع انا خايفه ع ابني ي محمد
محمد : متخافيش ي ندي
ندي : بدلع مالك ي محمد بعدت عني لي دحنا لسه عرسان حتي
محمد : ندي انا مش طايق نفسي سيبني
ومشي وطلع برا الاوضه

_________&&&__&_$"__
هند سابت الشغل وعمر بيحاول يوصلها
وبيتصل بيها مش بترد عليه
بعد اسبوع كمان عمر حسن انه مخنوق ومحتاج يشوف هند لكن خاف يروحلها لتصدو اكتر
هند كانت بتروح دايما لدار الايتام وتقعد مع الاطفال
هند وحاضنه طفله عندها سبع سنين ويجلس حولها الايتام بمختلف اعمارهم واشكالهم
البنت : طنط هند ممكن تحكيلنا حكايه
هند حاضر ي حبيبتي
هند: كان ياما كان م يحل الكلام الا بذكر النبي عليه الصلاه والسلام
رد الاولاد: عليه الصلاه والسلام
من 14سنه كان ف راجل فقير اسمه صلاح صلاح حب جارتهم نعمه واتجوزها وهي صغيره عندها 15سنه واول م اتجوزو نعمه حملت ف نونو صغير
وبعد تسع شهور النونو جيه وسموها هند
من فقر صلاح كان بيخلي نعمه تشتغل ف البيوت عشان يعرفو ياكلو وياكلو بنتهم وسنه ورا التانيه نعمه صحتها قلت وبدات تخس اوي ومحدش بقي يرضي يشغلها عنده
صلاح ادايق اوي وبقي يحسسها بعجزها وانها خلاص ملهاش لازمة لحد م جي يوم وراحت نعمه المستشفي تكشف عشان تخف وترجع تشتغل وصلاح يبطل يدايقها بس نعمه عرفت انها مريضه سرطان ف المرحله الاخيره كان عندها سرطان دم والدكتور قالها ان قدامها بالكتير سنه
هند بنتها كان عندها ست سنين ساعتها فضلت تحضن فيها وتبوسها وقررت نعمه تعيش بنتها احسن سنه ف حياتها كانو بيهزو ويخرجو يتمشو ويتكلمو كتير
نعمه:مبسوطه ي هند
هند: اوووي اوووي ي ماما
نعمه: خليكي فاكره ي بنتي اني بحبك ويعلم ربنا انا حاولت افرحك اد اي عاوزاكي بعد كدا كل م تحسي انك لوحدك افتكري اني معاكي وادعيلي ربنا يغفرلي
هند: لي ي ماما بتقولي كدا هو انتي هتموتي
نعمه: كلنا هنموت ي حبيبتي
هند: لا ي ماما مش تموتي ونبي انا مش عاوزا ابقي لوحدي
نعمه: وانهارت دموعها وحضنت هند جامد ي هند متصعبيهاش عليا ي بنتي دي حكمه ربنا
هند: لا ي ماما مش تموتي وقامت من حضن امها وبصت للسما ورفعت ايديها لفوق ياااااااارب مش تموت ماما ماما حلوه ياااااارب انا محدش بيحبني غيرها
نعمه : ي هند كدا حرام نقول الحمدلله عشان ربنا يحبنا
هند : بسرعه الحمدلله الحمدلله ها ي رب بقيت تحبني يعني مش هتاخد ماما مني ثح الا بيحب حد مش بيزعله وانتا لو خدت ماما انا هزعل
ماما هو ربنا مبيردش عليا لي ياماااا هو مش سامعني
نعمه : بدموع وقهره لا ي حبيبتي ربنا دايما سامعنا
هند: امال لي مش بيرد عليا هو ربنا زحلان مني ثح وبيعاقبني وعاوز ياخدك
ورجعت وقفت تاني وقالت بصوت عالي وهي بصه للسما يارب انا اسفه انا مش هعمل حاجة تزعلك تاني بس متاخدش ماما بقي
نعمه : وقلبها اتحرق ع بنتها كفايه ي هند بقي حرام عليكي كل دا مفيهوش فايده
هند: علت صوتها اكتر يااااارب انتا مش مسامحني طب طب خدني انا بدالها وسيبها هنا
نعمه : بعد الشر عليكي ي حبيبتي انتي لسه صغيره وقدامك كتير اووي
هند: قعدت ع الارض وقالت يعني مفيش فايده هتموتي وتسيبيني خلاص هبقي لوحدي مليش ام ولا اخت ولا صحاب
نعمه: لي ي حبيبتي انا هموت وانتي عندك ناس كتير بتحبك
هند : محدش بيحبني غيرك ولو فيه انا مش عاوزا حد غيرك انتي امي وصحابي واخوات وبصوووت عالي وبكاء طفله متمووووووتيش بقي ي ماما
حضنت نعمه بنتها هند جامد ودا كان اخر حضن يجمعهم وقالتلها
نعمه : خلاص متزعليش انا مش هموت يلا نامي ي حبيبتي دي لحظه هتتمني عمرك كلو انها ترجع ي بنتي
ونامو
تاني يوم
هند : ماما انتي جسمك ساقع لي ماما انتي مش بتردي لي ماااااااماااااا ماما ردي عليا ماما دا مش هزار انا زحلانه منك ماما انتي بتلعبي معايا بس دي لعبه وحشه اوي ماما
وخرجت من الاوضه ندهت ع صلاح ابوها عشان يشوف امها
صلاح : ....خرج دول اي كلمه وبعد دقايق جم اهل نعمه بيصوته
هند: انتو بتصوتو لي خالتي انتي بتصوتي لي هي ماما نايمه لي كتير كدا
خاله هند: ماما ماتت ي هند راحت عند ربنا
هند : ماما ماما انتي موتي بجد ولا هما كذابين مامااااااااااااا هما كذابين صح مانا قومي انتي قولتيلي مش هتموتي ماما متبسبنيش لوحدي ي ماااااااااااماااااا قومي ي ماما انتو بتشيلوها لي سيبوها عشان محدش يوجها هي هي عضمها واجعها مش بتستحمل حد يلمسها كدا خالتي محدش يشيلها ماما بتتوجع كدا
وغسلو نعمه وكفنوها وسابوها ف اوضه لوحدها
هند دخلت منغير م حد يشوفها
هند اول م دخلت فضلت تبوس ف وش نعمه جامد وتحضنها اووووي ماما انا زعلانه منك اووووي عشان قولتلي مش هسيبك ي هند وسيبتيني بس انا هبوسك وهحضنك كتييير انا سمعت انهم هياخدوكي ويحطوكي ف الارض لوحدك
وبعد ساعه فعلا اخدو جثه نعمه وبيدخلوها القبر
جريت هند ع بابا الاقبر لاااااا ودوني معااااهااا لا ماما مش بتحب الضلمة انا هونسها وانولها وطلعت كشاف بصي بصي ي خالتي انا اشتريت دا من يومين عشان لما تموت انورلها بيه ماما مش بتحب الضلمة قوليلهم مينزلوهاش مفيش حد تحت هتبقي لوحدها خرجووووووها ي ماااااااامااااااا متسبنيش ي ماااااامااااااا طب دخلوني معاها هنورلها بس والله عشان متخافش
وفاقد هند لنفسها لتجد الاطفال تبكي بكاء شديد
ووجدت نفسها تبكي ايضا وكإنه حدث امس
هند : مسحت دموعها بسرعه
ااااي ي عيال النكد الا حل فجاءه دا بلاها قصص 😂😂
لتجد الاطفال يأتون لحضنها جميعا
البارت خلص ي حبايبي وكبير اهو اتفاعلو بحق علبتين المناديل الا خلصتهم وانا بكتب البارت😭😭😭😭😭😭😭😭💔💔💔💔💔2500كومنت بقي زي اتفاقنا

تعديل المقال