رواية بنت أغاريس الفصل الخامس والعشرون 25 بقلم سمية عامر

 رواية بنت أغاريس الفصل الخامس والعشرون 25 بقلم سمية عامر

رواية بنت أغاريس البارت الخامس والعشرون

 

رواية بنت أغاريس الفصل الخامس والعشرون 25 بقلم سمية عامر

رواية بنت أغاريس الجزء الخامس والعشرون 

البارت ال 25 🖤🌑

#بنت_اغاريس

اتنهدت و مسكت اوكره الباب و غمضت عنيها و كانت هتفتح بس اتفاجات لما لقيت ايد مسكت ايديها 

بصت وراها كان هتلر بص للس*ينة اللي في ايديها و استغرب 

اتعصبت نارين و بعدت أيده عنها و حاولت تفتح الباب بس هو شالها من غير ولا كلمه و مشي بيها في كل هدوء 

نزلها عند العربيه 

هتلر : ايه اللي بيحصل هنا عايزه تمو تي جدك  انتي اتجننتي 

مشيت بسرعة من قدامه وهي بتشهق و بتعيط 

جري وراها شدها من دراعها : رايحه فين انا لازم افهم ايه اللي شوفته ده

بعدت نارين أيده تاني و عيطت اكتر و مسكته من ياقته : انت كمان عايز مني ايه عااااايز ايه مش كفايه هو 

اتعصب هتلر : عملك ايه قولي اتكلمي 

فضلت ساكته و شالت ايديها من عليه خدها من ايديها ركبها العربيه و ساق بعيد بأقصى سرعة وقف عند البحر نزل و فتح لها الباب كان المكان فاضي مفيش اي حد فيه صحراء 

اياد : انزلي يا نارين 

نزلت من العربيه و هي حزينة جدا مشيت شويه قدام و قعدت على الأرض مسكت التراب و فضلت تعيط : انا عبارة عن تراب يا اياد ...انا ولا حاجه 

راح اياد قعد جنبها و مسك ايديها : انا معاكي مهما تقولي اتكلمي مفيش حد غيرنا 

شهقت اكتر : عارف مين ابويا يا اياد ..ابويا اللي حاول يغتص* بنت ..عارف يبقى مين 

اياد بخوف : مين ؟!

نارين وهي بتضحك : جدي العظيم ..اللي دايما بيقول انا ضحيت بعمري و حياتي عشان خاطر بناتي ..عشان اقدر اربيهم احسن تربيه ( كملت كلامها وهي بتعيط اكتر ) اللي كان عايز يرميني عشان انا بنت زن* ...

يبقى ابويا يا اياااااد ...

كان اياد مش مستوعب كلامها : انتي بتقولي ايه مين اللي ابوكي 

قامت وقفت غمضت عنيها و مشيت شويه ناحيه البحر : جدي ..جدي هو اللي عمل كده في امي هو سبب معاناتها يا اياد سبب بكائها في الليالي سبب اني مش متعلمه ..سبب في حاجات كتير 

قام وقف و عينه مليانه دموع و خدها في حضنه : ششش بس خلاص متكمليش انا كنت حاسس من امبارح أن في حاجه كنت حاسس انك مش كويسه عشان كده فضلت نايم قدام بابك و مشيت وراكي الصبح 

بعدت عنه و فضلت تعيط 

فتحت نارين شنطتها و طلعت المسد.. س بتاع هتلر و عيطت اكتر : انا لازم اموت ...انا مستاهلش الحياة 

مسكه من ايديها و رماه قبل ما تعمل بيه حاجه : انتي اتجننتي ..انا اعمل ايه من غيرك اعيش عشان مين ..نارين انتي كل حياتي انا هاخدك و نمشي من هنا خلاص نسافر اي بلد أجنبي تعيشي مرتاحه فيه 

بصت نارين في عينه بانكسار : بس انا تعبت من الهروب ..امي ايه ذنبها لازم تعرف مين الراجل ده اللي بيقول أنه ابوها 

شدها و حضنها جامد : انا هحل كل حاجه متفكريش في حد متفكريش فيهم ..( سكت شويه و كمل كلام ) تعالي نتجوز دلوقتي 

رجعت لورا شويه : اياد انت بتقول ايه 

حط أيده على شعره و ابتسم : انا بقول نتجوز بسرعة عشان الحق اجيب ولد يبقى هتلر مكاني و كده 

" ف والله ما زادته ابتسامته الا وسامه " 

ضحكت نارين وسط دموعها : حتى وانت بتحاول تخرجني من الحزن بتبوظ الدنيا يعني انت عايز تتجوزني عشان تجيب ولد 

ضحك بصوت عالي و بعد عنها شويه : لا لا انا مش هجيب ولد واحد انا هجيب كتير 

ضحكت هي كمان و جريت عليه زقته و فضلت تضربه : جيب عيالك لوحدك بقى 

مسكها و كتفها و همس في ودنها : لا هنجيبهم سوا في بيتنا و تعالي بقى 

شالها و جري بيها لحد المايه وهي بتصوت و تضحك و نزل بيها غطسها 

شهقت و نطت عليه نزلت راسه : فاكرني مش هعرف اغرقك ولا ايه لا د انا مفتريه 

رفع رأسه و شدها من وسطها و رجع شعره بايده لورا كان شعره طويل بس مش اوي متوسط 

اتكسفت و حاولت تبعد ايده 

شدها ليه اكتر و قرب منها : انتي ازاي حلوه كده 

رفعت ايديها على شعره و نعكشته : انت اللي حلو و زلمه يا ززززم 

ضحك و قرصها من دقنها : زلمه و زززم اه م انتي قعدتي في الاردن 

بصلها بحده اكتر و لف ايديها لورا : مين اللي كنتي بتقولي عليه زفت الطين حبيبك 

نارين وهي بتلف عشان تجري : ياه شوف يا اخي نسيت اجيب الساعة بتاعتي هروح اجيبها و ارجع بسرعة 

جري وراها في الميه وهي عماله تحدف ميه عليه وبتجري و تضحك 

خرج بره بس مقدرتش تجري من وجع ضهرها و رجليها 

مسكها شالها و ضحك : قولي يلا 

نارين بكسوف : انت حبيبي .. 

اياد : يعني مكنش في حد و بتضحكي عليا 

نارين بتعب : طب نزلتي بقى عشان انت رخم و ضهري وجعني بسببك 

اياد بخبث : بسببي برضوا ولا بسبب شقاوتك 

ضحكت و اتكسفت 

خدها للعربيه كانت بتترعش من البرد قفل العربيه عليهم و مشي بيها و شغلها الدفايه 

وصلوا للبيت دخلت وهي بتضحك و سانده على أيده عشان ضهرها شد عليها 

ابتسمت سهير من فوق وقالت لحسن اللي واقف جنبها : كنت عارفة انها مع اياد هو الوحيد اللي بيخليها تضحك من قلبها 

اياد بهمس في ودنها : اشيلك ولا هتعرفي تطلعي لوحدك يا بطل 

اتكسفت و خبت وشها: لا هطلع انا 

اياد قرب منها اكتر وقال بصوت يكاد يسمع : كده كده هشيلك في فرحنا تعالي بقى 

بصتله بكسوف 

غمزلها و ضحك 

شالها فعلا و جري بيها على فوق وهي بتضحك عليه بس اول ما شاف امها ابتسم باحراج و نزلها 

سهير : احم احم ..مش كفايه كده ولا ايه 

حسن بتريقة : كفايه ايه هو حد يقدر يتكلم مع هتلر بيه 

هتلر وهو بيضحك : انا اوضتي يعني هنا هدخل ..و خدي بنتك خلي بالك منها بقى 

ضحكت نارين و دخلت اوضتها 

ضحكت سهير ل حسن : انا بقول نجوزهم بسرعة 

حسن بتكشيرة : مش لما ترضي عليا و تتجوزيني الاول نبقى نفكر نجوزهم 

ضحكت بصوت عالي و اتكسفت 

في الوقت ده الباب اتفتح و دخل محمود ووراه ماهر اللي كان قاعد على كرسي بسبب الجرو ح اللي في جسمه و مروة ماشيه جنبه ........

لقراءة باقي حلقات الرواية اضغط على (رواية بنت أغاريس)

تعديل المقال