رواية تزوجت ارمل الجزء الثاني الحلقة الثانية 2 بقلم منى محمد
رواية تزوجت ارمل الجزء الثاني الجزء الثاني 2 بقلم منى محمد
رواية تزوجت ارمل الجزء الثاني البارت الثاني 2 بقلم منى محمد
 |
| رواية تزوجت ارمل الجزء الثاني الفصل الثاني 2 بقلم منى محمد |
رواية تزوجت ارمل الجزء الثاني الفصل الثاني 2 بقلم منى محمد
مدام بوسى حضرتك بتضيعى وقتك ووقتى انا معرفش حاجة عن دكتور وليد
بوسى بغضب انت كداب انت تعرف كل حاجة عنه واكيد قالك هو راح فين
المحامى بنفاذ صبر يامدام انا مش عايز اندهلك الامن انا لسة محترم انك مرات دكتور وليد فلو سمحتى اتفضلى عشان ورايا شغل .
كانت بوسى لسة هترد بس تليفون المحامى رن قفله علطول وبعدين رن تانى بص المحامى بتوتر لبوسى وقفل الفون تانى
بوسى وهيا ماشية قول لل مشغلك انى قريب هقدر الاقيه ووقتها هاخد ابنى ومش هخليه يشوفه فى حياته تانى زى ماحرمنى منه
______________________
مراد رايحة فين؟
بيسان وهى بتظبط لبسها رايحة الشغل هروح فين يعنى
مراد بغضب وهو بيشدها من دراعها انا مش قولتلك مش هتروحى يعنى مش هتروحى
بيسان بصوت عالى ده الموضوع عند بئا انا مش فاهمة انت ليه عايزنى اسيب الشركة؟
مراد بغضب قولتلك قبل كدة انى مش عايزك تختطلى برجالة وبعدين انا مش عايز كلام فى الموضوع ده تانى كلمتى تتسمع
بيسان مراد أنا مش بحب الاسلوب ده وبعدين انت ناسى ان ليا أسهم في الشركة مينفعش اسيب الشركة خالص
مراد بهدوء بالنسبة للأسهم بتاعتك فى الشركة هتبعيها ليا وفلوسك تحطيها بااسمك فى البنك
بيسان بسخرية أيوة ده انت بئا مرتب لكل حاجة بس لا يامراد انا مش هبيعلك أسهمى ولا هسيب الشركة وهروح الشغل وورينى هتمنعنى ازاى
دخلت والدة مراد على صوتهم العالى
والدة مراد بقلق فى ايه ياولاد صوتكم عالى ليه فى ايه ؟
بيسان تعالى شوفى ياعمتى ابنك مش عايزنى اروح الشغل
مراد الهانم بتعند معايا بس والله ماهيا رايحة شغل وهشوف كلمة مين الل هتمشى
بيسان بصوت عالى اهو شايفة ياعمتى
والدة مراد بس انتو الاتنين عيب الل انتو بتعملوه ده وانت يامراد ايه الاسلوب الل بتكلم بيه مراتك ده بيسان هتروح الشغل ومش عايزة ولا كلمة زيادة
مراد بااعتراض بس ياماما.
والدته مبسش يلا ياحبيبتي روحى شغلك
بصتله بيسان باانتصار اما مراد بصلها بتوعد
مراد فى نفسه بوسى كان معاها حق
تفتكروا بوسى قالت ايه لمراد عن بيسان
______________________
كانت بتمشى قدام المكتب وهيا خايفة تدخل
رغدة بتوتر ادخل ولا لا بس بيقولوا عليه صعب التعامل معاه يارب أعمل ايه هدخل وخلاص
وفعلا خبطت ودخلت فضلت واقفة شوية بس مقالهاش تقعد
رغدة بغيظ بصوت واطى اما واحد قليل الزوق صحيح
خلص احمد الل فى ايده وبصلها من فوق لتحت بقرف
احمد بهدوء اتفضلى اقعدى واقفة ليه ؟
رغدة بصوت واطى وحياة امك
احمد بتقولى حاجة؟
ردت علطول برعب لا ابدا بقولك كلك زوق والله
بعد الانترفيو
احمد انا اهم حاجة عندى الالتزام بالمواعيد واى غلطة هتتحاسبى عليها تمام
رغدة تمام يااستاذ احمد وكملت بابتسامة عريضة هو حضرتك تبقى ابن اخو مدير الشركة فعلا؟
أحمد ببرود الانترفيو خلص تقدرى تتفضلى
بعد مارغدة خرجت
رغدة اما انسان مستفز صحيح
وبعتت رسالة من تليفونها بتقول
وليد حبيبى باركلى اتقبلت فى الوظيفة صحيح وحشتنى اوى هشوفك امتى بئا؟
________________________
شمس انا بدأت اشك فى مروان ياماما ليلى تصرفاته بقت غريبة جدا
ليلى ياحبيبتي انتى اكيد ظالماه ده مروان بيموت فيكى متخليش الشك يدخل مابينكم ولا ايه يا امجد متقول حاجة
امجد بتأييد ليلى معاها حق يابنتى
فى الوقت ده جت بيسان وكان باين عليها الحزن
بيسان وهى بتحضن امجد ازيك ياعمى
امجد بحنان عاملة ياحبيبتي باين عليكى مضايقة مراد مزعلك؟
بيسان بحزن عايزنى اسيب الشركة ياعمى
جه مروان وسمع كلام بيسان
مروان ايه الكلام الفاضى ده لا طبعا انتى مش هتسيبى الشغل
بيسان بدموع لو مش عمتى وقفتله مكنتش هعرف أخرج اصلا
مسحلها مروان دموعها وحضنها بحنان اخوى
خلاص متعيطيش دموعك غالية عليا
شمس بصوت عالى وغيرة ياحلااااااوتكم انتو الاتنييين وبتحضنها كمان قداامى ولا كأنى موجوووودة
يتبع...
لقراءة الفصل الثالث اضغط على : ( رواية تزوجت ارمل الجزء الثاني الفصل الثالث )
لقراءة باقي الفصول اضغط على : ( رواية تزوجت ارمل الجزء الثاني )