رواية احببت مصارع الفصل الثاني عشر 12 بقلم يوستينا سامي
رواية احببت مصارع البارت الثاني عشر
 |
| رواية احببت مصارع الفصل الثاني عشر 12 بقلم يوستينا سامي |
رواية احببت مصارع الجزء الثاني عشر
#احببت_مصارع .
(12)
في أوضة يوسف .
عمربيخبط علي أوضة يوسف : يلا يا يوسف ...هنتاخر يلااااا ..انت قافل الباب ليه يا مهزأ
يوسف بصوت واطي: اخوكي هيشلوحك
نور بتوتر :كلوا منك يا بوز الأخص
يوسف ببرود :طب ما تجيبي حضن طيب
نور :افففف منك يا يوسف ولله هضربك ..اتصرف يا بني ادم انت
يوسف قرب من نور اكتر: يعني مش هتجيبي بوسة
نور :باسك عقرب يا بعيد ..ابعد يا يوسف عني
يوسف :اشششش وطي صوتك .... عمر
عمر: اي صحيت اخيرا ..افتح الباب
يوسف: لا الباب معلق واضح أن المفتاح اتحشر ولا ايه مش عارف
عمر: يا خبر ..طب انا هجيب سكينة من المطبخ
وفعلا عمر راح المطبخ
يوسف :يلا بسرعة وخرجت نور من الاوضة وجريت علي اوضتهااا
عمر خرج من المطبخ ومعاه سكينة :ايه ده خرجت
يوسف: اه فتح اخيرا
عمر: غريبة اول مرة يعمل كدة
يوسف: اي طيب مش هنجهز انا هدخل البس
عمر بشك :ماشي يا يوسف
بس عمر شك دخل أوضة نور بس لقه نور في الحمام
وخرج يغير هدومه واخيرا كلهم جهزوا
___________________&&&&&&&
في العربية
شمس :اعاااا حاسب
فهد بص لقه كلب كبير ساند علي العربية
فهد قفل الشباك :حرااام عليكي ولله قطعتيلي الخلف يا حماارة انت
شمسبخوف : بخاف منهم يا فهد اووي
فهد مسك ايديها :اوعي تخافي من حاجة وانا معاكي ....فجاه سمعوا صوت كلاب
فهد بهزار: يا نهار مش فايت يلا نهرب
شمس :هههههه .... هو احنا هنكتب الكتاب امتي
فهد بصلها بحب :هروح عند صحابي ونطلع علي اقرب مأذون بس المشكلة أن الساعة ٥ فليه كلوا قافل
يلا بينااااا
شمس بحب : ماشي يلا بيناااا
وفعلا فهد وصل عند منطقة نور
شمس بوجع: فهد انت جايبني هنا ليه... انت عارف ان هنا صحبتي واختي ساكنة ...
فهد: ياه بجد ..مش معقول الصدفة
شمس :كان نفسي اشوفها يا فهد اووي...
فهد ضحك ومسك ايديها :معلش بقي تتعوض
وفاجاااه جيه يوسف ونور وهنا وعمر وادهم بس شمس كانت لابسة النقاب
نور: ايه يا ابني انت اتاخرت ليه كل ده
شمس فضلت باصة مصدومة ....نوور
فهد: لا لا اهدواااا كدة ... ادهم خد هنا وعمر معاك العربية وانا ويوسف ونور معايا. يلااااا
هنا :استني بس هي مين دي يا فهد
شمس قلعت النقاب :انا شمس
هنا: اعاااا ..يوسف حط أيده علي بوقها اششش هتفضحينااا. يلا يا ادهم روح العربية بسرعة هنتفضح ..وفعلا هنا راحت معاهم بعد ماحضنت شمس ونور كانت واقفة بتعيط وخائفة اوي
يوسف ونور ركبوا العربية
شمس باصة لنور: نور مسلمتيش عليااا
نور بعياط :وحشتيني اووي وحضنتها جامد
كنت خايفة يلاقوكي يا شمس. كنت فين يا بنتي ليه مكلمتنيش حرام يا شمس انا كنت بموووت من الخوف عليكي
شمس بخوف :غصب عني يا نور.. بعد ماعرفت من البيت قررت انتحر وفعلا حاولت
نور بصدمة وحده : ازاي تفكري في كدة اصلا ..انت غبية
شمس بوجع: غصب عني يا نور انا شوفت كتير اوي اوي ..انا اتبهدلت وكنت بتضرب كل يوم وحاول يعتدي عليا اخووه وبعد كل ده عايز يبيعني اللي يدفع اكتر وبعد ده كله ..بتقولي ازاي افكر في الانتحار .... ازاي اعيش اصلا وانهارت فجاه
نور حضنتها وفضلت تعيط معاها
فهد كان بيسمع الكلام ده لأول مرة وكان موجوع اوي عليها وحلف جواه أنه يجيب حقها وخليهم يندموا علي الي عملوووه
نور :طب مكلمتنيش ليه يا شمس
شمس: علشان انت اول مكان هيفكروا فيه يا نور
نور :طب روحتي فين
شمس :مع فهد ...بجد انسان جميل اوي يا نور
نور بصدمة: فهد ..انت كنت مخبيها ومتقوليش يا حيوان ومسكنته من القميص
فهد: اهدي يا وحش مش كدة ..الموضوع غير ما انت فاهمة نهائي ..انا مكنتش اعرف حاجة ماتقوليلها يا جميلة هانم
نور: ايه جميلة دي كمان
يوسف: لا ده موضوع كبير اوي اوي بعدين احنا الطريق طويل يلا نطلع وبعد كدة احكوا براحتكم
شمس بصدمة: انت مين ....
يوسف: ..نعم اه انا... اسمي يوسف
شمس باندفاع : انت يوسف المنشاوي انت المصارع صح
يوسف بتوتر :اه صح
شمس فاجأه مسكت في قميصة: اه يا ابن.. يا واطي يا زباله انا ماصدقت شوفتك يا كلب ولله لافضحك
فهد بيحاول يفك الاشتباك: بس يا شمس نزلي ايديك
شمس :لا هو ده الي حاول يغتصبهااا ..ولله لافضحك يا زبالة
نور :بس يا شمس بس اسكتي
شمس :اسكت انت ازاي سيباه اصلا منغير ماتقوليش لاهلك علي الكلب ده
فهد بحدة: شمس اسكتي بقولك ...واضح أن احنا محتاجين نتكلم ونفهم بعض كل حاجة ... وانت يا يوسف احنا مش هينفع نرجع مصر غير لما اتجوز شمس
يوسف بصدمة: تتجوزها ازااي يا فهد
فهد: اممم علي قالي أن والدها قدم بلاغ وممكن يتقبض علينا لو نزلنا مصر وانا مش هسيبهم يخدوها
نور: لا طبعا وليه تتجبر عليها ..انا مش موافقة اكيد
فهد: بت اسكتي خالص انت التانية ..وياريت تخلي رايك لنفسك انا عمري ما هعمل حاجة وانا مجبور وبعدين انا قولتلها دي هتبقي مجرد ورقة بس .يعني مافيش حاجة هتحصل بينا...فياريت تسكتي بقي
يوسف بحزن :طب نعمل اي لحد ما اي مأذون يفتح
فهد :نروح نقعد علي البحر أعتقد أن كلنا محتاجين نتكلم.......
____________________________________&&
وفعلا راحوا علي البحر
ادهم وهنا نزلوا يقعدوا يتكلموا شوية ..وعمر اتصل بفريدة وفضل يتكلم معاها
نور ويوسف وفهد وشمس فضلوا في العربية قدام البحر بس كلهم ساكتين خالص محدش قادر يتكلم
يوسف فاجأه بدون مقدمات: بصي بقي يمكن انا عارف انت شايفاني ازاي ...بس انا مش كدة وعمري ما كنت كدة .. وربنا وحده عالم أن الي حصل ده مكنش بارادتي
شمس بتريقة : طبعا مبرر لكن في الحقيقة انك واط. ......
يوسف: لا مش مبرر ..وماتقوليش في الحقيقة وانت متعرفينيش اول مرة نور دخلتلي الاوضة انا كنت بهزر عادي وكنت شايفها عيلة صغيرة جريئة انها تدخل اوضتي. ... بس تاني مرة انا مكنتش يوسف انا يومها اتحطلي مخدرات وحاجات تانية يومها انا دخلت المستشفي علشان كنت واخد نسبة منشطاتعالية الي كان حاططها كان هدفه اني اموت
فهد : الكلام ده بجد علفكرة يوسف ولله مظلوم انا ابن عمه واكتر واحد عارفه
يوسف بص لشمس بخنقة : بعد كدة ماتتهميش حد غير لما تتأكد الاول لانك متعرفيش حاجة ..وخرج من العربية
شمس لفهد: انا منحقي اعمل كدة علفكرة نور اختي. هو مش عارف نور حصلها اي بعد الحادثة دي
فهد : نور انت مصدقااه. صح ..انت لو مش مصدقاااه انا ممكن اوريكي التقرير الطبي لأن عملنا بيه محضر صدقيني هو مش بيكدب يا نور ولله يوسف مش كدة خالص
نور سمعت فهد ونزلت من العربية ليوسف ....
يوسف كان واقف قدام البحر بدأ الصبح يطلع والمنظر كان تحفة
نور 'منظر البحر دلوقتي تحفة ...صح
يوسف بصلها: مصدقاني يا نور
نور: أعتقد أن مالوش لازمة دلوقتي يا يوسف ولا يهمك
يوسف ومسكها من ايديها : لا يهمني يا نور يهمني ويهمني اوي كمان وليه لأزمة ...انا ظلمتك ووجعت وانا غصب عني ..مين قالك اني مكنتش عايش بذنبك ...مين قالك اني لما بفتكر مش بضايق أن استقويت عليكي
نور شدت ايديها : ومين قالك أن كلمة اسف أو مكنش قصدي هتفرق معايا يا يوسف ..انت خلتني من واحدة كانت بتخاف من كل الناس خلتني واحدة بترعب من اي حد خلتني بخاف من اخويا لما يقرب مني ...انت عارف عملت فيا اي... حاولت تغتصبني وضربتني ومكنتش عارفة ابعدك عني خالص ..خالص ...مستني مني اي مستني اقول يا حرام ده مظلووم ...انا سمحتك ..طب وانا طب خوفي ..طب وجعي وخوفي من الناس ..انا بسببك اتعلمت مصارعة علشان اعرف ادافع عن نفسي من الي زيك ..اول مرة احس اني مش عارفة ادافع عن نفسي برغم اني كنت ضعيفة اصلااااا
والنبي تسكت يا يوسف ...اسكت ...
وسابته راحت العربية وفعلا كلهم ركبوا وقرروا أنهم يروحوا يدوروا علي مأذون.
_____________________$$$$.
عند المأذون في الساعة ١١
المأذون: فين والدك يا بنتي أو اي حد من أهلك
فهد بتوتر: اي اصل ....
يوسف ببتسامة : اصل هي اسكندرانية والعريس من القاهرة وانت عارف الشباب مستعجلين عايز يكتب الكتاب بسرعة وينزل مصر والأهل بتحضر في الفرح في القاهرة ..فللأسف محدش موجود وفعلا المأذون اقتنع بس كان شاكك!!!
وفعلا بدوا يكتبوا الكتاب ❤️❤️🎉🎉🎉
هنا :مبروك يا شمس الف مبروك
شمس بفرحة :لله يبارك فيكي
يوسف :يلا يا شباب عقبال ما نوصل هيبقي فات كتير يلااااا وراح للعربية بس شمس راحت ورااه
شمس :حضرت الظابط
يوسف :نعم يا مدام شمس
شمس بضحك: انا اسفة بس غصب عني انت مش عارف نور حصلها اي بجد
يوسف :ولله يا شمس بحاول اصلح الي اتكسر ده بس فعلا انا ماليش ذنب
شمس :عموما انا اسفة اني ظلمتك
فهد بغيرة :شمس
شمس :ايوة يا فهد ..
فهد بغيرة: واقفة ليه مع يوسف وعيزاه في اي بقي
شمس :عادي يا فهد بعتزرله علي سوء ظني وأسلوبي
فهد: طيب يلا علشان نلحق نوصل القاهرة
يلاااااا
وفعلاااااا اتجهواااا للقاهرة بس حصلت حاجة يا ترا اي !!!
لقراءة باقي حلقات الرواية اضغط على (رواية احببت مصارع)