رواية أحببت صعيدي الحلقة الثالثة 3 بقلم كوكي
رواية أحببت صعيدي الجزء الثالث 3 بقلم كوكي
رواية أحببت صعيدي البارت الثالث 3 بقلم كوكي
 |
| رواية أحببت صعيدي الفصل الثالث 3 بقلم كوكي |
رواية أحببت صعيدي الفصل الثالث 3 بقلم كوكي
بتخرج فيروز من الحمام و بتلاقي العصير علي المكتب
فيروز : اكيد ماما سميحه هي اللي بعتاه....و شربته و بعد شويه جت الميك اب ارتست لفيروز و سمر و بعد شويه خلصت الميكب ارتست ليهم و كانو هما الاتنين حلوين اوي و كانت فيروز شبه الملاك في الفستان
سميحه : بسم الله تبارك الرحمن اي القمر ده دنا علي كده اخاف الناس تحسدك
فيروز و هي حاسه نفسها مش متظبطه : شكرا يا ماما
سمر بغيره : احم اي رايك في شكلي انا كمان
سميحه : قمر قمر .... تعالي يا فيروز عايزاكي
و بتاخد فيروز و بتروح اوضه تانيه تستنا فيها قاسم
بعد فتره بيجي قاسم و زياد و بياخدو فيروز و سمر و كل ده و فيروز حاسه بدوخه
بدأ الفرح و كان الفرح متنظم بطريقه جميله و كان فخم و الكل كان مبسوط و اهل البلد كلهم كانوا موجودين
فيروز قامت و فضلت ترقص و الكل بيتفرج عليها و قاسم بيبصلها بغضب و سمر بتضحك بخبث
بيروح قاسم يشد فيروز من أيدها و بيحس أنها فيها حاجه
فيروز : سيبني سيبني ارقص
قاسم بغضب: انتي بتعملي اي انتي هتفضحينا
فيروز بعدم وعي: هفضحكو ههه هفضحكو هفضحكو و بترقص
قاسم بيشيلها و بينزل بيها و بيدخل بيته و بينزلها
فيروز : انت جبتني هنا لي عايزه ارجع تاني انت وحش اوي وانا بكرهك
قاسم : فيروز فوقي انتي فيكي اي و بيخبط علي درعها
فيروز : انا انا مش عارفه و بيغمي عليها
قاسم بيتخض و بيرن علي الدكتور يجي
بعد شويه الدكتور بيوصل و بيكشف علي فيروز
قاسم : خير يا دكتور
الدكتور : في حد أداها حبوب هلوسه و ده السبب في اللي حصل ليها
قاسم بصدمه : حبوب هلوسه
الدكتور : ايوا و دي ممكن تتخلط بي الاكل او بالعصير و علشان اخدت منها جرعه كبيره ده خلها تفقد الوعي
قاسم : يعني هي كويسه دلوقتى
الدكتور : ايوا كويسه انا ادتها حقنه و لما تفوق هتكون كويسه
قاسم : شكرا يا دكتور
الدكتور: ده واجبي عن ازنك .... و بيمشي
قاسم بيفضل قاعد جنب فيروز مش عارف مين يعمل كده و قرر أنه يسألها لما تفوق
برا البيت الفرح بيخلص و الكل بيمشي
............الصبح ..............
بتفوق فيروز بتلاقي نفسها نايمه في حضن قاسم و رأسه وجعها و مش فاكره حاجه و بتحاول تطلع من حضنه
قاسم بيفوق علي حركتها و بيقوم
قاسم : صح النوم يا اللي فضحتينا
فيروز : ايي
قاسم : اي !! اي انتي مش فاكره عملتي اي امبارح
فيروز : عملت اي انا اخر حاجه فكراها اني كنت قاعده مع ماما سميحه في الاوضه و بعد كده مش فاكره حاجه
قاسم بيحاول يهدي نفسه و يقول في سره : اهدي هي ملهاش ذنب
قاسم : انتي كلتي أو شربتي حاجه امبارح
فيروز : لا مكنتش كلت حاجه بس ماما سميحه قالت إنها هتبعتلي كوبايه عصير و لما كنت باخد دش طلعت لقيت كوبايه العصير علي المكتب حتي لسه هناك اهه
بيروح قاسم و بيمسك الكوبايه بغضب
فيروز : قاسم فهمني حصل اي انا عملت اي
قاسم بينزل من غير ما يرد علي فيروز بيروح لسميحه
سميحه اول ما بتشوفه بتقوله
سميحه : خير يابني فيروز اخبارها اي دلوقتي و الدكتور امبارح قالك اي
قاسم : امي ركزي معايا انتي امبارح طلعتي لفيروز كوبايه عصير
سميحه : امبارح ... ايوا هي كانت تعبانه و مكلتش حاجه فا بعتلها كوبايه عصير علي اوضتها مع البت فاطمه
قاسم بينادي بصوت عالي علي فاطمه
قاسم: فاااااطمه انتي يا فااااطمه
فاطمه بتجي بسرعه
فاطمه: خير يا بيه
قاسم بغضب : انتي اللي طلعتي العصير امبارح لفيروز
فاطمه بخوف: ايوا يا بيه ستي سميحه ادتني العصير و قالتلي طلعيه و انا كنت طالعه والله يا بيه بس ابله سمر قالتلي هتيها انا هطلعها و روحي انتي شوفي شغلك
قاسم بغضب اكتر : كده الحكايه باعت سمر هي السبب
سميحه : سمر السبب في اي يابني ما تفهمني
قاسم : سمر حطت لفيروز حبوب هلوسه في العصير
سميحه: قليله الربايه انا هعلمها الادب
قاسم : لا يا امي سيبيها انا هشوف شغلي معاها
بيروح قاسم علي اوضه زياد و سمر و بيخبط
و بيكون زياد نزل من بدري راح مع محمد
سمر : اي في اي في حد يخبط كده
قاسم : اي اللي انتي عملتيه امبارح ده
سمر بتوتر : ع عملت اي
قاسم : لا والله علي اساس مش عارفه.. مين اللي حط لفيروز حبوب الهلوسه
سمر : وانا اعرف من نين
قاسم : انا بقا عارف و حيات الحب اللي كان بينا يا سمر لو قربتي لمراتي تاني مش هتشوفي من غير كل شر
بتمسك سمر أيده
سمر : انا عملت كده علشان بحبك
قاسم : سمر فوقي انتي دلوقتي مرات اخوي
سمر : انا بحبك انت
قاسم : وانا مبقتش احبك و بحب مراتي و زقها و مشي
يتبع...
لقراءة الفصل الرابع اضغط علي : (رواية أحببت صعيدي الفصل الرابع)
لقراءة باقي الفصول اضغط علي : (رواية أحببت صعيدي)