رواية عشق الفارس الفصل السابع عشر 17 بقلم أحلام تامر
 |
| رواية عشق الفارس الفصل السابع عشر 17 بقلم أحلام تامر |
رواية عشق الفارس الفصل السابع عشر 17 بقلم أحلام تامر
هاني ومراتو راحو ينامو وكذالك انتصار وخالد...
تاني يوم الصبح الكل كان قاعد ع الفطار
فارس مقولتش ليه ي عمي كنت جيت اخدتكو من المطار
هاني قولنا نخليها مفاجأه ليكو بس جينا لقيناكو زي الفراخ نمتو بدري..
نهي الف مبروك يولاد
فارس وريماس الله يبارك فيكي ي طنط
هاني لريماس فارس بجد من الناس الجدعه و راجل تعيشي معاه وانتي مطمنه
ريماس طبعا ي عمي نا عارفه ومتاكده من كده لاني لو حسيت مجرد احساس ان فارس مش كويس مكنتش وافقت ارتبط بيه
فارس :مراتي وحبيبتي وقره عيني اقسم بالله
جودي يعم لم نفسك وبلاش شغل المحن ده مبقاش ياكل عيش
فارس بص لريماس بذمتك بياكل ولا مبياكلش.
ريماس بغباء هو اي
جودي المحن ي حبيبتي المحن
ريماس بصت لطبقها بخجل وسكتت
فارس اهو السكوت علامة الرضا يبقي تخرسي ي حته بتاعه..
جودي الله يرحم لما كنت بتتحايل عليا عشان اخليها تغير م.. كتم فارس فمها بسرعه اخرسي الله يخربيتك هتفضحيني
انتصار هو فيه اي بتعمل اي من ورانا ي فارس
فارس لا بس ده موضوع قديم
ريماس كانت ماسكه نفسها من الضحك بالعافيه لانها اصلا عارفه ان فارس كان بيحاول يخليها تغير من جودي بس كشفته
ريماس متسيبها ي فارس مش بتقول موضوع قديم.. خلاص خايف من اي
فارس لا عادي هخاف من اي يعني.. بصو والله منا قاعدلكو فيها نا رايح الشركه.. وبص لجودي ابقو فكرو تتكلمو عليا ماشي دي تبقي غايبه ونميمه ونا مش مسامح اللي يجيب سيرتي ونا مش موجود.. وسابهم ومشي
الكل فضل يضحك عليه وكملو فطارهم
ريماس خرجت تودع فارس بس للاسف كان مشي.. دخلت الفيلا وهيه زعلانه كان نفسها تعمل ري اي زوجه وتحس فعلا بكده وتودع جوزها وهو رايح الشغل وسط جو رومانسي
دخلت ريماس قابلتها جودي:اي كنتي فين
ريماس كنت جعايزه اسلم علي فارس قبل ما يروح الشغل بس مشي
جودي بمكر طب مهو معاكي طول الليل والنهار هيلحق يوحشك ولا اي
ريماس ضربتها ع كتفها بطلي ي ام اياد انتي
جودي هيه بقت كده.. طب ماشي يا ام فارس
ريماس اسكتي الله يخربيتك لحد يسمعنا يقول اي دلوقتي..
جودي طب اي رايك نطب عليهم ف الشركه
ريماس ينفع
جودي ياماما الشركه شركتنا.. ينفع ونص كمان
ريماس طب هروح استاذن من ماما انتصار واطلع البس واجي
جودي طيب يلا بسرعه
فعلا ريماس استاذنت انتصار ووفقت وراحت تجهز نفسها وهيه متحمسه انها هتشوف فارس ف شغله وشركته..
عند خالد والباقي
خالد لهاني هتعمل اي مع اياد
هاني قدام بنتي عايزاه خلاص
خالد طب اعمل حسابك هعمل فرح لفارس ف نفس يوم اياد وجودي..
نهي مش مسدقه ان خلاص جودي هتتخطب اخيرا البت وافقت ع حد ده نا كنت فاقده الامل منها
خالد:ما بلاش خطوبه ونخليها ندخله علي طول ويبقي جودي وفارس فرحهم ف يوم واحد..
هاني وليه السرعه دي احنا مش مستعجلين
خالد هيبقي افضل لما يكتبو الكتاب ع الاقل عشان يخرجو براحتهم..
هاني باقتناع وجهه نظر برضو وبص لنهي.. اي ريك
نهي مش انت موافق يبقي نا هعترض ليه..
هاني تمام رن ع اياد ييحي انهارده بليل مع اهلو يتقدمو..
خالد ماشي ربنا يسهل الحال
وفضلو قاعدين مع بعض شويه
................
ف شقه علي قد حالها كده كانت قاعده فوزيه ومعاها راجل اول مره نذكره
فوزيه طب اعمل اي عشان ارجعله
صلاح(اخو فوزيه وشرير زيها) انتي تحاولي ترجعيله رضي كان بها ورضيش احرقي قلبه
فوزيه تقصد اي
صلاح صلي علي النبي كده واسمعيني معاكي صوره للبت دي
فوزيه اه ليه
هاتيها بحيث اعرف شكلها وافضل اراقبها واخليها ف مره لوحدها واخبطها بالميكروباص بتاعي وتبقي حادثه وقدر الله وما شاء فعل وطبعا ناصر هيكون موجوع علي فراق بنتو تقومي تروحي تفضلي جنمو علي حبه عياط حلوين ويلين معاكي
فوزيه مش لدرجه القتل ي صلاح
صلاح مفيش غير الحل ده.. بس روحي الاول له وشوفي هيرجعك ولا لا
فوزيه كلام اخوها فضل يروح ويجي كانت متوتره من فكره القتل دي وقررت تروح لناصر تطلب رضاه
...................
ريماس وجودي وصلو الشركه وراحو عند مكتب الاستقبال
جودي لو سمحتي مكتب المهندس فارس فين
السكرتيرة ف الدور التاسع ي فندم
طب ومكتب الأستاذ اياد
السكرتير ف نفس الدور ي فندم روحي هناك واسالي السكرتيره الموجوده
جودي تمام شكرا
مشيو جودي وريماس وراحو الاسانسير وطلعو علي مكتب عصافيرهم😂
جودي بصي انتي ده مكتب اياد مكتوب الاسم هنا اهو روحي انتي لاخر الطرقه وشوفي فارس ولا تحبي اجي معاكي
ريماس لا لا نا هعرف لوحدي
ريماس راحت عند السكرتير بتاع فارس وللاسف كان شخص ريماس تعرفه
ريماس لو سمحت ممكن اروح لأستاذ فارس
رفع الشخص راسه من علي الاوراق وانصدم
ريماس برقت جامد و....
.....
عند فارس.. يوو الزفت اياد نسي ياخد الأوراق دي عشان ييسجلها ف الشهر العقاري.. وقام خرج واول ما فتح الباب سمع ريماس وهيه بتكلم السكرتير بتاعه وبتقول:عبدالله انت بتعمل اي هنا....
...........
عند ناصر كان قاعد بيتكلم مع رئيسه ف الشغل تمام يا فندم هعرف خالد وابلغ حضرتك.. مع الف سلامه
رن جرس الباب وراح فتح ولقي فوزيه
ناصر بغضب. انتي جايه ليه.. اي معندكيش دم.. واحده غيرك مبتخلفش كانت ربت البت وحبتها واعتبرتها بنتها مش زيك انتي اي جبروت
فوزيه بدموع تماسيح. حقك عليا يخويا والله ندمانه والله والنبي ما تسبني نا عايزه ارجع لبيتي وجوزي ونا ما سدقت انك ترجع بعد الفتره دي كلها
ناصر انتي مصونتيش لحمي ودمي ف غيابي يعني مقدرتنيش يبقي انتي بالنسبه لي ولا حاجهويلا من هنا عشان نا ماسك نفسي بالعافيه وعايز امد ايدي عليكي
فوزيه. والله نا بحبك وريداك
ناصر لا ده انتي مبتحسيش ولا بتفهمي وقام زقها وقفل باب الشقه فوزيه بعتت لاخوها صوره ريماس وقالته نفذ خليك قريب من فيلا الشرقاوي لازم تنفذ انهارده..
صلاح انهارد لا خليها...
فوزيه بحده انهارده ي صلاح يعني انهارده والمره الجايه ترن عليا تقولي الموضوع خلص َقفلت السكه...
عند اياد فرح جدا لما جودي دخلت له
اياد اي المفاجأة العسل دي عامله ايه
جودي تمام وانت
اياد بفرحه فل الفل ي عروسه
جودي عروسه اي مش لسه هاتيجي تتقدم وفاتحه وخطوبه سنتين وف...
اياد حيلك حيلك هو انتي متعرفيش
جودي ايي
اياد اصل عمي خالد رن عليه من شويه وقالي انكو هتستنونا انهارده بليل وباذن الله هنكتب كتابنا قريب
جودي بصدمه ايي ازاي وليه السرعه دي
اياد عشان يبقي مع فارس بقي وافقي والنبي
جودي بتوتر تمام ربنا يستر.
.......
عند فارس انصدم اول ما سمع ريماس وهيه بتقول السكرتير بتاعه :عبدالله انت بتعمل اي هنا
ريماس كانت عاطيه فارس ضهرها وعبدالله ماخدش بالو من فارس
عبدالله ريماس ازيك.. انتي اللي بتعملي اي هنا
ريماس نا جايه لفارس ممكن ادخله
عبدالله ريماس نا نا بحبك وعارف الظروف اللي اتجوزتي فيها. ولو عايزه تطلقي نا معاكي و...
يبقي بذمتك مش عيب عليك لما تكون عايز تطلق مديرك من مراتو كان هذا صوت فارس الغاضب
ريماس اتوترت جدا خافت فارس يفهمها غلط
عبدالله فارس بيه نا...
فارس انت مرفود..
عبدالله بس ن...
فارس اطلع بره
قام عبدالله بيجهز حاجته عشان يمشي
فارس بص بغضب لريماس ادخلي المكتب
ريماس دخلت بخوف وفارس دخل وراها وقفل الباب جامد
ريماس فارس اسمع...
فارس بغضب تعرفيه منين
ريماس والله انت فاهم غلط
فارس بصوت عالي تعرفيه منين
عبدالله كان بره لسه وسمع صوت فارس وانتهز الفرصه ودخل بسرعه عليهم
عبدالله نا حبيبها قبل ما تتجوزها وتاخدها مني وتفرقنا عن بعض......