رواية أحببني دبدوب الحلقة الأولى 1 بقلم لولي أحمد
رواية أحببني دبدوب الجزء الأول 1 بقلم لولي أحمد
رواية أحببني دبدوب البارت الأول 1 بقلم لولي أحمد
 |
| رواية أحببني دبدوب الفصل الأول 1 بقلم لولي أحمد |
رواية أحببني دبدوب الفصل الأول 1 بقلم لولي أحمد
لقيت الباب بيخبط فروحت افتح اشوف مين لقيت دبدوب شكله كيوت اوي وبصيت بس ملقتش حد قولت اخده احطه ف اوضتي عشان ماما مبتحبش الحاجات دي ونزلت الدرس
رجعت من الدرس وكنت ناسيه خالص حكايه الدبدوب ده قولت اغير هدومي وهشوف يمكن بتاع حد وانا خدته بالغلط صليت وفتحت العلبه اللي كانت معاه لاقيت فيها ورقه بتقول " انا عارف انه كان نفسك في حد يسليكي وتتكلمي معاه اتكلمي مع الدبدوب ده وهو صاحبك مش هيطلع أسرارك لحد اتفقنا يا قطتي "
قطتي ! مين ده ويعرف منين انا بجد مش ناقصه الغاز في حياتي نمت وركنته علي جنب مهو انا مش عبيطه عشان اعمل كده بجد !
العاده بتاعتي أنه انا بظبط المنبه عشان صلاه الفجر وعشان المذاكره كمان بس الغريبه أنه ده مش صوت منبه ده صوت مسج من واتس اده مين ده اللي بيكلمني في وقت زي ده وانا اصلا مليش صحاب !
فتحت المسج وكانت من رقم غريب وبتقول " صباح الفل يا قطتي انا قولت اصحيكي عشان الفجر إذن وانتي كل ده مصحيتيش"
لا بقي كده كتير خالص بجد مين ده ويعرف منين أنه انا لسه مصحتش اده لحظه المنبه مرنش لي بجد اكون نسيت اشغله طيب هو عرف منين اووووف بقي !
ذاكرت وخلصت من كل ماده شويه علي قد ما بقدر وخلاص الساعه بقت 10 الصبح يدوب انام واصحي الدرس
قومت وخلاص راحه علي السرير لقيت الدبدوب
هو يبقي فيها حاجه لو اتكلمت معاه انا مش مجنونه بس محتاجه حد يسمعني فعلا
انا هتكلم معاه وخلاص بقي خدته وحطيته قدامي علي السرير احمم اقول اي؟ مش عارفه ابدا منين بس هتكلم معاك.
أنا حابه اعرفك بنفسي انا اسمي وتين اسم غريب شويه بس بحبه عشان حاجه جديده ومتفرده كده زي شخصيتي حياتي عاديه جدا زي اي بنت بتعيش حياتها بس الطبيعي أنه اكتر اتنين في حياه اي بنت بيحبوها ويشجعوها ويحفزوها هما باباها ومامتها اللي هو المجمتع بيسميهم اهل بس انا عمر ما حد شجعني ديما بيحبطوني حتي اصحابي معنديش مش بقولك وحيده
انا السنه دي في تالته ثانوي ونفسي ابقي دكتوره علاج طبيعي بس اللي بسمعه أنه مش هقدر ومهما عملت أنه مش هجيبها بس انا واثقه فيا وفي ربنا اولا وعارفه أنه هيكرمني
اده انا كل ده بتكلم معاك ملحقتش انام هيا الساعه كام بشوف الساعه في الموبايل لقيتها 11 عيني برقت
يالهوي اتاخرت علي الدرس والمستر ده رخم مش هيرحمني هرجع ليك تاني يا دبدوبي باي نزلت وروحت الدرس وجيت نمت وكلت وصحيت صليت الفجر وكالعاده في عصفور بيجي الصبح علي البلكونه اللي في اوضتي بحط ليه اكل كل يوم بس لقيت حاجه غريبه ورقه مكتوب فيها ........؟!
يتبع...
لقراءة الفصل الثاني اضغط على : ( رواية أحببني دبدوب الفصل الثاني )
لقراءة باقي الفصول اضغط على : ( رواية أحببني دبدوب )