رواية عروس برنس الصعيد الحلقة الثامنة عشر 18 بقلم أسماء حبيب
رواية عروس برنس الصعيد الجزء الثامن عشر 18 بقلم أسماء حبيب
رواية عروس برنس الصعيد البارت الثامن عشر 18 بقلم أسماء حبيب
 |
| رواية عروس برنس الصعيد الفصل الثامن عشر 18 بقلم أسماء حبيب |
رواية عروس برنس الصعيد الفصل الثامن عشر 18 بقلم أسماء حبيب
ابوه... شغل ايه دااا ان شاء الله الي هترحله الساعه 10.
صابر خرج... عن اذنك يا بابا ولما اجي هفهمك كل حاجه...
صابر لسه بفتح الباب لقي ابو رضا في وشه...
صابر بهدوء... خير يا معلم
ابو رضا بهدوء ... عايزك في كلمتين و لروحنا ماشي
صابر... ماشي يا معلم اتفضل انت قدامي وانا جاي وراك
ابو رضا مشي وصابر نزل وقفل الباب قدام البيت
صابر بهدوء... نعم يا معلم خير
ابو رضا... شوف انا هجيب ليك الموضوع من الاخر
صابر... خير ما عملته والله يا معلم هو ده الصح
ابو رضا... شوف انا بنتي موافقه عليك وعلشان كده هقول ليك كام حاجه تحطها حلق في ودنك
صابر... وانا هسمع للاخر يا معلم
ابو رضا... شوف انا بنتي عارف انها تسد في اي بيت بس لو ما حطيتهاش في عينك وشلتها على كفوف الراحه صدقني هنسفك وكلمه هنسفك مش تهديد وانت عارف اما المعلم بيقول كلمه بيعملها ومش بخاف انت فاهم
صابر... انا لو اتجوزت بنتك هعملها بما يرضي الله انا لا بتاع لف ولا دوران واللي عندي انا قلته ليك علشان تكون عارف من الاول وانت عارف ظروفي عامله ازاي وانا بحاول اشتغل على قد ما اقدر وانا لو معايا مش هبخل على بنتك باي حاجه
ابو رضا.... ماشي يا صابر وانا هحاول امشي الموضوع بمزاجي المره دي واللي عملته في بيتي هعديه علشان خاطر بنتي بس لو مش كانت عايزاك صدقني ما كنتش تطلع على رجليك يا صابر عن اذنك ااه وابوك خليه يجيني المحل نتفق على كل حاجه والفرح هديه مني بس بنتي مش هتعرف ماشي
صابر.... اللي تشوفها يا معلم
ابو رضا مشي..
صابر اخذ نفس عميق... انا ايه اللي يدخلني في ده كله انا كنت ماشي جنب الحيط وبفطر فول من عم عبده ومش شايل هم الدنيا دي خالص جواز ايه الا ادبس فيه انا ده يلا بس مش خساره في رضا
صابر راح المكان اللي كان اتفق عليه مع النمساوي كان ركب عربيه مع رجاله النمساوي وراحوا لمكان شبه مخزن واللي كان فيه الممنوعات نزلوا من العربيه ودخلوا المخزن وكان عز في المخزن ساعتها بيكلم الضابط قريبه
صابر والرجاله دخلوا...
عز باستغراب... انتم مين
صابر... صح النوم يا كبير احنا جايين عشان نستلم البضاعه والفلوس جاهزه
عز.... هو انتم
صابر... ايوه هو حضرتك بقى تبقى الكبير.
عز بفخر وبيحط رجل علي رجل ... انا ابقى البرنس
صابر... ايوه يعني انت الكبير صح
عز.... اله هو انت عندك راي غير كده
صابر... انت متاكد يعني
عز باستغراب... هو انت مالك ياض بتخاطرف بتقول ايه شكلك كده مش مظبوط
صابر... لا وربنا ده انا مظبط الزوايا
عز.. وريني طلع بسرعه عشان مش في وقت.
صابر طلع شنطه الفلوس وفتحها... اظن كده احنا في السليم طلع انت بقى وورينا البضاعه
عز وبكلم الضابط قريبه... وريهم
الضابط فتح الشنطه وظهرت الممنوعات
عز بفخر.... على فكره دي انضف نسخه نزلت.
وفجاه الباب بتاع المخزن كله اتفتح ودخل عناصر الشرطه والضابط.. كله مكاانه والااا هضرب في المليااان.
صابر ضحك.. وبكده بقى تكون وقعت بقى يا برنس عز بصدمه هو ايه اللي بيحصل ده ا انا مش البرنسسي.
صابر.... سبحانه قادر على كل شيء
الضابط بصوت عالي... لمهم لي يا ابني كلهم يلا
صابر قرب من الضابط... اظن كده انا يا باشا في السليم وكل اللي انت قلته ليه عملته بالحرف
الضابط... برافو عليك يا صابر يا درويش
درويش.... تمام يا فندم
الضابط.... خده على البوكس
صابر وصدمه.... ليه هو انا عملت ايه لا يا باشا مش انا اللي اتخزوق
الضابط... اسمع الكلام بقولك ماشي
صابر.. يا باشا ياااااا باشا ده انا غلبان يا باشا وعلى وش جواز يعني هاجي اخد خطيبتي في المستقبل القريب ان شاء الله ونقرا الفاتحه عندكم في القسم
الضابط... اسمع الكلام بقى ما تتعبنيش
صابر... ماشي يا باشا ربنا مع الغلبان يا باشا.
اما عند قاسم ونور وقفوا العربيه قدام بيت ماذون شرعي
نور.... احنا هنسكن هنا ولا ايه
البرنس... انزلي
نور... اوعى تعمل معايا الجلاشه وتسيبني زي الدور اللي فات جرتني وراك زي المعتوها والعيال كانوا بيزقلوني بالطوب
البرنس.. انزلي وبلاش غلبه
نور... امري لله هعمل ايه يعني ما باليد حيله.
نزلت نور مع البرنس وخبطوا على الباب
نور.. ايه هنجري ولا ايه
البرنس... نجري ايه يا مهفوفه
نور... انا نفسي افهم احنا بنعمل ايه هنا هو انت لو قلت لي يعني هنخسر حاجه
البرنس... اصبري وانت تفهمي كل حاجه
نور... ماشي يا اخويا اما نشوف.
الباب اتفتح وراجل كبير ابتسم للبرنس... اتفضل يا قاسم يا ابني
نور بصدمه... هو ده ابوك
البرنس... اسكتي بقى
نور... ما هو انت مش ساحب كيس جوافه معاك فهمني في ايه
الراجل الكبير... ادخل يا ابني تعالي يا بنتي مش تخافي انا زي ابوك
نور ربنا يخليك بس انا مش داخله
البرنس... خلاص دانك واقفه بره
نور... ماشي هدخل بس علشان خاطر عمو ده عمو الطيب مش زيك
دخلوا الاثنين وقعدوا في الصالون
الراجل الكبير... تحبوا تشربوا ايه
البرنس... له كثر خيرك مش عايزين نتعبك معانا
نور... لو انت تعبان براحتك اما انا لو في نسكافيه يبقى عملت معانا الصح والله
الراجل الكبير... والله يا بنتي احنا مش بنشرب النسكافيه ده في شاي قهوه يانسون كراويه حلبه
نور باستغراب... هو في حد هنا بيرضع على العموم ماشي انا هاخد واحد شاي سكر زياده
الراجل الكبير قال لمراته تعمل الشاي وقعد وكان معاه دفتر كبير
نور بهمس للبرنس.... احنا مش عندنا دم الراجل قاعد بيذاكر يلا نمشي
البرنس.. بيذاكر ايه ده هيحضر جسيمه الجواز
نور... قسيمه جواز ايه انت هتسافر
البرنس... لا بس هكتب كتابي
نور... ايه ده الف مبروك اخص عليك بقى المده دي كلها ومش تقول ليه هي دي الاخوه يعني انا قعدت ابوعلك اللي في قلبي زي الهبله وفي الاخر انت تخبي علي خبر زي ده
البرنس... انت شكلك اكده بهيمه
نور... اخص عليك كده برستيجي عمك الحاااج قاعد لما نقوم نمشي نبقى نسقطه عادي
الراجل الكبير... يا بنتي ده كتب كتابك انت وقاسم
نور بزهول... قاسم ميييين وانا مييييين وكتب كتاب ايييييه انا مش فاهمه اي حاجه
البرنس.... شوفها يا بنت الناس انا رايدك وبالحلال
نور... اناااا انت بتتكلم جد بجد ده هزار بايخ
البرنس... ومن امتى واني بهزر اني عارف انك وقفتي جنبي كثير واستحملتي ورغم ده كله فوقتيني من كابوس وحش جوي ومش رضيتي تبعدي عني صحيح انا مش خابر اي الي هيتم بس اني عارف انك فيك حاجه من جوه نظيفه من ناحيتي
نور بابتسامه... صحيح انت جدع وطيب وعصبي وعايز ضرب لا بلاش دي دي بعدين بس انا ما الاقيش احسن منك يا سي البرنس
البرنس بابتسامه... يعني موافقه
نور وبتمثل الكسوف... يوه متكسفنيش اللي تشوفه بقى
الراجل الكبير... على بركه الله جم ناس من العماره وكانوا شهود على قسيمه الجواز والبرنس كتب كتابه على نور واخدها بالعربيه ونزلوا
نور... انا حاسه اني بحلم حلم غريب
البرنس... واكده اقدر اروح لابوكي وارجعك ليهم وانا معاكي ما تخافيش من اي حاجه
نور... بس انا خايفه برده انا مش عارفه ممكن ايه اللي يحصل الموضوع مش هزار
البرنس مسك ايديها ولاول مره... مش تخافي انا معاكي وصدقيني ما فيش اي مخلوق على وجه الارض يقدر يمس شعره منك
نور.. بغض النظر عن الرومانسيه المفرطه الى اني مبسوطه مش عارفه ليه والله بس انا مبسوطه وخلاص
البرنس... باذن الله مش هيحصل حاجه بعد ما تتصافي انت واهلك اعملي حسابك ان احنا هنرجع بلدنا هرجع اشتغل في الارض وازرع واحصد
نور فرحه.... الله بجد وترجع هدومك مبقعه ومتبهدله ورجلك مقشفه وشك وكلك على بعضك كده ما لكش ملامح وانا بقى اجيب ليك الطشت كده فيه ميه سخنه واحط ليك رجلك واقول البرنس راح سي البرنس جه ياه شكلك هيكون مضحك قوي
البرنس.... انت مش بتعرفي تقولي جمله على بعضيها تفتح النفس
نور.. هو انا اتجننت في نفوخي عشان ده يحصل دا انا مبقاش على العموم هحاول اتنازل عن بعض القواعد اللي انا ماشيه بيها عشان نعرف نعيش وانا صدقني معاك على الحلوه والمره يا سي البرنس.
البرنس... انا بحبك قوي على فكره
نور... انت كذاب على فكره لانك من يومين كنت ناقص تشلني ترميني من البلكونه بس سبحان الله بقى نقول ايه المهم ما تتحرك من هنا المكان شكله يرعب
البرنس... لاه في دي معاكي حق المكان ده ما يطمنشي يلا.
لسه كانوا هيتحركوا لقوا البوكس وقفهم نزل
ضابط... انت يا خفيف رخصك ومين اللي معاك دي
البرنس.. دي مراتي
نور... والله العظيم يا باشا مراته لسه نازلين من عند الماذون
الضابط بسخريه... لسه نازلين من عند الماذون اه قلتي لي طب يلا انت وهو بقى على البوكس كده تشرفوني
نور... ما نحبش يا باشا نتقل عليك احنا هنروح على طول
الضابط.. هاتهم يا عسكري اشكال ما لهاش حد يلمها
نور... عاجبك كده اهو علاقه ابتدت بكلبشات
البرنس... كله بسببك لازم تتسحبي من السانك.
اما في القسم كان صابر قاعد مع الظابط اللي كان بيشتغل معاه...
الضابط.... عفارم عليك يا صابر انا كنت مفكرك اهطل مش هتعرف تعمل اي حاجه
صابر.... ميرسي لكثره المديح فيا يا حضره الباشا والمهم ان انا في دهر الوطن وربنا يخلينا لمصر ويخليك لينا يا باشا وتكون راضي عنا دايما.. اه وتفضل ده المبلغ اللي اخذته الفتره اللي فاتت
الضابط بصدمه... هو انت مش اخذت الفلوس
صابر... حد الله ما بيني وما بين الحرام يا باشا انا ما دخلتش على بيتي اي فلوس حرام
الضابط... تصور ان انت كبرت في نظري يا صابر
صابر.. ليه يا باشا هو انا كنت 150 سم في 150
الضابط... بطل لماضه اللماضه بتاعتك دي هي اللي هتوديك في داهيه
صابر... اعتبرني ما قلتش حاجه يا باشا
الضابط طلع جزء من الفلوس... خد يا صابر ده حق تعبك وشغلك معانا
صابر... ربنا يخليك يا باشا
ضابط... يلا بقى روح شوف حالك
صابر... مشكور يا باشا عن اذنك صابر خرج واتصدم لما شاف نور ماشيه ورق الضابط وبتكلمه
نور.... اقسم بالله يا باشا مراته والله العظيم مراته يا باشا هو انت قفشنا في شقه نص كم يا باشا طب اقف طيب نتفاهم انا كده منظري هيبقى معفن قوي وي... ص صا صابر ينهار ازرق.
صابر وما كانش مصدق عينيه.... نور لااااء انااا اكيد بحلم مستحييييل
يتبع...
لقراءة الفصل التاسع عشر اضغط على : ( رواية عروس برنس الصعيد الفصل التاسع عشر )
لقراءة باقي الفصول اضغط على : ( رواية عروس برنس الصعيد )