رواية خادمة الصقر الجزء الثاني الحلقة الحادية والأربعون 41 بقلم يوستينا سامي
رواية خادمة الصقر الجزء الثاني الجزء الحادي والأربعون 41 بقلم يوستينا سامي
رواية خادمة الصقر الجزء الثاني البارت الحادي والأربعون 41 بقلم يوستينا سامي
 |
| رواية خادمة الصقر الجزء الثاني الفصل الحادي والأربعون 41 بقلم يوستينا سامي |
رواية خادمة الصقر الجزء الثاني الفصل الحادي والأربعون 41 بقلم يوستينا سامي
و فاجاه يزن لقي ميرا قدامه واقعة علي الارض و عمالة تلطم و تصرخ و بتضرب نفسها بجنون / انا السبب... انا السبب في موتها ... لااااا يا يزن قولي انها عايشة... ياريتني كنت اتجوزت خيري ياريتني سبته يعمل اللي هو عايزه فيااا
يزن اتصدم من رد فعلها لدرجة انه وقف قدامها و شدها من ايديها بقوة بدون وعي و خلاها تقف قدامه / انتي بتقولي ايه .. انتي بتتكلمي فعلا بجد هي صعبانة عليكي دي رمتك في الشارع دي مفرقش معاها شرفك و داست عليه
ازاي دي ام اصلا ..انتي ايه غبية مبتفهميش
ميرا بعياط / اعاا ايدي اوعي سيبني .. انا فعلا غبية علشان مشيت ورا قلبي واتجوزتك ياريتني كنت وافقت علي خيري مكنش هيحصل كل ده ليها انا اللي غبية .. اوعي سيبني انا بكرهك اوي بكرهك
و فاجاه يزن بغل زهقها و ميرا وقعت علي الارض جامد
و قرب منها و مسك ايديها بغشوميته المعتادة و قالها / انا اللي غبي علشان وافقت اتجوز واحدة معندهاش مخ زيك انتي فعلا غبية
....في الوقت ده دخلت ياسمين و عز بخوف
عز بصدمة / اي ده .. انت ماسكها كدة ليه .. ابعد ايديك عنها
يا يزن . اوعي بقولك هتكسر دراعها
يزن كان وصل لاقصي درجات غضبه و شد ميرا من شعرها جامد و قالها / ندمانة انك اتجوزتيني انا و كنتي عايزة تتجوزي تاجر سلا*ح هو ده اللي انتي ندمانة عليه . زعلانة علي مين دي بعتك يا رخيصة وقبضت تمنك ..غبية هتعيشي غبية و تموتي غبية
ياسمين زقت يزن بعيد عن ميرا/ اي ده ايه اللي انت بتقوله ده يا اخي حرام عليك .. ابعد عنها ابعد غور اطلع برا .. اطلع برا البيت يا يزن مش عايزة اشوف وشك قدامي جاتك القرف
ووقربت ياسمين و اخدت ميرا في حضنها الي كانت عمالة تصرخ لدرجة ان صوتها راح و عز قرب من يزن و زقه برا الاوضة و برا الشقة كلها
________________________________________________
في الشارع 🤬
يزن كان عمال يشتمها بصوت عالي / غبية و رخيصه
عز وهو بيزق يزن بعصبيه / انت بتضربها ليه انت غبي
يا يزن حرام عليك عملتلك ايه لكل ده
يزن بعصبيه وغيره عمت عينيه / الهانم ندمانه انها اتجوزتني انا ..كانت عايزة تتجوز خيري بتقولي يا ريته اخد مني اللي هو عايزه . قصدها انه كان اغتصبها و كل ده علشان تنقد امها .. لييه
عز / اهدى يا يزن اهدى احنا في الشارع مش شرط الناس كلها تعرف .. تعالى نروح اي مكان تعال عندي شقه حتى
يزن / لا ابعد عني انا مش طايق نفسي غور من وشي
ومشي يزن وركب عربيته وعز قلق عليه جدا ومشي وراه ولقاه راح شقته يقعد فيها
_______________________________________________
في فيلا الحديدي 💪
في اوضه لارا👀
جميله ولارا حكوا لادهم كل حاجه حصلت الفتره الاخيره لانه كان موجود في المصحه فما كانش يعرف اي حاجه
ادهم بعصبيه وغيظ/ ازاي كل ده يحصلك وانا ما اعرفش يعني ايه ما حدش يقولي
جميله / لو سمحت يا ادهم اهدي و بلاش عصبية ..
هي دلوقتي معانا و الحمدلله بخير
ادهم / يعني ايه معانا وبخير ازاي اصلا معاذ ويزن وفهد كل دول رجاله ما يجيبوش عاصي ده ويطلعه عين امه ..
انا لو كنت موجود كنت شربت من دمه
لارا بوجع / خلاص يا ادهم مشي وسافر بره مصر ومش هيرجع تاني وخصوصا بعد الورق اللي هو بعته ليا ...ده لو فضل عايش اصلا وعمه مبعتش حد يقتله
ادهم بتركيز / ورق ايه ده يا لارا وريهوني كدة
وقامت لارا من على السرير فتحت شنطه ليها وطلعت منها الظرف بس خبت الجواب اللي هو كان بعته ليها ووريته كل الاوراق اللي عاصي يبعتهم وفيهم ادانة لمختار
ادهم بصدمه / يا نهار اسود بقى كل الورق ده متهم بالسرقه والاختلاس وغسيل الاموال ايه القرف ده
ده مختار السيوفي اللي محسوب على مصر من الرجال الاعمال بتوع الخير ..ده اللي بيطلع على القنوات بيدعي الناس للتبرع وعمل الخير انا كنت عارف انه و*سخ بس مش للدرجه دي ايه ده ايه المجتمع الزباله ده يا ربي
جميله/ يا جماعه عساف لازم يعرف كل حاجه ومش هو بس وخالد وبابا ..و لازم عاصي ده يعرف ان اللعب ببنات الناس مش هين ...
لارا / لا انا مش عايزة اذي عاصي لانه اتلعب بيه زي اه كسرني بس ده كان جزائي لاني كسرت ظهر ابويا و خنت ثقته اللي عشت عمري كله بجمعها
لدرجه ان انا مش قادره ابص في وشه ..
و بدات لارا تعيط جامد بحزن وجميله قربت منها وحضنتها علشان تهديها اما ادهم اخذ الورق وقرر يروح لعساف المكتب ويوريله الورق ده .
________________________________________________
في شقة يزن
عز/ ما كفايه يا ابني سجاير ده احنا ما كملناش ساعه وانت شارب اكثر من 15 سيجاره انت اهبل يا يزن الموضوع ما يستاهلش كل اللي انت عامله في نفسك ولا فيها
يزن بعصبيه / ما يستاهلش اني اشوف مراتي بتتكلم علي راجل غيري وبتتمنى تتجوزه يبقى الموضوع ما يستاهلش مش كده يا سي عز
عز / بلاش تضحك على نفسك وتاخذ الكلام بشكل ظاهري انت عارف كويس هي قالت كدة ليه
عشان خسرت امها وما بقاش ليها اي حد في الدنيا ميرا كان عندها امل ان امها تتغير وترجع تحبها انت عمرك ما هتحس بكده لان ابوك وامك حواليك وصحابك واهلك .
يزن/ لا ما اسمهاش كده اسمها لاني عندي كرامه مش زيها بحب اي حد بيدوس عليا . عارف النهارده بس انا ندمت اني حبيتها واتجوزتها
عز استفز جدا من كلام يزن وقاله/ انت عندك حق ميرا طيبه بزياده ولو ما كانتش طيبه ما كانتش قبلت بانسان زيك بعد كل اللي عملته فيها
يزن اتصدم من كلام عز و قاله / قصدك اني زي اهلها انا كدة يا عز
عز ابتسم بتريقة / انت عارف لوحدك منغير ما اقولك و الدليل الي بجد اللي انت عملته النهاردة فيها
و فاجاه الباب اتفتح و دخل معاذ لانه كان معاه نسخة
و عز كان بلغه ان يزن متعصب جدا و قاعدين في الشقة
معاذ بضحك / متجمعين عند النبي يا ولاد والله عاملين ايه .. جبتلكوا عشاء اهوو يكش يطمر
عز اخد منه الشنطة / هيطمر يا دكتور .. هات عنك و تعالي شوف قريبك ده لان دماغه متركبة عكسي
معاذ / في ايه .. ايه اللي حصل اساسا
عز / انا هحكيك لان الاستاذ مش عايز يتكلم .. بس استني ارتاح عقبال ما اجيب الطباق من جوه علشان ناكل انا جعان اوي
معاذ هو بيمسك شنطة الاكل / لا انت هتحكيلي عقبال ما اكلم ادهم ويجي عشان نتجمع كلنا
يزن بصله بصدمه / ايه ده ادهم خرج من المصحة خلاص
معاذ وهو بيقلع الجرافته و جاكت البدله / ما هو الاستاذ لو بيسال كان عرف ان ادهم خرج النهارده يلا هات التليفون عشان اكلمه وانت عز احكيلي اللي حصل
وبدا عز يحكي لمعاذ كل اللي حصل بالتفصيل ومعاذ كان مصدوم من كم الغباء والقسوه اللي جوه يزن لدرجه انه من غيظه رمى عليه شنطة الاكل كلها
________________________________________________
عند عساف في مكتبه 😳
ادهم راحله وخلاه يشوف كل الورق اللي عاصي بعته وكان مصدوم انه عمل كده
عساف / معقول ده.. عاصي يسلم عمه بسهوله كده الواد ده فين دلوقتي
ادهم /ما اعرفش بس لارا بتقول ان هو سافر
عساف انت لازم تتصرف انت معاك كل الادله اللي بتدين مختار ده لازم يتقبض عليه بقى ونخلص العالم من شره
عساف / اهدي يا ادهم في حاجات يا ابني ما ينفعش تتاخد كده لانه مش حد قليل في البلد
ثانيا بقى وده الاهم انا عايز اثبت ان هو اللي خطف لارا عشان عيني ما تفضلش مكسوره قدام نفسي و قدام الناس وده محتاج صبر
ادهم اتضايق من كلام عساف لانه كان نفسه ياخد القرار وقتي وسابه ورجع الفيلا وقعد هو ولارا و جميلة وقتها لارا حكيتلهم عن الجواب وقالتلهم الجمله اللي مخلياها لحد النهارده مش قادره ترتاح
______________________________________________
في اوضة يزن 🔥🙊
ياسمين واخدة ميرا في حضنها و هي عمالة تصرخ بوجع و عياط و بتقولها/ انا بكره اوي.بكره يزن اوي قوليله يسيبيني يا ياسمين .. قوليلي يطلقني والنبي انا تعبت منه .. هو مجبوور عليا مش بيحبني
ياسمين/ بس يا حبيبتي اهدي والله هو بيحبك بس غبي
و قلبه قاسي والله لا انا ولا ابوه كنا كدة .. بس وحياتك عندي لاجبلك حقك منه تالت و متلت
ميرا بعياط/ انا عايزة اروح اشوف ماما.. هي ادفنت مش كدة . انا عايزة اروحلها علشان خاطري بس متقوليش ليزن علشان مش هيوافق
ياسمين / حاضر والله هعمل كدة .. وعد مني هتروحي تشوفيها انا كلمت كريم و هو جاي يا حبيبتي
و ياسمين فضلت تهديها لحد ما وصل كريم وعرف يوصل ان امها اتدفنت المدافينهم القديمه واخدها وخلاها تروح هناك وكان معاها وطبعا يزن ميعرفش اي حاجه لان عمره ما كان هيوافق
________________________________________________
في بلكونه اوضة لارا 😑
كانوا قاعدين هم الثلاثه
ادهم بحده / يعني ايه لو عايزه تعرفي سبب مشاكل العيلتين اسالي خالد الحديدي مال عمي بالموضوع ده .. وبعدين لو في مشاكل من عيله السيوفي وعيله الحديدي اشمعنا خالد يعني ده اكثر واحد بعيد عن شغل الشركات والمصانع
لارا / عشان كده انا هتجنن اكتر ناس بتشتغل في الشركه هو صقر وكريم مش بابا ولا اونكل خالد يبقى اشمعنا بابا وخالد هما اللي محطوطين في دايره الصراع دي
جميله / عندك حق يا لارا شكل الموضوع ملوش علاقه بالشغل .. ده في عداوه ما بين مختار وعساف وخالد بس ايه هي بقي .
ادهم قام من كرسيه / لا انا هاخد الجواب ده و اروح اسال خالد ..مين يجي معايا هو في اوضته دلوقتي
جميلة / اه انا هاجي معاك يا ادهم..و انتي يا لارا تعالي
لارا / بقولكم ايه ايه هدوا انتم الاثنين واقعدوا خالد عمره
ما هيقولكم حاجه ولا بابا هيقولكم حاجه
ادهم./ طب و الحل ايه بقي .
لارا / معرفش بس الاكيد اننا ممكن نعرف من عاصي
و سمع ادهم صوت تليفونه اللي بيرن بقاله كتير و رد علي معاذ اللي كان بيقوله يجي الشقة و فعلا قرر يروحلهم
_______________________________________________
في الشقة عند يزن 😤
يزن بعصبيه/ انت كمان يا معاذ شايف اني غلطان انا مش غلطان انا راجل ودي مراتي ومن حقي اغير عليها واستغرب حبها لامها بعد كل اللي عملته ده
معاذ لوهله اتوجع من كلام يزن وكانه بيحكي قصته باختلاف الاسماء لان معاذ كل يوم بيدعي لامه بالرحمه في صلاته وبيقرا لها الفاتحه برغم كل اللي عرفوا عنها الا انه حاسس انه سامحها
يزن مستغراب / انت يا ابني انا بكلمك سرحت في ايه بسالك ينفع واحده تفضل تحب امها بعد اللي عملته ده كله يا معاذ .
معاذ اتاثر اوي بسؤال وقاله / اه يا يزن يمكن كانت بتدعي ربنا ان امها تتغير وترجع تاني تحتويها ميرا عمرها ما هتتبسط باحتواء ياسمين او قمر او نغم على قد ما هتحب احتواء امها
يزن / ده غباء انا مقتنعش بالكلام ده انا احب اللي يحبني واكره اللي يكرهني وياذيني بعدين ازاي تبقى ياسمين مهتميه بيها وبتحبها وبتعاملها زي بنتها و تفكر في امها اللي باعتها ازاي فهمني
معاذ بوجع / هفهمك انا عشت طول عمري مع نغم و بتعتبرني ابنها فعلا مش بس كلام اول ما توجع هي اول واحده بتحس بيا وقمر كمان على فكره و مع ذلك دايما كنت حاسس اني وحيد من غير امي وبعد ما عرفت كل حاجه عنها بالادله ما قدرتش اكرهها وبدعي لها بالرحمه كمان
يزن اتكسف قوي من نفسه لانه فتح جرح عميق عند معاذ و بص ناحية عز اللي لقاه بيبصله بنظرات اتهام كانه بيقصد يجرح كل اللي حواليه .. و فضلوا قاعدين في الصمت ده شويه لحد ما لقوا الباب بيخبط وادهم وصل وقفلوا على الحوار ده تماما .
يزن اول ما شاف ادهم قام وحضنه
ادهم وهو بيضربه في ظهره / لسه فاكر تسال عليا يلا انت وحشتيني يا ابني قوي انا سالت معاذ عليك كتير
رجع تاني ونام على الكنبه بارهاق/ واكيد معاذ فهمك اللي انا كنت فيه ..شكلي مكتوب عليا البهدله و عدم الراحة
عز و هو بيحدف المخدة في وشه / كفايه بقى الكلام ده خلينا نحتفل بالراجل اللي لسه خارج بالسلامه وبعدين انا كمان عندي مفاجاه الصراحه .. بس لو كان فهد موجود كان موضوع اتحل
ادهم بيستغراب / فهد اشمعنا يعني تصدق ما شفتوش كان في الشركه الباشا بقى راجل وبيروح الشركه
عز / يا عم راجل مش راجل انا مليش دعوه بالحوار ده كله انا كنت عايزه اتقدم ايه فهمتوا ولا اغبيا
معاذ بملل / يا عز انجز عارفين ان انت معجب بكارمن بس عندك الجراه ان انت تروح تطلبها من خالد ولا جبان
يزن بتركيز عدل نفسه وقال / يتقدم لمين يا عنيا انت عبيط يلا انت و هو ولا ايه ..
عز اتضايق جدا من رد فعل يزن / مالك يا ابني انت بيتكلم كده ليه ايوه انا بحب كارمن وعايز اتجوزها انت بقى ايه اللي مضايقك
يزن بغل قام ومسك عز من هدومه و قاله بعصبيه/ وانت كنت بتستغفلني يلا و بتضحك عليا مش كده وطبعا تلاقيك جبت رقمها من تليفوني صح .. ما انا المغفل اللي مصاحبه مصلحة
عز الاول مره يزق يزن ويضربهم بالبوكس بغل وقاله / انا مصاحبك مصلحه يا يزن ده انا عارفك بقالي سنين و دايما في ضهرك .. ده ربنا وحده اللي يعلم اني لما شكيت ان حصلك حاجه انت ومراتك انا حصلي ايه وبعد كل ده جاي تقولي اني بستغلك عشان حبيتها .. انا بحبها بجد ولو انت مش موافق ..
يزن قاطعه في الكلام و هو بيضحك / خلاص انت قفشت ليه كده انا كنت بس بختبرك قلت ارسم عليك الدور الجد عشان اشوف رياكشنك و انك محترم نفسك معاها ولا لاء
ادهم قام علشان يضربه بغيظ / يا اخي حرام عليك سيبت مفاصلي يا يزن
معاذ/ بقولكم ايه ما تيجوا نضرب الواد ده لانه قارفني اصلا بتقلبات مزاجه دي
ادهم / اه والله هرموناته عالية اوي زيادة عن اللزوم
يزن / اتلم يا سافل منك ليه هااا
عز / انا هوريك السفالة اللي بجد بقي لاني قرفت من امك ..تعالي بقي
و اتفقوا هما التلاتة علي يزن و بداوا يضربوا فيه و كان صوتهم عالي جدا ..و بعد ما هديوا قعدوا ياكلوا مع بعض و حاولوا يقنعوا يزن انه يرجع لميرا لكنه رفض و صمم انه يبات في الشقة
_______________________________________________
في اوضة فهد و نسمة ❤️🥰
فهد كان قاعد و واخد نسمة في حضنه بيحكيلها كل اللي حصل من اول اليوم و نسمة بتضحك على طريقته و هزاره
نسمة باسته من خده / انا فرحانة بيك اوي يا فهد
عارف تتاقلم علي الشغل كدة مكنتش حاسة انك ممكن تكمل
فهد / ليه بقي مش واثقة في قدرات جوزك
نسمة / لا واثقة فيك اوي.. بس برضو متفاجاه و فخورة بيك اوي و بحبك اوي
فهد ابتسم / طب ما انا كدة ممكن يا بنت الناس هضغف اوي برضو
نسمة ضحكت جامد / طب ما تضعف حد حايشك مثلا .
طب لو قولتلك انك واحشني هتعمل ايه
فهد / هلطم علي وشي و هقولك اتلمي يا نسمة انا مش ناقص امي او الدكتورة لو عرفوا هيعلقوني و نامي يا حبيبتي و كفاية هرمونات
نسمة ضحكت بدلع / لا والله ما هرمونات بس اعمل ايه بقي ما انت بعيد عني طول اليوم و بتوحشني انا و البيبي
فهد حط ايده علي بطنها و بصلها بحب / ياااه ده انا واحشك اوي بس برضو صقر لو عرف هيعاقبني و ياخدني انام في حضنه هو
نسمة فضلت تضحك علي كلامه / طيب انا مش وحشاك ابنك كمان مش واحشك
و فهد ابتسم بحب و قرب حط ودنه علي بطنها و غمض عينه و قالها/ نفسي اغمض عيني وافتح الاقيها جات الدنيا دي يا نسمة.. لو بنت هسميها نسمة ماليش دعوة
نسمة / امممم حلو و جديد علفكره .. طيب لو ولد
فهد قام و عدل نفسه و اتكلم بسعادة/ لو ولد هسميه خالد علي اسم بابا
نسمة ابتسمت / ربنا يخليهولك بس كدة نغم هتزعل لان البنت مش علي اسمها
فهد بتفكير / اتصدقي صح يا بت يا نسمة و رضا الام من رضا الرب . خلاص يبقي نجيب واحد نسميه خالد و واحدة نسمة و واخدة نغم و كمان واحد لصقر بقي
نسمة بصدمة / هو مين لامؤخدة يعني اللي هيجيب فريق الكورة ده لا و كمان مشكل بنات علي ولاد
فهد بثقة/ انا طبعا .. انتي شاكة في قدراتي يا نسوم
نسمة/ لا انا شاكة في قدراتي انا والله يا حبيب نسوم اسمع يلا انت ..هو عيل واحد فقط سامع ولا لاء
فهد / ده في المشمش يا حلوة. و اسكتي بدل ما ازود عساف كمان علشان بحبه
نسمة بقلة حيلة / احييه هو انت كل ما تحب حد هتخلف عيل علي اسمه يا فهد
فهد ضحك و قرب منها و حضنها و باسها بحب / ما يمكن بعمل كدة علشان بحبك انتي و عايز اربطك فيا العمر كله بالعيال دي .
نسمة غمض عينيها و تاهت في كلامه و حبه ليها ..
تعالوا نسيبهم دول عيال غلابة اوي والله 🔥🤣
____________________________________________
فيلا الحديدي 💪
في الجنينة كان قاعد صقر و خالد بيتكلموا اول ما دخل عساف خالد وطي راسه وعمل كانه بيشتغل على اللاب توب
عساف قرب ناحيتهم/ مساء الخير على فكره يا صقر انا محتاج اتكلم معاك قوي وانت كمان يا خالد
خالد بس لصقر وقاله/ احنا ما فيش بينا كلام يا صقر و لازم تعرف اني لو اتكلمت هتكلم بايدي واني مش عايز العيال يشوفوه اهاليهم وهم بيتخانقوا
عساف بحده / لا يا صقر انت عارف كويس اني مبخافش ولو انت فكرت تمد ايدك هزعلك
خالد قام من على الكرسي وقال / انت اللي جبته لنفسك يا صقر .. و هترجع تعيط
صقر بعصبيه/ بس انت وهو ايه جو عيال صغيره ده فهد اعقل منكم .. وبعدين حاشرين اسمي في النص ليه ايه ما عندكوش جراءه انكم تبصوا لبعض وتتكلموا
عساف / انا عندي الجراءه يا صقر هو ما عندوش
بص انا عارف اني غلطت بس هو محطش نفسه مكاني
ما جربش يحط نفسه مكاني يا صقر
في اللحظه دي بص عساف لخالد وبدات المواجهه 🤧
عساف بوجع/ ما جربتش تحس ان كارمن مش موجوده في البيت واستغفلتك وهربت او اتخطفت والله اعلم ..... جربت تسال نفسك فين بنتي ومع مين و بيعمل معها ايه و كل ده تحت مسمى الحب
قولي يا خالد جربت تعيش حياتك كلها تربي تعلم وتزرع الثقه جوه بنتك وفي لحظه ترمي كل دوت وراها .. اه انا غلطت وكان لازم ما اعملش كده مع نغم ولا اطردها لان دي امانه انت امنتلي عليها بس
خالد بغل قرب من عساف ومسكوا من هدومه وقاله / بس ايه.. لا انا جربت ابقى مسافر بره بلدي ويكلمني واحد في التليفون ويقولي الحق مراتك بدل ما الحقها انا .. جربت اسمع كلام و*سخ من الكلب اللي اسمه مختار بسببك .. انت بقي جربت احساسي ومراتي مش موجوده في البيت ومش عارفه اوصلها ومش عارف هي مع مين و عمل فيها ..
صقر وقف في النص بينهم وبعدهم بعد بالعافيه
وقالهم / بس كفايه كده كلام وكفايه ذكريات توجع فيكم انت مراتك الحمد لله معاك وكويسه وانت بنتك كمان معاك وكويسه كفايه بقى .
عساف بص بغل وقال / لا ده انا وحياه بنتي عندي ده لاتشفه من مختار في كل ثانيه على اللي عمله فينا
طلع عساف من جيبه الورق العاصي بعده وقال / الورق ده بس لو انتشر صفقاته كلها هتبقى على الارض و اسهم الشاركات بتاعته هيبقى الله يرحمها بس ده مش هيشفعلي
خالد بكره / ايه عايز تتكلم في الماضي وتفتح ذكريات اخته وتقول ان هي كانت متجوزاني عرفي و تفضحني و تخرب بيتي مش كدة يا عساف
عساف بصله بصدمة....
يتبع...
لقراءة الفصل الثاني والأربعون اضغط على : ( رواية خادمة الصقر الجزء الثاني الفصل الثاني والأربعون )
لقراءة باقي الفصول اضغط على : ( رواية خادمة الصقر الجزء الثاني )