رواية أحببت طبيبي الفصل الثالث 3 بقلم أية هلال
 |
| رواية أحببت طبيبي الفصل الثالث 3 بقلم أية هلال |
رواية أحببت طبيبي الفصل الثالث 3 بقلم أية هلال
- كريم : مع السلامة يا ابراهيم ، قفل بقا العيادة وروح ، جالي مشوار ملوش لازمة ، رايح اقابل واحدة اسمها كارمة رزيلة بشكل
- كريمة : ينهار اسود اتكشفنا
- سعاد قربت منه وكل تعابير وشها مصدوم وبتقول يارب متتطلع هي
- سعاد : انا اسفة لو هتدخل مين كارمة دي كارمة اختي !!!!
- كريم : نعمم كارمة تبقي اختك ؟
- سعاد بزعيق : يعني اي انت بتقابل اختي من ورايا وهي بتقابلك من ورايا ، ليلتها سودة انهاردة
- كريم : انا معرفش انها اختك ، ممكن تدخلي نتكلم جوا وهفهمك
- سعاد : وانا اقول شكلها مخبية عليا مصيبة ، اتفضل كلمها والغي المعاد ده وتقطع علاقتك بيها تماما
- دخلو جوا
- كريم : منغير عصبية لو سمحتي ، كارمة كانت بتيجي العيادة هنا عشان تعبانة وانا كنت بعالجها ، وعلاقتي بيها صداقة مش اكتر وبقابلها عشان نتكلم باردو في مشاكلها لكن انا معرفش اصلا انها اختك وصدقيني مش بحبها ، وانا كنت رايح دلوقتي اقولها كده
- سعاد : ازاي معرفتش ، انا سعاد حسني وهي كارمة حسني ، مشكتش في الاسم ، ومادام مش بتحبها بتقابلها ليه هااا
- كريم : تصدقي مخدش بالي ، انا معلقتهاش بيا انا كنت بكلمها كدكتور المشكلة عندها مش عندي وانا اسف بجد، ممكن لما تروحي تتكلمي معاها بهدوء
- سعاد : انت مش هتعرفني اتعامل مع اختي ازاي ، وانا هضطر مكملش علاج معاك ، عشان اللخبطة دي ، عن اذنك
- كريم : استني ليه.مش هتكملي ، ارجوكي متخلطيش الامور ، يعني انا
كريم كان عايز يقولها انه بيحبها لكن هي كانت متعصبة وهو مش متاكد من مشاعره لسة
كريم قال باحباط : الي تحبيه ، ممكن تستريحي شوية ونكمل لما اعصابك تروق
- سعاد : عن اذنك
خرجت وانا مصدومة بجد
- سعاد : اسمعي يا بنت حسني اروح الاقيكي في البيت ، ولو ملقتكيش مش هيحصل طيب ، فاهمة
- كارمة : في اي بس يا سعاد بتكلميني بعصبية ليه ، انا خلاص روحت من بدري
- سعاد : طبعا ماهو كنسل المعاد
- كارمة بتوتر : ها مين ده الي كنسل انا جاية من الجامعة علي طول
- سعاد : طب اقفلي ،وانا.جيالك
سعاد روحت البيت مع كريمة
- كريمة : عشان خطري متعمللهاش حاجة ، احنا كنا هنقولك بس كنا خايفين
- سعاد : ادخلي شقتك يا كريمة ، اختي وانا الي هتصرف معاها
- كريمة : عن اذنك
- دخلت سعاد الشقة
- كارمة جريت عليها اول ما فتحت الباب
- سعاد: ابعدي ، انا هدخل اغير هدومي واعمل حاجة نشربها ، روحي اقعدي علي الكنبة
- كارمة : انا معملتش جريمة يا سعاد ، انا كنت هقولك و...
- سعاد : اعملي الي قولت عليه انا مش ناقصاكي
- دخلت سعاد غيرت وعملت شاي وراحت قعدت مع كارمةعلي الكنبة
- سعاد : اتفضلي قوليلي اي المرض النفسي الي مخليكي تروحي لدكتور ومن ورايا
- كارمة : سعاد انتي بتتكلمي معايا كده ليه ، انا مش صغيرة ، انا كنت محتاجة جدا اعمل كده
- سعاد : ومقولتليش ليه ، انا اختك يا متخلفة ، ده انتي بذات نفسك الي قيلالب روحي لدكتوى ووافقتك ، واي بقا الي معقدك وكائبك بالشكل ده
- كارمة : انا اتعالجت خلاص ومش عايزة افتكر
- سعاد : انتي بتحبي كريم ؟
- كارمة : ايوا ايوا بحبه يا سعاد ، كان مجرد دكتور وبس ، لكن لما اتقابلنا كتير ، حبيته ونفسي يتقدملي
- سعاد عارفة ان كريم مش بيحبها وخايفة تقولها تكتئب اكتر
- سعاد : ليه بتعملي في نفسك كده ، طب هو لمحلك بحاجة ولا اي
- كارمة : لا ، انا مستعدة اعمل اي حاجة عشان يحبني
- سعاد : انا هسيبك ترتاحي لكن بكرة هتحكيلي اي سبب مرضك ، بس انا مش مسمحاكي انك خونتي ثقتي فيكي وبتقابليه من ورايا ، من بكرة هتروحي الجامعة وتيجي بعدها لا تروحي في حته ولا تخرجي مع حد وانا الي اوصلك واجيبك ، التلفون يبقي معايا ، الي اسمه كريم ده تنسيه انتي فاهمة
- كارمة : كفاااية بقا تعامليني زي ما اكون طفلة انا عارفة انا بعمل اي بالظبط ، مش محتاجة اوامر منك
- سعاد سابتها ودخلت اوضتها
سعاد : انا بعمل كده عشانك ، كريم مش بيحبها ، لو تعرفي كده هتشكريني كتير
دخلت البلكونة اشم هوا
- انا مينفعش اسيب كارمة علي عماها كده ، هو بصراحة كريم كان واوضح وقال انه مش بيحبها بس باردو العيب عليه انه قابلها من اصله
وانا بفكر في البلكونة دخلت كارمة عليا
- كارمة : سعاد انا عارفة انا غلطانة بس غصب عني حبيته ، انا اوعدك مش هكلمه تاني وهنساه بس انك تزعلي مني ده لا ، احنا اخوات ياسوسو ، وجوز مجانين رايحين يتعالجو والنبي متزعليش مني
- سعاد : انا مش زعلانة منك يا كارمة انا خايفة عليكي ، البنت لازم تصون نفسها وتصون كرامتها ، لو كريم عايز يتقدملك يتفضل لكن الي عملتيه غلط ، وفي الاخر احنا اخوات يا ست كارمة
- حضنتها : بحبك اوي يا سوسو
- سعاد : الا صحيح مش انا هنزل اشتغل اخيرا
- كارمة بفرح : بجدد اخيرا بقا ، انا فرحانة اوي
- سعاد : ان شاء الله ، بس انا مينفعش اكمل مع الدكتور ده
- كارمة : لي بس عشان انا يعني ، كملي معاه عشان نفسك ومتدخليش المواضيع في بعض
- سعاد : حاضر يا ست الحسن والجمال
- كارمة : بحب اسمه الجملة دي منك والله
- سعاد : تيجي نعمل فشار ونشغل فيلم
- كارمة : اشطا
عدا اليوم ، وطلع النهار ويوم جديد♥️
- سعاد صاحية من بدري ورايحة تقدم في شركة من الشركات الي كانت معروضة عليها لما اتخرجت
- كارمة : سلام ياسوسو مش عايزة حاجة
- سعاد : لا شكرا يا حببتي ، اعملي حسابك وانا مروحة هعدي عليكي اخدك من الجامعة
- كارمة : اوكي مع السلامة
- سعاد واقفة قدام المرايا بتعمل بروفا ازاي هتتكلم في الانترفيو ، كانت لابسة فورمال بليزر اسود شيك جدا وبنطلون اسود كلاسيك ورابطة شعرها من ورا ، شكلها جميل.جدا وطلتها تجنن ، عندها امل تكسب ثقتها في نفسها تاني وتتعامل مع الناس منغير خوف ورهبة
- سعاد خرجت وطلبت اوبر ووصلت الشركة اسمها "Tol" اختصار لجملة Translation of language
- سعاد : صباح الخير ، انا جاية اقدم هنا ، انا خريجة السن بامتياز وكانت شركة حضرتكم معروضة عليا يعني اشتغل فيها
- السكرتيرة : صباح النور ، اتفضلي حضرتك املي الاستمارة دي واقعدي هناك ولما انده علي حضرتك هتتفضلي
- سعاد بكل ثقة وابتسامة : تمام متشكرة اوي
- قعدت وانا بملي الاستمارة
- سعاد : طب ما الموضوع طلع سهل اهو مكانش لو لزمة موضوع الدكتوى النفسي
- موبايلي رن
- سعاد : اي ده كريم بيتصل ، الو عايز اي ؟؟!
- كريم : عارف انك مش طيقاني بس ده مش ذنبي اني محبتش اختك وارجوكي متقوللهاش الي قولتهولك ، انا هقولها
- سعاد : انا منبها عليها لا تقابلك ولا تكلمك ، ارجوك ابعد عننا وانا مش هجيلك تاني
- كريم : بس انا بحبك يا سعاد
- في اللحظة دي السكرتيرة ندهت علي سعاد وسعاد شالت التلفون من علي ودانها ومسمعتش كريم وهو بيقولها كده وقفلت معاه وقامت بسرعة للانترفيو
- السكرتيرة : اتفضلي حضرتك المدير منتظرك
- سعاد : متشكرة اوي
- دخلت وانا نصي متوتر ونصي التاني واثق ، زي ما تقولو نص اتعالجت ونص لا
عند كارمة في الجامعة
- كريمة : يعني اي يا كارمة هتنسي كريم كده بالسهولة دي
- كارمة : انتي ليه محسساني انه هو بيحبني ، انا وعدت سعاد مش هكلمه تاني وانت مش هخون ثقتها تاني
- كريمة : براحتك ، بس انتي مش صغيرة يا كارمة
- كارمة اتخنقت من كلاما : غيري الموضوع بقا ، انا هروح الكافتريا اكل ، باي يا اختي
- راحت كارمة الكافتريا ، لقت حد بيقعد معاها علي الطرابيزة
- كارمة : كريم ، انت اي الي جابك ، اتفضل امشي..
طبعا عملتلكم انتم لغبطة علي اسم الرواية مين الي احببت طبيبها بالظبط كارمة ولا سعاد😂😂😂 ، هنعرف هنعرف♥️