رواية طفلة الأسد الحلقة العاشرة 10 بقلم مروة مرزوق
رواية طفلة الأسد الجزء العاشر 10 بقلم مروة مرزوق
رواية طفلة الأسد البارت العاشر 10 بقلم مروة مرزوق
 |
| رواية طفلة الأسد الفصل العاشر 10 بقلم مروة مرزوق |
رواية طفلة الأسد الفصل العاشر 10 بقلم مروة مرزوق
الصبح جه وحامل الكثير من المفاجأت
عند مراد وفرح
صحي مراد قبل فرح ولقاها لسه نايمه راح ليه وفضل باصص عليها وعلى شكلها البرئ وهي نايمه
مراد في نفسه.........نفسي أفضل اصحى واشوف وشك يا فرح نفسي تفضلي جنبي طول العمر نفسي تحسي بحبي وعشقي ليكي نفسي تفتكريني يا فرح وعيونه دمعت بس مسحها بسرعة ودخل الحمام
صحت فرح من نومها ولقت مراد في الحمام
فرح.............. كان نفسي أفضل معاك يا مراد نفسي أفضل بين أحضانك وتكون ليا أنا وبس نفسي الحب دا يكون من طرفين مش من طرفي أنا وبس نفسي إنك تكون اتجوزتني مش علشان حتت وعد لا علشان بتحبني أنا يا مراد بس أنا بقول ايه أنا كنت ومازلت بالنسبه ليك بنت عابره، وفاقت على طلوع مراد من الحمام وكان عا"ري الصدر ولابس بنطلون بس
فرح بصدمة........... عااااااااا انت يا بني آدم انت احترم نفسك والبس هدومك كامله هو مش عرض أزياء هو علشان تتطلع كدا وكانت مغميه عيونها
مراد........... افندم
فرح بغضب......... اتنــ...ــيل والبس هدومك كامله
مراد بيحاول يتحكم في ضحكاته
مراد ببراءه............ مش عارف
فرح بغضب........ ليه ايدك اتشـ...ـــلت ولا ايه اخلص بطل غلا*سه وانتــ...ـيل البس
مراد......... ايوه ايدي بتو*جعني أصلي اتخا*بطت فيها البارح وبتو*جعني جامد
فرح بغيظ........... اتخا*بطت فيها صح طب البس هدومك بدل ما اقول اكمل عليها واكـ...ـــسرها بقى
مراد ببراءه........... فرح ممكن اطلب منك طلب
فرح بغضب........... أنجز عايز ايه
مراد....... ممكن تيجي وتلبسيني التيشرت ممكن
فرح بغضب........... لا أنت شكلك كدا ناوي على مو*تك يا مراد
مراد........... بقيت احب اسمي دلوقتي، خلاص هنادي نعمات تيجي تلبسه ليا طالما انتي مش عايزه تساعديني
فرح حست بنا*ر الغيره (وأخيراً يا فرح 😂😂) وإنها عايزه تو*لع في مراد ونعمات مع بعض
فرح بغيره............. عندك استنى أنا مش ناقصه حد يقول كلام على الفاضي عليا تعاله اتنــ...ـيل البسك وقامت وخدودها محمره بشدة من الخجل والغضب في نفس الوقت وبدأت تلبس مراد التيشرت وخلصت
مراد راح وبا"س خدها
مراد بحب........... شكرا يا فرحي وبا*س خدها وطلع وهو بتوعد ليها أنه يجــ...ـننها و يخليها تحبه وبعدين يد*فنها بين أحضانه وابتسم ومشي
عند فرح
كانت مصدومه من اللي مراد عمله وكانت حاطة ايدها على خدها وتدريجيا ابتسمت وخدودها احمروا اكتر من الأول
فرح بابتسامة......... يا ريت لو كان دا حقيقة يا مراد يا ريت ودخلت الحمام
عند أسد
صحي على أذان الفجر قام اتوضي وصلي وراح علشان يطمن على نسمه ويشوفها إذا كانت صاحت ولا لااه بس كالعادة لقاها صاحيه وكانت خلصت صلاة
أسد بابتسامة.............صباح الخير
نسمه بابتسامة........... صباح النور
أسد.......... انتى فاضية النهارده
نسمه باستغراب........... ايوه النهارده مفيش جامعة بس ليه
أسد....... طب ممكن اقعد الأول بس
نسمه....... اووو آسفه اتفضل ودخل أسد
أسد..........نسمه هي فرح في حد في حياتها أو بتحب حد
نسمه...........أنا طبعي مش بحب الكد*ب ايوه في حد في حياتها يا أسد، بس قبل ما اقلك مين أنا حابه أسألك سؤال ممكن
أسد........... ايوه اتفضلي
نسمه بتوتر....... هو هو مراد بيحب فرح
أسد حس بنا*ر الغيره بتحر*ق جواه وحس أن نسمه ممكن بتحب مراد
أسد بتسرع........... ايوه بيحبها لا دا بيعشقها، بس حس على نفسه وقد ايه هو اتسرع
نسمه بفرحة....... بجد
أسد استغرب المفروض تكون زعلانه بس هي فرحانه
أسد باستغراب........... ايوه بس ليه السؤال دا
نسمه خدت نفس عميق وحكت لاسد كل اللي فرح قالته ليها
أسد انصدم من اللي سمعه وحكي لنسمه كل اللي مراد قاله
نسمه بصدمة......... يعني في سوء تفاهم والاتنين بيحبوا بعض بس العناد والغرور والكرامه والكبرياء أسياد الموقف هنا
أسد......... ايوه معاكي حق مراد مفكر أن فرح مش بتحبه وفرح مفكره إن مراد مفكرها بنت عابره ومش بيحبها والاتنين بيتعذ*بوا بنا*ر الحب
نسمه............بس دا غلط الاتنين لازم ينسوا الكبرياء والكرامه والغرور دا ويعترفوا بحبهم لبعض أسد احنا لازم نساعدهم بس الأول لازم نفهم ليه مراد قال على فرح إنها بنت عابره
أسد......... معاكي حق لازم نعرف الأول
نسمه....... تمام نبقى نشوفه ونتكلم معاه
أسد بغيره......... هشوفه أنا وهبقي احكيلك ايه اللي حصل ماشي
نسمه استغربت تصرفه دا بس وافقت
نسمه........ تمام
أسد قام وطلع برا الأوضة وهو حاسس بنا*ر جواه وهو مش عارف يهديها كل ما تجيب اسم راجل على لسانها النا*ر دي بتزيد نزل وراح المكتب بتاعه وقعد يشتغل ويشغل نفسه في الشغل ويحاول يهرب من حقيقة هو مش عايزها تكون موجوده
الكل كان متجمع على السفره
الشرقاوى........ النهارده كلنا أجازه ايه رايكوا نطلع على المزرعه نغير جوا
فرح بفرحه...........الله عليك يا باشا
نسمه......... أنا معنديش مانع
أسد.......... أنا عاندي شغل هخلصه وهلحقكم على المزرعة أنا ومراد وفؤاد
مراد وفؤاد انصدموا لأنهم ميعرفوش ايه الشغل دا بس اتاكدوا انه حاجة مهمة لما شافوا غضب أسد اللي بيحاول يتحكم فيه
الشرقاوي.......... تمام كدا نسمه فرح شكريه جهزوا نفسكوا يلا وأنا هبعت اجيب سلمي
فؤاد باستغراب......... سلمي
الشرقاوي........ ايوه بنت عمك هتشوفها في المزرعة بس الأول خلينا نجهز علشان نروح وقام الكل علشان يجهز
أسد خاد مراد وفؤاد وراحوا على مخزن مهجور بس حواليه حراسه كبيره
فؤاد........ احنا بنعمل ايه هنا
مراد.......أسد انت جبتنا هنا ليه
أسد بغضب.......... علشان ناخد حق نسمه وفرح من الز*فت معتز
مراد هنا استشاط غضب لما افتكر أن معتز كان عايز يقرب من فرح، فؤاد كان خلاص وصل لمرحلة كان عايز يخلــ..ـص فيها على معتز دا
دخل التلاته المخزن لقوا معتز واصحابه مربوطين ورجالة أسد عاملين معاهم الواجب وزياده
أسد اتقدم وراح لمعتز ومسكه من شعره
أسد بغضب......... بقى واحد زيك كان عايز يقرب لمراتي يا زبا*لة هند*مك على كل دمعة نزلت من عيونها اصبر، فؤاد راح ليه
فؤاد بصوت كفحيح الأفعى........... انت فكرت تقرب لأختي وبايدك الو*سخه دي مسكت ايدها وخليت دموعها تنزل وأنا بقى هعلمك الأدب من أول وجديد انت واللي خلفوك علشان لو كانوا متربيين كانوا ربوك واخذ يضر*ب فيه بكل غضب وصحاب معتز كانوا شايفين غضب فؤاد اتر*عبوا وعرفوا أن نها*يتهم على ايده
أسد ومراد راحوا و بعدوا فؤاد عن معتز اللي خلاص مبقاش سليم من كتر الضر*ب
فؤاد بغضب............ إيدك اللي اتمدت على اختي دي وحياتك لقطــ..ــعها قدام عينيك
مراد راح لمعتز
مراد بغضب......... أنا كنت ناوي ليك على نيه سو*ده بس ربنا رحمك مني وفؤاد ارحم مني عارف ليه لاني لو سبت نفسي عليك وحياتك مانت شايف النور تاني اذا كان انت او شويت الزبا*له اللي معاك بس أنا مش هعدي إنك اتجرات ومسكت فرح بايدك دي وخليت صحابك الزبا*لة دول يكتفوها ويلمسوها
مراد بغضب صوت عالي............ هاتوه
دخل شخص في عمر الخمسين كدا ورجالة أسد مسكينه
مراد بغضب............دلوقتي بقي يا حج محمود تختار انقذ ابنك وتتنازل عن كل املاكك ولا تسيبه وتفضل الأملاك معاك
محمود بص لمعتز بغضب
محمود بغضب......... اتنازل عن املاكي ايه بقى شقى عمري اضيعه على غلطه من عيل لا طبعا اشبعوا بيه كدا كدا هو فاشل ومش محتاجه وترك المكان وذهب
مراد بسخريه........ شوفت حتى أبوك اللي انت من دمه قال عليك فاشل وبا*عك بالر*خيص هههههههه بجد دلوقتي أنا مرتاح عارف ليه علشان انت دلوقتي مد*مر ابوكي اللي كنت بتفتخر بيه باعك بس مراد لقى ابو معتز راجع
محمود بص لمعتز
محمود........ من هنا ورايح لانت ابني ولا أنا اعرفك مش عايز سمعتي تبوظ على آخر الزمن على ايد واحد زيك سلام
معتز كان مصدوم من اللي حصل أبوه اللي ديما كان بيفتخر بحبه قدام الكل وانه بيحبه ومستحيل يتخلى عنه با*عه أبوه اللي من صغره كان بيعلمه أن اي حاجة الراجل بيكون عايزه لازم تكون تحت ايده ولو بالا*جبار ابوه اللي معلمهوش الصح من الغلط بس مع كل دا هو كان بيحبه بشده با*عه كدا وفجأة عيونه بدأت تدمع
معتز بدموع......... عندك حق يا دكتور مراد أنا ابويا باعني بالر*خيص لأني طول عمري كنت عنده ر*خيص كنت مفكر اني غالي عنده بس كل تفكيري كان غلط كنت بفضل اعمل الغلط وهو كان بيشجعني عليه ولا مره جرب ينصحني ولا مره لو كنت غالي عليه لو بيحبني كان نصحني كان لما غلطت اول مره كان ضر*بني وعلمني الصح بس معملش كدا، أنا غلطت ومستعد اتحمل تمن غلطي دا وأنا بشيل الذ*نب من على صحابي أنا بتحمل كام المسؤليه بس سيبهم في حالهم أرجوك اقتــ...ـلني وريحني من الو*جع دا
أسد هنا افتكر نسمه لما قالت اننا كلنا محتاجين مساعدة مفيش حد مش محتاج مساعدة وان الإنسان لما بيغلط قدامه طريقين الأول يفضل مكمل في الغلط والتاني إنه يرجع عنه ويبعد عن الغلط دا ويصححه
أسد اتقدم ناحيه معتز
معتز حس ان نها*يته قربت خلاص بس كان زعلان لان مجتش فرصه علشان يصحح غلطاته دي ، بس اتفاجأ أن أسد بيفك قيده وكمان حضنه
الكل كان مصدوم حتى مراد وفؤاد ومعتز
أسد بعد عنه وقال
أسد........ في حد قالي قبل كدا اننا كبشر محتاجين مساعده ديما وأننا لما بنغلط قدمنا طريقين الأول نفضل مكملين في طريق الغلط والتاني اننا نفوق ونصحح غلطنا ونبعد عن طريق الغلط وانت يا معتز فوقت ورجعت عن الغلط اللي كنت بتعمله أنا بصراحة كنت ناوي اخلــ...ـص عليك بس أنا شوفت في عيونك إنك نادم
فؤاد بغضب........... أسد انت الزاي سمحته كدا
مراد بغضب.......... فؤاد معاه حق يا أسد الزاي انت سمحته كدا
أسد...........نسمه قالت ليا أن رب العالمين بيغفر الذ*نوب وبيسامح ف ليه احنا ك بشر مش بنسامح ليه
فؤاد ومراد سكتوا وفهموا قصد أسد
معتز دمع وفضل يعيط على سنين عمره اللي كان بيعمل فيها الغلط وبيفضل مكمل فيه
معتز بدموع.......... شكرا شكرا إنك سامحني بجد شكرا يا استاذ أسد
أسد.......... مفيش استاذ أسد بنا انت أخويا يا معتز
معتز بدموع........ الزاي واحد زيي هيكون أخ لواحد زي حضرتك أنا دلوقتي واخذ يبكي
أسد بابتسامة.......... انت دلوقتي واحد من عيلتي يا معتز صح مفيش أي صلت دم بنا بس أنا بعتبرك زي مراد وفؤاد وزين اخويا فاهم ويلا بقى نوديك على المستشفى علشان نعالجك نمشي
فؤاد راح ناحيه معتز
فؤاد بمرح...... اعذرني بقى كنت برحبك بيك يا شقيق
معتز.......... وترحيبك عجبني اوي ومسك دماغه
مراد بمرح.......... هتسامح الدكتور بتاعك صح ولا شكلك عايز تســ...ـقط في الماده مش كدا
معتز.......... دا تهد*يد
مراد بضحك....... حصل
معتز بضحك......... لا خلاص أنا مسامح يا دكتور وأنا آسف علي اللي عملته أنا آسف
أسد بابتسامة............ يلا اللي فات ما*ت خلينا نمشي لان العيله مستنينا في المزرعة
معتز.......... هو أنا هاجي معاك الزاي اكيد
أسد بابتسامة.......... أنا هحل الموضوع بس خلينا نمشي الأول يلا
ومشي الشباب من المخزن دا
(أنا هسيبكوا تقرروا إذا اللي أسد دا عمله صح ولا غلط وهل كان من الصح أنه يعا*قبه ومش يسامحه واذا كان المفروض يعا*قبه ايه العـ...ــقاب اللي كان الأنسب ليه🙂🙂)
عند محمود الدمنهوري
رجل القصر بتاعه غضبان وكل الغضب مالكه
مراته......... مالك يا محمود في ايه
محمود بغضب...... معتز وقع بين ايدين أسد الشرقاوي
مراته بصدمة........ انت بتقول ايه هو السر انكشف
محمود بغضب جهنمي....... مستحيل ينكشف السر دا لو انكشف أسد هنــ...ــسفنا من على وش الأرض مستحيل السر دا لازم يفضل مستخبي
مراته........ هتعمل ايه
محمود بشر......... السر دا لازم يمو*ت بمو*ت معتز
مراته بصدمة......... هتــ....ـقتل ابنك يا محمود
محمود.................
مراته بدموع........ عارفه بس دا ابني أنا هتــ...ــقتله الزاي
محمود......................
مراته بدموع........ اعمل اللي أنت عايزه يا محمود انا طالعه فوق سلام
محمود بشر........... لازم تمو*ت يا معتز لازم
*************************************
وصل الشرقاوي والباقي للمزرعة
الشرقاوي....... الرحلة كانت متعبه خلينا نرتاح شويه على ما أسد وفؤاد ومراد يجوا، وطلع الكل يرتاح
وصل أسد والباقي للمزرعة
أسد...... فؤاد خد معتز اسبقنا لجوه عايز مراد في موضوع كدا
فؤاد تمام ودخل
مراد خير يا أسد عايزني في ايه
أسد....... مراد انت بتحب فرح
مراد........ أنا بعشقها مش بحبها بس
أسد....... امال قلت عليها ليه بنت عابره
مراد...... أنا مش فاهم قصدك وضح اكتر
أسد قص عليه كل اللي نسمه قالته
مراد بصدمة....... انت بتقول ايه فرح بتحبني وابتسم وعيونه دمعت من كتر الفرحه
أسد....... مراد انت ليه قولت كدا على فرح
مراد بغضب..... بنت غبيه زي ما قولت قبل كدا غبيه أنا يوميها مكنتش اقصدها هي أنا لما دخلت الجامعه كان في بنت بتقعد لازقه فيا كانت بنت مستفزه وفي اليوم دا صاحبي قالي انها شكلها بتحبك يا مراد وانتوا الاتنين ثنائي مناسب رديت وقولت أنها بنت عابره مش اكتر واني أنا مستحيل ابص لواحده من مستواها كده بس هي مسمعتش باقي الكلام كملت وقولت البنت اللي تفضل ورا شاب علشان يحبها وتفرض نفسها عليه مفيش اي واحد يقبل بواحده با*يعه نفسها كدا بس مجبتش سيره فرح أبدا غبيه الزاي مفكره إني معتبرها بنت عابره كدا غبيه بجد
أسد........ وأنت هتعمل ايه دلوقتي
مراد
يتبع...
لقراءة الفصل الحادي عشر اضغط على : (رواية طفلة الأسد الفصل الحادي عشر)
لقراءة باقي الفصول اضغط على : (رواية طفلة الأسد)