رواية خطوه مميته الفصل الثاني 2 بقلم أروى طاهر المسلاتي
رواية خطوه مميته البارت الثاني
 |
| رواية خطوه مميته الفصل الثاني 2 بقلم أروى طاهر المسلاتي |
رواية خطوه مميته الجزء الثاني
#خطوه_مُميته 2
البنت الصغيره يلي كان عمرها 13السنه اول ماشفتها توا كبرت وسكرت ال18 وهيا بين اهلي❤️
ابتسمت ببرائه وخوف واضح في عيونها وقامت يدها وهيا فرحانه توريلي في دبلتها💔
الواضح ان خوي سبقني بي خطوه حتى وحني كبار !💔
قمت عيوني وحاس ان في شي داخل ضلوعي تفترش شي انحرق داخلي وتحول لي رماد
نسمع بي كلمة قلبي انحرق لكن هاذا وين جربته الشعور !
قمت عيوني فيها وسألتها بي نبره حاده وكأني نعاقب فيها ع شي هيا مليهاش دنب فيه غير اني حبيتها💔
سيف؟....سيف خوي خطبك!
امتتتتتتى ؟؟؟؟كيف معنديش علم بي المهزله هيا!
ريان:اختفت الضحكه يلي كانت مزينه وجها ورجعت لي ملامح الخوف ...بلعت ريقها بهدوء وحاولت تسترد ابتسامتها
س سس سيف علاش بيخطبني !؟😥هاذي تكون ...هادي دبله متع خالتك نهى
ادم:خديت نفس بعد ماحسيته خلاص بينقطع عليا نهائي حاولت نبتسملها لما عرفت من ملامحها انها خايفه بسبب رد فعلي لكن مقدرتش !
رجعت نضرتي الاولى يلي خلتها تخاف مني العمر كله ولساني نطق بي شي انا منبيش نقوله💔......معش تلبسي حاجه مش ليك
وخشيت بدون اي كلمه تانيه
خشيت متجاهل ريحتها وعيونها ولا كأني طول الطريق بنموت ونشوفهم
_______________________________
ريان:فكرت دقايق شنو يصير لو ادم عرف بي السر يلي كنت مخبياته ليا سنين ومقلتش عليه لي ولا حد !!..
بعدت الافكار هادي من راسها بعد ماحست بي الخوف وخدت نفس عممميق وقلبها كان بيوقف منه مقدرتش ابدا تعامله زي خوه
لان ببساطه من صغرها كانت تسمع ان ادم بيقتلها بسبب بوها يلي ضحك على عيلته كلهااا💔
كانت تشوف في نضرات الكره في عيونه وتحس فيه لو شدها ممكن يقطعها لي اجزاء
مكانتش تعرف كمية الحب يلي في قلبه ليها
مكانتش تعرف انه يخاف عليها من نسمة الهواء وميقدرش يضرها بي حرف
مكانتش تعرف انه كان يموت ويتقطع بي العرق لما يشوف خوه مقرب منها
لما يشوف ضحكتها لي خوه ونضراتها لي خوه
قلبه يتقطع لما يدها ترجف منه وهوا يسلم عليها وحاس بيها خايفه ومش قادره تتقبله 💔
كل هادي الاحاسيس مكانتش تعرف ربعها !
________________________________
فجره:شافت لي ولدها بكل حب والفرحه واااضحه من عيونها ....اخيرا خلاص قاعد معانا ديمه !!
ادم:ابتسملها...ان شاء الله
نهى:تعال جاي وليد اختي نوريلك صور بياني زود
فجره:🤦🏻♀️ياسررررك يا نهى الولد كيف واصل
نهى:تمضغ في اللوبان ....خليه يفرح بي خالته العفو خيرك يافجره
ريان:قعمزت مقابله ادم تتفرج على حركات نهى يلي نخطبت بعد جهد جهيد وتضحك❤️
كانت نهى كبيره في العمر وقريب تهبل ع الزواج مخلت شي الاما دراته
واخيرا في النهايه ابتسملها الحظ❤️
فجره:ها ولدي شنو نحطلك الغدي توا ؟!
ادم:عاقد حواجبه وعيًونه على ريان مش قادر يحركهم لي مكان تاني..... لا مخاطريش الحمد الله
نهى:شهقت......معقووووله مش جعان بعد تعب السفر هاذا ؟؟!
ادم:عيونه في ريان....شبعان الحمد الله
فجره:لاحضت نضرات ادم.....خيرك ولدي في شي !
ريان:ارتبكت
ادم:غير عيونه على امه وابتسم ع جنب .....سلامتك
فجره:شافت لي ريان .....سلم بنتي بالله ديريلي قهوا من الصبح مشربتش راسي صدع
ريان:وقفت كأنها كانت تراجي في اي سبله عشان تطلع من الصاله ....حح حاضر
وناضت بسرعه للمطبخ
فجره:تنهدت.....ياولدي حرام عليك
خليها في حالها وامحي الكره يلي في قلبك البنيه مجت في شي ربي يهديك
ادم:عقد حواجبه وحط كوب الميه يلي في يده على الطاوله ....مكرهت حد انا
فجره:نشوف فيك وفي شبحاتك مسكينه البنت لين راحت صفراااا
نهى:اي مسكينه طيبه متستاهلش حسن معاملتك معاها
ادم:هز راسه بهدوء وفي قلبه يقول .....لو تعرفو قداش انا ميت فيها تتحشمو تقولو حرف من يلي قلتوه توا
قاطع كلامه مع نفسه صوت يعرفه كويس ❤️
سيف:الله واكبر ع الاخ الاكبر
ادم:وقف وسلم ع خوه بي الاحضان❤️
سيف :شنو رسمي يلي سمعته اقامه دائمه !
ادم:اي عندك مانع !
سيف:يحكي ببصاره والضحكه ع وجها ..الدلع بينقص عليا ياشيخ 😂
جيت انت بتاكل الجو كله مني 💔🙂
ادم:ابتسم ع جنب.....قاعد عيل
سيف:ريان وين ؟
فجره:في المطبخ
سيف:ناض يجري كأنه بحاجه انه يتنفس هواه ❤️كأنها اكسجينه
بدت فجره تهدرز لي ادم
وادم مش طايق نفسه كان بيتفجر كيف خوه يخش لي ريان للمطبخ ويقعدو بروحهم !
فجره تحكي وتحكي وادم في عااالم تاني
نهى خالته تهدرزله على تفاصيل بيانها وهيا فرحانه وهوا مش سامع حررف من كلامها !
ختمت لما سمع ضحكات ريان طالعه من المطبخ .....سكر عيونه دقايق وتخايل انه خوه واقف ورا ريان وحاضنها❤️
تخايل الف حركه ممكن تصير تخلي ريان تضحك بي الشكل هادا
لمسات ادم لي ريان بطريقه تخليها تضحك هكي !
عقله مرحماش !
وبدي يجيبله في حركات غلط تصير بينهم الاثنين
معش تحمممل وناض من مكانه بيموت من غيرته
خش للمطبخ عشان يشوف منضر مكانش في خياله ابدا!
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
هديل:عيونها متورمات من البكي وعلى وجها اثار ضفارها كأنها كانت تندب 💔
تكلمت وشهقات البكي وسط قلبها .....مستحيل حد يصدقنيي مستحيييل حد يوقف معاي
حضنتها صاحبتها تحاول تخفف عليها
اميره:متحكيش لي حد بالك نلقو حل
هديل:زاد بكاها اكتر من قبل...حل شنو بتلقيه💔
تبيهم يصدقوني اناا ويكدبوه هوا 💔
حقيييييييييير وااااطي
مش شايف حد غير ريان قدامه 💔
لو تشوفي نضراته ليها💔
نهارت ورجعت تخبط على وجها ......انااا الغبيه كيف فكرت ان في لحضه ممكن اني خشيت قلبه
انا الغبيه نستاهلللل
اميره:سؤال بس انا وربي لعند توا مفهمتش ريان هادي شنو تكون بنسبه ليهم !
يعني مش اختهم شنو1
قريبتهم؟ولا جارتهم ولامنو باش تعيش معاهم في نفس الحوش!
هديل:مسحت دموعها وهيا تحكي ......قبل سنين في شخص خش شركه مع بابا وعمي يلي هوا بو ادم وسيف
كانت الامور ماشيه تمام
لعند في يوم تسلف منهم مبلغ كبير هلبا خداه من الشركه نفسه ع اساس انه مقابل لي قطعت ارض كان بابا وعمي يبوها ضروري
اميره :علاش ضروري ؟
لانها القطعه الوحيده يلي لو خدوها خلاص تبدا كلل الجيها هديكه ملك ليهم ويقدرو يديرو مشروعهم
اميره:به المهم كملي
هديل :وافقو يعطوه الفلوس ع اساس مقابل قطعة الارض ويردلهم جزء بسيط منهم
فجاه هكي اختفى كل شي 💔
اميره:كيف اختفى مفهمتش !
هديل:اختفى وطلع قطعة الارض بايعها لي غيرهم قداش ليه
اميره:تي شن علاقة هادا كله بي ريان !
هديل:ماهو ريان تكون بنته ....بنت الشخص يلي ضحك عليهم
اميره:😳😳😳شن جيبهها عندهم!
هديل:ضحكت بهزوا والدموع في عيونها .......عمي كان رديف
خطف بنته يسحابه بي رجعله الفلوس
قاله حتى بنتي حلال عليك .....قعدت عندهم خلوها وربوها كان بوها مش مداير شي
يلي قاهرني يحبوها كأن مفيش شي صاير
اميره:بصدمه.....حي ع الجووو ...به بوها وين !
هديل:منعرففففش .....تنحرق هيا وبوها دبريلي في المصيبه يلي انا فيها والله بابا لو عرف يدبحني انا وياه
اميره:هدي روحك ونبي قطعتيلي قلبي معاك معش نقدر نلومك ع شي فات كنهادا راهو مخليت مدرتلك
هديل:استمرت في البكي واميره مش عارفه كيف تتصرف !💔
_______________________________
ادم:معش تحمممل وناض من مكانه بيموت من غيرته
خش للمطبخ عشان يشوف منضر مكانش في خياله ابدا!
كل التخيلات يلي جت في باله كانت وسخه !!
مفيش اي تفكير نضيف وهاذا الشي يلي زاد غيرته اكتر واكتر 💔
خش بعنف وكان يراجي يشوف منضر يعصب ع خاطره ويقلب الدنيا
بس يلي شافه كان منضر عادي جدا!
ريان تحرك في القهوا وسيف يوريلها في صوره ع التالفون ويتسهوك !
قعد ادم واقف في مكانه ومعش عرف شنو يقول
خصوصا ان ريان وادم شافوله بمعنى ....خيرك شن في !!
لحقاته امه وهيا مستغربه .....
فجره:خيره بسم الله نضت من مكانك هكي شن فيه!!
ادم؛شاف بنضرات طويله لي نهى وخوه حط يده بين عيونه ونزل راسه بتعب ....مفي شي تعب الطياره مرلي عليا .........اءء انا تاعب بنركب نرتاح شويه
فجره:القهواا راجي
ادم:صحتين اشربيها مع خالتي ....وركب بسرعه قبل ما تزيد امه ولا كلمه !
سيف:قارن حواجبه....خيره ؟
فجره:وين نعلم بيه! ناض فجآه كأنه متكنطي
سيف:يستر الله ع رجعته هاذي وخلاص
فجره:خوك الكبير متحكيش عليه هكي!
سيف:قام حواجبه .....تو بالله شنو الكلمه الغلط يلي قلتها ؟؟؟
بتنكري ان وادك مفيشي تصرفات غريبه يعني زي الملبوس لكن ديمه هكي انتي
نهى:خيركم وسعو بالكم شن في!
سيف:مفي شي اساس المشاكل في الحوش روح بس
نهى:عضت فمها....لا عيب ولدي متقولش هكي ع خوك
سيف:اياااااه علينا عاد.....وطلع
ريان:لحقاته بسرعه
نهى:مفهمتش علاش ولادك مش متفاهمين رغم ان سنهم مش بعيده على بعض !!
فجره:تنهدت....بخت ياوخيتي بخت
نهى:تعالي اشربي قهوتك تو ياخدو على بعض
________________________________
خش ادم لي غرفته لوح جاكيته بعنف على السرير ووراه التالفون والمفتاح
قعمز ع الكنبه ووحط يديه بين راسه يسأل في نفسه !
اول يوم وصار فيا هكي؟؟!
الايام الجايه شنو بيصير لما بنرجع نشوفها تضحك معاه ومع غيره؟!
بي اي حق بنشدهم عليها!!؟
بي اي حق بنقلهم معش يجي حد جيهتها!!
نحبسها في دار حتى الشمس متخشش لي عيونها ولا تمس جسمها يلي نموت ولا نخلي حد يقربه !!
ولا نقتلها ونرتاح من العذاب هاذاااا ويلي قاعد يصير فيا!!؟
______________________________
سيف:طالع متكنطي وريان تجبد فيه من يده
التفتلها وهوا متكنطي .....شن تبببببي انتي التانيه؟؟؟
ريان:عقدت حواجبها ....انا التانيه؟!
سيف:خدي نفس عميق وهوا يتهرب من عيونها....افففف
مش عليك
تكنطيت وربي منهم ميشفوش في حد صح غيررره ولا همهم حد غيره وغير مشاعره
ريان:مسكت يده وارتسمت عليها ضحكه خفيفه....به انا هامني انت🥺❤️
سيف:تنهد وابتسم....مفيش حد معدل عليا في الحوش هاذا غيرك اصلا ....ومسك يدها بقوه❤️
ريان:هي برا توا متعطلش
مش تروح في الليل ره سهور معش فيه
سيف:حاضر ابله ريان
ريان:في حفظ الله ❤️
سيف:حط تالفونه في جيبه ونزل بسرعه من الدروج لي سيارته
قعدت ريان تشوفله بحب لين مشي
تلفتت بتخش للحوش تجي عينها في عين ادم💔
يلي كان كأن وحش بنسبه ليها كل مايشوفها فرحانه يخرب عليها
نزلت عيونها بهدوء وخشت
اما ادم ضرب اقرب شي كان جنبه من الاعصاب واولهم صورت بوه يلي كانت كبيره بحداه!
لقراءة باقي حلقات الرواية اضغط على (رواية خطوة مميته)