رواية بلا رحم الفصل السادس 6 بقلم كوكي سامح
رواية بلا رحم البارت السادس
 |
| رواية بلا رحم الفصل السادس 6 بقلم كوكي سامح |
رواية بلا رحم الجزء السادس
__ وشربت حكمت من مج حسن وخدت صينيه
الفطار ودخلت عليهم.
حسن.. ايه ده انتى جايبه الفطار بنفسك.. اومال
فين ام يسرى
حكمت.. قول صباح الخير الاول.. وحطت الصينيه على الترابيزه
حسن.. صباح الخير ومسك دماغه.. عندى صداع
من امبارح هيموتنى
حكمت.. خد مسكن بعد ما تفطر.. مسكت بطنها.
مصطفى.. مالك يا طنط
حكمت.. مفيش بس حاسه بنغزه وقرصه كده
مش عارفه فى ايه!؟ وقعدت على الكرسى.
حسن.. اكيد هبوط يا هانم ما حضرتك مش
بتاكلى كويس.. عمل سندوتش ومد ايده.. خدى
قطمه هيعجبك
حكمت.. لا لا مش عاوزه
حسن.. علشان خاطرى خودى.. ومسك مج الشاى
وقالها تشرب منه.. بتمد ايدها وفجأه.
فى الشقه المجهوله..
__ رضوى ماسكه ايدها وبتعيط.. اه اه يا ايدى
الفار عضنى.. انا مش عارفه اعمل ايه.. اكيد
اتسممت وهموت دلوقتى
الباب اتفتح عليها وكانت نشوى الممرضه
رضوى.. مين.. انتى!
نشوى.. مش عجباكى يا بت ولا ايه
رضوى ماسكه ايدها ونازل منها دم
وقالت بخوف الحقينى الفار عضنى.. ومش عارفه
اعمل ايه.. انا من امبارح بالليل على كده
بتعذب من الألم
نشوى قربت منها بكل برود.. مسكت ايدها
وخدتها على الحمام وابتدت تغسلها بالمياه
والصابون.
رضوى.. مياه وصابون بس
نشوى.. ما تخرسى بقى
رضوى بتعيط من الألم وتعبانه جدا
__ نشوى قعدت تغسل ايد رضوى لمده ربع ساعه
وطهرت لها الجرح.. وكانت جايبه معاها فطار
وطلبت منها تفطر وقفلت الباب عليها وسابتها
ونزلت..
ورجعت بعد ربع ساعه معاها مسكن ومضاد حيوى
فون نشوى بيرن واتكلمت بالغاز من غير ما
رضوى تفهم. ولما قفلت قعدت جمبها وقالت.
انتى كان متوصى عليكى بالجامد.
رضوى.. ممكن سؤال
نشوى.. مع انه مينفعش تسألى.. بس مش
مشكله.. اسألى.. خير ؟؟
رضوى.. انتوا عملتوا فيا ليه كده
نشوى قربت منها.. انتى ناسيه حضرتك
كنت جايه لدكتور اسامه عاوزه ايه.. ولا افكرك
رضوى ساكته مش بتتكلم
نشوى.. يبقى افكرك.. حضرتك يا مدام كنتى
جايه فى عملية ترقيع عشاء البكاره
رضوى بخبث وكذب.. انا مغتصبه.. صدقينى
انا بنت ناس.. عمرى ما اغلط ابدا.. ماما مربيانى
احسن تربيه
نشوى بتمصمص شفايفها.. باين انك بنت ناس اوى
رضوى.. خلاص يا ستى انا بنت كلب.. بس ردى
على سؤالى.. انتوا عملتوا فيا ليه كده؟؟
نشوى.. مش شغلك.. المهم.. وكان معاها شنطه
فتحتها وطلعت منها فستان سواريه لونه احمر
وطلبت منها تلبسه بالليل
رضوى.. ايه ده
نشوى.. فستان سواريه
رضوى.. ليه ؟؟!
نشوى.. علشان خلاص قررنا نفك حبستك
المنيله دى
رضوى فرحت اوى.. بجد
نشوى.. ايوه.. وهكون عندك الساعه 9 بالليل
وهعملك ميكب حلو زيك كده
علشان لما تروحى لأهلك تكونى زى القمر
رضوى.. وليه كل ده؟!
نشوى.. علشان يا حلوه ميبنش عليكى
انك مخطوفه.. احنا مش عاوزين حورات
رضوى فرحت بس كانت مستغربه.
__ نشوى قامت مشيت وقفلت عليها
رضوى قامت اتنطتت من الفرحه علشان
هترجع بيت أهلها.. حست بوجع ومسكت
ايدها.. وبقت تفكر هتقول ايه لما ترجع
ومسكت بطنها.. انا حامل ومش عارفه
هقابل ماما وبابا واهلى كلهم ازاى
ومش عارفه هعمل ايه فى مصيبه
الحمل دى؟؟؟؟؟
تنبيه : ارجو التفاعل بلايك وعشرين ملصق على الروايه
علشان يتم النشر يوميا غير كده محدش يزعل منى كوكى
سامح الكلام لكل الأعضاء المتفاعله والصامته 🤚🏼
الڤيلا..
__ فجر نايمه مرتاحه جدا من بعد ما حست
انها هتاخد حقها بالسم من عمها وخطيبها
فى الجنينه..
__ يسرى رايح جاى وعينه على الفيلا
ومستنى يسمع خبر موت حسن ومصطفى
بالسكته القلبيه.. عينه على شباك فجر
__ فجر صحيت من النوم وبصت من الشباك
زى كل يوم وشاورت ل يسرى
ومسكت الفون وبعتت رساله واتس بحبكك💋
هاجر صحيت وشافت فجر وهى
بتشاور لحد.. قربت وبصت من وراها
من غير ما تحس.. وشافت يسرى
هاجر.. ايه ده.. انت بتكلمى يسرى
ابن الخدامه
فجر.. يا ماما.. يخربيتك اتخضيت
هاجر.. ردى عليه.. انتى ليكى علاقه ب يسرى
فجر.. انا.. انتى مجنونه ولا ايه.. لا طبعا!
هاجر.. انا شيفاكى بتكلميه
فجر.. انتى عبيطه ولا ايه.. انا بس بقولوا
يخلى مامته تحضر الفطار
هاجر.. يا سلام
__فجر قعدت على السرير.. اوف بقى وفجأه
سمعت صوت حد بيصوت.. قالت دى زيزى
وقامت جرى ووراها هاجر ولما فتحت الباب
شافت الصوت طالع من اوضه خطيبها
جريت بسرعه وفى نفس الوقت
صفيه سمعت الصويت وكانت بتجرى
بلهفه علشان تعرف فى ايه
صفيه.. حسن جارله حاجه
فجر.. اوعى كده.. فى ايه
ودخلت الاوضه وكان حسن بيحاول يفوق
حكمت
فجر.. ماما.. فى ايه.. مالك يا ماما
__ حكمت وشها ازرق وكله عرق شديد
فجر بزعيق.. ماما مالها
مصطفى.. متخافيش.. هى عندها شويه هبوط
حسن نزل قعد تحت رجليها.. مالك يا حكمت
فيكى ايه.. ما انتى كنتى كويسه
صفيه.. انت قاعد تحت رجليها يا موكوس
فجر.. مش وقته حرام عليكى امى بتموت ..
حد يتصل بالدكتور.. بسسسسرعه
مصطفى.. انا كلمته وكلها دقايق ويكون موجود
فجر قعدت جمب مامتها وبتحاول تفوقها
بس مش بتفوق خالص
___ ام يسرى خرجت الجنينه جرى ووشها
باين عليه الخوف والقلق
يسرى.. ماما.. فى حاجه ولا ايه
ام يسرى.. الست حكمت تعبانه اوى
يسرى.. ليه مالها
ام يسرى.. معرفش يا ابنى
-- فى خبط على البوابه..
__ يسرى جرى بسرعه وفتح الباب
وكان الدكتور واسمه ابراهيم.. دخل بسرعه
ويسرى طلع معاه.. ولما دخل الاوضه لمح
بعينه مجات الشاى زى ما هى!
وكانت حكمت على الكرسى.
والكل موجود الا محمد ابنها كان فى شغل
وخرج بدرى..
_ الدكتور ابتدى يكشف عليها
فجر واقفه وعينها كلها دموع وخوف وزيزى
ماسكه فيها
حسن.. خير يا دكتور
__ صدمه __
الدكتور.. للأسف البقاء لله.. ماتت
فجر.. انت بتقول ايه.. لا لا ماما عايشه
مش ممكن تموت.. هى مقالتش كده.. ماما عايشه
صح.. وجريت عليها ونامت فى حضنها.. ماما
ابوس ايدك.. قومى.. ماما.. انتى مش بتردى ليه؟!
انا فجر بنتك يا حبيبتى
زيزى.. ماما.. جريت عليها واترمت فى حضنها
الجده.. لا حول ولا قوة الا بالله.. كله رايح
حسن.. يا حبيبتى يا حكمت
ام يسرى.. يا مصيبتى.. يا عينى يا ست حكمت
يسرى قال فى سره.. يا نهار اسود.. اكيد شربت
من الشاى
مصطفى.. لا اله الا الله.. الله يرحمك يا طنط
صفيه واقفه مذهوله ومش مصدقه ان
ضرتها ماتت..
الدكتور.. الوفاه نتيجه سم
فجر.. ماما 😭😭😭
يسرى قال فى سره.. سم... يا نهار اسود
يعنى مش سكته قلبيه زى ما فهمتنى.. انا كده
ضعت خلاص.
فجر قالت فى سرها سم.. يا نهار اسود ومنيل
انا اللى قتلت امى بإيدى 😭😭😭
__ الدكتور بلغ البوليس وقال إن فى
شبهه جنائيه فى حاله الوفاه
__ وبعد ربع ساعه الفيلا كلها رجال شرطه
والاسعاف وصلت فى وصول محمد
ابنها بعد ما فجر بلغته
انهار ومكانش مصدق نفسه.
__ يسرى واقف مذهول وعينه على فجر
وكانت منهاره.
وبعد مرور ساعات من مقتل حكمت بالسم
الفيلا فاضيه وكلهم مش موجودين
مفيش غير الجده وسندس وهاجر صديقه فجر
الساعه دقت 9 بالليل.
فى الشقه المجهوله..
__ نشوى دخلت وفتحت الباب على رضوى
ولابستها الفستان وعملت لها ميك اب خفيف
وظبطت لها شعرها وخدتها على اساس
انها هتوصلها لحد بيتها.. رضوى نزلت معاها
وشافت امام باب العماره عربيه واقفه
نشوى.. يلا اركبى
رضوى.. اركب فين
نشوى.. العربيه دى
رضوى.. ايه ده.. هركب لوحدى.. مش انتى قولتى
هتوصلينى لحد البيت بنفسك
نشوى.. يا بنتى اخلصى واركبى.. انا جايه معاكى
رضوى ركبت ومعاها نشوى والعربيه طلعت بيهم
وبعد طريق طويل كانت رضوى نامت من التعب
العربيه فرملت.. رضوى قامت من الخضه
وشاااافت 😱
فى الفيلا..
__ يسرى قاعد فى اوضته ومستنى مصيبه
تحصله.. احمد اخوه دخل عليه
احمد.. هما كلهم فى القسم ولا المستشفى
يسرى.. معرفش معرفش
احمد.. ايه.. زعلان ان المززه امها ماتت
يسرى.. انا مش فايقلك دلوقت
احمد قرب منه وقال بهمس.. متخافش
وراح فتح الدولاب.. هو فين؟
يسرى.. هو ايه!؟
احمد.. الكيس اللى فيه السم
يسرى قام جرى عليه وكتم نفسه.. انت بتقول
ايه يا مجنون
احمد بغضب.. شيل ايدك هتموتنى.. ايه يا عم
هتخنقنى.. انا اخوك الصغير وبقولك متخافش..
بس قولى فين الكيس؟
يسرى.. انت تانى.. يا ابنى متبوظش اعصابى
احمد.. انا عارف كل حاجه.. وعارف أن
الحربايه اللى اسمها فجر استغلت حبك
ليها.. وانت زى العبيط صدقتها
يسرى.. بتقول ايه! .. انت عرفت ازاى؟؟
احمد.. فين الكيس بس قولى؟
يسرى ساكت..
__ احمد بيفتش فى جيبه وطلع الكيس.. هو ده
صح يا اخويا.
يسرى بذهول.. بس انا رميته
احمد.. انت رميت الكيس اللى انا بدلته مكانه
يسرى.. انت تقصد ايه؟؟؟
احمد.. الكيس اللى معايا ده اللى كان فى السم
الحقيقى.. بس انا اتخلصت منه.. متخافش
اللى حطيته فى الشاى كانت فانيليا مخلوطه
بالدقيق.. شكل نوع السم اللى كان معاك
يسرى.. يعنى انا مقتلش مدام حكمت!
احمد.. ايوه طبعا
يسرى.. اومال مين اللى حط السم فى الشاى؟
احمد.. ما ده اللى انا هتجنن منه!؟؟؟؟
يتبع...
لقراءة باقيح لقات الرواية اضغط على (رواية بلا رحم)