رواية خطوه مميته الفصل السادس عشر 16 بقلم أروى طاهر المسلاتي
رواية خطوه مميته البارت السادس عشر
 |
| رواية خطوه مميته الفصل السادس عشر 16 بقلم أروى طاهر المسلاتي |
رواية خطوه مميته الجزء السادس عشر
متبيش تفهم؟؟
انا مش متقبلاتك
ادم:ابتسم وقربها من يدها ليه .....تو تتقبلي
ريان:دفاته بقوه لين شالها طاح .....نكرهك زي ماتكرهني بي اللاف الاضعاف ادم
لا طايقه نشوفك ولا نسمع صوتك ولا نبيك ولا طايقااااااتك
ادم :عطاها بضهر وهوا يرجع في شعره للخلف بتوتر ومضايق
ريان:كنت طول الوقت خايفه منك اي لان منبيش سري ينكشف ويصير شي يقتلني وانا حيه
ادم:تلفتلها ....ع اساس توا مش رح يصير الشي هاذا !
ريان:ابتسمت ع جنب:مدام مدرتاش توا مستحيل اديره بعدين
ادم:انصدم من طريقة كلامها وثقتها يلي اول مره تحكي بيها !....انتي تدوي معاي انا هكي ؟
ريان:خافت شويه لكن كملت....اي معاك انت علاش في حد غيرك قهرني في حياتي ؟!
قامت يدها تعد على صوابعها....لا خليتني نلبس زي البنات
لانحلم نمس تالفون بين يديا ونفتح نت لا نتعلم في مدارس لا يبدا عندي صاحبات ولا شيييي شيييي
دفنتني وانا حيه
وبعد هاذا كلللله وبعد ما انكشف كل شي وخديت حقك جاي تقولي مستحيل نرجع لي بوك
عندك قلب انت؟؟
كيف تفكر كيف تحسسسس فهمني كيف يعطيك خاطرك ادير في بنت مليهاش اي ذنب هكي
ادم:يشوفلها وساكت
ريان:متفهمه جدا انك تكرهني وحاقد عليا
اوكي تمام
بس انا من لما خشيت حوشكم مشيت بقوانينكم ونفذت كل حرف انطلب مني ونعدمت شخصيتي بينكم
عطيني سبب واحد يخليك ادير فيا هكي
ادم:بدون مايفكر....خوفي الزايد عليك !
ريان:مهما كان م.......شافتله ونقرت حواجبها
شنو؟!
ادم:كأن حد كب عليه اميه سخونه لانها قربت تعرف مشاعره!....يا اما تكوني مرتي ع الورق وغير الورق يا
ريان:قامت راسها بنضرات حاده....يا اما شنو هاااا؟؟؟؟
ادم:خلي بوك عايش حياته
مش حرام يتبهدل وهوا في اخر عمره!؟
ريان:نصدمت....لااااا!!!
بابا لا ادم لاااااااا
ادم:خدي نفس وهوا يشوفلها ....خلاص اماله حطي عقلك في راسك
ورتبي امورك ندير دوره وجايك
مخلاش اي مجال لي ريان انها تحكي وطلع وخلاها في دوامه كبييييره مش عارفه كيف تتصرف فيها!
__________________________________
هديل:بي اعلى صوتها.....لا ياباااااابااااا هذاكه زمان نخاف منك ونسحابه عقلك في راسك
سيف:علااااش وين طلع عقلي؟
هديل:ضحكت بهزوه....منبيش نقولك وين طلع بالك تزعل ولا حاجه
سيف:نزلها من الكنبه وجايها يجرري
هديل:وقفتله...اي تعالا اضربني اي هاذا فاش فالح اصلا ن.......
وقاطعها بي بوسه🤭
هديل:دفاته بقوه ومسحت فمها.....شن جااااك انت هبلت؟؟
سيف:وين الهبال في واحد يبوس في مرته ؟حلاله
هديل:قرنت حواجبها بي استغراب ....صاحي انت؟
سيف:اي !...علاش؟!
هديل:خدت نفس وشافت نفسها في المرايه
سيف:قرب عليها من الخلف وهديل تلفتت عشان توقف مقابلاته ❤️
هديل:اسمعني
سيف:يرتبلها في شعرها....همم
هديل:سواء توا ولا بعدين ولا بعد البعدين ....الطلاق رح يصير سيف
سيف:اختفت ملامحه الحلوه ع وجه وارتسمت ملامح الصدمه....طلاق!!
هديل:اي يلي صار غلطه وانت عارف
وانا مستحيل نكمل عمري كله مع واحد غلطت معاه
سيف:ضحك بهزوه....لالالالا
مستحيل يصير
هديل:علاش؟؟؟
سيف:حط صبعه على راسه....كيفي اموري مش انتي يلي تعطينا قرارات نمشو بيها باقي حياتنا
هديل:نحت يده يلي كانت تلعب بي شعرها بقوه....وانا قتلك منبيكش وكنت مجرد غلطه لا اكترررر
سيف:قام يده ورجع مسك شعرها لكن المره هيا بقوووه كبيره ....وانا يابنت عمي قتلك بكيييييفي مش بكيفكك
هديل:تتألم بسبب شدة شعرها بس ساكته محكتش ولا حرف
سيف:فك يده ورجع يساوي فيها ....خلي عقلك في راسك وارجعي لي دسكة....نحبك سيف حرام عليك علاش ادير فيا هكي
هديل:كنت غبيه
غبيييييه ومراهقه ومعنديش مخ نفكر فيه كنهاذا واحد منضره زيك شنو فيه ينحب اصلااا
سيف:مبتسم بي استفزاز....ومع هاذا حبيتيني وقاعده تحبيني
هديل:حاشاها الباهيه
برا شوف منضرك كيف رايح في المرايا
فسادك يلي داخل كله طالع برا ...لا وواثق من روحه قاعده تحبيني
سيف:يلعلع بصوت احرف منها.....لا عطيني من منضرك انتي يلي مشاء الله
لا اسلوب لا منطق مش عارف حتى كيف غلطت وقربت على وحده زيك اخخخخ بس لو يرجع بيا الزمان
راهو درتها مع وحده عليها القيمه ع الاقل ندبس في وحده قنينه الزح
هديل:والبوسه يلي قبل شويه شن وضعها
سيف:هرمونااات هرمونات رجاله ومنقدروش نتحكمو فيها
هديل:شافتله من فوق لعند لوطه وطلعت من الدار
__________________________________
جمانه:نزلت من السرير ولبست عليها روب ازرق وسكرت حزامه كويس
سيبت حضن مصعب يلي كان راقد ونزلت بسرعه للغرفه التانيه عشان ولدها❤️
خذاته وخشت غرفتها ترقد فيه
ماشيه جايه قدام السرير تشوف في مصعب كيف كان غاااارق في نومه ❤️
كانت فرحانه ان هيا ومصعب خلاص معش في بينهم اي حواجز
ومصعب بدي ينسى شخصيتها القديمه يلي هيا اصلا مش مذكره منها شي !
حطت ولدها في السرير وتشوف لي مصعب وتحكي داخلها ....لو مهما كلفني الثمن في حياتي باش نحافظ عليك رح ندفعه يا مصعب ❤️
ورجعت لي السرير
قامت يده بهدوء وخشت في حضنه
فاق بيها مصعب ابتسم وهوا راقد وزاد حضنها اكتر واكتر❤️❤️
____________________________________
ريان:كانت واقفه ع المرايه تمشط في شعرها وتشوف لي نفسها وسارحه
رجعت شعرها الطويل للخلف وخذت نفس عممميق
مكانتش لابسه ملابس البنت يلي مستعده تقابل بيهم راجلها لان بي اختصار مكانش عندها شي من الحاجات هاذي
اكتفت بي بيجامه بسيطه وعطر خفيف لا اكثر
قعمزت ريان تراجي على اعصابها مش فاهمه نفسها كيف تتصرف
وكل ما تحاول ترفض تذكر ان ادم هددها بي بوها
وتعاود تحاول تصبر من جديد
استنت ساعه واثنين وثلاثه وخلاص عرفت ان في شي غلط
فتحت الباب ومدت راسها تشوف يمين يسار وادور بعيونها على ادم
بس كان الممر ضلااام وفاضي مفيش حد
طلعت بهدوء وهيا تمشي على روس صوابعها لين وصلت في الصاله
ولقاته راقد ع الصالون ❤️
راقد ومتغطي بي الجاكيت متعه كأنه بجديات مكانش ناوي لا يسمها ولا يقربها
مجرد ان يبي يخوفها وبس
شافتله بكره عمميييق خلاها متفكرش حتى تجيب لحاف وتغطيه خلاته ورجعت لي غرفة النوم سكرت ع نفسها ورقدت❤️
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
ثاني يوم⛅️⛅️
هديل:ناضت من النوم قعمزت ع السرير وهيا تشوف لي سيف غارق في نومه وواخد منها البطانيه كلها
شافتله وهيا متكنطيه....عليك خراااا
نزلت من السرير وهيا تتكلم بصوت وااطي .....دراه الكبد شنو مدايره في عمري انا بسسسس شنو مدايره باش ربي يبليني بي واحد هكي
غسلت وجها وطلعت المطبخ اطيب في قهوا وقاعده مستمره تتكلم وهيا معصبه 😂
هديل:مش لو قعدت في حوش اهلي بدون مسؤليات كبيره ومع واحد زي هاذا خير؟؟
حضي حضي ونعرفه كويس ان شاء الله يموت ونفتكه منه
سيف:صباح الخير
هديل:بدون ما تتلفت ....صباح النور
سيف:فتح باب الدولاب وطلع طاسه وهوا يشوف لي هديل بكره
كان يبي يقربع الكوب على الطاوله بقوه عشان يوضح لي هديل انه مضايق منها 😂
بس يلي صار انه اول ما حط الكوب ع الطاوله بقوه تكسر في يده وطلع الدم على الطاوله البيضه
تلفتت هديل وشهقت بقوه ومشتله تجري مسكت يده...صارلك شييي؟؟؟؟
شن حاس .....كيف ادير هكي سيف شن صارلك احكي !!
سيف:متأوڤريش الموضوع انتي التانيه نحي ،...دفها بهدوء ومشي يغسل في يده
هديل:الحق فياااااااااااا خفت عليك
سيف:عاطيها بضهر....مطلبتش منك
هديل:زادت عصبت اكتر ....خذت القهوا وطلعت من المطبخ
اما سيف يغسل في يده ويبتسم
يحكي داخله ويقول ....تحبني قاعده❤️
____________________________________
جمانه:واقفه ع المطبخ وتحكي بي الهاتف .....اي الحمد الله
امها:يعني شنو اوضاعك توا ....فهميني يرحم بوك راني على اعصابي طول الوقت خايفه يردوك مطلقه
جمانه:لالا متخافيش بلعكس ...الوضع تمام وامس
امها؛امس شنو؟
جمانه:امس صار يلي صار
امها؛خدت نفس ....الحمد الله الحمد الله
يعني خلاص رجعت الامور تمام
جمانه؛اي هاذا باش هكي نقولك
امها:كيف حال مجود ؟
جمانه؛تصب في القهوه .....الحمد الله احسن من قبل بدي اهدى شويه
امها:الحمد الله يارب
جمانه:تحكي بتوتر....اءء امي
امتى نقدر نزوركم ....قلبي بيتقطع على شوفتك
امها:مش توا لا ردي بالك
خوتك قاعد قلبهم مش صافي من يوم الحادث والفضيحه يلي صارت
استني شويه لين تصفى القلوب بعدين ساهل
جمانه:تمام💔
مصعب:صباح الخير
جمانه:ابتسمت....صباح الورد
مصعب:قرب على جمانه باسها على راسها وهيا مزال تحكي بي التالفون
جمانه:ارتبكت....يالله امي سلمي عليهم كلهم ❤️
امها:يوصل سلمي ع مصعب وبوسيلي مجود
جمانه:ان شاء الله❤️..وسكرت الخط
مصعب:حضنها وسكر عيونه❤️
جمانه:حطت يديه على ضهره بتوتر....مم مصعب خيرك؟
مصعب:بصوت هادي....حرام نحضن مرتي يعني ؟
جمانه:ضحكت...لا اكيد مش حرام😂❤️
مصعب:بعد من عليها شويه....جهزي روحك اليوم بنادي اهلي تعشو عندي
جمانه:نصدمت وبدت واضح على وجها علامات التوتر
مصعب:خيرك؟
في شي ؟؟
جمانه:ها لالالا
مصعب:لو عندك شي اليوم نأجلوه العشي
جمانه:ابتسمت بغضب....لا حبيبي في اي وقت يأنسو بلعكس
مصعب:امالا خيرك!؟
جمانه:حطت يدها ع راسها....مش عارف حاسه بصداع شويه اليوم
مصعب:بعيد الشر قعمزي ارتاحي
جمانه:ضحكت .....لا عادي مش لي هاذي الدرجه نقعمز😂
انت يلي بتقعمز هي باش نفطرو
مصعب :ابتسم....سلمها الفالحه❤️
___________________________________
ادم:فاق من النوم صقعان ....ناض من الصالون وكان الحوش مصقعععع وضلام
انجه لي غرفة النوم بسرعه بدون حتى ميخش للحمام
فتح الباب ولقي ريان قاعده ملفوفه في البطانيه كويس وراقده❤️
خش للغرفه بهدوء خدي حوايجه وطلع
خش للحمام خدي دوش سخون بعد الصقع يلي رقد فيه طول الليل وطلع❤️
بدل ملابسه وجهز نفسه زي كل يوم
بس قبل ما يطلع المره هاذي قرب كويس من ريان ❤️
شافلها وتأمل فيها كويس بعدين طلع!
فتحت ريان عيونها من صوت الباب يلي تسكر ناضت وهيا تتكسل وتثاوب
لمت شعرها ونزلت من السرير بسرعه لي الروشن
شافت ادم طالع بسيارته وخلاص اختفي
حطت على نفسها الشال وطلعت بسرعه .....فتحت الباب
لكن يلي نصدمت منه ان الباب كان مسكر بي المفتاح !
ريان:المريض هاذاااا حابسني ؟؟؟
لابجديات حابسني!!
___________________________________
هديل:كانت لابسه سروال اسود وااسع وبلوزه صوف لونها اخضر داكن ووشاح اسود ❤️
طالعه من باب الحوش وسيف وراها نازلين
سيف:يعني لازم منها الطلعه في الصقع
هديل:شافتله....بلا تخلف
راهو حني نازلين لي الطابق الارضي مش ماشيين للمريخ
كملت مشيها.....بعدين امك يلي نادت عليا انا شن دخلي
سيف:يلي يقدركم انتم وااااك
كملت مشي هيا وسيف وفجآه يلاقو سند في طريقهم
فز قلب هديل لما شاف خوها
ورغم ان ميكلمش فيها لكن مقدرتش تشد نفسها وكلماته وعيونها يلمعو
هديل:س سند🥺❤️
سند:شافلها من فوق لعند لوطه
هديل:ابتسمت ودموعها في عيونها للنها كانت تموت في سند اكتر من مصعب خوها.....كيفك وخي؟
سند:وخي ؟هه ....مش وخي الفاسدات انا
سيف:هيييييي
قام صبعه وهوا يحكي ....احسب لي كلامك والفاضك وانت تدوي مع مرتي
سند:شاف لي سيف مستغرب ....متستفزنيش خير ما نقتلها الفاسده يلي جنبك
سيف:للمره الالف نقولك ثمن كلامك وكانك راجل مس فيها شعره
هديل:سيبت كل شي وقعدت تشوف لي سيف وكيف يدافع عليها بحرارة قلب ❤️
سند:شاف بنضره طوووويله لي سيف وطلع
سيف:شن جاي يدير هاذا هني
هديل:تشوف لي سيف قاعده مصدومه!....
سيف:وانتي خيرك فاتحه فمك زي السبهلله هكي فوتي قدامي
هديل:😧
سيف:تي فووتي قتلك ...ودفها
هديل:كملت طريقها معاه وضحكت لما جت في بالها اغنية
يعاملني بطيبه واحساس ❤️
يدلعني قدام الناس ❤️
__________________________________
مصعب:شن مزال ناقص؟!
جمانه:اءءء خليك ترا.....مشت بسرعه للمطبخ ووقفت على روس صوابعها فتحت الدولاب ومصعب يراقب فيها❤️
جمانه:لالا خلاص جيب يلي كتبتهولك بس
مصعب:تمام تبي شي نجيبلك معاي ؟!
جمانه:قامت ولدها من ع الارض وهيا لاهيه...سلامتك حبيبي
مصعب:طلع وسكر الباب
ورجعت بيه الذكريات لي وقت فات قبل الحادث:-
فلاش باك✨
جمانه:والله؟؟؟
برا اعزمهم ووكلهم وين ماتبي شن دخلي انا تجيبهم في حوشي هااااا؟
شنو ليا علاقه ولا تبيني خدامه لي اهلك نطبخ صبح وليل
مصعب:ماسك الغضب متاعه....خشي للمطبخ وشوفيلي شنو ناقص
جمانه:منبيش برا خودلهم من اقرب مطعم....وطلعت وقربعت الباب
رجع مصعب للواقع وابتسم وهوا يقول....سبحان مغير الاحوال
__________________________________
انفتح باب الحوش وخش ادم ❤️
اول ماخش لي الصاله كانت ريان مقعمزه ع الصالون لافه نفسها ببطانيه خفيفه وقارنه حواجبها
ادم:صباح الخير
ريان:اي صباح؟؟
كيف تطلع وتخليني محبوسه كيف تسكر علياااااا والحوش مفيشي ولا شي الثلاجه فاضيه حتى اميه مفيش
ادم:حط الشكاير ع الطاوله....طلعت نجيب في فطور
تعالي كولي
ريان؛سكتت ....علاش سكرت الباب عليا؟
ادم:يطلع في الفطور من الكيسه....تعودي عليه الوضع هاذا
لانك بتعيشي فيه
ريان:فتحت عيونها.....بنعيش محبوسه؟؟؟
ادم:ابتسم.....لين تاخدي ع الوضع لما نعرفك تأقلمتي تو نخليه مفتوح متخافيش
كولي توا وبعدين ساهل
ريان:قعدت تشوفله وساكته ....مدت يدها خدت العصير وكيف بتحطه في فمها
ادم:لالالالا
ريان:نخلعت
ادم:مصقع عليك تمرضي ....جبتلك التاني ليك
ريان:اءء انا
انا مخاطريش كول انت صحتين
ادم:مسكها من يدها قبل ما تنوض .....انا منطلبش منك تفطري ريان انا نأمر فيك
ريان:😧😧.....وانا منبيش
ادم:ضغط ع يدها اكتر.....ماهو الاحسن انك تفطري بي ايرادتك خير من غصب عليك
ريان:قعمزت وهيا بتتفجر من تصرفاته معاها
كلامها تغير
واسلوبها تغير
لكن الشي الوحيد يلي متغيرش .....خوفها منه في كل تهديد حتى لو كان بسيط!!
____________________________________
فجره:سلم كنتي الفالحه يلي بتحشي العصبان معاي
هديل:ابتسم وقامت كمامها
سيف:مقعمز ع الكرسي في المطبخ وحاط رجل ع رجل ...مريتلها فلاحه
هديل:قلبت عيونها وبدت تحشي في العصبان
فجره:اسكت عاد انت متحبطش البنيه مشاء الله عليها هديل نعرفوها مش اليوم ولا غضوا
هديل:😌😌
سيف😒😒😒😒
هديل:عمتي ترا قيمي الواشاح متعي غير بيطيح في الخلطه
فجره:يديا ملبزات زيك تعال سيف حرك يديك وقيم وشاح مرتك
سيف:قرب على هديل وهوا يبتسم بي استفزاز
هديل:حطه ع كتفي بس
سيف:قعد يساويلها في الوشاح وع اساس يسكرلها في بطم الفانيليا يلي كانت جيهة الصدر
هديل:عفست ع رجله ....خلاص سيف نحي بنكمل
سيف:بعد عليها وهوا يضحك❤️😂
هديل:بصوت هادي....حقيررر
__________________________________
ادم:طلع من الحمام شاف ريان راقده ع الصالون ومتعطيه وتتفرج ع التلفزيون ....خيرك؟!
ريان:عيونها على التلفزيون.....شي
ادم:قعمز جنبها وحط يده ع شعرها....مريضه؟
ريان:بدون ما تشوفله....لا
ادم:نوضي به
ريان:قامت فيه عيونها ....شن تبيني ندير؟
ادم:مسح على شعرها ....نوضي بنرفعك لي مكان
ريان:ناضت وقعمزت....وين؟
ادم:سارح....بنرفعك لي مكان يعجبك هلباااا
ريان:جد تحكي!!
ادم:فاق من سرحانه....اي
ريان:به....نزلت من الصالون وهيا متردده لانها مش مصدقه يلي سمعاته
_____________________________________
جمانه:ساوت وشاحها بتوتر وناضت للمطبخ
ناضت وسيبت ام مصعب وبوه يعقوب ومصعب نفسه
غابت عليهم فتره طويله ومصعب حس بي ان في شي
ناض للمطبخ وراها
لقي جمانه واقفه وسند قدامها يحكي ...يتبع
لقراءة باقي حلقات الرواية اضغط على (رواية خطوه مميته)