رواية زوج للايجار الحلقة التاسعة والعشرون 29 بقلم أميرة محمد
رواية زوج للايجار الجزء التاسع والعشرون 29 بقلم أميرة محمد
رواية زوج للايجار البارت التاسع والعشرون 29 بقلم أميرة محمد
 |
| رواية زوج للايجار الفصل التاسع والعشرون 29 بقلم أميرة محمد |
رواية زوج للايجار الفصل التاسع والعشرون 29 بقلم أميرة محمد
نايا بضحك : الياس بطل هزار تمام عارفه اني صدمتك بوقفتي قدامك كده بس متبوخهاش بص انا عارفه انك زعلان مني بس احنا الاتنين غلطنا بلاش تزودها
الياس ببرود : انا مش بهزر شروق مراتي بجد والا اي يخليكي تشوفيها معايا فنفس البيت كمان مظنش ليكي حاجه هنا عشان تيجي ممكن اعرف سبب الزياره
لتقترب منه شروق وهي تقول بتوتر : الياس خلاص خليها تدخل حتي لتنظر لها نايا بصدمه وعدم استيعاب وهي تقول : انت بتتكلم جد انت اتجوزت عليا وكمان مخلف
الياس وهو يضحك بسخريه : اتجوزت علي مين معلش ليه هو انا متجوزك اصلا انتي ناسيه انه كان اتفاق وخلاص بح خلص بسفرك يوم ما خيرتك وانتي اختارتي
نايا بعصبيه : ايوه اخترت اخترت اسافر عشان يحصل اللي حصل خدت حقي وحقك ورجعت احسن من الاول رجعت كرامتي اللي اداس عليها بالجزمه عشت فوحده كل يوم بفكر لما ارجع هيحصل اي ويتري بتعمل اي دلوقتي وهتفضل زعلان مني قد اي بس اللي عمري متخيلته تتجوز ومن مين شروق
الياس بعصبيه وهو يضرب الباب بيديه : اخرسي اياكي تجيبي سيره مراتي علي لسانك انتي فاهمه غلطك تتحمليه لوحدك شروق دلوقتي مراتي واللي يمسها يمسني
شروق بتوتر : الياس اهدي ابوس ايدك خشوا جوه هتلموا علينا الناس لتنظر لها نايا بعدم تصديق وهي تضحك بسخريه : مراتك واللي يمسها يمسك طب وانا انا اي مش مراتك برده ولا السنين نستك اني علي ذمتك لسه
الياس ببرود : الظاهر انك انتي اللي نسيتي انك مشيتي وقعدتي سنين ليه محسساني انك رحتي يومين تلاته انتي قعدتي فوق تلات سنين واه مراتي وعلي ذمتي بس اتفقنا لغايه لما ترجعي ولا ناسيه كلام اخوكي عشان كده مفيش داعي نأجلها
نايا بصدمه : يعني اي هتطلقني بجد ليبتسم الياس بسخريه وهو يقول : معلش اي الفرق بين طلاقنا وجوازنا مفيش اختلاف ليه محسساني انك هامك العلاقه دي اوي وباقيه عليها
نايا بدموع : بجد مصدومه فيك معقول انت كنت كده من الاول ولا السنين غيرتك انا سافرت بعد اللي عملته فيا ولا ناسي فأول مطب انت شكيت فيا وضربتني قدامهم كلهم انا عمري مكنت هنسي اللي حصل لو قعدت معاك فغيابي مبصتش لغيرك واحترمت اني علي ذمتك وانت مصدقت رايح تتجوز
الياس بعصبيه : انتي ليه عايزه تطلعي نفسك ملاك وانا الشيطان عشتي تلات سنين حققتي كل اللي تتمنيه عملتي كل حاجه نفسك فيها متحسسنيش انك كنتي عايشه فسجن من غيري رجعتي وخدتي حقك بطريقه الشيطان نفسه مفكرش فيها غيرتي نفسك زي ما شايف وبقيتي اشهر سيده اعمال شفتي حياتك ليه معملش زيك
لتنظر الاخري له بصدمه من حديثه وهي تري شروق التي تحتضن ابنتها وتنظر ناحيتها بخوف لتقول وهي تبتلع ريقها بصعوبه : صح معاك حق شفت حياتي بس شفتها من الجانب العملي وغلطتي اني صدقت واحد باع نفسه بالفلوس مش هيبيعني لما يشوف سكه غيري
الياس بعصبيه : اخرسي انا مسمحلكيش تهنيني انتي مش احسن مني واحده باعت نفسها لواحد مقابل فلوس قعدت علي زمته فتره وهي حتي متعرفش اسمه عرضتي عليا الجواز واحنا مكملناش خمس دقايق شايفين بعض اي ارخص من كده
لتنزل دمعه من الاخري وهي تنظر له بعدم تصديق لحديثه لتمسحها سريعا وهي تضع تعابير البرود مجددا لتقول : ومالو يا الياس باشا جواز صفقه من الاول وطلعت صفقه خسرانه وانا متعودتش اكمل فخساره ليا يا افوز يا ارميها لغيري وشايفه في حد هياخد المرمي هنا فمفيش داعي نأجل ياريت ورقه طلاقي توصلني انا مش هقعد مع واحد سطحي وجاهل زيك
لتتركه وتذهب سريعا من امامه لينظر الياس لها بعصبيه مخفيا تحطم قلبه من نظراتها وحديثها ليغمض عينيه سريعا وهو يغلق الباب بحده
شروق بدموع: مكنش لازم تقول كده يا الياس انت جرحتها اوي بالكلام اي واحده مكنتش هتقبل علي نفسها كده
ليلتفت الاخر سريعا بنظرات ناريه : خشي اوضتك غيري هدومك خلينا ننزل للدكتور معاد عمليتك هيتحدد النهارده
لتومئ له الاخري وهي تحتضن ابنتها بخوف وتتركه سريعا ليجلس الاخر وهو يضع يديه اعلي راسه لتدمع عيونه بشده بمجرد التفكير انه خسرها فعلا
__________________
مؤمن وهو يصعد علي الطاوله سريعا : أحلفي بالله قولي والله لتنظر تالي حولهم بتوتر وهي تسحبه : مؤمن يخربيتك انزل فرجت علينا الشارع
مؤمن بسعاده وهو يصفق بشده: ده يا احلي خبر لوولووولووي أحلفي بالله اخيرا جالي براءه وهتجوز هتجوز يعني هعمل فرح واقول انا العريس صح
تالي وهي تخفي وجهها من الاحراج لنظرات الناس لهم : انزل يا زفت فرجت علينا الناس هتخليني اغير رأيي
مؤمن وهو يجلس سريعا : سيبيهم يشهدوا اخيرا بعد سنتين ونص هنتجوز انا قربت اخلل جمبك يشيخه كنت مفكر مش هييجي اليوم ده
تالي بضحك : يخربيتك يا مؤمن يعني هو انت مش متجوز محنا كاتبين كتابنا بعدين ده انا بقيت اشوفك اكتر من اهلي في البيت
مؤمن بأبتسامه : لا بس برده انك تكوني جمبي وانتي مراتي رسمي نظمي فهمي حاجه وأننا مجرد كاتبين كتاب حاجه تانيه
تالي بسعاده : استني بقي ده انا عماله من امبارح انقي في الفستان ومش عارفه اعمل اي بس اخيرا عرفت هلبس اي استني اوريك صوره الفستان
مؤمن بسعاده وهو يحمل منها الهاتف : اه وريني الفست... اي ده لتنظر له تالي بسعاده وهي تقول : حلو مش كده انا برده قلت كده اول مشوفته مقدرتش اعبر عن جماله
مؤمن بعصبيه : نعم يختي جمال اي يمو جمال ده انا هطلع جمال شخصيا علي جتتك اي القرف اللي جيباه ده
تالي بضيق : ماله يعني ها ماله مهو جميل اهه اي اللي مش عاجبك فيه ليقول الاخر وهو يضغط علي اسنانه بغيظ: مثلا انه حته قماش موصلش للركبة
تالي بضيق : دي الموضع يا جاهل بعدين تغيير نونيا اكيد هتلبس فستان طويل اي المانع من التغيير والبس فستان قصير زي ده
مؤمن بعصبيه : نعم يختي ولما انتي تلبسي ده في الفرح تلبسي اي في البيت يعني نونيا تغطي وانتي تقلعي جايبك للفرجه بقي اللي انا لسه مشوفتوش عايزه توريه لمصر كلها يا تالي
تالي بضيق : مؤمن انت مزودها مجرد فستان ودي مجرد ليله الله ليقول الاخر بضيق : انسي يا تالي علي جثتي مستحيل اسمحلك
تالي وهي تنظر له بعيون القطط : عشاني يا مؤمن بيبي ده هو يوم عديها بقي ليقول الاخر بتصميم : بقولك مش هيحصل لو علي موتي انتي فاهمه شايفاني كيس جوافه قدامك
لتزفر الاخري بشده وهي تقول بضيق : ماشي يا مؤمن ان ما وريتك ونشوف
_________________
تنظر أمامها بشرود وهي تتذكر كل ما حدث أيعقل انه تزوج غيرها وهي علي ذمته أيعقل انه فعل ذلك بها وهذا هو تفكيره ناحيه زواجهم وهي التي كانت تعد الايام لأخذ حقها والعوده له
لتستمع لصوت هاتفها وهي تجيب ببرود: اي يا نونيا لتقول الاخري بتوتر : نايا تمارا قالتلي انك رايحه لالياس انتي فين
نايا بسخريه : عشان كده كنتوا بتحاولوا تمنعوني عشان مشوفهوش وهو جمب مراته وبنته يااه بجد مش مصدقه ان ده نفس الشخص اللي حبيته وعملت المستحيل عشان اخد حقي وحقه
نونيا وهي تمسح وجهها بضيق : يعني عرفتي نايا الياس كان مضطر في الأول لان شروق تعبانه وعشان يحسن نفسيتها اضطر يتجوزها
لتضحك الاخري بشده حتي دمعت عيناها وهي تقول : لا يشيخه كتر خيره مفيش زيه فعمل الخير يتجوز مره عشان فلوس ومره عشان يساعد مريض يا تري الجوازه الجايه عشان اي ها مساعده يتيمه ولا هيتبناها قوليلي
نونيا بحزن : عارفه ان الموضوع مش سهل بس الياس اتعذب زيك في الوقت اللي مشيتي دخل فحاله وحده ومكنش بيقبل يتكلم مع حد ولا يخرج من اوضته
نايا ببكاء : يقوم يتجوز عليا واي مخلف تعرفي انا اصدمت لما لقيته ماسك البنت اول حاجه فكرت فيها ان بنت روجينا مثلا او اي حد غيرها بس ازاي متوقعتش انها بنته تعرفي اني كنت شيلاها بأيدي ووديتها لابوها اللي كنت بشبه عليه من ضهره واه ياني علي الصدفه تطلع بنته هو وشروق
نونيا باستغراب: امتي ده انتي مقولتليش حاجه زي كده لتقول الاخري بدموع : مش فارقه امتي فارقه اني طلعت بعمل كل ده في الفاضي انا كنت بزرع فأرض بور
ولما اخضرت بعد مجهود فظيع جه غيري خدها عالجاهز والمفروض اقف اتفرج وبس
نونيا : لا يا نايا مش هتتخلي عن حقك حاربي عشان الياس رجعيه هو مدايق منك مش اكتر ليكي حق فيه اكتر منها انتي الاولي فحياته والشخص اللي حبه
نايا : وهي ام بنته ومراته تخيلي كان بيدافع عنها قدامي كان بيقول ان اللي يمسها يمسه طب وانا مش مراته انا اللي حقي فيه طب راح كل ده فين قوليلي
نونيا بحزن : مش هقدر اقولك انك غلطانه بس عشان خاطري حاولي تفوقي وتشوفي هتعملي اي انتي اكيد مش هتضيعي كل اللي عملتيه عشان هو سابك
نايا وهي تمسح دموعها بقوه : معاكي حق كل اللي وصلتله مش سهل خد وقتي وصحتي وتفكيري مش هضيعه عشان واحد ميسواش
نونيا بأبتسامه : وهي دي صاحبتي انتي مش ضعيفه يلا روحي وشوفي هتعملي اي لازم تفوقي لتغلق الخط بعدها وتنظر نايا الي الامام بتصميم لبدايه جديده
________________
الياس بتوتر وهو ينظر لشروق : يعني اي يا دكتور السرعه دي ازاي بكره مينفعش تتأجل طيب اكيد هي مش جاهزه لكده
الطبيب بهدوء: للأسف يا استاذ الياس الورم انتشر بسرعه كبيره جدا عن اخر مره آخر فحص عملته مكنش بالكميه دي ابدا ولو مستعجلناش مش هنقدر نعمل حاجة وقتها
الياس وهو يبتلع ريقه بتوتر : طب نسبه نجاح العمليه قد اي لينظر الطبيب لشروق وهو يزفر بهدوء: للأسف نسبه النجاح ضعيفه اوي متعديش ٢٥% وعشان كده محتاجين تاخدوا قراركوا بسرعه ولو وافقتوا هتمضولي علي اقرار بكده
شروق وهي تمسك بيد الياس بخوف : الياس انا مش مستعده بنتي لسه صغيره انا حاسه اني هموت جوه مش عايزه اسيبها عشان خاطري بلاش
الياس وهو يحتضنها : اهدي يا شروق صحيح نسبه النجاح مش عاليه بس حتي لو ١% فأكيد في امل صح وبعدين مسيره الورم هينتشر اكتر مينفعش نسكت
الطبيب وهو يومئ بهدوء: ده صحيح لو العمليه معملتش للأسف علي الاسبوع الجاي بالكتير الورم هيكون انتشر تماما وللأسف مش هيطول فا لازم تاخدوا قراركم بسرعه
لتمسك شروق بألياس بقوه وهي تبكي بشده : مش عايزه انا خايفه كفايه يا الياس انا تعبت ليقول الاخر وهو يشد من احتضانها: اهدي يا شروق أنتي مش بتوثقي فيا لتومئ له الاخري بصمت ليكمل الاخر وهو يقول: يبقي وافقي هنعمل العمليه يا دكتور ياريت تجهز كل حاجه
الطبيب بهدوء: تمام يا استاذ الياس ياريت حضرتك تجهز المدام والورق وبكره بإذن الله هيكون معاد العمليه
ليومئ له الياس وهو يساند شروق ويخرج بعدها ليجلس أمامها وهو يمسك بيديها : شروق اهدي عارفه حقك تخافي بس انا جمبك هتخفي وترجعي لينا انا وبنتك لازم تحاربي عشانا
شروق ببكاء : خايفه يا الياس انا حاسه اني مش هخرج منها صدقني ملاك يا الياس هتعيش من غيري ازاي خايفه عليها اوي
الياس : شش اهدي ملاك انا جمبها وانتي هتخرجي وتبقي جمبها برده بلاش تفكري بشكل سلبي ممكن لتومئ له الاخري وهي تبكي بشده
________________
في صباح اليوم التالي
شادي بتوتر : كده كل حاجه جاهزه صح ليومئ له الياس وهو يقول بأستعجال : روجينا انا هسيب ملاك عندك خلي بالك منها ماشي
روجينا بدموع : الياس لا خليني اجل معاكوا عشان خاطري لازم اكون جمب شروق فيوم زي ده ليقول الاخر سريعا : مينفعش نروح كلنا يا روجينا بعدين لازم حد يقعد مع ملاك وآدم
روجينا بضيق: ماشي يا الياس بس طمني علطول ماشي ليومئ لها الاخر وهو يبحث عن شروق بعينيه ليذهب الي غرفه ملاك ليجدها تحتضنها وهي تبكي بشده فهي هكذا منذ الأمس لم تتركها ولو دقيقه حتي
الياس وهو يحتضنها : شش اهدي هترجعي صدقيني وهتبقي بخير وتحضنيها وتشوفيها بتكبر قدام عينك لتمسك الاخري يديه وهي تقول برجاء : اوعدني يا الياس تخلي بالك منها
الياس بضيق : شروق خلاص بلاش الكلام ده قلتلك هتطلعي وتبقي بخير قلقك ملوش لازمه لتقول الاخري ببكاء : عشان خاطري اودعني عايزه ارتاح قبل ما أدخل العمليه وعايزاك تقولي انك مسامحني علي اي حاجه
الياس بحزن : وعد يا شروق ملاك فعيني وانتي كمان هتبقي بخير وترجعي احسن من الاول يلا عشان منتاخرش
لتومئ له الاخري وهم يذهبون سريعا ليصلوا بعد مده وهي تمسك في الياس برعب شديد ليصلوا للغرفه المجهزه لها وتبدل ثيابها سريعا
شادي بأبتسامه وهو يقبل راسها : خليكي قويه عشان خاطرنا وخاطر بنتك همم هستناكي يا شروق اوعي تضعفي
شروق بأبتسامه باهته : خلي بالك من نفسك يشادي وخلي بالك من ملاك اوعدي تخليها لوحدها ليقول الاخر بدموع: اسكتي يا شروق هتطلعي وتاخدي بالك منها انتي فاهمه
لتومئ له الاخري وهي تنظر لالياس لتقول فجاه : الياس ممكن اطلب منك طلب اخير ليومئ الاخر بأستغراب لتقول الاخري بتوتر : انا انا عايزه اشوف نايا
الياس بأستغراب: نعم تشوفي مين لتقول الاخري سريعا : عشان خاطري يا الياس بلاش تسأل انا حابه اشوف نايا لاخر مره اتصل بيها وخليها تيجي
الياس بعصبيه: ده مستحيل يا شروق نايا معدش لينا دعوه بيها وخلاص مش محتاجين نشوفها
شروق ببكاء : الياس انا داخله عمليه والله اعلم هخرج ولالا اتصلي بيها لازم اقولها حاجه مهمه ليقول الاخر بأستغراب : تقوليلها اي مش فاهم
شروق : مش وقته خليها تيجي بسرعه بس ليومئ لها الاخر بضيق وهو يخرج ليحادث نايا لترد بعد فتره ببرود: نعم عايز اي نسيت حاجه مقولتهاش امبارح وحابب تقولها تاني
الياس ببرود : لو عليا مش هكلمك خالص بس انا لاخر مره هطلب منك حاجه لو حابه تعوضي حتي شويه من اللي عملتيه معايا شروق داخله العمليات دلوقتي وطالبه تشوفك ومصره تيجي بسرعه قبل ما تدخل
نايا بسخريه : اصلح اي وطالبه مين انت مفكرني هاجي بجد بعد اللي حصل امبارح ده انا يبقي معنديش دم
ليقول الاخر وهو يضغط علي اسنانه بغيظ: والله للأسف مش بأيدي ولو عليا مكنتش حابب اشوف وشك بس شروق طالبه كده وقالت عايزه تقولك حاجه مهمه ومصره علي ده لو مش هتعمليه عشان حاجه اعمليه كطلب لشخص مريض الله اعلم هيخرج ولالا
لتصمت نايا بعد فتره لتقول فجاه : ماشي هاجي بس مش عشانك ولا عشانها انا هعتبرها امنيه حد تعبان وبس وهاجي اديني العنوان
ليخبرها الياس سريعا بالعنوان لتتجه لسيارتها وهي تفكر في ذلك السبب الذي جعلها تطلبها علي وجه التحديد في وقت كذلك لتصل بعد مده وهي تذهب لغرفتها لتستأذن وهي تدخل ببرود
شروق بتوتر : شكرا لانك جيتي يا نايا مكنتش مفكره انك هتيجي بعد اللي حصل لتقول الاخري ببرود : مكنتش هاجي بس اعتبرها تلبيه امنيه لمريض
لتبتلع الاخري ريقها بصعوبه وهي تقول لالياس : ينفع تسيبونا لوحدنا ليومئ لها الجميع وهم يرحلون لتنظر لنايا وهي تقول بهدوء: عارفه انك مستغربه طلبي انك تيجي بس حابه اقولك حاجه يمكن الحمل يخف من عليا وربنا يسامحني
لتنظر لها نايا بأستغراب لتكمل الاخري بدموع : سامحيني يا نايا ابوس ايدك كل اللي انتي فيه بسببي انا انا اللي دمرتلك حياتك وطلعت خاينه طعنتك فشرفك قدام الياس بس يعلم ربنا مكنتش راضيه عن اللي بعمله حبي لالياس عماني معرفتش اعمل اي غير كده واهه ربنا بيعاقبني
لتنظر لها نايا بأستغراب وهي تقول : عقاب اي وخيانه اي انتي بتقولي اي اصلا
لتنظر لها شروق وهي تحكي لها كل ما حدث وكل ما فعلته بها مع عاصم ونرمين لتنظر الاخري لها بصدمه لتقول بعصبيه : يعني انتي السبب فكل ده كنتي بتضحكي فوشي وانتي بتضربيني فضهري
شروق ببكاء : عارفه اني انسانه زباله بس بالله عليكي تسامحيني انا داخله وحاسه مش هخرج منها يمكن لو سامحتيني ربنا يغفرلي
نايا بصدمه وهي تتحرك في كل مكان : اسامحك اسامح فيكي اي طلعتيني واحده خاينه وزباله دمرتي حياتي سنين من عمري فاتت بحاول انسي اللي حصل اتجوزتي جوزي وخلفتي منه وتقوليلي اسامحك
شروق ببكاء : عارفه اني غلط فحقك كتير بس حاولي انا عارفه صعبه بس يمكن ده يكون آخر طلب ليا في الدنيا عشان خاطر ربنا حاولي تسامحيني
نايا بعصبيه : مستحيل اسامحك مستحيل انا دخلتك بيتي وكنت بعاملك زي روجينا وزي اختي محستش منك شر ولا عمرك شفتيه مني تقومي تعملي كل ده فيا
شروق ببكاء : انا غلطانه وبعترف بس لاخر مره سامحيني لتنظر لها نايا بعصبيه وهي تقول بهدوء مخيف : انا هخرج من الاوضه دي وكأني مسمعتش حاجه وفكره اني اسامحك تشيليها من بالك انا بكرهك يا شروق ومستحيل افكر فيوم اسامحك
لتتحرك سريعا للخارج وهي تفتح الباب لتقول شروق سريعا : نايا خلي بالك من ملاك لتتصنم الاخري وهي تنظر للخلف لها : ملاك بنتي ملهاش ذنب فأي حاجه فنفس الوقت هي بنت الياس انتي بتحبيه متنكريش لتبتلع ريقها وهي تقول: وهو كمان بيحبك
نايا بسخريه : يا بجاحتكوا والله بيحبني كمان امال لو بيكرهني كان عمل فيا اي ها
شروق بهدوء: الياس عمره معتبرني زوجه بالرغم من كل حاجه مقدرتش افوز بقلبه ولو مره كان زي واجب بيأديه مع معامله كويسه ويمكن شفقه بس عمري محسيت انه حبني كان دايما رغم كرهه ليكي اللي بيحاول يبينه بشوف حب كبير فعينه
نايا بعصبيه : وليه جايه تقوليلي ده دلوقتي ها ليه وبنتك انا اخر واحده ممكن تأمنيني عليها اشمعنا انا
شروق وهي تنظر لها بحزن : لأنك طيبه ومهما حصل واثقه مش هتاخديها بذنب مش ذنبها ولاني شفتك وانتي شايلاها يوميها وشفت فرحتها وتقبلها ليكي ودي مبتحصلش مع الناس الغريبه ابوس ايدك يا نايا بنتي مش هتلاقي ام احسن منك
لتنظر لها نايا بعصبيه وهي تخرج سريعا لتري الياس يقف أمام الباب كأنه ينتظرها ليتجاهلها وهو يمر بهدوء : يلا يا شروق الدكتور هيبعتهم يجهزوكي دلوقتي
لتومئ له الاخري وهي تنظر له بخوف لتخرج بعد مده وهم يحملوها لغرفه العمليات لتري نايا تجلس وهي تضع راسها بين ذراعيها لتنظر لها بأعين حمراء لتترجاها الاخري بأعينها وهي تدخل لغرفه العمليات
ليمر العديد من الوقت كاد يفتك بصبر الجميع تلك الجالسه تفكر فيما قالته لها وذلك الواقف مغمض العينين يفكر بكل ما مر عليه ليقاطع هدوئهم صوت فتح باب الغرفه ليركض الجميع له سريعا عدا نايا
شادي سريعا : ها يا دكتور حصل اي شروق كويسه لينظر له الطبيب بأسف وهو يضع يده علي كتف شادي : للاسف العمليه كانت صعبه اوي وجسمها مقدرش يتحمل البقاء لله
لينظر الجميع له بصدمه وهم لا يستوعبون ما قاله ابتلك السهوله انتهي كل شئ كانت تجلس منذ دقائق فقط لتنظر نايا له ببرود ظاهري وهي تتذكر حديثها
: خلي بالك من ملاك يا نايا بنتي ملهاش ذنب فحاجه
نايا بهمس : ملاك يا تري اي اللي هيحصل بعدين معقول هقدر
يتبع....
لقراءة الفصل الثلاثون اضغط على : ( رواية زوج للايجار الفصل الثلاثون )
لقراءة باقي الفصول اضغط على : ( رواية زوج للايجار )