رواية خيانة زوج الحلقة الخامسة والعشرون 25 بقلم رشا محمد
رواية خيانة زوج الجزء الخامس والعشرون 25 بقلم رشا محمد
رواية خيانة زوج البارت الخامس والعشرون 25 بقلم رشا محمد
 |
| رواية خيانة زوج الفصل الخامس والعشرون 25 بقلم رشا محمد |
رواية خيانة زوج الفصل الخامس والعشرون 25 بقلم رشا محمد
وقف فارس والتفت لها وجدها جرت عليه وارتمت
بحضنه وقالت: هتوحشني يافارس وكأنها تودعه
احتضنها فارس شديدًا ثم قَبَلها بجبينها ثم همس لها
وقال: وأنت كمان هتوحشيني ياغزل خلي بالك من
نفسك ونفذي كل اللي قولتلك عليه بالحرف عشان أكون
مطمن عليكي
غزل: حاضر يافارس
خرج فارس من الغرفة وأغلقت غزل الباب عليها بالمفتاح
ذهب فارس لمدام هنا وترك لها فلوس لأكل غزل ثم تركها
وذهب نزل من البنسيون وركب سيارته وقبل أن يتحرك
بها نظر علي لافته البنسيون وقال: أتمني يكون اللي
عملته صح مش غلط، ربنا معاكي ياغزل
ثم تحرك بالسيارة وذهب للمستشفي ولكنه قبل أن
يدخل المستشفي وجد الشر،طة تقترب منه وتتمسك به
فارس: في ايه؟ عايزين ايه مني؟
الشر،طة: مطلوب القبض عليك حالاً
فارس: ليه عملت ايه؟
الشر،طة: لما تيجي معانا هتعرف كل حاجة
ثم أخذوه ووضعوه بالبو،كس وتحركوا نحو القسم
وعندما وصلوا أنزلوا فارس من البو،كس وأخذوه عند
غرفة المكتب الخاصة بالظا،بط الذي يحقق بقض،ية
غزل، ثم قال له العسك،ري استني هنا لحد م أدي
للظا،بط خبر
فارس حرك رأسه بالإجابه ولم يتفوه بكلمه
خبط العسك،ري علي الغرفة ثم دخل للظا،بط وقال:
دكتور فارس برا يافندم
الظا،بط: دخله واقفل
العسك،ري أدخل فارس ثم أغلق الباب كما قال له الظا،بط
الظا،بط بسخرية: كنت فين يادكتور دا احنا جينالك
بيتك ياراجل وملقيناش حد يرحب بينا
فارس: جيتولي بيتي فين أنا مش فاهم حاجة!!
الظا،بط: لسه هتراوغ بردو في الكلام؟ تعالي معايا
دوغري عشان موقفك في القضية ميبقاش ضعيف
فارس: أنا مش فاهم حاجة ياحضرة الظا،بط، من فضلك
فهمني موقف ايه؟ وقضية ايه؟
الظا،بط: أنت لسه هتنكر بردو انك انت اللي هربت غزل
من المستشفى؟
فارس: مش حضرتك حققت معايا في المستشفى ولما
الأدلة أثبتت ان مليش يد بهروبها حضرتك سيبتني أمشي؟
الظا،بط: صحيح الادلة بتقول انك ملكش يد، لكن مش
معني كدا ان صدقتك، تقدر تقولي كنت فين قبل م
تيجي علي هنا؟
فارس: كنت في بيتي وبعدين روحت كافيه شربت قهوة
وبعدين روحت المستشفى لقيتهم مستنيني وجايبيني
علي هنا، ممكن حضرتك تقولي ايه اللي حصل عشان
تطلب القبض عليا؟
الظا،بط: احنا كنا في بيتك اللي بتقول كنت هناك
وملقيناش حد لكن لقينا اللي يدل علي وجود غزل فيه
بلع فارس ريقه وخاف أن تكون غزل تركت ورائها شئ
يدل علي تواجدها، ولكنه حاول أن يتماسك أمام الظا،بط
حتي لا يكتشف ما يخفيه، ثم قال: يمكن حضرتك
روحت بعد م أنا مشيت، لكن ايه اللي ممكن تلاقيه عندي
يشكك في وجود غزل في بيتي؟
الظا،بط: تقدر تقولي الهدوم الحريمي اللي في بيتك دي
بتاعت مين؟
فارس ابتسم وقال: وهو أنا لو زورت حضرتك في بيتك
سوري يعني ممكن أسألك عن سبب وجود أي حاجة فيه؟
الظا،بط بغضب وصوت مرتفع: أنا لما أسألك تجاوب
علي طول ومش من حقك تسألني أصلا ثم ضر،ب بيده
ع المكتب بقوة وقال: أنا هنا اللي بسأل وبس أنت فاهم؟
فارس: الهدوم الحريمي اللي في بيتي دي تخص مراتي
الظا،بط: وأنت اتجوزت امتي يادكتور؟ أنا المعلومات
اللي عندي بتقول ان انك مش متجوز
فارس: في حاجات في حياة الانسان مش لازم حد
يعرفها، وأعتقد ان دي حياتي وحر فيها أقول اللي عايزة
وأداري عن الناس اللي عايزة بردو
الظا،بط: وليه تداري عن الناس جوازك والجواز اساسه
الاشهار؟
فارس: لأنه جواز عُرفي، كنت مستني الوقت المناسب
اللي هقدر أكتب الكتاب رسمي وأعلن عنه
الظا،بط: وفين ورقة الجواز العرفي دي؟
فارس: مع مراتي
الظا،بط: ومين مراتك دي؟
فارس: مقدرش أقولك لأن كدا هكون بشهر بيها احنا لسه
مكتبناش الكتاب رسمي عشان أقول هي مين مراتي
الظا،بط ضر،ب بيده بكل قوته ع المكتب وقال: أنت جاي
هنا تستعبط؟ بقول هي مين والا هتتحب،س بتهمة
تهريب مجر،مة والتستر عليها احنا مش اتنين صحاب
قاعدين ع القهوة، أنت متهم وأنا بسألك، ولما أسألك
تجاوب علي طول أنت فاهم؟
فارس: طيب من فضلك ياحضرة الظا،بط أنا هقول بس
يبقي بمنتهي السرية عشان سمعتها
الظا،بط: لما أنت خايف علي سمعتها اتجوزتها في السر
ليه وبورقة عُرفي متجوزتهاش رسمي ليه؟
فارس: الظروف يافندم
الظا،بط: قول يابني وخلصني تبقي مين؟
فارس بتوتر وهو يفرك بيديه: هو حضرتك هتبعت تسألها؟
الظا،بط: أُمال هبعت أبارك لها!!
هبعت اجيبها استجوبها وأشوف ورقة الجواز العُرفي بنفسي
توتر فارس أكثر وظل يفرك بيديه ثم قال: اااا رجاء
ياحضرة الظا،بط
الظا،بط: رجاء مين؟
فارس: رجاء الممرضة اللي حضرتك سألتها في
المستشفي اذا كانت هي اللي ماشية معايا في
الكاميرات ولا لاء
الظا،بط: آاااااااه، ثم رن زر الجرس الذي يوجد بجانب
المكتب حتي يأتي له العسك،ري
خبط العسك،ري ع الباب ودخل ثم أدي التحية
العسك،رية وقال: تحت أمرك يافندم
الظا،بط: استدعي الممرضة رجاء حالاً للإدلاء بشهادتها
وتُحضر معها عقد الجواز العُرفي
فارس: من فضل حضرتك، حضرتك وعدتني ان هيكون
بسرية عشان سُمعتها، فلو سمحت خليني اتصل بيها
قدام حضرتك وهقولها تجيبها وتيجي علي هنا وهفتح
الاسبيكر عشان حضرتك تطمن
الظا،بط نظر للعسك،ري وقال: طيب روح أنت دلوقت
ومتستدعيش حد واقفل الباب وراك
خرج العسك،ري بعد أن أدي التحية العسك،رية واغلق
الباب خلفه
ثم نظر الظا،بط لفارس وقال: اتفضل اتصل بيها وافتح
الاسبيكر لما نشوف أخرتها
وبالفعل اتصل فارس برجاء وطلب منها احضار ورقة
الجواز العُرفي وتأتي بها للقسم
وبعد قليل أتت رجاء للقسم ومعها ورقة الجواز العُرفي
وبعد أن اتطلع عليها الظا،بط وتأكد من صحة كلام فارس
وتأكد أن تاريخ العقد قديم أمر بالافراج عن فارس
ظلت غزل بغرفتها نائمة علي السرير لم تخرج منها
ابداااا كما قال لها فارس حتي ذهبت في النوم
وعندما جاء الليل استيقظت من نومها علي صوت
افزعها كانت صوت ضحكة مرتفعة لفتاة
اندهشت غزل من طريقة ضحكها ولكنها قالت لنفسها:
أنا مالي م اللي يضحك يضحك واللي يعيط يعيط
ثم اعتدلت ع السرير ونامت ولكنها سمعت نفس
الضحكة مرة أخري ولكن من أكثر من فتاة
هنا بدأ الشك والخوف يدخل قلبها ولكن قالت:
أنا مالي طالما في حالي وقافلة الباب عليا بالمفتاح
خلاص هما في حالهم وأنا في حالي
وكادت أن تضع رأسها ع المخدة ولكن سمعت صوت
أغاني بصوت مرتفع وتصفيق
قالت لنفسها: يمكن يكون عيد ميلاد حد م اللي
ساكنين معايا هنا أنا هحطت المخده فوق دماغي
ومليش دعوة بحد وبالفعل وضعت المخدة فوق رأسها
وحاولت أن تنام ولكن الصوت كان مرتفع جدااا ولا
تستطيع أن تنام ظلت تحاول وتحاول ولكن فجأة
سمعت صوت الضحك تحول لصُراخ ففزعت وقامت
مفزوعة جلست علي السرير ولكن فجأة وجدت حد
يكسر باب غرفتها وعندما انكسر وجدت الشر،طة
أمامها.........
يتبع...
لقراءة الفصل السادس والعشرون اضغط على : ( رواية خيانة زوج الفصل السادس والعشرون )
لقراءة باقي الفصول اضغط على : ( رواية خيانة زوج )