رواية كريمة يونس الحلقة الأولى 1 بقلم كريمة حمادة
رواية كريمة يونس الجزء الأول 1 بقلم كريمة حمادة
رواية كريمة يونس البارت الأول 1 بقلم كريمة حمادة
 |
| رواية كريمة يونس الفصل الأول 1 بقلم كريمة حمادة |
رواية كريمة يونس الفصل الأول 1 بقلم كريمة حمادة
..فى عربية ماشية على الطريق وفيها ناس بتغنى اغانى افراح..
:عند بيت ام فاروق
/هاى هاى
:والشجرة طرحت برقوق
/هاى هاى
:واللى بحبه طلع مجن.ون يا ملاسة لاسة نايلو لولولولولولىلى
_بت يا كريمة عايزين اول ما ندخل بيت العروسة نزغرد كتير ماشى
كريمة:طب عليا النعمة اللى هتقولى زغردى ولا ارقصى هنكد عليكم الله
خالتها ام العريس: وه عاد اومال احنا واخدينك ليه ياختى
كريمة:اللاه ايه الكسفة دى يا خالتى واخدانى خطوبة ابنك عشان كدا مكانش العشم يا سامية
اسماء بضحك:احسن احسن
كريمة:يارب الاقى عريس عشان اخلص منكم
وفى نفس الوقت فى بيت العروسة فى اوضة كبيرة وواسعة كدا واقف شاب ومامته بتكلمه
:يابنى ريح قلبى وقول تمام البت حلوة ومؤدبة وبت خالة العريس كمان
/امى لو سمحتى انا مبحبش الطريقة دى ويمكن هى عجباكى لكن أنا يمكن متعجبنيش
:يا يونس يابنى اسمعنى بس
يونس:يا امى ارجوكى انتى تفهمينى .....يلا عشان الناس زمانهم وصلو
/طيب يابنى زى ما تحب بس أنا متأكدة اول ما تشوفها هتقولى انت بنفسك عليها
يونس بقلة حيلة:اتفضلى يا امى اتفضلى
_______________''''
كريمة بانبهار:شايفة يابت يا اسماء البيت جماله ازاى ماشاءالله
اسماء:عندك حق بس بيت ايه دا قصر يابت
كريمة:بس تصدقى البيت دا مش غريب عليا حاسة انى شوفته قبل كدا. ولفت حواليها وبعدين صرخت بضحك خلى اسماء رجعت لورا
كريمة بصراخ:اللاه خالتك ضحكت علينا يابت ههههههههه
اسماء بخضة:منك لله خضتينى...ضحكت علينا ازاى يعنى
كريمة بضحك:البيت دا بشوفه على الطريق وانا رايحة الجامعة. يعنى اصلا احنا لسة فى البلد مش فى قنا زى ما خالتك فهمتنا هههههههه اباى عليكى يا سامية هههه
اسماء:وانا اقول الطريق قصير ليه طب يلا ندخل عشان دخلو من بدرى. وهتزغردى يا كريمة فاهمة
كريمة:دا عند ام ترتر
... لولولولولولىلى
اسماء بضحك:يعجبنى فيكى الثبات على الرأى
كريمة بنرفزة:اخرسى يابت عارفة لو مكنتيش درتينى ورا الباب وكان حد شافنى كنت قتل.تك وقعدو جنب خالتهم وجماعتهم
/يا اهلا يا اهلا نورتونا والله هاتى الساقع يابت يا صفية
كريمة بهمس لاسماء:عندهم شغالة يا حسرة علينا
اسماء بنفس الهمس:فكرينى انكد على احمد واخليه يجبلى شغالة برضو
/ازيك يا كريمة يا حبيبتى عاملة ايه
كريمة:ازى حضرتك يا طنط اخبارك ايه
/بخير يا حبيبتى بخير.
اسماء:طب والله الست دى مغشوشة فيكى دى لو شافتك انتى وبتجعرى فى بيتكم هتتجلط
كريمة بغرور:حبيبتى كل الناس بتحبنى خليكى فى حالك انتى بس ...بس تفتكرى هى مالها كل ما تشوفنى تسلم عليا كدا وكمان اخدت رقمى من خالتى وبتكلمنى
اسماء:معروفة يابت خالتى عريس إن شاءالله الف الف مبروووك
كريمة حضنتها وقالتلها:الله يبارك فيكى يا حبيبتى وقعدو يضحكوا
بدأت المعازيم تيجى والعروسة كمان وكانت خطوبة معزولة الرجالة فى مكان والستات فى مكان.
عيلة العريس كانو على طرابيزة كبيرة لوحدهم وجنب بعض كلهم لأن المكان واسع جدا كان شبه المزرعة كدا..
كريمة كانت بتاكل جاتوه وبتشرب كولا واسماء تصورها
اسماء:يابت كلى براحة يخربيت الفضايح
كريمة وهى ماسكة الجاتوه بايدها وسايبة الشوكة وبتااكل فيها:بلا براحة بلا بتاع. طعمها حلو اوى بس خلى بالك لو حد دخل قوليلى عشان اكل بالشوكة
وفى نفس الوقت دخل يونس وشاور لمامته وكريمة شافته وتنحت كدا
كريمة فى نفسها:استغفر الله العظيم يارب ونزلت عينها لتحت ومسحت أيدها بالمنديل
أما يونس فخد باله منها من اول ما دخل وابتسم عليها بس مش بينلها
خلصت الخطوبة وكانو بيسلمو على بعض وماشيين
كريمة تلفونها رن وطلعت تتكلم برة ومخدتش بالها من الكلب اللى جاى عليها واول ما شافته جريت على جوة وخبطت فى حد ووقعت والكلب جيه تحت رجلها
كريمة بخوف:هش هش امشى امشى
/هش هش؟دا كلب مش فرخة
كريمة بصت لفوق ولقيته يونس وقامت ورجعت لورا:لو سمحت ابعد الكلب دا
يونس مسك الكلب وبعده
كريمة بدموع:شكرا. عن اذنك
يونس باستغراب:انتى بتعيطى؟
كريمة مسحت دموعها و:لا لا مبعيطش انا بس...وانت مالك اصلا اعيط ولا معيطش
يونس رفع حاجبه باستغراب ومردش عليها.
كريمة دخلت لجوا وشافتها اسماء
اسماء:مالك يابت وليه فستانك فيه تراب كدا
كريمة بخنقة:مفيش وقعت برة بس وبتبص من الناحية التانية لقيت يونس داخل. ووقف جنب الرجالة
_________________&&
عدى كم يوم وكريمة نسيت الموقف دا وهى عيطت عشان اتكسفت لما وقعت ويونس شافها. بس نسيت ومحطتش فى بالها
كريمة:يما افهمى عريس ايه بس دلوقتى أنا قولت مش دلوقتي هتجوز بقى
والدتها:جواز ايه يابت هى ادوبك قعدة واتفاق وخطوبة وبعدين الجواز
كريمة وهى بتاكل خيارة وربعت رجلها وقعدت على الكنبة:ياااااختى يا ولية افهمى بقى
والدتها رمت عليها الشبشب و:ولية. يا خسارة تربيتى فيكى
كريمة بوجع:اه ايه يما الغشامة دى الله. وبعدين مين عريس الغفلة دا يعنى
والدتها:مفاجأة يا عيون امك
كريمة وهى بتغمض عينها بغموض كدا:مفاجأة؟يكونشى هتجوزنى لتوم كروز. وبعدين ضحكت وقالت بهيااام:ياااااه توم كروز
______________________&&
وفى يوم المقابلة وبعد السلامات دخلت كريمة وهى شايلة صينية العصير وحطتها وقعدت. والجملة الشهيرة اتقالت. يلا نسيبهم مع بعض
كريمة وهى باصة على الأرض:السجادة دى فيها حاجة غريبة النهاردة
/اه فعلا حتى انا بقول كدا
كريمة رفعت وشها ليه واتصدمت لما لقيته يونس:انت؟
يونس بابتسامة مستفزة:انا
كريمة بنفس الابتسامة:شرفت
يونس:بدون مقدمات كتير انا جاى هنا عشان خاطر امى يعنى انتى لا تهمينى اصلا ولا جايلك بمزاجى
كريمة زعلت وحست كرامتها اتهانت وقالتله بغيظ:وهو انت صغير عشان الماما تمشى كلامها عليك ولا ايه
يونس قرب وشه ليها وقالها بهمس:أصله قولت وماله أما اشوفها ونجرب يمكن بعدين تعجبنى واوافق عليكى وبعد وشه تانى
كريمة بغضب:ليه هو انا لعبة ولا ايه. وانا مسمحلكش اصلا تلعب بيا كدا ومش هوافق واتفضل بقى يلا طرقنا من هنا
يونس:لا ماهو انتى هتوافقى يا كرملة
كريمة:متقوليش كرملة وانا مش مجبرة اوافق عليك اصلا
يونس بخبث:طب حلو كدا هضطر بقى استخدم سلاحى دا وخرج سلا.حه من جيبه
كريمة بضحك:ههههههههاى هتخوفنى بدا
يونس:ومتخافيش ليه يا كرملة. ممكن اقت.لك بيه دلوقتى
كريمة بنفس طريقته الخبيثة:طب تمام اسمعنى ياللى مش عارفه اسمك لغاية دلوقتى
يونس:يونس أسمى يونس
كريمة قلبها دق اوى بس اتمالكت نفسها وكملت:طيب يا استاذ يونس اسمعنى انا هوافق بس مش عشان مسدسك دا لا ابدا انا هوافق عشان خاطر والدتك لأنها بتحبنى وانا بحبها ونلعب اللعبة دى لمدة سنة لغاية فرح اختك وابن خالتى تمام يوم الفرح هنقرر بقى نكمل ولا لا
يونس:حلو وانا موافق مع انى واثق مش هنكمل شهر اصلا
كريمة:يارب حتى منكملش اسبوع بس فى المدة دى هنلتزم بشوية قواعد واظن هتعجبك اوى
يونس:واللى هى ايه
كريمة:ضوابط الخطوبة. اهو جاتلك على طبق من دهب وحاجة كمان ملكش دعوة بيا يعنى لو كنا متجمعين ولقتنى بهزر مع ابن خالى أبن خالتى ملكش دعوة
يونس:شايفة المسد..س دا
كريمة:ماله
يونس:اول ما الاقيكى بتضحكى مع حد هفجره فيكى. انا مش سوسن يا ماما
كريمة بضحك:ههههه خلاص يا سوسن ههه قصدى يا يونس متزعلش
يونس كان هيتعصب ويزعق بس سكت وجز على سنانه وقال:مبهزرش على فكرة انتى متعرفنيش كويس
كريمة:مش عايزة اعرفك وضحكت ضحكة سمجة كدا
ولسة يونس هيرد دخلو اهاليهم وعرفو أنهم موافقين على بعض وحددوا موعد الخطوبة امتى
يونس وهو ماشى وقف جنب كريمة وهمسلها بحاجة ووشها حمر واتعصبت:يا....ولا بلاش اخد ذنب بسببك
يونس ضحك عليها وغمزلها ومشى
كريمة دخلت اوضتها وكانت متعصبة من اللى قالو
:انا يقولى كدا. قال ايه انا كريمة الكاتبة الشيك اللى بيحلفو بشياكتى فى الجامعة يقولى متلبسيش كدا تانى زوقك بلدى. يا واااااطى يا توووور طيب أما وري.تك يا يونس وخليتك تن.دم على كلامك دا دانا هط.لع روحك
يتبع...
لقراءة الفصل الثاني اضغط على : ( رواية كريمة يونس الفصل الثاني )
لقراءة باقي الفصول اضغط على : ( رواية كريمة يونس )