رواية السم في العسل الحلقة الثانية عشر 12 بقلم كوكي سامح
رواية السم في العسل الجزء الثاني عشر 12 بقلم كوكي سامح
رواية السم في العسل البارت الثاني عشر 12 بقلم كوكي سامح
 |
| رواية السم في العسل الفصل الثاني عشر 12 بقلم كوكي سامح |
رواية السم في العسل الفصل الثاني عشر 12 بقلم كوكي سامح
_ منار حطت چركن البنزين قدام الباب وطلعت المفتاح فتحت باب الشقه " بتشب ب دماغها بتشوف في حد جوه ولا لأ، لسه هتقدم اول خطوه، سمعت صوت مجهول بينده ست تحيه
منار بتوتر وارتباك بصت وراها " في نفسها ( ي نهار اسود ده مين ده، انا لازم اتصرف بسرعه وانزل من هنا) " بتبص حواليها شمال ويمين"
في نفسها " بصت فوق"
( مفيش غير حل واحد) " خدت فريحه وقفلت الباب وخدت الچركن طلعت جري ع الدور اللي فوق، بتبص حواليها لقت نفسها في السطوح"
في القسم..
عدنان بزعيق ( فين الظابط اللي هنا)
احلام ( ايوه فين الظابط، احنا مش هنفضل ملطوعين كده كتير )
" جوهرة قاعده ع الارض بتعيط ومفيش ع لسانها غير، فين بنتي ريتاچ، انا عاوزه ريتاچ "
العسكري لعدنان بزعيق ( انا مش عاوز صوت)
جوهره بدموع ( فين ريتاچ)
عدنان بارتباك ( انا مش متهم بأى شئ علشان بتقبض عليا، وبزعيق : انا عاوز اخرج من هنا)
احلام ( نعم انت بتقول اي، ما كله بسببك)
عدنان بتجاهل لكلامها ( انا عاوز المحامى بتاعي)
احلام ( منك لله ودتنى في داهيه)
عدنان قرب منها ( انتي مين ي ست انتي وبتتكلمي معايا كده ليه)
_ في اللحظه دي كانت ملك وصلت القسم علشان تقول كل اللي تعرفوا عن احلام
احلام " قربت منها وبتحاول تمد ايدها عليها وبتشدها"
( كله بسببك، انا مش هسيبك ي بنت الكل"ب)
ملك بتوتر وزعيق" بعدت عنها وزقتها "
( انتى بتمدى ايدك عليا ي خطافه العيال، ماشى، ماشى، اما وداتك في ستين داهيه مبقاش انا ملك وبضحكه سخريه وبتبصلها من فوق لتحت بقر"ف
وانا اللي كنت بفتكرك زبونه محترمه قال)
" العسكري ماسك ايد احلام وبتحاول تفلت منه بغضب "
( محترمه غصب عنك وعن اللي خلفوكي)
العسكري بشخط
( انا مش عاوز صوت منك ليها)
_وبعد دقايق دخل العسكري غرفه الظابط ولما خرج طلب من الجميع يدخلوا
دخلت ملك واحلام ووراهم عدنان وزوجته جوهره المريضه عقليا
وعند المواجهه انكر عدنان انه يعرف احلام
احلام بصراخ
( انا مخطفتش حد انا بريئه ي باشا)
الظابط بحده " بيبصلها"
( لما اسألك تتكلمى)
ملك بزعيق
( دى كذابة)
الظابط لملك
( اومال فين البنت)
ملك بخجل واحراج " قربت من ولأنه معرفه هو زوج صاحبتها الانتيم" قالت
( انا بجد اسفه ي وائل، فريحه حالتها النفسيه سيئه جدا وكمان وشها فيه حرو"ق ده غير ان البنت تقريباً مش فاكره اي حاجه)
الظابط بارتباك لملك " احم احم "
( تمام بس ده ميمنعش ان هناخد اقولها في النيابه)
ملك
( اه اكيد)
احلام بصراخ
( انا بريئه)
الباب اتفتح" العسكري دخل ووراه ليلي "
ملك بابتسامه خباثه ل احلام
( ليلي جت)
" احلام لما شافت ليلى اغمي عليها"
عدنان لظابط
( انا هقول كل حاجه)
الظابط" طلب منه يقعد"
( اتفضل قول انا بسمعك)
في فيلا الدمنهوري ( غرفه معتزه وكريم)
" معتزه فاتحه الدولاب وبدور جواه "
__ كريم نايم في السرير ولما صحي من النوم
" بيبص لقي هدوم وحاجات واقعه ع الارض"
كريم
( اي ده في اي)
معتزه بتوتر
( مفيش)
كريم " بيبص جمبه ع السرير ونزل عينه ع الارض، قام قعد ووطى خد قميصه"
( اومال ده بيعمل اي، والدنيا منعكشه ليه كده وبعدين انتى مطلعه كل الدولاب بره، هو في اي بجد)
معتزه بارتباك وشخط
( ما قولتلك مفيش)
كريم
( انتى بتزعقي كده ليه)
معتزه بتجاهل " شالت الهدوم حطتها في الدولاب "
وفي نفسها ( انا حرفياً في مصيبه ومش عارفه اعمل اي، وخايفه احكي ل كريم اللي حصل)
في غرفه ( عمار ورقيه)
روقيه بغيظ
( يعني مفيش حاجة جديده حصلت ما بين اخوك ومراته وجهاز التسجيل لغايه دلوقتى زي قلته)
عمار بتفكير
( لغايه دلوقتى محدش فيهم اتكلم عن حادثه بابا خالص وموته)
روقيه بنظره سخريه وتريقه
( وده معناه اي بقى ان شاء الله)
عمار
( معناه ان في حاجة مش طبيعيه بتحصل ما بينهم) " طلع الخاتم وبيبصلوا"
( ما هو لو مفيش حاجه كان اي اللي هيودي الخاتم ده جنب سرير بابا ليله ما اتشال منه الاجهزه)
روقيه
( انت متأكد ان الخاتم كان جنب سرير عمي)
عمار
( ايوه اومال هتبلي ع اخويا يعني)
روقيه " قربت منه وبصوت خافت"
( انا سمعت كلامك لما قولت ع جهاز التسجيل ونفذت خطتك بالظبط، نفذتها بالحرف الواحد وبردوا مقدرناش نوصل لأي حاجه، اسمع كلامي لو مره واحده وسبني اعمل اللي قولتلك عليه؟)
عمار بفزع وخضه
( لا لا بلاش)
روقيه
( ي حبيبي متخافش، انا وانت هنكون بعيد خالص)
عمار
( طيب ي روقيه نفذي خطتك بس بلاش اذيه)
روقيه
( حاضر) وفي نفسها ( ماشى ي معتزه ياللي عامله فيها ست الطاهره اما وراتك وخليتك تعترفي ازاى قتلتى عمي انت وجوزك مبقاش انا روقيه)
في غرفه ( احمد)
قام من النوم بعد اكتر من ساعه " بيبص ع السرير لقي جمبه ملابس منار الداخليه
ب استغراب " بيبص لجمسه كان عريا"ن "
دخل الحمام خد شاور وفي نفسه
( هي راحت فين؟)
خرج مسك الفون واتصل ب منار
في العربيه
( الفون بيرن)
في منزل تحيه.. ( الشقه)
سهر ووعد نايمين جمب بعض
وعد بتفرك في عينها "بتبص ل سهر"
( اي انتي بردو لسه صاحيه)
سهر بدموع وقهره " ماسكه الفون وبتتفرج ع الفيديو"
( مش عارفه انام ولا باين كده هشوف النوم بعيني تانى)
وعد
( ليه ي هانم ما الخطه ماشيه زى ما الكتاب بيقول)
سهر
( اه ماشيه بس بعد اي، بعد ما هزمتنى وخدت حضنه مني)
الباب بيخبط " عامل النظافه"
وعد " بتبص ل سهر في حد بيخبط وبينده ع الست تحيه، افتح "
سهر " هزت دماغها ب لأ"
فوق السطوح..
__منار واقفه مكانها وعرفت ان اللي كان عاوز تحيه عامل نظافه، بعد ما مشي، خدت فريحه ولسه هتنزل سمعت صوت رِجل طالعه ع السلم
بقت تبص عليها وتستخبي وسمعته بيخبط
وبيقول بصوت خافتتتتت" افتحي انا كارم "
منار بصدمه
( كارم مع سهر)
في القسم..
عدنان لظابط
( ي باشا انا مليش دعوه بموضوع الخطف ده)
" بيشاور ع جوهرة"
( مراتى مريضه نفسيا من وقت ما زورنا مصر من ٦ سنين، كان معانا بنتنا رضيعه كانت لسه مولوده
عملنا حادثه وتوفاها الله وانا وهي ربنا أراد لنا النجاه)
الظابط
( كمل وبعدين)
عدنان
( زوجتى تعبت نفسيا بعد موت ريتاچ لان وهي بتولدها شالت الرحم لظروف مرضيه خطيره، فقدت عقلها وحاولت اعالجها كتير ومفيش فايده)
الظابط
( طيب واي دخل مرضها في كل اللي بيحصل ده وانك تاخد البنت من أحلام ما كنت تاخد مراتك وتسافر بلدك وخلاص)
عدنان
( ي باشا زوجتى ليها ٣ اخوات وميراث من والدها كبير ولما اخوتها عرفوا انها مريضه رفعوا عليها قضيه حجر وكسبوها وقالوا لو عقلها رجع لها هتاخد ميراثها وهيتنزلوا عن القضيه " قرب منه"
اصل ميراثها كبير ملايين ي باشا وهى مريضه لا تدرك اي شئ وبالصدفه قابلت الست ديه في ملهي ليلى وكنت سكران طينه وحكيت لها وانا مش حاسس ع كل اللى حصل وخصوصا بعد ما خسرت فلوسي في مشروع هنا وكنت متكل ع ميراث زوجتى)
ليلي بغضب
( كذاب ي بيه ده معاه فلوس، انا سمعت مدام احلام وهي بتقول انها خدت منه ٤ مليون جنيه)
الظابط ل عدنان
( انت اديتها ٤ مليون جنيه)
عدنان
( ايوة ادتها وكنت واخدهم من ابن عمي من حسابه وتقدر حضرتك تشوف الحساب وتتواصل معاه، ي باشا انا من شهرين فلست وطلبت من اهل زوجتي حقها وأخواتها رفضوا)
ملك
( طيب واي دخل فريحه في موضوعكم)
الظابط " بيبصلها، ياريت متتكلميش غير لما أسألك"
الظابط ل عدنان
( طيب ي استاذ عدنان، فريحه اي دخلها بكل اللي بتقولوا ده)
احلام " العسكري بيفوقها"
عدنان " بيبصلها"
( ي باشا الغرقا"ن بيتعلق بقشايه والشيطانه اللي اسمها احلام هي اللي شارت عليه وقالتلى مراتك مش هتخف غير لما تجيب لها بنت وتشوفها وقتها هتحس انها بنتها وهترجع لعقلها وتاخد ميراثها)
الظابط
( اه وطبعا ده مقابل ال ٤ مليون جنيه)
( بس انت كنت هتاخد البنت وتسافر بيها بره مصر)
عدنان بخزيان " وطى راسه لتحت"
( ودى كانت غلطتى، بس والله انا كل اللي كان يهمنى ان زوجتى يرجع لها عقلها وميراثها يرجع لها)
الظابط بزعيق
( يعني علشان يرجع لها عقلها تسرق روح من حضن امها)
عدنان بخوف وتوتر
( انا مسرقتش، احلام اللي اتصلت بيا وقالت إن معاها بنت بس انا مسرقتش صدقنى"
احلام " فاقت وقامت وقفت قصاد الظابط وهي بتشاور علي عدنان "
يتبع..
لقراءة الفصل الثالث عشر اضغط على : ( رواية السم في العسل الفصل الثالث عشر )
لقراءة باقي الفصول اضغط على : ( رواية السم في العسل )