رواية كريمة يونس الحلقة الثانية 2 بقلم كريمة حمادة
رواية كريمة يونس الجزء الثاني 2 بقلم كريمة حمادة
رواية كريمة يونس البارت الثاني 2 بقلم كريمة حمادة
 |
| رواية كريمة يونس الفصل الثاني 2 بقلم كريمة حمادة |
رواية كريمة يونس الفصل الثاني 2 بقلم كريمة حمادة
يونس وصل بيتهم واول ما دخل مامته وقفته وسألته اتكلم فى ايه هو وكريمة
يونس:ولا حاجة يا امى زى اى رؤية شرعية بتحصل بس
/اومال كان باين عليها ليه زعلانة ومتعصبة كدا
يونس بنفاذ صبر:امى بالله عليكى انا عملت اللى انتى عايزاه وروحت معاكى مع أنه مش اختيارى بس عشانك وافقت
جات أخته فاطمة وهى ماسكة طبق بشاميل بتاكل فيه وقالت:ماما سيبك من يونس دلوقتى خلينا فيا انا
يونس مسكها من ياقة البيجامة ورفعها لفوق و:تسيبنى منى ليه؟بنت انتى فاكرة نفسك مين ها
فاطمة:ولا ولا بقولك ايه سيب شاكت البيجامة
يونس:شاكت؟خسارة فيكى التعليم الخصوصي والله انتى كان اخرك مدرسة حكومى اصلا
فاطمة والأكل فى بقها:معلش يا حظابط مش كلنا زيك
يونس بقرف:والله خسارة فيكى خطيبك وبعدين ايه شاكت دى جبتيها منين
فاطمة بضحك:ههه كنت بكلم كريمة مرة وسمعتها قالتها تقريبا اخوها مسكها نفس المسكة دى
يونس:كنت متوقع...انا داخل انام ومش عايز ازعاج ورايا مأمورية الصبح
/يابنى استنى نكمل كلام
يونس:امى بالله عليكى كفاية انا تعبان وعايز انام ورايا شغل مهم بكرة
مامته بقلة حيلة:ماشى يابنى روح ارتاح تصبح على خير
يونس:وانتى من اهله ودخل اوضته وقفل الباب....
فاطمة:ماما اظن يونس عك الدنيا
/دانا متأكدة عكها ابنى وعرفاه ربنا يهديه وميضيعش البنت من ايديه
فاطمة:طب تعالى هوريكى شوية هدوم وأجهزة من النت عجبونى
/يلا ياختى...
_____________________
..يعنى جيباتى على ملا وشى بليل وأحمد اتخانق معايا بسببك وكنا هنفشكل والله وليا ساعة قاعدة بكلمك ومترديش وعمالة راحة جاية ومتعصبة ومش عارفه مالك. فيه ايه يابت
كريمة بعصبية:هقولك وتشوفيلى حل وحكتلها كل حاجة حصلت بينها وبين يونس
اسماء:امممممممم
كريمة:هو ايه اللى امممم اعمل بيها ايه دى يعنى
اسماء:اصبرى بس هقولك الاول انزلى هاتى طبق محشى من اللى عملته خالتى ولو عندكم حاجة ساقعة هاتيها برضوا
كريمة رمت المخدة عليها و:اسماء متعصبنيش
اسماء:والله منا متكلمة الا لما تجيبى اللى قولت عليه ها
____
اهو جبتلك المحشى وكولا اخلصى بقى
اسماء:بصى يا ستى مش هو جاى برغبة مامته احنا بقى نجيبه بمزاجه
كريمة:بمعنى
اسماء:بمعنى يا ستى هنخليه بدل ما بقولك يلا نسيب بعض لانا مش هسيبك ابدا يا كريمة وشغل الروايات بتاعتك دى
كريمة:بس أنا مش عايزاه اصلا انا عايزة زى جرح كرامتى اردهاله بالظبط
اسماء بمكر:يابت مش عليا الكلام دا تلفى على اى. حد الا انا
كريمة:ماشى ماشى بصى متكرش أنه حلو ومركز وباين عليه محترم لو هتغاضى عن اللى عمله دا وكمان اسمه انا بحب الاسم دا اوى بس..بس يا اسماء احنا مش شبه بعض فى حاجات كتير وهو..
اسماء:بس بس كفاية بلا هو بلا بتاع يعنى انا وأحمد مثلا اللى شبه بعض اوى...اسمعينى بس احنا هنتبع خطط كتير اولا مش هو اتريق على فستانك امبارح
_بالظبط
:احنا بقى اول حاجة هنعملها هننزل نشترى فستان للخطوبة يخليه يلف حوالين نفسه كدا وفى نفس هيظبطك برضو
كريمة:اممممم حلو دا...الخطوبة بعد اسبوع بالظبط ومن دلوقتى لنهاية الأسبوع ندور على فستان
اسماء بحماس:اشطا يلا ندور على الاون لاين الاول
..فضلوا يدوروا على فستان ويحطوا خطط ويفكروا يعملوا ايه..لغاية ما جيه معاد الخطوبة وكل حاجة جهزت والخطورة كانت فى قاعة. وكريمة رفضت أن يونس يجيبها من الكوافير وأنه افضل يستناها فى القاعة
يونس بضيق:استغفر الله العظيم يارب،كله دا تأخير
/يا حبيبى اهدى بقى متتعصبش جامد كدا الناس تقول فى مشكلة ولا حاجة
يونس:حاضر يا امى حاضر
_العروسة وصلت اهو
يونس بص على باب القاعة واتصدم من اللى شافه ووقف متنح
يونس بصدمة/....
يتبع...
لقراءة الفصل الثالث اضغط على : ( رواية كريمة يونس الفصل الثالث )
لقراءة باقي الفصول اضغط على : ( رواية كريمة يونس )