رواية خيبة قاتله الحلقة العاشرة 10 للقراءة والتحميل pdf - أروى طاهر المسلاتي
لقراءة باقي روايات اروى طاهر المسلاتي : اضغط هنا
فصول رواية خيبه قاتلة بقلم بنووتة الشيخ
اضغط على اسم الفصل المراد قراءته
- رواية خيبة قاتله الحلقة الأولى لـ أروى طاهر المسلاتي (بنووتة الشيخ)
- رواية خيبة قاتله الحلقة الثانية لـ أروى طاهر المسلاتي (بنووتة الشيخ)
- رواية خيبة قاتله الحلقة الثالثة لـ أروى طاهر المسلاتي (بنووتة الشيخ)
- رواية خيبة قاتله الحلقة الرابعة لـ أروى طاهر المسلاتي (بنووتة الشيخ)
- رواية خيبة قاتله الحلقة الخامسة لـ أروى طاهر المسلاتي (بنووتة الشيخ)
- رواية خيبة قاتله الحلقة السادسة لـ أروى طاهر المسلاتي (بنووتة الشيخ)
- رواية خيبة قاتله الحلقة السابعة لـ أروى طاهر المسلاتي (بنووتة الشيخ)
- رواية خيبة قاتله الحلقة الثامنة لـ أروى طاهر المسلاتي (بنووتة الشيخ)
- رواية خيبة قاتله الحلقة التاسعة لـ أروى طاهر المسلاتي (بنووتة الشيخ)
- رواية خيبة قاتله الحلقة العاشرة لـ أروى طاهر المسلاتي (بنووتة الشيخ)
- رواية خيبة قاتله الحلقة الأولى لـ أروى طاهر المسلاتي (بنووتة الشيخ)
- رواية خيبة قاتله الحلقة الثانية لـ أروى طاهر المسلاتي (بنووتة الشيخ)
- رواية خيبة قاتله الحلقة الثالثة لـ أروى طاهر المسلاتي (بنووتة الشيخ)
- رواية خيبة قاتله الحلقة الرابعة لـ أروى طاهر المسلاتي (بنووتة الشيخ)
- رواية خيبة قاتله الحلقة الخامسة لـ أروى طاهر المسلاتي (بنووتة الشيخ)
- رواية خيبة قاتله الحلقة السادسة لـ أروى طاهر المسلاتي (بنووتة الشيخ)
- رواية خيبة قاتله الحلقة السابعة لـ أروى طاهر المسلاتي (بنووتة الشيخ)
- رواية خيبة قاتله الحلقة الثامنة لـ أروى طاهر المسلاتي (بنووتة الشيخ)
- رواية خيبة قاتله الحلقة التاسعة لـ أروى طاهر المسلاتي (بنووتة الشيخ)
- رواية خيبة قاتله الحلقة العاشرة لـ أروى طاهر المسلاتي (بنووتة الشيخ)
 |
| رواية خيبة قاتله الحلقة العاشرة 10 للقراءة والتحميل pdf - أروى طاهر المسلاتي |
تحميل رواية خيبه قاتله الفصل العاشر pdf وقراءتها كاملة مكتوبة
لقراءة الحلقة السابقة : اضغط هنا
-
حنين:توقعت كل شي في حياتي !
وفات عليا كل شي في حياتي لكن يلي سمعته الليله هاذي مستحيل عقلي يستوعبه!...
نعيمه:انا كلمت بوها وقتله تعالا روح بيها بنتك عندي ووصفتله الحوش
مازن:حط راسه بين يديه بصدمه....شن درتي يا امي
نعيمه:شنو شن درت؟خلااااص ياسر حتى قريب ترمي عدتها المرا لعند امتى بتقعد عندي
مازن:يا امي غلللللط غلللللط يلي درتيه غلطططط
نعيمه:مش غلط قاعده هنايا واكله شاربه وعارفين وراها خطر ومع هاذا ساكتت وتحملت منبيش نكسر كلمتك لكن خلاص
ياريت حتى استفدت منها في حاجه ياسر خلي اهلها يروحو بيها
مازن:يحكى بصوت واطي...امي اسمعي البنت لازم اقعد هنايا
نعيمه:وعلاش؟
مازن:مش انتي تبي تستفيدي؟؟
نعيمه:اي !
مازن:تمام حنين مأخرها كبير ورح نقعد ورا ايمن لين يدفعه وخوديه بعدين حلال عليك
حنين:😨😨😨😨
نعيمه:سكتت شويه وعلامات الحيره على وجها....كيف ؟؟انا هكي ومتحشمه من خالتك ع يلي درته ولعند توا متعلمش ان البنت عندي تبيني نوقف نعادي ولدها ونخليه يدفع مؤخرها؟
مازن:لالالا مش هكي مش حني يلي بنوقفو في وجها صاحبت القضيه هيا يلي رح اطالب بي حقها!
نعيمه:ع منو تتكلم
مازن:حنين
حنين:خنقتها العبره وحست ان خلاص كل الابواب تسكرت في وجها ....رجعت لي غرفتها بسرعه سكرت الدار وبدت تبكي اكتر من اي مره بكت فيها من قبل💔
مازن:اطمن بعد ما امه وافقت وطلع من الدار بسرعه.
↔
_____________________
معاد؛طلع تالفونه وفتح ع الاستوديو ومدلها التالفون.....فسريلي ياخطيبتي ...يامرتي المستقبليه انتي
لجين😨😨 مسكت تالفونه وبدت تشوف في الصور .
كانت الصور عباره على لجين طالعه قدام الباب تسلم على راجل وخدت منه شوي حجات وخشت
لجين:شن هاذا؟
معاد:والله؟وتسألي زياده؟
لجين:حدفتله التالفون..حبيبي يلي واثق فيا
امس شريت قفطان من النت والبني ادم يلي واقف قدامي في الصور هاذا المنذوب متع المحل
معاد:ومفروض نصدق يعني؟!
لجين:اقرا كويس شنو مكتوب على الكيسه يلي في يدي
معاد:كبر الصوره وقراها...وزاد ركز في لجين لما تمد في الفلوس لي الراجل
لجين:كيف جاي تحاسب فيا على شي مش فاهمه؟
هه لا وزياده حاط واحد يراقبني !...تحكي جد انت؟
معاد:سكر تالفونه ورجعه على الطاوله....انا من لما شفت الصور منعرفش شنو صارلي جيتك بسرعه بدون ما نركز في شي!
لجين:وقفت....هاذي الثقه يلي تحكيلي عليها طول الوقت معاد؟
معاد:قعمزي لجين ب.....
لجين:رد بالك تفكر تتصل بيا اليوم اخطاني معاد...وطلعت وسيباته
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
مروه:قامت راسها ...فؤاد الحمد الله يلي جيت ان.....
فؤاد:انتي طالق
مروه:سمعت الكلمه وكذبت ودنها 💔ابتسمت والدموع يلمعو في دموعها ....حبيبي؟
شنو حكيت؟؟؟
فؤاد:يلي سمعتيه....وقرب من منى يقيم فيها من ع الارض ويسند فيها ...وحده تحاول تقتل ولدي بسبب الغيره معش نبيها ...وتي حجاتك وكلمي بوك من اليوم انتي مش على دمتي
منى:ااااه بشويه فؤاد رجلي
فؤاد:قعد يساعد في منى شوي شوي لين ركبو
ومروه واقفه في مكانها متحركتش خطوه وحده!
كأن تضحيات سنين مشت هباااء💔
كأن حب عمرها يلي من ذهب تحافظ عليه طلع فالصو فجآه💔
_________________________
طق طق طق
حنين:تمسح في دموعها بسرعه وداخلها يقول اميد خوتي جو بيرفعوني💔نستاهل انا من الاول نستاهل
طق طق طق
حنين:بصوت يرعش يحاول يبين انه طبيعي...تفضل
مازن:من برا الباب....البسي اي شي عليك واطلعي بسرعه قبل ما يجو
حنين:ضحكت بي استهزاء....خليهم يجو
مازن:نعم؟
حنين:اي خليهم يجو سمعت كل شي مازن خلاص
مفيش داعي لي اي تمثيل عادي
مازن:خدي نفس وخش للغرفه بدون مقدمات
بسرعة البرق حنين غطت وجها
مازن:اسمعي حنين
حنين:منبيش نسمع شي بالله عليك خلاص !
لو حكيت من البدايه انك تبي المؤخر ومحتاج فلوس كنت ساعدتك لكن انت بطريقتك هاذي دمرتني
مازن:لالالااا حنين منبي منك شي حكيت الكلام هاذا عشان امي تسكت لان نعرف كويس مفيش شي يسكتها غير الفلوس
حنين:بتعابير وجه مش مقتنعه كأنها خلاص فقدت الثقه من كل حد ومن اي شي....خلاص مازن بطل يكفي ياريت تطلع عشان نجهز روحي لي خوتي
مازن:بصوت حااااد وجاااد....قلت لاااااا انا مستحيل بعد الصبر هاذا كله يااااخدوك
معاك3دقايق بس ونلقاك جاهزه....وطلع وسكر الباب.
_________________________
معاد:داهش....خلاص الزفت خليتيني بكبري وبطولي وعرضي نجري وراك الشارع كله
لجين:من غبائك ....لما توثق فيا ومعش تمشي بودانك تعالا كلمني
معاد:سكريلي فمك واركبي نروح بيك
لجين:انلاااا معندناش بنات يركبو مع خطيبهم في السياره
معاد:بتركبي ولا نضربك وسط الناس
لجين:ركبت وهيا تتأفأف ....سكرت باب السياره وحطت يدها على خدها وحرجانه
معاد:ولع السياره ...خلاص اسف
لجين:لا مش اسف مش ااااسف معاد هاذا كان خاطبني وهكي حاط ناس تراقب فيا كيف تبيني نعيش معاك باقي العمر في الشك متعك هاذا
معاد:مش شك هاذا مش ششششك هاذا خووووف
خوف عليك مش اكتر
لجين:سكتت وعيونها في الارض متنرفزه
معاد:دور السياره وطلع....تو نكلم خوك نقوله لقيتها في الطريق وصلتها
لجين:شافت للمرش....دير رايك
معاد:قبل هكي بنخطم ع الشركه بناخد المحفضه متعي نسيتها غادي
لجين:دير رايك
معاد:ضحك بصوت واطي وبدون ما يبينلها وطلع
________________________
مروه:معرفتش من وين نلقاها؟؟؟؟
من امي يلي من اول ما وصلت تقولي تستاهلي شفتي اخر الصبر شنو؟؟شفتي شن دار فيك؟؟
ولا من خواتي يلي كل وحده تبكي اكتر من الاولى وحاطين اللوم عليا ان انا يلي تحملت ورضيت بي الضره
ولا من صاحباتي يلي من اول ما سمعو قالو مش يحبك ع اساس؟...وينه الحب!!
ولا من كلمة انتي طالق يلي قاعده ترن في ودني؟؟
من صدمتي حتى الدمعه تحجزت داخل عيني
كل شويه نشوف لي تالفوني اكيد رح يتصل بيا ويقولي اسف كنت معصب وانتي الوحيده يلي حبيتها ورح نقعد نحبها!
________________________
حنين:لبست العبايه الشرعيه كامله وطلعت وانا حاطه كل الاحتمالات في راسي لاني خلااااص معش واثقه في حد نهائياً
ركبت في السياره مازن من قدام وامه جنبه وانا من الخلف
طول الطريق محكيتش ولا كلمه هما بس مره مره يهدرزو على مواضيع مختلفه لين وصلنا.
كانت استراحه صغيره فيها دار وحمام وصاله صغيره هلبا..خشيت وانا مش فاهمه شنو يلي بيصير بعدين؟
بس مع هاذا محكيت شي....توضيت صليت العشاء ورقدت ...هوا في الحقيقه مجانيش نوم بس مكنتش نبي نقعد نايضه مع الاجواء المتوتره يلي صايره وام مازن يلي بدت تعامل فيا بطريقه محدش يتحملها!
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
معاد:تنزلي معاي؟
لجين:معندي لاش نازله...
معاد:خلاص عاد بطلي الجو يلي اديري فيه كيف سكرت من خوك وقتله انك معاي
لجين:شافتله بعد ما كانت مدرقه وجها لي الروشن...انزل جيب يلي تبيه وروح بيا تاعبه وبنرقد
معاد:تاعبه ولا مش طايقه تشوفيني ؟
لجين:الزوز
معاد:به عادي انزلي هي😂
لجين:😒😒
معاد:تي هيا انزلي شوفي شركة راجلك ولو لى مره
لجين:استسلمت فتحت الباب وعدلت وشاحها وخشت مع معاد❤️
اجين:اول ما وصلنا قدام الشركه نعاد مسك يدي ورفع راسه❤️كأنه مفتخر فيا ومش متحشم ان يوريني لحد او خايف يشوفوه البنات ويقولو هاذا مرتبط ويبعدو عليه زي ماصارلي قبل
ابتسمت تلقائيا رغم كنت معصبه منه لدرجه كبيره❤️
قعد معاد يوري فيا في اقسام الشركه لين خشيت للمكتب وقعدت نتفحص فيه بعيوني❤️
طلعنا بعد ما خدي المحفضه متعه وكلهم يتهامسو عليا
هاذي خطيبت معاد يلي حبها❤️
استأذن مني معاد مشي لي الريسبشن عشان يوقع شوية اوراق وانا نشوفله بحب من بعيد❤️
الله الكلمه تجنن لما سمعتها ...لين قاطع شعوري الحلو صوت؟
-لجين؟
لجين:تلفتت بشويه وتدعي يطلع الصوت غلط!
بس سوء خضها طلع صح↗️
وسيم:والله زمان
لجين:اهلين وسيم
وسيم:اهلين بخطيبتي السابقه يلي خلتني في نص الطريق
لجين:ابتسمت ع جنب....تقصد خطيبتك يلي خنتها مع وحده رخيصه ولا نسيت؟...قداش الحقاره تجري في دمكم
وسيم:حقاره قلتيلي....ممكن يلي صار بينا حسن حظ ليا لا اكتر
يعني كنتي كأنه عتبه...بمجرد سيبتك خطبت وحده فتحت عليا ابواب الدنيا كلها
لجين:كنت نخدم ليل نهار عشان نصرف عليك وتكمل قرايتك...لو بتجي تعد الماضي انا يلي صورتك راجل
وسيم:ضحك بهزوه واضحه....هه به ياستي
ريتي الفلوس يلي صرفتيهم عليا؟؟وربي لما نردهولك دبل لان حلوتي الجديده يلي خطبتها دبرتلي واسطه اكبر من احلامك عشان يشغلوني هنايا
لجين:سكتت شويه تحاول تستوعب
وسيم:محكيتيش انتي لجين المريشه شنو ادير هنايا؟؟
لجين:انا م......
وسيم:اخيرااا استاذ معاد اهلين انا الموضف الجديد يلي بعتاته سندس امس
معاد:يرجع في البيرو لي جيبه ....اي عرفتك حط ملفك لوطه للاداره وتو يشوفوك
لجين:لفت يدها ع يد معاد.....حبيبي عشان عيوني شغله الولد لان يقرب لي صاحبتي ونعرفه كويس❤️
وسيم:اختفت ملامح وجها وبدي وجها اصفرررررر نخطف لونه وهوا مش فاهم شن قاعد يصير
معاد:ابتسم وشاف لي وسيم...والله؟😅من وين تعرف خطيبتي؟
وسيم:بلع ريقه يشوف لي لجين ومش قادر يطلع منه حرف واحد!
لجين:قتلك ياعمري يقرب لي صاحبتي ....هيا راسي خلاص بنرقد
معاد:اسف تعبتك ولفيت بيك الشركه كلها...وشاف لي وسيم
يالله يابطل انزل قوللهم الامور تمام بدون ما يراجعو ملفك ....وشاف لي لجين...مدام حلوتي رضت عليك معناها تمام
لجين:ابتسمت وغمزت لي وسيم وطلعت مع معاد❤️
اما وسيم:من صدمته طلع من الشركه وقعمز ع الارض ماسك راسه بيديه يحاول يستوعب.
واعر هلبا القدر لما يلعب وتكون انت الكوره 🔥
___________________________
ساره:احمد رجع لي اهله من اول يوم في ليبيا وانا اجرلي شقه صغيره مابين ضبطنا اوضاعنا ونتزوجو❤️❤️❤️ بدت حياتي مفيها شي جديد ناكل نشرب نرقد متريحه ونراجي في احمد امتى خلاص يحدد موعد عرسنا لين اخيراااااا عزمني على العشاء في مطعم فخم❤️
من اول كلمه عرفت انه محضرلي مفاجآه❤️
_________________________
مروه:روحت من المشفى ووجهي مخطوف لونه كأن ميته ومطلعيني من قبر💔
ماسكه ورق تحاليلي في يدي ودموعي ينزلو كأنه مطر ....شنو بندير في اليومين هادم؟فكرت هلبا وخديت قراري .
ترن ترن ترن
فؤاد:دق قلبه لما شاف الرقم...متوقعش ابدا الرقم هاذا يرجع يتصل بيه!
خاف يسمع صوتها يضعف!...لان طووول الشهر يلي طلقها فيه يحاول يتناساها
فؤاد:رد بصوت جامد وثابت....الو
مروه:اهلين فؤاد
فؤاد:اهلين!
مروه:اليوم نبي نشوفك ضروري
فؤاد:ليش؟
مروه:عندي كلام لان نحكيه
فؤاد:نسمع فيك
مروه:قلبها تمزززززق الف قطعه لما شافت اسلوبه كيف معاها
اليوم في مطعم (&&$)الساعه9وانت وضميرك لو بتجي....وسكرت في وجها مخليا فؤاد في حيره وخوف من ان يشوفها 💔
_____________________
لجين:علاش؟
معاد:شنو علاش مصحك!في حد يعزمها خطيبها على مطعم تقوله علاش؟
لجين:تمشط في شعرها....حبيبي انت عايش حو الاتراك هلبااا مستحيل خوتي يخلوني نطلع معاك في الليل لي مطعم
معاد:ياغبيه حتى امك وخوتك معزومين
لجين:😍😍الله
معاد:اي وبنجيب امي قداش لينا متلاقيناش
لجين:اي اي تمام وصيلي على صوص (ميا)متنسااااش 🥺
معاد:به وانتي ديما بطنك خالعاتك
لجين:هي باي بنمشي نلبس
معاد:بري امشي😂😂
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
الساعه8ونص في الليل:-
ساره:انتبهت على نفسي كويس❤️لازم نكون متأنقه في يوم زي هاذا❤️❤️
قعمزت نراجي في احمد ليش تعطل!؟
_____________________
حنين:استغربت هلبا من مازن لما درسنا قدام مطعم...مش على اساس بنطلعو ناخدو حوايج بعد مارميت العده؟
ارل مره نطلع معاه بدون امه بس قالي انها مرضت فجآه اليوم!!
نزلت للمطعم معاه مش فاهمه شي وتحشمت هلبااااا كنت مبهدله والمطعم راقي بدات الزباين ولبسهم
قعمزت ونحاول ندرق وجهي من الحشم
______________________
مروه:كل شويه نتفرج على الاوراق يلي في يدي !
هل ربي استجاب لما دعيته ان شاء الله نموت؟؟
لان بديت نحس في شي يمزق فيا من داخل اول ما عرفت الخبر 💔
هل يديرها فؤاد ويجي؟؟
قلبي وقف لما شفته خاش ويدور بعيونه بين الطاولات لين جت عيني في عينه !!
_______________________
لجين:طول الوقت عيونه عليا كأن مراهقين😂ينخص فيا من تحت الطاوله حتى لما بدينا العشي
خوتي وبوه وامه وامي يهدرزو وانا وياه في عالم تااااني ❤️❤️❤️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
مازن:خيرك مرتبكه؟
حنين:الله يهديك يامازن...قلتلي من الاول انك جاي لي مكان زي هادا جبتني وانا مبهدله قدام الناس هكي
مازن:وهوا سارح فيها....بس قاعده انتي احلا وحده فيهم❤️
حنين:نزلت عيونها بسرعه
مازن :مسألتيش نفسك لعند امتى بتقعدي هكي؟
معاي انا وامي بدون شي!!
مش قادر نسلمك لي اهلك!
كيف بتمشي باقي حياتك؟؟
حنين:كل يوم الافكار هاذي في راسي💔لكن معنديش اي حل ليها غير واحد بس وديمه يجي على بالي
مازن:يلي هوا؟
حنين:نرجع لي بيت اهل وبس...يلي بيصير يصير
مازن:يستقبلوك بعد كل الشهور هاذي؟خيرك انتي وين عقلك؟
حنين:سكتت...والحل في رايك؟
مازن:درت حل وخديت قراري!
حنين:قرنت حواجبها بي استغراب ...شنو
مازن:بنتزوجو حنين رفضتي او وافقتي ميهمنيش
حنين:😨😨😨😨😨😨
مازن:مننكرش من اول لحضه شفتك فيها حسيت بشعور حلو وقفتي معاك مش بدافع الرجوله بس!
في شي داخلي يخصك
حنين:ساكته مش عارفه شنو الكلمات يلي بتطلع منها
مازن:موافقه؟تبدي معاي انا من جديد؟
حنين:امك؟؟؟امك مازن مستحيل
مازن:ميهمني حد غير سعادتك وسعادتي يلي مرتبطه بيك❤️
حنين:خدت نفس انا ماشيه الحمام شويه وجايه !
وناضت بسرعه
مازن:عرف ان قرار الزواج صدمها ونوضتها للحمام عشان تفكر شويه وبس وخلاها ع راحتها.
___________________________
فؤاد:انتي كيف تطلعي وانتي في العده؟
مروه:ميهمش ....مفيش شي يهم زي الكلام يلي بتسمعه
فؤاد:ساكت ويبرم في الكوب
مروه:امك خدعاتك لمدة5سنين على بعض
فؤاد:قام عيونه بي استغراب!؟
مروه:حطت التحاليل ع الطاوله...فهمت اليوم علاش محد يسمحلنا نتابعو الا دكتور واحد طول ها السنين !
حتى في الاردن كان الدكتور من طرف امك
فؤاد:شن تحاولي تقولي!!
مروه:اقرا التحاليل
فؤاد:فتح الورق قري شويه ونزلهم ووجها تغيرت ملامحه
مروه:اي ....العيب فيك مش فيا!
طول ها السنين
فؤاد:للااااااا مستحيل
مروه:مش مستحيل .
الدكتور لما عرف اني اطلقت حكالي كل شي وحس بي الذنب ....خلي نزيدك صدمه تانيه
ان منى مش حامل وبعد الشهر هاذا رح يمثلو ان البيبي طاح وانا يلي ساحرتها
فؤاد:يسمع ويدلك في راسك عشان يستحمل
مروه:اخر شي ...انا مش في العده !
ونقدر نطلع عادي ...وانا على دمتك قاعده
فؤاد:تي شن تحككككككي الزفتتتت
مروه:حطت ورقه ع الطاوله وابتسمت....صدمه تالته!....بي قدرة ربي انا حامل ...شهرين!
نسبة قدرتك56% والحمل هاذا من عند ربي بدون عمليات ولا شي
فؤاد:بلع ريقه ....هوا يعرف كويس نضرت مروه هاذي لما تبدا صادقه في كل كلمه تقولها!!
مروه:لبست شنطتها.....بس الصدمه الرابعه غريبه شوي!
نحلفلك بشرفي!...من اليوم مستحيل تشوفني لا انا ولا ولدك يلي تمنيته سنين ع يلي درته فيا....وناضت
_________________________
لجين:تفاجآة بي تورته عليها شموع من بعيد متقدمه لي طاولتنا وكلهم يصفقو ويغنو
راجعت داكرتي.....اليوم عيد ميلاد😨
عيطت بصوت عالي لي معاد....كيف اذكرته😨😨
معاد:هوا انا ننسى حاجه تتعلق بيك ياهبله
لجين:حطيت يديا على فمي مصدومه وسط الاغاني والشموع يلي جنبي❤️عرفت سبب العزومه اليوم وابتسمت بحب لي معاد❤️
طفيت الشمعه ونضت بسرعه للحمام تحججت بي اني بنغسل وجهي
______________________
ساره:حاطه يدها على خدها❤️....حليلي محلاهم
شكله عيد ميلاد مرته او خطيبته
احمد:بي ابتسامه صفراء....اي ربي يهنيهم
ساره:شربت شويه من العصير...هاا متبيش تحكيلي سبب العزومه
احمد:باع ريقه....نبيك تسمعيني لنهايه
ساره:داخل قلبها....احمد وحركاته البايخه😂
اوكي هي
احمد:كنت مخطط لي كل شي معاك من اما كنا في تونس وانتي عارفه الشي هاذا
ساره:هزت راسها وهيا مبتسمه...اممم
احمد:لما جيت هنايا فتحت عيوني على هلبا حجات ياساره
ساره:زي؟
احمد:لما كنا في تونس عادي!...مفيش حد يعرف قصتك حتى لو اتزوجنا بس الوضع في ليبيا يختلف
ساره:تبدل وجها لما شافت الجديه في كلامه....شن يعني؟
تحمد:خدي نفس....بدون ما نطول عليك ساره...ليبيا صغيره ومفيش شي يندس فيها!
في النهايه بيبدا اسمي خديت وحده من دار الرعابه وهاربه من اهلها يلي تبنوها!
ولو بنتزوجك لازم نعيش برا في مكان محدش يعرفه!
وانا منقدرش نستقر في مكان غير بلادي
ساره:تسكرو ودانها فجآه بعد الكلام يلي سمعاته!!
ناضت بدون ولا اي كلمه بصدممه لدرجة طاحت وناضت بدون ما تهتم ....خشت للحمام
وقفت على الحوض وبدت تبببببببببكي بحرقه مش طبيعيه💔💔💔
تراجع في نفسها !!! الحق كان عليها من البدايه💔لما طلعت معاه بدون اي علاقه رسميه
لما سكنت في حوشه بدون زواج!!
لما وثقت فيه وفجآه ملقتش شي غير الخيبه💔💔
في نص بكاها انفتح باب الحمام يلي وراها عشان تطلع منه مروه عيونها حمر قربت ع الحوض تغسل في يديها شافت ساره تبكي بحررررقه💔
قامت عيونها فيها وسألتها .....في حد خلاك؟
جاوبت ساره لما هزت راسها وبدت تبكي اكتر!!
طاحت دموع مروه وهيا تسأل فيها.....خيبه؟؟؟
جاوبت ساره لما بكت اكتر 💔
ساره:قااااتله💔💔💔 خيبه قاتله وربي😭
انفتح الباب الثاني طلعت منه لجين بعد ما كانت تذكر في معاملة خطيبها ليها وكانت حتى هيا باكيا لين عيونها متورمه 💔💔....قربت منهم ومحكتش شي !!
انفتح الباب الثالت عشان تطلع منه حنين يلي عيونها حتى هيا تورمو 💔لان اليوم اكتشفت ان قعدت بروحها💔لا اهل لا راجل بعد علاقة حب6سنين !
مفيش حد غير ما ن يلي قاعده مش واثقه في قرار زواجه ....قربت حنين على ساره ومروه يلي حاضنين بعض ويبكو وعلى لجين يلي واقفه تبكي !
حنين:شن فيه؟؟الهدرجه الشعب كله مهموم؟
لجين:كل الناس مهمومين....بش مش كلهم جربو الخيبه💔.....وطلعت
ساره:بعدت مروه وطلعت وهيا تجري من المطعم .
وبعد لحضات طلعت مروه وهيا تمسح في دموعها
ولحقتها حنين ماشيه لي مازن❤️.
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
حنين:وافقت على الزواج بعد ما لقاش حل غيره
وكانت خايفه!
بس الحلو في الموضوع ان مازن طلع راجل وحافض عليها وحبها من قلبه❤️قاطع الناس كلها وعاش معاها في شقه بعيده على كل المعارف وجابت منه زوز صغار
اما الناس في عيلتها كلهم يحكو ان حنين خانت راجلها ومازن حاول يقتل ايمن عشان كشفهم
كذبه وحده قالتها وصال شوهت سمعت حنين لعند اليوم💔
_______________________
مروه:جابت ولد ❤️رباته وكبراته بعيد على بوه يلي ادمررر لما تأكد من الحقيقه وطلع كلام مروه كله صح
طلق منى 💔وبعد على امه نهائي
استمرت مروه في رفضها التام انها ترجعله او حتى تعطيه ولده....لكن يلي قلبه طيب يقعد طول عمره طيب💔
سمحتله ان يشوف ولده بعد سكر4سنين مع رفضها التااااام انه ترجعله!
_____________________
لجين:اكتر وحده في قصتنا هاذي ربي عوضها بعد تعب سنين عشان واحد مايستاهلش ربي بعتلها معاد عوضها العمر كله❤️
وكملت معاه حياتها مع3صغار
______________________
ساره:زي ما حكتلها العزوزه ونبهتها ان ترد بالها من الخيبه القاتله💔
ماتت ساره في نفس اليوم ....طلعت من المطعم وماتت بي ازمه قلبيه وهيا في طريقها للمشفى ...فعلا كانت خيبه قادره انها تقتل بني ادم💔...النهايه
_________________
ايمن:مرته نوره يلي فرحان بيها سيباته لما عرفت انه تعرض لي حادث مستحيل يخليه يوقف على رجليه من جديد!
وقعد طول عمره يتمنى في الموت على الذل يلي يشوف فيه من خواته!!
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
*متصدقيش اي قصة خيانه تسمعيها ...راهو في جانب تاني انتي متعرفيشي في القصه!
ودي بالك تسمعي من طرف واحد وتحكمي !!
*الف مره نقول حافض كويس على الشخص يلي يضحى على خاطرك وصابر على هلبا حجات ع خاطرك لان لو خسرته مال الدنيا كلها مش رح يعوضك عليه...معش ادور على شخص احسن منه مدام لقيت يلي يحبك ويصونك
خليك مهتم كويس بي النعمه يلي عطاهولك ربي بدل ما ترفسها بي رجليك!
*تعويض ربي ديمه قوي !....لاحضتي لما تعاني من شي ربي مستحيل يعوضك بي حاجه عاديه ديمه يعوضك بي حاجه احسن من يلي اخترتها بي الف مره!
*الدنيا خيرها؟؟؟ادووووور ويلي هازي ع الكلمه هادي لو مش مصدق يجرب!
*اخر شي نقوللكم ما بُنِيَه عَلَى بَاطِلْ فَهْوا بَاطِلْ!
ردي بالك تبدي قصتك بي الحرام !
لان ديمه نهايات القصص هادي معروفه!
اخر شي زي ما نقول ديمه انا بنووتة الشيخ(اروى)الحب في كل مكان بس انتي دوري كويس واختاري صح!