رواية خادمة الصقر الجزء الثاني الحلقة الخامسة عشر 15 بقلم يوستينا سامي
رواية خادمة الصقر الجزء الثاني الجزء الخامس عشر 15 بقلم يوستينا سامي
رواية خادمة الصقر الجزء الثاني البارت الخامس عشر 15 بقلم يوستينا سامي
 |
| رواية خادمة الصقر الجزء الثاني الفصل الخامس عشر 15 بقلم يوستينا سامي |
رواية خادمة الصقر الجزء الثاني الفصل الخامس عشر 15 بقلم يوستينا سامي
في الصالون
كان خالد وابو نسمه عمالين يشدوا جدا في الكلام وكل واحد فيهم بيرمي الخطا على الثاني وفي تربيتهم لعيالهم
صقر بتعب / بس بقى كفايه زعيق هو احنا جايين نصلح و لا نعقد الامور اكتر
ابو نسمه / انا قلت اللي عندي بنتي هتطلق من اللي اسمه فهد دوت لانه عيل وانا مش هقبل اجوزها لعيل وهتتجوز ابن عمها الموضوع منتهي
خالد بعصبيه / شوف برده بيقولك عيل بقى فهد الحديدي عيل .. بقولك ايه انت الكلام معاك متعب
اللي عندك اعمله و اخبط راسك في اجدعها حيطة
ابو نسمه قام وقف بغيظ وقاله / قصدك ايه بقى بالكلام ده
خالد بعصبيه / قصدي اللي عندك اعمله ايه كمان مش بتفهم ..البنت متجوزة الواد والاثنين هيجوا يقعدوا عندي في الفيلا ولو جدع قرب من اي حد فيهم وانا هاكلك
صقر / يا جماعة مش كدة خدوا نفسكوا
وانت يا حاج يا ابو نسمه ما ينفعش اصلا ف يطلقها انت ناسي الفضيحه اللي احنا فيها لو طلقها النهارده الكلام هيتاكد انه كدب ..و عساف لسه معرفش مين اللي ورا الي صور الفيديو
ابو نسمة / خلاص بلاش طلاق دلوقتي لحد ما الامور تهدى بس بنتي تروح معايا مش هتقعد عندهم
خالد / نعم نعم ليه حد قالك بنتك متجوزه سوسن
بنتك هتقعد مع جوزها و في اوضة واحدة و لو مش عجبك ارفع قضية .. يا راجل يا معقد
صقر بتعب حط ايده علي راسه / روح الله يخربيتك يا خالد .. انت ايه اللي جابك هو مش كدة مقموص
والموضوع كبر وخالد وابو نسمه فضلوا يتخانقوا فوق الساعتين
_______________________________________________
في شقة كريم ☺️
كريم ماسك يزن من قفاه و خرجه برا الاوضة و دخل نام هو و ياسمين و يزن اضطر انه ينام في الصالون .
في وقت متاخر اوي قامت ميرا و خرجت تدخل الحمام و خبطت علي الباب لكن ملقتش حد رد عليها
فتحت الباب و دخلت و كانت الصدمة ميرا لقت يزن واقا حاطط سمعات في ودنه و قالع التيشرت بتاعه و لابس شورت و بيحاول يخفف شعره و دقنه
ميرا بصدمة حطت ايديها علي بقها / انا اسفة والله بس انا خبطت .. اقسم بالله خبطت يا يزن .. انا هخرج حالا
يزن شال السماعات من ودنه و كان مبتسم علي كسوفها و طريقتها الطفولية و شدها من ايديها قبل ما تخرج / استني هنا رايحة فين .. طلاما صحيتي يبقي استغلك علشان كريم نايم
ميرا بتوتر بعد عنه / اي عايز مني ايه
يزن ضحك / هعوز منك ايه يا معاقة انتي .. تعالي الاول ادخلي الحمام و بعدها هقولك
ميرا بستغراب / حمام ليه
يزن ضربها علي راسها بخفة و قالها / يخربيت عبطك انتي كنتي داخلة الحمام والله .. خشي يا حاجة انا هستنتكي برا .. متتاخريش سامعة
و خرج يزن من الحمام و هو مبتسم و دخلت ميرا الحمام و قفلت الباب بالمفتاح و كانت بتكلم نفسها بذهول / هو بجح كدة في العادي .. يا ربي ازاي هقعد معاه برا لوحدي و كلهم نايمين استرها يارب
..خرجت ميرا من الحمام تدور علي يزن و لقته واقف في المطبخ حيران و بيعلب في شعره و كانه طفل
ميرا لقت نفسها بتبتسم تلقائي و فاقت علي قفا من يزن
ميرا بوجع حطت ايديها علي قفاها/ اي ده مين هناك
يزن / اي يا بنتي واقفة سرحانة كدة ليه و بتضحكي كمان ... بقولك ايه انا جعان و مش بعرف اسخن الاكل اعمليلي
ميرا بتبصله باحراج/ حاضر هعملك ..بس هو انت مش سقعان يعني اومال لو مكناش في شتا
يزن بيشد كرسي و بيقعد عليه / بس يا خالتي و النبي كفاية رغي و حضري الاكل ليا انا و انتي علشان ناكل مع بعض .. لان بعدها عايزك في مهمة صعبة
..ميرا ابتسمتله و جهزت الاكل و حطته علي التربيزة و اول ما قعدت قدامه خافت و افتكرت يوم ما اكله مع بعض في القسم و ضربها و سابت المعلقة بذعر
يزن لاحظ تحولها المفاجاه و قالها / انتي عملتي كدة ليه فجاه انتي كويسة يا ميرا
ميرا بتوتر / اه كويسة بس افتكرت يوم ما رميت الصنية في وشي .. انت هتعملها تاني يا يزن
يزن سرح في طريقتها و اتحرج اوي/ احم .. لا مش هعمل كدة يلا كلي و بطلي كلام كتير
و بداوا ياكلوا مع بعض..
_______________________________________________
في المستشفى 💪
اول ما وصل معاذ و سال عن الاوضة و دخل لقه تامر
صاحب عاصي ماسك لارا من ايديها جامد و بيزعق معاها
تامر/ بت اتكلمي عدل احسنلك انا مستحملك بالعافية
لارا / اوعي ياض بقولك سيب ايدي احسنلك بدل ما والله ارقدك زيه
معاذ قرب من تامر بعصبية زقه جامد بعيد عنها و اخد لارا ورا ضهره
معاذ بصوت عالي و غيره صدمت كل الموجودين واولهم لارا
معاذ / انت ازاي تمسك ايديها و او تتكلم معاها كدة ده انا هوديك في ستين داهية يلا
..وعد من خوفها قربت من عاصي وقعدت جمبه علي السرير و هي حاضنه دراعه السليم و هو حضنها لانه عارف خوفها من الزعيق
عاصي بحب لاخته / اهدي يا حبيبتي مافيش حاجة
وانت يا اخينا ياللي داخل تزعق و تتهجم علينا انت مين
تامر بعصبية / استني انت كدة ده الباشا داخل يزقني و ياخدها ورا ضهره و فاكرلي نفسه باشا مصر
معاذ / اومال اسيبك تقل ادبك عليها و اسكتلك يا لذيذ .. ده انا هخرب بيتك
تامر / مين اللي يقل ادبه علي مين قريبتك دي مشفتش احترام اساسا دي قليلة الادب والله
معاذ بص لارا وقالها / لا ده واضح ان في بينكم علاقة
ده عارفك يا لارا
..عاصي و وعد قعدوا يضحكوا بصوت عالي علشان يرخموا عليها
لارا بغيظ /حتى انت يا معاذ طب ايه رايك بقى اني والله العظيم لاقول لعساف اخليه يعلقك .. اما اساسا غلطانة اني مكلمتش ادهوم .. اي ده صح فهد عمل ايه
عاصي بغيره / انتي تعرفي كام واد يا بت انتي
و بعدين كل اللي تعرفيهم دول ولاد بس ما فيش بنات خالص
معاذ رفع حاجبه باستغراب وقاله / وانت مالك يا عم لذيذ هو انت خطيبها وانا ما اعرفش ولا ايه
بت يا لارا مين الواد ده
تامر بغيظ / قوليله يا اختي طب ده والله لما يعرف هيتعاطف معانا احنا ضدك .
وبدا عاصي يحكي و لارا كمان لمعاذ اللي حصل من اول يوم شافوا بعض فيه
معاذ بضحك / يعني انتي معلمة علي الواد و الحرس بتاع عساف كملوا عليه
لارا باحراج / ايوه يا معاذ بس انا ما كنتش اقصد والحرس هم اللي تهوروا من نفسهم ..دي كانت خناقه بسيطه وانت عارف كويس قوي ان انا سدادة
معاذ فخر سلم عليها وقالها/ تربيتي وربنا انا والواد يزن تعبنا عقبال ما ربينا التربية الزبالة دي
وعد بشجاعة لانها كانت قاعده جنب عاصي اتكلمت
وقالت/ طب خلاص مش اطمنت عليها يا كابتن ..خدها بقى وامشي ويا ريت ما تعرفناش تاني
لارا بغيظ / وانتب بتتكلمي ليه يا بت انتي . مش كنتي ساكتة من شوية و الا لما عاصي فاق لسانك رجعلك دلوقتي . رجعيه تاني جوا بوقك بدل ما اقصوهولك
تامر بص لمعاذ / ها شوفت يا عم المدافع قريبتك دي
معاذ كان مصدوم وقاله / لا انا ما اعرفهاش اصلا دي مش قريبتي .. دي حياله بنت صاحب ابويا
عاصي حضن وعد بحب اخوي و قال للارا / بنت انتي اتكلمي معاها عدل و بطلي اسلوبك الكلابي ده معاها... دي اختي
لارا ابتسمت بفرحة و حاولت متبينهاش / والله اختك .. طيب عموما انا اطمنت عليك يا استاذ عاصي و طلعت الحمدلله لسه عايش .. يلا بينا يا معاذ علشان اروح اطمن علي فهد .. باي يا وعد
وخرجت لارا من الاوضه هي ومعاذ اللي كان عمال يضحك على طريقتها و كان حاسس انها معجبه بيه .
________________________________________________
بيت عساف 🤣
في اوضة نسمة
نغم كانت بصالهم بحزن / طب اي يا ولاد انتوا هتفضلوا واقفين كدة تبصوا لبعض في سكوت اتكلموا مع بعض
و انا و كارمن هنسيبكم شوية
نسمة بخوف / لا ..لا يا طنط و النبي خليكي معايا هنا متسبنيش تاني لوحدي
نغم قربت منها و حضنتها / متخفيش يا حبيبتي انا هبقي هنا في البلكونة دي و لو ناديتي عليا هيجيلك علطول .
...و بعدت نغم و كارمن عنهم و فهد كان واقف متردد و خايف يقرب منها .
فهد بحزن / انا عارف انك خايفة مني و انتي مش متخيلة الاحساس ده عامل فيا ايه بيموتني يا نسمة بس انتي عارفة انه مكنش بايدي
..نسمة كانت ضامة رجليها ليها و كانت بتحاول تتمالك اعصابها قدامه لكنها فشلت و كانت بتعيط بخوف فهد حاول يقرب منها علي السرير
فهد / والنبي يا نسمة بلاش الخوف ده .. ده انا فهود صاحبك اللي دايما بترخمي عليه و بتذاكريله طب نسمة بصيلي .. بصيلي
نسمة بصتله بحزن و فهد مسك ايديها اللي لقاها ساقعة اوي من الخوف و قالها/ انا جمبك والله هنصلح كل اللي حصل باظت مش انتي كنتي دايما تقوليلي واد يا فهد ثق فيا انا هتصرف ..
انا دلوقتي اللي بقولك ثقي فيا مش هيحصل اي حاجة انا مش هسيبك ابدا .. نسمة هتسامحيني صح
..نسمة شدت ايديها منه و حطت وشها بين ايديها و فضلت تعيط جامد و فهد حاول يقرب منها و يشدها لحضنه و لقاها مستسلمة ليه فضمها في حضنه بوجع و بدا يدمع هو كمان علي اللي وصلوله .
______________________________________________
في بيت كريم 🤍
يزن خلص طبقه بسرعة جدا و ميرا كانت مصدومة سرعته
يزن/ انا شبعت اوي ..يلا بقي قومي علشان انا عايز حد يخففلي شعري شوية علشان طول اوي و كريم نايم
ميرا بكسوف / لا انا مش هعرف .. و بعدين عايزة انام تصبح على خير
قبل ما تمشي يزن مسك ايديها / تمشي فين لا بقولك ايه خلي في دم انا بقالي ساعة بحاول اظبطه لنفسي قدام المراية و مش عارف خليكي بنت ناس .. ده انتي حتي نايمة في اوضتي
ميرا / طب سيب ايدي ..انا هساعدك بس توعدني لو باظ مني متمدش ايديك
يزن ابتسم / عيب ده انا هولع فيكي بس .. ده شعري يا ماما .. يلا انا هجيب الكرسي هنا و انا هفهمك تعملي ايه بالضبط
و قعد يزن اللي كان مصمم يقعد منغير تيشرت و بدات تقصله شعره و كانت مش مصدقة طريقته و انه قد ايه طفل كدة و مصدقتش ان ده الوحش اللي كان في القسم .. و بعد فتره خلصت و يزن كان مبسوط
يزن / لا ده انتي فنانة وانا معرفشي . جدعة يا ست ميرا اهو الواحد لقه منك مصلحة بدل ما انتي ملكيش لازمة كدة .
ميرا اتصدمت رفعت حاجبها / هو انت مش بتعرف تكمل جملة واحدة كويسة صح .. تتعب لو عملت كدة
انسان معقد
و لسه هتمشي لقت اللي ببشدها من قفاها / خدتي انتي عليا اوي و اتجراتي و لسانك طول .. و حظك ان كريم نايم يعني اقدر اعلقك مكان اللمبة دي
روحي انجري اعمليلي شاي عقبال ما اطلع هدوم من اوضتي . انجري
...وفعلا جريت ميرا تعمله الشاي من غير ما ترد عليه وهو ابتسم ودخل اوضته وكان بيطلع هدوم اللي هيلبسها بكره لكن اول ما شاف السرير ضعف جدا و راح نام عليه لانه كان من اول اليوم مش نايم بسبب ضغط الشغل .
________________________________________________
العربيه معاذ كان سايق وهو عمال يضحك ولارا متغاظه
لارا / ممكن اعرف بتضحك على ايه يا عم يا رخم
طب ده حتى فهد ابن عمك كان لسه هيتحبس النهارده
معاذ بضحك / بقولك ايه ما تغيريش الموضوع مين الواد ده وليه غيرتي كده اول ما البنت اتكلمت ده حب يا بنت عساف ولا ايه
لارا / طب والله العظيم يا معاذ لو حكيت لحد على الموضوع ده لاكون عضاك وانت عارف عضتي من واحنا صغيرين ..
معاذ / لو على ايه جو التوحش اللي انت وفهد بتعملوه ده انا ماليش فيه خالص .. انا هسكت بس لما افهم يا لولو .. احكي احكي سرك في بير
لارا بغيظ / انت عندك حق احنا برده اخوات ما ينفعش اخبي عنك حاجه قرب هات ودنك
..ولسه معاذ بيقرب من لارا مسكت رقبته وعضته جامد ومعاذ ما كانش عارف يبعدها عنه عمال يضربها
معاذ / يلا يا سعرانة ..اي يا بت الغباء ده انتي ابوكي مجوعك اوي كده
لارا بغيظ / اه عشان انا قلتلك اسكت لعضك وانت ما سمعتش كلام خلاص دوق بقى
معاذ بحده / طيب ماشي يا بنت عساف كده كده الحراس في المستشفى كلموا ابوكي وقالوا ليه ، وبعون الله يومك اسود مع توصيله مني كمان
لارا قلقت اول ما عرفت كده من معاذ بس حاولت ما تبينش
في بيت عساف وصل معاذ هو ولارا و حصل ...
تفتكروا ايه اللي حصل و هل عساف هيسكت علي لارا و لا ايه ممكن يحصل ؟
يتبع...
لقراءة الفصل السادس عشر اضغط على : ( رواية خادمة الصقر الجزء الثاني الفصل السادس عشر )
لقراءة باقي الفصول اضغط على : ( رواية خادمة الصقر الجزء الثاني )