رواية زوج للايجار الحلقة الثالثة عشر 13 بقلم أميرة محمد
رواية زوج للايجار الجزء الثالث عشر 13 بقلم أميرة محمد
رواية زوج للايجار البارت الثالث عشر 13 بقلم أميرة محمد
 |
| رواية زوج للايجار الفصل الثالث عشر 13 بقلم أميرة محمد |
رواية زوج للايجار الفصل الثالث عشر 13 بقلم أميرة محمد
حسام بأستغراب: هو اي اللي مش موافق وانت دخلك بالموضوع ده اي اصلا
ليقول مؤمن بتوتر ملحوظ : اكيد دوري روجينا زي اختي الصغيره متربيه علي ايدي بعدين انت عارف انها لسه صغيره وفتالته ثانوي عايز تتجوزها ازاي
حسام بشك : وانت مالك متوتر اوي كده بعدين ده مش سبب مقنع لو علي ده فأنا مستعد استني لما تخلص امتحانات ونعمل خطوبه ونكتب الكتاب وتقدر تكمل فبيتي بعدها الجامعه انا مستحيل اقف فطريقها وانت عارف
لينزفر مؤمن بضيق وينظر لشادي يجده شارد ليقول بضيق : حسام انت مش شايف ان المكان مش مناسب النهارده فرح الياس اي اللي مخليك متسرع للدرجادي انت عمرك معملتها
حسام بعصبيه : ومالك مدايق اوي كده اذا كان اخوها نفسه متكلمش ليقول مؤمن وهو ينظر لشادي : مفيش انا بس مستغرب مش اكتر
لينطق الياس اخيرا وهو ينظر لهم : اهدوا ومؤمن معاه حق يا حسام مينفعش نتكلم في الموضوع ده دلوقتي يخلص الفرح ونشوف يوم نتكلم فيه براحتنا ولو حابب تدخل البيت من بابه معنديش مانع
ليومئ له حسام وهو ينظر لمؤمن بشرود ليسحبه شادي سريعا للخارج معه بعيدا عن أنظار الجميع
شادي ببرود : اي اللي عملته جوه ده قصدك اي من اللي حصل
مؤمن بعصبيه : انت شايف اللي بيحصل ومنطقتش بكلمه ازاي ليقول شادي وهو يضيق عينيه بشك : مؤمن انت بتحب روجينا عصبيتك مش طبيعيه
مؤمن بصدمه : انت ازاي تقول كده وانت عارف ان روجينا اختي الصغيره ليكمل شادي بشك: امال اي رده فعلك جوه دي خلت كله يشك فيك متجيش غير من واحد بيحبها
ليقول مؤمن بعصبيه وهو يحرك يده : لا تيجي وانا وانت عارفين تيجي ليه لما يبقي الغبي اللي جوه الوحيد مش عارف اي حاجه وهيبقي زي طور الله فبرسيمه
شادي باستغراب : قصدك اي مش فاهم وضح كلامك
ليقول مؤمن بعصبيه وهو يشير له : قصدي واضح يا شادي روجينا بتحبك وكلنا عارفين ده اوعي تفكرني غبي عشان ملاحظش اهتمامها بيك وروحتها ومجيها من عند شروق وحجج فاضيه واول ما تيجي لو هي خارجه تقعد في البيت كلنا لاحظنا الا انت وحسام والياس
ليتنهد وهو يكمل بضيق: والاوحش من كده ان الياس مفكر أن روجينا معجبه بحسام يعني هيكون موافق انا مكنتش ابدا اتصور حسام يعمل كده انا كنت واثق انه مخبي حاجه بس انه يعجب بروجينا مجتش فبالي انا فكرته بيحب شروق
شادي بصدمه : يعني انت كنت عارف كل ده ومخبي انت غبي يا مؤمن جاي دلوقتي تقول كده
مؤمن بعصبيه : كنت عايزني اقول اي ادخل جوه ازعق ليه اقوله مينفعش تتجوزها اصلها بتحب صاحبك ورفيق عمرك ولو اتجوزتها هتكون بتخونك بقلبها معاه عارف لو هو عرف ده هيحصل بينكوا اي كل علاقاتنا هتدمر
لينظر شادي حوله بتوتر وهو يبتلع ريقه ليقول: طب والحل هنعمل اي مينفعش اقوله السبب الحقيقي وكمان مقدرش اقول لالياس اقوله ان اخته جت اعترفتلي وانا رفضتها ودلوقتي حسام بيطلبها
مؤمن بشرود: معدش ينفع الحل الوحيد الياس يرفض بعد ميسمع رفض روجينا وروجينا مش هترفض غير لما
انت تكلمها
شادي وملامحه تنكمش بضيق : مستحيل انت اتجننت روحتي لروجينا كأني بقولها في فرصه نبقي سوا واني غيران وعايزها وكده هجدد الامل فقلبها وانت عارف اني مش بحبها
ليحرك مؤمن راسه برفض وهو يقول بهدوء: بالعكس انت هتقولها ترفض عشان مينفعش تعمل مشاكل بينكوا وتقولها انك بتحب واحده تانيه عشان تنهي الامل فقلبها ولازم تفهمها انها لو وافقت هدمر علاقتكوا انتو التلاته ببعض الياس مش هيعجبه اللي بيحصل من وراه
لينظر شادي امامه بشرود وهو يزفر بشده : ربنا يستر ومتأثرش علي علاقتنا سوا وقتها مفيش حاجه هترجعنا زي الاول ابدا
________________
نايا بأستغراب : مالك انت مدايق وشك مش متفسر من ساعتها ليحرك الياس راسه بالنفي وهو يقول: مفيش بس سرحان شويه الفرح هيخلص امتي
نايا بحزن : لو حابب ننهيه دلوقتي عادي بقالنا تلات سعات اصلا اظن كفايه ليومئ لها الياس وهو يمسك بيدها لانهاء الحفل
يزن بأستغراب : لسه بدري عايزين تنهوه دلوقتي ليه ليقول الياس بصوت حاول جعله مرحا : حد يسأل عريس برده مستعجل علي اي بعدين بقالنا كتير قاعدين مزهقتوش مننا ولا اي
ليضحك يزن عليه بشده وهو يحتضنه ليهمس له : خلي بالك من نايا هي عنديه شويه بس شكل الاطفال وأطيب منها مش هتلاقي اوعدني متزعلهاش
ليومئ له الياس بشرود وهو يقول : اوعدك اعمل اللي فوسعي عشان افرحها
تالي وهي تحتضن نايا بدموع :خلي بالك من نفسك وانا هكلمك علطول واطمن عليكي وبعد يومين هاجي اسأل عنك لتومى لها نايا وهي تقول : محسساني انه فرح حقيقي
لتحتضنها تمارا وهي تقول : حتي لو مش فرح حقيقي بس انتي دلوقتي بقيتي مدام الياس حتي لو قدام الناس بس مبروك يروحي وخلي بالك من نفسك
نايا بحب : حاضر وانتي كمان وخلي بالك من عدي ويزن واولدي بقي بطنك هتفرقع ومدايقاني لتنظر لها تمارا بضيق وهي تزفر بملل : اولدي اولدي في اي هي بطيخه هفتحها واقفلها تاني متتهدوا بقي
نونيا وهي تحتضن نايا بحب : مبروك يروحي ربنا يتمملك علي خير لتكمل وهي تهمس لها : انا جهزت كل حاجه ومحدش هيحس في المطار انك خرجتوا ومركبتوش الطياره
لتنظر لها نايا بشكر وهي تودع والديها ليأتي عدي وهو يقول بدراما : هتوحشيني اوي يختي خلي بالك من نفسك اوعي يزعلك لو قرب منك بس رني عليا وانا اطلبله البوليس واجي انتي عرفاني ما بصدق جنازه واشبع فيها لطم
لتسحبه تمارا من ثيابه بضيق وهي تقول : وفر مجهوداتك يا تشارلز هولمز كفايه مجهودك معايا انا وابوك ليغمز لها عدي بمشاكسه وهو يقول : الله الفرع نجح وربنا مبارك منوسعوش يعني ونوسع المجهود علي الجميع
تالي بغيظ : عيل برأس قرد قال مجهودات قال لينظر لها عدي ببرود وهو يقول : مبلاش انتي يا تالي ولا نسيتي بعدين انا ماسك لساني عنك بالعافيه ها بدل مروح للآخ اللي هناك دهه واقوله البت دي بتحبك وبتقول انك مز وابو ام غماز....... اممم امم
لتنظر لهم تالي بتوتر وهي تضحك وتضع يديها علي فم عدي : الاطفال احباب الله برده حبيبي يا عدي طول عمرك طفل برئ ملاك يسعي لنشر الخير
ليحرك عدي حاجبيه بمشاكسه وهو يبعد يدها عنه : ومالو انا بقول كده برده بس محدش كان مصدقني
لتنظر له تالي وهي تحرك يدها علي رقبتها ليصمت الاخر بخوف
________________
روجينا بعصبيه: ممكن افهم اي اللي عملته جوه ده
لينظر لها حسام بعصبيه وهو يقول : اظن شوفتي اللي عملته وشفتي اللي حصل انا زهقت لغايه كده كتير حاولت ألفت نظرك ومفيش فايده كنت ببعد عنك عشان انتي مش حلالي بس انا مش هسمح لغيري يقرب منك وانا ايدي متكتفه
روجينا بعصبيه وهي تحرك يديها : وانت مفكر اني واحده ضعيفه مليش رايي ازاي تحرجني قدامهم وانا اصلا موافقتش عليك
ليرد حسام بعصبيه مماثله : وطي صوتك عشان محدش يسمعنا وثانيا مين قالك هسمحلك بالرفض انا حاولت معاكي كتير عشان تعقلي بس انتي واحده غبيه ومعندكيش عقل اسمعي يا روجينا قسما عظما ان رفضتي لتشوفي وش مش هيعجبك انا هخلي الياس يسالك ولو قلتي لا فمتلوميش الا نفسك
ليتركها ويرحل بعصبيه لتنظر لمكانه بصدمه : مستحيل اكيد اتجنن انا مش هقبل بيه ولو عمل اي لتستمع لصوت شخص جعلها تغمض عينيها في الحال : روجينا ممكن نتكلم
لتنظر له بحنين وتتذكر ما قاله لتقول بحزن : نعم يشادي سمعاك ليقول شادي بتوتر : هو انتي موافقه علي حسام
ليتنظر له روجينا بأستغراب سرعان ما تحول لفرح ظنا انه يشعر بالغيرة لتقول : انا مكنتش اعرف صدقني انه هيعمل كده قدامهم كلهم والا كنت منعته
ليومئ شادي وهو يقول: روجينا انتي زي شروق بالنسبالي واكيد بعد اللي حصل انا مش حابب افتكر ولا اتكلم فيه بس حسام مينفعلكيش كان ممكن قبل ما اعرف مشاعرك تجاهي واكيد مش هينفع تحبي واحد وتتجوزي صاحبه المقرب
لتنظر له روجينا بخيبه امل حاولت أن تداريها : اه يعني ده السبب اللي خلاك تسأل صح ليومئ شادي وهو يقول بضيق : انتي عارفه ان حسام صاحبي من الطفوله زينا كلنا ولو عرف باللي حصل وقتها هتدمري علاقتي انا وحسام والياس اخوكي لو عرف مش هيعديها
لتقول روجينا بسخريه : لا كتر خيرك واي اللي هيعرفه بقي بعدين مهتم اوي بصاحبك مش كده طب وانا مفكرتش فيا يا شادي
شادي وهو يزفر بضيق : روجينا افهميني علاقه صداقه من سنين هتدمر لو حسام عرف انك بتحبيني خاصا ان مفيش اي امل ليا وليكي انا بحب واحده تانيه ومقرر اتقدملها قريب
ليجن جنون الاخري وهي تقول سريعا : نونيا صح بتحب نونيا وهتتقدملها لينظر لها شادي بصدمه وهو يحرك راسه : ايوه عرفتي منين
روجينا بعصبيه وهي تضحك : بتسألني انا كنت شاكه بس حاليا اتاكدت اي اللي فيها ومش فيا منا كنت قدامك طول العمر قدرت هي تحببك فيها فيومين
شادي بضيق : ملكيش حق تحاسبيني يا روجينا دي مشاعر مقدرش اتحكم فيها زي متحكمتيش فنفسك وانتي بتحبيني
روجينا ببكاء وعصبيه:تعرف انا مكنتش ناويه اوافق علي حسام ابدا وحتي لو كان قال اي بس كلامك مأثرش فيا غير بالعكس جاي بكل هدوء بتطلب مني أرفض صاحبك وكمان بتقولي بتحب واحده تانيه لا يا شادي مش هسمحلك تدخل فحياتي
شادي بعصبيه وضيق : يعني اي الكلام ده مش وقت طفولتك دلوقتي انتي عارفه لو الياس ولا حسام عرف اي اللي هيحصل انتي اول واحده هتضرر من ده كله
روجينا بعصبيه وهي تحرك يدها : طظ ميهمنيش وعنادا فيك يا شادي انا هوافق علي حسام ولو جدع روح قوله ان حبيبتك بتحبني وعشان كده قلتلها ترفضك خليه يقرر بنفسه حابب يكمل ولالا
لتتركه بعصبيه وهي لا تري أمامها لينظر شادي لاثرها بعصبيه وضيق وهو لا يعلم ماذا يفعل
__________________
تالي سريعا : مؤمن ممكن نتكلم شويه لينظر لها مؤمن بضيق وهو يقول : مش وقته يا تالي مليش نفس اتخانق دلوقتي
تالي بدموع : مش هتخانق بس حابه اسألك علي حاجه حتي لو مليش اني اسأل فيها ممكن لينظر لها مؤمن بأستغراب وهو يقول : مالك يا تالي في اي اول مره اشوف عنيكي مدمعه
تالي بحزن : سمعتك وانت بتعترض علي جواز حسام من روجينا انت الوحيد اللي اعترضت عارفه مليش حق أسألك بس هو انت بتحب روجينا
لينظر لها مؤمن لثواني لا يستوعب ليقول بأستغراب : وحتي لو بحبها ده يهمك فأي يخليكي تسالي سؤال زي ده
لتنظر له تالي بدموع وهي تحاول الرحيل : ميهمنيش انا اسفه اني اتدخلت فحاجه مليش اني ادخل فيها ليمسك مؤمن يدها سريعا وهو ينظر لها وكأنه يريد اختراق عقلها : مش بحبها
لتنظر له تالي سريعا وهي تبتسم وتقول بأستغراب : ولو مش بتحبها اعترضت علي جوازهم ليه لينظر لها مؤمن بخبث وهو يقول : شايف واحده غيرانه وضحكتها من الودن دي للودن دي هو تأثيري سيطر عليكي للدجادي
لتسحب تالي يديها بتوتر وهي تقول : وانا هغير عليك ليه معدش غيرك انت اغير عليه ولا اي مش شايف الرجاله ...ليقطع مؤمن حديثها بملل وهو يقول : ماليه القاعه والف مين يتمناكي ليكمل بخبث وهو ينظر لها : بس يتري المهم انتي تتمني مين
لتنظر له تالي بشرود وهي تقول : عن اذنك مضطره امشي نونيا زمانها بتدور عليا ليقول مؤمن سريعا : تالي استني روجينا اختي الصغيره وعمري مشوفتها غير كده وعمري محبيت غير بنت واحده
تالي بأستغراب : مين هي ليقول مؤمن بأبتسامه حانيه : قريب هتعرفيها لولا أن دماغها تخينه كانت عرفت نفسها علطول ليذهب بعدها وتنظر تالي لاثره بشرود
لتقول بغيظ : ماشي يا مؤمن كمان عايز تعرفني عليها قريب صحيح معندكش دم وانا اللي غبيه بحب واحد زيك اما نشوف اخرتها
______________
الياس بهدوء: اتفضلي خشي البيت بيتك لتضحك نايا بهدوء وهي تقول : بتتعامل كأني غريبه مش انا بقيت المدام برده ولا اي
ليضحك الياس علي نبره السخريه في صوتها ويقول : اكيد طبعا امال ادخلي ارتاحي هنا وانا هنام في الاوضه التانيه لو احتجتي حاجه ناديني
نايا بهدوء : تمام بس متنساش ان المفروض الطياره الساعه ١١ الصبح ويزن وكلهم هييجوا بكره يوصلونا
الياس بأستغراب : احنا مش هنسافر صح يعني المفروض نبات النهارده في الشقه دي وبعدين نروح شقتي اللي في الحي يبقوا هيوصلونا ازاي
نايا : متقلقش انا ونونيا جهزنا كل حاجه هيوصلونا ونخرج من باب تأني وفي عربيه هتبقي مستنيانا بره نركب فيها توصلنا
الياس بضحك : حاسس كأني ففيلم اكشن وبنهرب من المجرمين لتضحك نايا علي تشبيهه وهي تقول : وهو كذلك فيلمنا مليان بالاشرار
لتذهب للغرفه وهي تغلق الباب خلفها وتستند عليه لتظهر ضعفها واخيرا وتبكي بحرقه وهي تتذكر حديث نرمين
نايا ببكاء: اااه يوجع قلبي منك لله يعاصم علي قد ما حبيتك علي قد مكرهتك واكتر ملقتش غير نرمين مكنتش اعرف انك بالوساخه دي ملقتش غير صاحبه عمري اللي ضحيت عشانها بكل حاجه كسرتني مرتين مره فيك ومره فيها وادي التالته النهارده وانا بعيش اكبر تمثيليه فحياتي
لتمسح دموعها وهي تكمل بأصرار : بس وحياتكوا لخسركوا كل حاجه انا وانت والزمن طويل لتمسك بهاتفها وهي تهاتف احدهم لتقول بأصرار : الو ، انا نايا عبدالرحمن، هبعتلك صور وخبر تنزله صفحه اولي عايزه كل اللي معرفش يعرف ان جوازي النهارده تم علي الياس محمد انت فاهم عايزه الخبر ينتشر بسرعه الصاروخ
لتغلق وهي تنظر أمامها بكره وهي تقول : وكده ابقي خسرتك نص ثروتك ولسه النص التاني اما نرمين بقي فلازملها هديه علي فرحها ولا اي لتنهي حديثها وهي تبتسم بخبث
________________
في صباح اليوم التالي
الياس بتوتر : كله جاهز ولا في حاجه ناقصه انا لميت هدومي كلها وحاجتي منستيش انتي حاجه
نايا ببرود : لا منستش بعدين اهدي عشان محدش يحش بتوترك كلهم مستنيين تحت ليزفر الياس بشده وهو يقول : انا معرفش انتي ازاي قاعده هاديه كده انا شويه وهشد فشعري
لترفع نايا كتفيها بلا مبالاه وهي تقول : اتنين متجوزين رايحين شهر عسل عادي جدا اي فيها لينظر الياس لها بأستغراب : عندك شويه برود دم بحسدك عليهم انتي عارفه لو حد شافنا واحنا خارجين او كشفونا ان مطلعناش علي الطياره هيحصل اي
نايا بأبتسامه: هيحصل اي يعني هربنا منهم وعايزين نقعد فمكان بعيد لوحدنا كل حاجه جاهزه ليزم الاخر شفتيه بضيق وهو يقول : محترفه كذب اي ده بجد مبيتهزلكيش شعره حتي
لتضحك نايا عليه وهي تقول : يلا ننزل اتاخرنا ليومئ وهو يحمل الحقائب عنها لتركض تالي لها وهي تحتضنها لتقول بمرح : الله بقي علي العرسان صباحيه مباركه يعروسه اتمني تكوني نمتي كويس
لتقرصها نايا بضيق وهي تهمس لها : وحياه امي لعرفك يا تالي علي اساس مش عارفه كل حاجه لتقول تمارا بخبث : سيبها يا تالي بلاش تحرجي العروسه أمال بعدين مش شايفه وشها منور ازاي
لتنظر لها نايا بضيق لتقول نونيا سريعا : بطلوا تدايقوها بقي الله لتقول نايا بابتسامه : مغلطش يبنتي والله لما قلت انك العاقله الوحيده اللي فيهم
لتقول نونيا بغمزه خبيثه : بعدين دي لسه ليله صباحيتها يعني لسه مكسوفه بلاش تحرقوا دمها بكلامكوا ده خليها مبسوطه
لتنظر لها نايا وهي تقول : مغلطش لما قلت انك الواطيه الوحيده اللي فيهم ليضحك الجميع ويقترب يزن منها ليقول بحب : مبروك يروحي خلي بالك منها يا الياس نايا امانه فرقبتك
الياس بابتسامه : متقلقش نايا فعيني مقدرش افرط فيها لتنظر له نايا وهي تبتلع ريقها بتوتر لتقول نونيا سريعا : مش يلا يجماعه ولا اي الطياره هنتاخر
ليومئ لها الجميع وهم يصعدون في السياره ليصلوا بعد فتره ويترجلون جميعا للداخل
لتستمع نايا لصوت هاتفها وهي تجيب بهدوء ليصلها صوت شخص : الاخبار ملت الجرايد وفأول صفحه واول هاشتاج دلوقتي فرحكوا مظنش بعد يومين محدش يكون عرف في البلد
لتغلق نايا وهي تبتسم براحه لتلحظها نونيا وتفهم نظراتها لتبتسم هي الاخر ليودعوا الجميع بعضهم وهي تخرج في اتجاه الطياره
الياس بضيق : ودلوقتي اي لتغير نايا طريقها وهي تسحب الياس خلفها لتخرج من باب اخر وهي تقول بثقه: ودلوقتي هنبدا فصل جديد فحياتنا فصل لازم نخلص من كل همومنا فيه اركب
لينظر لها الياس بأستغراب وهو يجلس بتلك السياره السوداء من جميع اتجاهاتها حتي زجاجها : انا مش فاهم حاجه قصدك اي
لتنظر له نايا بشرود وهي تقول : بكره تعرف بس خلاص اهم حاجه اني رديت كرامتي وكده بقي العب علي المكشوف
يتبع....
لقراءة الفصل الرابع عشر اضغط على : ( رواية زوج للايجار الفصل الرابع عشر )
لقراءة باقي الفصول اضغط على : ( رواية زوج للايجار )