رواية طفلة الأسد الحلقة السابعة 7 بقلم مروة مرزوق
رواية طفلة الأسد الجزء السابع 7 بقلم مروة مرزوق
رواية طفلة الأسد البارت السابع 7 بقلم مروة مرزوق
 |
| رواية طفلة الأسد الفصل السابع 7 بقلم مروة مرزوق |
رواية طفلة الأسد الفصل السابع 7 بقلم مروة مرزوق
نسمه بدموع...........أنا السبب أنا السبب ايوه أنا السبب
فؤاد بخوف...... نسمه انتي كويسه اهدي يا روحى
نسمه بدموع...... أنا السبب أنا السبب
نسمه كانت غايبه عن الوعي عماله تردد كلمة أنا السبب
نسمه بدموع...... أنا السبب بابا ما*ت بسببي أنا السبب أنا السبب
فؤاد بدموع...... نسمه فوقي يا حبيبتي انتي ملكيش ذ*نب نسمه وبدأ يضر*ب على وشها بخفه وبيحاول يفوقها
فؤاد بدموع....... فوقي يا نسمه فوقي
نسمه بدموع...... أنا السبب أنا السبب أنا السبب
شكريه بدموع...... بنتي بضيع مني نسمه فوقي يا بنتي
فرح راحت لنسمه وبدأت تحاول تفوقها
فرح بدموع..... نسمه فوقي
نسمه بصراخ ودموع...... أنا السبب بابا ما*ت بسببي أنا السبب انااااااااااااا اااااااااااه يا قلبي أنا السبب أنا السبب
أسد راح ليها بكل برود وشدها من ايدها
فؤاد قام بغضب
فؤاد بغضب...... أنت
أسد ببرود.......... عايزها ترجع لوعيها وتتخطي المرحله دي ولا لااه لو عايز سبني اتصرف وخاد نسمه وطلع على أوضه تحت صر*اخ وبدموع نسمه وهي بتقول أنا السبب
طلع وقفل الباب، الكل طلع وراه وفضلوا واقفين على الباب
عند أسد
نسمه كانت واقفه في منتصف الأوضة وعماله تردد أنا السبب
أسد قعد ببرود قدمها
أسد ببرود.......ايوه أنتي السبب بسببك أنتي عمي أحمد ما*ت انتي السبب
نسمه كانت بتسمع الكلام ودموعها مش راضيه توقف
أسد....... بس أنا عايز اعرف واحده زيك الزاي قدرت تقـ...ـــتل أبوها الزاي
نسمه بغضب....... اسكت وبدأت تسد ودانها
أسد.......طفلة عمرها خمس سنين الزاي قدرت تعمل جر*يمه قــ...ــتل زي دي الزاي
نسمه بدموع وغضب......اسكت بطل
أسد........ كام واحد قتــ...ـــلتي من بعد أبوكي هاااا كام واحد
نسمه بدموع........ اسكت خلاص كفايه
أسد........ بطلي دموع التما*سيح دي مفيش حد هنا علشان تنزليها
نسمه بدموع وانهيار........ خلاص كفايه بقى اسكت
أسد......... هاااااا قتــ"ــلتي أبوكي الزاي يا نسمه قولي قولي قولي ردي عليا وبدأ يعلي صوته قوليييييييي
نسمه بدموع وانهيار......... مقتلـــ"ـــتهوش والله ما قتــ"ــلته بس بسببي انا هو ما*ت وهنا نسمه فقدت اعصابها
نسمه بصراخ ودموع........ لو مكنتش مصرة اروح الملاهي في اليوم دا مكنش دا حصل لو مكنش عنيده مكنش دا حصل لو سمعت كلامه لما قال الوقت اتأخر خلينا نرجع مكنش دا حصل لو كنت هاديه كان بابا زمانه معانا دلوقتي، أنا أبويا ما*ت قدامي هو بيدافع عني شوفته هو بينــ"ـــضرب بالسكـــ"ــينة شوفته وهو بيقع على الأرض شوفت د*مه وهو غرقان فيه شوفته لما قال نسمه مقدرتش انقذه مقدرتش أنا السبب بسببي أنا بابا ما*ت بسببي أنا وانهارت على الأرض وقعدت تعيط
شوفتهم لابسين قناع مهرجين سمعت ضحكاتهم وهما بيضر*بوا بابا بالسكـــ...ــينة وشوفت هدومهم وهي غرقانه بد*م بابا واحد ماسك سكــ...ــينه والتاني كان ماسك بابا سابوا بابا غرقان في د*مه وبدأ اللي ماسك سكــ"ــينه يقرب مني في اللحظة دي أنا قفدت كل مشاعري كل نظري كان على بابا وهو بيقول اهربي يا نسمه اهربي
عرفت بقى أنا أنا السبب
صوت نسمه كان عالي لدرجة أن اللي برا الأوضة سمعوا هي قالت ايه وكانت يبكوا
عند أسد
أسد راح وحضن نسمه ونسمه مسكت فيه كأنها لقت نور في وسط الظلا"م دا
نسمه بدموع...... وحشني اوي كنت عايزه اعتذر منه كنت عايزه احضنه واقله يرجع وانا مش هزهقه خالص دا وعد هو ليه مسمعش كلامي ورجع هو هو أنا بنت مش كويسة صح علشان زعلت بابا عارف عارف بابا في اليوم دا قال أنا المو*ت بيجي ويخطفنا في اي لحظة مكنتش اعرف انه هيتخطف مني بالطريقة دي 😭😭😭😭أنا عايزه بابا عايزه احضنه واترمي في حضنه عايزاه يمسح دموعي ويمسح على شعري
أسد شد على احضانها اكتر كأنه بيقولها أنا هنا جنبك وبعد مده نسمه هدأت وهو حس أنا راسها تقلت بص لقاها نامت شالها وحطها على السرير وغطاها ومسح دموعها مسح على شعرها بعد ما قلعها الخمار والنقاب وطلع
شكريه بدموع...... نسمه فين يا أسد
أسد بهدوء...... نامت هي عايزه ترتاح شويه
شكريه...... انا داخله ليها
فرح بدموع..... وأنا
أسد بهدوء........انتوا افضلوا معاها الليله دي هي محتاجة تحس بالأمان والراحة
دخلت شكريه وفرح لنسمه وفضلوا معاها وفرح رنت على أهلها وقالت ليهم أنها بايته عند نسمه وشرحت ليهم الموقف وأهلها وافقوا.
عند أسد
كان قاعد بيفتكر الزاي هي كانت ضعيفه كدا مش هي نفسها البنت اللي قابلها أول مره اول مره يشوف الضعف دا في عيونها أول مره يشوف انهيا"رها كدا وافتكر دموعها اللي كانت بتنزل على قلبه كالز"جاج
أسد....... أكيد دا احساس بالشـــ...ـفقة وبس أكيد بس رجع وافتكر نسمه وهي كانت بين أحضانه
أسد....... بس أنا ليه مبسوط إني كنت قريب ليها كدا أنا مبقتش مش فاهم حاجة
مراد....... أسد انت كويس
أسد...... ايوه يا مراد أنا كويس ليه في ايه
مراد....... مفيش بسأل بس
أسد بتذكر........ أنت ايه حكايتك مع فرح دي كمان
مراد بغضب....... يا أخي افتكر حاجة نافعة
أسد بضحك...... ليه بقى
مراد......... البنت دي كا*رثة بجد والله لسانها أطول منها ردها جاهز في كل مره بتخليك مش طايق لاسما ولا أرض أنت لو طلعت كويس من بعد خنا*قه معاها احمد ربنا وبوس ايدك وش وضهر بس عليها عيون يالهوي على الرغم من لسانها اللي عايز يتــ...ــقص دا إلا أنها صاحبه جادعة بتفكر بصاحبتها قبل نفسها وقفتها النهارده مع صاحبتها كدا كان شي ملفت للاعجاب، اااه لو تقـــ...ــصر لسانها دا بس هتبقى شبه الملايكة
أسد بضحك........... انت شكلك واقع
مراد بضحك....... واقع ومع مين دي ليه عايز انتــ...ــحر أنا
أسد بضحك......... هههههههه معاك حق بس أنت تعرفها من امتى
مراد بتذكر........ من سنه كانت هي ونسمه في المحاضرة بتاعتي وكانت نايمه وبعد ما فاقت بدأت تاكل
فلاش باك
نسمه بهمس......... فرح فرح اصحى يا ز*فته
فرح ضغطت على زر تشغيل الميك بالغلط
فرح بنوم........ عايزاني اصحى ليه واقعد اسمع محاضر الدكتور الر*خم دا و زنه طول الوقت يا اختي سبيني أنام مش ناقصه افضل ابص في خلقت أمه هو دا حتي شكله يقر*ف امممممم سبيني أنام بقى
كل دا الميك شغال والكل سمع كلام فرح و كانوا بيضحكوا
نسمه بخوف....... قومي الله ياخدك
قامت فرح
فرح بزهق....... اديني قومت🤤🤤شيبسي الله اهو الواحد ياخد حاجة نافعه من المحاضرة الز*فت دي وبدأت تاكل غير منتبهة لتلك النظرات اللي لو كانت رصا*صا لكانت قد قتـــ...ـلت فرح
مراد بغيظ وغضب........ الانسه اللي بتاكل هو مش مطعم اهلك هو علشان تعملي كدا اتفضلي قومي وقولي أنا كنت بقول ايه
الكل بص لفرح اللي اتغا*ظت وغضبت
قامت فرح
فرح بسخريه.......... طب براحة علينا يادكتره كدا انت كنت بتقول الانسه اللي بتاكل هو مش مطعم اهلك هو علشان تعملي كدا صح ولا لااه لو جدع غلطني
مراد بغيظ...... قبلها
فرح بسخريه........ طب مش عيـ...ـــب على واحد زيك يلعب اللعب دا قبلها وبعدها احنا هنهزر ولا ايه أنت حضرتك سألت وأنا جوابت صح ولا لااه
مراد اتغاظ منها......... اتفضلي اطلعي برا متحضريش المحاضره دي تاني
فرح بسخريه...........حاسب بس أصل انا شايفه شويت شغف بيضعوا مني يأخي اقعد مش عارفه أنت مفكر نفسك ايه قال اتفضلي برا نينينينينيني بقلك ايه تشرب برتقال ولا خوخ ولا مانجا، يلا يا جماعة سلاماتو
عود للحاضر
أسد بضحك......... يالهوي كل دا
مراد بغيظ........ اسكت دا أنت في نعمه والله. وقعد يضحك الاتنين غافلين عن الأعين اللي كانت شيفاهم والاذن اللي سمعاهم
فرح بغضب وغيظ...... ماشي يا مراد اما وريتك مبقاش أنا فرح وابتسمت بخبث 😈😈😈😈سلاماتو
😂😂😂😂😂الله يرحمك يا مراد كنت طيب
الكل دخل ينام لان اليوم دا كان متعب جدا
وجه الصبح
عند نسمه بدأت تفوق
نسمه بأ*لم........ ااااااا هو ايه اللي حصل
فرح كانت جانبها طول الليل
فرح بفرحة......... صباحو فل وياسمين يا قمر
نسمه بابتسامة....... فرح انت هنا
فرح بمرح..........لا هناك
نسمه بضحك........ بطلي غلا*سه بقى
فرح بضحك....... حاضر، بس بقلك ايه اصحى كدا وفوقي لأن في عرض هيحصل النهارده ولا عرض التليفزيون
نسمه بفضول........ عرض عرض ايه دا
فرح بخبث........ عرض حلو أوي اجهزي انتي بس
نسمه...... ثانيه بس، بس دي مش اوضتي
فرح بهدوء......... دي أوضة أسد، نسمه أنا عايزه اتكلم معاكي شويه
نسمه..... خير يا فرح في ايه
فرح..............اللي أنتي بتعمليه دا مع أسد غــ...ـلط دا جوزك قدام العالم كله وانتى مراته قدام العالم برده واجبك إنك تحترميه تقدريه متقــــ...ـليش من كرامته قدام أي حد مما كان يكون، أنا معاكي إنك انجبر*تي تتجوزي أسد ودا مكنش برضاكي بس خلاص هو بقى جوزك حتى لو كان ايه من واجبك تحترميه وحاولي تغيريه يمكن يتغير ويتحول للإنسان اللي بتتمنيه جايز أن الشخص اللي كنت بتحلمي بيه وأنه يكون نصك التاني يكون هو، اللي راح خلاص راح جربي مش هتخسري حاجة على فكره يمكن تكوني انتي البنت اللي أسد الشرقاوي هيتغير على ايدها ايدي نفسك فرصة وادي ليه فرصه وافتكري من واجب الزوجه أنها تحترم جوزها، أنا خلصت كلامي وأنتي حره دلوقتي أنا من واجبي كصاحبه ليكي إني اقلك على الصح وأنصحك بس القرار قرارك في الآخر يا حبيبتي ويلا هسيبك تجهزي ماشي أنا هستناكي تحت وتركت فرح نسمه
نسمه فضلت تفكر في كلام فرح وأنه صح ومفيش أي غلط فيه وافتكرت أسد واللي عمله البارح الزاي خلاها تتطلع كل اللي جواها الزاي سمعها وخدها في حضنه وهدها
نسمه بند*م............ معاكي حق يا فرح أنا غلطت كان لازم احترمه قدام الكل وأنا لازم اعتذر منه قدام الكل، قامت نسمه وراحت اوضتها وجهزت نفسها
لبست درس وردي فاتح وعليه خمار ابيض والنقاب نفس اللون والدرس عليه حزام لونه وردي بس بدرجه أغمق شويه وكوتش أبيض ونزلت تحت
الكل كان متجمع على سفرة الإفطار
نزلت نسمه
أسد أول ما شافها سرح في شكلها اللي أثبت أنها أجمل البنت
نسمه راحت لاسد
نسمه بند*م......... حابه اتكلم معاك شويه ممكن
أسد فاق من سرحانه
أسد........ ايوه اتفضلي نتكلم فين
نسمه........ نتكلم هنا أفضل قدام الكل
أسد..... تمام اتفضلي
نسمه....... انا آسفه على كل كلمه قولتها ليك وإني غلـــ...ـطت في حققك أنا آسفه وبتمنى إنك تتقبل اعتذاري دا
أسد والكل كان واقفين مصدومين من اللي نسمه قالته إلا فرح ابتسمت لأن صاحبتها خادت القرار الصح
نسمه......... أنا عارفه إني غلطت في حققك وبتمنى إنك تتقبل اعتذاري
أسد أبتسم بهدوء وقال
أسد.......... ولا يهمك اللي فات خلاص راح ومفيش داعي إنك تعتذري أنا مش زعلان
نسمه بابتسامة.......... شكرا على وقفتك جنبي البارح بجد شكرا وشكرا لأنك انقذتني من معتز أنا وفرح شكرا
أسد........ خلاص أنا قولت أن اللي راح خلاص راح مفيش داعي لا للاعتذار ولا للشكر تمام
نسمه بابتسامة....... تمام
فؤاد......... مين معتز دا وكان هيعمل ايه
فرح بعفويه......... واحد في الجامعة عندنا وكان عايز يعمل تصرف مش ظر*يف مع نسمه وأنا بس الحمد لله الاستاذ أسد جه وانقذنا
مراد بغضب....... نعم
ليلتفت الكل لمراد اللي كان نازل من على السلم
فرح ابتسمت بخبث وكملت آكل
فؤاد بغضب............نسمه انتي راحة الجامعه النهارده
نسمه.....ايوه.
فؤاد........ هاجي معاكي واشوف ال🐕 دا
أسد بهدوء...... مفيش داعي يا فؤاد أنا عملت الواجب معاه وزياده
فؤاد خد نفس عميق وهدا
فؤاد بهدوء....... تمام
مراد بغضب........... الواد دا هينفصل من الجامعه النهارده.
أسد بهدوء...... أنا قولت عملت الواجب وزياده يا مراد متخفش وتعاله بقى علشان تفطر، نعمات هاتي الفطار لمراد
نعمات جابت الفطار لمراد
وهنا ابتسامت فرح زادت
فرح في نفسها..............اشبع بقى أهو دا اسمه الانتقا*م الصامت ورجعت تكمل آكل والكل بدأ يأكل
مراد حس بو*جع في بطنه وجع شديد
مراد بو*جع......... اااااااااه اااااااااه
أسد...... مراد مالك
مراد بوجع........ مفيش بس بطني بتو*جعني شويه اااااااااااااه
فؤاد.......... أنت كويس طب تعاله اطلع على اوضتك وارتاح شويه
مراد بأ*لم شديد طلع يجري على الحمام تحت صدمت الكل والخوف عليه إلا فرح كانت تبتسم بانتصار
نسمه بصت لفرح بصه معناها أنت اللي عملتي كدا فرح ردت بباصة بريئه كأنها بتقول ظلما*ني
مراد طلع من الحمام بس رجع تاني
فرح مقدرتش تمسك نفسها اكتر من كدا فطلعت برا تضحك ونسمه راحت وراها
فرح بضحك....... يالهوي على شكله ايه دا هههههههههه الله على دماغي دي ههههههههه بس فجأة الدموع نزلت من عيونها
فرح وهي بتمسح الدموع دي
فرح....... أنا ليه زعلانه كدا لا يا فرح انسيه هو خلاص مبقاش هو خلاص انسيه
نسمه من وراها...... تنسى مين يا فرح بس لقت الدموع في عيون فرح
نسمه بخوف...... فرح مالك
فرح بدموع...........مفيش بس في حاجة داخلت في عيوني
نسمه بحزن...... بتكد*بي عليا يا فرح قوليلي مالك
فرح انهارت وحضنت نسمه
فرح بدموع...... مش قادرة استحمل أكتر من كدا أنا تعــ..ــبت والله تعبت.
نسمه بخوف......... مالك يا حبيبتي اهدي قوليلي مالك
فرح بدموع وهي بتحكي
فرح بدموع..... انا اعرف مراد من زمان يا نسمه
نسمه بصدمة....... ايه
فرح........ قبل ما ننتقل لبيتنا الجديد زمان كنت اعرف مراد كانت جدته ساكنه في الشقة اللي قصادنا كان بيجي ويزورها دايما كان لسه عنده ١٥ سنين وأنا كنت خمس سنين وفي يوم لقيته بيخبط على الباب وكان عايز سكر اديته ومن يوميها بقينا صحاب كنا بنلعب مع بعض لما كنت اتـ...ـــعب الاقيه جنبي ولما كانت يتـ...ـــعب أفضل ادعي ليه كنا بتخا*نق بس نرجع نصالح بعض في نفس اليوم فضلنا أصحاب لمده خمس سنين
وفي يوم سمعته وهو بيقول
أنا اصاحب واحده اقل من مستوايا ليه يعني أنا يوم ما اصاحب هصاحب واحده تكون من مستوايا وبنت ناس بس هي بالنسبالي مجرد بنت عابره وبس
اضايقت من اللي قاله وزعلت أنه كد*ب عليا وكان بيقول أنتي صحبتي انتي اختي انتي انتي وفي الاخر طلع كد*اب زعلت وقررت إني مشفهوش تاني خالص واصريت على بابا أنه يتنقل من هنا ونبعد خالص ولما اتنقلت للبيت الجديد شوفتك وبقينا صحاب
نسمه حضنت فرح وفرح فضلت تعيط وتحكي
فرح بدموع......... كنت نسيته خلاص بس ظهر قدامي وبقي الدكتور بتاعي كمان في الجامعة كنت عايزه ابعد عنه مش عايزه ارجع واتعلق بيه تاني كنت بعمل كدا علشان أفضل بعيده عنه أنا مش عايزه انجر*ح تاني يا نسمه
نسمه بدموع........ اهدي يا روحي خلاص أنا جنبك
فرح هدأت ومسحت دموعها
فرح............أنا لازم ابعد عنه وعن كل حاجة تخصه
نسمه بدموع....... هتعملي ايه
فرح............الحل الوحيد إني اشوف حياتي أنا متقدم ليا عريس كويس ومحترم وانسب حل إني أوافق عليه واكيد من الزمن هنساه
نسمه بصدمة........... انتي بتقولي ايه يا فرح
فرح......... ايوه دا انسب حل أنا هرجع البيت دلوقتي سلام خلي بالك من نفسك يا حبيبتي وتركتها فرح ومشت وهي بتحاول تمنع دموعها إنها تنزل
نسمه دخلت القصر وهي زعلانه
مراد كان طلع من الحمام وخاد دوا واتأكد أن فرح هي اللي عملت كدا واتوعد ليها
الشرقاوي...... آمال فرح فين يا نسمه
نسمه بحزن...... رجعت بيتها
الشرقاوي........ ليه كدا
نسمه......... علشان تجهز نفسها
فؤاد....... لأيه
نسمه......... في عريس متقدم ليها وهي هتقابله النهارده
مراد انصدم من الكلام دا
مراد😳😳.... عريس
نسمه....... ايوه عن اذنكوا أنا هطلع اجهز نفسي للجامعة، أسد ممكن اروح ليها بالليل
أسد حس بفرحة أن نسمه بقت بتاخد أذنه وانها خلاص احترمته
أسد........ ايوه تقدري دي صاحبتك كلنا راحين ليها
نسمه طلعت وجهزت نفسها علشان تروح الجامعة وهي نازله تليفونها رن وكانت فرح
نسمه........ ايوه يا فرح أنا طالعه من البيت
فرح...... نسمه معلشي أنا مش هقدر اجي النهارده علشان كتب كتابي
نسمه بصدمه....... بتقولي ايه
فرح.......... ايوه النهارده أنا أول ما وصلت البيت لقيت محمد (العريس) قاعد مع بابا وبلغته إني موافقه وهو عرض إن كتب الكتاب يكون النهارده وأنا وافقت
نسمه بغضب....... انتي مجنو*نه يا فرح
الكل انتبه على صوت نسمه
فرح....... نسمه ارجوكي
نسمه بغضب...... نسمه ايه وز*فت ايه اللي بتعمليه دا غلط
فرح بدموع............ نسمه متزديش الوضع عليا ارجوكي
نسمه هدأت
نسمه بحزن على حال صديقتها
نسمه.........تمام يا فرح أنا جايه ليكي دلوقتي سلام
الشرقاوى....... في ايه يا نسمه فرح مالها
نسمه......... كتب كتابها النهارده
مراد...... النهارده
نسمه........... أنا راحة ليها دلوقتي أسد ممكن توصلني
أسد...... تمام يلا
مراد طلع من القصر
الشرقاوي.......... هو اللي بفكر في صح
شكريه......... مش عارفه بس واضح كدا
الشرقاوى........رأيك ايه يا فؤاد
فؤاد بضحك....... واضح زي عين الشمس يا باشا
الشرقاوى....... لو معرفش هتضيع من بين ايديه
شكريه...........فعلا
تسريع للأحداث
أسد وصل نسمه لبيت فرح
نسمه طلعت ليها وفضلت معاها وجه وقت كتب الكتاب
الكل كان متجمع علشان اللحظه دي
محمد يلا!!!!!
مراد....... مش عـــ"ــيب لما تتجوز واحده متجوزه يا باشا
الكل بصدمه..... ايه
فرح بصدمه....... مراد!!!!!!!
مراد راح ليها ومسكها من ايدها
مراد.........مسمعش صوتك فاهمة
فرح!!!!!!!!!!!!!!!!!!!!!!
يتبع...
لقراءة الفصل الثامن اضغط على : (رواية طفلة الأسد الفصل الثامن)
لقراءة باقي الفصول اضغط على : (رواية طفلة الأسد)