رواية زوج للايجار الحلقة الخامسة عشر 15 بقلم أميرة محمد
رواية زوج للايجار الجزء الخامس عشر 15 بقلم أميرة محمد
رواية زوج للايجار البارت الخامس عشر 15 بقلم أميرة محمد
 |
| رواية زوج للايجار الفصل الخامس عشر 15 بقلم أميرة محمد |
رواية زوج للايجار الفصل الخامس عشر 15 بقلم أميرة محمد
نونيا بملل : اتهدي يا تالي بقي يعني عايزه اي دلوقتي لتقول تالي بلهفه : قومي نروح لشادي في المكتب بقالي كتير مروحتش قصدي مروحناش سوا
نونيا بخبث : اممم قلتيلي مروحناش اصلي مش ناويه الصراحه اروح دلوقتي يعني لسه شايفه شادي من فتره ملحقتش وهو ماشي في القضيه واخر حكم فيها الاسبوع الجاي يبقي ليه اروح
تالي وهي تزفر بضيق : معرفش بقي انا بقول لازم تهتمي مش انتي اللي وقعتينا في المصيبه دي
نونيا بخبث : مصيبه برده ولا عايزه تشوفي استاذ مؤمن وحشك للدرجادي لتقول تالي بتوتر : وهيوحشني ليه يعني انا بس عايزاكي متهمليش القضيه بعدين حضرتك رايحه جايه تشوفي استاذ شادي ها واخده بالك
نونيا بلا مبالاه : عادي ده المحامي بتاعي بعدين مزهقتيش من كلمه هيوحشني ليه وانتي واقعه لشوشتك اعترفي بقي جو الخناق ده مياكلش معايا
تالي وهي تزفر بشده : ايوه ينونيا بحبه ومش بحبه بس انا بقيت بدمنه ولو مشوفتوش بدايق ومعرفش اقعد براحتي ببقي هتجنن
نونيا وهي تضحك بشده : ايوه كده امال بتقاوحي ليه متقولي وتخلصي لتنظر لها تالي بضيق لتقول فجاه بخبث : اه منا قلت دورك بقي
نونيا بتوتر : دوري علي اي لتقول تالي بهدوء: اممم مش عايزه تعترفي يعني أنك بتحبي استاذ شادي
نونيا بضيق: بطلي حركاتك بعدين مقدرش اقول انه حب تقدري تقولي إعجاب مش اكتر لتنظر لها تالي وهي تومئ بهدوء لتقول : يعني برده هتساعديني اشوفه ولالا
نونيا وهي تزفر بملل: قومي يختي اما نشوف اخرتها معاكي انتي واستاذ مؤمن إياك بس متموتوش بعض المرأدي بمسمي الحب
______________
نايا بتوتر: يعني اي الكلام ده دلوقتي لينظر لها الياس بصمت ليقول فجاه: مش عارف خليها بظروفها اطعلي خلينا نمشي
نايا بخوف : يعني اي متعرفش امال مين يعرف دلوقتي احنا فمشكله صح افرض عرفوا ولا مقتنعوش
الياس بضيق : نايا وحياه امك سبيني دلوقتي مش فاضي اما اشوف سماح كمان يارب متعملهاش معانا
لتنظر له الاخري بتوتر وتشيح عينيها عنه لتقول بضيق : انت واقف ليه امشي مش عارف اننا اتاخرنا ليبتسم الياس بتوتر وهو يقول : منا عايز امشي هو انا جاي اتمرجح
نايا بأستغراب وهي تعتدل في جلستها : امال واقف ليه خير ليبتسم الياس بغباء وهو يقول : شكل سماح عملتها يا نايا
نايا بصدمه : سماح دي صح عملت اي بقي متقولش اللي فبالي ليبتسم الياس وهو يومئ بسعاده : ايوه هو ده عملته فينا
نايا بعصبيه : ومالك يخويا فرحان اوي كده يعني مستعجلين وعلي أخرنا والمصيبه اللي مستنيانا في البيت وانت فارد سنانك من هنا لهنا وضحكتك واصله للودن وتقولي سماح عملتها وهنعمل اي دلوقتي
الياس وهو يرفع كتفيه ببرود: هتعملي اي يعني العمل عمل ربنا دلوقتي مفيش غير حل واحد لينهي حديثه وهو ينظر لها بتركيز لتقول الاخري بريبه : اي في اي بتبصلي كده ليه
_____________
نايا بعصبيه : ها اشتغلت ولا لسه ليخرج الياس راسه وهو يقول بصوت عالي: لسه خفي شويه سماح مش راضيه تدور
لتضرب نايا قدمها بغيظ في السياره وهي تقول : بقي يا قليل الذوق ياللي معندكش ذره دم ولا تعرف شكله سايبني انا ازق العربيه وانت قاعد تدورها بس انا تعبت منك لله انت وسماح
الياس بعصبيه وهو يخرج نصف جسده من الزجاج : لا بقولك اي اظن متفقين متغلطيش فسماح متعرفيش الطاهره دي قعدت معايا قد اي واستحملت اي حاكم بصي طول منتي بتزعليها هي مش هتشتغل صفي نيتك خليها تسلك
نايا بعصبيه : متصفي انت يخويا وتنزل وانا ادورها منا بعرف برده ادور ليشهق الياس بصدمه وهو يقول: احيه يا نايا طلعتي بتدوريها لا طبعا انتي عايزاهم يقولوا سايب مراته تدور لا رجولتي فين
نايا بصراخ : وهي رجولتك دلوقتي في القمه يعني لما انت قاعد وسايب ضهري اتقطم وانا بزق العربيه غريبه انا شايفه ان رجولتك واخده اجازه بدوام جزئي
ليبتسم الياس بسعاده فجاه وهو يقول : اشتغلت اشتغلت حتي بصي ليسرع في السياره ويبتعد ليترك الاخري تنظر لمكانه بصدمه : احيه هو سابني وجري ولا انا بيتهيألي
_____________
حسام : اهدي يبنتي ما قالك زمانه جاي لتنظر له روجينا وهي تشعر بتأنيب الضمير لتقول : اتاخر وهما مش هيسكتوا ماما مش هتقدر تقف قدامهم
حسام بهدوء: في اي يا روجينا مش شايفه قدامك راجل ولا واقفه مع سوسن لولا انهم لغايه دلوقتي ماسكين لسانهم انا كان ليا تصرف تاني
منار بتوتر : حسام يبني اتصل بالياس تاني خليه يستعجل ربنا يستر اعرف بس وصلهم الخبر منين لتنظر لها روجينا وهي تلعن شروق في داخلها فهي سبب كل ذلك وهي من أخبرتهم
ليستمعوا لصوت سياره في الخارج ليسرع حسام اليه ليجد الياس ينظر بضيق لنايا وهي تتحدث بعصبيه
نايا بصراخ: تقوم تسيبني وتجري بالعربيه عشان تثبتلي انها اشتغلت انت غبي يبني ليرد الياس بهدوء: مخلاص بقي منا رجعتلك تاني مشوفتكيش جبتيها مشي من قبلي لبحري يعني ارحمي لسانك للي هنشوفه جوه
حسام سريعا : الياس اخلص انت قاعد هنا والكل متجمع جوه لينظر لها الياس بضيق وهو يقول : عاجبك كده اتفضلي لينظر لحسام وهو يكمل : واي عرفهم دول كمان ومن امتي كان في علاقه بينا عشان ييجوا
منار بلهفه : انت واقف كده واعمامك وكلهم جوه منه لله اللي عرفهم لتنكمش نايا وتتمسك في ذراع الياس بخوف وهي تهمس له : معقول يكونوا شافوا الجرايد والحاجه انت مقولتليش ليه
الياس بهدوء: مش وقته بعدين نتكلم فكده ليمسك يدها وهو يدخل ليجد تلات رجال يجلسون بعصبيه
ليقول احدهم والذي يبدوا عليه الصرامه: مرحب بأبن اخويا اللي اتجوز من ورانا ولا هان عليه يستشير اهله ولا كبر بيهم اي يا الياس ملكش عيله ولا كبير
الياس ببرود : اهلا يا عمي نورتوا بس مش غريبه يعني بعد كل السنين دي جايين فاكرين ليكوا ابن اخ ولا اي
ليتحدث الاخر بعصبيه: احترم نفسك يا الياس وانت بتكلم عمك الكبير اي معدش في احترام ولا حيا نسيتهم ولا عيشه البندر نستك
منار بتوتر : اهدوا يا جماعه كل حاجه جت بسرعه عشان كده ملحقناش نقولكوا
ليتحدث اكبرهم بعصبيه: ملحقتوش اي يا مرات اخويا هي سلق بيض دي جوازه ليه كبير يترد عليه وليه اهل يقفوا ويفرحوا بأبن اخوهم بعدين ده احنا لا شفنا العروسه ولا نعرف اصلها من فصلها
ليتحدث الاخر بغيظ وهو يقول : الله اعلم هي بنت مين ولا من عيله مين ولا تكونش واحده من الشارع عشان تتجوزها بالسرعه اللي قلت عليها دي
الياس بعصبيه : انا مسمحش لحد يجيب سيره مراتي بكلمه مراتي بنت ناس وتاج علي راسي من فوق واللي يهينها كأنه اهاني انا وطول منتوا فبيتي تحترموا حرمته والا ملكوش مكان فيه
ليقول الصغير بعصبيه : بتطردنا من بيت اخويا يا الياس بتطرد اعمامك ليقول الياس بعصبيه: عمامي علي عيني وعلي راسي انما تهينوا مراتي وفبيتي لا مسمحش لحد يجيب سيرتها ولا يرفع عينه فيها حتي
لتنظر له نايا بأعين دامعه وهي تحاول تجاهل ذلك الدفئ المنبعث بداخلها لتبكي روجينا بصمت فهي سبب كل ما يحدث لو لم تعطي شروق ارقامهم لتنتقم من نايا لما حدث كل ذلك لينظر لها حسام بأسف وهو لا يستطيع فعل شئ ولا الاقتراب حتي لمواستها
نايا بهمس :الياس خلاص اهدي دول اعمامك مهما كان لينظر لها الكبير وهو يقول بهدوء: وهي دي مراتك بقي يا ابن اخويا
ليضم الياس نايا الي صدره وينظر له بتحدي : ايوه دي مراتي واسمها نايا عبدالرحمن ليقترب الاخر منها وهو ينظر له بثبات جعلها تنكمش علي نفسها وهي تحتضن الياس بخوف
لينظر لالياس وهو يقول : مخلتناش نحضر فرحك وناسي ان ليك اهل بس علي الاقل تقدر تجيب مرتك وتيجي قدام البلد كلها لازم تعلن جوازكوا لو عايزنا نعديها
الياس بهدوء: وانتوا اي اللي فكركوا بأبن اخوكوا دلوقتى كنتوا فين واحنا لسه صغيرين ومحدش فيكوا سأل عننا محتاجين اي ولا ناقصنا اي عايشين ولا ميتين جايين وعايزين اعملكوا اعتبار دلوقتي ليه
ليقول الاخر بعصبيه : قصره يا ابن اخويا الدم عمره ما يبقي ميه ولسانك يتحفظ انت قدام عمك الكبيره انا هسيبك دلوقتي بمزاجي انما لازم عن قريب تيجي البلد وتعلن جوازك يلا يجماعه
منار بتوتر : اصبروا يا جماعه مينفعش تيجوا ومتاخدوش واجبكوا الغدا بيجهز لينظر الاخر بغموض لنايا وهو يقول : واجبك وصل وزياده يمرات اخويا الف مبروك يا عروسه تتهني
ليرحل بعدها ويلحق بهم الآخرون لتبتعد نايا عن الياس بتوتر لتقول منار بخوف : قلبي كان هيقف كويس انها جت علي قد كده ومعملش حاجه
الياس بعصبيه : وكأن يقدر يعمل اي يعني اكتر من انه يزعق لتقول منار بضيق : يقدر متنساش ان عمك عمده البلد وغير انهم ناس واصله ويقدر يعمل كتير
حسام بهدوء : عدت يا جماعه علي خير متفكروش كتير الياس عايزك فكلمتين علي انفراد لينظر له الياس وهو يومئ بهدوء ليلحق به
حسام بتوتر : انا كنت طلبت ايد روجينا منك ودلوقتي بكرر طلبي انا مش بهزر يا الياس لينظر له الاخر بهدوء وهو يقول : من امتي
حسام بعدم فهم : من امتي اي مش فاهم ليقول الياس بهدوء: من امتي بتحبها وعايزها
ليزفر الاخر بشده وهو يقول : من وقت ما كانت طفله يمكن كان احساس بالحمايه في الأول بس لا يا الياس انا بحبها منعت نفسي كتير أقرب منها واشوفها بشكل تاني ويعلم ربنا حافظت عليها وعمري مقربت منها بمعني تاني عشان مستنيها في الحلال وعمري مهأذيها
ليبتسم الياس له وهو يحتضنه : واثق فيك ده انت عشره عمري يا حسام تعالي بكره بإذن الله ومعاك شوكولاته ومتسترخصش عشان لو نوع مش بحبه مش هوافق
حسام بسعاده : ده وحياه امي لجبلك من اغلي نوع هوا ليبصق الياس عليه وهو يقول بمزاح : لا واقع واقع اوي
_________________
شادي بأبتسامه : منورين يجماعه منوره يا استاذه تالي مجتيش من فتره لتنتبه تالي التي كانت تنظر للباب بلهفه لتقول بخيبه امل : منور بوجودك يا استاذ شادي الا هو مؤمن فين
لتنظر لها نونيا بحده لتقول تالي بتوتر : قصدي يعني ياريت نخلص قبل ما ييجي عشان منتخانقش زي العاده انت عارف بقي
شادي بخبث : اه منا واضح لا متقلقيش مش جاي هو علي ما اظن لتنظر تالي له وهي تكاد تبكي لتستمع لصوته خلفها وهو يقول بمرح : اذكر القط ييجي ينط جايبين سيرتي ليه بقي
شادي بهدوء: استاذه تالي بتسال عنك عشان تخلص قبل ما تيجي ومتتخانقوش لينظر لها مؤمن وهو يبتسم بشوق ليقول بهدوء: وهي دي تيجي برده عايزه تيجي ومنتخانقش
تالي بخجل : صدقني كنت مستنيه عشان نتخانق ده هما اللي مش عارفين حاجه لتنظر لها نونيا بغيظ وهي تسحبها : طب بما اننا اطمنا يلا يا تالي كفايه احراج
تالي بغيظ وهي تسحب يديها من نونيا : استني انا لسه متخانقتش معاه ده مكملش خمس دقايق يمفتريه لتهمس لها : وحياه امك لتسبيني لسه مشبعتش من الواد
نونيا بعصبيه وهي تهمس : يلا يا مهزقه عايزه تتخانقي معاه ومنظرك مفضوح اصلا انك عايزاه شوفي يا تالي شويه عينك هتطلع قلوب مش ملاحظه
مؤمن وهو يقترب منهم : علوا صوتكوا بقي اي ده مش سامع حاجه عمال اعملكوا كده كده ومفيش كلمه فاهمها غير انها مهزقه هو انتي بجد مهزقه
تالي بعصبيه وغيظ : اه يا مؤمن مهزقه عشان قعدت واتكلمت معاك بهدوء لينظر لها مؤمن بتسليه وهو يقول : اممم واي الجديد منا عارف من زمان يروحي
لتجفل الاخري من تلك الكلمه وهي تقول بتوتر : هو الجو حر ولا انا اللي بقيت حرانه يخربيته لو فضل يقولي كده هقوم ابوسه ومش هيهمني حد يتصل بالمأذون
نونيا بهمس : صوتك يا غبيه فضحتي نفسك قومي يا تالي قومي منك لله سمعتي بقت في الأرض لتتحدث بأبتسامه وهي تنظر لشادي : طيب يا استاذ شادي اظن كده اخر مقابله صح كله بقي تمام
شادي بأبتسامه: مع اني يصعب عليا اقولك كده بس ايوه الموضوع يعتبر اتحل انا ظبط كل حاجه لتنظر له نونيا بابتسامه وهي تقول : شكرا بجد تعبتك معايا اوي
شادي بهيام : ياريت التعب كله كده كنت اروح ليه برجليا لتبتسم نونيا بخجل وهي تقول : متكسفنيش يا استاذ شادي بعدين اديك خلصت منه اهه
شادي وهو يضع يديه اسفل خده : متقوليش كده يا انسه نونيا مش هنتقابل تاني يعني لتقول نونيا وهي تجلس بأبتسامه: وهتشوفني لأي بقي ما خلاص القضيه خلصت
شادي وهو ينظر لها بثبات: ايوه بس احنا بقينا اهل ولازم نقوي العلاقات برده يعني صاحبتك اتجوزت صاحبنا وانا مقدرش مربطش العلاقات واقويها
مؤمن بصدمه وهو ينظر له : يحنين يا نحنوح وكأن بيتريق عليا ده انت عديتني بمراحل ليحرك شادي يديها كأنه يبعد ذبابه ويقول : ها بقي قلتي اي اي رايك اعزمك علي الغدا
نونيا بخجل : لا المره اللي فاتت عزمتني المرادي عليا بقي مينفعش كده لتنظر لها تالي بعدم تصديق وهي تقول : نعم يختي عزمك علي اي وتعزميه علي اي هو وجودنا معدش مرحب بيه ولا اي
شادي بابتسامه هيام : وانا موافق اي رايك دلوقتى لينظر مؤمن للساعه وهو يقول : غدا اي اللي دلوقتي بعدين انا مش جعان
شادي بعصبيه : اخرس يا حيوان ومين قالك هاخدك معايا اصلا معدش غيرك لينظر لنونيا وهو يقول بهدوء: ها بقي قلتي اي
لتمسك بها تالي بعصبيه وهي تقول : يلا يا نونيا اتاخرنا مين دلوقتي اللي بتطلع قلوب يم اعجاب بس شويه وهنجبكلوا شمسيه وكبايتين لمون
مؤمن وهو ينظر لتالي بغيظ : هادمه اللذات كنت مستني لقطه البطل وهو بيحضن البطله مش شايفه دول اصلا مش ملاحظين وجودنا مستني المرحله اللس بعدها
تالي بعصبيه : وملقتش غير صاحبتي تتسلي عليها يلا يما بقيتي تسليه منك لله لتسحبها سريعا لتقول نونيا بلهفه قبل أن تخرج: هبقي اتصل بيك ونشوف يوم للغدا سلام بقي لتنظر لمؤمن بأبتسامه وقوره لتقول بهدوء: وانت كمان سلام يا مؤمن
مؤمن بسعاده: الله ده انا مطلعتش شفاف وبتشاف اهه أمال اي بقي شفت قالتلي سلام يا مؤمن ياااه يجدع
لتنظر له تالي بغيظ وهي تقول : جتك ستين نيله معرفش اضربت فعقلي يوم محبيتك ولا كنت عميت
_______________
نايا بسعاده : زي ما بقولك كده والله مشوفتيهوش يا تمارا وهو بيحامي عني لاول مره احس ان ليا ضهر وشخص ميقبلش عليا كلمه
تمارا : والله لو كنت موجوده كنت عرفتهم قيمتهم اي جايه منين دي شايفينك من الشارع بس جدع انه رد عليها
نايا بحب : فعلا يا تمارا تعرفي بدات احس بحجات مينفعش اني احس بيها حجات جديده ومختلفه وده مينفعش
تمارا بضيق : ومينفعش ليه ينايا انتي من حقك ومشاعرك حقيقيه لتقول نايا بحزن : انتي عارفه ليه مش عايزه ابني طموحات فوق بعضها وفي الاخر تقع عليا وتتكسر
تمارا : لازم تحاولي بلاش تقولي أنك هتفشلي قبل ما تبداي لازم حتي تشاركيه وتشوفي رأيه اي اعترفيله أنك بداتي تحسي تجاهه بحاجه
نايا بتفكير : تعرفي معاكي حق انا شفت ببطاقه الياس ان عيد ميلاده بعد اسبوعين وده وقت كافي اني اعرف بحس بأي ووقتها هعمله مفاجأه وهعترفله فيها بكل حاجه
: هتعرفي بأي يا نايا لتنظر الاخر خلفها سريعا وهي تغلق الهاتف لتبتلع ريقها بتوتر وهي تقول : الياس
يتبع....
لقراءة الفصل السادس عشر اضغط على : ( رواية زوج للايجار الفصل السادس عشر )
لقراءة باقي الفصول اضغط على : ( رواية زوج للايجار )