رواية تزوجت معاقا وأصبحت جيشه الوحيد الحلقة الأولى 1 بقلم شهد الشيخ
رواية تزوجت معاقا وأصبحت جيشه الوحيد الجزء الأول 1 بقلم شهد الشيخ
رواية تزوجت معاقا وأصبحت جيشه الوحيد البارت الأول 1 بقلم شهد الشيخ
 |
| رواية تزوجت معاقا وأصبحت جيشه الوحيد الفصل الأول 1 بقلم شهد الشيخ |
رواية تزوجت معاقا وأصبحت جيشه الوحيد الفصل الأول 1 بقلم شهد الشيخ
ف احد القصور الكبيرة تحديدا ف قصر الصويفى
دريه: بقولك ايه يا عاصم انا خلاص مبقتش قادره انا مش خدامه عند اخوك المعاق ده انا من النهارده مليش دعوه بيه شوفله حد يخدمه
عاصم: اشوفله فين بس يحبيبتى مفيش واحده هتقدر تستحمله وبعدين انتى ناسيه اننا عايشين ف املاكه لانه ليه النصيب الاكبر ف الاسهم والورث
دريه:مش ناسيه بس مبقتش قادره خلاص
عاصم:طيب هنعمل ايه طيب
دريه: انا عندي فكرة
عاصم:طيب ما تقولى
دريه: نجوزه وكده تبقى مراته مسئوله عنه وخدامته
عاصم:ومين اللى هترضي بيه وهو كده
دريه: نشوفله واحده فقيره ونديها قرشين ومحدش بيقول للفلوس لا... وانا عندي الواحده دى
عاصم:مين هى
دريه:بنت عبد الحميد البواب
عاصم:يابنت العفريته طيب ابعتى حد يندهله بسرعه
دريه: هوا
«««««««««««««««
ف مكان تانى
نورا: وانتى فتى احلامك ايه يا فرى؟
فريده:يكون بيحبنى وامانى وحمايتى واكون الوحيده ف قلبه
نورا: بس؟.. يعنى مش عايزاه طويل عريض غنى وسيم كده يعني!
فريده: لا انا كل حلمى انى اكون عنده كل حاجه ويراعى ربنا فيا
( احب اعرفكوا بنفسى انا فريدة عبدالحميد عندى 24 سنه ممرضه من عيله ع قد حالها انا بيضه و عينى خضرا وشعرى بنى لحد ضهرى جسمى ممشوق ومتوسطه الطول مامتى متوفيه وعايشه مع بابا ومراته العقربه وانا وحيده ومعنديش اخوات واللى كانت بتكلمنى دى واحده زميلتى ف الشغل)
نورا بضحك: طيب يلا يختى عشان نروح
فريده: يلا
««««««««««««««
فى بيت فريدة
عبد الحميد: ها ايه رأيك بقى
ناديه: هى فيها كلام دى طبعا جوزهاله كفايه انه غنى وهيرفعنا من الفقر ده وبعدين هى تحلم بواحد زيه
عبد الحميد: انا قولت كده برضو طيب بقولك ايه اول ما تيجى ابعتيها
ناديه:حاضر ياخويا
خرجت ناديه من الاوضه وفى الوقت ده كانت فريدة ع باب البيت بتستعد لواصله التهزيق من مرات ابوها وخدت نفس طويل وبعدين دخلت
فريدة: السلام عليكم
ناديه بابتسامه: وعليكم السلام ورحمة الله وبركاته اهلا بعروستنا
فريدة باستغراب طريقه مرات ابوها والابتسامه: مرات ابويا هو مات ميت النهارده ولا حاجه
ناديه: ليه كده
فريدة:اصلك بتضحكي ومفتحتيش ع واصله التهزيق متغيرة اوى
ناديه:كده برضو اخص عليكي يا فرى دانا حتى بحبك
فريدة ف نفسها:هى اتجننت ولا مش واخده بالها انى فريدة اللى قدامها يلا مش مهم اهى ريحتنى من الكلام الكتير
فريدة:طيب انا هدخل اغير واصلى وهاجي احضر الغداء
ناديه:لا قبل اى حاجه ادخلى لابوكى عشان عايزك
فريدة:عايزنى فى ايه
ناديه:لما تدخلي هتعرفى
««««««««««
دخلت فريدة لابوها
فريدة:نعم يا بابا
عبد الحميد:تعالي عشان عايزك فى موضوع
فريدة:خير
عبد الحميد:جايلك عريس وقبل م تسألى اى حاجه او تتكلمى العريس ده هو احمد بيه الصويفى
فريدة انصدمت: نعم حضرتك عايزنى اتجوز واحد معاق طبعا مش موافقه
عبد الحميد: وانتى من امتى وليكى كلمه انا انا ببلغك عشان تعملى حسابك انا مش باخد رأيك
فريدة:ازاى يا بابا عايز تجوزنى واحد معاق
عبد الحميد: بكرة كتب كتابك جهزى نفسك
فريدة سابته وخرجت راحت اوضتها وفضلت تعيط ع حظها لحد م نامت
««««««««««««
جه تانى يوم بسرعه
لو كنت مستنياه مكنش جه بالسرعه دى.. دى كانت جمله فريده وهى بتلبس الفستان وبتجهز نفسها
عبد الحميد من ع الباب: خلصتى يا فريده
فريدة خرجت وقالت: ايوا خلصت
خدها عبد الحميد وخرجوا ركبوا العربيه اللى مستنياهم قدام البيت
كانت قاعده ف العربيه مع ابوها وكان الصمت سيد المكان وكانت قاعده بتعيط ف صمت لحد ما وصلوا قدام القصر نزلوا ودخلوا
«««««««««««««
عاصم: اهلا بعروستنا
فريده ساكته ومش بترد
عبد الحميد: معلش يا بيه اصلها مكسوفه
عاصم:لا عادي تعالوا ورايا
دخلوا اوضه الصالون وكان المأذون واحمد وواحد من الحرس جوه بدأ المأذون بكتب الكتاب وخلص كل حاجه وقال لفريدة تيجى عشان تمضى لكن فريده كانت قاعده باصه ف الارض وبتعيط ومرضيتش تقوم
المأذون:اومال فيه ايه هى العروسه مش موافقه ولا ايه
عبد الحميد رد بسرعه:لا طبعا هى بس مكسوفه شويه
وخد الدفتر من المأذون عشان فريده تمضى فريدة (رفعت عينها وف اللحظه دى عينها جت فى عين احمد فضلوا باصين لبعض و ساكتين وعينهم هى اللى كانت بتتكلم فريده حست باحساس غريب فبعدت عينها عنه وبصت لدفتر ومضت)
بعد م كتب الكتاب خلص كله خرج وسابوا فريده واحمد لوحدهم فضلوا ساكتين لحد م قطع الصمت ده صوت فريدة
فريده: احم احم استاذ احمد
احمد فضل باصصلها ومرة واحده اتحرك بالكرسى ناحيتها ووقفه وفضل جسمه يترعش جامد
فريده: ايه ده مالك استاذ احمد فيك ايه
فضل يترعش وساكت
فريده: ينهار اسود معاق واخرس كمان... وفضلت تنادى ع الناس اللى ف القصر.. ياناس ياللى هنا حد يلحقنا
خرجت لنص القصر وفضلت تنده لحد ما عاصم جه
عاصم: ايه فيه مالك بتزعقى كده ليه؟!
فريده بخوف: استاذ احمد عمال يترعش ومش عارفه اعمله ايه
عاصم: طب تعالى
رجع عاصم وفريده للصالون تاني ولقيوا احمد...........
يتبع...
لقراءة الفصل الثاني اضغط على : (رواية تزوجت معاقا وأصبحت جيشه الوحيد الفصل الثاني)
لقراءة باقي الفصول اضغط على :(رواية تزوجت معاقا وأصبحت جيشه الوحيد)