رواية الخائن الفصل الأول 1 بقلم سولييه نصار
رواية الخائن البارت الأول
 |
| رواية الخائن الفصل الأول 1 بقلم سولييه نصار |
رواية الخائن الجزء الأول
سكريبت❤
-وحشتني... بحبك.... أمتي هتيجي؟!.
كنت ماسكة تليفون جوزي ولقيت التلات رسايل دوول جاية علي الواتس من واحد إسمه جمال.... مين جمال... وليه هيبعتله رسايل زي دي؟!!... حاولت أفتح الموبايل لقيته غير الباسورد... (بقلم سولييه نصار )
-وكمان غيرت الباسورد يا زين... طيب
حسيت أن الموضوع فيه حاجة غلط.... زين عمره ما غير باسورد الموبايل... من أول ما اتجوزنا وأنا عارفة الباسورد اعترف إني مؤخرا مبقتش مركزة معاه يمكن ساعتها قدر يغير الباسورد..... عموما أنا هعرف الحقيقة... نومت العيال بدري وجهزت ليه العشا وقررت اتكلم معاه شوية.
......
-خير انتي تعبانة ولا حاجة
-ليه يعني
-محضرالي العشا بنفسك ونومتي العيال ولابسة كويس حتي شعرك مسرح... خير ابتديت أخاف
ضحكت وقولت
-ايه يا زين يعني أنا مبدلعكش إلا أما يكون فيه حاجة.
-بصراحة أيوة.... منتهى احنا آخر مرة قعدنا مع بعض لوحدنا من شهرين غير كده انتي مهتمة بعيالك ودروسهم والمدرسة.... وأنا بالنسبالك مش موجود.
حسيت بالذنب.... زين كلامه صح أنا فعلا مبقتش مهتمة بيه... لغيته من حياتي واهتميت ببناتي بس... بس ده مش مبرر... لو فعلا بيخوني مش هرحمه... مسكت ايده وقولت:
-وأنا قررت أصلح غلطي
-رغم انك اتأخرتي بس مش مهم أنا فرحان برضه.
ابتسمت وأنا بفكر هفتح موبايله ازاي لما ينام......
.....
بعد ساعتين كان نام مسكت موبايله وشكرت ربنا أنه ممكن يفتح بالبصمة.... مسكت ايد زين وفتحت الموبايل وروحت علي الواتس...
.....
دموعي كانت بتنزل لوحدها وأنا بشوف الرسايل... كانت رسايل حب بينه وبين واحدة اسمها ملك.... كان واضح أنه ماسح رسايل كتير من الشات.... بس لفت نظري أنها بتتكلم عن مفتاح شقة... وافتكرت من كام يوم إني شوفت مفتاح غريب في جيب بنطلون زين.. بس محطتش في بالي.... روحت بسرعة ودورت علي المفتاح في هدومه لحد ما لقيته..... من حسن حظي أن تحت بيتي علطول فيه واحد بيعرف ينسخ مفاتيح.... نزلت واخد نسخة من المفتاح ووعدني أنه هيكون جاهز بكرة... كده كل حاجة تمام... بكرة هودي الأولاد عند ماما وهشوف حكاية زين ايه خصوصا أن رايحلها بكرة
......
-ايه مش هتودي الولاد المدرسة ولا ايه
ابتسمت وقولت :
-أهو تغيير.... هروح أنا وهما عند ماما النهاردة
ضحك وقال :
-أنا حاسس أنك اتبدلتي بواحدة تاني.
ضحكت وانا بأخد الأولاد ونزلنا عند ماما
..........
بعد نص ساعة كنت وصلت عند ماما
-معلش يا ماما خلي ندي وشروق عندك بس ساعتين هخلص مشوار وهرجع.
كنت بكلمها وأنا حاطة عيوني في الأرض عشان اخبي دموعي عنها بس هي مسكت أيدي وقالت:
-مالك يا بنتي فيكي حاجة.
حضنتها وأنا بعيط وبقول:.
-ادعيلي يا ماما بالله عليكي.
-ربنا معاكي يا حبيبتي.
........
روحت علي البيت بسرعة بعربية ماما عشان ميشكش فيا لما أروح وراه.. نزلت بسرعة واخدت المفتاح من الراجل وركبت العربية لقيته نازل... اكيد رايح لها.... هو قالها كده في الواتس امبارح....
.....
بعد ربع ساعة كان وقف قدام عمارة غريبة ودخل فيها.. دخلت وراه بسرعة وعرفت أنه طالع الدور التاني... طلعت بسرعة لقيته دخل أول شقة.... طلعت المفتاح وايدي بتترعش وفتحت الباب. .... كنت سماعة خناقة بينهم... دخلت براحة وسمعت كويس وهي بتصرخ فيه :
-يعني ايه عايز تنهي علاقتنا.... ايه خلاص مراتك رجعت تهتم بيك فهترميني دلوقتي!!!
-ملك أنا!!
-أنت اناني يا زين... اناني.
-ملك علاقتنا كانت هتنتهي دلوقتي أو بعدين.
-طيب وابنك اللي في بطني!
-ايه!
-أنا حامل يا زين.
دخلت الأوضة عليهم وأنا ببكي.... بصلي زين بصدمة وقرب ليا
-منتهى ايه جابك هنا.
جريت ملك علينا وقالت :
-زين يبقي جوزي كمان وعايز يطلقني دلوقتي بعد ما بقيت حامل منه....
مقدرتش استحمل أكتر وجريت برة الشقة علي الشارع... كنت بجري زي المجنونة وأنا ببكي ومشوفتش العربية اللي كانت جاية من بعيد و....
يتبع
- لقراءة باقي حلقات الرواية اضغط على (رواية الخائن)