رواية عمياء ولكن الحلقة الثامنة 8 بقلم سمر أحمد
رواية عمياء ولكن الجزء الثامن 8 بقلم سمر أحمد
رواية عمياء ولكن البارت الثامن 8 بقلم سمر أحمد
 |
| رواية عمياء ولكن الفصل الثامن 8 بقلم سمر أحمد |
رواية عمياء ولكن الفصل الثامن 8 بقلم سمر أحمد
_ايةة بصدمة :- ينهااااار طيين دكتور محمد متولى عبد العال ابن الدكتور متولى عبدالعال
_محمد بتريقة:- بيقولوا
_اية بتوتر:- وانا.....وانا...وانا بقول ايه الادب والاخلاق والكرم ده كله وبخوف وترجى :- مش هتقوله صح؟!
_محمد:- دانا هخليه ينفخك بقا بابا زى المربع
_ايه:- انا اسفة بالله مش هقول كدا تانى بس متقولوش وهمشى ومش هتشوف وشى تانى بس الله يسترك لو عرف مش هطلع من ام الكلية دى يرضيك برضو كدا،اسيبك لضميرك بقا ،وقامت بسرعة واتجهت ناحية الباب عشان تمشى
_محمد:- هو انا قولتلك تمشى
_اية :- منا ..منا
_محمد ببرود:- كنتى عايزة ايه
_اية :- خلاص مش عايزة حاجة
_محمد :- تعالى اترزعى وقولى كنتى عايزة ايه
_اية قعدت وهي بتفرك أيدها:- كنت عايزة أسألك على دكتور أسر هو فين ؟!
_محمد:- دكتور أسر مبقاش فاضى اصلا
_اية :- ليه حصل ايه؟!
_محمد:- بيجهز لفرحه ياستى
_اية بصدمة:- فرررح؟! فرح ايه
_محمد:- اصله خطب من كام يوم وفرحه بعد شهر
_اية:- خطب مين ؟!
_محمد :- وانتى مالك وليه بتسالى
_اية:- هقولك بس جاوبنى
_محمد بصلها وهو مش عاجبه الحوار :- خطب بنت اسمها عبير بنت راجل اعمال مشهور
_اية:- طب وجميله
_محمد:- جميلة مش دى المريضة بتاعته برضو
_اية :- اه بس كان باين عليهم، ان علاقتهم مش مجرد علاقة دكتور ومريضته
_محمد بمكر:- لاء هما فعلا كانو الاول دكتور ومريضته بعدها بقوا اصدقاء مش اكتر ولا اقل
_اية ف سرها :- يعنى انا ظلمت جميلة ،وبعدين بصت للدكتور:- شكرا جدا يادكتور
_محمد ببرود - العفو ،مش هتقولى بقا كنتى بتسالى ليه
_اية:- لااء اصل جميلة كانت عايزة تشوفه وتعرف هو مبقاش يروح عندها ليه فبعتتنى
_محمد بخبث:- اه قولتيلى طب مهى معاها رقمه
_اية باارتباك:- متسالها هي وانا مالى ، معلش هستاذن عشان عندى مشوار مهم
_خرجت أية
_محمد:- بقا انتى عيزانى أقولك كل حاجة فكرانى اهطل ولا مغفل عشان اقولك جميلة كانت بالنسبة لاسر ايه ،انا مستحيل اقول اسرار صحبى اللى ماأمنى عليها ،مش هريحك برضو
_____في بيت رجب___
_جميلة:- انا لازم امشى انا عارفة انكم تعبتوا معايا شكرا بجد وكفاية تعب لحد كدا
_عنايات :- تمشى ايه وانتى ف الحالة دى ؟!
_شروق:- تعب ايه ياجميلة ربنا يقويكى على اللى انتى فيه وربنا يعلم انتى دخلتى قلبنا ازاى
_جميلة :- عارفة دا كله والله بس لازم امشى ،خرجونى بس من هنا ووقفولى تاكسى يبقى كتر خيركم وانا هوصفله بيتى واروح ،جت تقف جميلة داخت ووقعت
_عنايات سندتها وبخوف :- مش هسيبك تمشى وانتى كدا ،انا عارفة أن اهلك خايفين عليكى ،بس مش هسيبك غير وانتى مفكيش خدش واحد يابنتى مقدرش اسيبك كدا
_جميلة :- بس انا...
_عنايات :- خليكى وسطينا لحد اما تخفى عشان تقدرى تحافظى على نفسك ولو على مهند وعمك رجب فاديكى شايفة طول الوقت ف الصيد عشان نلحق نجهز جهاز شروق
_شروق:- خليكى بقا ياجميلة
_فكرت جميلة بعدها وافقت تقعد لحد اما تخف
___في كلية اية___
_الدكتور متولى:- انا هنزلكم مستشفى لمدة ١٥يوم واستاذنت من كل الدكاترة واللى هيتابعكم واللى هيكون مسؤل عنكم ف العملى هو ابنى دكتور محمد وبعدين بص لأية اللى العرق كان مغرقها وقرب منها بعصبية ،اية افتكرت أن الدكتور محمد قاله :- وانتى مالك كدا انتى نازلة بكرة مستشفى وشك عامل كدا ليه
_اية بلعت ريقها:- حااااا....حاااضر
_الدكتور متولى:- مش عايز اى غلط ولا تأخير ،خمس دقايق تأخير محدش ليه عندى امتحانات،الدكتور محمد هيبلغنى بكل حاجة يلا اتفضلوا
____رجع حمدى على البيت زى كل من غير اى معلومات عن جميلة وبعدين لقى البواب داخل عليه وبيقولوا
_انت مشوفتش الاخبار يابيه
_حمدى :- اخبار ايه هات البتاع اللى ف ايدك ده
_قرا حمدى كان مكتوب اخبار عن المسابقة وان جميلة اتاهلت للمرحلة النهائية
_كانت نزلت سماح وسمعته وهو بيقرأ:- بقا دا كله يطلع من جميلة ،وتخبى عنك ليه شكلها مبقاش حد يهمها وخرجت عن طوعك
_حمدى بعصبية:- انتى لوما ست ومش عايز أمد ايدى عليكى كنت فر*متك بس مش هووسخ ايدى ف وحدة زيك ،انتى فاكرة انى مضايق تبقى عبيطة دى بنتى اللى رفعت راسى وانا فخور بيها وبكل حاجة تعملها وصدقينى هحاسبك على كل حاجة انتى وابنك بس اما الاقيها الاول ومن هنا ورايح لو بس لمحتك ف مكان احنا موجودين فيه هشرب من د*مك
_،عزة مقدرتش تستحمل وقعت من طولها خدها حمدى وجهاد المستشفى..
_الدكتور:_ لازم تفضل تحت عنينا هنا عشان حالتها الصحية مدهورة ومحتاجة محاليل وحاجات تانية
_حمدى زعل اووى على بنته ومراته وقال لجهاد تروح البيت عشان دراستها وهو هيقعد مع عزة وبالنسبة لجميلة اى جديد الظابط هيرن عليه ويبلغه
___في التدريب ___
_اية:- يووووه انا اتاخرت عشر دقايق هعمل ايه وصلت لحد الباب وبعدها استخبت وسندت على الحيطة
_محمد:- الآنسة اللى برا تدخل
_دخلت أية وهي باصة ف الأرض:- ا...اسفة بس والله غصب عنى ومشيت عشان تقف ورا
_محمد بتريقة:- لااء تقفى ورا ايه تعالى اقفى هنا ,وقفت ايه مكان ماالدكتور قالها ،بدا محمد يشرح للطلبة وجه وقت العملى بص لأية
_محمد:- يلا هاتى دراعك
_اية بخووف:- هوو...هووو ..هو انت هتجرب فيا
_محمد:- جاية متأخرة وليكى عين تتكلمى ،خد دراعها وبدأ يجرب قدام الطلبة وهيا بتتوجع ،بعدها طلب من بنت تانية تاجى تجرب
_البنت :- مش المفروض يادكتور كل اتنين يجربوا ف بعض
_محمد بضحكة خبيثة:- اتنين ليه والانسة موجودة
_اية بضيق:- هو انا حيووان التجارب بتاعكم
_محمد:- لاااء فشر حيوان تجارب ايه ؟! حيوان التجارب ليه لازمة يلا بقا استعدى ياشاطرة ،قعد الكل يضحك وكام حد جرب عليها ودا كله وهي خايفة تتكلم لمحمد يقول لدكتور متولى وتسقط ،خلصوا والدكتور طلب منهم كل واحد يرجع لبيته وبص لأية ببرود وسابها ومشى
_رجعت أية البيت وهي متغاظة طلعت تقعد مع زينة ومن خنقتها نسيت تقفل الباب وراها
_اية:- متعرفيش ايه اللى حصل النهاردة انا اتشكشكت أما قولت يابس وياعالم محمد ناويلى على ايه تانى شكله ناوى يسقطنى بس يريبنى على الكلام اللى قولته الاول ،وبحزن :- دا كله ذنب جميلة انا ظلمتها يازينة ظلمتها هي مكنتش ليها علاقة بأسر ،انا من وقت ماقالى محمد وانا مش قادرة انسى الى انا عملته
_زينة حطت أيدها على بوق أية وبصتلها بغضب:- اسكتى احسن حد يسمعنا مش لازم حد يعرف أن جميلة ماتت وانا احنا اللى عملنا كدا فاااهمة ليها ذنب بقا ولا ملهاااش لازم ننسى الموضوع تماما وبتبص ناحية الباب وبصدددددمة :- ميييين سلييييم
_قرب عليهم سليم وكره وعصبية وغضب الدنيا كلها ظهرت ف ملامحه و.........
يتبع...
لقراءة الفصل التاسع اضغط على : ( رواية عمياء ولكن الفصل التاسع )
لقراءة باقي الفصول اضغط على : ( رواية عمياء ولكن )