رواية خطوه مميته الفصل العشرون 20 بقلم أروى طاهر المسلاتي
رواية خطوه مميته البارت العشرون
 |
| رواية خطوه مميته الفصل العشرون 20 بقلم أروى طاهر المسلاتي |
رواية خطوه مميته الجزء العشرون
#خطوة_مُميته 20 والاخيره
ملاحضه
افروها لعند اخر سطر !
ريان: طول الوقت نساير فيك ونرقد في حضنك بسيييييف
بسيف كله ندير فيه بوسات على احضان على ابتسامات
كلللللله بسيف معاك
تعرف علاش ؟؟!
لاني خايفه
ولاني نبي منك ستين الف حاجه
وانت علاش معاي هكي ؟؟؟؟
لانك تبي يلي يبيه الف ولد بس همك وعقلك طول الوقت انك ترقد معاي مش همك شي تاني
ادم:يسمع فيها ومصدوم ....
ريان:خش خش تفضل خش لي غرفة النوم تو نلحقك متخافش مش هاربه ورح تاخد يلي تبيه مني
ادم:كانت ردة فعله غريبه !
معيطش ولا ضربها ع كل كلمه قالتها
كان مصدوم ومقهور من كل كلمه سمعها منها ....
تكلم وواضح في صوته نبرة خيبه كبيرررره💔...مكانش بيدي
لو كنت نقدر نتحكم في روحي راهو محبيتكش
ولا خفت عليك من نسمة الهواء
راهو موصلتش معاك لدرجة الهوووس ومنعتك من كل شي يضررك ويهلكك
عصب وبدي صوته يعلى وعروقه بدو بارزاااات 🔥...
كل ما نشوووفك قلبي يذووووب في مكانه 💔
منعت عليك حتى البشر لاني نشوف فيك شي كبييييير مقدس نشوف فيك مللللكي ونبي نعيشك احلا عيشه
خفت عليك من نفسي لما مكنتش محرم عليك وبجهدي كله حاولت نبينلك اني نكرهك باش ميصير شي غلط بيناااااا رغم اني كنت نموت على نضره منك
ريان:نصدمت بي كل الاعترافات يلي سمعتهم وحست انها قست هلبا على ادم 💔
قعدت تشوفله وتحاول تبرر كل يلي صار بس معرفتش !...اءء ادم انا
ادم:طلع وسيبها....قربع الباب بصوت عااالي وخلاها
خلى ريان يلي نهارت ع الارض وتذكر في كل التفاصيل يلي صارت وكيف كان مهتم بيها❤️
يحاول يطلعها ويغير معاملته معاها!💔
كل شويه يسأل فيها لو كانت مريضه او حاسه بي شي لما يشوف جوها اخي!
كيف غفرلها كذبتها الكبيره يلي قعدت سنين خادعتهم بيها!
_____________________________________
ادم:طلع من الحوش وقلبه يتقطع💔
النسمه البارده تخبط في وجها وهوا مش عارف كيف يتصرف !!
يسيبها ؟
به لمنو بتمشي بعد يسيبها؟
وكيف بيعيش من غيرها ؟؟
يكمل معاها حياته؟!
كيف بعد ما سمع منها كل الكلام المقزز يلي قلاته ؟!
وفهم كيف تفكر!؟
قعد يفكر في خوه يلي مد يده عليه وماخلى ما سمعه ع خاطرها وربي يعلم لو كان ضالمه او لا!
قعمز قدام الحوش وحط يديه على وجها
قاطعه صوت خطوات جايه جيهته ❤️
زاح يديه ببطئ وقام عيونه عشان يشوف خوه راجعله من جديد ❤️
ادم:نزل عيونه بدون ما يحكي حرف
لكن سيف سبقه وتكلم عشان يمسح كل الاحراج يلي قاعد يصير بينهم!
سيف:انا غالط وعندك حق
جيتها وقتلي ادم مهناش ومع هاذا خشيت
ادم:يشوف للارض بعصبيه وساكت
سيف:الموضوع مكانش يراجي ....خشيت وخليت الباب مفتوح
ادم انا ريان منشوفش فيها مرت خوي
ادم:قام عيونه بذهول
سيف:مش واخد على كل الرسميات يلي قاعده تصير البنت قاعد نشوف فيها وخيتي الصغيره يلي طفولتها كلها معاي !!
مفكرت في شي تاني وربي يعلم !
يلي صاير معاك صايرلي حتى انا 💔
هديل لعند اليوم متبيش تقتنع ان مفي شي بينا ديمه تشوفلي بي نضره مقرفه
تشوفلي بي نضرة الحقير يلي يبي مرت خوه
وانا تعبت انها مش مصدقتني
تعاركت انا وياها لسقفففف وطلعت لي ريان محروووق من الكلام يلي سمعته
جيت نبيها اديرلي حل تكلم هديل تفهمها او اي شي !
ادم:خذي نفس عمييق
سيف:وقف.....مستحيل نحاسبك على يلي درته فيا اليوم لان عندك حق
لكن في الجديد نبيك تفهم كويس ان انا خوك
شرفك شرفي وعرضك عرضي ومستحيل نطعن فيك حتى ولو بتفكير !....وسيبه ومشي
كانت ريان واقفه على الروشن تسمع في كل كلمه نقالت
جت عينها في عين سيف وهوا طالع
ابتسملها ❤️
كأنه يقوللها متخافيش كله ينحل
ردت عليه بي ابتسامه وعيونها دموع ❤️
___________________________________
هديل:مقعمزه تاكل ....سمعت الباب انفتح دارت روحها مش مهتمه
خش سيف تاعب ومهموم
واول ماشافت حالته ناضت من مكانها تجري مفزوووعه ...سيف خيرك؟
منو دار فيك هكي!!
سيف:بعد يديها بنفور....نحي من علياااا كله بسببك
هديل:بسببي انا؟!....شنو ركيتك طريحه وخليتك بي المنضر هاذا !!؟
سيف:وقف....خليتيني نعلق مع خوك ونضارب انا وياه
هديل:مصدومه ....علاش!!
سيف:ينحي في ملابسه يلي كانت مقطعه وحالتها حاله ....باش حضرة جنابك تبطلي شككككك
ومعش تفكري اني حاط عيني على مرت خوي
كنت نبي عقلك الصغير يستوعبببب ان الافكار يلي في راسك غلططططط ومفيش منها
هديل:قلبها بدي يلين وتغيرت نضرتها ❤️....قربت عليه وحطت يديها على لحيته .....سيف
سيف:بعدها من عليه بقوه وخش للحمام
____________________________________
مصعب:فتح عيونه وسط نوم عميق شاف جمانه مقعمزه عاطياته بضهر وماسكه تالفونها .....حبيبتي ؟
شن في خيرك!!؟
جمانه:حاسه بي شي غريب شكلي بنمرض
مصعب:فز من نومه وقرب منها....بعيد الشر خيرك
جمانه:راسي صداع ورقبتي توجع كأنها بداية برده
مصعب:خطف التالفون من يدها.....اول حاجه نحي هاذا
وشاف في تالفونها انها كانت خاشه ع منبه .....مفيش داعي تنوضي بكري غضوا خليك ارتاحي
جمانه؛والله؟!.....منو بيديرلك فطورك؟
مصعب:باسها ع خدها....منبي شي انا
خليك دقايق ونجيك
جمانه:وين؟
مصعب:طلع من الغرفه دقايق ورجعلها بي عصير ليمون وحبة بنادول
مصعب:هي خودي هادي باش ننتقلو للمرحله التانيه
جمانه:اوووف مصعب تعرفني منحبش الحاجات هيا
مصعب:مسك الكوب....هي بسرعه
جمانه:مصعب اممم....
مصعب:حطاها الكوب في فمها وخلاها تشوبه كله غصب عليها
جمانه:بلعت العصير وتشكل وجها من كثر ما قارص😂
ضحك عليها مصعب وحطاها الحبه
جمانه:لا مش قادره م....
وبنفس الطريقه شربها الميه غصب
جمانه:احووو احوووو....لا جديات خلاص مصعب
مصعب:اخر مرحله للعلاج
جمانه:لاااا معش نبي ناخد شي م....
مصعب:جبدها لي حضنه❤️
تعالي لي حضن الضابط بس
جمانه:ضحكت ورفعت راسها فيه....اي هكي عادي
مصعب:زاد حضنها اكتر وباسها على راسها❤️
_____________________________________
ريان:خذت شال الصوف يلي كان معلق
لفت نفسها بيه وطلعت
ادم:نفس المكان كان مقعمز فيه متحركش
ريان؛قعمزت جنبه ومسكت يده.....اسفه على كل الكلام يلي قلته
كل شي حكيته لاني مقهوره بسبب يلي درته
ادم:سحب يده منها
ريان:ادم؟!
ادم:تقدري تقوليلي لما تطلقي وين بتمشي ؟؟!
ريان:نطلق!!!؟😧
ادم؛قام عيونه فيها ....اي لما تطلقي
وين بتمشي ؟!
لي بوك !
بتخشي عليه بعد السنين هادي كلها بيتحمل معيشتك معاه وبيوفرلك كل شي ؟
ولا عندك مكان تاني!
ريان:تشوفله بصدمه معلقه عيونها فيه وساكته
ادم:ردي عليا جاوبيني لما بتطلقي وين بتمشي !؟
ريان:اءء ا ادم من قالك نبي نطلق!؟
ادم:ضحك بصدمه وهستيريا ....والله؟!
امالا شنو يلي تبيه بزبط ؟
ريان:اء انا
ادم؛الحياه يلي كنتي تتمني فيها بتعيشيها
بديري كل شي خاطرك فيه وبتمشي اي مكان تبيه وبتصاحبي منو تبي
لكن بعيد عليا
بعيد شنو؟!
علياااااااا
ريان:بلعت ريقها.....بب به خش لان صقع هلبا برا
كله نلقوله حل
ادم:سرح شويه وتكلم وهوا يشوف لي السماء ....مفيش حل للقصه هيا .....وناض وسيبها
ريان:حست بي شعور اي وحده في مكانها ممكن تحس بيه ....الندم !💔
احيانا مجرد كلمات قادره تخرب علاقات حلوه💔
وقاعده تكسر قلوب هلبااااا ناس
وقادره تنهي زواج كان مستقبله حلو❤️
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
الوقت⏰
الوقت عنده قدره رهيبه وقادر يدير هلبا حاجات
زي مثلا قادر يخلي المشاكل تبرد !
وقادر يخلي القلوب تحن وتلين❤️
وقادر يصفي القلوب ويعبيها حب ❤️❤️
زي ماصاير في قصصنا ال3🔥
بردت المشاكل مع مرور الايام ...
ريان:بدت تصرفاتها كأنها شخص يحاول يعتذر!
تحاول تتقرب منه واديرله كل شي يبيه
حاولت تتقرب منه وتخلي في بينهم علاقه زي اي راجل ومرته
بس المره هاذي كان ادم يلي رافض!
وكم مره ومره حاولت وفشلت 🤷🏻♀️
اما هديل العنايديه😂
كل ما تحاول تقرب من سيف ويصدها حتى ولو بي لقطه تافها بس
ادير عركه هكي كبرها وترجع لي نقطة الصفر
بس مع هاذا الاثنين كانو يحبو بعض والشي هاذا واضح!🤷🏻♀️
مصعب وجمانه بروحهم❤️
كأنهم رجعو عرسان من اول وجديد ❤️
مهتمين ببعض الاثنين لدرجة الكل لاحض الشي هاذا ومستغرب
كانت جمانه ست بيت مثاليه بعد ما كانت اسوء مرا متزوجه موجوده في الدنيا !
كل شي يتغير لما هيا تغيرت❤️
________________________________
يوم الخميس💍❤️
هديل:طلعت من غرفة النوم ...سيف
سيف؛حاط يده على خده ويتفرج ع التلفزيون وكانت ملامحه هكي😒...شن تبي
هديل:خشت عليه بي فستانها الاسود المنفوخ❤️
مع بروش شعر احمر ومكياج ترابي وروج احمر ...سكرلي السلسله بسرعه عطلت
سيف:كان منبهر بيها❤️....بس ميبيش يطلع الشي هاذا قدامها
ايبسي قدامي
هديل:ضحكت وقعمزت
سيف:سكر السلسله وعيونه في كل مكان على جسمها وشعرها ❤️
هديل:وقفت وهيا بدت تبخ في بارفانها
سيف؛هي انتي ....حركاتك هيا نعرفها ره اغرائاتك الزايده بلاش منها وبري بخي ام الروايح في دارك
هديل:قربت ع الصالون وتبصت عليه.....هاذا منضر وحده تغري في زوجها؟
سيف؛بلع ريقها وهوا يشوف لي جمالها ونزلت عيونه لي قفطانها وجزي الصدر المكشوف....تعودي من الشطان وفوتيني احسن
لان لو بتقعدي هكي مش رح يصير مشي
هديل:بنضرة تحدي ....والله
سيف:مسكها من يديها وقلبها وبدي هوا فوق
هديل:تضحك ....لالالالا سيف الله يخليك من الضهر نوتي في روحي متخربلي شي
سيف:مش مدايره روحك فالحه؟!😈
هديل:وووه عليا😂😂😂😂....خلاص لما نروح
سيف:يتلمس في خدها❤️.....منعطلوش
هديل:سيف خلاااص بطل 😂😭
سيف:بعد عليها
هديل:بعدين اصلا في هلبا حاجات رح تصير لما نروح
سيف:غمزلها....شنو صاير من ساحرك!
هديل:شنو ضروري يكون سحر؟....راجلي وحلالي❤️
وفي خبر زياده يفرحك .....وناضت
سيف:لاا عاااد تعالي هنيييي
هديل:جبدت عبايتها من الدار....خلاص قتلك وعد لما نروح
هيا سيف تعطلت وربي
سيف؛فوتيه البيان
هديل:منقدرررش نهار اسود بيان خوي
سيف:بنضرات ملل مسك المفتاح...اطلعي
هديل:حطت الخيمار على وجها وبساته ع خده وصلعت
سيف:ابتسم ....خبيثه😈❤️
_______________________________________
ادم:خش للغرفه وقلبه طاح لما شافها❤️
قفطانها الازرق القصير ويلي مبين تفاصيل جسمها
شعرها يلي كان مضفور طول الوقت اليوم نازل بطريقه فوضويه عليها ❤️
خصلات شعرها يلي تداخلت بين بعض على عيونها ومكياجها الناعم يلي زادها حلاوه❤️
ادم:شنو هاذا؟
ريان:سكرت المسكره....شنو؟
ادم:فاتح عيونه ....هكي بتمشي!
ريان:اي علاش؟
ادم:غيري القفطان تحركي مستحيل تطلعي هكي
ريان؛علاااش؟؟....ادم انا ماشيه لي عرس نساوين بس مش شارع
ادم:بتغيريه ولا نحلف ع المشي مره وحده !
ريان:تي شنو تحكي انت خلاص لبست انا واتيه ادم معش في وقت
ادم:للمره الثالثه والاخيره بتغيري ولا شنو ؟
ريان؛دمها محروق....لاااا منيش مغيره
ادم:تمام مفيش مشي .....وخدي مفاتيحه وطلع
ريان:لوحت الصنه ع طول يدها وقعمزت وهيا دمها محرووق ومقهوره
________________________________
في حوش نعيمه:-
كانت فجره وهديل وجمانه موجودين
وخالات سند كلهمممم واتيين وبدو يركبو في السيارات عشان يطلعو مع بعض دفعه وحده لي حوش العروسه
ركبت جمانه وحنان وهديل مع مصعب لان سيف ممشاش
بحكم انه يتعارك هلبا مع خوت هديل قرر يوصلها لي حوش اهلها بس
اما فجره ركبت مع ادم وطول الوقت تسأل ع ريان ويجاوب فيها انها تاعبه شويه🤷🏻♀️
________________________________
وصلو لي حوش العروسه ❤️
وطبعا مكانش في حد غريب بحكم ان تهاني (العروسه )كانت من العيله اصلا❤️
سلمو على بعض وتعالت الزغروطه بصوت عالي
والكل يباركو لي بعض
دخلو السوابيت وطلعت تهاني سلمت عليهم وقعمزت وسطهم❤️
بمجرد ما انتهو من ضيافتهم خش سند وفرحته مش سايعه الدنيا❤️
وقف قدامها وهوا مش مصدق قداش كانت جميله❤️
طالعه زي الاميرات
باسها من بين عيونها ولبسها الذبله ومفيش حد من الناس يلي بحداه كان هامه❤️
لبسها الذبله وباس يدها وعيونه معبيه حب
بدت المراسيم المعتاده في اي حفل خطوبه
لبسو بعض ووكلو بعض من القاتو والعصير
شافلها بنضره اخيره وضغط على يدها عشان تفهم قداش فرحان بيها❤️
طلع وزاد صوت الزغاريط اكتر واكتر والتمو البنات على العروسه كل وحده كانت حريصه انها تلبس الذبله بعد تهاني على طول !
مصعب كان مع خوه لحضه بي لحضه وفرحان ان كل شي تحسن وكل شويه يولع في شي من الالعاب الناريه
وادم مع التريس يهدرز ويضحك لكن عقله كله في ريان يلي سيبها وطلع
طول الرقت يفكر ويخطط ان ياخدلها هديه وهوا مروح يراضيها بيها ويفهمها قداش يغار عليها حتى من جنسها ❤️
وقرر الليله هادي بدات يعطيها فرصه ويخليها تتقرب منه وتصير مرته بحق وحقيق❤️
___________________________________
بسرعه مافات الوقت ولمو بعض عيلة العريس كلهم وبدو يركبو في السيارات من جديد
بس يلي صار ان مصعب قعد مع خوت العروسه لان في حاجات لازم يتفاهمو عليها
وروحت هديل و جمانه وفجره مع سند العريس
بعد ما ادم اختفى فجآه وطلع بدون ما يكلم حد !
طول الطريق صوت الاغاني والالعاب الناريه والكلاكس معبي المكان ❤️
كان الجو يهبل ❤️❤️❤️
لعند وصلو لي حوش نعيمه ويعقوب
اول ما وصلو دارو شوط دربوكه قوي 👌
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو🔥
الساعه1في الليل:-
ادم:واقف ومصدوم💔
رجليه مش قادره تشيله!!!!
خش لغرفة الطوارئ وهوا حاس ان قلبه بيوقف 💔
سأله الراجل يلي لابس بالطو ابيض وكان واقف قدامه ....نوريك!؟
اشرله ادم براسه وهوا مش قادر يجبد نفسه !💔
الراجل:قام الطرف الابيض يلي قدامه
وادم:طاح على ركبيه لما شاف الجثه قدامه💔
لما شاف وجه ريان ازررررق وملامح الموت ساكنه وجها
فهم الراجل ان البنت تكون زوجته من ردة فعله يلي كانت تقطع القلب💔
ناض ادم بصعوبه على رجليه واستند على الحيط ورجليه يرعشو مش قادر💔
خش للعنايه بعد ما نداه الدكتور !
وقف قدام السرير وكان سيف يحتضر في اخر لحضات حياته
كان ادم معنداش القدره لي شي
مصدوم مش قادر حتى يسأل ولا يحكي شي 💔
اما سيف قدر يقول اخر كلميتن قبل ما يلحق ريان!
قدر يقول لي خوه.....س سسس سامحني
ككك كان الشطان حاضر
سامحني 💔
___________________________________
مصعب:في عز الضحك يلي ضحكه بين اهله سألهم ...وين جمانه؟!
جاوباته امه انها في المخزن برا تجيب في الماعين للغدي بكرا
حب يفاجئها لكن تفاجئ هوا💔
طلع وهوا يمشي ع روس صوابعه عشان يخوفها بعدين يحضنها ❤️
لكن اول ما قرب على المخزن سمع صوت خوه العريس يتعارك هوا ومرته ؟!!
جمانه:اسمع يا حقيرررر ....طول ها الوقت مخليت مادرت باش مصعب يرجعلي وغيرت حياتي كلها ع خاطره منسمعش لي عيل شخاخ زيك يجي يخرب عليا حياتي سامع!!؟
سند:خبط ع قلبه ....اناااااا نموت في اليوم الف موته لما نشوف في خوي كيف يعامل فيك ومصدقك
الداكره يلي فقدتيها ع اساس
مدايره روحك ناسيه!!!!
نسيتي لما طلعتي في عز الليل لي شيقة عمي الموجوده في بن عاشور ومفيش خد يعلم بيها
بعتك مع السواق واول ماصار الحادث لوحك السواق وهرب
لكن الحق مش فيك
في عمي يلي توا تحت التراب كيف يخون ولد خوه ويشوفلك
وفي خوي يلي مصدقك وماشي وراك ونسي كل شي درتيه
جمانه:كملت؟؟؟؟
هي اقلب من عليا ووجهك منشوفاش خليني عايشه حياتي
ويمين بالله لو نعرف انك مقايل حرف يا &@&@متلوم الا نفسك وح نخلي النعجبه يلي خاطبها اليوم وفرحان بيها تخليك
مصعب:خش عليهم وعيونه ع جمانه يلي انقلب وجها الوان الوان
رجعت نضرات البرائه لي وجها وهيا تقول .....ح حبيبي
امتى جيت ياعمري ؟
روحت بي مجود ؟؟
مصعب:مسكها من شعرها وطلعها لي نص الجنان وبدي فيها ضرب
طلعو العيله كلهم من الحوش مش فاهمين يلي قاعد يصير ويحاولو يحزو بين مصعب ومرته
وسند يلي خاش بينهم في النص ......لكن مصعب كان مش شايف قدامه ونازل فيها ضرب بشكل فضيع ....
______________________________________
شن يلي صار ؟!
وكيف !؟؟؟؟؟
وامتى ؟!
كل هاذي الاسئله كانت تنزل على قلب ادم زي السمم
كل يلي في المشفى كانو مقدرين حالته
وجاوبوه قبل ما يسأل
خوه وريان توفو في حادث سير !
شن كانو يديرو ؟!
خلينا نرجعو للوقت ونشوفو الشي يلي ادم ميقدرش يشوفه !
طق طق طق طق
ريان:كانت مقعمزه وسط الحوش وقاعده بنفس القفطان والمكياج
ناضت فتحت الباب ونصدمت لما لقت سيف !
ريان:سيف؟!😧
سيف:نصدم لما شافها بي المنضر هاذا .....اءء انا نزلت لي حوش بوي ملقيتش خبزه
والطرق كانت مسكره
قلت بالك نحصل هنايا نسحابه ادم قاعد
ريان :تخبت ورا الباب ....خشت لبست شي تتستر بيه نفسها
وجابتله فردتين خبزه
سيف:صحيتي
ريان:سلمك❤️
سيف:اءء ..ع علاش قاعده؟
ريان:تعاركت انا والمحروس خوك قالي مفيش مشي
تعبت ياسيف
مفهمتش امتى بيتعدل الوضع
سيف:ضحك....عادي تمشي الامور نفس المنكديه يلي عندي
ريان:تنهدت...ان شاء الله
سيف:عطاها بضهر بيطلع لكن رجعلها.....نطلعو؟
ريان:قرنت حواجبها....وين!
سيف:زي قبل 😅
لما تضايقي وين نمشو
ريان؛ارتبكت....لكن !!
سيف:نروحو قبل ما يوجعو
ريان:بلعت ريقها ....ب به
سيف :نراجي فيك
ريان:سكرت الباب ومشت تجري تمسح في المكياج وتبدل في حوايجها وهيا عارفه كويس ان يلي ادير فيه غلط
بس مع هاذا كملت فيه وكانت حاسه بشعور حلو انها تطلع مع سيف بدون ميعلم حد
لبست وركبو السياره وريان خايفه يشوفهم حد
ولع سيف وطلع وطول الطريق وريان تحكي لي سيف على ادم وافكاره المعقده وكيف انه حارمها من كل شي وكيف انها زهقت
وبردو سيف يحكيلها على جنون هديل وكيف تعامل فيه !
سيف:اذكر منضر ريان في القفطان وجسمها🔥
غره الشيطان ومسك يدها وهوا يقول ....انتي مضايقه وادم منقص عليك هلبا حاجات انا نعرفهم
وانا نفس الشي
تعالي نعوضو نقصنا اليوم بدون ما يعلم حد ونرجعو كأنه مصار شي
ريان؛شش ش شن قصدك؟
سيف:قصدي فاهمتيه كويس ريان
ريان:لا مش فاهمه كيف نكملو بعض !
سيف:مسك يدها اكتر ....ندرس ونفهمك
ريان:روح بيا سيف
سيف:باس يدها ....اهدي بس❤️
ريان؛ارتخت وبدت تطمن كأن يلي يدير فيه سيف عجبها!
ابتسمتله
ومن شدة فرح سيف زاد السرعه خطوه وزلقت عجلة السياره من المطر وطاحت من فوق الكوبري 👌
والخطوه يلي زادها كانت خطوه مُميته🔥💔
___________________________________
في الروايه هاذي بدات منبيش نوهمكم
ولا ندخل وهم الحب حتى شويه
فيه قصص حب تكمل ❤️
زي قصة سند وتهاني ❤️
وفي قصص بشعه كانت حلوه بي مسمى الخب لكن نكشفت
زي جمانه يلي رقدت في المشفى اسابيع من الطريحه يلي كلتها من مصعب وبعدين ردت لي حوش اهلها ونحرمت من ولدها بدون ما حد يعرف السبب
مصعب ستر عليها وعلى عمه المتوفي ومحكاش لي حد
وكان مدمررررر نفسيا💔
اما الفضيحه كانت عند حوش فجره 💔
لما توفت ريان وسيف في ابشع طريقه ممكن تسمع فيها
في الدنيا نفضحو وفي الاخره عداب واعر يراجي فيهم
هديل ياحسره عليها💔
كانت تراجي امتى تروح بي الساعه والدقيقه عشان تقول لي سيف انها حامل في الشهر الثالث ❤️
ومحبتش تقوله من البدايه لين تتأكد لان الاختبار يلي بعتاته لي امه وقتلها حامل مكانش كافي !
وخرت خطوه لما محكتش لي سيف على حملها 💔
وكانت خطوه مُميته 💔
خيبتها كبير💔
نفس الخيبه يلي حسها ادم لما روح بي الهديه لي ريان ويبي يصالحها وخلاص يبي يبدا معاها لكن انصدم بي خيانتها وموتها في نفس الدقيقه!
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو🔥
شن بنحكي ؟!
وشنو بنوصف ؟!
سنين مستحيل يمحو اي شي من يلي صار
حتى لو الحياة استمرت كل الجروح رح تخلي اثر
زي الاثر بلي خلاته ع فجره كان على هيئة جلطه 💔
ونفس الاثر يلي خلاته في قلب ادم💔
شعور بي الوحده 💔
مكتئب
مدمر
متحطم
مقهور 💔💔
معش تحمل خدي امه وسافر برا بالك الغربه تنسيه!💔
اما هديل جابت بنوته زي الملاك❤️
كانت حاطه كل الامل عليها ممكن تنسيها كل شي اخي مرت بيه
وتحلي حياتها❤️
ومن لما كان عمر البنت3شهور بس
جي خطبها ولد خالتها وكان شرطه يبي البنت معاها وتكبر في حضنه كأنه بوها
في البدايه كانت متردده وخايفه
بس لما عاشت معاه اول شهرين
عرفت كويس ان ربي عوضها❤️❤️❤️
____________________________________
اما مصعب يلي اصر يقعد معاه ولده وميعطيش لي حد يربي
كان هوا الاب والام 💔
جي يوم سعده❤️
يوم طق الباب وفتح لقي الوجه يلي دور عليه شهووور
لقي فاطمه ❤️
يلي كانت جايه وخايفه من رد فعله
دخلها وشرحتله ليش كذبت !
وفهماته انها جت من دار الايتام ومعندهاش اهل!
وخافت لما تقوله الحق يفصلها من الخدمه
وانها جت لان عارفه شن صار معاه
كان مصعب يسمع فيها وهوا مش مصدق انها قدامه اصلا !
كانت زي الملاك الحارس❤️
ميلقاش فيها الا وقت محنته وضعفه❤️
بس المره هاذي خدي قرار لو مهما كلفه الامر مستحيل يسلم فيها ويخليها تضيع من بين يديه !
*مش كل قصة حب نهايتها حلوه 💔
الخونه كثرو والشطان يعرف كويس كيف يغرهم!!
*ومش كل حد قلبنا يتعلق فيه معناها يبادل فينا بنفس الشعور 🤷🏻♀️
مرات تعيشي حياتك كلهاااا تخلص وتوفي وتحمي وتحبي في شخص
لكن الشخص هاذا عنده اسهل شي يدمرك بدون لا احساس ولا ضمير!!
*ويااااما ننخدعو في علاقات مسمومه 💔بي اسم الحب
ونكملو في العلاقه رغم ان خدينا كف واثنين وثلاثه من نفس الشخص !
لكن نكملو تحت الوهم يلي اسمه حب
ومنفيقوش على نفسنا إلا لما يعطينا الضربه القاضيه وينهينا!!
*تأكد ديمه ان البدايه موجوده
مهما كبرت المشكله والجرح في قلبك اعرف كويس انك تقدر تبدا في الجديد
وحاول تشوف بعين واضحه منو جنبك يحبك ومهتم بي تفاصيلك❤️
متعطيش قلبك لي شخص غلط واضيع حياتك معاه
وزي ما نقول ديمه انا بنووتة الشيخ(اروى)...الخب في كل مكان
بس انتي دوري كويس وختاري صح❤️👌
لقراءة باقي حلقات الرواية اضغط على (رواية خطوه مميته)