رواية زوج للايجار الحلقة الحادية عشر 11 بقلم أميرة محمد
رواية زوج للايجار الجزء الحادي عشر 11 بقلم أميرة محمد
رواية زوج للايجار البارت الحادي عشر 11 بقلم أميرة محمد
 |
| رواية زوج للايجار الفصل الحادي عشر 11 بقلم أميرة محمد |
رواية زوج للايجار الفصل الحادي عشر 11 بقلم أميرة محمد
الي بصراخ : تماااارااااا لقفز الاخري وهي تقول بخوف : بسم الله والله معملت حاجه اكيد عدي الكلب السبب
لتأتي الاخري وهي تشتعل غضبا لتقول : بقي انتي قاعده هنا وسيبانا قالبين الدنيا عليكي فوق
لتبتلع تمارا ما في فمها وهي تقول : في اي يا تالي يا حبيبتي هبط وقلت اجي اتاوي بشويه فراخ الله وبعدين ما كلكوا فوق مع نايا هعملكوا اي يعني
تالي بعصبيه : كفااايه يخربيتك هتفرقعي انتي مش لسه واكله اتنين شيبسي وتلاته بسكوت وأربعه مولتو
تمارا بغيظ وهي تحرك يدها بعلامه خمسه: الله اكبر خمسه وخميسه نقي بقي وبعدين جعت فيها اي يعني هو انتي محسساني اللي بعمله ده عشاني
تالي بسخريه : لا ازاي امال عشان مين لتقول تمارا بفخر : عشانكوا طبعا مش لازم حد يشوف الاكل مظبوط ولالا عشان الضيوف اللي بره دي نقول ليهم اي بنت الحسب والنسب ليله فرحها عامله اكل مش حلو يرضيكي
تالي وهي ترفع احدي حاجبيها : لا طبعا ميرضنيش قوم اي تقعدي تاكلي نص البوفيه لوحدك صح لتبتسم الاخري بسماجه وهي تأكل : عليكي نور لا بس اطمنت الصراحه ان الاكل حلو مع اني عندي شويه شك لسه مدقتش الجلاش هدوقه واجي
تالي وهي تلمح عدي : واد يا عدي تعالي اقولك بسرعه اجري ليأتي لها عدي ببرود وهو يلمح تمارا تأكل لتبتسم له بغباء : شوف قدامك خمس دقايق روح ناديلي ابوك بسرعه حاكم انا اتفقعت ومش هسكت اكتر من كده
تمارا بخوف : ليه بس هتتعبي زوجي حبيبي قره عيني ليه اكيد مشغول مع الضيوف بره لتقول تالي بسخريه : مهو لو انشغل اكتر من كده مش هيلاقوا الضيوف حاجه ياكلوها
عدي وهو يأخذ قطعه من الدجاج ويأكلها ببرود: متروحي انتي علي رجلك نقش الحنه ولا هو عدي المرمطون بتاعكوا وياريت باخد أجره علي كده انا تعبت مع العيله دي
تالي وهي تمسك به بغيظ : عارف ياض لو اتكلمت انا هعمل فيك اي غوووور نادي يزن بسرعه ليركض عدي بخوف وهو يومئ لها : عيال مبتجيش غير بالعين الحمرا
تمارا ببرود : بني يا تالي يا حياتي عينك لونها بني مش احمر لتقول تالي بعصبيه : تحبي احمرهالك يا تمارا يحبيبتي
تمارا بابتسامه سمجه : لا يروحي تعالي بس كده شكلك صفرا النهارده وحاسه كأنك مكلتيش حاجه من الصبح بشرتك تعبانه خالص
تالي بشهقه وهي تنظر في مراه الهاتف : بجد والله باين حاولت اداريها بالميكب مفيش فايده صح لتومى لها تمارا وهي تقول بجديه : ايوه لازم تاكلي عشان تتقوي برده تعالي خدي الطبق ده كلي علي ما اطلع اشوف نايا انا
لتجلس تالي وهي لا تشعر ومازالت تتفحص وجهها في المرأه لتسمع صوت تمارا بصراخ : يزن الحقني جيت اشوف تالي فين وادور عليها لقيتها قاعده زي ما شايف ومخلصه نص اكل البوفيه كله الناس هتاكل اي
لينظر يزن بصدمه لكميه الطعام في الطبق وللبوفيه: احيه يا تالي اي ده انتي كلتي كل ده ازاي لتنظر تالي بأستغراب وصدمه لتقول : ايوه بس انا ...
لتصمت وهي تري الطبق أمامها والملعقه كأنها كانت تتناوله فعليا لتحرك لها تمارا حاجبيها فمشاكسه وهي تقول بدراما: اه ياني يما هنجيب منين اكل يكفي العالم اللي بره دلوقتي طب كنتي قوليلي يا تالي وانا اديكي اكل غير ده نقول اي للناس دلوقتي
عدي بتأثر وهو يقترب منها : معلش يماما شكلك مصاحبه وحش انا خايف تقرملي دراعي المفتريه اللي مبتراعيش ربنا سايبانا كلنا فوق وقاعده هنا خلصت نص الاكل
تالي بصدمه : بس انا مكلتش هي اللي كانت بتاكل وقلتله يناديك عشان تلحقها لتستمع لشهقه تمارا وهي تقول : تالي عيب الكذب في ولد صغير هنا يتعلم منك كده معلش يا حبيب مامي امسحها فيا
عدي وهو يومئ لها بتأثر : معلش يا أمي هي تالي اكيد مش قصدها بتحاول تشيل التهمه عنها تصدق يا بابا جيت من شويه لقيت تمارا بتشدها عشان تقوم من علي الاكل بس مقدرتش فقالتلي اناديك عشان تلحق تالي قبل ما تخلص علي الاكل
تالي بصدمه : اه يبن الكذابه محصلش ليقول يزن بضيق: قوموا منك ليها الناس بره واطلعوا انا مش ناقص مشاكل النهارده نايا فوق بتجهز شويه وتنزلوا وانتي يا تالي مينفعش كميه الاكل دي حاولي تخففي شويه كنتي هتاكلي البوفيه كله لوحدك
ليتركهم ويرحل لتنظر تالي بصدمه لتمارا وعدي وهي تقول : يولاد الكذابه بقي انا كنت باكل وهي بعتتك تناديه يوقفني وانتي بتقوليلي مكذبش قدامه هيتعلم
تمارا بأقتناع : ايوه الصراحه عيب كده يتالي مينفعش كده لطفل برئ زي دودي ليبتسم عدي بفخر : ايوه انا دودها
لتقترب تالي وهي ترفع فستانها بعصبيه : طيب يا دودها تعالي بقي عشان افعصك انت وامك تحت ايدي
ليبتلع عدي ريقه وهو يهمس لتمارا : هعد واحد اتنين تلاته ونجري ولما اقول نجري يبقي نجري مش ندحرج بالكوره اللي فبطنك دي هنا لتومئ له تمارا سريعا وهي تنظر لتالي بخوف
________________
نايا بأستغراب : امال فين تمارا وتالي مشوفتهمش من فتره لتقول نونيا بلا مبالاه : اكيد بره بيعملوا اي حاجه تافهه زي العاده
لتومئ لها نايا وهي تقول بخوف : شكلي حلو يعني حتي لو فرح مش حقيقي بس مش حابه اظهر مبهدله
لتقترب منها نونيا بحنان وهي تقول : قمر بجد يروحي والفستان هياكل منك حته لتومئ لها نايا باقتناع وهي تقول بفخر : ايوه امال ده انا اتهريت خيار وطماطم وتدريبات عشان اعرف البسه
نونيا بملل : اه صح فأربع ايام بس عرفتي تعملي كل ده امال لتنظر لها نايا سريعا وهي تكاد تحرقها: بت انتي متعمليش زي الياس ها بطلي
لتزفر نونيا بملل وهي وتقول: بقولك اي انتو هتعملوا اي فحكايه شهر العسل
لتقول نايا بلا مبالاه : مش هنروح صحيح قلنا لكله اننا هنسافر بس هنكون الفتره دي فشقه الياس اللي جمب اهله ومش هنعرف نقعد في الشقه اللي مجهزينها غير لما نعرف كله اننا رجعنا من شهر العسل
نونيا باستغراب : طب وليه كل ده مش فاهمه لتقول نايا بحزن: مش هينفع نسافر يا نونيا وبعدين شهر عسل اي انتي مش عارفه انه كله تمثيل مش اكتر هنقعد فتره مع اهله وخلاص ونوهم كله اننا سافرنا
لتومئ لها نونيا بحزن علي حالها لتدخل تالي سريعا وهي تقول : جماعه العريس وصل تحت
________________
مؤمن بدهشه وهو ينظر حوله : يالاهوي اي القمر ده واد يا حسام شايف اللي شايفه ليومئ حسام وهو يقول بصدمه : مكنتش متخيل القاعه كبيره للدرجادي
الياس بتوتر : جدعان انا خايف افرض حد كشفني ولا عرف عني حاجه ليقول له شادي بهدوء: انت مش قلت نايا مجهزه كل حاجه يبقي خايف ليه بقي
ليرفع الياس كتفيه بتوتر وهو ينظر حوله لتقول منار بصدمه بعدما لحقت به : واد يا الياس هما اهل نايا اغنيه للدرجادي
الياس : ايوه يماما هما كده وعشان خاطري نحافظ علي كلامنا قدامهم زي مقولتلك مش عايزهم يحسوا انهم غلطوا ولا يعرفوا حاجه عن مستوانا
روجينا بغيظ : محسسني انه هيستخبي للأبد مسيره يتكشف لينظر لها الياس بتفكير وهو يزفر بضيق
يزن بترحيب: يا اهلا بالعريس ازيك يا الياس ازيكوا يجماعه لينظر له الجميع ويرد ترحيبه ليقول الياس بأبتسامه جعلها متلهفه : نايا جهزت ولا لسه
يزن بخبث : اي ده هي لحقت توحشك للدرجادي دي كانت لازقه فيك طول الايام اللي فاتت ليقول الياس بأبتسامه : هي بتوحشني علطول يعم حتي وهي قدامي
ليضحك له يزن ويأتي عبدالرحمن ومريم ليرحبوا بالجميع : المكان نور يجماعه وبصراحه يا الياس احلي حاجه فيك عجبتني انك ملتزم بمواعيدك جدا
ليبتسم الياس له بترحيب ويستمعوا لصوت خلفهم : شكلي جيت متأخر بعد العريس وكده
لينظر له الجميع بأستغراب عدي روجينا التي انكمشت علي نفسها منه وحسام الذي ينظر له نظرات حارقه ليقول يزن بملامح جامده : اهلا يرامي جيت فوقتك اعرفكوا يا جماعه رامي ابن عمي واخو عاصم اكيد تعرفوه
الياس بسخريه : الا نعرفه نعرفه جدا كمان ليبتسم رامي وهو ينظر لروجينا من اسفل لاعلي : متعرفناش يعني في الخطوبه كويس بس معلش الايام جايه كتير
ليقف حسام أمام روجينا وهو ينظر لرامي بتحذير وعصبيه ليبتسم الاخر بسخريه ليقول مؤمن بهمس لشادي : واد يا شادي انا حاسه ملزق اوي زي اخوه هو العيله كلها كده ولا اي
شادي بضيق : شكله كده فعلا لينظر له مؤمن بأستغراب : الا مجبتش البت شروق معاك ليه دي طول عمرها قريبه من الياس ومكانتش بتسيبهم
ليرفع شادي كتفيه بعدم معرفه: معرفش قعدت تتحجج انهم ايام امتحانات ومش عايزه تضيع وقت مع ان روجينا معاها يعني مش هتيجي من يوم ليومئ له مؤمن وهو ينظر له بغموض
_______________
نايا بتوتر : لا متفتحيش الباب مش عايزه لتحاول نونيا سحبها وهي تقول بعصبيه : اخلصي يا نايا الولا بقاله ساعه بيخبط مينفعش كده
لتحرك نايا راسها بالنفي وهي تقول بخوف : مش عايزاه يدخل ولا عايزه انزل حتي لو تمثيل مش عايزه لتحاول تالي سحبها مع نونيا وهي تقول بعصبيه: في اي يبت هو لعب عيال ابعدي يا نايا من ورا الباب خلي ليلتك تعدي
لتنظر لهم نايا وهي تكاد تبكي لينجحوا اخيرا في سحبها
وتفتح تمارا الباب سريعا ليقول يزن بعصبيه: اي ساعه قاعدين عشان تفتحوا الباب في اي بالظبط
لتبتسم له تمارا بغباء وهي تقول : أصله كان لازم فصمغ وصمغ من النوع العجل بعد عنك ليدخل الياس وهو يري نايا تعطيهم ظهرها ويبدوا عليها التوتر
نونيا بابتسامه : مبروك يا الياس ربنا يهنيكوا يارب ليبتسم لها الياس وهو يقول : تسلمي وعقبالك لتبتسم له نونيا وهي تحاول أن تدير نايا له ولكنها تمانع وتحرك راسها بالرفض ليبتسم الياس عليها وهو يقترب
ليقول بهدوء: مش عايزه تسلمي علي جوزك يا نايا لتشعر برجفه جسدها أثر تلك الكلمات لا تعلم لما ولكنها كانت تتمني لو ان تلك اللحظات حقيقيه لتلتفت له نايا ببطئ
لينظر لها الاخر بابتسامه انمحت تدريجيا وهو يراها مالملاك امامه لا يهمه وزنها ولا كل ما تظنه هي نقص بها هو يراها جميله للغايه منذ اول يوم رآها به يكاد يكون تصنم أمام تلك الفاتنه بذلك الفستان الأبيض الذي جعلها ملكه متوجه امامه
ليقترب منها وهو يقول بهمس بدون وعي : قمر وعمري مشوفت فجمالك اتنين ابدا خطفتي قلبي لتنظر له نايا بصدمه وهي تري تلك النظره في عينيه ولكنها ظنت انها تتوهم لتبتسم له بتوتر وهي تقول : تسلم مش يلا اتاخرنا
ليبتسم لها الياس وهو يضع يديها علي ذراعه لتنظر له الاخري وهي تهبط معه تحت تصفيق الجميع وتهانيهم لهم
_____________
حسام بسعاده : انا مش عارف ليه حاسس الياس مبسوط ومش مجرد تمثيل معقول يجدعان التمثيليه تتحول لحقيقيه ويحبوا بعض
مؤمن بحالميه : هيييح ده يا الف هنا ليله المني ويبقي واحد في شلتنا التعيسه فك النحس يعرر لينظر له شادي بملل وهو يقول : انا حاسس بكده برده بس خلينا واقعيين معقول يحصل
مؤمن وهو يرفع احدي حاجبيه : وليه لا اسم الله علي مقامك ابننا ميتعايبش وان كان مش معاه فلوس بس معاه قلب طيب وراجل بمعني الكلمه
حسام بضحك : فعلا اول مره تقول حاجه عدله يا مؤمن اتفق بشده ليقول مؤمن بغرور : طول عمري بقول درر بس اللي يفهم يشويه بهايم
ليضحك حسام بشده ولكن يري رامي وهو يلحق بروجينا لمكان ما ليتركهم وهو يذهب خلفهم سريعا
_______________
مريم بسعاده وهي تمسح دموعها : مبروك يا بنتي عشت وشفتك عروسه لتبتسم لها نايا وهي تحتضنها بحب : الله يبارك فيكي يماما اي يستي مكنتيش مصدقه للدرجادي زهقتي مني
ليضحك يزن بشده وهو يحتضنها منها : لا يروحي انتي نور البيت كله حد يطول يبقي عنده قمر زيك لتحتضنه نايا بحب
منار بسعاده : لا وسعولي كده دي بقت ملكيه خاصه لعيلتنا امال تعالي فحضني يبنتي الف مبروك لتبتسم لها نايا وهي تحتضنها : الله يبارك فيكي يماما
الياس بضيق : يجدعان والنعمه فرحي زيها انا هنا يماما انا ابنك عيطي عشاني قوليلي هتوحشني اي حاجه قدامهم لتقول منار بغيظ : بس يولا منت هتترزع جمبي وشي فوشك يخويا ٢٤ ساعه
لينظر لها الياس بسخريه: علي اساس هي هتسافر وتهج بره مهي هتترزع معايا لتنظر له منار بتفكير وهي تقول : ايوه تصدق صح اقنعتني خلاص تعالي يواد الف مبروك يروحي عشت وشفتك عريس
ليحتضنها الياس بحب وهو يقول : ربنا يخليكي ليا يست الكل ليستمعوا لصوت خلفهم وهو يقول : مبروك يا نايا مبروك يا الياس اخيرا عشت وشفتك في الكوشه
لتنظر له نايا بكره وهو يقترب منها وكأنه يهنأها ليقول بهمس : نفذتي اللي فدماغك وخسرتيني رهاني بس وحياتك لتتردلك قريب وهكشف كل اللي عملتيه مفكراني معرفش حاجه تؤتؤ تبقي غبيه ينايا
لتقول الاخري بثقه وهي تنظر له بتحدي : ادي اول مسمار فنعشك يا عاصم واللي جاي هيعرف مين فينا الغبي لتقول بصوت عالي: مبروك يا عاصم ليك انت ونرمين سمعت فرحكوا الاسبوع الجاي
لتبتسم لها نرمين بسماجه وهي تقول : اه يا نايا يا حبيبتي فعلا وانتي اول المعزومين لتقول نايا بأستفزاز اكبر : معلش يحبيبتي بقي تتعوض ففرحك الجاي اصل بعيد عنك عندي شهر عسل
لتقترب نرمين منها بغيظ وهي تحتضنها لتقول بهمس : لييه بس زعلتيني بجد كان نفسي اشوف وشك ورد فعلك ففرحي علي حبيبك في اليوم اللي اتفقتوا فيه علي فرحكوا بس انا اللي مكانك بس عارفه المفروض تفرحي
لتبتعد وهي تنظر لها وتهمس بحقد : فرح صاحبتك الانتيم من الطفوله علي حبيب عمرك مش هتبقي حاجه حلوه اوي
لتجفل نايا وهي تحاول الا تظهر ما بداخلها فهي تكاد تبكي وتصرخ بهم
لتقول بأسفزاز حاولت بقدر الإمكان جعله بارد : معلش بقي اهي الوساخه متنفعش غير في المكان القذر لايقين علي بعض بعدين يفيد بأي اديني نفذت وعدي وفرحي كان قبل فرحك وعشت حياتي احسن منك اما انتي اوعي تفكري انه بيحبك تؤتؤ عاصم مبيحبش غير نفسه بكره تشوفي هياخدك ويرميكي لما يزهق منك
لتقول نرمين بسخريه وعصبيه: اه زي ما زهق منك ورماكي يعني تؤتؤ معلش كان بيتسلي صح نسيت انه عمره مطاقك ولا شافك من أصله
لتنظر لها نايا بدموع وعصبيه لتشعر بيد الياس تطوق كتفها وهو ينظر لعاصم ونرمين بأبتسامه بارده : معلش انا مش فاضي للرغي والهمس النهارده ليلتي انا ومراتي وأما الناس الصفرا مش مرحب بيهم عن اذنكوا
ليسحب نايا وهو يضغط علي يديها بدعم لتتحرك معه وهي تشعر كأنها بدون روح
لينظر له عاصم ونرمين بحقد لتقول نرمين في سرها بكره : وحياتك لوجعك زي مكنتي بتعملي طول عمرك يا نايا وموقفتش علي هنا ده انا استحملت انسان مش بطيقه عشان اكسرك وبس ولو حتي هيرميني بعد ما اكسرك معنديش مانع كفايه اشوفك مزلوله قدامي والايام بينا تحكم
يتبع....
لقراءة الفصل الثاني عشر اضغط على : ( رواية زوج للايجار الفصل الثاني عشر )
لقراءة باقي الفصول اضغط على : ( رواية زوج للايجار )