رواية زوج للايجار الفصل الخامس والعشرون 25 بقلم أميرة محمد

رواية زوج للايجار الحلقة الخامسة والعشرون 25 بقلم أميرة محمد

رواية زوج للايجار الجزء الخامس والعشرون 25 بقلم أميرة محمد

رواية زوج للايجار البارت الخامس والعشرون 25 بقلم أميرة محمد

رواية زوج للايجار الفصل الخامس والعشرون 25 بقلم أميرة محمد

رواية زوج للايجار الفصل الخامس والعشرون 25 بقلم أميرة محمد

:عددددييي يا حيواااان تعااالي خد رعد عنيييي قربت اتهبل منكووووا 

ليأتي الاخر وهو يضع سماعاته ببرود لينظر للجالس ارضا وهو يضحك ببراءه وينثر حوله الطحين في كل مكان لتكون كالحرب الطاحنه 

ليمسك به الاخر من ثيابه وهو يرفعه : بقي يا حته خرتيت صغير مش باينله ملامح من يوم متولدت علمت عليا انا قربت اتشل اللي بعمله في الناس من يوم متولدت بتعمله فيا 

ليقهقه الاخر علي حديثه كأنه يتغزل به ليزفر عدي بضيق وهو يقول : وحياتك يا تمارا لو ندتيني تاني لهاجي اخده وارميه من الشباك عشان انا طهقت منك انتي وابنك مش انتي تخلفي وانا اتقرف 

لتخرج الاخري من المطبخ وهي تمسك بالمعلقه لينظر الاخر لها بتقزز من اعلي شعرها المفكوك بأهمال حتي ثيابها الواسعه غير متناسقه ورائحه الطعام تفوح منها حتي ذلك الأرنب الذي ترتديه في قدمها ليعطيها هيئه مدمره 

تمارا بصراخ : كل حاجه علي سي زفته انتو اي انت وابوك انا قرفت منكوا دي مش عيشه 

عدي بتقزز : وحياتك اول مره تقولي حاجه صح دي مش عيشه وحياتك لولا انك امي كنت مشيت إجراءات الطلاق بنفسي اي المنظر المقرف ده 

تمارا وهي تنظر لنفسها بأستغراب : مالي منا زي الفل اهه هو انا عندي ميت ايد ولا ميت رجل اطبخ ولا اخد بالي من اخوك ولا اعمل اي 

عدي بضيق: لا خليكي بريحه البصل والتوم لما ييجي جوزك يتف فوشك اتاريه يكبد امه معدش بيقعد في البيت اصلا يدوب ييجي بليل علي النوم ويمشي 

لتتنهد الاخري بحزن وهي تقول : هو كده بقاله تلات سنين من يوم ما نايا مشيت وهو حاسس بالذنب مش راضي يدخل البيت غير علي النوم مش عارفه ناويه ترجع امتي وكأنها بتأجل حاجه مسيرها تحصل 

ليرفع الاخر كتفيه بلا مبالاه وهو يقول : عادي هي معاها حق انتي ناسيه ان كل مره بيقولها تنزل عشان الطلاق وهي بترفض كأنها خايفه تتطلق فأكيد هتفضل هناك خاصا ان هي كبرت الشركه وبقي ليها اسم مش هتسيب كل ده وترجع 

لتنظر له الاخري بحزن وهي تومئ له : معاك حق قدرت تعمل لنفسها اسم مستقل عنهم كأنها بتنتقم من نفسها اشتغلت ٢٤ ساعه عشان تقدر تنسي 

عدي وهو يمسك برعد: فكك من ذكرياتك دلوقتي وقومي شوفي عفريتك الصغير ده انا مش ناقص قرف مخلفتوش ونسيته مش انتي تخلفي وانا اتلبس فيه وشوفي حاجه فخلقتك اعمليها وسيبي الطبخ للخدم محدش طلب منك تعملي اللي مفيش منها 

لتنظر الاخري لنفسها في المرأه الخارجيه وهي تقول بضيق : يعع اي القرف ده الواد معاه حق اوف بقي لازم اشوف حاجه فخلقه اهلي اظبطها قبل ما الراجل يضيع مني 

__________________

تتحرك الاخري بغضب وهي تدفع الباب بشده لينتفض الاخر سريعا وهو يمسك بالمكتب حتي لا يسقط : بسم الله الرحمن الرحيم زلزال زلزال الحقوني يا ناس 

تالي بصراخ وعصبيه : مؤؤؤمنننن وحياه امك مهسيبك ليضرب الاخر وجنتيه وهو يقول بنواح : لا زلزال اي ده تور فك وعمال يخبط في المكان خير يتالي يا حياتي عملت اي المرادي 

لترفع الاخري ورقه في يديها وهي تقول بصراخ: اي ده مين دي اللي معاك عرفني كده ده انت ليلتك سوده ليقترب الاخر وهو ينظر بتدقيق للورقه ليقول فجاه : الاااه هو النوع ده انا اتسال عنه 

تالي وهي تكاد تخرج شرارات من اعينها : وحياه امك بتسألني انا بتعمل اي مع عروسه المولد دي ليجلس الاخر وهو يبتسم ببلاهه : طب بس متقوليش عليها كده دي حته ألماني انما اي تفتح النفس 

تالي وهي تكاد تبكي : يعني انا اللي بسد النفس مش ده قصدك اه مهو معدتش أعجب خلاص ضامن اني ليك بقي

مؤمن وهو يزفر بضيق: بدأنا ام الاسطوانه اياها اللي من يوم مدبست نفسي بدبله الخطوبه عقبالنا كلنا مبسمعش غيرها  ليمسك الورقه وهو ينظر لها مجددا ليرفع اعينه وهو ينظر لها بصدمه : اي دي يا تالي 

تالي وهي تحرك يديها بعصبيه : يعني مش شايف ولا اتعميت انت بتكذب عليا يا خاين انا كشفتك خلاص شوف الدليل اهه 

مؤمن بصراخ وهو يقف علي المكتب يكاد يجن : جيبالي الشات بتاعنا مطبوع يا تالي مع صورتي معاها هي حصلت للدرجادي شغل هشك بشك ده اي ده انطقي 

تالي بعصبيه : طب بس متزعقش اوعي تفكر اني هكش لا يبابا فوق ده انا جامده اوي ده دليل خيانتك يا استاذ تنكر انك كنت بتكلمني في الوقت اللي مذكور في الشات ده وقلتلي انك فشغل مهم ومش فاضي 

لينظر الاخر للشات المطبوع وهو يومئ لها : اه والنعمه حصل لتهجم عليه الاخري وهي تسحبه من المكتب وتمسك بشعره بقوه : ولما هو حصل اه ولما هو اتنيل حصل الاقيك فنفس الوقت معاها يا خاين يا دون 

مؤمن بصراخ: سيبي شعري ياللي تتشكي فبطنك انا قربت اتصلع كل ميحصل مشكله تجيبيني منه وحياه امي لحلقه وشوفي هتعملي اي بعدين منا كنت بشتغل اهه ياللي تتعمي 

تالي وهي تبتعد بدموع : لا كذاب اوعي تفكر هصدقك البت حلوه اوفر اكيد بتخوني مش طريقه شغل ابدا انت شويه وهتاكلها بعينك

مؤمن وهو يزفر بضيق : طب بذمتك انتي نفسك مش كنتي من شويه هتاكليها بعينك لتومئ له الاخري بدموع وهي تقول : ايوه الصراحه بس ده ميمنعش انك تتلم ومتبصش بعدين احنا متفقناش علي كده 

مؤمن وهو يقترب منها بضيق : منتي اللي مزوداها يا تالي قلتلك ميت مره مش هحب غيرك ولا هفكر فده حتي وقلتلك اني عمري مبصيت لواحده زي مبصيتلك يبقي ليه تخافي 

تالي ببكاء: لأني خايفه تسيبني وتحب غيري انا عارفه ان خطوبتنا طولت وداخله علي تلات سنين بس انت عارف اني انا ونونيا مش هنعمل فرح غير لما نايا ترجع 

ليقترب الاخر وهو يحتضنها بحب ليقول: مهما طولت سنين خطوبتنا انا عمري مشوف غيرك بعدين يا مجنونه انتي ناسيه انك مراتي مش كتبنا الكتاب عشان علي الاقل ميبقاش حرام نتقابل خايفه ليه بقي 

تالي وهي تبتعد لتحرك يديها بحركه شعبيه : ياسلام يخويا علي اساس الواد محترم اوي ومش ممكن يبص لغيري العب غيرها يا مؤمن وحياه امي لو لمحتك مع واحده تانيه لمرجحك فاهم

 لتخرج بعدها وهي تغلق الباب بشده ليقول الاخر بعدم استيعاب: يبنت المجنونه هتكسر المكتب فوق دماغي 

_____________________

يدخل الاخر للغرفه ليراها تعم في الظلام ليزفر بأحباط وهو يقترب من تلك النائمه ويحرك يده علي راسها بهدوء لتشعر به وهي تفتح اعينها بتعب

 ليبتسم الاخر لها وهو يقول بهدوء: مش كفايه نوم بقي ولا اي العصر قرب يأذن لتنظر له الاخري بثبات وهي تقول : اي اللي رجعك بدري من شغلك 

ليبتعد الاخر وهو يرفع كتفيه بلا مبالاه : مفيش حبيت اطمن عليكي وعلي ملاك كنت حاسس اكيد نايمه وسيباها لتومئ له الاخري وهي تقول بهدوء: انا سيباها فوق عند روجينا انت عارف مش حباها تقعد معايا وتشوفني كده 

ليهمهم الاخر وهو ينظر بشرود لنفسه في المرأه لتقترب الاخري وهي تضع راسها علي كتفه وتحتضنه من الخلف : الياس انت بتحبني 

لينظر لها الاخر باستغراب لتكمل بتوتر : انا عارفه انك بتعمل المستحيل عشاني بس انا محتاجه اعرف ده 

ليقترب الياس منها وهو يبتسم بهدوء ليضع يده علي خدها : شروق بلاش تفكري كتير انتي مراتي واكيد غاليه عليا وبعدين دلوقتي في ملاك بنتنا لازم تخفي وتهتمي بيها 

لتنظر الاخري له بدموع وهي تجلس: خايفه يا الياس خايفه اوي العمليه قربت وحاسه اني هم... ليقاطعها الاخر بحده وهو يقول : شروق قلت اي متقوليش كده تاني انتي هترجعي احسن من الاول ليا ولملاك احنا محتاجينك 

شروق وهي تبتسم بضعف : لا ملاك بس محتجاني انما انت لا بقالنا سنتين ونص متجوزين يا الياس عاملتني بما يرضي الله مقصرتش فحقي بس عمري محسيت معاك انك محتاجني انت عمرك منسيتها بتكون معايا وتنطق اسمها هي 

لتصمت فجاه وهو يلقي بالاشياء علي الارض لتتحطم بقوه ليقول بصراخ وعصبيه : اخرسي يا شروق اخرسي اياكي تنطقي اسمها علي لسانك هي ماتت من زمان وانا مستحيل افكر فيها 

شروق بعصبيه: لا فكرت فكل مره بتكون معايا وتهمس بأسمها فكرت وانت سرحان فكرت وانت بتشوف اسمها فكل نجاح بتعمله انا عمري محسيت اني مراتك دايما بتكون هي بينا دايما واخده اول مرتبه فحياتك حتي لسه واخده مرتبه الزوجه الاولي 

الياس بعصبيه وهو يمسك بها بحده : اسمعي انا قبلت اتجوزك بعد ما هي سافرت وشفت انك محتجالي وقفت معاكي فكل خطوه فحياتك زي موقفتي جمبي بدأنا حياتنا من تاني بعت كل حاجه فكرتني بيها واشتريت كل حاجه جديده عشان ننساها بس الظاهر عمرك مهتنسيها ولا هتخليني انساها 

شروق ببكاء : لأنك عمرك منسيتها انا حاسه اني ضيعت سنيني في الفاضي وانا بحب واحد بيعشق غيري كنت مفكره هقدر انسيك بس لا منستش كبرت وكبر اسمك وحتي احنا بنكبر سوا بس كل مره ببص فعينك بشوفها هي مش بشوفني

لتكمل وهي تبكي بشده :  ليه يا الياس انا عملت المستحيل عشانك انا خاطرت بحياتي بس عشان تكون اب مع ان الدكاتره كلهم منعوني احمل مرضتش وقلت يمكن لما يشوف ابنه ولا بنته بين ايده يحن ويحبني علي حبه ليها بس كنت غلطانه انا كنت بزرع فأرض بور عمرها ما هتخضر 

لينظر لها الياس بثبات وهو يشيح وجهه عنها : جهزي نفسك عشان نروح جلسه العلاج والكلام في الموضوع ده ياريت مسمعوش تاني انا مقدر حالتك بس زودتيها

 ليتركها ويرحل بعصبيه لتجلس الاخري بأنهيار وهي تبكي بشده لتقوم ببطئ وهي تقف أمام المرأه تتلمس وجهها المنهك من التعب وشعرها الذي يكاد يختفي أثر المرض 

لتقول ببكاء وهي تتلمس انعكاسها :اااه سنين ببني فحلم مش ليا بنيت سعادتي علي سمعتك وكرامتك يا نايا خدته فعلا بس خدته جسد من غير روح عملت المستحيل عشان اتقرب منه جربت اللي محدش جربه لغايه لما بقي ملكي بس بصي بقينا فين 

لتمسك بشئ وهي تلقي به علي المرأه لتتحطم : شوفي بقينا فين انا الزوجه التانيه وأم بنته وهو مبيفكرش غير فيكي قبلت بيه بكل حالاته ضحيت عشانه بسنين فاتت وقفت جمبه فكل مره بيقع عشان يبني نفسه ودلوقتي بدل ما يفتكرني  بيفتكرك وينساني اشمعنا انتي ليه 

لتمسح دموعها وهي تقول بأحباط : ده تمن السعاده اللي خدتها منك معدش ليا شكل انا عارفه ان كل العلاجات مش هتجيب نتيجه ده تمن أعمالي هفضل ادفع فيها فكل وجع بتوجعه وكل مره بحط فيها راسي علي المخده بفكر هموت امتي واسيب بنتي لمين ياارب 

لتجلس وهي تبكي بشده وتتذكر ما فعلته في حياتها وهي تعض اناملها بندم فلا شر يدوم ولا سعاده تبني علي وهم وكذب 

____________________

حسام بأستعجال : روجينا فين شرابي الأزرق مش لاقيه لتخرج الاخري من المطبخ وهي تقول بضيق : هتلاقيه عندك يا حسام لازم يعني روجينا اللي تعمل كل حاجه 

حسام بضيق : مش لاقي غير شراب سبونج بوب اخلصي تعالي دوريلي عليه لترفع الاخري احدي حاجبيها وهي تقول : وحياه طنط اسيب الاكل اللي هيتحرق والعيال اللي جوه دي واجي ادور علي الشراب بعدين ماله سبونج بوب حلو البسه 

حسام وهو يحرك الشراب بصدمه: عايزاني اروح اجتماع مهم يا روجينا بشراب اسبونج بوب عايزاني اقولهم اي في الشركه معلش مراتي ماليه البيت كله بصور كرتون متجوز نغه 

روجينا بضيق : وماله الكرتون انت بتهيني علي فكره وانا لا اقبل الاهانه بعدين ادم نايم جوه صوتك بقي لتصحيه 

حسام بغيظ وهو يمسك بها من ثيابها : عارفه يا روجينا لولا انك بقيتي مراتي رسمي كنت رميتك من الشباك واقولهم معرفهاش ولا عمري شوفتها 

روجينا وهي تبتسم بغباء : وه اهون عليك يبو ادم يعسل مراتك حبيبتك ام ادم ليضحك الاخر بغيظ وهو يدفعها من وجهها : طب يلا غوري من وشي عشان مساويش وش ام ادم بالتراب 

روجينا بأبتسامه بلهاء : مش لو كنت سميته محسن كان احسن عشان اقولك يبو محسن يا عسل واماشي الترند بس يلا ابو ادم برده مبلوعه مش مهم الترند بتاعه مش هيموت ابدا 

حسام وهو يكاد يشل : غووووري من وشي اشكوا اليك ياااارب ليشعر بشئ يسحب سرواله من الاسفل لينظر لكتله البراءه تلك وهو يرفعها ليقبلها بقوه : عاجبك كده يست ملاك اللي عمتك بتعمله فيا 

ملاك وهي تبتسم بشده : دا دا ليبتسم حسام لها وهو يحتضنها بحب : روجي هو الياس تحت ليستمع لصوت روجينا من الداخل وهي تقول : ايوه اظن رجع شفت عربيته تحت وبعدين هياخد شروق لجلسه الكيماوي فأكيد مش هيتاخر 

ليومئ لها حسام وهو يدخل لغرفه ابنه ليجده ينام بهدوء كالملائكه ليقترب وهو يحمل ملاك ليقبل وجه ابنه ويحمد الله علي نعمته فهم عاشوا أصعب اوقاتهم عندما ظنت روجينا انها عقيم ليدوم انتظارهم لسنتين متواصلين تحت ضغط نفسي ليرزقهم الله به بعد عناء 

_____________________

تقترب الاخري من مكتبها بكل ثقه لتقفز السكرتيرة بتوتر وهي تلحق بها للداخل : صباح الخير يا مدام نونيا 

نونيا ببرود : صباح الخير تالي جت ولا لسه لتقول الاخري بعمليه : لا يا فندم هي جت الصبح وفجاه خرجت متعصبه من هنا لتومئ لها نونيا وهي تقول بهدوء: تمام هاتيلي القهوه بتاعتي واقفلي الباب مدخليش حد 

لتخرج الاخري وهي تزفر براحه فكما اشتهرت تلك السيده بالقوه والبروه في العمل لا تحمل صفه للهو او للعب خاصا في عملها 

لتمسك الاخري بهاتفها وهي تنتظر ان يجيب الطرف الآخر لتقول بهدوء: كل حاجه بقت جاهزه وكل اللي محتاجينه بقي فايدينا 

لتستمع لضحكات الطرف الآخر وهو يقول بهدوء: اممم كويس اوي كده اظن حان الوقت صح 

لتبتسم نونيا وهي تقول : ده بعد اذن حضرتك شادي قرب يخلل ومؤمن هيطلق تالي قريب شويه وهياكلوا بعض وغير تمارا اللي يا حبه عيني يزن معدش بيبص فوشها احترمي نفسك بقي 

لتضحك الاخري بشده وهي تقول : اوبا ده انا طلعت مهمه بقي وانا معرفش لتبتسم نونيا وهي تتنهد بقوه : كفايه يا نايا قلتي سنه واتنين عدت فوق تلات سنين وانتي مرجعتيش لأمتي 

لتتنهد نايا بشرود وهي تقول : محستش اني قادره اواجه لسه يا نونيا كل مره بفتكر اخر حاجه حصلت بتمني لو أطول المده كل حاجه اتغيرت في السنين دي حتي انا معدتش نفس البنت 

نونيا بضيق : عدت وطبيعي تتغيري ده مش عيب فيكي المهم تقدر تتعاملي وخلاص اتخطيتي اللي حصل وحتي الشخص نفسه مظنش انك لسه بتحسي بنفس الشئ بعد اللي عمله

لتقول الاخري وكأنها لا تستوعب : مش عارفه بعدي عنه برد احساسي تجاهه بس فكل مره بفكر فيه قلبي بيدق كأنه مسبتهوش غير من دقايق خايفه انزل واواجهه صعبه يا نونيا مش هقدر اقف قدامه 

نونيا بعصبيه : كفايه يا نايا متبقيش انانيه انا وتالي موقفين حياتنا علي نزولك محبيناش نعمل الفرح من غيرك اهلك مستنيين وحاسين بالندم يدخلوا فحياتك حققتي اللي عايزاه من تغيير وشهره ومكانه اي اكتر عشان واحد توقفي حياه الكل 

نايا بهدوء: عارفه انه معاكي حق وعشان كده انا قررت خلاص  ومن بدري لتقول الاخري باستغراب : قصدك اي هترجعي 

لتبتسم الاخري بخبث وهي تقول : انا في المطار يبيبي قدامي كام ساعه بس واكون في مصر لتقفز الاخري من مكانها وهي تقول بصدمه : أحلفي بالله ازاي مقولتليش كده 

نايا بضحكه: حبيت افاجئك بس الظاهر مفيش نصيب اياكي تقولي لحد حباهم يتصدموا وخاصا حد كده لتبتلع نونيا ريقها بتوتر وهي تقول : احم نايا انتي مرضتيش تعرفي حاجه عن الياس الفتره اللي فاتت لازم اقولك حاجه مهمه 

نايا ببرود: اسمه ميتذكرش قدامي يا نونيا عشان ملغيش الرحله وارجع الياس غلط معايا كتير ونهي اللي مبينا بعناده حاولت أفهمه كتير بس مفهمش يبقي هو حر وحياته ملكه 

نونيا بتوتر : ايوه يا نايا بس في حاجه مهمه اكيد هتتقابلوا يعني صح مهما كان انتي لسه علي زمه الياس لتقول نايا بضيق : عارفه ومستنيه اخد حقي واوفي بوعدي ووقتها هشوف لو هكمل معاه ولالا ويلا عشان الطياره هتطلع 

لتبتلع الاخري ريقها بخوف وهي تغلق معها لتقول بهمس : ربنا يستر دي شكل الايام اللي جايه كوم واللي فات كوم تاني خالص 

_____________________

تهبط الطياره في موقعها بعد عده ساعات لتطفئ لهيب تلك المنتظره لسنوات لتعود مجددا لتخرج وهي تنظر حولها 

لتقول بثقه : وعدت نفسي وانا ماشيه من هنا ارجع بشخصيه تانيه ولما اكون جاهزه ادفعهم كلهم التمن وحياه غربتي ووحدتي الايام اللي فاتت لدفع واحد واحد الضعف من دموعي ونشوف 

لتضع نظاراتها الشمسيه وهي تتمشي بثقه تجاه السياره التي كانت تنتظرها لتجلس وهي تفتح هاتفها ببرود لتقول : وادي اول خطوه فالبلد دي لازم اجهز العد التنازلي ولا اي 

يتبع....

لقراءة الفصل السادس والعشرون اضغط على : ( رواية زوج للايجار الفصل السادس والعشرون )

لقراءة باقي الفصول اضغط على : ( رواية زوج للايجار )

تعديل المقال