رواية خطوه مميته الفصل التاسع عشر 19 بقلم أروى طاهر المسلاتي
رواية خطوه مميته البارت التاسع عشر
 |
| رواية خطوه مميته الفصل التاسع عشر 19 بقلم أروى طاهر المسلاتي |
رواية خطوه مميته الجزء التاسع عشر
فجره:تحكي بتوتر....سلم بنتي هديل
المناقشات والمشاكل يلي تصير بينكم حاولو تحلوها
وشوفي راجلك شنو طلباته بدل ما يجيب وحده ثانيه !
هديل:كيف جايه بترد اكن وصل مسج صدمها من امها!
فجره:هديل؟؟
هديل:وهيا سارحه ومصدومه ....اها عمتي
فجره:خيرك ان شاء الله خير ؟
هديل:شافت لي سيف وهيا مصدومه
سيف:يحسابها مصدومه من خبر زواجه.....شنو؟!
هديل:اءءء اء انا انا حاسه روحي تاعبه بنركب
فجره:ان شاء الله خير شن حاسه؟
هديل:وهيا تنوض من على السفره....متشغليش بالك رح نكون بخير عمتي ❤️
وطلعت بسرعه
فجره:خدت نفس وتنهدت .....سلم ولدي
سيف:ريحيني من الاسلوب هوا وراس امي خلاص الفلوس وموجودات وانتي عارفه كويس علاش تزوجتها الخرا هيا
وتوا نبي نحس روحي متزوج رسمي ....شوفيلي انتي ولا نشوف لي روحي بروحي ....وناض حتى هوا من على السفره
فجره:لوحت الكاشيك من يدها وهيا مضايقه !
تقريبا مفيش وجبه تفوت على خير معاهم لازم يصير نقاش وينوضو الاثنين معصبين !!
هديل:خشت لي غرفة نومها ويدها ع فمها مصدومه
كل شويه ادير في حركات بيديها من الصدمه وتحاول تتحكم في اعصابها
قعمزت على السرير ويديها ع قلبها
سيف:خش وراها وكان الفضول بيقتله لان حس ان في شي !!........خيرك انتي ؟!
هديل:بلعت ريقها وتغيرت ملامحها لي ملل...شي😒
سيف:قعمز قدامها وحاط يديه على الدفايه ....متخافيش
انتي قاعده هنايا في الجناح مع امي
والثانيه بناخدلها حوش
هديل:ابتسمت بي هزوه....شن الفايده لو خديت الثانيه والثالثه وحتى الرابعه وانت يلي روحك فيها مرت خوك وكل يوم راقده تحته !!؟
سيف:قرن حواجبه...سكري فمك معش تتكلمي عليها هكي
انتي مريضه؟؟!
بدت مرت خوي مهما كان مستحيل مزال حتى نفكر فيها وعلاقتي بيها عمرها ماكانت العلاقه يلي في راسك افهمي
هديل:وقفت وطلعت بيجامه من دولابها وبدت تبدل بي طريقه واضح كويس انها تدلع فيها!
سيف؛فالت فيها عيونه ....اءء بب بعدين انتي علاش نضتي هكي مصدومه كأن في حد قالك خبر ولا شي !
هديل:لبست تيشرت البجامه وخطرت في عقلها خطه شريره👌🔥
قالت وهيا سارحه تفكر....خبر؟!
سيف:يستنى فيها بفارغ الصبر امتى تكمل تبديل ملابسها وتلبس سروال البجامه....اي خبر
هديل؛عقدت حواجبها شويه تفكر....اهااا
اي صح في خبر حلو ليك وليا
سيف:وشنو ياترى الاخبار المليحه يلي ممكن تجي منك وانتي كلك نكد في نكد !
هديل:ابتسمت ....سمير ولد خالي يلي مرته توفت السنه يلي فاتت
سيف؛خيره؟
هديل:روح من الاردن وسمع بي كل شي صارلي وقال لي ماما كلميها تطلب الطلاق ومستعد ناخدها❤️
سيف:نعمممممممم!!!؟؟؟؟ كيف كيف
هديل:اي خيرك مصدوم بدل ما تفرح؟
بتفتكى مني وبتتزوج يلي تبيها بدون ما يبدا عندك زوز حياش تصرف عليهم
وانا ناخد سمير ونعيش حياتي معاه لان بجديات وليد كويس هلبا وحنون
سيف؛حنون صار؟
هديل:اي
سيف؛ناضلها وهديل وخرت واتجهت للحمام....انا بنبدل ال...
سيف؛مسكها من رقبتها ولصقها في الباب ....يمين بالله مزال نسمعك جايبه سيرت الحيوان هاذا
اقسمممم بالله ندفنك انتي وياه ياهديل تسمعي فيا ؟؟
متخلينيش ندير تصرفات اخيييي تندمي عليها عمرك كله
هديل:هزت راسها بمعنى تمام
سيف:نزل عيونه يشوفلها....وبعدين لعند امتى بتقعدي تبدلي في الحمام راجلك انا ره مش براني
هديل:خلي العروسه الجديده تبدل قدامك ....خشت للحمام وطلعت شويه من راسها
اما انا نبدل قدام الحنونين زي سمير مثلا....وسكرت الباب بسرعه
سيف:يقربع ع الباب....والله لما نقتتتتتتتتتتتل امك يا هديل والله لما نعدمكككك
هديل:حاطه يدها ع فمها وكاتمه اصوات ضحكها
____________________________________
ادم:يحكي وهيا قاعده في حضنه وقراب على بعض ❤️
بتنوضي؟
ريان:هزت راسها بمعنى لا
ادم؛تمام
ريان:زادت لصقة في ادم اكتر ❤️🔥....وعيونها في عيونه كانت تحكي في هلبا حاجات
ادم:زي كل مره ذايب فيها وفي تفاصيلها
حط يده عليها وريان ممانعتش ولا قاومت !
ادم:يمرر في يده عليها بحنان ....تبي تطلع اليوم؟
ريان:هزت راسها بمعنى لا....خليك معاي حتى انت متطلعش ❤️
ادم:مصدقش يلي سمعه ❤️....شنو يلي تغيرر وخلى ريان هكي !؟
ريان:شافت لي عيونه وابتسمت
ادم:قرب عليها وباسها ✨
ريان:ادم
ادم:عيونه❤️
ريان؛خدت نفس وهيا تشوفله...حاسه ان
ادم:عقد حواجبه....شني ؟!!
ريان:تقبلتك❤️
وهلبا مش شويه
ادم:ابتسملها وجبدها ليه🔥
بس قاطعهم صوت الباب
طق طق طق طق
ادم:ناض من على السرير يخبط....ايااااه علينا عاد
ريان:خدت نفس وقلبها بيطلع منها
فجره:السلام عليكم ان شاء الله غير مش راقدين بس
ادم:اهلا امي ...لالا تفضلي
فجره:خشت وهيا تتفرج ع الحوش ....مشاء الله
ربي يبارك ربي يبارك مشاء الله
ادم:يبارك فيك .....وكان بيتفجررر لانها قاطعت لحضه كان يراجي فيها سنين
ريان:طلعت من الغرفه تلف في شعرها ...اهلا عمتي
فجره:طلعت من المطبخ يلي كانت تتفرج عليه وحضنتها❤️....
ريان:ابتسمت وهيا تشوف في ادم ورا امه
فجره:بعدت من عليها شويه....انتي كويسه؟!
ريان:الحند الله بخير كيفك انتي
فجره:معقوله هكي يومين منشوفكمش ولا تعزموني نشوف حوشكم؟!
ريان:ضحكت....انا مدخليش كله من ادم
فجره:شافتله....اخخخخ يا خسارة تعبي وخلاص
ريان:هي خلي نديرلكم قهوا ونجي ❤️
فجره:قعمزت وتستنى في ريان لي تختفي وشافت لي ادم طول .....شنو الاوضاع؟!
ادم:عاقد حواجبه وحاوبها بصوت رجولي ❤️...تمام
فجره:شافتله بخبث....عارفه انه تمام لا قتلتها لا شي
نحكي كيفها معاك؟
قاعده مضايقه؟
ادم:ابتسم.....انتي كيف تشوفي فيها ؟
فجره:ماطلع منك ياولد
ادم:ضحك ....
_________________________________
مصعب:طول يومه يتقلب في السرير ومش فاهم شنو يدير
نزل من السرير وقعد يتمشى في الحوش
الدنيا صقع وهدوووء
جمانه يلي كانت ماليه عليه حياته ومحليه الحوش اختفت !
كان فاهم كويس انها مشت لي حوش اهلها لانها كانت زعلانه!
به توا شنو يقدر يدير بعد ما عرف روحه يموت فيها وحبه القديم ليها رجع صحي من جديد ❤️
قعمز قدام التلفزيون يتفرج وبعتلها رساله على الواتس
مصعب:امتى نجي نروح بيك؟!
جمانه:مستاحشه اهلي هلبا خليني نبات اليوم
مصعب:فنص عيونه وهوا مصدوم....تباااااتي ؟؟؟؟
تي انا قريب نجي نروح بيك توا مش قادر نصبر للمغرب وانتي تقوليلي نبات؟
جمانه:خليني انا وولدي هنايا وانت برا كمل البحث متعك على فاطمه☺️
مصعب:خدي نفس وكمل يكتب.....بطلي استفزاز
بيتان برا الحوش لا!
جهزي نفسك بعد صلاة العشي جايك
جمانه:به😒...تغديت؟!
مصعب:نهمك يعني 😉
جمانه:لا نبي نعرف لو في اماعين بنروح نغسلهم ولا لا🙂
مصعب:قري المسج ولوح التالفون ورقد
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
هديل:سكرت الطنجره ونقصت عليها النار
طلعت من المطبخ وواضحه على وجها علامات الفرح
سيف:رايقه كأنك!؟
هديل:حاسدني كأنك !!
سيف:لا لكن فرحينا معاك
هديل:ابتسمت وهيا تصب في القهوا لي نفسها ...مش ضروري
سيف:سكت شويه والفضول ياكل فيه وبعدين معش قدر اكتر من هكي .....فرحانه من طلب سمير ولد خالتك ؟!
هديل:زادت ابتسمت اكتر لما فهمت ان خطتها نجحت ...شن دخلك
سيف:متعبيش عليه الطلاق من توا
هديل:غير توا تحكي هكي
لما تتزوج وع قولتك مرتك تعطيك الحقوق الشرعيه متعك تو تعطيني ورقتي وفوقها حبت مسك
خلي كل واحد يعيش مع يلي يبيه ويعطي الحقوق الشرعيه لي الشخص يلي يرتاح معاه ❤️
سيف:انفلتو اعصابه وقلب سفرة القهوا عليها.....امالا يمين بالله ياهديل كان مزال خليتك تحلمي تطلعي من هنايا حتى حوش اهلك انسيه
والطلاق هوا حتى في الحلم متعبييش عليه سااااامعه ...وطلع وسيبها
هديل:تضحك بدلع ....اي سامعه
____________________________________
فجره:حطت فنجان القهوا ع الطاوله ...الحمد الله
ريان:خليك عمتي تعشي هنايا ❤️
ادم:يأشرلعا بعيونه بمعنى لاااا...كأنه يراجي في امه امتى تطلع 😂💔
ريان:ارتبكت
فجره:عارفتيني فيا طبع منقدرش نقعد برا الحوش هيا نوضي سلم بنتي البسي وتعالي معاي
سيف ومرته زي العاده متعاركين ومخلييني بروحي
ادم:نسي نفسه......لااااا
فجره:شبحتله....شنو لا متعك هاذي ؟!
من امتى تحرم فيا من ريان هااا؟🤨
ادم:اءء نقصد ان بعدين قصدي شويه وتجيك
فجره:لالالا عارفاتك بتحبسها ....نوضي سلم بنتي البسي رجلي على رجلك
ريان:ساكته وتشوف لي ادم
فجره:نوضي متخافيش
ريان:ناضت لي غرفت النوم تبدل
دقايق بس ولحقها ادم ❤️
ريان:تلبس في جاكيتها
ادم:سكر الباب ومتكنططططي....متعرفيش تقولي لا ولا شنو موضوعك انتتتتي؟؟؟؟
ريان:حطت الوشاح ع راسها ....هادي امك انت يلي مفروض تتفاهم معاها 🤷🏻♀️
ادم:اففففف
ريان:ابتسمت وعطاته بوسه ع خده❤️....مروحتلك❤️
ادم:قلبه ذاااب في تواني
مسكها من جاكيتها وقربها ليه
ريان:لا لا لاء امك برااا خلاص
نتعشو ونروحو
ادم:بعد من عليها وقعد يساويلها في الجاكيت يلي لابساته❤️....اطلعي هي
ان شاء الله غير مرتاحه😒
فجره:ادددددم اددددم بتطلع معانا؟؟؟
ادم:لالا بنرقد ونرتاح شوي يوم عطله يجي مره في الاسبوع هوا
فجره:به اطلعي ياريان
ادم:🤦🏻
____________________________________
الساعه10في الليل :-
في السياره .....
مصعب :دور السياره وطلع .....كأنك مروحه بي السيف؟!
جمانه:تسكت في ولدها....اي قبل خاطري نبات
مصعب:مسك يدها وهوا يسوق.....من امتى تتحملي بعدي عليك انتي ؟
جمانه:سحبت يدها....من لما عرفت ان قلبك فيه غيري
مصعب:حط يده ع الدومان وسكت
جمانه:مش كنت توصل فيها ؟!
وتروح بيها في عز الليل!!!
يعني اكيد تعرف حوشها علاش ادور عليها وانت حوشها تعرفه!
مصعب:عيونه في الطريق ويتكلم.....اولاً الافكار يلي في راسك نحيها
كنت نروح بيها اي ومفي شي بيناا
اما قصة حوشها طلعت كدابه
الحوش يلي كنت نروح بيها ليه مش حوشها
جمانه:وجهت عيونها للمرش وقالت بصوت هادي لكن مسموع.....علاش ادور عليها من الاساس!
مصعب:جاوبها وعيونه قاعده ع الطريق مش قادر يشوفلها.....منعرفش
كل يلي نعرفه ان توا معش نبي لا ندور عليها ولا نلقاها من الاساس...ورجع مسك يدها ويسوق❤️
جمانه:رجعت الابتسامه لي وجها وكانت دايره بالها كويس عشان مصعب ميشوفهاش !
_____________________________________
ادم:خلاص لعند امتى بتقعد هكي ؟!
بديت نخاف نعطيك نصيبك في الفلوس وتمشي تصرفهم على شي غبي !
سيف:ساكت ويسمع فيه وهوا مطر شواربه
ادم؛خلاص مهما كان الطريقه يلي تزوجتو بيها خلاص هيا مرتك توا
حاول تتقبلها منبيش كل شويه تصير مشاكل امك مش ناقصه
وللمره السبعين معش تمنعها تنزل لوطه انت عارف كويس ان امك مليهاش حد توا
سيف:به فهمنا
ادم:سيرة الزواج هيا يلي شادها زي العيل كل شويه بنتزوج بنتزوج
سيف:حاط يده ع خده ويحكي زي الاطفال....نخوف فيها مكنتش بنديرها بجديات
ادم:ياسرك البنت واضح عليها متجيش بي العناد ولو انت تبيها واصلا فرض عليك تكون تبيها لانها مرتك توا دير بالك عليها واعرف كويس كيف تتعامل معاها
سيف:اففففف به خلاص صرعتلي راسي
ريان:جابت سفرة الشاهي ...تفضل سيف
سيف:ضحيتي يبارك فيك
ادم:كان يراقب في نضرات ريان لي سيف وكان سيف يتعامل عادي جدا والواضح ان خلاص معش في شي في قلبه اتجاه ريان وتفكيره كله في هديل❤️
ريان:تفضل ادم❤️
ادم:خذي منها....العشي مزال؟
ريان:جاوبت ببرائه وهيا مش فاهمه شي....مزال شوي
تبي حاجه؟!
ادم:بصوت هادي ويجنن🔥....نبيك تروحي بس
ريان:شافتله بصدمه وضحكت.....حاضر❤️
ادم:شرب كوب الشاهي في مره وحده وناض وقف ....عندي موعد مع راجل نكمل معاه ونجي
تبي شي من برا؟
ريان:اءء لا سلامتك
ادم:مش معطل....وكان عطلت روحي وراجيني
ريان:ابتسمت...حاضر❤️
طلع ادم وقلبه بيطير من الفرح
وريان بردو عاجبها ادم الجديد يلي معاملته تغيرت وبدي يحسب فيها ويشاور فيها في كل شي
___________________________________
جمانه:حطت ولدها في السرير واتجهت لي غرفتها تنحي في اكسسوارها
مصعب:الخميس بيان خوي سند
جمانه:منو خدي ؟!
بالله عليك متقوليش بنت غير تهاني حرام لان كان بيهبل عليها
مصعب:ابتسم ...اي خداها هيا يا ام قلب طيب انتي ❤️
جمانه:تنهدت....الحمد الله❤️
الف مبروك الفال للفرحه الكبيره
مصعب:يبارك فيك ....باش تجهزي نفسك لانك بتمشي معاهم ره!
جمانه:الله🥺
امك قالت ولا انت ؟!
مصعب:امي حسباتك وقالت الكنه الكبيره لازم تمشي
جمانه:جاوبت بفرح....ان شاء الله من عيوني
مصعب:به حتى انا عازمك !
جمانه:شافتله بي استغراب ....على شنو؟
مصعب:لي حضني !🥺
جمانه:تغير ملامحها لي خجل ع طول❤️...ولو قلت لا!؟
مصعب:قرن حواجبه ....الضابط مصعب يؤمر فيك ترفضي !
جمانه:ناضت من مكانها وقعمزت جنبه ....ضابط في خدمتك مش عندي هنايا
مصعب:يشوف لي فمها....شن رايك توا نخلو كل شي ع جنب وتقبلي عزومتي ؟!
جمانه:ضحكت....امبه ❤️
______________________________________
جت الساعه 12في الليل وادم مروحش !
ريان:خذت تالفون فجره واتصلت بي ادم ❤️
ادم:ايوا امي
ريان:بصوت حنون... اءء ادم
هاذي انا ريان
ادم:ابتسم ع طول ....عيون ادم
ريان:ابتسمت....حسيتك عطلت نروح ولا نقعد نراجيك ؟
ادم؛روحي وسكري عليك كويس معش نعطل انا
ريان:اوكي تمام نراجي فيك
ادم؛ديري بالك
ريان:ان شاء الله ....وسكرت الخط
___________________________________
سند:افففف امتى بيجي الخميس
تهاني:ضحكت.....الصبر حبيبي
سند:لامتى بنصبر الزفت خلاص
تهاني:سنودي نعتبرو معطلناش ره ...تبي الحق انا بروحي مستغربه فيك
سند؛علاش ؟!
تهاني:يعني ...
الكلام يلي سمعته عليك ان عندك هلبا علاقات قبل وهكي
استغربت كيف ع طول جيت خطبتني يعني علاقتنا ممرش عليها اكتر من4شهور
سند:منبيكش اضيعي من بين يديا ....انا مصدقت لقيت وحده زيك تبيني نطول معاك نبي نتوب ع يدك ونجيبك لي حوشي طول❤️❤️
تهاني:عمري انا ربي يخليك ليا ❤️
سند:ومايحرمني منك
_________________________________
ادم:درس سيارته ونزل متلهف لي ريان❤️
ويراجي بي الساعه والدقيقه امتى يحضنها ويشم ريحتها
بس لما وصل استغرب من شي !!
كان باب الحوش مفتوح وفي شبشب برا!!
خش للحوش بهدوء وشاف سيف واقف قدام ريان ويحكي
جن جنون ادم وبدون مايسمع ولا كلمه مسك سيف وقعد يلز فيا ويدف فيه
طول الوقت كان سيف يتلقى في الضربات بس يحاول يشرحله ويتكلم
اما ادم رافض يسمع اي شي ودفه لعند برا وسكر الباب
رجع لي ريان
وضربها كف في حياتها كله ماتنساه 👌
الكف هاذا بدات فيقها وخلاها تتكلم وتقول يلي في قلبها
ريان:تتكلم بتعب....خلاص ياسر بحديات ياسر
ادم:رح نقت.......
ريان:عيطت عليه.....بتقتلني وبتدبحني وبتنهيني خلااااااص فهمت
يامريييييض ياتااااعب هاذا خوووووك
امتى بتقتنع وبتحط في راسك انه خووووووك مستحيل يفكر فيا يامرررررريض
خلاص قرفت منككككك
طول الوقت نساير فيك ونرقد في حضنك بسيييييف
بسيف كله ندير فيه بوسات على احضان على ابتسامات
كلللللله بسيف معاك
تعرف علاش ؟؟!
لاني خايفه
ولاني نبي منك ستين الف حاجه
وانت علاش معاي هكي ؟؟؟؟
لانك تبي يلي يبيه الف ولد بس همك وعقلك طول الوقت انك ترقد معاي مش همك شي تاني
ادم:....يتبع
- لقراءة باقي حلقات الرواية اضغط على (رواية حطوة مميته)