رواية زوج للايجار الحلقة الثانية والعشرون 22 بقلم أميرة محمد
رواية زوج للايجار الجزء الثاني والعشرون 22 بقلم أميرة محمد
رواية زوج للايجار البارت الثاني والعشرون 22 بقلم أميرة محمد
 |
| رواية زوج للايجار الفصل الثاني والعشرون 22 بقلم أميرة محمد |
رواية زوج للايجار الفصل الثاني والعشرون 22 بقلم أميرة محمد
لا يعلم كم مر من الوقت وهو ينظر لذلك الفراغ وهو لا يصدق ما سمعه يريد أن يتحرك ليذهب له سريعا ولكن هناك شيئا داخله يمنعه ماذا لو حدث ماذا لو كانت هناك ومعه تحديدا كيف سيتقبل الوضع هو يعلم انه مجرد فتره مؤقته في حياتها مقابل مبلغ من المال ولكن لا يستطيع تصور خيانتها له ان سميت خيانه
الياس بتجهم وهو ينظر حوله بلا وعي : قبلت ابقي واحد مأجراه بس مقبلتش ابقي كيس جوافه عندك تعملي اللي تعمليه وتلزقيه فقفايا وربي يا نايا لو كنتي هناك ومعاه محد هيرحمك مني
ليمسك مفتاح السياره وهو ينطلق بأقصي سرعه لذلك الفندق حسب العنوان المرسل له وهو يكاد لا يري امامه ليصل بعد فتره بقوه ليكاد صوت احتكاك السياره بالأرض يصم الآخرين
ليخرج وهو يذهب سريعا ويكاد الشرر يخرج من عينيه وهو يتقدم لتلك الغرفه لينظر لها لثواني ثم يدق الباب بعنف شديد وهو ينتظر خروج احدهم ليخرج ....
الياس بصدمه : عاصم يعني انت اللي كلمتني صح ليبتسم الاخر بخبث وهو يبتعد عن الباب : مش تدخل الاول ولا اي دي حتي عيبه فحقي اسيبك واقف بره
ليمسك الاخر بثيابه بعصبيه وهو يلكمه بعنف : يحيوان انت كذبت عليا صح نايا مستحيل تكون عندك انت بالذات وهي بتكرهك كره العمي
عاصم وهو يمسح جانب فمه بابتسامه تسليه : وتفسر معرفتي بكل اللي حصل اي مفيش غيركوا وصحابها يعرف ده حتي اهلها ميعرفوش ومعلش انا عاذرك برده صدمه مش متوقعه صح بس هتفهم كل حاجه لو قعدت وسمعتني
لينظر له الياس بتشتت وهو يجلس بعصبيه : عارف لو كنت بتكذب عليا هعمل فيك اي ثم فين نايا مش علي اساس هي عندك
ليجلس الاخر وهو يضع قدم علي اخري بلا مبالاه وينظر نظرات ثاقبه لالياس وهو يقول : قلت هتيجي بعدك بشويه حبيت نتكلم قبل ما تتأكد بنفسك وتعرف كل حاجه
الياس بسخريه : لا يشيخ واشمعنا انا اللي قررت تقولي واشمعنا دلوقتي اصلا ليبتسم الاخر بثقه وهو يقول : عشان انت بالاسم جوزها ويعني صعبت عليا تبقي مجرد اريل ومراتك مش معرفاك حاجه عن عمايلها حتي لو جواز علي الورق
لينهض الياس وهو يمسك به بعصبيه لينطق بشرار : كلمه كمان عن مراتي وهقلع عينك ولسانك من مكانهم انت فاهم
ليرفع عاصم يديه كعلامه استسلام وهو يقول بسخريه : طول منت عصبي كده مش هنعرف نتفاهم تقدر تقولي انا عرفت منين انك مش جوزها حقيقي او ان جوازكوا علي ورق ولا اقولك الكبيره ان اصلا كل اللي حصل كان عشاني ونايا كانت عايزه تخليني اغير عليها فا خدتك كوبري
لينظر له الياس بصدمه وعدم استيعاب ليكمل الاخر وهو ينظر له بخبث : طبعا مظنش نايا حكتلك السبب اللي يخليها تأجر واحد وتتجوزه بالسرعه دي اشترت بيت كبير عربيه اخر موديل عملتلك اسم فايام صغيره وشهره كبيره عشان الناس تصدق وخاصا أهلها والجيم اللي سجلته بأسمك مش شايفها افوره لواحده سببها تافه
لينظر له الياس بتفكير وعدم وعي ليكمل الاخر وهو يجلس بهدوء: هقولك انا ونايا من صغرنا بنحب بعض او عشان نقول الحقيقه نايا كانت مهووسه بيا بتعشقني لدرجه بتلاحقني فكل مكان بروحه لغايه لما كبرنا كنت معجب بيها في الأول بس لما بدأت هي تدمر من نفسها وشكلها بعدت
لينظر له وهو يلاحظ تعابير وجهه : بعدت عشان عدم الثقه خنقتني حاولت كتير معاها بس هي مشافتش ده ولما اتعصبت منها كنت بدات احب صاحبتها واتخطبنا نايا لما عرفت خلت القيامه تقوم اتعصبت وكسرت وبهدلت الدنيا جت الخطوبه وهددتني اني ليها وبس ومهما عملت هرجعلها
ليقف وهو يرفع كتفه ببرود : اتجاهلت ده لاني عارف انها مجروحه حلفت تعرفني وانها هتتجوز فخلال شهر واحد وقبلي حتي مصدقتهاش وعدت الايام نايا حاولت تنتقم مني وملقتش احسن من انها تسحب الشركه من ايدي بأنها تتجوز غيري فوصيه جدي اللي بتقول ان لو اتجوزنا نص الاملاك تبقي بأسمي مش هتتنفذ
ليكمل وهو يبتسم بسخريه : وعملتها عشان كده نزلت خبر جوازكوا فكل الصحف والمجلات يعني خدت كوبري توصلي بيك فكرت اني هغير عليها واجري لما اعرف انها هتتجوز غيري ولما لقت نفسها غلطانه بعد جوازكوا رجعتلي تاني
الياس بعصبيه : مستحيل كل ده كذب نايا مستحيل تخوني حتي لو جوازنا كان مجرد لعبه
عاصم بخبث : ومستغرب ليه مظنش فيوم نايا قالت بتحبك ومن تعابير وشك عمرها مقالتلك السبب حتي اللي خلاها تعمل كده كانت هتقولك اي اصل حبيبي القديم كانت هيتجوز غيري فجبتك كوبري عشان اوصله واخليه يغير ويرجعلي جري
ليبتلع الاخر ريقه بصعوبه وهو يشعر بثقه الاخر بحديثه ليكمل الاخر وهو ينظر له : نايا جتلي وقالتلي مستعده تعمل اي حاجه عشاني بعتت كتير ليا عشان ارد عليها لدرجه ضربت كل صفقاتي عشان تأجل فرحي من نرمين وفعلا اتأجل
الياس بصعوبه : واي الضمان علي كلامك نايا مكانتش بتخرج كتير ولو خرجت مع صحابها ومظنش الفتره اللي فاتت كنت بسيبها او فاضيين
عاصم بخبث : طب واللي يقولك انتو كنتوا فين الفتره اللي فاتت لينظر له الاخر بتوهان ليكمل الاخر : نايا رنت عليا ولما معرفتش تتقربلي وقلتلها المفروض تكوني مع جوزك دلوقتي وفشهر العسل قالتلي حاجه متوقعتهاش
لينظر له الياس سريعا ليكمل الاخر بهدوء: قالتلي انكوا مسافرتوش وانكوا قاعدين فبيت اهلك فتره حتي فمره قلتلها عايز اقابلها بس هي قالتلي ان كتب كتاب اختك علي صاحبك تقريبا اسمه حسام صح كان شغال فهي مش هتعرف
الياس بعصبيه : انت كذاب مستحيل لينظر له عاصم بهدوء وهو يقول : وانا هعرف كل ده منين شغل مخك مين يقدر يقولي كل ده غير نايا طب اقولك الكبيره اليومين اللي قضيتوهم في البلد عند عمك مين قالي عليهم غير نايا والوحيده اللي تقدر تتواصل معايا
لينظر له الياس بصدمه وهو يستوعب الان حديثه من أين علم كل هذا يستحيل ان يعلم أن لم يكن شخص مقربا منهم ومن يعلم عاصم الا نايا
عاصم : اممم شكلك لسه مش مصدق طب استني اسمع ده يمكن تصدق كلامي
ليقرب الهاتف منه ويضغط علي شئ لينطلق صوت نايا وهي تبكي بشده : عاصم ابوس ايدك اسمعني بلاش تسيبني انا بحبك ومقدرش اعيش من غيرك هغير نفسي هخس عشانك وهعمل اللي تحبه بس عشان خاطري بلاش تبعد عني انا اموت من غيرك مستحيل اقبل بحد تاني غيرك انا مستعده أعمل اي حاجه عشانك ايا يكن
ليغلق الهاتف سريعا وهو يمثل ملامح الزعل : كانت بتترجاني مسيبهاش بعد مقولتلها انها اتجوزت ولازم نبعد عن بعض لاني حاسس بالقرف وهي معاك بس بتخونك معايا انا
لتدمع أعين الياس بشده وذلك جعل الاخر سعيد بأن خطته نجحت وبشده : ولو مش مصدق فأنا كأحتمال اخير قلتلها تيجي نتقابل في الفندق وقلتلها تستناني تحت وهي عامله حسابها تطلع معايا بعد منزل اخدها بنفسي
الياس بصوت خافت : وبتقولي كل الكلام ده ليه دلوقتي مش هي حبيبتك والمفروض تتقابلوا انا مالي وليه تفضحها قدامي
عاصم وهو يمثل الحزن : لاني مبحبش الخيانه واللي نايا بتعمله فيك مقرف وانا مقبلش اكون مكانك نايم علي وداني ومراتي دايره مع حبيبها القديم انا قلتلها بس نتقابل ففندق عشان تصدق ان علاقتنا كانت واخده منحني تاني وهي قبلاه
ليستمع لصوت رساله علي هاتفه ليقترب وهو يضع يده علي كتف الياس : شد حيلك كان لازم اعرفك الحقيقه محبتش اسيبك علي عماك انا همشي دلوقتي وانت تقدر تنزل هتلاقيها تحت مستنياني انا مش هحب ادخل بين شخص ومراته انا حاجز الدور اللي تحت كله علي اساس نبقي لوحدنا هتلاقيها هناك
لينظر نظره اخيره عليه وهو يبتسم بخبث ليخرج بعدها وهو يرتدي نظارته الشمسيه ويشكر شروق في داخله لولاها لما استطاع إثبات كل ذلك
____________________
يالله هل وصلت بها لتلك الدرجه الخيانه ماذا فعل معها لتهينه بهذا الشكل هل إذا وافق علي المال يكون شخص بلا كرامه تصل بها الدرجه لخيانته مع حبيبها القديم وهو كالاعمي التلك الدرجه كانت دنيئه لم يشعر بها
لينهض الاخر وهو يشعر انه جسد بلا روح وهو يخطو الي الاسفل ويدعوا الله الا يراها لا يوجد حتي ذره امل بداخله ولكنه يدعوا ان لا يخيب ظنه بها لاخر مره
ليصل عند الباب وهو يفتحه بأيد مرتعشه لتسقط بجانبه سريعا بخيبه امل حينما وجدها تقف وتعطيه ظهرها ليتقدم منها بأرجل مرتعشه لتلتفت الاخري بصدمه
نايا بتوتر وصدمه : الياس اي اللي جابك دلوقتي ليتقدم الاخر منها بلا روح وهو ينظر لها بحقد ليصفعها بشده تحت صدمه الاخري
نايا بصدمه وهي تضع يديها علي خدها : الياس اي اللي عملته ده ازاي تمد ايدك عليا
الياس بفراغ وهو ينظر لها من اعلي لاسفل: ياااه بجد ازاي مشوفتش انك انسانه وسخه للدرجادي شكلك البرئ خدعني وقلت مستحيل تعملها مستحيل تخوني وهي علي ذمتي علي الاقل حتي لو تمثيل صدقتك وكذبت نفسي واحساسي بس شوفي القدر كشفك قدامي
نايا بحيره : انت بتقول اي انت اتجننت خيانه اي اللي بتقول عنها لينظر لها الياس وهو يقول بهدوء: تنكري انك كنتي بتحبي عاصم وكنتي معاه
نايا بصدمه : انت عرفت منين الكلام ده ليبتسم الاخر بسخريه وقد تأكد شكه هو علي حق : يعني كنتي وخداني كوبري صح وخداني كوبري عشان توصلي للأستاذ وانا الغبي اللي صدقتك وبدأت احبك ونسيت كل اللي بينا
نايا بعدم استيعاب : انت بتقول اي انت اتجننت اي الكلام الفارغ ده
الياس بعصبيه وهو يمسك بذراعها بقسوه: ايوه اتجننت ولأول مره اشوفك علي حقيقتك انسانه حقيره تنكري انك اتجوزتيني عشان تنتقمي منه انطقي
نايا بألم : لا بس ... ليقاطعها الاخر بعصبيه اكثر : تنكري انك عشان تأذيه نشتري خبر جوازنا وخسرتيه ثروه جدك اللي كتب فوصيته نص املاكه ليه لو اتجوزتيه
نايا بصدمه وهي تنظر له : لا بس .. ليكمل الاخر بقوه : تنكري انك اترجيتيه عشان ميسبكيش واتذللتيله وانك كنتي بتحبيه ومستعده تعملي اي حاجه عشانه
نايا بتوتر : ايوه كل ده حصل بس الياس اسمعني ليمسك الاخر بها بقسوه اكبر وهو يقول بعصبيه : اسمع اي انك واحده خاينه بتقابليه من ورايا وجيتي النهارده الفندق عشان تشوفيه بتخونيني انا معاه اي للدرجادي انتي واحده وسخه
نايا بصدمه : انت بتقول اي الياس ليكمل الاخر وهو يتغاضي عن صدمتها : انا بدأت احبك كنت بحارب الشعور جوايا عشان مجرحكيش خايف من رفضك ليا حاربت حتي نفسي اللي فكرتك تبصلك ببصه مختلفه كنت خايف عليكي خايف مقدرش اسعدك ولا اكون الزوج المناسب ليكي كان عندي امل انك تستاهلي حد احسن مني
ليكمل وهو ينظر لها بكره: مكنتش اعرف انك رخيصه حتي متستاهليش حد يبصلك ولا يقف جمبك استغلتيني خلتيني احس انك شرياني بفلوسك ومع ذلك كنت بحاول اتغاضي بس شوفي القدر طلعت في الاخر كوبري
ليضحك بشده وهو يقول : طلعت كوبري الهانم بتستخدمه عشان توصل لحبيبها القديم عشان تغيظه ويرجعلها طلعت بفكر فيها وهي مقضياها معاه وعماله تخوني وانا زي الطور قاعد مش حاسس والهانم مركبالي قرون وجايه تقابله ففندق والله اعلم اي اللي كان بيحصل بينهم
ليشعر بأحد يمسك يده سريعا وهو يديره للخلف ليشعر بصفعه كادت تصم اذانه : اخرس يا حيوان ده لا عاش ولا كان اللي يقول عليها كده نايا اشرف منك وأشرف من اي وسخ يتكلم عليها كلمه زي دي
لينظر الياس بصدمه لنونيا التي تنظر له بحقد واعين حمراء ليخرج الجميع وهو ينظرون له بصدمه فقد كانوا مختبئين حتي يفاجئوه في عيد ميلاده
نونيا بصراخ : ازاي تقدر تقول عليها كده وهي اللي بقالها اسبوع مش بتنام عشان تفكر فحاجه مناسبه ليك وهتعمل اي فعيد ميلادك عارف سهرت ازاي وهي بتفكر تعمل اي يفرحك عارف سالت كام واحد نفسك فأي عشان تحضره ولا تعبت في التجهيز ازاي
نايا بخفوت : اسكتي يا نونيا لتكمل الاخري بعصبيه وصراخ وهي تقول : عارف قعدت تجهز بأمال وطموح تفاجاك وتعترفلك بحبها فجو شاعري بعد متعزم الكل وتفاجأك حجزت الدور الاخير كله في الفندق عشان تجهزه بس لعيد ميلادك جمعت الكل عشانك بس
نايا بدموع : كفايه يا نونيا اسكتي بقي لتنظر لها نونيا بعصبيه : لا مش هسكت مش المرادي انا سكت كتير واحد حقير زي ده ميستاهلش اللي بتعمليه عشانه انت اوطي ان حد يبصلك بس عارف هستني اي من واحد قبل يبيع نفسه بالفلوس وجاي دلوقتي تعاتبها هي
شادي بعصبيه : نونيا اخرسي كفايه لغايه كده سمعنا كتير
تالي بعصبيه وحقد : فعلا سمعنا كتير ومش هنسمع اكتر ازاي بجد مشوفناش اللي جواكوا من اول يوم بعد كل اللي سمعته وقاله عليها جاي تزعقلها عشان بتقول الحق هي قالت اي غير الحقيقه انه واحد رخيص باع نفسه وقبل بجواز مقابل فلوس وجاي يتهمها بالخيانه وهي بتحاول تسعده من قلبها
مؤمن وهو يمسك بها بعصبيه : اخرسي الياس غلط بس ده ميديكيش الحق تغلطي فيه انتي فاهمه مهما كان اللي حصل فأكيد سوء تفاهم مش اكتر
نونيا بعصبيه : سوء اي يا حبيبي السوء الوحيد اللي موجود انكوا دخلتوا حياتنا من يوم مدخلت حياتها وهي مشافتش يوم هنا اهانه وزل بكلامك وتجريح وهي قابله ومع ذلك الغبيه حبتك هي فعلا واحده خاينه عشان قبلت بواحد زيك معندوش كرامه
شادي وهو يرفع يده سريعا أمام وجهها : نونيا اخرسي لتنظر له الاخري بعدم تصديق وهي تضحك بسخريه : مستني اي يا شادي اضرب ما كلكوا نسخه واحده هو ضربها وانت هتضربني مفرقتوش عن بعض فحاجه
لينظر شادي بتوتر لنونيا وهو يغمض عينيه بعصبيه وينظر لالياس الصامت لا يستوعب ما حدث ليقترب منه وهو يلكمه بشده : لاول مره تخليني اندم اني بدافع عنك لاول مره اقرف من كلامك بجد
لينظر له الياس بعدم وعي وهو لا يستوعب ما يحدث هو اتي ليمسك بها متلبسه بخيانتها ماذا حدث لاول مره ينتبه لزخرفه القاعه حوله تلك البلالين والشموع والإضاءة الجميع ينظرون له بصدمه وهم موجودين نظرات الاستحقار بأعينهم
ليبتلع ريقه وهو يقول : نايا انا ... لتنظر له الاخري بأعين ثابته حمراء وهي تقترب منه
لتحمل هديه بجانبها وتتقدم منه وهي تبتسم له : كل سنه وانت طيب اتمنالك حياه سعيده والسنه الجايه تكون سعيد بعيد عن الخاينين حبيت افاجئك واجبلك هديه بس انت فاجأتني بهديه عمري مهنساها فحياتي
لتخرج بهدوء وكأن تلك العاصفه لم تحدث بالداخل ليغمض الاخر اعينه بتعب وهو لا يستوعب ما حدث لل يعي حتي نظرات الجميع له
نونيا بحقد : اتمني تعيش ضعف الوجع يا الياس لدرجه متلاقيش حد جمبك يهون عليك وتاخد بدل القلم عشره ومتلاقيش اللي يطبطب علي كتفك
لتنهي حديثها وهي تنظر لشادي بخيبه امل لتمسك بيد تالي التي تبكي بشده وهي تقول : يلا يا تالي معدش في مكان لينا بين الناس دي
لتخرج سريعا وهي تسحبها ويتقدم مؤمن وهو ينظر لالياس بعصبيه : كنت مفكرك العاقل الوحيد فينا انت اللي دايما بتشغل عقلك وتحكمه ازاي قدرت تعمل كده لولا شفت بعيني محاولاتها المستميته عشان تسعدك مكنتش فكرت انك تغلط خساره يصاحبي المرادي قضيت علي حياه ناس كتير مش حياتك لوحدك
ليغمض الاخر عينيه بألم لتقترب منه روجينا ببكاء وهي تجلس امامه : مكنتش متوقعه اللي حصل ولا فاهمه اتفاق اي بتتكلم عنه بس اللي عملته غلط يا الياس غلط كبير اوي انا مش بحب نايا بس اللي انت عملته كسر كل اللي هي بتحاول تبنيه كانت بتشاركني عن أفكارها مع اني مكنتش بحبها كانت طايره من الفرحه مع انها خايفه تصارحك لاول مره احس بيها وبخوفها والظاهر كان معاها حق
لتنظر له بخيبه امل وهي تبتعد ليلحق بها حسام بعدما القي نظرات بارده علي الياس
ليقترب شادي من الياس وهو يقول بهدوء: باللي عملته دمرت علاقتك بيها ودمرتها وللأسف دمرت حياتي انا ومؤمن مظنش بقي ينفع نقرب من حد انت كسرته ياريتك ما اتسرعت يا الياس
ليخرج الجميع وهم ينظرون له بعصبيه ليجلس الاخر وهو ينظر لتلك التجهيزات بصمت مريب ليفتح تلك الهديه التي أعطته نايا اياها ليجد بلوره بداخلها فتاه سمينه ورجل بجانبها بعضلات تدور وهي تعطي موسيقي مختلفه واضاءه ساحره ويمسك بتلك الورقه المصاحبة لها وهو يقرأ ما بها
( مكنتش عارفه اجبلك اي محبتش اجيب حاجه مأفوره عشان متحسش زي العاده اني بزلك حبيت اجيب حاجه تعبر عننا وبما اني بحب البلوره وبحسها رمز للحب طلبت صنع خاص للمجسمات جواها عشان تبقي هديه مناسبه تعبر عننا معرفش هتقبلني ولالا لما اعترف بحبي ليك بس عايزاك تتأكد اني بعشقك يا الياس ومحبتش ولا هحب غيرك حتي لو رفضتني مش هبطل احبك مع حبي نايا )
لينظر الاخر لتلك البلوره بدون تعابير وهي تدور وتدور وكأنه لا يعي ما يحدث حوله كل ما يفكر به هو نظراتها الخائبه به وكأنه كسر شيئا بها لن يعود مجددا
_______________
لا تعلم كيف وصلت الي هنا كل ما تعلمه انها استفاقت وجددت قدمها اتت بها لذلك القصر لتدخل وهي تجر اذيال خيبتها خلفها يتردد حديثه بداخل اذانها وكأنها صمت لا تسمع لغيره لتري الجميع ينظر لها بهدوء مريب وهي تتقدم بلا وعي
تمارا وهي تركض لها بخوف : برن عليكي من الصبح انتي فين اي اللي رجعك مشوفتيش فونك ليه
لتنظر لها نايا بجهل كأنها تقول احدي الطلاسم لا تستوعب ما تقوله لتكمل الاخري بخوف : اي رجعك يا نايا مش وقته ابدا مش وقته
كادت تفتح فمها لتسألها ولكن سمعت صوت يزن الساخر وهو يقول: يا اهلا بمدام نايا طولتي والله شكل الحفله طولت طب مش كنتي تعزمينا معاكي
لتنظر له نايا بتشتت ليكمل الاخر وهو يقترب منها بتوعد: مش كنتي تقوليلنا نحضر حفله عيد ميلاد جوزك الياس باشا ولا عفوا استني خليني اقول جوزك اللي مأجراه يقضي مهمه كذا شهر مقابل مبلغ مش كده
لتنظر له نايا بصدمه من حديثه وهي توجه انظارها لتمارا التي تبتلع ريقها بتوتر وكأن تلك العاصفه قررت أن تصبح دوامه تسحب الجميع بها بلا رحمه
يتبع....
لقراءة الفصل الثالث والعشرون اضغط على : ( رواية زوج للايجار الفصل الثالث والعشرون )
لقراءة باقي الفصول اضغط على : ( رواية زوج للايجار )