رواية زوج للايجار الحلقة الحادية والثلاثون 31 بقلم أميرة محمد
رواية زوج للايجار الجزء الحادي والثلاثون 31 بقلم أميرة محمد
رواية زوج للايجار البارت الحادي والثلاثون 31 بقلم أميرة محمد
 |
| رواية زوج للايجار الفصل الحادي والثلاثون 31 بقلم أميرة محمد |
رواية زوج للايجار الفصل الحادي والثلاثون 31 بقلم أميرة محمد
نايا بأستغراب : الياس افتح اي الدوشه دي الياس في اي ليفتح الاخر سريعا وهي تنظر له بصدمه بذلك الشعر الاشعت والاعين الحمراء والشكل المهمل
نايا بصدمه : الياس حصل اي ليرفع الاخر الدفتر وهو يلقيه لها لتمسك الاخري به وهي تقرأ بأستغراب لتتوقف وهي تبتلع ريقها بتوتر
الياس ببرود : كنتي عارفه صح لتنظر له الاخري بتوتر وهي صامته ليصرخ الاخر بهياج : انطقي كنتي عارفه مش كده عشان كده كانت بتقولي سامحني وقالتلك نفس الكلمه عشان كده امنتك علي ملاك صح
نايا بتوتر : الياس اصبر هفهمك ليضرب الاخر الباب بعصبيه وهو يقول بصراخ : تفهميني اي ان حياتي كانت لعبه ليكوا انتو الاتنين كنتي عارفه وخبيتي عليا كل الوقت ده انطقي
نايا بصراخ: اخرس بقي كفايه انا تعبت منك وزودتها مش معني اني بحبك يبقي استحمل لا كفايه انا جبت اخري منك تلزم حدودك وانت بتكلمني انت فاهم ولسانك يتحفظ فوجودي وكلمه اهانه واحده بعد كده لا هستحملها منك ولا من غيرك
ليقترب الياس منها وهو يحاوطها ليقول بحده : اياكي تعلي صوتك مره تانيه انتي فاهمه اوعي تكوني ناسيه اني جوزك
لتدمع عين نايا وهي تقول بضعف : اظاهر ان انت اللي نسيت ده ونسيت أيامنا سوا القسوه ملت قلبك وعمتك يا الياس نستك نايا وحبها نسيت كل حاجه كانت بينا
لينظر لها الياس بحزن وهو يقول بهدوء: مقولتليش ليه سكتي واستحملتي لوحدك وبكل بساطه بتيجي يوميا قدام بابي لبنت اللي دمرتك حياتك جبتلي القوه دي منين
نايا بدموع وهي تبعد عينيها عنه: ملاك ملهاش ذنب ملاك يمكن الحاجه الوحيده الصح فحياتك وانا مقدره ده وعايزني اقول اي مراتك اللي ماتت السبب فتدمير حياتنا هي اللي وصلت اخبارنا واتهمتني وبوظت سمعتي كنت هتصدقني
لتزوغ عينيه ويزفر بشده هي معها حق لن يصدقها ليبتعد عنها وهو يمسح وجهه بتعب : انا عارف اني قسيت عليكي وزودتها بس فكره اني عايش فوهم كل الفتره اللي فاتت دي صدمتني اللي حصل زمان مش سهل انا كنت بموت فغيابك وانتي ولا هنا متوترتيش حتي وانتي بتقوليلي هبعد عنك حسيت كأن روحي بتروح مني وانتي مبصتيش حتي وراكي
نايا ببكاء : عايزني اقولك اي اهنتني وضربتني قدامهم وعيلتي عرفت بكل حاجه بينا لا هما كانوا هيتقبلوك ولا انا كنت هنسي الاهانه فيومين ابقي بضحك علي نفسي وعليك انا بحبك بس مش لدرجه اقبل ادوس علي كرامتي بالطريقه دي
ليقترب منها الاخر وهو يحتضنها : والله غصب عني انا من حرقتي وهو بيقول كل اللي جه فبالي لو مش صح ليه خبيتي عني وعرف اخبارنا منين مكنتش متوقع ابدا ده ييجي من شروق ولا معرفتها بيهم سامحيني يا نايا
لترفع الاخري وجهها وهي تقول : ياااه بالسهوله دي عايزني اسامحك ده مستحيل يا الياس لا هنسي كلامك ولا تعاملك ولا كسرتي وانا باخد حقي وحقك وبرجع كرامتنا وانت رحت عشت مع شروق واتجوزت وخلفت مستحيل
ليبتعد الاخر عنها وهو يقول بحيره : يعني اي لتمسح نايا دموعها وهي تقول بأصرار : يعني كل حاجه انتهت معدش ينفع عن اذنك هروح دلوقتي وهبقي اجي بعدين اشوف ملاك
لتتركه وترحل تحت صدمه الاخر منها ليجلس وهو ينظر لاثرها بضيق : ماشي يا نايا انا وانتي والزمن طويل هرجعلك ليا ومحدش هياخدك مني برده
________________
تالي بسعاده: كده كل حاجه جهزت وحتي المعازيم معدش حاجه غير نجهز احنا بس لتنظر لها نونيا وهي تقول بتفكير : فكره فرح مشترك حلوه بس برايك هيبقي مناسب نعمل فرح في الوقت ده
تالي بأستغراب: ليه في اي لتقول نونيا وهي ترفع كتفيها بلا مبالاه : يعني نايا والياس لسه متخانقيين كمان موت شروق من فتره ولسه شادي متاثر
تالي بهدوء: نايا والياس زعلانين من بعض ويمكن موت شروق يقربهم وبالعكس الفرح ممكن يبقي فرصه ليهم يقربوا من بعض اكتر وشادي مسيره هيتعدي موت شروق خاصا لما تبقي جمبه فكري فكده
لتتنهد نونيا بتعب وهي تقول : يبقي علي بركه الله الفرح بعد يومين
__________________
شادي بصراخ : يا مؤمن يا حيوان انزل من فوق المكتب لينظر له الاخر وهو يرقص بسعاده : والنهارده فرحي يا جدعان وهتجوز هتجوز لووولوولوي اسكت ياض المفروض تفرح ده انا مستني اللحظه دي من سنين ده انا قربت اخلل
حسام بسخريه : سيبه يا شادي ليطقله عرق ولا حاجه خليه يطلع الكبت اللي جواه
ليقفز مؤمن بسعاده من المكتب وهو يقول : ايوه كده يا حس يا جامد ياللي حاسس بيا الراجل عاقل شفت ازاي ليستمعوا لصوت الياس القادم وهو يقول بسخريه : عاقل عشان قالك تعمل اللي عايزه مش كده
ليذهبوا له سريعا وهم يحتتضنوه ليقول حسام بسعاده : اخيرا يا جدع بقالك شهرين مش راضي تشوف حد ولا تخرج اي غير رايك غريبه
الياس بمشاكسه : شكلك مش فرحان يا حس اني خرجت ولا اي ليقول الاخر سريعا : يجدع احنا ما صدقنا كنا فاقدين فيك الأمل اصلا
ليضحك الياس بشده وهو يقول : خلاص فقت لنفسي وعرفت انه كفايه لغايه كده مش هفضل علطول عايش كده لازم اصلح كل اللي بوظته
مؤمن بأستغراب: يعني اي ليقول الاخر بأبتسامه : انا قررت ارجع لنايا بس لازم اخليها تسامحني الاول
مؤمن بسعاده : اخيرا عقلك رجعلك يا الياس حمدلله علي السلامه يراجل طولت اوي ليقول حسام وهو يحتضنه : فرحانلك يصاحبي عملت عين العقل
لينظر الياس لشادي الصامت وهو يقول : وانت يا شادي مش هتباركلي انا عارف ان شروق ..
ليقاطعه شادي بابتسامه وهو يقول: مبروك يصاحبي انا مستحيل اقف فطريق سعادتك الياس انت ضحيت عشان شروق بسنين مستحيل استخسر عليك سعاده زي دي دلوقتي ابقي اناني
ليبتسم له الياس وهو يقول : ده العشم يا جدعان اهم حاجه هتساعدوني ارجعها صح عندي فكره ويارب تنفع ليومئ له الجميع وهم يبتسمون بسعاده
____________________
بعد مرور يومين
تمارا بصراخ : يا رعد يا حيوان انزل من قدام الجاتوه هناكله بس مش دلوقتي يقولوا علينا اي مفاجيع استني لما يفضي المكان الاول لينظر لها عدي بسخريه وهو يقول : ونعم التربيه يا أمي والله
تمارا بفخر : ايوه امال هو انا ينفع اعلم ابني القيم الوحشه برده مينفعش ليأتي يزن وهو يقول : ارحمي امي يا تمارا ونزلني ابنك فضحنا في المكان
تمارا بضيق: اي ابني ده بقي لا اسمع اما اقولك ده انا اخد عيالي وامشي متعرفليش مكان وابهدلك في محكمه الاسره واطلعك بتسرحهم في الإشارات يبيعوا فل ومناديل نتلم ها
يزن بصدمه : يمجنونه هو انا نطقت بقولك شيليه هيبوظ الفرح وتالي ومؤمن هيموتونا لتنظر له تمارا بشك وهي تقول : اشمعنا مقولتش ونونيا وشادي ها
يزن بلا مبالاه : لأنهم للاسف عارفين عقلك انتي وابنك فمش هيعتبوا عليكوا ليصفق عدي بشده وهو يقول : ايوه يا يزن يجامد اضرب من تحت الحزام واديله
تمارا بشهقه : واد يا عدي هو شتمني انا واخوك ولا انا بيتهيألي ليقول عدي بسعاده : يحجه ده مسح بكرامتك بلاط القاعه كلها حته حته انتي لسه بتسالي
لتنظر تمارا بشرار ناحيه يزن وهي تقول بحده : الكلام اللي بيقوله الواد الصايع اللي معرفتش اربيه جمبي ده صح ليقول يزن ببرود : تقريبا ايوه وتقريبا لا
تمارا بشك : يعني اي تقريبا اه او لا مش فاهمه ليقول عدي بسخريه : وكأنك قلتي حاجه جديده منتي علطول كده
لتنظر له تمارا بحده ليقول يزن بهدوء : حسب هتنكدي بعدها وتصدعي اهلي يبقي لا هتزعلي وتروحي لاهلك انتي وعيالك وتريحوني يبقي ايوه
لتبتسم تمارا وهي تقول بهدوء: يبقي لا قاعده علي قلبك لما يبقي يبانلك صحاب لتأتي نايا وهي تقول بأبتسامه : ها سمعوني خناقه علي اي النهارده
يزن بضيق : شوفي صاحبتك لقد ضقت بها ذرعا وصلت معايا لهنا لتنظر له تمارا بغباء وهي تقول: وانا مالي ومال دراعك انت هتلزق اي بلوه فيا وخلاص
يزن وهو يشير لها : اهه شفتي وصلت معايا لهنا عقليها لطلقها وارتاح لتقوم تمارا بعمل حركه شعبيه بفمها وهي تقول : صحيح الواحد بيتبطر علي نعمه ربنا انت كنت تطول تتجوزتي اصلا ناسي حفيت علشاني قد اي
نايا : بس بس بس خلاص كفايه خناق هنستعبط علي بعض انتو الاتنين مكنتوش مصدقين عدوها بقي احنا ففرح مش جايين نتخانق لتري روجينا وحسام وهو يدخلون لتبتسم لهم
روجينا بخجل : ازيك يا نايا عامله اي لتبتسم لها نايا وهي تحتضنها تحت نظرات السخط من يزن الذي اشاح وجهه بعصبيه : عامله اي يا روجي
روجينا وهي تنظر لحسام : بخير والله الحمدلله لتقول نايا بأستغراب : امال فين ملاك وآدم مجبتهمش ليه لتقول الاخري بأبتسامه : سبتهم مع ماما هناك وجينا عشان منبهدلهمش
لتومئ لها نايا بحزن وهي تتذكر منار تلك السيده الطيبه التي ساعدتها كثيرا واعتبرتها كأبنتها لتستمع لصوت الموسيقي ودخول تالي ومؤمن ونونيا وشادي لينظر الجميع لهم بسعاده كبيره وهو يدخلون القاعه
ليقف جميع الأزواج بجانب بعضهم لتبدا الرقاصات الثنائيه لتشير تالي لهم وهي تبتسم بسعاده ليقول مؤمن بغيظ : اهدي يخربيتك هتدوسي علي رجلي مش كفايه الكعب سبعه سم اللي لابساه ده
تالي بضيق : بقولك اي عاملني كويس احسن اجيبك من شعرك دلوقتي ومش هيهمني حد فاكر اول مره اتقابلنا ليضحك مؤمن بشده وهو يقول : فاكر يا اس المصايب هي دي حاجه تتنسي
تالي بابتسامه : هتغاضي علي اس المصايب بأتنين كيلو كباب وكفته قلت اي لينظر لها مؤمن لها بأشمئزاز وهو يقول : يبيئه ملكيش في الرومانسية بس هقول اي يلا ادبست
لتبتعد تالي عنه بحنق وهي تقول : لا وعلي اي لسه في الفرح مدبستش يخويا ليسحبها مؤمن له وهو يحتضنها ليبتسم : اجمل تدبيسه في الدنيا انا عشقتك من اول يوم شفنا فيه يا هبله وبعدين لو في الفرح مدبستيش امال امتي يختي ها
لتبتسم له تالي وهي تحتضنه: مهو اصل اي بقي وانا كمان بحبك اوي يسي مؤمن ومش مهم ادبست ادبست بقي ليضحك الاخر عليها وهو يحتضنها بشده
____________________
نونيا بأبتسامه : مش مصدقه ان اخيرا بقينا سوا معقول بعد كل الوقت ده
ليبتسم لها شادي وهو يضع جبهته علي جبهتها بحب : فعلا استحملنا كتير اوي وعدي وقت اكتر بس وعد مني مش هنتفرق تاني ابدا
لتضحك له نونيا وهي تحتضنه بعشق لتقول : بحبك يا شادي واتمني حياتي كلها افضل جمبك
شادي بحب وهو يحتضنها بشده : وانا بعشقك يروح شادي وباذن الله مش هتخلي عنك ابدا
________________
روجينا بحماس : بجد يا حسام يعني هنسافر سوا ليداعب حسام انفها بحب وهو يقول : ايوه يروح حسام احنا مرحناش شهر عسل زي الناس ونتقل شويه بقي علي طنط تاخد بالها منهم
روجينا بحزن : ايوه بس ادم وملاك لسه صغيرين اوي هسيبهم لوحدهم ازاي ليقول حسام بحب : طنط هنا وكمان الياس ونايا متنسيش انها بدات تاخد بالها من ملاك وتاخد ادم شويه معاه ومن حقنا نقعد شويه بهدوء ولا اي
لتبتسم روجينا بخجل وهي تقول : ايوه فعلا احنا مسافرناش ولا مره في السنين دي كلها بجد متحمسه اوي
ليضحك حسام عليها بشده وهو يقول بخبث : قولي انك عايزه تستفردي بيا يا خبيثه اكمني واد حليوه ومقطقط
لتضربه روجينا علي كتفه بغيظ وهي تقول : حسام اسكت متكسفنيش ليضحك حسام بشده وهو يقول بغمزه : عيون حسام يروحي مبيحبش غيرك ده
روجينا بحب : ولا انا بحب غيره ولا هحب محدش عندي زيه اصلا ليحتضنها حسام بحب وهو يقول : ربنا يديم اللي بينا يروحي يارب
______________
تمارا بضيق : واد يا يزن كعب الجزمه عالي علي رجلي اوي لينظر لها يزن بسخريه وهو يقول : كعب اي يتمارا انتي اصلا مش محتاجه لان في الحالتين اوزعه مش واصله لكتفي
لتزم الاخري شفتيها بضيق وهي تقول : اتريق اتريق مش عاجبك دلوقتي ها كنت دايما تقولي انك بتحب اني اوصل لقلبك اي دلوقتي مبقتش اوصل للدور التاني حتي ولا اي
ليضحك يزن عليها بشده وهو يحتضنها ليقول بعشق : هتفضلي دايما مهما يحصل حتي بعيالك اللي مجنني معاهم هحبك وهعشقك كأنها اول مره بالظبط
لتبتسم تمارا بحب وهي تحتضنه : هحاول اصدقك يا يزن علي العموم انا خليت عدي يراقبك مقابل اني اسكت لما يجيب البت المسلوعه اللي اسمها اسماء معاه ليضحك يزن عليها بشده وهو يحتضنها بقوه
__________________
تجلس الاخري منذ قليل وهي تتابعهم بأبتسامه سعيده فأخيرا لم شمل الجميع لتري شخص يقف أمامها يسد عنها الرؤيه
نايا بأستغراب: الياس في اي لينظر لها الياس بأبتسامه وهو يغمز لها : كلهم يحلو اتنين اتنين وانا وقلبي واحد يحبه العين ما تيجي نرقص زي اللي هناك دول
لتكتم الاخري ضحكتها بصعوبه وهي ترسم ملامح البرود : لا مش عايزه شكرا ليزم الاخر شفتيه بضيق وهو يقول : لا منا هرقص يعني هرقص
نايا بعصبيه مصطنعه : مترقص وانا مالي حد قالك انك جاي لمديره كباريه النجوم الله ليضحك الاخر بشده عليها وهو يقول : لا بس يعني بما اني زوجك العزيز وقره عينك خلي عندك دم وقومي ارقصي معايا
نايا بعناد وهي تشيح بوجهها بعيدا : لا وبعدين انت مش جوزي هنطلق احنا متنساش ليقول الياس بضيق : يعني مش هتقومي ترقصي معايا
نايا بعناد : لا وشوفلك رقاصه ترقص معاك معدش ليا دعوه بيك ليومئ لها الياس بأقتناع وهو يرحل لتقول نايا سريعا : استني انت رايح فين
الياس بأستغراب: هشوفلي رقاصه قصدي هشوف بنت ارقص معاها كانت عيني هتطلع علي واحده هنا هشوفها في الاخر انا هطلق وابقي أعذب لازم الاقي واحده عسوله تفضل معايا
نايا بعصبيه : نعم يخويا اي السرعه دي ملحقتش تتحايل عليا خمس دقايق ولا الأخ ما بيصدق ليضع الاخر يديه أمام صدره وهو يقول بمشاكسه : لا بس يعني انتي عايزه تطلقي صح
لتنظر له نايا بعصبيه وهي تشيح بوجهها عنه لتشعر به يحملها لتصرخ وهي تحاول النزول : الياس انت بتعمل اي الياس نزلني
الياس بابتسامه : لا للاسف الاوبشن ده معدش متاح فا اي بقي هنخطفك طالما الزوق مش نافع معاكي يا مدام نايا
نايا بعصبيه : الياس ابعد الناس بتبص نزلني انت رايح فين ليقول الاخر بتسليه : قلتلك هخطفك الله اصبري زي المخطوفين بقي
لينظر الجميع لهم بأستغراب لصراخ نايا وحمل الياس لها وذهابه ليحاول يزن الذهاب لهم سريعا واللحاق بهم لتمسك به تمارا سريعا
تمارا: تعالي هنا رايح فين كفايه يا يزن اختك اتعذبت كل السنين دي سيبها تعيش حياتها ليقول الاخر بعصبيه : اسيبها تعيش حياتها مع واحد زي ده غشاش ومخادع
تمارا بغمزه: بس بتحبه وطول السنين دي مكانتش بتنزل عشانه ومش هتشوف غيره عديها ييزون وتعالي نكمل الرقصه مش كل يوم بنرقص
يزن بضيق : بس ... لتمسك به تمارا سريعا وهي تسحبه للرقص لتبعده عن نايا والياس ليزفر الاخر بضيق وهو يبتعد
_______________
نايا وهي تتحرك بشده : الياس نزلني نزلني بقولك لينزلها الاخر سريعا ليقول بابتسامه : اهه يستي نزلتك
نايا بأستغراب : اي السرعه دي مش المفروض تتعصب وتقولي لا مش هنزلك والكلام ده وبعدين مش قلت هتخطفني
ليقترب منها الياس وهو ينظر لها بمشاكسه : امم شايف واحده حبت الموضوع ها لتتوتر الاخري وهي تقول : لا بس يعني
الياس بضحك : اركبي طيب عشان اخطفك لتقول الاخري بعناد : لا مش هركب ومش عايزه اتخطف
ليمسك بها الياس وهو يركبها السياره غصبا لتبتسم هي بعيدا وهي تحاول أن تشيح بوجهها بعيدا حتي لا يري ليضحك عليها الاخر وهو يذهب ليصل بعد فتره لمكان ما
نايا باستغراب : البحر اشمعنا لينظر لها الياس بحب وهو يقول : بيفكرني بيكي هادي فنفس الوقت امواجه تغرقك جماله ساحر ونقي مجتمع فيه صفات كتير تعرفي ده
نايا بهدوء : لا معرفش ومش عايزه اعرف ممكن افهم جينا هنا ليه ليزفر الاخر بشده وهو يقول : نايا كفايه سنين عمرنا اللي راحت اظن لغايه كده وعارف اني غلط كتير بس سامحيني مش حمل تبعدي عني تاني
نايا بدموع : انت جرحتني كتير ازاي عايزني انسي ده
ليمسك الاخر يديها بحب وهو يقول : وعد هحاول اعوضك عن كل لحظه زعلتك فيها بس عشان خاطري حاول تسامحيني ونبدأ من جديد انا محتاجك جمبي ومش هقدر اعيش يوم من غيرك كنت بكابر في الأول بس خلاص كفايه عناد لغايه كده
نايا بدموع : توعدني معدتش تزعلني ولا تصدق عليا حاجه بعد كده ليقبل الاخر يديها بحب وهو يقول : وعد معدتش ازعلك ابدا ولا أصدق عليكي اي حاجه وحشه
لتبتسم له نايا بحب لتقول : بتحبني لينظر لها الاخر بعشق وهو يقول : تؤ كلمه حب قليله انا اتعديتها من زمان من اول يوم شفتك فيه حبيتك رغم اني شفتك مجنونه اصلا
نايا بضحك : اصلا ها طب واي لزمتها بحبك بعد مشتمتني ليقول الاخر بضحك : مهو اي بقي اكتشفت ان ده كان من حظي اني اقابلك تخيلي لو مكنتش متاخر ولا ضربتي فعربيتي
لترفع نايا كتفيها بلا مبالاه : كنت استنيتك في الشارع ده عشان اكسر عربيتك علي دماغك بعدها ليزم الاخر شفتيه وهو يقول : يا ساتيرررر يارب يعوذ بالله علي الحقد يناس
لتضحك الاخري وهي تخرج من السياره ليلحق الاخر بها بأستغراب لتذهب ناحيه البحر وهي تقول : تعرف ان الجو حلو اوي هنا
الياس بابتسامه : فعلا بس قربت تبرد اجمل جو بالنسبالي لتقول الاخري بخبث : قلتلي اجمل جو طب اي رايك تاخد حمام طبيعي كده هنا
لينظر الاخر لها باستغراب لتقوم الاخري برشه بالماء بشده ليتبلل الاخر وهو يركض بعيدا : نايا بطلي هزار اتغرقت يختااااي ابعدي يرخمه وحياتك لوريكي
ليبدا الاخر برش الماء عليها بشده تحت صراخ الاخري وهي تركض منه ليلحق بها وهو يركض خلفها ليمسكها بعد فتره وهو يحتضنها من الخلف ليضحكوا سويا بشده
الياس بتعب : تعبتيني يشيخه حرام عليك لتبتسم نايا وهي تقول : حقي اتعبك شويه زي متعبتني كتير
ليهمهم الياس بحب وهو يغمض عينيه بهدوء: بحبك لتنظر له نايا وهي تمسك بوجهه : قولها تاني
الياس بسعاده : بحبك والله بحبك ومحبيت غيرك ابدا حتي فغيابك عمري محبيت غيرك
نايا بحب : وانا بعشقك يا الياس وعمري محب ولا هحب غيرك
ليحتضنها الاخر بحب وهو يدعوا الله ان يدوم عليهم تلك الحياه الهادئه ويعوضهم تلك السنوات الماضيه
#بقلم / اميره محمد
#تمت بحمد الله الحمد لله خلصت بكرم ربنا وفضله وكأني بداتها امبارح اتمني تكون قصه خفيفه عليكوا وحبيتوها تفاعل وكومنتات كتير بقي ورايكوا يحلوين عشان نبدأ روايه جديده سوا بإذن الله
#متهمي جربت مره كراش المواصلات حب من اول نظره ينتهي بنزول الشخص ده طب تخيل ان كراشك يبقي من المحكمه ومش اي كراش
_ ده كراش حضره القاضيه للمحكمة العليا وتخيل تكراش علي متهم بجريمه قتل واجب عليه حكم الاعدام يا تري هيحصل اي فيها وحبها هيتقبل ولا قضيه خسرانه
يتبع....
لقراءة الفصل الثاني والثلاثون اضغط على : ( رواية زوج للايجار الفصل الثاني والثلاثون )
لقراءة باقي الفصول اضغط على : ( رواية زوج للايجار )