رواية زوج للايجار الحلقة الثامنة والعشرون 28 بقلم أميرة محمد
رواية زوج للايجار الجزء الثامن والعشرون 28 بقلم أميرة محمد
رواية زوج للايجار البارت الثامن والعشرون 28 بقلم أميرة محمد
 |
| رواية زوج للايجار الفصل الثامن والعشرون 28 بقلم أميرة محمد |
رواية زوج للايجار الفصل الثامن والعشرون 28 بقلم أميرة محمد
ينظر الجميع لتلك الشاشه بصدمه صحيح انهم تلقوا ما يكفي ولكن يبدوا أن هناك المزيد من الصدمات المقبله ليبدا الجميع في النظر ناحيه عاصم المصدوم
عاصم بتوتر : م مستحيل انتي جبتي الفيديو ده منين لتقترب الاخري وهي تضم يديها لصدرها بثقه : بقي ده اللي هامك يعصوم جبته منين بدل متحس بالذنب يراجل انك بتقتل راجل بكل برائه وكمان بتساعد فتفريغ أعضائه وبتتاجر بالمخدرات فجسمه بحجه نقل جسمان تؤتؤ اخص بجد مكنتش متوقعه كده
عاصم بعصبيه : ده كذب الفيديو ده متفبرك مستحيل انتي اللي عملتي كده صح عشان تنتقمي مني لاني اهنتك وسبتك يوميها انتي حلفتي تاخذي حقك بس مش لدرجه تزيفي فيديو زي ده
نايا بحزن مصطنع: شوفوا الكذاب بيقول اي انا برده ازيف فيديو زي ده يشيخ ده انا لولا الكسوف كنت كملت وانت بتحط المخدرات بأيدك وباقي فيديوهاتك انت ومراتك بس عشان انا محترمه و عشان مكانتك يعصوم برده مش هعملها وهخليها برايفت يبيبي عشان تتسلوا بيها في السجن صحيح اعمل خير وارميه في البحر
لتأتي الشرطه وهي تلقي القبض علي عاصم ونرمين الذي أخذوا يتحركون بعصبيه ليقول الاخر بصراخ : ابعدوا عني ده كذب هدفعك التمن يا نايا وحياه امي ما هسيبك
لتقترب الاخري منه وهي تنظر له بثبات لتقول بهمس : كش ملك كده خلصنا يعصوم تحديك كسبته وحقي وخدته تالت ومتلت اما الرهان اللي بخمسه مليون خسرتك ضعفه ومقابل سمعتي اللي شوهتها خدت سمعتك انت ومراتك برايك كفايه ولا اكمل شويه كمان
لينظر لها الاخر بحقد وهو يضحك بشده : مفكره انك كده كسبتي لا يا نايا انا دمرت حياتك مقابل حياتي للاسف غبيه الميه بتمشي من تحت منك ومش حاسه مفكره انك خلصتي مننا متعرفيش اننا ولا حاجه جمب اللي جوزك انيها فبيته
لتكمش الاخري حاجبيها بعدم فهم ليكمل الاخر وهو يغمز لها : بس لا هسيبك تعرفي لوحدك وهتمتع بشوفتك وحيده زي السنين اللي فاتت ومش بس كده هستمتع اكتر واكتر حد وثقتي فيه وحبتيه بينهيكي بأيده صدقيني فرحتي هتبقي مش سيعاني
لتنظر له نايا بأستغراب وعدم فهم ليتحرك الاخر بعصبيه مع الشرطه لتنظر لها نرمين بحقد وهي تقول : تستاهلي كل اللي هيحصلك متصدقيش برغم كل اللي انا فيه وبتمنالك تدمري قد اي لما تعرفي اللي جاي ياريتني بس اشوفك وقتها بعيني ولو مت بعدها مش مهم بكرهك يا نايا بكرهك بجد
لتنظر لها نايا بحزن علي صديقه عمرها لتسال ما الخطأ التي ارتكبته لتلك الدرجه أكانت عمياء ام ماذا هل فعلت ما يستحق ذلك الكره والايذاء لم تجد منها غير الخير فقط لماذا قابلته بذلك الكره والحقد
ليندفع الجميع نحو نايا بصدمه وهم لا يستوعبون ما حدث للان وذلك التغيير فيها تبدوا صلبه للغايه وكأنها لم تكسر ولن تكسر ام ذلك مجرد قشره خارجيه فقط
يزن وهو يحتضنها بقوه : نايا انتي ازاي محدش قال انك هتيجي مقولتليش ليه انتي عارفه كنت مستني اللحظه دي ازاي
لتغمض الاخري عينيها بألم وهي تقول : حبيت تشوفني وانا واخده حقي محبتش اسيبلك انطباع الضعف تاني مش عايزه اشوف نظرات الشفقه فعنيكوا انا بكرها
ليمسك الاخر بوجهها بحب وهو يقول: انتي اقوي بنت شفتها النهارده رديتي كرامتك وخدتي حقك قدام الكل محدش يقدر يبصلك نص بصه حتي اختي أروع واحده مش كده
لتحرك نايا راسها وهي تبكي بشده كم احتاجت لسماع هذا منه تحديدا وذلك الحضن الدافئ لتشعر بأندفاع الثلاث فتيات وهم يحتضنوها بحب ليضحكوا سويا
تمارا بدموع : وحشتيني اوي قلتي سنه وغبتي تلاته اي الجحود ده يقادره لتقول نايا ببكاء : اعمل اي يا تمارا الرجاله بره حلوه اوي مقدرتش انزل واضيعهم من ايدي
تالي بدموع : انا كنت بقول انك واطيه من زمان يشيخه منك لله سيباني مع مؤمن ورايحه تتمتعي بالحلويات اللي بره لوحدك
نايا بأبتسامه: عارفه لو استاذ مؤمن سمعك هيعمل منك صنيه جلاش ابقي قابليني لو عرفتي تخلعي منه لتحرك الاخري يديها بلا مبالاه وهي تقول : مش مهم شوفيلي حته حلويات مستورده علي مرفع قضيه خلع عليه مهو مش هسيب المسكر واروح للحادق
ليأتي مؤمن وهو يسحبها من ثيابها كالمجرمين وهو يضغط علي اسنانه بغيظ : طب خلي بالك بقي عشان الملح بيرفع الضغط وكتره المسكر توديكي فغيبوبه اياكش نخلص منك
تالي بدهشه مصطنعه : الااااه مؤمن انت جيت امتي يا راجل ده انا عماله اشكر فيك اشكر فيك لما بوقي وجعني حتي اسألهم نايا بتقولي جابتلي حلويات مستورده قلتلها لا لا يمكن يا اشجع إنتاج بلدي يا بلاش ماله المحلي ماشي معانا ومستوره الحمدلله اهه
مؤمن وهو يضيق عينيه بشك : اه منا عارف مفكراني غبي صح وحياه امك يا تالي لعرفك غوري من وشي لتقوس الاخري شفتيها بضيق وهي تقول : ماشي يا مؤمن انت مفكر عشان مقصر شعرك مش هعرف اجيبك منه وحياه خالتك لما نبقي لوحدنا لعرفك
لتنظر نايا بضحك لهم لتجد نونيا تنظر لها بصمت لتقترب منها نايا وهي تحتضنها بحب : وحشتيني اوي شكرا انك كنتي جزء موجود فكل خطوه فحياتي
لتحتضنها نونيا بحب وهي تقول : انا مش مصدقه انك قدامي متعرفيش حلمت بده ازاي وانا بشوفك بتاخدي حقك بكل قوه رجعتي يا نايا وحققتي وعدك متعرفيش فخوره بيكي ازاي
نايا بأبتسامه: من غير مساعدتك ليا مكنتش هعرف اعمل حاجه نسيتي انك كنتي عيني وايدي في البلد دي وانا بعيد
لتغمز لها الاخري بمشاكسه وهي تقول : عشان تعرفي بس ان نونيا جامده مفيش منها اتنين
لتضحك نايا عليها بشده لتلمح ذلك الواقف يناظرها بحقد لا تعلم سر تلك النظرات لتلمح يده التي يضمها بعصبيه لكن لمحت ما جعل الأمل يتجدد بداخلها اخيرا ذلك الخاتم لم ينزعه بعد هذا يعني انه مازال باقي علي ذلك الزواج
ليتابعها الاخر بعصبيه وحقد ليذهب سريعا دون الالتفات لها حتي ولا محادثتها لتحاول اللحاق به لتقف تالي أمامها سريعا وهي تقول بصدمه : استني استني انتي ازاي خسيتي ورجعتي لشكلك القديم كده
لتنظر لها تمارا بشهقه وهي تقول: احيه نايا كرشك فين انا مخدتش بالي لتنظر لهم نايا وهي تضحك بشده : من كتر الجري ورا الرجاله الحلوه هناك خسيت يا تمارا
ليضحك الجميع عليها بشده وهم يرحلون ولكن ما يشغل بالها الان رده فعله ابدا لم تكن تتوقعها ظنت انه لربما غاضب ولكن ليست لهذه الدرجه
___________________
عدي بضيق : تيته تعالي شيلي رعد مش هقرب منه لتأتي مريم سريعا وهي تقول بأستغراب : رعد هو فين اصلا
عدي بسخريه : بيستجم زي العاده في الحديقه بره لتنظر الاخري له لثواني تحاول الاستيعاب لتقول بشهقه : انت سبته لوحده وجاي تقولي كده مش عارف انه ممكن يقع في البسين
عدي بلا مبالاه : زي القرد بسبع ترواح ده ابن تمارا يما لتركض الاخري بخوف لتجد الصغير يجلس بجانب أحواض الزرع لتشهق بصدمه وهي تراه يجلس في بركه من الوحل أثر مياه سقي الزرع وجميع الأحواض محطمه بجانبه
مريم بصدمه : الزرع يخربيتك يا يزن علي الهم اللي بتخلفه قوم قوم انت هببت اي ليضحك الاخر بشده وهو يصفق بمرح : تيته رعد يلعب هنا
مريم وهي تكاد تبكي: حرام عليك يبني انت اي قرد مسلسل ارحمني انا ست كبيره مش حمل بهدله لعبه اي انت كسرت المكان كله
لينظر الاخر لها لثواني بصمت ليكمل ما يفعله وهو يلعب في الوحل بشده ليأتي عدي وهو ينظر له ببرود: انسي مش هشيله ولا اغيره زي كل مره انا مش الداده الفلبينيه اللي جابهالكوا ابويا
مريم وهي تزم شفتيها بضيق : اقول اي ابني واحفادي ربنا بلاني بيكوا بتخليص ذنوبي كلها مصدقت الصغير عقل شويه جه اللي طلعه عليا تالت ومتلت
عدي وهو يبعد رعد عن قدمه الذي ما ان راه حتي ركض له : ابعد يعم بلاش قرف البت تقول عليا اي انا لسه مستحمي
رعد بضحك : عدي شيل رعد لينظر الاخر له بتقزز وهو يقول: شيل نفسك واتكل من هنا احسن ما امسكك ارميك في اي زباله هنا
مريم باستغراب : بت مين ياض وتقول عليك اي ليقول الاخر بأبتسامه وهو يرجع شعره للخلف : اسماء جايه تقعد معايا شويه هذاكرلها
مريم بسخريه : ت اي يحبيبي من امتي يساقط ياللي بتعدي السنه بسنين ملقتش غيرك دي لو حابه تعيدها خمس مرات مش هتعمل فنفسها كده
عدي بضيق : مذاكره عن مذاكره تفرق يا تيته هتلاقي اجمل مني يذاكرلها فين لتقول الاخري بسخريه : وده من امتي الحنيه والطيابه دي
عدي بغمزه : دي عرض خاص للمزز بس ممنوع دخول الرجال أرحب بجميع السيدات بجميع الأعمار امال انا راجل خيري
مريم بتقزز : يخربيت عقلك عيل مقرف غور انت واخوك اتصرفوا مع بعض انا مش ناقصه هبل لتتركها وترحل لينظر الاخر لرعد الجالس في الوحل بضيق وهو يمسك به من ثيابه بتقزز ليرفعه
رعد بتقزز : طبعا لو خدتك جوه هضطر اغيرلك وهتوسخ محتاجين حل عشان تنضف لوحدك تلقائي لينظر ناحيه البسين وهو يبتسم بخبث : بس لو خدت جوله تنضيف شامله الهدوم مفيش مشاكل وقتها نغيرلك هدومك علطول مش هتاخد وقت
ليومئ لنفسه بأقتناع وهو يحمل الاخر ليذهب به ليأتي يزن سريعا وهو ينظر لعدي الذي سيلقي رعد في البسين بصدمه وهو يركض لهم
يزن وهو يسحب رعد بقوه : يخربيتك انت بتعمل اي يغبي ليجيب الاخر ببلاهه : هنضفه
يزن بعصبيه : تنضفه اي رايح ترميه في البسين عشان يغرق وتقولي انضفه انت غبي يلا ليقول الاخر بضيق : امال ادخل بيه البيت يتوسخ ويوسخني
يزن بسخريه : لا ارميه وموته ونفرح كلنا لما ينضف طب ما أسهل حطه في الغساله وحط عليه مسحوق ينضفه اكتر ليجيب الاخر بغباء : لا طبعا هو انا عبيط افرض المسحوق دخل فعينه ووجعه دي مش أخلاقي يوالدي
لينظر له يزن وهو يضغط علي اسنانه بغيظ : عارف يا عدي لولا انك ابني كنت عملت فيك اي اتفضل غور جوه عمتك رجعت وامك وكلهم فوق
عدي بغباء: عمتي مين هي كانت مسافره ليمسح الاخر وجهه بضيق وهو يقول : قدامك تلات ثواني شوف تلات ثواني بس تغور من وشي لا اما هغرقك في البسين واقول عوضنا علي الله
ليومئ له عدي وهو يركض سريعا تبعا لنظرات يزن الناريه ليجد نايا تحتضن مريم بشده وهي تبكي ليقول بصدمه : اي ده كرومبه خست ازاي بقيتي كرومب مستورد الله ده احنا نسفر تمارا لو السفر بيخسس كده يمكن نلاقي حل ليها
لتنظر له نايا من بين احضان مريم وهي تركض له لتحتضنه بشده : وحشتني اوي يبو لسان عمرك ما هتتغير ليقول الاخر بغرور مصطنع : العمر بيتغير وعدي ثابت لا تزعزعه الرياح
لتضحك الاخري عليه بشده ليقول عبدالرحمن بحنان : وحشتينا يبنتي وغيبتك طولت ينفع كده لتقول الاخري بأبتسامه : محبتش ارجع قبل ما ابقي جاهزه ورجعت لما عرفت ازاي هاخد حقي
عبدالرحمن بفخر : هي دي بنتي رجعت زي الاول واحسن بجد فخور بيكي اهم حاجه دلوقتي نرفع قضيه الطلاق وكده تمام تبدأي من جديد
لتنظر له نايا بملامح صفراء فجاه أثر حديثه لتقول تمارا بتوتر : زمانك تعبانه يا نايا تعالي نطلع اوضتك ترتاحي لتومئ لها الاخري وهي تصعد معها
تمارا : كويس اني لحقتك عارفه انك مش حابه تجيبي سيره الموضوع اكيد لتقول الاخري بضيق: انا خدت حقي وكنت بشجع نفسي عشان الياس ازاي عايزني اطلق منه يمكن هو زعلان مني بس ده ميديلوش الحق يقولي اطلقي
لتنظر لها تمارا بتوتر وهي تقول: انتي مرضتيش تسمعي حاجه عن اخبار الياس السنين اللي فاتت متاكده من اللي عملتيه
نايا وهي تزفر بشده : ايوه يا تمارا كنت محتاجه فتره مع نفسي ابعد عن الكل خاصا اللي جرحوني ولما حسيت اني قادره اواجه واكمل جيت
لتومئ لها لتمارا وهي تقول بهدوء: تمام نامي شويه وارتاحي وانا هروح اشوف العفريت الصغير بتاعي لتقول نايا فجاه : رعد ازاي نسيته عايزه اشوفه اوي
تمارا بضحكه : متشوفيش وحش يختي انتي مش هتشوفي بس ده انتي هتشوفي وتسمعي وتحسي رعد نسخه عدي ضرب اتنين بس ارتاحي الاول
لتضحك نايا عليها بشده وهي تراها تخرج وتتركها لتفكر في نظرات الياس وذلك الخاتم بيده لتزفر بشده وهي تدعوا الله ان يتقبلها
______________
الياس بعصبيه وهو يتحرك بكل مكان : ازاي ازاي رجعت وليه ليه بعد كل ده جايه بكل برود ومفكره اني هسامحها بعد متنتقم من عاصم بعد مخيرتها بيني وبين السفر وباعتني رغم زلي ليها عشان متبعدش
مؤمن بتوتر : اهدي يا الياس بعدين نايا متكلمتش معاك يمكن هي كمان قررت تبعد ليقول الاخر بعصبيه : متكلمتش بس عنيها كانت بتقول كل حاجه ونظرتها وضحت هي عملت كده ليه هي مفكره اي كل حاجه بتحصل بأمرها واني قاعد مستني اشاره
شادي بهدوء: اظن انك مكبر الموضوع صحيح هي ظهرت فجاه ولخبطتت الكل بس بلاش تسبق الاحداث يمكن مؤمن معاه حق وتطلب الطلاق وتكملوا حياتكوا بهدوء
لينظر الاخر لهم بعصبيه رخم الألم الذي اجتاحه من فكره الطلاق يكرها نعم وكثيرا لأنها تخلت عنه فلماذا اذن يشعر ان روحه تكاد تخرج مجرد التفكير في الطلاق
لينظر الاخر لهم بعدم استيعاب ليلمح تلك الواقفه تستمع لحديثهم ببكاء صامت لتدخل لغرفتها سريعا ليلحق بها الياس ويجدها تجلس بهدوء
الياس بتوتر : شروق اسمعيني انا لتقول الاخري وهي تبكي بصمت : ادي اول مخاوفي اتحققت تقدر تقولي اي اللي بعد كده
ليجلس الاخر بجانبها وهو يمسك يديها : ميهمنيش ترجع او لا وانا قلتلك ده ميت مره كفايه انك عارفه ان مفيش غيرك حاليا فحياتي صح
لتنظر له الاخري وهي تضحك بسخريه لتقول : عينك فضحتك يا الياس شوف نظرتك المكسوره لسانك حتي مرضاش يقول هتطلقوا كان احساسي صح
ليزفر الاخر بشده وهو يقول بضيق : بلاش تتخيلي من دماغك ماشي وعدي الليله بقي يا شروق لتنظر له الاخري بدموع وهي تصمت
_________________
في صباح اليوم التالي
تمارا بصراخ : اقعد بقي طفحت امي يعم لينظر لها رعد بضيق وهو يحاول التحرك لتأتي نايا وهي تجلس لتسحبه من تمارا وهي تقبله بعنف
نايا بأبتسامه وهي تقبل رعد : حبيب خالتو عسل عسل يخربيت خدودك القمر ليضحك الاخر بشده وهو يمسك بوجهها
تمارا بأبتسامه وهي تمسك الكأس : خديه متبرعه بيه وبعدين لابسه ورايحه فين لتقول الاخري وهي تلاعب رعد بهدوء: رايحه لالياس
لتختنق الاخري بالماء وهي تقول بتوتر: نعم رايحه فين لتقول نايا وهي تترك رعد لتخرج : رايحه اشوف الياس لغايه امتي هنفضل كده
لتلحق بها تمارا سريعا وهي تقول : نايا استني لازم تعرفي حاجه بلاش تروحي كده لتتركها الاخري وهي تذهب سريعا لتقول بصوت عالي: بعدين يا تمارا عارفه هتقولي اي
تمارا بصراخ : طب هو غير عنوانه هتروحي ازاي لتستمع لصوت نايا قبل أن تخرج لتقول : معايا متقلقيش عرفت اجيبه
لتزفر تمارا سريعا بتوتر وهي تدور حول نفسها لتمسك هاتفها سريعا وهي تقول: نونيا الحقيني نايا رايحه لالياس
_______________
شروق بأبتسامه : حضرت الفطار قوم يلا وهات ملاك معاك لينظر لها الياس الذي كان يدغدغ ملاك وهي تضحك بشده
ليحملها وهو يقول بأبتسامه: تحبي اساعدك فحاجه لتقول شروق وهي تذهب للمطبخ سريعا : لا بس تقل علي ملاك عشان متبردش وخلاص
ليجلس الاخر وهو يداعب ابنته تحت ضحكاتها الشديده ليستمع لصوت جرس الباب ليحمل ملاك وهو يتوجه بها ناحيه الباب ليصدم من تلك الواقفه
بينما الاخري كانت تقف بأبتسامه سعيده وهي تنظر للباب ليفتح اخيرا وتجد الاخر يحمل فتاه صغيره لتقول بأبتسامه واستغراب وهي تنظر للفتاه: الياس انا ...
لتخرج شروق وهي تقول بأبتسامه : مين يا الياس لو روجينا قولها تيجي تفطر معانا لتتوقف وتنمحي ابتسامتها وهي تري نايا تنظر لها
نايا بصدمه وارتعاش : ش شروق لتكمل وهي تنظر لالياس ولملاك بأستغراب : اي اللي بيحصل هنا بالظبط
لينظر لها الياس ببرود وهو يقول : اعرفك شروق مراتي ودي ملاك بنتي
يتبع....
لقراءة الفصل التاسع والعشرون اضغط على : ( رواية زوج للايجار الفصل التاسع والعشرون )
لقراءة باقي الفصول اضغط على : ( رواية زوج للايجار )