رواية ريم وباسم الفصل الأول 1 بقلم إسراء إبراهيم

رواية ريم وباسم الحلقة الأولى 1 بقلم إسراء إبراهيم

رواية ريم وباسم الجزء الأول 1 بقلم إسراء إبراهيم

رواية ريم وباسم البارت الأول 1 بقلم إسراء إبراهيم

رواية ريم وباسم الفصل الأول 1 بقلم إسراء إبراهيم

رواية ريم وباسم الفصل الأول 1 بقلم إسراء إبراهيم

عمو ممكن تقولي هو فين الاقي حد بيبيع بونبوني ؟

قالت ريم كدة بطريقة طفولية خلت باسم يبصلها باستغراب وهو بيقول :

انتي بتسألي عن سوبر ماركت يعني ولا عايزة ايه بالظبط 

كشرت ريم وقالتله وهيا بترفع كتافها بتلقائية :

مش عارفة بس خالو اداني الفلوس وقالي روحي اشتري بونبوني وانا بقالي كتير اوي ماشية ورجلي و*جعتني وبرضه مش لقيت حد بيبيع بونبوني وشوفت حضرتك واقف فقولت اسألك ؟

باسم كان حاسس ان ريم تقريبا في حاجة في عقلها لان طريقتها مش طبيعية ،، بتتكلم كأنها طفلة بس هيا شابة وجميلة جدا كمان وسألها باسم وكأنه عايز يتأكد من شكوكه :

هو انتي عندك كام سنة يا انسة ؟

ريم استغربت وبصتله وقالتله كأنها حافظة  :

انا اسمي ريم وعندي سبع سنين بس ،، هو ممكن اعرف حضرتك بتسألني ليه بقي يا عمو ؟

باسم استغرب من رد ريم واتأكد ان ريم فعلا عقلها في حاجة فقالها بهدوء:

انا اسف يعني ،، بس انتي طريقتك في الكلام غريبة ،، بتتكلمي كأنك طفلة صغيرة وبصراحة مفيش بنت في هيئتك دي بتتكلم بالبراءة دي دلوقتي 

ريم بصتله بضيق وقالتله وهيا بتمشي من قدامه ومتجاهلة رأيه فيها:

تمام متشكرة ليك ،، انا هسأل حد تاني ،، بعد اذنك 

باسم بص علي ريم وهيا ماشية وبعدين مشي وراها بتردد وهو بيقؤل :

استني يا انسة ،، واول ما ريم وقفت كمل باسم وقال :

احم بصراحة كدة انا خايف عليكي 

ريم بصت لباسم باستغراب وسألته بتلقائية :

ممكن اعرف خايف عليا من ايه ؟،، هو متشكرة طبعا ليك جدا يا عمو بس انا عايزة اعرف

باسم بصلها شوية وبعدين قال باستغراب:

هو انتي ازاي كدة يعني بتشكريني عشان بقؤلك اني خايف عليكي ومصدقاني ،، طب مش خايفة مثلا اكون بضحك عليكي ؟

ريم فكرت شوية وبعدين بصت لباسم وشاورت قدام وشه وهيا بتسأله ببراءة :

طب هو انت بتضحك عليا يا عمو ؟

باسم بصلها بصدمة وقال وهو بيسيبها ويمشي وبيض*رب كف علي كف :

لا ده انتي باين عليكي هبلة كمان ،، انا ناقص ،، كفاية عليا مريم 

ريم فضلت واقفة شوية تفكر وبعدين جريت ورا باسم وهيا بتقؤله :

لو سمحت استني بس ،، هو ممكن اسألك سؤال مهم اووي ؟

باسم بتنهيدة :

طبعا اتفضلي اسألي 

ريم فجأة ابتسمت وهيا بتقؤله :

هيا مين مريم دي ؟ 

باسم مبينش اي ردة فعل وفضل باصص لريم ومش بيتكلم فشاورت قدام وشه وهيا بتقؤله باستغراب :

عمو هو انت مش بتتكلم ليه ؟

باسم بص لريم باستغراب ومكنش عارف يعمل ايه ،، يسيبها ويمشي بس ببراءتها دي سهل ان اي حد يضحك عليها ويأ*ذيها  ،، فاتنهد باسم وقال بقلة حيلة :

تعرفي مكان بيتك 

ريم بصتله بغرور وقالت بتلقائية وثقة :

طبعا عارفة هو انت فاكرني صغيرة ده انا عندي سبع سنين

باسم بص لريم بضيق وقالها بسخرية  :

لما كل الثقة دي وانتي بتقولي عندك سبع سنين اومال لو عندك 18 هتعملي ايه 

ريم بصتله بغرور وقالتله بتلقائية :

طبعا هروح لوحدي ومش هخلي حد يوصلني منا هبقي كبيرة بقي قد كدة 

باسم ضحك بتلقائية علي كلام ريم وكان مستغرب ازاي تنزل الشارع دي وحالتها كدة واتنهد بقلة حيلة وهو بيشاور لريم وبيقؤلها :

طب يلا تعالي معايا انا راكن عربيتي هناك اهي واوصفيلي العنوان وانا هوديكي بيتك وياريت متبقيش تخرجي لوحدك مرة تانية 

ريم حركت راسها بموافقة واخدها باسم وركبو العربية ومشيو 

...........................

بليل كانت واقفة مريم اخت باسم في البلكونة وعمالة تبص يمين وشمال بقلق  :

اتأخرت كدة ليه يا باسم بس ،، ربنا يسترها عليك يارب يا حبيبي 

في نفس الوقت الباب اتفتح ودخل هشام اخوهم التالت وهو بيقؤل بصوت عالي :

ازيكم يا اللي هنا 

دخلت مريم وهيا بتقؤل بقلق :

ايه يا هشام كل ده بتجبلي كارت شحن ؟

هشام مد ايده بالكارت وهو بيقؤل بكدب :

ممفيش اصل قابلت واحد صاحبي ووقفني وقعد يتكلم معايا شوية 

مريم بصتله بسخرية وقالتله :

صاحبك برضه ولا قولت تخلص السيجارة قبل ما تطلع ،، عارف لو ماما شمت خبر هتق*طع خبرك 

هشام قرب من مريم وكتم بؤها وهو بيقؤلها بضيق :

ايه هتف*ضحيني يخرب بيتك،، اوعي تقؤلي لامك انتي فاهمة ،، انا اخوكي الكبير ولازم تسمعي كلامي 

مريم بصتله بضيق وقالت وهيا بتروح ناحية البلكونة بتليفونها :

والله الكبير ده يبقي قدوة وبعدين دول هما سنتين عمي يعني المفروض بقي انت كمان تحترمني 

بصلها هشام بقر*ف وقالها :

احترمك كمان ده انتي بتحلمي 

مريم اتجاهلت كلام هشام وشحنت الرصيد وكلمت باسم اللي لقت تليفونه مقفول فنفخت بضيق وقالت :

يوووه يا باسم ،، قافل تليفونك ليه بس 

هشام قعد ببرود وقالها :

هو مرجعش من الصبح  ،، غريبة مش عادته يعني 

مريم وهيا بتبص يمين وشمال من البلكونة :

لا وكمان متصلش بيا ،، ما تنزل تشوفه كدة قبل ما ماما تصحي وتعرف انه مرجعش ،، انت عارف هتقلق عليه اوي وتفضل تعيط 

قام هشام بنفس بروده ورد وهو داخل اوضته :

مليش فيه انا داخل انام ومحدش يصحيني ابداا 

مريم بصت علي هشام بضيق ورجعت تاني ترن علي باسم

..............................

وقف باسم العربية فجأة وبص لريم وقالها بغضب وصوت عالي :

لا ده انتي بتستهبلي بقي ،، ده سابع مرة نعدي من نفس الشارع وتقوليلي قربنا وفي الاخر تقوليلي  لا مش هنا ،، انا مواريش غيرك ولا ايه 

ريم بصت لباسم بحزن ودموعها اتجمعت في عيونها وفجأة بقت تعيط جامد اوي وباسم غمض عيونه بغضب وبعدين فتحها وهو بيقؤل بهدوء :

ريم انا اسف بجد مقصدش اتعصب عليكي بس حقيقي يعني انا تعبت من كتر اللف وانتي مش عارفة انتي ساكنة فين ،، خلاص طيب اهدي 

ريم بصتله بدموع وقالتله بشحتفة :

انا نسيت انا ساكنة فين ومش عارفة وجعانة اوووي وانت بتزعقلي وانا زعلانة منك ومخاصماك ومش هكلمك تاني ابدااا وفجأة فتحت باب العربية ونزلت تجري وباسم اتصدم من اللي عملته ونزل هو كمان وجري وراها عشان يلحقها وهو من جواه خايف عليها بجد وبعد شوية عرف يقرب منها فشدها من ايديها عليه فخب*طت ريم في صدره وحاوطها باسم بايده عشان متهربش منه وريم بقت تصرخ وتعيط وتقوله باندفاع :

ابعد عني انت وحش وانا مبحبكش ،، 

باسم فضل يتكلم كتير عشان يهدي ريم وبعد محايلات سكتت وسكنت بين ايديه وهيا ساندة براسها علي صدره وباسم اتنهد بتعب وقالها  :

ريم انا اسف بجد ،، مكنتش اقصد اني ازعلك ،، واوعدك اني مش هزعقلك تاني ابدا ،، ها خلاص مسامحاني 

ريم حركت راسها وهيا لسة سانده  علي صدره وبعديها نامت فجأة ولحقها باسم قبل ما تقع وشالها ورجع بيها العربية وهو بيدقق في ملامحها البريئة وطفولتها اللي خط*فته ولاول مرة يحس باسم بقلبه بيدق بالطريقة دي وابتسم وهو باصصلها واول ما وصل العربية دخلها وساق علي بيته وكان هو ده الحل الوحيد عنده

...............................

دخل باسم شقته وهو شايل ريم وسمع شهقة خرجت من مريم اللي كانت مستنياه وقالتله بصدمة وهي بتقرب منه :

ايه ده يا باسم ،، مين دي ،، انت خا*طفها ؟

باسم رد بضيق وهو ماشي وبيدخل اوضة مريم  :

خا*طفها ايه انتي هبلة ،، مش كفايا عليا واحدة والنبي يا مريم نقطتينا بسكاتك ،، احسن انا مخنوق وعلي اخري 

مريم كانت داخلة وراه ووقفت قدامه وهو بيغطي ريم وقالتله بغموض : 

ماهو انا ليا حق يعني اقول كدة ،، مش شايفة اخويا الكبير داخل شايل بنت زي القمر زي دي وفي وقت متأخر زي ده 

باسم نفخ بضيق وسحب مريم من اديها وراه برة القوضة وقفلها وهو بيقولها بتنهيدة :

بصي يا مريم ،، انا تعبان اوي وعلي اخري فياريت تخلي التحقيق ده للصبح مع ماما وانا هفهمكم كل حاجة ودلوقتي بقي ادخلي نامي جوة في اوضتك واوعي تصحيها تمام 

باسم اول ما خلص كلامه ساب مريم ومشي بس لما افتكر اخوه لف وشه تاني وسألها بغموض : 

صحيح هو هشام رجع امتي انهاردة من برة 

لوت مريم وشها وقالتله بهمس وهي بتقرب منه :

جه متأخر من برة ولما بعته يجبلي كارت اتأخر تاني ولما رجع كانت ريحته سجاير وانا قفشته ولما عرف اني عرفت قالي وطي صوتك عشان مااما ،، بس انا مقولتلكش حاجة عشان انا مش فتانة ماشي 

ابتسم باسم وبص لاخته بقلة حيلة وقالها بسخرية :

لا مش فتانة خالص ،، انتي اذاعة الشرق الاوسط بس ،، خشي نامي يا مريم الله يهديكي 

رفعت مريم كتافها بتلقائية ودخلت اوضتها وهي بتبرطم :

معرفش انا ايه العيلة دي ،، يعني اخبي ومقولش ميعجبش ،، افتن واقول برضه ميعجبش ،، اعمل ايه انا يعني بعد كدة ،، اشاور ،، ده ايه الهم ده 

ضحك باسم علي برطمة مريم اخته ودخل اوضته ورمي نفسه عالسرير باهمال وبعدين اتنهد بتعب وهو بيفكر في ريم واللي حصل انهاردة كله واول ما افتكر ابتسامة ريم ،، ابتسم بتلقائية وبعدين فضل يفكر فيها لحد ما نام 

......................................

تاني يوم فتح باسم عيونه بس اتصدم واتخض اول ما لقي ريم واقفة قدامه وبتبصله واول ما شافته فتح عيونه صرخت بفرحة وهي بتسقف وبتقول بصوت عالي :

هيييييي ، انت صحيت يا عمو صح ؟

باسم اتخض وقام قعد بسرعة وبعدين نفخ بضيق وهو بيقول :

يا بنتي  سرعتيني ،، في حد يعمل كدة ،، ايه اللي موقفك كدة 

رفعت ريم كتافها بتلقائية وقالتله تيتة قالت لمريم تصحيك وانا قولتلها انا هصحيك بس لما جيتلك لقيتك  نايم خالص ومش راضي تقوم فقولت استني اما تصحي 

اتنهد باسم وقالها بنوم وهو بيشاورلها  

تخرج :

طيب روحي يا ريم وانا جاي وراكي 

ردت ريم بابتسامة وهي بتجري علي برة :

طيب يلا متتأخرش احسن هاكل من غيرك 

.......................

خرج باسم ولقي هند امه قاعدة عالسفرة ومريم وهشام اخوه وكلهم بيبصوله باستفهام فقرب منهم وقعد وهو بيقولهم بهدوء :

نفطر الاول وبعدين هفهمكم كل حاجة 

هند بصت لباسم وقالته وهي بتشاور علي ريم :

لا يا باسم تفهمني دلوقتي ،،مين دي ،، وايه اللي جابها معاك بليل وكمان جايلي وانت شايلها 

باسم رفع حاجبه وبص لمريم اللي اتوترت وقالتله وهي بترفع ايديها باستسلام :

انا مفتنتش غير تحت التهد*يد والس*لاح يا اخويا 

حرك باسم راسه بيأس وبعدين رد وقال بهدوء :

انا امبارح يدوب خلصت شغل وكنت واقف بشتري سجاير واتفاجأت بريم جاية عليا وبتسألني علي مكان بيبيع حلويات ،، وطبعا من طريقة كلامها فهمت انها زي ما انتو شايفين والمشكلة اني لفيت كتير بيها وللاسف معرفتش هي عنوانها وطبعا مكنش في حل قدامي غير اني اجيبها معايا 

هند بصت لريم اللي كانت بتاكل بحزن وصعبت عليها اوي حالها واتصدمت لما هشام رد علي باسم وقاله بسخرية :

وهو انت لازم يعني تعمل فيها هيرو وتجيبهالنا هنا واحنا ناقصين قت*لة وبعدين المفروض انك سواق يعني ياما بتشوف زي البت دي كتير ،، ايه بقي كل واحدة زيها هتجيبهالنا هنا و

هشااام ،، تعرف تخرس وتخليك في طبقك 

قالتها هند بعصبية وغضب لهشام اللي سكت وهو باصص لامه باحترام  وكملت كلامها وقالتله بسخرية :

والله لو كل الناس بتفكر زيك كدة يبقي عليه العوض ،، وبعدين لو اختك اللي كانت في الشارع كدة ،، مش كنت هتتمني ان حد ابن حلال زي اخوك يلاقيها ويحافظ عليها لحد ما انت تلاقيها ،، وبصت هند لباسم وقالتله بابستامة  :

ربنا يباركلك يابني وعين العقل اللي عملته ده ،، وان شاء الله هي هتفضل هنا معانا لحد ما نعطر في اهلها 

مريم اتكلمت وهي باصة لامها بحيرة : 

بس هنلاقي اهلها ازاي يا ماما وهي معانا هنا ؟

باسم قام واخد مفاتيحه وموبايله وهو بيقول بجدية :

انا كل ما اكون فاضي هعدي علي المكان اللي لقتها فيه يمكن يكون حد بيدور عليها ولا حاجة ،، يلا عايزة حاجة يا امي 

هند بابتسامة وهي بترفع ايديها وتدعيله بحنان :

ربنا يرزقك من وسع يابني ويريح قلبك يا باسم يارب

قامت ريم بسرعة وراحت ناحية باسم وهي بتقوله بابتسامة : 

يلا يا عمو انا جاهزة ولابسة اهو 

كلهم اتصدمو وخصوصا باسم اللي قال لريم بسرعة :

لا انتي خليكي هنا يا ريم مع تيتة ومريم اللي بتحبك ،، وانا هروح الشغل ومش هتأخر 

كشرت ريم وقالتله وهي بتمسك ايديه بلهفة :

لا يا عمو متسيبنيش ،، انا مش عايزة اقعد هنا من غيرك ،، عشان خاطري خدني معاك وهبقي شاطرة والله ومش هعيط 

بص باسم للسقف بنفاد صبر وهو مش عارف يعمل ايه في المصيبة دي واللي انقذته مريم اخته اللي قربت من ريم وقالتلها بابتسامة :

لا يا ريم خليكي معايا هنا عشان لو روحتي معاه مش هيجيب حلويات وهو جاي لكن لو قعدتي هيجيب كتير اوي 

بصت ريم بتفكير لباسم وقالتله وهي بتسيب ايديه :

طيب خلاص ،، روح يا عمو ومش تتأخر بقي 

ضحكو كلهم عليها حتي باسم اللي خرج بسرعة قبل ما تمسك فيه تاني 

بليل دخل باسم البيت بس اتفاجأ ب ..

يتبع....

لقراءة الفصل الثاني اضغط على : ( رواية ريم وباسم الفصل الثاني )

لقراءة باقي الفصول اضغط على : ( رواية ريم وباسم )

تعديل المقال