رواية عروس برنس الصعيد الحلقة التاسعة عشر 19 بقلم أسماء حبيب
رواية عروس برنس الصعيد الجزء التاسع عشر 19 بقلم أسماء حبيب
رواية عروس برنس الصعيد البارت التاسع عشر 19 بقلم أسماء حبيب
 |
| رواية عروس برنس الصعيد الفصل التاسع عشر 19 بقلم أسماء حبيب |
رواية عروس برنس الصعيد الفصل التاسع عشر 19 بقلم أسماء حبيب
نور.... اقسم بالله يا باشا مراته والله العظيم مراته يا باشا هو انت قفشنا في شقه نص كم يا باشا طب اقف طيب نتفاهم انا كده منظري هيبقى معفن قوي وي... ص صا صابر ينهار ازرق.
صابر وما كانش مصدق عينيه.... نور لااااء انااا اكيد بحلم مستحييييل.
البرنس وبص للظابط ووقفه... اني دلوقتي هجيب الماذون اللي كتب كتابي علشان تصدق كلامي
الضابط.. يبقى هتشرف معانا لحد ما هو يجي
البرنس ماسك ايد نور... مش تخافي انا معاكي ما فيش حاجه هتحصل
نور بصدمه... صابر
البرنس بعدم فهم.. صابر مين
نور وشورت على صابر اخوها... اهو
صابر جه يجري عليها ومسكها من ايديها... مش معقول اللي انا شايفه.
البرنس وبعد صبر عنها... انت مين
صابر... انت اللي مين وبعدين انا مش متخيل اللي بيحصل ولا مستوعبه انت ازاي عايشه بس انا برده كنت حااااسس انك عايشه
نور... يا برنس ده اخويا صابر
البرنس... اه اهلا وسهلا
صابر... لا انا مش فاهم حاجه فهميني هو في ايه انا مش فاهم
نور.... بص يا صابر بالله عليك مش تتعصب
صابر.... ابص ايه بس هو انتي عفريته ولا انا بتهيا ليه هو انتي يا بنت مش كنتي ميته
نور.... ميته ايه بس يا صابر انا هربت
صابر وشدها من هدومها... وربنا لاوريكي بوظتي اعصابي يا شيخه وكنت فين ده كله يا ست هانم يا محترمه وكمان جايه القسم
البرنس بعد صابر عن نور... ايدك بس اكده
صابر بص ليه بغيظ.... وبصفتك ايه تبعدني عن اختي
البرنس... بصفتي اني جوزها
صابر بصدمه بص لاخته.... بتهزري يا نور صح انتي اتجوزتي
نور... ما انت مش مستبر افهمك كل حاجه
الضابط... لا انتم تشرفوني بقى جوه في المكتب وهنفهم كل حاجه.
طبعا قعدوا في المكتب والبرنس كلم الماذون وجه واثبت للضابط اللي هم متجوزين جديد وسابهم وخرجوا الثلاثه...
نور... مسكت في صابر الي كان ماشي وسايبها.... بالله عليك ما تزعل مني انا قلت ليك ده كله كان غصب عني كنت يعني عاوزه تسيب اختك تتجوز طارق المعفن بتاع الحاره وكانت مرات ابوك غصباني وانت عارف ليه عشان كده ما صدقت هربت
صابر... وليه مش جيتي تواجهيني وتفهميني انك مش كنت عايزاه من الاول
نور.... خفت يا صابر ما انت عارف ان ابوك بيمشي ورا مراته وكان الموضوع خلاص ما فيش رجوع
صابر.... وانا اللي قلبي اتقطع عليك وتعبت بسببك فكرناك متي
نور... انا اسفه
صابر... وهيفيد بايه للاسف دلوقتي يا نور والي انتي عملتيه دااا يتغفر!
نور... بالله عليك يا صابر تسامحني وتخلي بابا يسامحني انا عارفه ان هو ممكن يطردني اصلا بره البيت.
صابر صعبت عليه اخته واخذها بين دراعات... اعمل ايه بس في قلبي ده مش تخافي خلاص انا معاكي
نور... انا بحبك قوي يا صابر
صابر... ما خلاص يااااختي مش تخافي هتوسط ليكي عند ابوكي بلاش جو الرومانسيه البهتان ده
نور بصيت ليه ومسحت دموعها وهي بضحك... اللي فاهمني
البرنس.. طب يلا العربيه اهناك اهي.
صابر بس بقرف للبرنس.... لااااا معلش احنا بنحب مرمطه المواصلات
البرنس بهدوء... انا هشغل العربيه وتكون ركبته
البرنس ركب العربيه وصابر بس النور باستغراب.... هو بيسمع من مناخيره الراجل ده ولا ايه
نور... احسن حاجه ليك تسمع كلامه انا عليا قلت ليك وان كان عن نفسي انا هركب
صابر.... وانا قلت لااااااء يا نور.
بعد نص ساعه كان البرنس تحت بيت نور
صابر نزل بسرعه... اتفضل يا برنس البيت بيتك يا جوز اختي
البرنس نزل بهدوء وفتح الباب لنور... يلا انزلي
نور بصيت ليه بضحك.... من امتى الرومانسيه دي
البرنس... مش عاجباكي
نور.... لا كتر من الصنف ده حلو قوي
البرنس بس لها ضحك.... ولسه اللي جاي كثير جوي
صابر... طب نسيبنا من التلزيق ده ونطلع بقى
البرنس بص ليه... انت بتقول حاجه.
صابر.... اناااا اناااااااااا قلت ! مين اللي قال ؟ مش اتكلمت انا ؟!
البرنس.... اه بحسب انا سمعت صوت دبانه امسرسعه عايزه ضربها على خشمها
صابر.... يكفينا شر الدبان يا برنس
اما فوق كانت هند بتكلم احمد في الموبايل
هند... علياااا الطلبات بالتلاته يا احمد لو ما خليتش لون الحيطه رصاصي مانيش كاتبه كتاابي عليك وعلياااا وعلي اعدائي هه
احمد... يعني ايه يعني! انا ادخل بيتنا ولا هدخل سجن عشان اخلي لونها رصاصي
هند... انت ايش عرفك انت فين الالوان الموضه
احمد.... يا ستي لا مش داهن رصاصي.
هند... ولنفترض اننا عملناها رصاصي لما العيال يشخبطوا على الحيطه مش هيبان وبكده يكون اكسبنا نظافه ريييحه وتوفيير.
احمد.... صبرني يا رب
هند... طول ما انت ماشي ورايا ربنا هيصبرك واحتسب الاجر والثواب عند الله
احمد..... انا اصلا المفروض ما كنتش اتدبست في الجوازه دي من الاول
هند... احنا لسه فيها يا حبييييييبيييييييي انا ما برميش نفسي على حد ااااه
احمد.... هو الناس بتستخدم حبيبي كا رومنسيه و انتي ليه بتستعملي الكلمه حبيبي في الردح
هند... نحن نختلف عن الاخرين ومش في مني لا الف ولا ميه.
احمد وبكمل على نفس النمط... وابقي كلميني على زيرو تسعميه
هند... لا ده انت بقيت شاطر قوي اهو بتعرف ترد
احمد... تلميذك وانا هجيبه من بره يعني معرفه تودي الواحد في داهيه
هند.... ها هتجيب ليه كرتونه البيض بقى ولا ايه... احماااا الو احمااااااا يا احمد سد الخط في وشي اردها ليه ازاي دي بس... امممم يلا الجيات اكثر من الريحات وربنا لاوريك هند سمعت صوت الباب بيخبط.... ماما افتحي يا مام.
ا نبويه.... اتكسحتي في رجلك علشان مش تقومي تفتحي الباب ما انا بقولك يا حج البت دي ما عادتش عجباني
ابوها.... قومي يا عديمه الذوق افتحي الباب
هند.... تسلم ليه يا حاج عيني الاتنين.
هند راحت تفتح الباب واتفاجئت بنور وصابر والبرنس وطلعت تجري في البيت..... يااااماااااااماااااااا عفريييت عفريييت عفرياااااااات يا لهواااي عفريت
نبويه... جرالك ايه يا بنت الملبوسه مين على الباب
هند... ن نو ننوووووووور
نبويه.... لا انتي شكلك اتهبلتي صحيح
نور دخلت ووراها صابر... لا يا حجه ما اتهبلتش نبويه وقفت بصدمه... بسم الله الحف.. الحفيظ.. احفظنا ياااااا رب
صابر... استهدوا بالله يا جماعه دي مش عفريت دي نور الهربانه اللقيطه عادي
نور بهمس لصابر... برستيجي يا صابر قدام البرنس.
صابر..... برستيييييج ايه يا ام برستيييج اسكتي اما نشوف هعمل ايه في المصيبه بتاعتك دي
نور... انت شايف كده يعني؟
صابر... اه عندك راي ثاني
نور... اخص عليك انت مش فيه من بعد الكلام حاجه تتقال يا ابني
صابر.... بحسب
نور.... لا ابقى اطرح
البرنس دخل بعديهم.... السلام عليكم
ابوها بصدمه.... مين ده وانتي كنت فين داااا كله واحنا اللي فكرناك متي وهو في ايييي انا مش فاهم حاجه
نور.... وحد الله في قلبك يا حاج وانا هفهمك كل حاجه بس بالله عليك خلي السلاح نايم
اول ما صابر بدا يحكي ليهم على كل حاجه ابوها طلع يجري وراها وجابها من قفاها.... بقى انتييي تعملي كل ده
البرنس بعد ابوها عنها.... هي اي نعم غلطت وليك حق في اي حاجه هتعملها بس عايز اعرفك ان هي دلوقت في عصمه راجل واني ما اقبلش ان مراتي تتضرب.
نور.... ياه واخيرا لقيت حد يدافع عني تسلم ليه يا سي برنس
ابوها... والله انت فاكراها هتبعد عني كدا.
البرنس... لا حقك ومانيش بعدها عنك بس ناخد الامور بهدوء
ابوها.... طب والله انك راجل سيبها لي بقى
البرنس... انا كنت جاي بس اخليك تشوفها لاني هاخدها واروح بيتي وهنسافر يعني كنت جاي اعارفك بنفسي واني مين وابقى ايه.
ابوها.... هو شكلك يدي على ابن اصول بس ايه اللي وقعك في البهيمه دي
البرنس... القدر
نور... انا غلطت بس كان غصب عني انا ما كنتش عايزه الجوازه دي
نبويه.... وكان ماله طارق يختي.
نور.. هو انتي ليه بتكرهيني كده هو انا اذيتك في ايه
هند... على فكره يا نور ايه اللي عملتيه كان غلط كبير قوي وانك تهربي ما كانش سهل علينا كلنا وكان من مصلحتك تيجي على الاقل تكلمي بابا وبعدين تهرب
ابوها.... اسكتي لاكسر عضك.
هند.... اعتبرني ما اتكلمتش يا حاج
ابوها.... شوف انا هوافق ان هي تمشي معاك بس بشرط
البرنس.... اشرط طبعا زي ما تحب
ابوها.... عايزك تحطها في عينيك مش تزعلها ابدا صحيح انا قسيت عليكي يا بنتي فتره كبيره قوي وجيت عليكي قوي قوي وما عرفتش قيمتك غير لما بعدت عني
نور جريت وحضنت باباها... انا بحبك قوي قوي يا بابا
باباها... وانا يا عيون بابا
صابر... اكاد ابكي من فرط الحنان
هند... ما تسكت بقى بقولك يا نور خطوبه الواد ده يوم الاربعاء خليكي هنا لحد ما يخطب بقى
نور بصدمه... يخطب مين ياض؟!
صابر... بعيد عن السامعين والحاضرين رضا بنت المعلم
نور ضحكت قوي عليه... اللي مسحت بكرامتك بلاط الشارع صح
صابر.... ما تبس بقى انت لازم تفضحينا موضوع وعدى هي دلوقتي اتغيرت علشاني اكيد
نور... ربنا يتمم ليك بخير
البرنس.... بس انا مش هقدر ادني هنا لازم اعود البلد
نور... خلاص يا جماعه انا هروح مع البرنس واجي يوم الاربعاء
هند... انتي بعتينا كده كلنا عشان خاطر البرنس
نور.... ومش اي برنس ده برنس قلبي
هند... بنت من امتى التلزيق ده
نور.... اعتبريه من النهارده يلا يا سي البرنس
صابر... عليه العوض ومنه العوض بنتك باظت يا حاج ما عدتش نفعه
البرنس بعد قعده مع اهل نور نور اخدت هدومها ومشيت مع البرنس ووصله بيتهم الجديد بعد ساعات
البرنس... انزلي يلا
نور بسط لقت ارض زراعيه كبيره وفي قدامها بيت قديم
نور.... هو ده
البرنس... هو ده البيت الحلال بيت جدي مستعد ندخل
نور... هو جوه
البرنس... ايوه انا مش خابر قوي بس بيتهيلي جوه
نور... طب وهتعمل ايه.
البرنس... ما خبرش بس تعالي
نور مشيت معاه وخبطوا على الباب وفتح لهم راجل كبير واتكلم بذهول اول ما اشوف البرنس.. قاسم
قاسم بابتسامه امل... ازيك يا جدي
جده بذهول... انت كيف حي قالوا ليه انك مت
قاسم.... لا يا جدي اني حي ما متش ابوي وامي هم اللي ماتوا في السجن
جدو... طب ادخل يا ابني ما تقفش على الباب اكده ومين البنيه دي
نور انا مراته يا عم الحاج
جدو... اتفضلي يا بنتي اتفضلي
البرنس دخل وحكى ليه كل حاجه وكان جدو فرحان انه لقى بنت تغيروا وتغير تفكيره... بص يا ابني انت هتدنك هنا وتعيش معايا انت ومراتك الدار كبيره وواسعه وتسع من الحبايب ألف ومن حيث الشغل في الارض اني هعلمك كل حاجه.
البرنس... والله يا جدي انا مش عارف اقول ليك ايه
جدو... انت ما تقولش حاجه انت من هنا ورايح تسمع كل اللي هقولك عليه
البرنس... من العين دي يا جدي للعين دي كل حاجه تقولها امر وهيتنفذ
نور كانت مبسوطه انها على الاقل عاشت مع حد بتحبه وحبه حياتها كده.
واما عن صابر خطب رضا وكان خارج معاها في يوم
صابر نزل من البيت وراح ياخدها من بيتهم... يااااا رضا انزلي اناااا تحت واقف
رضا بقفل الباب ونزله بسرعه.... جايه اهو ما تسربعنيش.
صابر اول ما شافها نازله بفستان كان مقسم جسمها زعق فيها.... ايه اللي انت لابساه ده
رضا.... وماله اللي انا لابساه.
صابر... هو انتي شايفاني مركب قرون ولا خروف ابوكي بعته يااا هانم.
رضا... ايه اللي انت بتقوله ده بس.
صابر... اطلعي غيري اللبس اللي انت لابساه ده لاما ما فيش خروج
رضا... يا باي منك انا لسه هغير.
صابر.... ولو شفتك نازله باللبس ده تاني وربنا ما نكمل مع بعض انا ما بحبش كده اللبس اللي ما يرضيش ربنا ده ما يتمشيش بيه في الشارع بس ممكن تمشي بيه في بيتنا عادي براحتك.
رضا ضحكت عليه.... ماشي من عيني
صابر... تسلم عيونك
رضا... خلاص بقى اتلم
صابر.... هو انا عملت حاجه يا وليه هتفتري عليا ولا ايه.
رضا... ما خلاص بقى يا صابر لا نقلبها عركه.
صابر... اطلعي يا بت اطلعي ومش هتتاخري
رضا وحست فعلا ان هي هتتجوزه راجل و اختارت صح.. حاضر يا صابر
صابر واقف مستنيها... ياااتاه الواحد كبر وبقى يمشي كلامه على حريمه بقيت راجل ياض يا صابر.
عند هند اللي كانت كتبت كتابها واتجوزت ابن عمها احمد.. في الشقه..
احمد... نفسي افهم ليه ما عملتيش اكل انا جاي جعان.
هند... اطلب دليفري
احمد.... دليفري ايه يا مقشفه يا بنتي انتي كنت بتدخلي براسك و بتاكلي المحشي من الحله تقولي ليه اطلب دليفري
هند... ايه ده مين اللي قال ليك على موضوع الحله ده
احمد.... صابر يا اختي وقومي بقى حضري ليه الاكل انا هموت من الجوع
هند... علي فكره الست مش ملزمه تعمل الاكل لجوزها
احمد... قسما بالله يا هند لو ما قمتي عملت الاكل لا وربنا لتنزل اكل عند امي
هند قامت ودخلت الاوضه لبست العبايه السمره... يلا بينا ننزل ناكل احنا الاثنين هي مرات عمي غريبه ونفسها في الاكل جميل بشكل يلا بينا
احمد بشلل... اعمل فيكي ايه بس يا بعيده
هند... اعمل بيا جمعيه واقبضها الاول انا نازله لو عايز تنزل تاكل بيت امك مفتوح عن اذنك اما الحق اكول للاكل يخلص
احمد... استني يا طفصه خديه معاكي انا جاي اهو
كانت حياه هند واحمد نوعا ما مستقره بعيدا عن الاهمال بتاع هند الى انها كانت بتقدر تحتوي احمد الي بيعلمها واحده وحده غلطها.
اما عند نور كانت بتطبخ في المطبخ وسمعت صوت البرنس جه طلعت تجري... انت جيت يا سي برنس
البرنس بتعب قعد على الكرسي.... اه يا نور وجعان قوي
نور... فوريييره كده ويكون رصيت الاكل كله
البرنس واستغراب... ايه الرضا ده من امتى
نور فرحه... اصل في خبر حلو يا سي البرنس.
البرنس... ما تقولي على طول انتي دايما اكده غاويه لف ودوران
نور... من الاخر كده انا حامل
البرنس وقف بفرحه... صوح الكلام ده ولا بتضحك علي
نور... طب والله العظيم حامل رحت كشفت عند الدكتوره اللي جنبنا هنا
البرنس بعصبيه فجاه.... ازاي تطلعي من بره الدار ومش تقولي ليه
نور... الله كنت عايزه اخليها ليك كدا مفاجاه اتعصبت ليه بس
البرنس... علشان طلعت بره الدار من غير اذني
نور.. خلاص بقى حقك عليا مش تفسد اللحظه
البرنس... هعديها ليكي المره دي عشان مبسوط
نور... امال لو مش كنت مبسوط كنت هتوئدني
البرنس... المهم مش تتعبي حالك في الشغل اليومين دول وانا هجيب خدامه تخدمك ورزق العيل ده على الله ربنا يطعمنا ويرزقنا بحلاله.
نور... احلى حاجه الحلال ده بجد مفيش احلى من.. ثواني بس خدااامه عايز تجيب واحده سااااات بقى صح
البرنس... امال اجيب راجل!
نور... وطبعا بقى تبص ليها وتبص ليك وشوشو يوسوس والرزيله تطبل
البرنس.. قسما بالله لو ما اتعدلتي لعدلك انت عارفه ان اللي في قلبي بس واحده ما ألها تاني.
نور ضحكه... بعشق لغه الرومانسيه بتاعتك يا برنس
البرنس... واني كومان
نور... كده كده اصلا انا واحده واثقه في نفسي وان مفيش عروس واحده تنفعك غيري انا عروسه البرنس وبس
البرنس واخدها بين درعاته ... انتي عروس برنس الصعيد الي ما الهاش تاني.
لقراءة باقي الفصول اضغط على : ( رواية عروس برنس الصعيد )