رواية حب حياتي الفصل الخامس 5 بقلم جوري محمد
رواية حب حياتي البارت الخامس
 |
| رواية حب حياتي الفصل الخامس 5 بقلم جوري محمد |
رواية حب حياتي الجزء الخامس
الفصل الخامس 💞
حب.حياتي❣✍
بقلم.جوري محمد ✍✍✍✍
ياسمين سابته ومشيت وهي جواها احاسيس مش عارفه تفسرها بس كل اللي تعرفه ان مش هو ده الوقت المناسب للحب
اتتلغي الفرح فيه المتعاطف وفيه اللي شمتان وفيه اللي مش فارق معه حاجه
عائله ياسمين تعايشت مع الموقف واستحملت كلام الناس
ياسمين رجعت ثاني الشغل بس بدات تسمع كلام عليها من زمايلها بيتكلموا و بيضحكوا من تحت لتحت
ياسمين انتم بتتكلموا عن ايه و بتضحكوا على ايه
الكل ساكت ما بيتكلمش و بيبصوا لبعض
ندى قالت لها بيتكلموا عليك بس هم كده بتكلم وانت مش موجود وبيسكتوا لما تيجي
بقلم جوري محمد
ياسمين يا ترى بقى بتقولوا على ايه في غيابي
ندى بيقولوا ان ابن عمك سابك عشان فيك عيب اللي قال لهم الكلام ده ابن عمك بنفسه هو ونرمين
وعلى فكره هو خطب نرمين وهي اللي قالت الكلام ده
ياسمين وانتم بقى صدقته و انا بقى لي شغاله معكم سنتين
ياسمين. حد فيكو شاف على حاجه اتعاملت مع احد بطريقه مش كويسه اتكلموا سكت ليه
كلهم احنا اسفين يا ياسمين بس اعذرينا ابن عمك هو اللي قال الكلام يعني انت تخصي هيقول عليك كلام وحش يمكن تكون نرمين بتكذب
ياسمين عادي ما احنا بقينا في زمن الديوث
وسابتهم و مشيت
اللي بيراقبها اتصل ب ادهم وقال له اللي حصل
ادهم اتنرفز وكسر الفازه اللي على المكتب في دخول
ادم في ايه يا ادهم ايه يا عم التكسير ده
ادهم حكي لادم ايه اللي حصل وقد ايه هي مجروحه مين اللي سمعته
ادهم انا ماشي و سابه و مشي
وراح على البحر المكان اللي هي بتقعد فيه
ادهم ياسمين
ياسمين ايه ده استاذ ادهم ايه الصدفه دي ثاني مره تجمعنا
ادهم..الصدفه لا دي مش ثاني مره دي ثالث مره ما يمكن ربنا هو اللي بيجمعنا انا وانت يا ياسمين
ياسمين بارتباك كل حاجه ربنا بيجيبها في طريقنا بتبقى لها حكمه احيانا بتبقى وحشه من وجهه نظرنا واحيانا بتبقى حاجات حلوه كثير وانت يا ادهم الحاجات الحلوه دي
ادهم بص لها مش عارف يرد تاء في عينيها وبيقول في نفسه ايه العيون دي علي النعمه مش عارف احدد لها لون مره زرقاء ومره خضراء
ياسمين استاذ ادهم في حاجه
... ....................................بقلم جوري محمد
ادهم..في حاجات عينيك دي حقيقيه ولا لينسز هههه
ياسمين بتضحك لاء حقيقيه بابا دائما بيقول لي عيون القطط لانها بتقلب الوان لسه ما شوفتش العسلي هههههه
قعدوا يضحكوا ويتكلموا
ياسمين انا هاروح يحسن انا اتاخرت
ادهم. طب استني اوصلك
ياسمين لا هامشي لوحدي انا على طول امشي لوحدي
ادهم .طب هاشوفك بكره
ياسمين انا ما بجيش المكان ده اللي وانا زعلانه عايزني ازعل ثاني بكره ههه
ادهم ممكن نخليه مكان للفرح من بعد الحزن ونتقابل فيه اشوفك بكره
ياسمين هاشوف سلام
ادهم سلام يا ياسمين الادهم
ادهم مع نفسه بيغني ليه عمرو دياب ده هي ليله تعال ننسى الجراح تعال تعال حبيبي في حضني وارتاح
الخ يحسن مش حفظاه والاستاذ عمرو دياب يزعل
نسيبهم ونروح عند فتحي في الشركه وهو بيتكلم هو والسكرتير
السكرتير اهدى يا فتحي باشا
فتحي انا عايزه افهم ازاي هو اخذ المناقصه هو الراجل بتاعنا مش اخذ الفلوس
السكرتير اخذها يا باشا و جاب لنا الظرف بتاع شركته بس مش عارف ايه اللي حصل خلي اللجنه غيرت قرارها
فتحي لا انا عارف شكل ادهم لعبها صح المره دي بس مش هخليه يفرح بها
السكرتير في اخبار بتقول ان هو شكله هيتجوز
فتحي مستحيل ادهم يتجوز
السكرتير لا يا باشا احنا متاكدين من الاخبار دي وبدا يحكي له حكايه ياسمين
فتحي انا عايزه اعرف كل حاجه عن البنت دي من اول وهي صغيره لحد وقتنا الحالي
السكرتير حاضر يا باشا هيكون عندك بكره
فتحي علشان نشوف اللعبه الجديده اللي هنلعبها مع ادهم
عندي ياسمين في البيت
ياسمين راجعه فرحانه
مامتها في ايه يا ياسمين ما فيش حاجه يا ماما
جميلة على ماما يا بنت قولي لي يا جميل فيك ايه
ياسمين صدقيني لو قلت لك انا نفسي ما اعرفش
جميلة ربنا يهديك يا بنتي ويصلح حالك وينور لك حياتك بانسان يريحك
ياسمين. ايوه كده مامتي حبيبتي ادعي لي والنبي
جميلة بدعي لك من غير ما تقول طب خشي يلا غيري هدومك علشان الغداء جاهز
بابا ياسمين رجع السلام عليكم
جميلة وعليكم السلام يا حاج
مجدي ياسمين جاءت
جميلة بتغير هدومها اقوم انا احط الغداء وهم قاعدين يتغدوا
بابا ياسمين ادهم تقدم لي ثاني يا ياسمين انت ايه رايك
ياسمين ما اعرفش والله جوايا حاجات كثيره مش فاهماه
مجدي هابعث العربيات تجيب العفش من شقه مدحت
ياسمين. بس يا بابا هاقول لك حاجه انا مش عايزه العفش ده حتى لو تجوزت مش هاقدر اخذه معي اكيد كل حته فيه هتفكرني وانا مش عايزه افتكر الماضي انا كده كده ما كنتش بحبه وانت اللي غصبت علي علشان خاطر عمي يا ريت تسبوني
المره دي انا اللي حدد عايزه ايه والعفش نعطيه الى اي بنت يتيمه تكون هتتجوز
مجدى ماشي يا حبيبتي اللي انت شايفاه هاعمله
ياسمين شكرا قوي يا بابا و شالت ياسمين السفره ونظفت المطبخ وقعدت تكتب شعر اه ما انا نسيت اقول لكم هي بتحب الشعر جدا بتسمعوا بتكتبه ونرجع ثاني للمفيد
ياسمين قاعده تكتب
💘 حبيبي يا من دخل حياتي بدون انذار
اكتب اليك كلماتي تعبر علي الاحساس
حبيبي هل الحب اهتمام💗
ان كان اهتمام فانت فعلا من دق على قلبي باهتمامه
💓احببتك ولا اعرف متى و لكني احببتك
حبيبي يا من دخل حياتي بدون انذار
لقراءة باقي حلقات الرواية اضغط على (رواية حب حياتي)