رواية عشقتها ولكن الحلقة الثالثة والعشرون 23 بقلم دينا دخيل
رواية عشقتها ولكن الفصل الثالث والعشرون
رواية عشقتها ولكن الجزء الثلاثة والعشرين
البارت 23
 |
| رواية عشقتها ولكن الحلقة الثالثة والعشرون 23 بقلم دينا دخيل |
سما... رياااان ... انت رايح فين ومتشيك كدا
ريان .. انا ومالك هناخد اسراء وامل ونخرجهم وعملين لهم مفاجأة
سما ... مفاجاه ايه هااا
ريان.. هههههههههههه لا مش قايل
سما ... طب ينفع اجي معاك ... بليز بليييييز
ريان... هو بعد بلييز دي هقدر اعترض
يالا البسي وهستناكي في العربية تحت متتاخريش
سما باسته من خده... ربنا يخليك ليا يارب
ريان.. يالا يا بكاشه خلصي
سما... هههههههههههه حاضر
ونزل ريان واستني سما وبعدها نزلت وهو مشي علي بيت اسراء
وكان مالك وصل البيت قبله
وطلع ريان وسما فوق عندهم وسلموا علي اهلهم وهما ضيفوهم وقعدوا لحد ما اسراء وامل جهزوا و ...
ريان.. هناخد اسراء وامل نخرجهم بس مشوار يعمي ونرجع
محمد ... ماشي يا ريان ... خلي بالك منها
ريان ...في عينيا
سالم... طب عبدالرحمن هيجي مع أمل ويبقي معاكم عشان متخرجش مع خطيبها لوحدها
مالك ... ماشي يعمي ... مفيش مشكله
يالا بينا عشان نلحق اليوم من أوله
أمل وآسراء كان عندهم فضول يعرفوا خارجين فين وهيعملوا إيه بس كانوا فرحانين
ركبت اسراء وسما مع ريان
وركبت امل وعبدالرحمن مع مالك
ووصلوا لمكان عبارة عن حديقه فيها زرع وورود كتيرة
ونزلوا ودخلوا الحديقه دي
أمل باستغراب... احنا هنعمل ايه هنا
اسراء.. اه ... انا مش فاهمه حاجه خالص
ريان ... احنا مستنين الفوتوجرافر علشان هياخد لينا صور وهنعمل فوتو سيشن
اسراء بفرحه ... بتهزروووووا
امل ....بجد هنعمل سيشن الله ... كانت من أمنياتي
مالك ... ومالك ميقدرش يبقي امل حياته نفسها في حاجه وميحققهاش
أمل كانت بتبصله بفرحه وبحب اوووي
سما ... طب انا كدا حاسه إن ماليش لازمه
عبدالرحمن... هههههههههههه تقريبا وانا كمان
ريان .... لا ليكم
هتتصوروا معانا بردو في الاخر متقلقوش وممكن تقعدوا هنا علي ما نخلص
اوك
سما وعبدالرحمن قعدوا علي ترابيزه في الحديقة دي وكانوا قاعدين يبصوا عليهم وهما بيتصوروا
والفوتجرافر وصل واخد ليهم صور جميله جدا
بس طبعا ريان كانت معظم الصور واسراء في حضنه ودا كان مخليها متوترة ومكسوفه جدا
ريان ... علي فكره لسه مقولتليش بحبك
اسراء... احم ... ولا انت ع فكره
ريان ... اي دا بجد
طب بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك بحبك اكتر من حياتي
اسراء... وانا كمان
ريان بخبث ... وانتي كمان ايه
اسراء ... ريااااان متكسفنيش انت فاهم
ومش هقول حاجه
ريان... هههههههههههه ماشي متزوقيش بس هسمعها بردو وغمزلها بعينه وهما بيتصوروا
وهي اتكسفت اووي وقلبها بيدق بصوت عالي
عند مالك اخدوا صور تحفهه جدا بس طبعا في مراعاة لعدم اللمس لأنهم مخطوبين
بس مع ذلك عملوا سيشن حلو اوووي وصور باين فيها الحب لبعض
مالك ... يارب تكوني مبسوطه
أمل بفرحه ... جداا جدااا فوق ما تتخيل
مالك .... اعيش وافرحك يا امل حياتي
أمل ... إيه حكايه أمل حياتي دي بقا
مالك... ما إنتي فعلا الامل اللي مخليني عارف اكمل حياتي
أمل... ربنا يخليك ليا يا رب
مالك .... امل انتي معندكيش غير ربنا يخليك ليا
أمل.. هههههههههههه لا عندي ربنا يفرحك
مالك... انتي ليه متقمسه دور أمي وهي بتدعيلي
والله الواد ريان دا اللي هايص هناك اهوو في الصور وانا ربنا يخليك ليا
أمل... لما نتجوز أبقي اقولك متقلقش
مالك ... ما أنا مش عارف إنتي عايزانا نكتب الكتاب يوم الفرح ليه
أمل.. عشان كان طول عمري عايزه يوم كتب كتابي يبقي يوم فرحي
ومالك بيعمل كل حاجه امل عايزاها صح
مالك ... دا مالك بيتثبت بالكلام أقسم بالله
ايه ابت الرقه دي
أمل... ما تتلم يااض بقا
مالك .... قلبتي جعفر
انا هسكت
امل ... هههههههههههه احسن
عبدالرحمن... إنتي عندك كان سنه بقا يا آنسه سماا
سما ... ٢٣ سنه ولسه مخلصه كليه طب وانت
عبدالرحمن.... انا عندي ٢٥ سنه ... ومتخرج من كليه لغات وبشتغل حاليا
سما ... كويس
عبدالرحمن... اه
وناويه تشتغلي بقا
سما ... مستنيه ريان هيعملي عياده ليا وساعتها هبدأ شغل
عبدالرحمن.. ربنا يوفقك
سما ... يارب ليا وليك
مالك وامل وريان واسراء خلصوا تصوير
وبعدها سما وعبدالرحمن اخدوا معاهم صور بردو عائليه جميله جدا
وخلصوا و...
اسراء.. احنا كدا هنروح بقا
ريان ... لا لسه اليوم طويل
مالك... حاليا هنروح الملاهي
سما ... هييييييه هيييييه
ريان... هههههههههههه واخد بنت اختي معايا مش اختي لا
سما ... ما انت عارف إن بحب الملاهي
يالاا بيناااا
مالك... يالااا
ووصلوا كلهم عند الملاهي
ولعبوا بكل الألعاب هنااك وانبسطوا واتصوروا صور مجنونه وهما طايرين في الهواء
اسراء... انا عمري ما فرحت كدا
أمل... وانا فرحانه اوووي واليوم جميل جدا
مالك ... ولسه
يالا بس بينا نروح المطعم ناكل عشان اكيد كلنا جوعنا
سما ... اه والله انا عصافير بطني بتصوصو
مالك ..لا انتي مفجوعه يماما دي حاجه معروفة
سما بغيظ ... ماااالك اسكت
شوف يا ريان
ريان... هههههههههههه اسكت يا مالك مضيقهاش
ويالا بينا علي المطعم
عبدالرحمن كان مستغرب طريقه سما مع مالك وإنها براحتها معاه جدا
ومكنش يعرف إنها أخته
بس قال لنفسه ... وانا مالي إيه مضايقني ... كل واحد حر
وراحوا كلك المطعم وطلبوا كل الاكل اللي بيحبوه
وشربوا قهوة و...
امل .... طب كدا اتصورنا وعملنا سيشن
وروحنا الملاهي ... وجينا المطعم
ها هنعمل ايه بقا
ريان .... هندخل سينما
سمااا..... اوعاااا💃💃
دا إيه اليوم الجميل دا وياريت بقا فيلم كارتون
مالك ... فيلم كارتون ليه اطفال إحنا
سما. ... ماليش دعوه وبعدين افلام ديزني مش للاطفال بس
اسراء... احم يعني أنا كمان بحب أفلام الكارتون
مالك .... قابل يا معلم مراتك كمان
أمل... هو يعني أنا كمان مش بسمه غيرهم وتقريبا سمعتهم كلهم
مالك ... نعممم يختي
عبدالرحمن.. هههههههههههه هههههههههههه هههههههههههه
هو تقريبا قاعدين مع بنات في كيجي توو قال كارتون قال
أمل.. اسراء.. سما في وقت واحد
متتريقش علي الكارتون لو سمحت
الكل ضحك عليهم وعلي طريقتهم
وفي الاخر طبعا البنات اللي فازت ووافقوا
ريان ... ها تحبوا تدخلوا فيلم ايه
اسراء.. ربانزل الجزء التاني لسه نازل جديد الاسبوع اللي فات يبقي ندخله
أمل.. انا أؤيد وبشده
سما ... وانا موافقه
ودخلوا سمعوا الفيلم واستمتعوا جدا وكان الشباب جابوا ليهم فشار وشكولت وعصير وخلص الفيلم
سماا.... اليوم دا تحفه اووي وجميل جدا
اسراء... فعلا انا عمري ما ضحكت كدا ف حياتي
أمل... واليوم كان كله مفاجآت وتحفهه
ريان ... اي خدمه 😌
مالك ... المهم تكونوا انبسطوا
الكل ... جدااااااا
والواحد تعب من كتر اللعب والمشي والأكل هههههههههههه
ريان ... طب يالا عشان نروح
وروحوا كلهم البيت وكانوا فرحانين
في مكان بيجتمع فيه شاكر وسميرة وإلهام
فلاش باك لمقابله شاكر وإلهام
كانت الهام سهرانه في نايتكلب وكان شاكر هناك وشافها وكانت سكرانه
وبتقول اسم ريان واسراء وهو عرف إنها عايزه تتجوز ريان وتبعد اسراء
واتفق معاها انهم يبعدوهم عن بعض وهي تتجوز ريان
وهو يتجوز اسراء
( ويارب تكونوا فاكرين شاكر 🤦🤦)
الهام... طب دلوقتي هنعمل ايه ... ماهما اتجوزوا امبارح وكدا نعتبر خسرنا
سميره... هههههههههههه هو يعني عشان اتجوزوا يبقي مفيش حل
ناسيه أن ف طلاق
الهام.... طب ودا هنعمله ازاي
شاكر .... احنا مصلحتنا واحده
سميره مش عايزه ابنها يتجوز اسراء وتتحوزيه انتي
وانا عايز اسراء
وانتي يا إلهام عايزه ريان
يبقي نفكر في حاجه نخلي ريان هو اللي يرمي إسراء برا حياته وتكون هي كمان بتكرهه
إلهام... اه يعني هنعمل ايه
سميره... بشر انا عارفه هنعمل ايه
ريان ابني كان طول عمره عايز لما يتجوز يخلف كتير عشان يبقي ولاده عزوه ليه وبيحب الاطفال جدا
دا يعتبر هو اللي مربي سماا
وطبعا لما هو يتجوز الهانم هيعيشوا في الفيلا عندي وهتبقي تحت عيني
فأنا هحطلها حبوب منع الحمل في الاكل او العصير كل يوم وبكدا مش هتخلف وهو هيطلقها ويتجوز واحده بتخلف
او يتجوز عليها وساعتها نقنعه بالهام وانتي ساعتها تخليه يطلقها وتبقي انتي بس مراته ودا بطريقتك
الهام بانبهار .... إنتي دماغك ألماظ يا طنط والله
شاكر ... بس دا مش كفايه
انتي تحاولي تحطي الحبوب دي ف عصير مثلا وتخلي ريان اللي يخليها تشربه
وساعتها لو اكتشفت حوار الحبوب هتعرف إن ريان هو اللي كان بيحطها وأنه مش عايز يخلف منها وبيخدعها
وساعتها هتكرهه وكدا نبقي ضربنا عصفورين بحجر واحد
وبعدها انا أظهر الحنين لحد ما تحبني واتجوزها
حتي لو غصب عنها
سميره... دا أنت اللي دماغك ألماظ هههههههههههه
الهام... يبقي انتي يا طنط تحطي الحبوب من يوم فرحهم
سميره... متقلقيش هتصرف
هههههههههههه اعملنا كااس يا شاكر خلينا نحتفل بخطتنا
الهام.... هيهيهيهيهيهيهي
وقعدوا يضحكوا وهما فرحانين بشرهم وخطتهم
ومر اسبوعين بعدها من غير احداث مهمه غير
مالك وريان بيجهزوا لفرحهم اللي هيبقي ف يوم واحد
اسراء وامل وأهلهم اللي بيجهزوا كل حاجتهم كعرايس
وكانوا فرحانين جدا وهما بيختاروا كل حاجه لبيتهم
و جابوا كل حاجه هيحتاجوها
وكان مالك وريان بيساعدوهم
وسما وعبدالرحمن اللي بدأ بينهم إعجاب بسيط
والكل بيجهز علي قدم وساق ترتيبات الفرح اللي هو بكرة
عشقتها_ولكن
دينا_دخيل
البارت ال ٢٤ 🥳🥳🥳
فرح " مالك وامل"إسراء وريان" 🥳🥳
مالك وريان اخدوا اسراء وامل قبل الفرح بيومين لأكبر اتيليه في القاهرة وجابوا فساتين الفرح وفستاتين للحنه
وعملوا الحنه بسيطه كانت بين صحابهم وقرايبهم بس .
يوم الفرح الصبح ريان ومالك اخدوا اسراء وامل وسما كانت معاهم للكوافير الموجود بقاعه الفرح عشان يجهزوا براحتهم وراحوا هما كمان يجهزوا نفسهم
الفرح كان في اكبر قاعات القاهره وكانوا قاعتين واحده للشباب وواحده للبنات لأن الفرح كان إسلامي ومش مختلط .
عند اسراء وامل
سما ... هنبدأ بايه يا مدام
_هنبدأ نعمل ماسكات ومونكير وسونا ونظبط الشعر وبعدها نعمل الميكب
سما ... تمام ... يالا يا مرات اخويا انتي وهي عشان نبدأ
أمل... ياااااه كل دا هيتعمل 😂
اسراء... الموضوع كبير
سما ... متقلقوش لسه بدري وهنعمل كل حاجه وانا هنا اهوو
يالا لو سمحتي ابداي معاهم
_ حاضر
وبدءات البنات تعملهم ماسكات وسوناا وسشوار للشعر ومونكير وحنه و...
_ دلوقتي هنعمل الميكب وبعدها تلبسوا الفساتين ونظبط الخمار والنقاب
وبدءات تعملهم ميكب وكان خفيف بيجمل ملامحهم مش أوفر
وبعدها لبسوا الفساتين
فستان اسراء كان لونه بين الأبيض والفضي وكان فيه كسرات عند الوسط وكان واسع وطويل وتحفهه وعليه نقاب وخمار وتاج علي النقاب
فستان امل كان أبيض وكان بطبقات كتيره وديله طويل اووي وعليه خمار وطرحه طويله اووي
سما ...بسم الله ما شاء الله ايه القمرات دي
_ بجد إنتو فعلا قمرات اووي ألف مبروك
اسراء.. الله يبارك فيكي يحبيبتي
امل ... احنا حلوين بفضلك
تسلم ايدك
_ ربنا يفرحكم
يارب
سما .....لا بجد إنتو حلوين اوي اوي اوي
واسراء ما شاء الله بالنقاب وقمرر دا ريان لو شافك من غيره احتمال يلغي الفرح ويخدك وتروحوا
اسراء اتكسفت اووي واتوترت
سما ... وانتي يا موله مالك هيكتب الكتاب من هنا والله اعلم بقا دا مجنون 😂😂
أمل.. بت إنتي بتوترينا
احنا خايفين لوحدنا
سما... هههههههههههه مش قصدي والله
ع فكره المأذون وصل تحت وزمانهم بيكتبوا الكتاب
أمل كانت متلغبطه ومتوترة من فكره انها شويه وهتبقي مرات مالك
هي كانت بتأخر كتب الكتاب عشان توترها دا و الباب خبط ودخل عبدالرحمن بورق جوازها
عبدالرحمن.... ايه الجمال دا
ربنا يفرحكم دايما
وباس دماغ امل أخته
أمل... ربنا يخليك ليا يا رب
عبدالرحمن... ويخليكي ليا يا حبيبتي
يالا امضي على عقد جوازك
عريسك هيموت وتتجوزوا بقاا
أمل كانت مكسوفه اووي بس فرحانه
ومضت علي الورق وكل اللي قالها عليه عبدالرحمن
عبدالرحمن... مبروووك يحبيبتي
مبروووك يا اسراء
اسراء.. الله يبارك فيك يا عبدالرحمن... عقبالك
عبدالرحمن تلقائيا بص لسما اللي لفتت نظره اول ما دخل بفستانها الازرق وتسريحه شعرها الجديدة
وهي اتكسفت لما بص عليها و ....
عبدالرحمن... هخرج بقا اودي الورق للمأذون
وخرج عبدالرحمن والماذون تمم الجواز و كله بارك لمالك وهو ما صدق وطلع لأمل
مالك دخل الاوضه اللي فيها أمل وكانت مدياه ضهرها وفستانها طويل اووي لآخر الاوضه و مشي مالك وهو معاه بوكيه الورد لحد ما وقف قدامها وفضل بصصلها مبهور من جمالها
وأمل كانت مكسوفه اووي ومش عارفه تعمل إيه بس فرحانه جدا
مالك... إيه الحلاوة دي .... بقا القمر دا خلاص بقا بتاعي لوحدي
الف مبروك يقلب مالك من جوا
أمل... الله يبارك فيك يا مالك
مالك بحب .. امل انا بحب....
قطعت كلامه امل وحطت ايديها ع بوقه
هششششش متقولش حاجه يا مالك انت قولت وعملت كتير.... انا اللي المفروض أتكلم
مالك انا بحبك اووي اووي لا مش بحبك انا بعشقك
حسيت بدا لما أنقذتني من سامح وكنت هتقتله وبردو مسيبتهوش غير لما أنا اللي قولتلك
حسيتك اماني وحمايتي وضهري اللي عمره ما هيميل بيا
ولما طلبت تقابل بابا كنت ساعتها اسعد واحده في الدنيا
ومفاجأة الخطوبه وانك عارف عني كل حاجه وكل تفصيله وبتفاجأني بيها خليتني احبك اكتر
ولما كنت هقع بسبب إلهام وأنت بردو اللي لحقتني واهتمامك بيا ساعتها خليتني مش شايفه غيرك أصلا
واليوم اللي عملتلي فيه السيشن والسينما وكل الحاجات دي عرفتني إنك بتدور علي فرحتي
لما خليتني اجيب الفستان اللي طول عمري احلم بيه دا خلاني أعرف إن عمر ما هيبقي نفسي في حاجه وانت مش هتجبها
مالك أنت أقسم بالله كتير عليا اووي وأنت احلي حاجه حصلتلي ف حياتي ومكنتش بقولك ايه حاجه من دي عشان مكناش لسه اتجوزنا ومكنش ينفع و..
انا بحباااااااااااك اوووووي يا مالك
مالك دمع من كلام أمل وحبها اكتر واكتر و من فرحته حضنها اوووي وشالها ولف بيها
مالك .... وانا بعشققققققققققك
عبدالرحمن خبط ودخل
ها يا عريس انزل تحت بقا وانا هجبلك عروستك لحد عندك
مالك ... ماشي يعم ... متتتاخرش بس
عبدالرحمن... هههههههههههه أنت واقع اووي كدا
مالك ... فوق ما تتخيل
ونزل مالك ..
عند اسراء ريان دخل الاوضه اللي هي فيها
وانبهر من رقتها وجمالها حتي وهي بالنقاب
ريان.. يعني إنتي قمررر كدا ومن غير ما اشوف وشك
اومال لما اشوفك هنبهر اكتر من كدا ايه
اسراء كانت مكسوفه وفرحانه من كلامه
ريان.... إحنا هنقضيها كسوف كدا ولا إيه
اسراء... هههههههههههه المفروض اعمل إيه يا ريان
ريان ... قلب ريان وعمر ريان وعقل ريان ودنيته كلها ملكك دلوقتي يا اسراء
اسراء بفرحه من كلامه
واسراء محبتش في حياتها غير ريان
ريان هو اللي خطف قلبها وخلي كل دقه فيه بتنطق بإسمه
ريان بأس ايديها وحضنها جامد اوووي..
ريان وعمره ما هيجرحك ولا هيسيبك يا اسراء
اسراء... انا واثقه ف دا من غير ما تقول
سما .... هيييييييح انا هنا يا ريان ع فكره
ولاحظوا إن انا سنجوله حراااام كدا عليا
ريان... واسراء.... هههههههههههه معلش
سما ... طب يالا بقا انزل تحت
وعمو هيجيب اسراء ويجي
ريان... ماشي
هتوحشيني علي فكره وغمز لإسراء بعينيه
وخرج
سما ... ريان بيحبك اوووي يا إسراء
ربنا يفرحكم ويديم محبتكم لبعض
اسراء.. يارب يحبيبتي يارب
ونزل مالك وريان يستنوا اسراء وامل ودا في القاعه بتاعت البنات
عباره عن دورين الدور اللي فوق للكوافير
واللي تحت القاعه
وفيها سلمين طوال اووي ودا اللي العروسه بتنزل عليه
و سلم كان عبدالرحمن ماسك ايد أمل ونازلين عليه
والتاني كان محمد ماسك ايد إسراء ونازلين عليه
عشان يسلموهم لعرسانهم
وكل واحد اخد عروسته وباس أيديها ودماغها
عبدالرحمن لمالك ... خلي بالك من أمل يا مالك اوعي تزعلها
مالك .... أمل في قلبي قبل عينيا
عبدالرحمن... ربنا يفرحكم يارب
محمد لريان
مش هوصيك علي إسراء يا ريان دي اللي ليا
ريان بابتسامه... وبقت اللي ليا أنا كمان
متخفش عليها يعمي عمري ما هزعلها
محمد ... ألف مبروك يبني وربنا يسعدكم
وبعدها دخلوا مكان اللي بتقعد فيه العروسه
ومالك وريان وصلوهم وراحوا قاعه الشباب
ورقص مالك وريان مع أهلهم وصحابهم وكانوا مبسوطين والشباب ولعوا الفرح
وعند اسراء وامل
صحاب إسراء وأمل كانوا معاهم ورقصوا وهيصوا مع بعض وكانوا فرحانين جداا
وأهلهم كانوا فرحانين لفرحتهم
وكان في سميره اللي مكنتش طايقه الفرح كله
وجات الفقره اللي العريس بيدخل قاعه البنات يرقص مع عروسته
ودخل مالك وريان
وكل البنات كانوا مبهورين بعرسان صحباتهم
وفي منهم اللي فرحان
وفي اللي بيحسدهم عليهم و ..
مالك اخد ايد أمل ورقصوا سلو مع بعض و...
مالك ... ع فكره مفاجأتي لسه مخلصتش
امل ... كل يوم مفاجأة احلي من اللي قبلها
هحبك اكتر من كدا إيه بس
مالك .. طب اعرفيها الاول
أمل ... طب ماشي قول
مالك .... احنا بكره هنروح شهر عسل وعارفه فين
في تركيا
أمل بانبهار ... بتهزززر صح
مالك ... وحيات امل عندي ما بهزر
حجزت اسبوع لينا في تركيا وهنروح من بكرا
أمل بفرحه حضنت مالك
بحباااااااااااك بحباااااااااااك اوووووي
مالك ... ربنا يقدرني وأعرف افرحك كدا دايما
أمل... أنت مش متخيل فرحتي دلوقتي
طول عمري بقول نفسي أروح تركيا
مالك ... وانا هعملك كل حاجه نفسك فيها
أمل ... ربنا يخليك ليا يا احلي ما ليا
عند ريان كان ببرقص هو وإسراء وفرحانين جدا
ريان .... مش مصدق إن انا واقف دلوقتي وبرقص معاكي في فرحنا
اسراء... لا يحبيبي صدق احنا مع بعض اهوو
ريان... تعرفي يا اسراء إنك كنتي حلم بالنسبالي
ورغم الصعاب اللي قبلتنا والناس اللي حاولت تفرق بينا
بس بردو بقينا لبعض
اسراء... الحمد لله يا ريان احنا بقينا لبعض ودي أحلي حاجه حصلتلي هفضل اشكر ربنا عليها طول عمري
ريان شالها ولف بيها وحضنها جامد اوووي
وخلصوا العرسان رقصتهم وبعدها كان في فقرات تانيه ليهم وهما بيرقصوا بالعصيان
وبعدها اتصوروا صور كتير اووي
وكل صحابهم وأهلهم اتصوروا معاهم
ومالك وريان اتصوروا مع صحابهم
و خلص الفرح بسلام والكل فرحان وسعيد
والاهل واقفين بيودعوا بناتهم عشان هيروحوا مع عرسانهم
و في مكان بعيد عنهم شويه في واحد واقف ومستخبي وبيبص لمالك وامل بشر ودا كان ....سامح
سامح... فاكرين إن خرجت من حياتكم هههههههههههه
بتحلموا
اقسم بالله لهدفعك تمن المرمطه اللي اتمرمطها يا مالك بسببك لحد ما ابويا اتصرف وطلعني من السجن
وإنتي بقا يا امل بردو هتبقي بتاعتي حتي لو اتجوزتوا
وهحرق قلب مالك عليكي بس ف الوقت المناسب ...
عند العرسان وصلوا بيتهم
ريان وصل هو وإسراء وأهله الفيلا واللي هي كانت دورين
وريان ليه في الدور التاني جناح كامل لوحده يعيش فيه
ومالك وصل هو وامل شقته
ودي كانت دورين تحت ريسبشن وصالون ومطبخ وحمام
وفوق الاوض وحمام
والشقه كبيره جدا
مالك دخل الشقه هو وامل وهي كانت متوترة اوووي
مالك ... بصي غيري هدومك فوق براحتك وانا هغير في الحمام اللي هنا
وبعدين ناكل ايه رايك
أمل... ماشي
انا أصلا جعانه
مالك .. وانا جدا
وطلعت امل غيرت فستانها وخمارها اللي اخد منها وقت
ونزلت
مالك ... إيه القمرر دا
أمل...دي عيونك اللي حلوه
وامل لقت الأكل مامتها محضراه في علب علي السفره
ف حطتهم في طباق عشان يأكلوا
مالك ... مامتك قايمه بالواجب كله والاكل كتير وجميل اووي
أمل.. بالهنا والشفا يقلبي
مالك ... والله انتي اللي قلبي
وقعدوا أكلوا
وبعدها اتوضوا وامل لبست اسدال الصلاه وصلوا مع بعض عشان ربنا يكرمهم في أول حياتهم
و مالك حط ايده ع دماغ أمل وقال دعاء الزواج
اللَّهمَّ إنِّي أسألُكَ خيرَها وخيرَ ما جبلتَها علي وأعوذُ بِكَ من شرِّها ومن شرِّ ما جبلتَها علي
وقام هو وامل و.........
عند ريان واسراء
دخلوا الجناح بتاعهم واسراء كانت متوترة وخايفه بس انبهرت من جمال وتصميم الجناح
اسراء... الجناح بتاعك حلوو اووي يا ريان
ريان.. بقا بتاعنا دلوقتي يقلبي
بصي هنزل اغير في الحمام اللي تحت واجيب أكل لينا اكيد جعانه زيي
تكوني خلصتي
اسراء بكسوف ... ماشي
ريان بجرءاه ... لو احتاجتي ايه مساعده أنا تحت هاا
وغمزلها بعينه
اسراء... رياااااان اسكت
ريان... هههههههههههه حاضر
ونزل تحت وغير هدومه و...
سميره... خد أكلك انت ومراتك اهوو يحبيبي
ودا عصير برتقال لإسراء عشان زمانها مرهقه من الفرح وكدا
ريان اخد منها الأكل وباس دماغها
ربنا يخليكي ليا يست الكل
وطلع الجناح
سميره...هههههههههههه وريني بقا لما تشرب العصير دا
هتخلف منها ازاي
اسراء كانت خلصت وقلعت نقابها وشالت الميكب و..
دخل ريان
إيه الحلاوه دي يقلبي بس
إسراء.. احم
جبت اكل
ريان ... اه اهوو تعالي يالا ناكل
واه اشربي العصير دا
اسراء.. حاضر
وشربت العصير
وأكلوا مع بعض
ريان... ها بقا يستي تحبي نقضي شهر العسل فين
اسراء... ايه مكان معاك جنه يا ريان
ريان ... كلامك حلو اووي يقلب ريان
خلاص ماشي أنا عندي بيت في باريس ممكن نسافر باريس وهلففك كل حته فيها
اسراء.. هنسافر بكره
ريان.. اه
وقامت إسراء اتوضت ووقفت عشان تصلي هي وريان وهو حط ايده ع دماغها يقول الدعاء
اللَّهمَّ إنِّي أسألُكَ خيرَها وخيرَ ما جبلتَها علي وأعوذُ بِكَ من شرِّها ومن شرِّ ما جبلتَها علي
وقومها و......
رايكم
عشقتها_ولكن
يتبع ..
لقراءة باقي حلقات الرواية : أضغط هنا