رواية عروس الصعيد الحلقة السابعة عشر 17 بقلم نورهان أشرف
رواية عروس الصعيد الجزء السابع عشر 17 بقلم نورهان أشرف
رواية عروس الصعيد البارت السابع عشر 17 بقلم نورهان أشرف
 |
| رواية عروس الصعيد الفصل السابع عشر 17 بقلم نورهان أشرف |
رواية عروس الصعيد الفصل السابع عشر 17 بقلم نورهان أشرف
ظر لهم رحيم بكره وحقد وهو يقول :خير ايه اللي مجعدكم مع بعضيكم
نواره بابتسامه: تعالى رحيم في فيلم حلو جوي جوى كمان تعال اقعد اتفرج معنا عليه
رحيم بسخريه : لاه مش عاوزه اتفرج على حاجه ويلا تعالى عشان عاوزك في حاجه مهمه
نواره بابتسامه: لاه انا مش هاقوم من هنا قبل ما اشوف اخر الفيلم
نظر رحيم بسخريه الى الفيلم وهو يقول: بقى انتي مش عارفه اخر الفيلم يعني نواره متضغطيش على اعصابي اكثر من كده اللى اجوبه يتنفذ يلا جوامى جدامى
قامت نواره من على الفراش وهي تقبل جنه وتقول لها :هاشوفه عايزاه وهاجيلك على طول
هزت جنه راسها بابتسامه :وهى تقول ماشي وانا مستنيكى
يقسم رحيم انه اذا قال له أحد ان في زوجه تعامل زوجه زوجها بتلك الطريقه كان يقول انها مجنونه ولكن الذي يحدث امامه جنون بالفعل دخل الى غرفته وهو ينظر الى نواره بغضب ويقول: انا عاوز افهم حاجه واحده انت مش بتحبيني مش رايدتى مش عاوزاني
نواره باستغراب: ليه بتجول كده بس يا ولد العم هو انا اتكلمت ولا فتحت بجي حته
رحيم بستغراب: ما هو اللي انتي بتعمليه ده جنون يا نواره بتعملي كده ليه معي يا نواره ليه عاوزه تضايجني و تحرجي دمي ليه عاوزه تخليني احس اني مليش لازمه عندك ليه عايزه تحسسيني كده
نواره بستغرب :مين جال كده بس ده انت كل حاجه في حياتي
رحيم بسخرىه :كل حاجه في حياتك كيف بس نواره انتى مش بتحبيني لان اللى انتي بتعمليه ده مش حب خالص لان اللى بيحب حد بيغير عليه من الهواء لكن انتى لا انتى بتعملى جنه كانها اختك كانك بتقوليلها شكرا لانك خدته
نواره بابتسامه :عشان البنت غلبانه وحيده وفيها ايه لما اعملها كويس هو انا لازم امسكها من شعرها وامسح بها بلاط الدوار كله عشان ترتاح
رحيم بسخريه لا ماتمسحيش بها بلاط الدوار بس على الاقل عامليها على انك بتغيري علي على الاقل عشان ما تقولش انك ما بتحبنيش نواره انا عايزه افهم حاجه لو انت مش بتحبيني جولي لكن بلاش اللي انتي بتعمليه ده حرام عليكى عشان بتحطي في قلبي 100 سهم واسهم يا نواره
كتبت نواره وجه رحيم بين يده وهي تقول :من قال كده بس الحب لو مخلوق لحد مخوقلك العشق لو لحد ليك انت ده انت عشقي وحبي وكل حاجه في حياتي
رحيم بسخريه: افعالك غير كلامك يا بنت عمي افعالك بتقول انك مش بتحبيني بتقول انك بتكرهيني على العموم يا نواره انا هريحك مني وها حط على قلبي مئه حجر وهاعمل جنه بما يرضي الله و هتبقى مراتي وانا مش هادخل الغرفه دي ثاني واصل خليكي انتي هنا قال ذلك وخرج من الغرفه ترك تلك المسكين تبكي بقوه لا تعرف لماذا شعرت ان قلبها انخلع من صدرها وذهب مع رحيم لا تعرف ماذا عليها ان تفعل حتى انها غفت على الارض من كثره البكاء
ما عند رحيم اذهب الى غرفه جنه والشياطين تتراقص امام اعينه يقسم انه يريد ان يقتل احد الان لكي يشفي غليله مما تفعله تلك المجنونه ولكن يقسم انه سوف يجعلها تحترم نفسها يقسم أن يعلمها ان الزوج شيء مهم في حياه اي فتاه ليس شي يمكن لها أن تعطيه لى اى احد دخل الى غرفه جنه وجد انها مازالت تجلس على الفراش لم تتحرك ولو خطوه واحده نظر اليها بغضب وهو يقول: قومى حضري الحمام
تنفست جنه بغضب: وهي تقول باقولك ايه مش ناقصه قرف انا زهقانه ومش عايزه اهب عليك في احسن لك تنزل من على دماغي
نظر لها رحيم بغضب وهو يقول :انتي بتقولي ايه يا مجنونه انتي احترمي نفسك واشوف انتي بتتكلمي مع مين
جنه بسخريه :وانت شكلك ناسي انا المره إللى فاتت عملت معاك المره دى انا ممكن اولع اولع في البيت باللي فيه اه لحسن اقسم بالله انا مجنونه اوع تفتكر ان انا مبسوطه بجوازه دى ولا يمكن فكرنى ضعيفه لا ده انا عافيه ذوق وإذا انت بتكرهنى قيرط انا بكرهك ٢٥ اذا كانت بتكرهني انا مش طايقاك اذا كان انت ماكنتش عايز الجوازه دي انا برده مش عايزها ولو عاوز تطلقني يبقا اريح ليك وليا
رحيم بغضب بقولك ايه احترم لسانك الاحسن انا اقسم بالله جناني يطلع عليكي
جنه بسخريه :يعني هتعملي هتضربني اعملها اعملها عشان دلوقتى اخد نفسي واروح القسم وارفع عليك قضيه واحبسك
رحيم بسخريه لا دي القطه طلع لها ضاوفر وبقت تخربش كمان
جنه بسخريه: ليه هو انت فاكر القطه هتفضل قطه على طول هيجي لها يوم وتخربش فبلاش بقا تخربشك انت اول واحد
قالت ذلك واندثرت تحت الفراش لم يتحمل رحيم برودها الى تلك طريقه مسكها من ذراعيها وشدها بقوه و صفعها بقويه
توسعت اعين جنه بصدمه حتى ترقرت الدموع في عينيها وهي تقول انت مجنون بتضرب مين رحيم بسخريه بضربك انتي لو انتي عاوزه تروحي القسم تعالى انا اوديكي لحد عنده على العموم انخمدي مش عاوز الدوشه ولا قرف
جنه بغضب :القلم ده هتدفع ثمنه غالي قوي قالت ذلك ونمت على الفراش بهدوء
اما رحيم نظر لها بسخريه وهو يقول لما نشوف هتعملي ايه اعلى ما في خيلك اركبه
قال ذلك والتوجه الى المرحاض لكي ياخذ دش يزيل عنها اعباء اليوم وقرفه
🌺🌺🌺🌺🌺🌺🌺🌺🌺🌺🌺🌺
اما في غرفه محمدي دخل طارق الى غرفه والده وهو يقول بجديه: عملت كل اللي اتفقنا عليه وافقت ان بنتي تتجوز واحد انا مش عاوزه بس انت وعدتني ان بنتي هتطلق و هاخدها وامشي وان كل حاجه هتنتهي بس ده ازاي بعد ما اتجوزت انت قولت انك هتوقف موضوع الجواز لكن ده محصلش يعنى انا ضحيه بابنتى
محمدي بغضب :كله من ابن الكلب حمزه هو اللي عمل كده و بوظ كل حاجه لو كانت اختي رحيم هي اللي رفضت كنت كل حاجه خلصت بهدوء لكن ازاي الشيخ حمزه محبش يطلع نفسه وحش ودمر كل حاجه
قطعهم دخول حمزه الذي نظر الى عمه بغضب وهو يقول: بقا انت يا عمي توافق انك ترمي بنتك بقا انت توافق على الجنون اللي جدي بيعمله دوت
محمدي بصراخ: ايه اللي انت بتقوله ده
حمزه بغضب انا باقول الحقيقه يا جدي اللي انت بتعمليه ده جنون مش اكثر من كده على فكره انا عملت كدا وكلمت رنا بطريقه كويسه عشان اقف ضدك عشان اعرفك ان الحياه مش بتمشي زي ما انت ما فاكر وزي ما انت عاوز لا لا احنا مش لعبه بين يدك عشان تعمل فينا اللي انت عايزه ولا عمرنا هنكون لعبه ثم نظر الى طارق بقوه وهو يقول وانت يا عمي عمري ما فكرت انك ممكن تعمل كده في بنتك يعني انت ضحيت بكل حاجه عشان خاطر مراتك وما عرفتش تضحي بكل حاجه عشان خاطر بنتك تنقذ الناس ومش عارفه تنقذ بنتك وسلسال دم اى اللى يقف انت عارف اللي مات دوت مات بسبب ايه بسبب ان انسان مش محترم بسبب انه كان بيلعب قمار يعني انت وديت بنتك ضحيه لواحد بيعمل حاجه حرام لا بجد برافو عليك يا عمي انا بجد مبسوط ومبهرو بيك انا مش عارف ازاى انت عملت كدا فى بنتك ومش فاهم ازاي جدي قدر يخليك توافق انك تدمر حياه بنتك مش فاهم ازاي قدرت تعمل كده كنت متوقع ان اي احد يعمل كده او اي احد يقف مع جدي غيرك انت يا عمي دمرت حياه بنتك عشان واحد ما يستهلش طب تمام والف مبروك ليك استحمل بقى وشوف ايه اللي هيحصل واحب اقولك ان اللي جوزتله بنتك مش بيحب امراته ده بيعشقها بيموت فيها زي ما بيقولوا بيغنوا بحكايته في البلد وازاي اتجوزها شوف بقى هتنقذ بنتك من يده ازاي شوف هتعمل ايه عشان تعرف تنقذها مع اني متاكد انا خلاص بنتك ضاعت ومهما جدي حاول يعمل عمره ما هيعرف يرجعها ثاني قال ذلك وخرج من الغرفه
اما طارق نظر الى محمدي بغضب وهو يقول: بنتي ترجع لي سليمه ازاي مش عارف قال ذلك خرج
من غرفه محمدي الذي اخذ يتحسس راسه بغضب لا يعرف هل هذا حفيده ام عدوه فتلك الاشياء التي يفعلها حمزه لا يدل الا على كره وحقد كبير ليس اكثر من ذلك
🌺🌺🌺🌺🌺🌺🌺🌺🌺🌺🌺🌺
في صباح اليوم التالي استيقظ رحيم من النوم وذهب الى المزرعه الخاصه به لكي يباشر الاعمال ولكن قطعه دخول احد الحراس او الغفر كما يقولون عنها في الصعيد وهو يقول بجديه :رحيم بيه رحيم بيه
رحيم بغضب: عاوز ايه في حاجه
الغفير بهدوء: في واحده ست بره عايزه حضرتك في حاجه مهمه
رحيم بغضب وهو يقول :خليها تتنيل تدخل
دخلت ريم وهي تنظر حولها بتوتر وخوف ف اول مره ترى رحيم فهي نعم صديقه زوجته ولكن لا تعرفه قبل ذلك نظر لها رحيم باستغراب وهو يقول :خير حضرتك عاوزاني في ايه
ريم بهدوء :انا الدكتوره اللي ماسكه حاله زوجه حضرتك نظر لها
رحيم باستغراب: انهي واحده فيهم
ابتلعت ريم رايقها بتوتر وهي تقول: نواره انا ابقى صديقه نواره بس كمان ماسكه الحاله بتاعتها حضرتك نواره مكانتش عايزه تقولك على اللي عندها بس انا ماحبتش انك تفضل ما تعرفش الموضوع وكمان لان حرام انك ما تعرفش
رحيم بجدية وخوف: في ايه نواره ماله
الطبيبه بخوف :نور امراه حضرتك تعبانه و عندها مرض في القلب وطبعا المرض دوت هي بتاخذ علاج ليه ولان الحمل والخلفه غلط عليها انا كنت مانعها انها تحمل وكنت بديها حبوب عشان توقف الحمل و عشان ما يحصلش بس نوراه من فتره لما حضرتك كنت عايز تتجوز وقفت الحبوب ديت وجاءت سحبت كل الورق بتاعها اللي كان عندي وقالتلي ان هي مش عايزه تتابع حالتها ثاني وهي عايزه تخلف وساعتها انا قلتلها ان انا هاجي لحضرتك بس قالتلي لو جئتلك هتقطع علاقتها بي و قالتلي ان هي عايزه تخليك مبسوط وعاوزه تجيب ولد عشان تفرح تفرح قلبك وتخليك مبسوط وقعت تلك الكلمات على اذن رحيم لا يصدق ما تفعله نواره معه في نواره كل لحظه تريد ان تجعله يشعر بالغضب عارم تجاهه
يتبع...
لقراءة الفصل الثامن عشر اضغط علي : (رواية عروس الصعيد الفصل الثامن عشر)
لقراءة باقي الفصول اضغط علي : (رواية عروس الصعيد)