رواية خطوه مميته الفصل التاسع 9 بقلم أروى طاهر المسلاتي
رواية خطوه مميته البارت التاسع
 |
| رواية خطوه مميته الفصل التاسع 9 بقلم أروى طاهر المسلاتي |
رواية خطوه مميته الجزء التاسع
#خطوة_مُميته 9
مصعب :فتح الباب عشان ينصدم من الشخص يلي واقف قدامه كان مختفي شهوووور ويسحابوه حتى توفى لما نقطعت اخباره !💔🔥.
فتح عيونه بصدمه وهوا مش مستوعب يلي يشوف فيه !
سند:ابتسم بتعب 💔...قول اهلين ع الاقل
مصعب:دفه من كتافه بقوه وغل
سند:رجع خطوات للخلف من الضربه لكن حافظ على ثباته وقعد واقف على رجليه 🔥...هكي تستقبلني ؟!!
مصعب:عيونه مفتوحات بصدممه ويتكلم.....ووويننننك
ويننننكً انت كيف تختفي طول ها المده
سند:قرب منه لكن رجع مصعب ضربه ودفه على كتافه من جديد
مصعب:اختك نفضحت بين الناس وتزوجت وانت مهناااااش متعلم بشي مخليني بروحي نواجه الحجات المقرفه هادي
سند:خذي نفس عميق....استنى على الاقل افهم مني
مصعب:شنو يلي تبيني نفهمممممه ؟؟؟تي انت اختفيت كأنك معندكش اهل ياراجل معش تعلم بحد فجآه هكي اختفيت بدون اعذااااز
سند:سكت وهوا يشوف لي خوي ....
مصعب:خدي نفس طووووويل وتعود من الشطان 💔...قرب على خوه وحضنه بقوه ❤️
خبط على ضهره مرتين وتباعد ...الحمد الله ع سلامتك
رغم كل شي درته
سند:ابتسم وعرف قلب خوه الحنين .....الله يسلمك❤️
____________________________________
ريان:ساكته وتشوف لي السفره يلي مقلوبه ع الارض !
ادم:مسمعتيش سؤالي ريان؟؟؟
ريان:بلعت ريقها....اءء انا
ادم:قرب عليها ومسكها من كتفها ...شن تعرفي ؟!
بوي مقايلك شي وانتي مخبيتيه علينا ؟!
ريان:هزت راسها بخوف بمعنى لا وخدودها حمررر من الصقع
ادم:زاد قرب منها ❤️
كأنه يستخدم في اسئلته حجه عشان يقرب براحته ولابس قناع انه متكنطي عشان تغطي ملامحه يلي كانت ذايبه فيها !
ريان:نفسها يطلع بخار ابيض من الصقع يلي كان محاوطهم من كل جيها تبلع في ريقها ويديها بدو يرجفو
ادم:قرب وكان بينهم نصف خطوه👌 ...متأكده مش مقايلك شي !؟
ريان:بصوت متقطع ويرعش....والل و وال
ادم:حط صبعه ع فمها 🔥...اششش بدون حلف
باش لما نكشفك تكذبي انا يلي بنحاسبك هنايا علاش تتحاسبي مرتين مره في الدنيا ومره في الاخره
معش تحلفي باش تتحاسبي مره وحده بس !...ويلي هيا عندي انا
ريان:حست بحلقها جف ومعش قادره تنطق كلمه
قلبها بيطلع من مكانه وتفكر لو ادم عرف بي سرها او لا !!،
ادم:نزل صبعه من على فمها بهدوء .....خلاص خشي داخل معش نبيه سريب كل شويه طالعه وجايبه غدي وشاهي
ريان:تشوفله وترجف
ادم:ركز علي يديها كيف يرجفو ❤️
بس مكلفش نفسه حتى يطمنها بكلمه وحده !
ادم:مسمعتينيش؟؟!
ريان:لفت عليها الشال اكتر واكتر وعطاته بضهر واتجهت للحوش
بس من كثر ما ترعش لين اختل توازنها وطاحت 💔
طاحت وطاح قلبه معاها !
لكن مع هاذا قعد واقف يشوفلها ببرود كأنه مش حاس بي شي
وهوا من داخل يموت ويقرب عليها يقيمها 🔥
ناضت ريان تنفض في روحها من التراب وتحاول تختفي على عيونه بسررعه
خشت للحوش وعيون ادم تلاحق فيها لين اختفت
هوا في حد يحب بي الطريقه الغريبه هاذي؟!
___________________________________
سيف:وقف قدام السرير داهش وعلامات الخوف بعيونه !
بعد الحاجات المقرفه والوحشيه يلي دارها في هديل فقدت الوعي ومعش قعدت حاسه بي شي !
لبس حوايجه وغطاها بي الورغان الابيض يلي كان ع السرير
خش للمطبخ وعبى كوب اميه بس مجرد ما وصل لباب المطبخ غير رايه
وبدل الكوب جاب سطل 👌
سطل اميه بارده في عز الصقع نزله عليها وهيا مش لابسه 💔
فتحت عيونها وهيا فاشله كلمه مش قادره تقولها
سيف:ركب ع السرير وقرب عليها ....شفتي روحك وين توا؟!
عندي
في حوشي
فوق سريري
وكل لحضه وكل ليله بتفوت عليك صدقيني رح اندمك على الوقت يلي ذكرتي فيه اسمي وخلوني نتزوجك ياهديل
وهادا اول يوم معاي استعدي للباقي ....ابتسم ع جنب وهوا يشوفلها بتقزز....صباحيه مباركه ياعروسه ....ونزل من السرير
اما هديل سكرت عيونها لي دقايق وفتحتهم
قامت راسها يلي كانت حاساته ثقييييل عليها عدلت راسها حطاته ع المخده وغطت نفسها بقوهاا
التفت على نفسها واخده وضعية الجنين في بطن امه💔
وغطت نفسها كووويس....سكرت عيونها بتعب وهيا مش قادره تتحرك
____________________________________
فاطمه:ماسكه ولد مصعب وترقد فيه على كتفها بهدوء
وكانت ماشيه جايه في نفس المكان
وقفت جمانه مرت مصعب تتفرج عليها من شق الباب بعدين خشت بهدوء وخدت منها الولد
فاطمه:ابتسمت بتوتر
جمانه:تمسح على ولدها وتبوس فيه من راسه وهوا راقد ....كم عمرك يافاطمه؟!
فاطمه:اء الشهر الجاي بنسكر ال19
جمانه:ابتسمت...صغيره
فاطمه:اي😅
جمانه:حطت ولدها بهدوء ع السرير وغطاته ....تعرفي كيف كانت علاقتي بي مصعب قبل الحادث ؟!
فاطمه:تحولت ملامحها لي جديه ....لاا ابدا
اصلا انا جيت وحضرتك كيف مدايره الحادث في ايامك الاولى
جمانه:امممم...وقعدت تشوف لي فاطمه في شبحات غريبه
كان يحكيلك عليا؟!
فاطمه:لا
جمانه:تنهدت بحزن وهيا سارحه ....الشي يلي انا فيه يافاطمه منوداش لي حد حتى لي عدوي
تبدي مش عارفه انتي منو ولا وين ولا شن صايرلك
سكتت فتره .....ومنو يلي تحبيه بزبط فيهم
فاطمه:فيهم؟!
هما منو هاذم!!
جمانه:حطت يدها ع راسها بتعب .....ولا شي انسي
وخشت لي غرفتها وهيا تحاول تسند نفسها
—————————————————————-
الساعه 2الضهر:-
كل بنات العيله ملتمين فوق بعضهم على روشن واحد ومنضرهم يضحكككك
كانو يدفو في بعض عشان يتفرجو على الشباب والرجاله يلي طالعين من الخيمه بعد ما تغدو وكل وحده تعلق بطريقه بروحها!
نهله:غير شوفي شوفي كيف سيف الاجرب مصدق روحه ع اساس عريس
تهاني:تي اما عريس وهوا داخل عليها من قبل5شهور😂
حنان:ضربتها ع كتفها ياكلبه سكري فمك تسمعنا عمتك ادير فينا العار عارفتيهم ميبوش السيره هاذي تنفتح
تهاني:اففففف به خلاص....وتابعت تتفرج
نهله:عضت فمها بملامح اعجاب....احااااا من ادم الغزيل
شوفيه كيف ماشي وسطهم
ملك ياناس ملك
حنان:نسيتي ان مرته ورانا يا حماره 😂
ريان:تمسح في الصواني من الميه ...ابتسمت بتعب على تعليقاتهم يلي كانت اضحك
نهله:عدلت وقفتها وتباعدت من الروشن ....ريان خلينا نحكو معاك فقش هكي
ريان:كيف؟
حنان وتهاني بعدو على الروشن وقربو يسمعو
نهله:انتي تعرفي ادم كويس صح!
جنتل رزين يعرف امتى يحكي وقنين وشخصيه كل شي فيه حلو
ريان:تشوف للبنات وهيا مش فاهمه
نهله:كيف يتزوج وحده زيك
ريان:زيني ؟!
حنان:نهله تحشمي
نهله:افففف خلوني ندوي وخلو البنت تواجه الواقع
يعني جديات ريان متفهميش كلامي غلط
لكن الفرق بينكم كبير وواضح هلبا
تهاني :قامت يدها .....صراحه ترووو ✅
صح كلام نهله
حنان:شنو يلي صح؟!
ريان:كان عندها نفس السؤال داخلها
نهله:يعني ادم لبسه وتنسيقه جلططه من يوم يومه
انا ريان معندها شي غير البجامات الطفوليه متع الدباديب هاذم
ادم متعلم ومتخرج من احسن الجامعات
وريان حدها ثانيه اعدادي اعتقد
ادم تطلع عليه البنت الفالحه المتقفه المتعلمه يلي مشغوله بحجات مليحه وشخصيتها قويه
مش البنت يلي زي ريان 24ساعه في المطبخ ومتعرف شي غير الطبخ وتنضيف وشخصيتها مش مهزوزه!!
معندهاش شخصيه من الاساس اي حد يكشخ عليها تخاف طول وديمه متوتره
ريان:ساكته وتسمع وكل كلمه كانت تنحفر في داخلها ألالف المرات !💔
حنان:فنصت في نهله......خلاص به مش هكي ينقال للبنت الكلام
بعدين ادم قري عليها الفاتحه وتم الموضوع هوا يلي يبي امي قالت مجبره حد
نهله:بنضرات خبث....هوا صح مجبره حد
لكن انا ريان مسخفتني الحق
ريان:بعنف ردت....علااااش ؟؟!
علاش مسخفاتك!!!!
نهله:تبي الصراحه ريان؟
هوا قري فاتحه عليك ع خاطر شي معين ولا !
وهوا انك تبدي محرم عليه في الحوش بعد ماسيف تزوج
لكن بصراحه انتي يلي تسخفي
ادم سيوره يحط العين على وحده تناسبه وكامله مكمله وياخدها
لكن انتي شنو بيصير فيك وقتها؟!
بتقعدي لا معلقه ولا مطلقه بدات معاملته ليك زبااااله وكلنا عارفين الشي هاذا
ريان:انصدمت من كلام نهله
والكلام هاذا خلاها تعيد حساباتها الف مره 🔥💔
وتفكر وتفتح عيونها على حجات مكانتش تشوف فيها قبل!
___________________________________
يعقوب:وانت كيف تخليهم يضحكو عليك وياخدو جوازك بطريقه هيا ؟
معقوله تنحبس شهور وانا منعلمش ؟!
مقدرتش توصل فينا !!
سند:ينقي في سنونه من اللحم....وراس امك يا بوي خلاص
ريحني من ها السيره راهو ولدك مصعب ساعه يهزب فيا في الطريق قريب غداني في الشيلا اليوم خلاص ارحموني مروح تاعب
يعقوب:طول عمرك متعبني انت ياريتك طلعت زي خوك ضابط الله يبارك عليه
مش زيك حتى ثانويه معندكش
سند:لوح عود الاسنان .....اياه علينا عاد
ادم:خبط سند ع كتفه.....شني المره هاذي عطلت واضح ان عملتك كبيره
سند:تلاقو عليا 🤦🏻♀️
ادم:ضحك وقعمز جنبهم ....وين مصعب ؟!
سند:روح ....مبكري بس حكالي شنو صار مع مرته
مفهمتش خير العيله هكي فجآه نقلبت !
يعقوب:توتر.....الحمد الله الاوضاع هانيه توا مفي شي غلط الامور تمام
سند:لاحظ توتر بوه كويس وزاد لاحظ اكتر لما طلع سيف لابس الزبون
وقف يعقوب وقرب من سند......ريحنا منبوش مشاكل !
اختك هيا الغالطه وخلاص الفضيحه لميناها
سند:شاف لي سيف بحقد
_________________________________
مصعب:فتح باب الحوش وهوا متلهف يشوفها ونسي وراح من باله ان مرته في الحوش رجعت !!!
بدي يكح في الممر عشان فاطمه تسمعه ❤️
وخش للمطبخ ولقاها مقعمزه بدون ما ادير اي شي
مصعب :حط الاكياس على الطاوله
فاطمه؛وقفت وعيونها يفضلو فيه وفي لبست العمل يلي طالعه عليه تقتل❤️🔥
مصعب:شن الوضع؟!
فاطمه:تمام كويس ....وبدت تفضي في الحجات من الاكياس
مصعب:عقد حواجبه....فيك شي ؟!
فاطمه:تتجاهل في نضراته ....لا
مصعب:جبد كرسي وقعمز على طاولة الاكل ....كنت في حوش عمي
اليوم دايرين غدي لي الرجاله وبعدين خطمت على العمل جايبين عصابه متع حشيش حشيناهم في الحبس ال6
فاطمه:كانت تحكي داخلها.....كل يوم يروح يحكيلي في تفاصيل يومه قلبي يزيد يتعلق بيه اكتر
حرااااام يافاطمه ارحمي قلبك مرته رجعتله وانتي مستحيل يرضى بيك
مصعب:اقسم بالله من كثر العياط عليهم باش يفهمو لين راسي استككك خلاص
فاطمه:تلفتت...سلامت راسك
مصعب:حط يده ع خده....مرات نفكر
نقول كان ربي مطيحنيش فيك وقبلتي تخدمي هنايا شن درت في حياتي ؟!
خشيتي رتبتيلي دنيتي ....درتي بالك ع ولدي وع اكلي وحوشي وملابسي
يلي درتيه مرتي قبل مدارتاش
فاطمه؛قلبها رجف وتفركست مع بعضها
مصعب:حس نفسه بالغ في الكلام ومعش عرف كيف يرقع ...اء انا
جمانه:مصعب ؟!...امتى روحت ؟!
مصعب:وقف وعيونه على فاطمه.....بنرقد شويه متخلي حد يجيني
فاطمه:هزت راسها بمعنى تمام وطلع مصعب كأنه مش شايف جمانه جنبه
جمانه:شافت لي فاطمه بنضره غريبه وطلعت
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
عشية الشتاء قصيرررره ⛅️
وبسرعه ما اختفت الشمس وجي بدلها الضلام ❤️
الضلام يلي تخاف منه هلبا ناس لانه يجي بي الكوارث متعه ...زي هديل مثلا
تم العرس وهلاص الحوش فضي
مفيش حد حب يثقل ويقعد اكتر من هكي خصوصا ان الجو صقع وراحة البني ادم في حوشه❤️
روحو كلهم عادا بنات العيله باتو لان حوش عمهم حاتم الله يرحمه بمثابة حوش جدهم ❤️
سيف:راكب من الدروج ينحي في الزبون جت عينه في عين ريان 💔
ريان يلي كانت تنشر في الحوايج وطول الوقت تفكر في كلام نهله !
جت عينها في عين سيف وكان خاطرها تضحك وتهدرز معاك زي قبل وتشكيله همومها زياده !💔
سيف:قرب منها بيسلم عليها
ريان :بعدت خطوتين وهيا تأشر بي راسها بمعنى لااا
وخشت بسرعه قبل ميصير بينهم اي حوار !
___________________________________
هديل:طلعت من الحمام لابسه بيجامه بيضاء حرايريه ولافه شعرها بي فوطه زرقاء هاديه
واقفه قدام المرايه تمس في وجها والاثار يلي عليه
حطت المرهم على كل الكدمات يلي سببهولها سيف
ونحت المنشفه وقعدت تمشط في شعرها المبلول ودموعها ينزلو بسبب وجع جسمها من يلي صار في الليل
سيف:خش للغرفه ولوح الزبون ع طول يده ....قالت امي جوك ومفتحتيلهمش علاش؟!
هديل:بصوت هااادي.....تبيني نستقبلهم بي وجهي هاذ؟!
سيف:شافلها وهوا متكنطي....وتيلي حوايجي وحاجه ناكلها ع السريع
هديل:شافتله بنضره طووويله
سيف:في اعتراض ؟؟!
هديل:جاوباته بضغط عليها....لا
سيف:وتيلي امالا ....وخش الحمام
سكر الباب واتكه عليه !....سكر عيونه لحضات وهوا يفكر في كل شي صار !
كيف ادم يقرا الفاتحه على ريان !!
وكيف هوا قاعد مع انسانه يكرهااااا ويتمنى يقتلها
كيف ريان بدي صعب عليه حتى يسلم عليها !!!؟
فتح عيونه وهوا حاط اللوم كللللله على هديل
__________________________________
في السياره ❤️
فاطمه:خذت نفس....يا فندي انا م....
مصعب:اياااه علينا من فندي هيا خلاص انا جنبك لابس مدني مش ضابط توا
ناديني بي اسمي
فاطمه:نزلت عيونها دقايق ....معش نبيك توصلني
اليوم شفت مدام جمانه اضايقت شويه وانا والله منبي حاجه من .....
مصعب:قاطعها يحكي وهوا سارح في الطريق.....المدام هيا بدات انتي متعرفي شي عليها
عندها مواضيع واسرار لو نكشفت اطيح رقب
بس مفيش حد يقدر يحكي بدون دليل
خليك منها ومفيش داعي تهتمي بمشاعرها ....ودرس السياره
فاطمه:لبست شنطتها .....عيب هلبا تحكي ع ام ولدك وتقولي مفيش داعي تهتمي بمشاعرها لعلمك
وانت تعامل فيها علط وتحكي عليها في كلام غلط قدامي باش تبيني نسايرك ونصدق الكلام الحلو يلي حكيته اليوم؟؟؟!!
لا يافالح رد باااااالك تفكر اني على قد حالي وينضحك عليا انت متعرفنيش من وين جايه ره
مصعب:ضحك بصدمه واتكى على يده. وهوا مبتسم ❤️....وانتي من وين جايه ؟
فاطمه:اذكرت سرها وتغيرت ملامحها ....ش ششي
ونزلت بسرعه خشت لي حوشهم
_____________________________________
طق طق طق
ادم:تفضل
ريان:خشت للغرفه وخلت الباب مردود
كان ادم متكي على سريره ❤️
لابس سروال اديداس رصاصي مع تيشرت صيفي اسود وحاط سمعات بلوثوث في ودانه ...
قعد متكي كأنه مشافهاش رغم قلبه فز من اول ما لمحها ❤️
ريان:مشبكه يديها في بعض .....ادم
ادم:شافلها ....كانت لابسه توته سوداء مرسوم عليها خواتم بي اللون الذهبي وضافره شعرها على جنب
ريان:نبي نقولك شي
ادم؛ناض وقف واتجه لي المكيف يعدل فيه بي الجهاز وفتحه على السخون ...شني ؟
ريان؛عمي حمدي بكرا بيجي ونبي نشوفه
انت عارف انه صاحب بابا والامل الوحيد يلي ممكن يوصلني بيه
ادم:ممنوع ....وحط الجهاز على الطاوله ....غيره؟!
ريان:بالله عليك
نشوفه دقايق بس ليا5شهور مشفتاش من يوم وفات بوك
ادم:متسمعيش فيها كلمة ممنوع ؟!
بعدين الراجل هاذا طلعيه من حياتك مره وحده ريان وانسي انك تشوفيه!
بوك لو يبيك يعرف كويس كيف يوصلك مفيش داعي تقابلي شكلات زي حمدي
ريان:تترجى فيه بعيونها ....سألتك بالله ورحمة بوك
ادم:قلنا لاااا خلاص
ريان:حست دموع الدنيا ملها في عيونها ....عطاته بضهر وحطت يديها على المكتبه متعه وقعدت تمسح في عيونها قبل ما ينزلو
شهقت بصوت مكتوم ووقفت كويس لما حست بي ادم وراها بزبط❤️
دف الباب بي خطوات هاديه عشان يتسكر
ومسك يدها يلي فيها الذبله
قرب فمه على وذنها واليد التانيه ترجع في شعرها على ضهرها ....يتبع
- لقراءة باقي حلقات الرواية اضغط على (رواية خطوه مميته)