رواية خادمة الصقر الجزء الثاني الحلقة الخامسة والثلاثون 35 بقلم يوستينا سامي
رواية خادمة الصقر الجزء الثاني الجزء الخامس والثلاثون 35 بقلم يوستينا سامي
رواية خادمة الصقر الجزء الثاني البارت الخامس والثلاثون 35 بقلم يوستينا سامي
 |
| رواية خادمة الصقر الجزء الثاني الفصل الخامس والثلاثون 35 بقلم يوستينا سامي |
رواية خادمة الصقر الجزء الثاني الفصل الخامس والثلاثون 35 بقلم يوستينا سامي
في بيت عساف 💪
لارا نايمة علي السرير و همس وخداها في حضنها و الدكتور بيطمن عليها و عساف و اغلب واقفين برا
عساف/ طمني يا دكتور هي كويسة
الدكتور / اه يا عساف باشا بس هي شكلها مش بتاكل الفتره دي و جسمها ضعيف فلازم تاكل و تاخد فيتامين ده
ها يا لارا اتفقنا
لارا بصتله بضعف و ماصدرتش اي صوت و غمضت عينيها في حضن مامتها اما الدكتور عساف وصله لحد الصالة
في الصالة كلهم اتلموا حوالين الدكتور
يزن بقلق/ طمني يا دكتور علي لارا هي كويسة
الدكتور / واضح ان نفسيتها وحشة اوي يا جماعة حاولوا تقربوا منها شوية و تخليها تاكل و تهتم بصحتها و لو فضلت علي الوضع اللي انا شايفه ده ودوها لدكتور نفسي
صقر بحزن /اكيد يا دكتور شكرا لحضرتك يزن وصل الدكتور
وخرج يزن علشان يوصل الدكتور و عساف قعد علي الكرسي بصمت ميختلفش عن لارا و كانهم معندهمش القدرة للكلام او المعاتبة
صقر قرب من عساف و حط ايده علي كتفه / احمد ربنا ان بنتك رجعتلك بالسلامة يا عساف
عساف بخوف بص لصقر و الدموع في عينيه / يا ترا ايه سبب صدمتها دي و شافت ايه و رجعت ازاي
كريم بدا يفهم تفكير عساف ان ممكن يكون مختار عمل فيها حاجة علشان كدة خلاها تمشي
كريم بحده / اكيد مافيش حاجة من اللي انت بتفكر فيها دي .. و بطل تتوقع السئ ده انت صعب يا اخي
خالد اتكلم برغم زعله الشديد من عساف / اهدي يا عساف بلاش تتوقع البلاء قبل وقوعه انا هدخل اعملك ليمون
و دخل خالد المطبخ و عمل قهوة و ليمون و قرر انه يعمل الاكل اللي كان بيطبخوا ليهم و هما صغيرين علشان لارا تاكل
_______________________________________________
في شقة يزن 🙈
فهد بعصبية/ بقولك ايه لو مش عاجبك طريقتي او اي حاجة غور من هنا يا عم
معاذ بعصبية / لاخر مره بقولك يا فهد اتكلم بادب والا اقسم بالله هتلاقي اي حاجة لابسة في وشك و جو البلطجة ده مش بتاعنا احنا احفاد الحديدي سامع ولا لاء
فهد سابه وراح قاعد على الكنبه وقاله بتريقه /ايوه احفاد الحديدي .. خنقتني يا معاذ .. طيب تقدر تقولي بقى فين عيله الحديد وهنتصرف ازاي عشان نوصل للبنت المخطوفه
معاذ /هتتصرف يا فهد بس بالعقل اللي انت محروم منه بقولك ايه كلم يزن وخليه يجي انا قرفت منك
ولسه فهد هيمسك التليفون يرن عليه بس اتفاجاه ان يزن بيفتح الباب هو و عز ودخل
معاذ بحده/ كويس انك جيت علشان تخلصني من الزفت ده لاني هضربه
فهد بحده/ تضرب مين .. ده علي اساس اني هسكتلك
عز استغراب من طريقة كلامهم قالهم / استهدوا بالله
يا جماعه مالكماحنا اصلا جايين نقولكم ان لارا رجعت البيت
فهد و معاذ بفرحة بصوا لبعض
معاذ / ده بجد طب انا عايز اروح اطمن عليها
يزن مسك ايده / بلاش .. صقر قالي امشوا دلوقتي لحد ما تهدي . هي في الاوضة حالتها صعبة اوي و خالد و كريم و عمي صقر معاهم
فهد بغيظ / طب علي الاقل قولنا رجعت ازاي و شكلها عامل ازاي يا يزن طمنا يا اخي
يزن قعد علي الكرسي بتعب / انا نفسي مش مطمن علشان اطمنكوا .. اول مره اشوف لارا و هي ضعيفة بالشكل ده و سبحان الله عساف شبها بالضبط و كانهم نسخة في كل حاجة حتي في زعلهم
عز بحزن / انا اول مره اشوف عساف كدة .. دايما بشوفه و هو بيعرف يفكر و يخطط في اقوي المشاكل و اخرها مشكلة فهد بس المره دي هو مستسلم بطريقة ترعب
معاذ بحزن / يبقي علشان كدة بابا خلاكم تمشوا علشان لو انهار ميبقاش قدام حد .. انا عارف صقر كويس بيفكر ازاي .
و فاجاه سمعوا صوت وعد و هي عمالة تصرخ /يا جماعة حد يخرجني من هنا ارجوكوا
معاذ بصلهم / اعتقد خلاص لارا رجعت يبقي نمشي البنت دي من هنا
يزن تبتسم بتريقة/ والنبي ده علي اساس اننا عارفين هو عملوا ايه في لارا
معاذ بصدمة / حتي انت يا يزن.. طب فهد و طايش لكن انت هتاخد حقك من بنت
يزن قلم وقف بعصبية / لا يا حبيبي مسمهاش كدة اسمها انها طرف الغيط اللي هعرف اجيب بيه عاصي و مختار و اخد حقي منهم كويس اوي
فهد ببتسامة نصر / ايوة كدة يا يزن ..و بما انك موجود هنا انا كدة اطمنت انا هروح الفيلا اقولهم ان لارا رجعت و اطمن عليهم . سلام
وخرج فهد من الشقة اما يزن و عز و معاذ فضلوا موجودين .
_______________________________________________
في اوضة لارا ❤️
خالد بهزار/ و بعدين معاكي بقي ده انا وقفت بنفسي وعملتلك الاكل ده طب لعلمك بقى كارما لو كانت موجوده كانت ضربتك لانها بقى لها فوق الاسبوع بتطلب مني الاكل دوت وانا مش عايز اعمله
كريم وهو قاعد جنب لارا / لا لا احنا مش قد كارمن بنتك وعمايلها اصلا بنتك بتغير من لارا و احنا عارفين الموضوع دوت
خالد بهزار./ كريم راعي انها بنتي برضو هاا خد بالك
و اخد خالد معلقة و بدا ياكل لارا اللي كانت بتستجيب معاهم بصعوبة و اكلت حوالي 3 معالق و نامت و منغير ما تتكلم معاهم ابدا و سابوها تنام و خرجوا برا الاوضة .
________________________________________________
في الصالة ☺️
همس جريت عليهم / اي يا خالد اكلت اي حاجة
خالد / اه يا همس اكلت بس بسيط اوي .. اطمني هي نامت شوية
همس سابتهم و دخلت الاوضة تطمن علي لارا و خالد ساب اكل على الترابيزه واخد موبايله وقال لصقر / انا همشي بقى يا صقر عشان اطمن على نغم و و العيال
صقر باستغراب / تمشي ايه يا خالد ده عساف جوه قاعد في اوضه المكتب حالته صعبه جدا ورافض يتكلم او حتى ياكل لازم تقعد معانا عشان تواسيه
خالد بغل / اسمع صقر انا جيت معاكوا عشان اطمن على لارا لاني بعتبرها زي بنتي لكن عساف ميفرقش معايا وكنت حالف بعد اللي حصل لنغم اني لو شفته هموته ومسكت نفسي
كريم بحده / يعني انت شايف ان ده وقته وبعدين هتقارن ايه بايه نغم اللي مشيت بمزاجها وراحت قعدت في اوتيل لكن لارا كانت مخطوفه
خالد بتريقه / والله يعني لارا مهربتش من البيت وبمزاجها برده... ايه بقي الجديد يعني عشان مختار كلمه في التليفون وهدده طب ما هو كلمني انا كمان امال انا ايه اللي رجعني من ايطاليا
صقر بصدمة / انت بتقول ايه .. مختار هو اللي كلمك
خالد بغيره و غيظ / اه الواطي كان بيهددني بيها شوفت يا صقر قولتلك اللي زي مختار ده حلال في الموت .. قولتلي لا منوسخش ايدينا اديه راجع تاني يخرب كل حاجة
صقر بحزن / طب ما كل اللي بيحصل دلوقتي بسببك
بسبب اللي عملته من عشر سنين ولا ناسي
خالد بعصبية خبط التربيزة برجله/ يووه هو انا هفضل اتحاسب علي حاجة عملتها من عشر سنين طول عمري .. اسمع لو اللي عملته زمان كان غلط فيكفيني ان نيتي كانت خير
و لسه خالد هيخرج من باب الشقة لقه صقر بينادي عليه و بيقوله / استني انا عايز اعرف مختار لما كلمك قالك ايه .
خالد بصلهم بوجع / قالي الحق مراتك و اوصلها قبل ما اوصلها انا
و خرج خالد من الشقة و هو موجوع جدا ان في ذكريات اتفتحت تاني اما صقر حط ايده علي راسه و قعد علي الكنبة يشتم و يسب في مختار
________________________________________________
في فيلا الحديدي
في اوضة فهد و نسمة
فهد بعد ما طمن العيلة علي لارا دخل اوضته لقه نسمة في الحمام و كانت بتعبانة اوي و بترجع
فهد بخوف / اي ده في ايه .. مالك يا حبيبتي انتي كويسة
نسمة كانت قاعدة في الارض بتعيط / لا يا فهد مش كويسة ابدا .. انا تعبانة اوي و حاسة بطني بتتقطع
فهد بقلق / طب اهدي يا نسمة .. قومي معايا اغسلي وشك ممكن تكوني اخدتي برد في معدتك
و رفعها فهد من علي الارض و غسلها وشها و اخدها للسرير و نزلها براحة و غطاها بسرعة و جبلها مسكن فهد قعد ورا ضهرها بحب و قرب البرشام من بوقها / خدي حبيبي الدوا ده و هتبقي كويسة .. يلا متخفيش اكيد مش هسمك دلوقتير
و اخدت نسمة العلاج و كانت ساندة علي فهد اللي ضمها بخوف و بدا يتكلم بهزار / اول مره اشوفك بتتوجعي اوي كدة والله صعبانة عليا.. بس غريبة طلع عندك دم و بتحسي
نسمة بصتله بغيظ لكن من تعبها مقدرتش تعمل حاجة و ده ضحك فهد اوي و شدها في حضنه اكتر علي السرير
فهد/ لا ده شكل التعب ده هيفيدي اوي الفتره الجاية يعني هشتم زي ما انا عايز منغير ما تردي مش كدة
نسمة حطت ايديها عليه و بتحضنه علشان تروح في النوم و بعد اقل من خمس دقايق راحت فعلا في النوم في هدوء و فهد كان بيبصلها بحب
فهد بيكلم نفسه/ معقول ربنا سبب كل الاسباب دي علشان تكوني في الاخر مراتي و في حضني كدة يا نسمة . اه لو تعرفي انا بحبك ازاي و بخاف عليكي
و قرب فهد و باسها من راسها و قرب منها و نام
_______________________________________________
رجع عاصي الفيلا و تامر كان بيسنده و اتصدموا اول ما شافوا ان مافيش رجالة علي الباب و باب الفيلا مكسور
عاصي بخوف ساب تامر و جري علي جوا و هو ماسك مكان الجرح / وعد .. انتي فين وعععععد ... يا دادة .. يا دادة
دادة خرجت و هي بتعيط / كويس انك جيت يا عاصي بيه . الست وعد اتخطفت وانا مكنتش عارفة اتصرف و كلمتك كتيير
عاصي بصدمة حس ان الدنيا كلها بتلف بيه حط عاصي ايده علي راسه / يعني اي اتخطفت مين اللي هيعمل كدة اكيد هو مختار الكلب هو
الدادة / لا مش مختار .. الناس دي انا شفتهم في التليفزيون ايوة عيال الحديدي انا شفتهم قبل كدة
عاصي اول ما سمع اسم عيلة الحديدي اترعب و حس انه دخل في دايره مستحيل يخرج منها بسهولة و بص لتامر اللي الصدمة كانت مسيطره عليه
عاصي /عيلة الحديدي خطفوا اختي
تامر / اهدي يا عاصي علشان نعرف نفكر و نوصل لحل
عاصي بعصبية / حل ايه اللي هفكر فيه .. ما انا رجعتلهم لارا عايزين مني ايه تاني .. انا تعبت بقي تعبت
و قعد عاصي علي الكنبة و هو حاطط ايده علي الجرح اللي الدكتور كان محظره من الانفعال احسن يتفك تاني
تامر / اهدي يا عاصي .. بس ده للاسف اللي كان متوقع انه يحصل ..بص احنا هنتصرف و انا معاك
عاصي سند علي الكنبة بضعف علشان يقدر يقف علي رجله و قال / انا هروحلهم بنفسي و لو عايزين ياخدوا حقهم مني ياخدوا لكن اختي لاااا ... تامر بالله عليك اقف جمبي انا ماليش حد
و خرج عاصي و طلع علي فيلا الحديدي و اول واحد شافه قاعد في الجنينة كان خالد و دي كانت تاني مره عاصي يشوف فيها خالد وجها لوجه
خالد بستغراب / انت مين يا ابني انت .. و ايه اللي جابك هنا
عاصي مكنش مصدق انه ممكن يشوف خالد بعد عشر سنين و قال / انا عاصي السيوفي
خالد اتصدم و استغرب جدا و كان جواه شعورين متناقضين اول شعور ان معقول ده يكون الطفل اللي شافه في الفيلا كبر و بقي راجل و هل فاكره و تاني شعور ان ده اللي ضحك علي لارا ووجعهاةو دمر حياتهم لكن قطع تفكيره و حيرته دي ..صوت عاصي و هو بيزعق .
عاصي / انا عايز اختي .. انتوا بتدخلوها ليه في حوارات هي ملهاش ذنب فيها .. هي دي الرجولة عايزين تاخدوا حقكوا ..خدوه من عمي
خالد رفع حاجبه بستغراب / طب مقولتش الكلام ده لعمك ليه قبل ما يدخل لارا في حواراتنا و انت تساعده ولا حاي تعملي فيها دكر هنا
عاصي بوجع / مكنش في ايدي القرار و اللي قدرت اعمله هو اني اهربها زي ما انا هربت .. اسمع خرجني انا و اختي من كل الحوارات دي و انا همشي من البلد دي و مش هتشوفه وشي تاني ابدا
و في الوقت ده دخلت الفيلا عربيتين الاولي كان فيها صقر و معاذ و التانية لكريم و يزن
خالد ضحك بتريقة / اهي العيلة كلها جات ...اقف بقي قدامهم و قولهم الكلام ده برغم اني واثق ان محدش تبعنا خطف اختك لاننا ملناش في الرخص ده
و خرج يزن من العربية و اول ما شاف عاصي واقف جري ناحيته و نط فوقه بغشوميه و بدا يضرب فيه بالبوكسات
يزن/ و كمان جاي لحد هنا يا ابن الكلب .. فاكر نفسك هتخرج من هنا حي ده انا هدفنك هناا
معاذ كان بيشده من فوقه / بس يا يزن سيبه هيموت في ايديك
يزن/ سبني عليه انا هكله بسناني ... ابن الكلب ده
عملتلك ايه يا وسخ علشان تعمل فيها كدة بس هي اللي غلطانة علشان امنت لواطي زيك سبني يا معاذ عليه .
تامر بعصبية/ ابعد عنه .. هو جاي هنا بنفسه اسمعه يا اخي
صقر وقف قصادهم / بس بقي .. بس انت و هو
و بص لعاصي / انت ايه اللي جابك هنا .. ايه مش خايف تخرج من هنا علي الحبس
خالد بتريقة/ او يخرج جثة و نسلمها لعمه علشان يدفنه
عاصي قام من علي الارض بمساعدة تامر / صدقني مش فارقة كتير .. لا حبس فارق ولا موت
انا اللي فارق معايا بس هي وعد هي معملتش لحد حاجة علشان تتخطف
يزن بوجع / و لارا عملت ايه علشان تعمل فيها كدة
صقر بحده / قولتلك اسكت..وعد اختك الصغيره صح
عاصي حط ايده علي وشه و عيط بوجع اول ما حس ان اخته بتضيع منه و محدش هيقدر يساعده يرجعها
عاصي قاله/ بص يا صقر بيه انا موافق علي اي عقاب انشالله تخدوني انا مكانها بس وعد لاااا ...دي اختي اللي عشت عمري كله بحميها و ببعدها عن اي حاجة في الاخر تتخطف مني لاااا. ارجوك هو انت مش عندك بنات
كريم اندهش قوي من عياط عاصي وقاله / يا ابني افهم مستحيل حد منهم يكون خطف اختك شوف مختار عمك ممكن يكون عمل كده
يزن بتريقة/ اه روح دور علي اللي خطفها و شوف عمل فيها ايه كمان .
عاصي بعصبية/ بطل لف بقي و دوران خليك راجل و خد حقك مني انا ..وانا قدامك اهو .. اختي ملهاش ذنب كل الحرس قالوا انكوا انتوا اللي عملتوا كدة
يزن بغيظ/ انا اللي ابقي راجل يا عره الرجالة
صقر / استني انت يا عاصي .. يزن انت و معاذ حد فيكم يعرف حاجة عن اخته
بص صقر ليهم عشان يشوف رياكشنات وشهم لكن يزن كان بجح ورد بمنتهى البرود/ لا معرفش حاجه عن اخته دي .. شوف يمكن طفشت مع عشيقها
صقر بص لمعاذ / معاذ انا سالتك ..رد عليا
معاذ كان متردد و لكن بص لصقر و قاله / في شقة يزن في التجمع يا صقر
صقر اتغاظ اوي و حاول انه يتحكم في غضبه و بص لعاصي و قاله / روح بيت و أختك هتجيلك
عاصي بحده / لا انا مش همشي من هنا الا و هي في ايدي ..
صقر بحده / انا مش بعيد كلامي مرتين وطالما قلتلك اختك هتجيلك يبقى هنفذ ومش معني اني بعمل كدة ان حقك بس علشان احنا مش بناخد حقنا من حريم مش زيكوا .. يلا اطلع علي رجلك بدل ما انادي الحرس يرموك برا
تامر/ يلا يا عاصي .. يلا
و اخد تامر عاصي بالعافية و رجعوا الفيلا و عاصي كان مرعوب علي اخته و دايما حاسس انه فشل في حمايتها
في الجنينة 👏
صقر بص لمعاذ ويزن وقالهم بحده/ انتم الاتنين قدامي
على المكتب
وبص لخالد وكريم وقال بعصبيه / وعللا الله اشوف حد فيكم دخل المكتب ورايا .
ودخل صقر ومعاه معاذ ويزن الفيلا
في جنينه
كريم بص لخالد بقلق / تفتكر اخوك هيعمل فيهم ايه
خالد بضحك / هيشلوحهم بس يستاهلوا ...اي ده استني اناديه فهد علشان يبقي بالمره
كريم / انت بتهزر يا خالد ..هو ده وقته
خالد بجديه/ بصراحة يستاهلوا شوفت عملوا ايه
ده صقر موته و سمه اللي يضرب ست او يدخلها في حوارات
كريم / ربنا يسترها بجد عليهم من عصبية صقر
______________________________________________
في المكتب 🌺
صقر كان بيبصلهم بعصبية / انتوا اللي عملتوا كدة .. يا خساره تربيتنا فيكم ..انتوا رجالة انتوا بتتشطروا علي بنت
يزن بغيظ / انت بتزعقلنا ليه مش فاهم .. ما هما اللي بداوا ولا انت مش واخد بالك بالي عملوه في لارا
صقر بص ليزن بغيظ بسبب طريقته و ردوده اللي بيكرها و قاله / هما مش زينا .. هما احقر خلق الله
هما متعبوش علشان يربوا رجالة زيكوا . و حق لارا هيرجع بس من اللي اتسبب فعلا في اذيتها مش من واحدة كانت مريضة طول عمرها يعني مش بس بتستقوا علي بنت لا كمان مريضة
معاذ / بابا لو سمحت اهدي.. انت هتتعب بالمنظر ده
صقر بحده/ فارق معاك يا كبير يا عاقل .. بالذمة انت اكبر حفيد للعيلة .. اخس عليكم انا مش طايق ابص في وش واحد فيكم
يزن بحده / عمي اسمع .. اللي حصل ده انا مش ندمان عليه انا بالنسبة ليا حرقة قلب عاصي علي اخته طفت النار اللي كانت في قلبي ..و لو رجع بيا الوقت تاتي هعمل كدة تمام
صقر بغل و بص ليزن و ضربه بالقلم بقوة
و قاله / يبقي انت تربيتك من الاول بايظة و لازم تتعاد
يزن بصله بصدمة و خرج من المكتب و هو مش شايف قدامه .
صقر بص لمعاذ / مين اللي راح و خطفها من الفيلا بتاعتهم
معاذ و هو موطي راسه / انا و فهد اللي عملنا كدا
صقر بصله بعصبية و منتهي الغل ضربه بالقلم
و قال / انت و هو .. انت و فهد مربي في بيتي بلطجية انا
معاذ بحزن و هو مازال موطي راسه / يا صقر اسمعني
صقر / اسمع ايه .. اسمع ايه يا دكتور يا محترم
اسمع انك مديت ايدك على بنت و اجبرتها تخرج من بيتها و رعبتها .. بس انا اللي غلطان اني عملت عيال زيكم انهم رجالة .. اطلع برااا غور من وشي
و خرج معاذ من الاوضة و صقر قعد علي الكرسي و هو بياخد نفسه بصعوبة و امر الحرس انهم يروحوا بيت يزن و يخرجوا وعد منه
_______________________________________________
في الجنينه كريم كان مستني لازم يخرج واول ما شافه راحله / اي يا يزن صقر عمل ..
وقبل ما يكمل كلامه لمح خد يزن الاحمر ففهم ان صقر ضربه بالقلم وقعد يضحك
يزن بغيظ / انت كمان يتضحك .. ايه الاستفزاز ده صاحبك ضربني بالقلم هو فاكرني عيل
كريم ضحك/ اه ..فاكرك كدة و الصراحة عنده حق
يزن بغيظ / عنده حق .. ليه بقي إنشاءالله بطل ضحك يا بابا متستفزنيش بقي
كريم ضحك / انا حر يلا ..اضحك اعيط اعمل اللي انا عايزه..اوعي من وشي ده قلم واحد قليل عليك اساسا
و سابه كريم و دخل لصقر المكتب و يزن قعد في الجنينة بغيظ / ماشي يا كريم شمتان فياااا
و شاح معاذ خارج و هو مكشر و قرب منه و قاله / هات مفتاح شقتك .. اخلص يا يزن
يزن/ خد الزفت اهووو .. هو انت اضربت زي ولا انا بس
معاذ بغل ضربه في كتفه / ده اللي فارق معاك صحيح مهزق . اوعي جاتكوا القرف
و خرج معاذ و يزن كان متضايق اوي و بيكلم نفسه /اشمعنا فهد مضربش يعني ما هو كان معانا ..ده افترا
______________________________________________
في بيت يزن 🌹
معاذ فتح الباب لوعد و بصله بحزن / تعالي متخفيش محدش هيعملك حاجة
وعد قامت من علي السرير بقلق و قالتله / يعني مشي مش كدة .. ارجوك مشيني من هنا انت شكلك طيب اوي والله
معاذ ابتسم / اطمني يا وعد فهد مش موجود تعالي معايا متخفيش انتي هترجعي لاخوكي
وعد ببتسامة / بجد .. والله انا هدعيلك كتير اوي يلا قبل ما التاني ده يرجع
واخدها معاذ وركبها عربيته و اول ما قعدت جمبه بصتله و قالتله / هو فعلا معاذ عمل حاجه في لارا
معاذ/ ابقي اساليه لما تروحيله .. انا اسف علشان دخلتك في حوار ميخصكيش زي ده
و اخدها معاذ و وصلها لفيلا عاصي و دخلها لجوا عاصي اول ما شافها جري عليها حضنها
وعد / عاصي كنت فين .. انا كنت خايفة عليك اوي
عاصي بص لشكلها اللي كان يوحي بضربها و بص لمعاذ بغيظ / انت ضربتها مش كدة ..
و مسكه من هدومه بغيظ / بتتشطروا علي واحدة يا .
وعد قاطعته في الكلام/ لا هو معمليش حاجة يا عاصي صدقني.. سيبه و كفاية خناق أنا تعبت
عاصي بعد عن صقر و حضن اخته و دخل بيها لاوضتها علشان ترتاح و معاذ مشي
______________________________________________
في اوضة يزن كان متغاظ جدا و ميرا قاعدة علي السرير ساكتة
يزن / قومي علشان نغور من الفيلا دي .. انا مش هقعد فيها يوم تاني
ميرا بصاله و مش بتتكلم و يزن اتغاظ منها اوي
يزن/ ايه البعيدة طرشة مش بتسمع ولا ايه.. قومي غيري هدومك علشان نمشي
ميرا وقفت قدامه و حطت ايديها في وسطها و هي بصاله بهدوء/ لا انا مش هروح معاك في حتة
يزن بصلها بستغراب / مالك يا اختي واقفالي كدة ليه
و بعدين ايه لاء دي انتي اتجننتي ولا ايه
ميرا بصوت واطي / اتعلم تتكلم بصوت واطي ولعلمك بقى طول ما انت معلي صوتك كده ومتعصب انا مش هرد عليك
و بعدين اونكل صقر قالي يا ميرا ما تمشيش من البيت وانا هسمع كلامه
يزن اتغاظ جدا وقالها بصوت عالي / تسمعي كلامه ليه بقى ان شاء الله انت مراتي انا ولا مراته هو .. ميرا ما تختبريش صبري انا على اخري
مفاجاه صقر فتح الباب وقاله/ انت بتعلي صوتك يلا في بيتي مين سمحلك بكده اصلا
يزن بتوتر / عادي يعني بكلم مراتي وانا بكلم حد غريب
صقر بتريقة / اه لا ده كان زمان انك تعلي صوتك حتى على مراتك ده ممنوع و مش في قاموسي اتعلم بقي الادب يا عديم الادب
يزن اتغاظ قوي / بقى كده ماشي يا صقر انا كده كده هاخد مراتي وامشي من البيت
صقر بحده / اسمي عمي صقر سامع ياض وبعدين عايز تمشي ده يبقى احسن حاجه انت عملتها امشي لكن ميرا مش هتخرج من الفيلا الا بمزاجي انا
يزن / ليه بقي .. دي مراتي
صقر / ايوة مراتك مقدرش انكر بس عقابا ليك علشان تتعلم الادب هي مش هتروح معاك الا لو بقيت محترم
يزن اتغاظ جدا وتعصب وقاله / اه انت بتلوي دراعي يعني طب لعلمك بقى يا صقر انا ممكن اطلقها و خليها هنا بقي العمر كله
ميرا خافت جدا من كلامه وحست انها غلطت لما سمعت كلام صقر وخصوصا انها عارفة ان يزن متسرع جدا لكن صقر بصله بتريقه
وقاله / خلاص اعملها بس ورحمه ابويا وجدي وجدتي يا يزن وانت عارف اني مش هحلف بالتلاته الا لو هنفذ لو طلقت ميرا ما هترجعلها تاني إلا علي موتي
يزن متغاظ جدا ومن غيظه خبط ايده في الدولاب وخرج من الاوضه وصقر زعق بصوت عالي وقال / لو اتاخرت بره عن الساعه 10:00 مش هتبات في اوضتك يا حضره الضابط
ميرا قربت من صقر بخوف وقالتله / تفتكر يا عمو ممكن يعمل حاجه
صقر / لا متخفيش بس هو عايز يتربي شوية لكن كريم مدلعه اوي
_____________________________________________
في اوضة فهد 🤬
دخل صقر منغير ما يخبط علي الباب و شاف فعد و نسمة و هما نايمين جمب بعض في هدوء
صقر رفع حاجبه / يا حبيبي يا حنين .. انت يلا يا فهد قوووم .. معلش يا نسمة اصحي دلوقتي
فهد بستغراب / اي ده يا صقر في ايه
نسمة بخضة / اي يا اونكل في حاجة ولا ايه
صقر ابتسم بخبث / ده في حاجات بعيد عنك .. اطلعي انتي اوضة نغم او قمر علشان عندي حوار مع فهد بس كبير شوية.
نسمة اتحاملت علي نفسها و خرجت من الاوضة و فهد كان متوتر من بصات صقر ليه
فهد بصله بقلق / على فكره انا مراتي تعبانه ومحتاجيني ابقى جنبها اصلا انا كنت عايز انزل اكشف عليها .. بص هروح و مش هتاخر
صقر بغيظ زقه لجوه و قرب من الباب وقفله بالمفتاح وحط المفتاح في جيبه و فهد كان بيبصله بخوف
فهد بقلق / المشهد ده انا شفته اخر مره لما كنا في الفيلا انا ونسمه وبعدها حصل حالات مش كويسه خالص ...انت عايز ايه بالضبط يا صقر
صقر قلع الحزام بمنتهى الهدوء و لفه على ايده وفهد كان مصدوم ايه اللي بيحصل وقاله / على فكره اللي بتعمله ده مش كويس خالص يا صقر .. هي قمر مقصرة معاك ولا ايه
صقر حاول يمنع نفسه بالعافيه انه يضحك وفجاه قرب من فهد و ضربه بالحزام و حصل
يتبع...
لقراءة الفصل السادس والثلاثون اضغط على : ( رواية خادمة الصقر الجزء الثاني الفصل السادس والثلاثون )
لقراءة باقي الفصول اضغط على : ( رواية خادمة الصقر الجزء الثاني )